Rama rizgjidhet kryetar i bashkisë së Tiranës

[Brari]

Jo olldashi por dhe nje dash apo dele katundi te jete kryetar bashkie eshte 1200000 here me e dobishme se te jete aty ajo bande vampiresh sikurse edvin rama mimi bizhga e tash se fundi dhe ky krokodili sadist shalsi..
ku e ka gjetur aq te ndyre..
mjeshter eshte edvini..

nejse..

suksese sokol olldashit..

---


rd
--

Ministri i Brendshëm deklaron se qytetarët shqiptarë do të përfitojnë nga pranvera e vitit 2007


Olldashi firmos lehtësimin e vizave me BE


Ministri i Brendshëm, Sokol Olldashi, deklaroi dje se të gjithë qytetarët shqiptarë do të përfitojnë nga lehtësimi i vizave me Bashkimin Europian, duke filluar që nga pranvera e vitit 2007. Olldashi e cilësoi këtë si një nga rezultatet konkrete të luftës që ka bërë Shqipëria në luftën kundër krimit të organizuar, kontrabandës dhe trafiqeve të të gjitha llojeve. Anëtari i kabinetit qeveritar theksoi se Shqipëria ka një pozicion të kënaqshëm, pasi tashmë ajo ka nënshkruar marrëveshjen e ripranimit të emigrantëve të paligjshëm, e cila është një nga kërkesat kryesore të BE-së për këtë proces. Olldashi shprehu gatishmërinë e administratës shqiptare për të përmbushur brenda pranverës së vitit të ardhshëm kushtet për të përfituar nga kjo marrëveshje. Ne gjendemi në një pozitë të kënaqshme, për shkak të faktit se Shqipëria ka nënshkruar marrëveshjen e riatdhesimit, që është shumë e rëndësishme për kërkesat e BE-së, ndërkohë që unë besoj se do të jetë angazhimi i duhur i administratës shqiptare për t`i mbyllur negociatat brenda një afati sa më të shpejtë të mundshëm. Mund të duket optimiste që do të arrijmë t'i mbyllim këto negociata brenda vitit 2007. Nga kjo marrëveshje përfitojnë të gjithë qytetarët shqiptarë dhe jo vetëm kategori të veçanta", deklaroi mes të tjerash Olldashi. Duke u ndalur në lehtësirat që do të krijohen për qytetarët shqiptarë, ministri i Brendshëm theksoi se ato do të përqëndrohen kryesisht në shkurtimin e afatit të pajisjes me vizë, e deri tek marrja e vizave disa funksionale, me një afat të gjatë deri në 5-vjeçar. "Shkurtohet afati i aplikimit, shkurtohet afati për të marrë vizën. Ato bëhen të ripërsëritshme, në rast se nuk thyen procedurën e parë dhe në afatet shumë më të gjata. Pra, nëse ke marrë herën e parë një vizë tremujore dhe e ke respektuar brenda kritereve kohore këtë vizë, viza e dytë është në afat 6-mujore apo 1-vjeçare dhe procedon deri në një vizë 5-vjeçare. Vizat lehtësohen ndjeshëm për studentët, biznesmenët dhe për të moshuarit që mund të kenë fëmijë apo të afërm për të vizituar në vendet e BE-së", u shpreh më tej ministri i Brendshëm. Gjatë një konference për shtyp me ministrat e Brendshëm të vendeve të Ballkanit Perëndimor, zëvendëspresidenti i KE-së, Franco Frattini, ka vlerësuar individualisht rezultatet e muajve të fundit të Shqipërisë kundër trafikut dhe kontrabandës, si dhe punën e policisë shqiptare. Ai ka theksuar se strategjia e BE-së me lehtësimin e vizave është e lidhur ngushtë me sigurinë e dokumentave të identifikimit, pasaportat biometriike dhe parandalimin e krimit, kontrabadës dhe trafiqeve të çdo lloji.

Ylber Drazhi





Zëvendëspresidenti i Komisionit Europian vlerëson reformat e qeverisë "Berisha"


Frattini: Shqipëria, progres në lutën kundër krimit dhe trafiqeve


Zëvendëspresidenti i Komisionit Europian, Franco Frattini, vlerësoi dje se Shqipëria ka bërë hapa të rëndësishëm në luftën kundër krimit të organizuar, kontrabandës, trafiqeve të drogës dhe qenieve njerëzore. Frattini, gjithashtu, shtoi se arritje të rëndësishme janë bërë edhe në aftësimin e forcave policore shqiptare për parandalimin e akteve kriminale. Numri dy i KE-së, njëkohësisht edhe Komisioner përgjegjës i BE-së për Drejtësinë, Sigurinë dhe Lirinë, i bëri këto komente gjatë takimit që zhvilloi me ministrin e Brendshëm të Shqipërisë, Sokol Olldashi, i cili ishte në Bruksel së bashku me katër homologët e tij të Ballkanit Perëndimor në raundin e parë të negociatave për lehtësimin e procedurave të vizave. "Dëshiroj të vlerësoj arritjet e fundit në Shqipëri në luftën kundër krimit të organizuar, trafiqeve dhe kontrabandës me drogë, si dhe forcimin e aftësive të policisë shqiptare për të parandaluar veprimet keqbërëse. Muajt e fundit, Shqipëria ka arritur suksese të rëndësishme në këto fusha", u shpreh Frattini për median menjëherë pas takimit. Përfaqësuesi i lartë i KE-së vlerësoi gjithashtu nënshkrimin e marrëveshjes së ripranimit mes Shqipërisë dhe BE-së për kthimin e emigrantëve të paligjshëm, dhe shtoi se ky është një shembull që duhet ndjekur edhe nga vendet e tjera të rajonit. Raundi i parë i negociatave ka rezultuar i suksesshëm dhe në fund të takimit, Frattini theksoi se Brukseli ka vullnetin për të përshpejtuar kohën dhe për të lejuar hyrjen në fuqi të marrëveshjes brenda vitit 2007.

Megjithatë, ai është shprehur se një gjë e tillë është në dorën e vendeve negociatore të Ballkanit Perëndimor, të cilat, siç u shpreh ai, duhet të përforcojnë sigurinë e dokumentacionit dhe luftën kundër krimit të organizuar. Frattini theksoi se është e rëndësishme që Brukseli dhe vendet e Ballkanit Perëndimor të luftojnë së bashku emigracionin ilegal. Sipas tij, e rëndësishme, gjithashtu, është edhe lëvizja e studentëve të këtyre vendeve nëpër Europë. "Sa më shumë studentë të Ballkanit të vizitojnë Europën, aq më shumë kur të kthehen në vendet e tyre do të marrin me vete kriteret dhe vlerat europiane", ka nënvizuar Frattini, duke mos lënë mënjanë edhe çështjen e lëvizjes së lirë të biznesmenëve për shkëmbimet tregtare të Ballkanit Perëndimor dhe atyre europianë. Komisioni Europian filloi dje negociatat me Shqipërinë, Maqedoninë, Bosnje-Hercegovinën, Malin e Zi dhe Serbinë, për lehtësimin e procedurave të pajisjes me vizë për udhëtime në vendet e BE-së. Negociatat vijnë pasi ministrat e Jashtëm të BE-së i hapën dritën jeshile Komisionit Europian për fillimin e negociatave me vendet e Ballkanit Perëndimor. Sipas Komisionerit europian për Drejtësi dhe Liri, Franco Frattini, vendet anëtare të BE-së do të adoptojnë një regjim të ri vizash për vendet e këtij rajoni. Në bazë të kësaj marrëveshjeje pritet të përfitojnë një sërë kategorish të qytetarëve të këtyre vendeve, ndërkohë që pritet të ulen ndjeshëm edhe çmimet e vizave.





-----------

[Brari]

RD

-------

Olldashi: Jam i bindur në fitore

- Ç'do të thotë lehtësim i regjimit të vizave?

Në fakt unë do të doja që kjo të ishte edhe pjesa e fundit...


- Për arsye se…

Dëgjova temat që ju përmendët. Ju thatë do ketë tema të tjera, unë do të doja që kjo të ishte çështja e parë dhe e fundit, pasi është një çështje me rëndësi mjaft të madhe për qytetarët shqiptarë, çelja e negociatave dhe procedurave për lehtësimin e regjimit të vizave.


- Ju siguroj që do të qëndroj goxha në këtë pikë zoti Olldashi. S'besoj se ju keni frikë t'i përgjigjeni edhe pyetjeve të tjera?...

Jo, unë do t'i përgjigjem çdo pyetje që ju do të bëni.


- Ta nisim nga kjo. Çdo të thotë lehtësim i regjimit të vizave për qytetarët shqiptarë, diçka më konkrete?

Unë do t'ju sqaroja se procedura për vizat ose liberalizimi i vizave është përmendur si term në Samitin e Selanikut në qershor të 2003. Në atë Samit, vendet e BE-së pranuan perspektivën e integrimit të vendeve të Ballkanit Perëndimor, gjë që duhet të pasohej më pas nga disa hapa në drejtim të liberalizimit të lëvizjes së njerëzve që vijnë nga vendet e Ballkanit Perëndimor drejt vendeve të BE-së. Sigurisht, që kjo do të shoqërohej me marrëveshjet e ripranimit që këto vende duhet të nënshkruanin me BE-në


- Që Shqipëria ndërkohë e ka nënshkruar?...

Shqipëria është i vetmi vend në rajon që e ka nënshkruar dhe po e zbaton. Ky është një plus shumë i madh për Shqipërinë krahasuar me vendet e tjera për shkak të ngjarjeve të ndodhura në vende të ndryshme të Bashkimit Europian, që kanë të bëjnë me polemika të brendshme në lidhje me zhvillime të caktuara qoftë këto për Kushtetutën, për problemet që pati Franca. Pati një stepje në këtë drejtim dhe pas kësaj stepjeje erdhi nisma e zv/presidentit Fratini, e cila synon të gjejë një zgjidhje të ndërmjetme mes situatës ku ne jemi sot dhe liberalizimit të plotë. Nisma Fratini që u pranua nga Këshilli i Ministrave të Bashkimit të Europian dhe që është vënë në lëvizje, tashmë synon lehtësimin e procedurave për marrjen e vizave …


- Çdo të thotë lehtësim i procedurave? D.m.th një njeri që paraqitet sot në sportelin e një ambasade me çfarë kushtesh do të paraqitet?

Lehtësimi përfshin disa hallka. Së pari, duhet të jemi të qartë që negociatat kanë filluar vetëm politikisht, raundi i negociatave teknike do të zhvillohet në datën 13 dhjetor në Bruksel.


- Po ju pyes në vija të përgjithshme?...

Në vija të përgjithshme lehtësimi do të thotë shkurtimi i kohës së aplikimit, shkurtimi i kohës së marrjes së përgjigjes, mbajtja në tarifë konstante e pagesës që një qytetar shqiptar duhet të paguajë për vizat, tarifë kjo që nga 1 janari i 2007-ës do të dyfishohet nga Bashkimi Europian. Lehtësimi i dokumentacionit që kërkohet për të marrë një vizë dhe kalimi në një progresion i vizave. Një njeri që ka marrë një vizë njëmujore me një hyrje dhe të cilën e ka respektuar, mund të marrë një vizë të dytë 6-mujore me më shumë hyrje.


- A do të thotë një thjeshtim të numrit të procedurave të lehtësisë për marrjen e vizës?

Do të ketë shkurtim afati, do të ketë më shumë viza në një afat më të shkurtër.


- Do të ketë një kondicionim tjetër qeveria shqiptare për ta arritur këtë?

Jo. Draftmarrëveshja ne na është paraqitur nga Komisioni Europian. Është një draftmarrëveshje që praktikon pikërisht këto. Ato që qeveria shqiptare do të negociojë teknikisht do të ketë natyrisht kategoritë që do të përfitojnë nga ky lehtësim.


- Zoti Olldashi, cilat do të jenë këto kategori që do të përfitojnë nga ky lehtësim?

Kategoritë përfshijnë një listë të gjatë grupesh: të studentëve, kulturore, shkencore, zyrtare, pushteti lokal, qytetarët që kanë të afërm në vendet e BE-së, qytetarë që kanë të afërm apo familjarë të tyre si emigrantë në vendet e BE-së. Pra, prek masivisht të gjitha shtresat e shoqërisë shqiptare, mund të thuhet fare mirë që prek çdo shqiptar.


- A mund të rrezikojë zoti Olldashi që për kategori të caktuara, të cilat kanë lehtësi më shumë në marrjen e vizave, a mund të shtohet numri i tyre në Shqipëri? Nëse ka një lehtësi po themi për kategorinë e artistëve, a mund të rrezikojë që të dalin 3 milionë poetë në Shqipëri, gjë që ndodh normalisht, duke marrë çertifikata false?

Jo, kjo nuk mund të ndodhë, sepse sigurisht ka një seriozitet që kërkohet nga ana jonë dhe ky seriozitet që duhet të jetë institucional duhet domosdoshmërisht të jetë reciprok. Pra, në momentin që BE ofron lehtësimin e regjimit të vizave, ne duhet t'i përgjigjemi me gjithë seriozitetin institucional të vendit.


- Disa pyetje më konkrete zoti Olldashi. Sa do të jetë shtimi i vizave që do të jepen nën këtë regjim të ri vizash?

Nuk është me numër. Sepse nuk mund të ndodhë që Bashkimi Europian të thotë do të japin 1 milionë e 500 mijë viza, sepse mund të ndodhë, që nuk duan 1 milionë e 500 mijë shqiptarë të ikin. Nuk është çështje numri, është çështje afatesh, procedurash dhe garancish për të marrë një vizë.


- Sa mendoni se do të zgjasë ky lehtësim i regjimit të vizave për të arritur në liberalizim të plotë?

Liberalizimi i plotë i vizave do të varet nga shumë parametra të tjerë, të cilat Shqipëria duhet t'i plotësojë që ka të bëjnë kryesisht me parametra të sigurisë publike dhe të sigurisë së dokumentacionit të udhëtimit. Pasaporta shqiptare është një dokument i sigurtë, por sigurisht me standardet e reja që ka vendosur BE-ja, me dokumentacionin e udhëtimit që duhet të ketë elementë biometrikë ne do ta përmbushim këtë, besoj brenda mesit të vitit 2007.

Shpresoj që në mes të 2007-ës ne do të nisim të lëshojmë pasaportat e para me elementë biometrikë, që do të jetë një hap shumë i madh cilësor. Projekti është i përfunduar, ka mbetur vetëm tenderimi dhe menjëherë futja në prodhim.


- Po për kartat e identitetit?

Edhe për kartat e identitetit është e njëjta gjë. Projekti është i përfunduar. Pritet procesi i tenderimit. E vetmja nyje që po zgjidhim momentalisht është si do të koordinojnë këto dy projekte me njëri-tjetrin, pra si do të koordinojnë me një sistem unik informacioni, database. Një nga gjërat që vuan Shqipëria është, se ne krijojmë sisteme informacioni të pavarura, të shkëputura, të cilat nuk koordinohen.


- Një nga premtimet bazë që ju bëtë ishte bërja e kartave të identitetit kur ju fituat zgjedhjet në 2005. Pse nuk janë gati?

Është punuar gjithë vitin me projekte. Ne kemi gjetur një projekt që ishte jashtë standardeve të BE-së, sa për faj të qeverisë paraardhëse, por një gjë vlen të përmendet një moment vonese që ka qenë ndryshimi i standardeve, përmirësimi i tyre cilësor.


- Keni thënë që do i bëni para zgjedhjeve lokale?

Nuk kemi premtuar që do t'i bënim para zgjedhjeve lokale, kemi premtuar që kartat do të jenë të disponueshme, dhe kjo ka qenë marrëveshje jonë me OSBE-në, që kartat do të jenë të disponueshme përpara zgjedhjeve 2009, kur do të jetë gati edhe regjistri kombëtar i zgjedhësve.


- Ka qenë një premtim i kryeministrit Berisha, i cili tha se shqipçtarët do të votojnë me karta identiteti në 2007-ën?

Unë nuk mund t'i referohem konkretisht premtimit që ju përmendi, por ne kemi bërë të gjitha përpjekjet që t'i realizojmë kartat e identitetit, paraprakisht kemi pasur negociatat me OSBE-në dhe për ta bërë këtë proces jo një proces thjesht marketingu. Është më mirë të vonohesh pak dhe të bësh një gjë të saktë, sesa të shpejtohesh shumë dhe gjithçka të të shpëtojë nga kontrolli. Është një proces që duhet të jetë shumë i kujdesshëm dhe shumë koherent në të gjithë elementët e tij.


- Zoti Olldashi kur do të mendoni që do të fillojë kjo procedurë e re, me një regjim të lehtësuar të vizave?

Negociatat teknike, unë ju thashë që fillon raundi teknik më datë 13 dhjetor. Ju thashë që kemi vënë në zbatim marrëveshjen e ripranimit, jemi disi të avantazhuar, kemi marrë vlerësimet më pozitive të mundshme për aspektet që lidhen me sigurinë publike në vend nga zv/presidenti Fratini, gjë që u transmetua edhe përmes TV në Shqipëri. Pra, krahas reformimit që po i bëjmë ne, qoftë institucional, qoftë legal, që po i bëjmë ne aspektit të sigurisë publike, unë besoj që brenda pranverës së vitit që vjen, ne do të kemi arritur të nënshkruajmë Marrëveshjen me BE dhe të fillojmë implementimin e saj.


- Brenda vitit të ardhshëm do të fillojë implementimi i kësaj marrëveshjeje?

Brenda vitit të ardhshëm është e sigurtë që do të fillojë, unë shpresoj në mënyrë optimiste që të fillojë brenda 6-mujorit të parë.


- Kjo vlen për vizat Shengen. Po për ato vende të BE që nuk emetojnë viza Shengen, siç është Hungaria, Çekia?

Kjo do të jetë për të gjitha vendet e BE-së, me përjashtim të Mbretërisë së Bashkuar, Danimarkës dhe të Irlandës.


- Po i kthehem një problemi tjetër. A mendoni që në Shqipëri ka një problem me çertifikatat?

Absolutisht. Nuk ka asnjë problem në Shqipëri me çertifikatat. Më mirë se kushdo tjetër këtë e dinë ekspertët e PS, veçanërisht ata që kanë qenë në Ministrinë e Pushtetit Vendor më parë. Si kurrë ndonjëherë, problemi i çertifikatave këtë vit është trajtuar me gjithë seriozitetin e duhur. Do më lejoni ta trajtoj pak më gjatë për ta konsideruar përfundimisht të mbyllur. Procedurat me të cilat veprohej më parë kur PS ishte në pushtet kanë qenë: çertifikatat drejtpërsëdrejti nga prodhuesi kalonin në zyrat e gjendjes civile ku nuk mbahej asnjë inventar as për skarcitetet, as çertifikatat që për gabime humane mbusheshin keq dhe asgjësoheshin. Ne kemi bërë një procedurë tërësisht rigoroze në të gjitha hallkat ku kalon një çertifikatë, që nga prodhimi deri tek shpërndarja për qytetarët, do të thotë inventarizohet në prodhim, në magazinë, inventarizohet çdo skarcitet dhe kur themi inventarizohet themi jo vetëm në copë. Pra p.sh., 10 copë skarco, por inventarizohet me të gjitha kodet, nr e çertifikatave edhe në rastet kur në zyrat e gjendjes civile shfaqet një çertifikatë skarco apo për gabim human, kjo çertifikatë nuk asgjësohet, por regjistrohet dhe mbahet në një procesverbal të veçantë, për më tepër për herë të parë kemi futur një praktikë të re, çdo çertifikatë që lëshohet nga zyrat e gjendjes civile regjistrohet sikurse regjistrohet në pasaportë. Pra, nëse ju sot shkoni në zyrat e gjendjes civile të lagjes suaj dhe merrni një çertifikatë lindje, zyra ju jep një çertifikatë dhe në një regjistër të posaçëm çertifikata me nr 13579 iu dha zotit Blendi Fevziu në këtë datë, në këtë orë, çertifikatë lindje, martese apo familjare.


- Sa çertifikata janë?

Prokurimi ka qenë për 7 milionë çertifikata që do të mbulojnë gjithë nevojat e vitit. Nuk di të them ekzaktësisht sa janë lëvruar prej tyre


- Sa janë skarco?

Janë brenda kufirit prej 2 përqindësh që lejon kontrata.


- A ka garanci. Çerfitikatat sikurse listat po bëhen dy nga pikat më të nxehta ku opozita tenton të kontestojë zgjedhjet, madje ka deklaruar se nëse këto kushte nuk plotësohen do të rishikojë pjesëmarrjen e saj në zgjedhje. A rrezikon që këto çertifikata false të përdoren për të përmbysur rezultatin e zgjedhjeve?

Çertifikata në vetvete që të quhet një dokument, duhet të jenë të pajisura me firmën e nëpunësit të gjendjes civile dhe me urdhërin e zyrës përkatëse të gjendjes civile. Çertifikatat që ne kemi prodhuar në ndryshim nga ato të parat, kanë të shkruar njësinë bashkiake apo vendore së cilës i përkasin, pra, nuk kanë thjesht një kod numerik, të cilët qytetarët nuk mund ta interpretojnë. Pra, nëse është një çertifikatë e Bashkisë së Tiranës e Njësisë nr.7, ajo e ka të shkruar Bashkia Tiranë, Njësia Bashkiake nr.7., pra, nuk mund të përdoret. Së dyti, ju kujtoj që shumica me përjashtim të njërës, të gjitha njësitë e Bashkisë së Tiranës i drejton PS dhe zyrat e gjendjes civile në përgjegjësitë e qeverisjes vendore komandohen nga kryetarët e njësive dhe jo nga Ministria e Brendshme. Pra, nuk ka asnjë lloj mundësie që këto çertifikata të keqpërdoren.


- Po në rast se ato falsifikohen?

Nga kush? - Nga kryetarët e minibashkive?


- Jo nga kryetarët e minibashkive, nga persona jashtë tyre.

Nga do dalin çertifikatat?


- Pikërisht ky është edhe shqetësimi i opozitës.

Po ky duhet të jetë shqetësimi jonë. Çertifikatat i administrojnë ata jo ne. Së pari. Së dyti, kjo është një gjë që në themel është e paqëndrueshme është vetëm shprehje e vullnetit të Partisë Socialiste për të dëmtuar procesin. Është një vullnet që po shprehet që nga marsi i këtij viti që kur nisi loja e famsheme e udhëzimeve të Ministrisë së Brendshme, të cilat ishin të miratuara në bashkëpunim me PS dhe është përpjekja, më vjen keq ta them, e një njeriu që kërkon të njesojë fatin e tij politik me fatin e gjithë shqiptarëve. Ne nuk kemi asnjë lloj mendimi apo dëshire për ta lënë ta bëjë këtë gjë.



- A ka mundësi që këto çertifikata të vulosen me një vule speciale të Komisionit Qendror të Zgjedhjeve?

Kjo është diçka që në themel nuk përbën asgjë. Para pak javësh, opozita paraqiti 40 amendamente dhe zoti Bufi doli dhe tha se kemi hedhur në shqyrtim 40 amendamente, sigurisht nuk presim të miratohen të gjitha, por ne duam të miratojmë atë pjesë që ne konsiderojmë themelore. Në mbledhjen e Komisionit të Ligjeve, zotërinjtë braktisën komisionin dhe ne miratuam amendamentet e PS-së. Sot, që në mëngjes Partia Socialiste paralajmëroi se nuk do të shkojmë në seancë dhe nuk do të miratojmë amendamentet, që ata vetë i kishin paraqitur. Pra, kjo është një lojë që kërkon të dëmtojë procesin.


- Po nuk ka asnjë konsensus, p.sh, siç është dhe kjo e çertifikatave?

Ka një logjikë në mënyrën e gjërave që kërkohet të përmbushen. Duke iu referuar raportit të OSBE/ODIHR të zgjedhjeve të kaluara ne kemi një rekomandim të vetëm, procedurën për listat dhe nuk ka asnjë gjë tjetër, as çertifikata dhe as gjëra të tjera. Në letrën e OSBE-së problemi i çertifikatave është konsideruar i mbyllur. Ajo që kërkojnë socialistët është amendimi i Kodit Zgjedhor, i kodit të vitit 2005, i cili është i vetmi kod i miratuar me konsensus.

Ne ia miratuam opozitës amendamentet në komision dhe ata që në pikë të mëngjesit thonë që nuk vimë në seancë.


- Ju a jeni në rregull me listat zoti Olldashi?

Ne me listat, për pjesën që na përket, jemi tërësisht në rregull. Madje, ne pranuam dhe eleminimin e regjistrit të përkohshëm.


- Pse nuk i keni publikuar akoma listat e votuesve?

Publikimi i listave nuk është detyrë e Ministrisë së Brendshme, është përgjegjësi e njësive të qeverisjes vendore.


- A e kompromenton kjo vonesë procesin elektoral në përgjithësi?

Absolutisht jo. Lista e zgjedhjeve të vitit 2005, në tërësi është konsideruar një listë e mirë, ka patur defekte të vogla, por ka qenë e mirë. Është punuar mbi të për eleminimin e regjistrit të përkohshëm, i cili është eleminuar tashmë. Dhe mbi këtë rezultante po punohet për të bërë disa ndryshime që përfshijnë ata qytetarë që kanë mbushur 18 vjeç dhe gëzojnë të drejtën e votës në këto zgjedhje, si dhe të gjithë ata, të cilët që nga korriku 2005 e deri më sot, për fat të keq, kanë ndërruar jetë.


- A është Partia Demokratike e gatshme të zhvillojë zgjedhje të lira dhe të ndershme?

Ne si mazhorancë, ose më saktë ekzekutivi, është angazhuar që të zhvillojë zgjedhje me maksimumin e standardeve. Jemi angazhuar për t'u krijuar kushte të gjithë qytetarëve që të votojnë të lirë.


- Si ministër i Brendshëm, mund të siguroni që votat nuk do të vidhen apo keqpërdoren?

Atëherë, dispozitat e ligjit për policinë e rregullojnë shumë mirë funksionimin e kësaj trupe. Për hir të së vërtetës, policia ka reaguar mirë me proçesin zgjedhjeve të vitit 2005. Nuk është përdorur dhunë, përjashto disa raste sporadike si në zonën ku kandidonte ish- ministri i rendit apo diku tjetër.

Policia ka mbajtur një qëndrim të mirë ndaj zgjedhjeve dhe përveç kësaj është dhe ligji që nuk e lejon policinë të abuzojë. Trupa e policisë tashmë e ka profesionalizmin e duhur të kuptojë që nuk duhet të interferojë në proces.


- Nesër do të mblidhet Kryesia e Partisë Demokrarike dhe pritet të zyrtarizojë kandidatuën tuaj për Bashkinë e Tiranës. Ju vetë keni vendosur tashmë?

Sigurisht, nëse kryesia do të më japë mandatin, unë do të pranoj. Është një gjë që unë e kam deklaruar dhe rreth dy muaj më parë, që nëse mandati do të më jepet, unë do ta pranoj me gjithë dëshirë.


- Mendoni se mandati do t'ju jepet?

Shpresoj që po.


- Pse keni vendosur të lini mandatin e ministrit të Brendshëm për të kandiduar për Bashkinë e Tiranës?

Nuk do doja të bëja komente për sa kohë edhe një forum i caktuar, si Kryesia e PD-së, nuk e ka thënë fjalën e fundit. Për çështje etike nuk dua të bëj komente.


- Gjithsesi ju vetë keni marrë vendimin për të kandiduar nëse Partia Demokratike do ju kandidojë. Pse jeni i gatshëm apo pse jeni vënë në dispozicion të Kryesisë së PD-së?

Unë nuk jam vënë në dispozicion të Kryesisë së PD-së, por nuk do doja që të përdorja emisionin për fushatë elektorale.


- Nëse Kryesia do t'ju caktojë ju si kandidat për Bashkinë e Tiranës, a do tërhiqeni nga posti i ministrit?

Unë do të bëj veprime në përputhje me moralin tim, dhe ju siguroj, që morali im është i ndryshëm nga ai i haxhipishmanit të Bashkisë.


- Që do të thotë se ju do të tërhiqeni?

Kjo do të thotë që në një afat shumë të afërt, unë do të bëjë publik çdo lëvizje.


- Kandidimi juaj a ju detyron të lini dhe mandatin deputetit?

Detyrimi ligjor është që unë të lë mandatin e deputetit, kjo sanksionohet në Kodin Zgjedhor. Ndërkohë, që nuk kam detyrim ligjor të lë postin e ministrit. Por mandatin e deputetit do e lë.


- A e kompromenton në rastin tënd, faktin që një ministër i Brendshëm do të kandidojë për Bashkinë e Tiranës?

Kjo është një pyetje hipotetike dhe unë s'dua të jap një përgjigje që mund të jetë hipotetike.


- Prapë si ndodh që lini postin e ministrit për Bashkinë e Tiranës?

Unë kësaj pyetje mund t'i përgjigjem pa vështirësi. Unë nuk e kam të vështirë që ta shoh postin politik si mekanizëm karriere të vetëm. Sigurisht pjesëmarrja në politikë përfshin karierë dhe ambicie, këto s'kanë pse mbahen të fshehura, por nuk është vetëm kaq. Pjesëmarrja në karriere ka brenda princip dhe një pasion.


- Që do të thotë?…

Do të thotë që duhet të ketë përgjigje për disa përse. Dhe pavarësisht se në politikë njerëzit duhet të bëjnë disa gjëra me shpirt dhe jo me llogari.


- Në dy vitet e fundit vetëm ju jeni duke bërë gjithçka me shpirt?

Nëqoftëse i referoheni Shijakut, unë fitova.


- Pavarësisht, ishte një fushatë me kosto të madhe?

Unë ruaj kujtimet më të mira dhe ishte për mua një fushatë shumë e këndshme. Nuk ka patur as kosto. Ajo ka qenë një periudhë e mirë pune dhe kontaktesh, që në fund rezultuan me sukses.


- Ju shqetëson fakti që keni përballë kryetarin e Partisë Socialiste. Që është dhe numri një i koalicionit të majtë?

Është bërë numri një ai…?


- Gjithsesi është kryetari?

Ky është elementi i fundit që unë marr në konsideratë.


- Zoti Rama është një kandidat i fortë?…

I fortë apo i dobët, kjo mbetet për t'u parë.


- Gjithsesi është dy herë fitues në Tiranë?

Mos ta hapim atë thes zoti Fevziu se po ta hapim, zoti Rama do të dalë që asnjëherë nuk ka qenë fitues.


- Ju shqetëson fakti që jeni përballë tij, ose që do të jeni përballë tij?

Absolutisht. Këtë pyetje duhet t'ia bëni atij kur ta keni në studio. Unë kam treguar që nuk kam asnjë shqetësim.


- Besoni se do fitoni?

Unë nuk besoj, jam i bindur.


- Që do të thotë që do të kandidoni?

Nëqoftëse do të më jepet mandati nga Partia Demokratike.


- Shpresoj që në një emision tjetër do t'u përgjigjeni më shumë këtyre pyetjeve?

Unë jam jurist nga profesioni dhe i respektoj etapat.


- A ju ka mbështetur në vendimin që keni marrë për Bashkinë e Tiranës kryeministri, Sali Berisha?

Besoj që në konsideratën e kryeministrit Berisha nuk kam qenë vetëm unë. Kanë qenë disa emra dhe besoj që në mënyrë të barazpeshuar Kryesia do të bëjë vlerësimin e gjithsecilit prej nesh.


- Pra do të ketë votim me disa kandidatë?

Po, ka disa emra.


- A është sakrificë për kryeministrin të largojë një nga ministrat më të suksesshëm të qeverisë së tij?

Nuk më përket mua të përgjigjem për këtë.


- Ka përkeqësim të rendit në Shqipëri?

Jo, ka përmirësim.


- Opozita ka deklaruar që ka një përkeqësim të rendit?...

Shqetësim i opozitës janë segmentet kriminalë që ka patur në patronazh deri para një viti. Ndërsa shqetësimi im janë qyetarët që nuk duhet të vuajnë nga këto segmente kriminale.


- Cilat janë këto segmente. A kanë patur lidhje direkte më Partinë Socialiste?

Sigurisht. Ky është një fakt që nuk pret miratimin tim.


- A ka shtim të numrit të vrasjeve të pazbuluara?

Jo. Ka një rritje të zbulueshmërisë. Sa keni që se keni dëgjuar që vrasësi iku në drejtim të paditur. Dhe kur ka ikur kjo ka qenë vetëm për dy apo tre ditë dhe më pas është arrestuar.


- Në Tiranë a ka probleme me rendin?

Jo. Ka ulje të vjedhjes së makinave dhe ulje të vjedhjeve në përgjithësi. Ka ende disa probleme me minorenët, të cilët kryejnë vjedhje të vogla, por që për shkak të moshës nuk mund të burgosen.

Kjo është një çështje që ka më shumë nevojë për zgjidhje sociale sesa për profesionalizëm nga ana e policisë.


- Cili ka qenë çelësi i suksesit tuaj në disa arrestime?

Vullneti politik. E keni dhe në raportin e fundit të Bashkimit Europian, e keni në deklaratën e zv/presidentit të KE-së, Franko Fratini. Ky është dhe një element që ka ndikuar ndjeshëm në procesin e liberalizimit të vizave.


- Po pse arrestimet më të bujshme u bënë jashtë Shqipërisë?

Sepse atje u gjenden.


- A kanë jetuar në Shqipëri më parë këta persona. Flas gjatë periudhës që ishin në kërkim?

Tre raste të bujshme kanë qenë që janë arrestuar jashtë Shqipërisë. Shumë të tjerë janë ndaluar në Shqipëri, por dhe shumë të tjerë janë ekstraduar. Ata kanë qenë në Shqipëri në kohën kur nuk kanë patur barriera, kjo ka ndodhur më shumë se një vit më parë.


- A do të ekstradohen personat që janë ndaluar jashtë Shqipërisë. Pse po vonohen?

Po, Aldo Bare është në Turqi dhe vonesat vijnë si pasojë e kohës që marrin procedurat në vendet respektive. Është diçka normale, s'ka asgjë për t'u shqetësuar.


- Cili është shqetësimi më i madh i juaji si ministër?

Ministria është një vend me shqetësime të përditshme. Shqetësim madhor kam patur se sa e aftë ishte policia të përgjigjej apo të përkthente mesazhin politik për të luftuar krimin. Ajo e ka marrë dhe zbatuar tashmë më se miri këtë mesazh.

Marrë nga TV Klan

[murik]

Envini as per kryebashkiak i Berzhites nuk ben,e jo per Tiranen.Une habitem si mund te votosh per kete njeri qe nuk la nje meter katror bosh per te luajtur femijet apo per te kaluar kohen pensionistet.Nje kaos gjigand,nje kantier qe nuk kuptohet se kur fillon dhe kur pefundon.Ndotja e ambjentit katastrofike.
Nje i droguar,nje gjysem i formuar,nje psikopat qeverisi qytetin per 6 vjet,por per madheshtine e tij jane pak,i duhen edhe nja 6 te tjera te pakten qe tja nxjerri ujt e zi Tiranes.Por mos kini merak ju nostalgjike e anarkista te llojit,ja u tregon Olldashi se si punohet per qytetin dhe qytetaret.Edin me nostalgjiket e rrjedhur dhe drogaxhi-pederat do ti dergojme te jetojne ne Pezen e Babes.
Atje mund te pini hashish sa te doni,keni edhe Rudinen.Mund te ftoni edhe Gjinushin me Ramizin.

[evertet]

Nuk eshte e lehte te rregullosh kete qytet (sepse ngeli 50 vjet ne vendnumero)

Enveri bashke me idiotet e tjere kishin llogaritur qe shqiptaret te ecin ne kembe (ose me bicikleta) deri ne vitin 3000

Problemi qendron ne TRUTE e shplare te shqiptareve te sotem, deshira per te banuar ne qender , apo pallate shumkateshe ,kjo i prish si njerez, i ben si puna e atyre pulave qe rriten ne ato (nuk me kujtohet emertimi) qe nuk kane shije

Dyhet patjeter te luftohet psikologjia e betonit, duhet te pezullohet ndertimi ne qender dhe te zgjerohen rruget, mos te derdhen ujrat e zeza ne lane , te ndertohen kanalizime drejt lumit te tiranes dhe te filtrohen ujrat e zeza (nuk kushton shume) Tirana sot mban era ***

Pallatet nuk duhen ngjyrosur por prishur gradualisht, tirana te jep pershtypjen e nje garnizoni ushtarak

[Xhuxh Xhumaku]

Panorama

Era e fushatës elektorale që ka nisur të ndihet brenda PD-së pas vendimit të kryesisë dy ditë më parë për të kandiduar Olldashin në kryeqytet është pasqyruar dje edhe në mbledhjen e radhës së qeverisë, megjithëse shumica e ministrave janë njëkohësisht edhe anëtarë të kryesisë së PD-së. Duke hyrë në mbledhje, kryeministri Berisha i është drejtuar ministrave, duke u thënë se pasdite Olldashi i kishte kërkuar dorëheqjen, ndërkohë që ishte i pranishëm në mbledhje. “Ky pasdite më thotë që do jap dorëheqjen, paradite thotë që do vazhdoj të punoj”, iu drejtua Berisha ministrave.

[Ozzy]

qe edvni rama duhet te zhduket nga ai post eshte mese i qarte.
ai punoi ne fillim vetem sa per ti hedhur hi syve te qytetarve te tiranes.

cilido person qe do te kishte ardhur ne postin e kryetarit te BT-es ne ato kohe, do te kishte filluar me siguri
nga lana, bulevardi dhe disa objekte pa leje, sepse keto athere benin muuuuuuuuuuuuuuuuuuuuuu
vetem nje idot nuk mund ti shihte ato gjera.
si nje nejri qe e kishte bere stazhin e mafies prane qeverise se nanos ai e dite shume mire se si do tja fillonte ......
por une do te thoja le ta harrojme te kaluaren (qe ne te vertete eshte shume e rendesishme .....!!!) dhe te perqendrohemi per nje moment ne te tashmen dhe te ardhmen kryeqytetit.
kush ka qene per here te fundit ne tirane (them ata qe jetojne ne perendim evrope) e ka pare me syte e vet se ne cgjendje eshte katandisur tirana.
pallate dhe objekte ndertimi pa piken e koordinimit. tamam sipas asaj fjales gjej shesh e bej pershesh.
dukej shume qarte se ato "pallatet e bukura" ishin ndertuar aq larte sa kish pasur pare ne xhep firma e ndertimit ose me mire te them se sa here kishin dale me gomone ne itali bizsnesmenet shqipetare.
pallatet nuk kishin piken e lidhjeve infrastrukturore me zonat e tjera te qytetit.

nejse per qualitetin e ndertimeve as nuk ja vlen te flasesh fare tamam si jevgjit
shumica e banorve te tiranes e kane mese te qarte tani se rama eshte nje person pa piken e vizionit dhe nuk e ka idene e administrimit ( plehrat , dritat, energjia, uji ) dhe nje njeri si puna e atit pa vizone nuk ka se cben me ne bashkine e tiranes ........tirana si kryeqyteti duhet te jete shembull per te gjithe e them ne pozitiven .......
paaftesia e rames ne komunikim dhe aktivitete sociale eshte mese a qarte dhe kati se si ai u be kryetar i ps i shkatarroi ati dhe ate pak sysmpathi qe ei kishte tek publiku i tiranes .........
pra ne myllje une do te thoja se koha per nje ndrrim eshte mese e pjekur

[Iliriani]

Bravo Olldashi , e hapi fushaten me Cilieten, per te terhequr njerezit ''te gjinjte e nenes parti''.

Shume njerez qe dhe jane me ate nuk e dine ca do bej ai me Tiranen, e vetem dihet e vuri 'Doktori' se qe ministri me i sukseshem, sic mund te kishte vene ndonje tjeter po te qe me i mire.

Edi Rama kur e mori per here te pare bashkine e pergatiti qe me pare e hodhi nje fizion te tere pa filluar fushata per Tiranen.

Sido qofte ky si trim i Doktorit do ta tundi.

Me vjen dhe keq se eshte cun i ri dhe me talent e mund te japi per vendin, po duke qene thjesht nje vegel ne duart e 'Doktorit' edhe ai do digjet nga ky edhe vendi nuk do kete ndonje dobi nga nje njeri i talentuar po per arsyen qe eshte vetem nje vegel e Doktorit e gur shahu i lojes private te Doktorit.

Edi Rama kur hyri ne loje per Tiranen hyri ne loje per lojen e tije, e kjo beri te levizte gjerat qe te ngrinte dhe veten.Edhe Nano qe me qytetar ne mendie ne lojrat politike e me i hapur.

Para me Cilieten...te joshim shqiptaret....tring e tring e dumb e dumb....e si gjithnje nje uuuulerime pershendetese nga ''Doktori'.

[Pedro]

Mua per veten time me pelqen Ciljeta, ka disa ane te mira ajo.

Me thene te drejten une kam vetem probleme me ate si bicim motoje qe ka nxjerre Olldashi: "Ma kthe kryeqytetin". Kam probleme, sepse nuk e di, se kush ja ka marre ketij kryeqytetin. Apo e ka dhene borxh dhe tani e kerkon perseri? Nese eshte keshtu, me duket shume e ndershme prej Olldashit, qe kerkon ti kthehet borxhi, dhe une jam dakort t´ia kthejne borxhin ketij, biles me gjithe interesat.

Apo mos kerkon ta kthejne kryeqytetin mbrapsht?

Nuk e di.

Megjithate mua me pelqen Ciljeta.

[Xhuxh Xhumaku]

Tani eshte nje situate krejt ndryshe me ate te '96-'97.

Piramidat jane nje kujtese e hidhur, por i perkasin relativisht te kaluares - kane kaluar 10 vjet - dhe shqiptaret e kane memorjen shume te dobet.

Edhe sikur te kete ndonje perplasje brenda, bota nuk e ka ndermend te futet, nuk e keni bere pershesh njeri-tjeteri dhe tere vendin, vetem qe te mos sjelle vale refugjatesh, te mos destabilizoje rajonin. Greqia do te perforcoje gardhin, ndersa Italia do ta kontrolloje jo vetem bregdetin, por edhe bregun edhe detin.

Shqiperia sot me pak se kurdorehere ndodhet ne vemendjen e botes; bota u mesua me kete lloj specie e cila nuk di te qeverise dhe nuk do te qeveriset.

Nderkohe politikane shqiptare, si pozita dhe opozita, do te kacafyten deri aty sa ti tregojne botes se Shqiperia nuk di e nuk eshte ne gjendje te mbaje zgjedhje, dhe krahasuar me shtetin tjeter ballkanik qe mban zgjedhjet ne janar, do te dale edhe me shume mbrapa Serbise.

Pas show-t, sa ti nxirret boja krejt vendit, e te langaraqen e qurraviten i madh e i vogel ne qeverri e opozite, do te arrijne te merren vesh, do te arrijne nje kompromis neo-dushkallare, dhe me tej vijne te mirat "pas te vjeli": antarsimi ne NATO, ne valen e trembedhjete te zgjerimit te saj, futja ne BE, mbasi te jene bere antare edhe Gjeorgjia, Moldavia, Algjeria e Libia, deri Afganistani.

[Brari]

55


Data: 11/12/2006, ora

Sjelljet e Ramës, gabim historik – ligji do ta detyrojë të paguajë pasojat



Një ditë para mbarimit të afatit zyrtar për regjistrimin e partive politike, kryeministri Berisha deklaroi se s’do të lejojë vendin të merret peng prej aventurave të papërgjegjshme të kryetarit të Partisë Socialiste. Izolimi i opozitës dhe përpjekja për të marrë zvarrë proceset politike në vend do të përballet me pasojat ligjore që parashikon kushtetuta, së pari duke paditur penalisht pushtetarët vendorë që do t’u binden urdhrave antikushtetuese të Edvinit



Kryeministri Berisha i është përgjigjur dje letrës publike të kryesocialistit, Edi Rama tre ditë më parë në lidhje me çështjen e reformës zgjedhore, se ndërgjegja e kësaj shumice në raport me këtë çështje sensitive, është e qetë përderisa ka ndërrmarë të gjitha nismat e ka qenë e gatshme për çdo kompromis me opozitën, mjaft që ai të mos binte në kurriz të Kushtetuës së Shqipërisë. Ndërsa vetë opozita e lidershipi socialist do të duhet që të shqetësohet për pasojat e këtij vendimi ekstrem për të tërhequr zvarrë vendin e për të mbajtur peng të ardhmen integruese të tij. «Qeveria është e vendosur të sigurojë të gjithë mbështetjen materiale e financiare, të bëjë të gjitha përpjekjet e nevojshme që i përkasin asaj dhe të vendosë bashkëpunim të plotë me të gjitha forcat politike për të siguruar zgjedhje të lira dhe të ndershme. Duke ndarë me ju të njëjtin shqetësim, dëshiroj t’ju përcjell bindjen time se është në rradhë të parë në interes të qytetarëve, Shqipërisë, shqiptarëve kudo që janë dhe detyrimin e qeverisë dhe të të gjitha forcave politike që zgjedhjet e ardhëshme lokale të mbahen në datën e dekretuar nga Presidenti, pra më 20 janar 2007, sikurse sanksionon Kushtetuta, ligji i parë i vendit. Është gjithashtu bindja ime se, nëse ekziston vullnet real politik, pra nëse partitë politike vendosin interesat e vendit mbi interesat partiake apo personale të drejtuesve partiakë, ne jemi ende plotësisht në gjendje të realizojmë më 20 janar 2007 zgjedhje të lira, të ndershme dhe me standarte të mira» - shkruan në letrën e tij lideri i mazhorancës. Ju në letër, shprehni shqetësimin tuaj për listat e zgjedhësve, të cilat sipas ligjit elektoral për zgjedhjet e rregullta, duhet të shpallen gjashtë muaj para datës së zgjedhjeve. Ndërkaq Berisha ka bërë një ekspoze të gjerë të sjelljes destruktive të opozitës e kryesisht selisë rozë ndaj reformës zgjedhore me paramendimin e qartë për të sabotuar zgjedhjet lokale. «Në muajin prill të vitit 2006, grupi parlamentar i PD, bazuar edhe në opinionin me shkrim të ekspertëve të OSBE/ODHIR, paraqiti në Komisionin Zgjedhor amendamentin për listat, të cilin Partia Socialiste e refuzoi dhe e bllokoi. Në muajin korrik, pikërisht gjashtë muaj para datës së zgjedhjeve, ju sërisht nuk pranuat shpalljen e listave dhe papritur, por edhe në mënyrë të habitshme, si me një rrufe në qiell të hapur, kërkuat shtyrjen e datës së zgjedhjeve vendore. Është e habitshme, sepse opozita kërkoi shtyrje zgjedhjesh gjashtë muaj para datës së tyre, ndërkohë që afrimi i tyre është qëllimi dhe interesi i saj. Natyrisht, sado që mund të ndodhë që qeverive ndonjëherë mund t’ju interesojë shtyrja e zgjedhjeve dhe zgjatja e mandateve, fatmirësisht në vendet e lira ato këtë nuk mund ta bëjnë. Kushtetuta ua ndalon këtë. Kushtetuta e Shqipërisë dhe e çdo vendi të lirë përcakton qartë rrethanat e veçanta, në të cilat mandatet e pushtetarëve mund të zgjaten. Në rast se ne gjashtë muaj më parë do të pranonim shtyrjen e datës së zgjedhjeve, ne do t’ju faktonim shqiptarëve por edhe komunitetit ndërkombëtar se, për ne mandatet tona janë mbi ligjet, shtetin ligjor dhe kushtetutën e vendit dhe se ne, si të gjithëfuqishëm sipas vullnetit tonë të “mirë”, mund të zgjasim mandatin e pushtetit tonë. Kjo do të ishte rrënim i shtetit ligjor, i parimit të kushtetueshmërisë pa të cilin demokracia nuk ekziston» - deklaron më tej Berisha, duke shtuar se vetë Rama që sot betohet e përbetohet për kompromis prej 6 muajsh, ka kërcënuar me dhjetëra herë në media me bojkotimin e zgjedhjeve duke dëshmuar kështu se ju, bllokimin e listave do ta përdornit si pretekst për t’u shmangur nga gara elektorale dhe pjesëmarrja në zgjedhje, e në këtë skemë të qartë «pa u tharë boja e marrëveshjes së 30 gushtit, socialistët bllokuat listan deri në datën që Presidenti dekretoi zgjedhjet». «Në të gjitha qëndrimet e mbajtura nga muaji prill gjer në dhjetor ndaj listave të zgjedhësve, të cilat janë hartuar nga qeveria socialiste për zgjedhjet e vitit 2005 dhe që duhet të përditësohen në rreth 2/3 e komunave dhe bashkive të vendit, nga qeveritarët vendorë socialistë del qartë se, çështja e tyre u konceptua nga ju si leva e Arkimedit për të rrokullisur procesin zgjedhor, apo si çengel për të tërehqur zvarrë votën e lirë të shqiptarëve, demokracinë e tyre dhe vet Shqipërinë. Mirëpo, vota në zgjedhjet e përgjithshme apo vendore, është e qytetarëve dhe jo e partive politike. Mendoj se, duke besuar se mund të tërhiqni rrëshanë vendin tuaj, keni veshur vehten me fuqi mbinjerëzore. Ky është një gabim historik fatal» - nënvizon kryeministri i vendit.

Sipas Berishës përveç listave, Edvini këto muajt e fundit, keni ngritur edhe çështjen e çertifikatave, ndonëse 90 përqind e çertifikatave të lëshuara në Tiranë dhe 2/3 e tyre të lëshuara në shkallë vendi firmosen nga zyrtarë të shtetit në njësitë e qeverisjes vendore që drejtohen nga socialiste. «Ju jeni ankuar pranë institucioneve ndërkombëtare dhe keni dërguar çështjen e çertifikatave në Prokurori. Institucionet ndërkombëtare kanë gjetur të pabazuara pretendimet tuaja. Në zgjedhjet e 2005 ne konstatuam se ishin shpërndarë mijëra e mijëra çertifikata, që në kundërshtim me ligjin nuk përmbanin Kodin e Zonës dhe Kodin e Zyrës së Gjendjes Civile. ODHIR dhe KQZ të gjendur para këtij fakti, vendosën që çdo njeri që do të votonte me certifikate, duhet të kishte me vehte një dokument tjetër që provonte identitetin e tij. Për këtë qëllim KQZ miratoi një listë

prej dhjetë dokumentash (si patente, diplomë, etj)» - vijon më tej ai. Sipas tij në

takimin e pak ditëve më parë mes palëve përfaqësuesit e mazhorancës propozuan rivendosjen e të njëjtit kuadër masash garancie që KQZ dhe ODHIR vendosën në zgjedhjet e vitit 2005. Përveç këtyre, ata propozuan në këtë takim dy amendamente shtesë: penalizimin me tre vjet burg të çdo zgjedhësi që do të gjendej me çertifikatë fallco; lejimin për të votuar me çertefikatë në qendrën e votimit vetëm personat, çertifikata e të cilëve përmban Kodin e Zonës dhe Zyrës së Gjëndjes Civile ku

gjendet qendra në të cilën ata votojnë. Ndërsa nga opozita erdhi e njëjta përgjigje

sipas së cilës nuk duhej që të zhvillohen zgjedhje pa u plotësuar të gjitha kushtet e vëna paraprakisht nga ajo vetë.

Re. Po.






---

Data: 12/12/2006, ora

Fatmir Kumbaro bën avokaturën për bojkotin e opozitës



Anëtari i pakicës në KQZ, Fatmir Kumbaro, ka marrë dje në mënyrë të paprecedent veprimin bojkotues të opozitës, duke sulmuar ashpër anëtarët e shumicës, se po ushtrojnë presion ndaj këtyre partive. Sipas tij, “partitë kanë detyrim vetëm kur regjistrohen si subjekt zgjedhor, atëherë do t’u kërkojmë të zbatojnë rregullat, në rast se s’janë regjistruar, atëherë ato s’kanë detyrim”



Komisioni Qendror i Zgjedhjeve ka shprehur dje shqetesimin per mosregjistrimin e partive të opozitës, në kushtet kur po dje në mesnate skadoi afati i fundit i vene ne dispozicion per kete. Ndërsa në kampin e djathtë, partite tashme figurojne te regjistruara ne KQZ. Kështu, dje është regjistruar Partia Republikane dhe Partia e Bashkimit per te Drejtat e Njeriut. Klement Zguri, anetar i KQZ dhe perfaqesues i se djathtes ne kete komision, u shpreh se regjistrimi i partive tashme eshte nje detyrim ligjor. “Kam thene ne vazhdimesi qe KQZ nuk funksionon vetem me kushte normale, por eshte nje isntitucion kushtetues qe merr vendime. Ka nje dekret te Presidentit qe, ne 20 janar, jane zgjedhjet vendore. Do t’u kujtoja partive politike qe, ne rast se konkurrimi eshte nje e drejte e tyre, regjistrimi eshte nje detyrim ligjor”, apeloi Zguri, duke kerkuar dhe sjelljen e komisionereve nga partite ne KZQV. ”Partite politike duhet te kishin sjelle perfaqesuesit ne Komisionet Zonale të Qeverisjes Vendore. Duhet te plotesojne detyrimin me ligjet. Ne rast se partite politike nuk do te sjellin komisioneret, do te na pengojne zgjedhjet dhe do te na bejne te veshtire procesin e regjistrimit te kandidateve. Une do i kerkoj KQZ qe çdo anetar te levize ne prefektura e komuna per te pare problemet dhe menyren sesi mund te zhbllokohen ato”, vërejti ai. Ndërkaq, anetari tjeter i Komisionit, Fatmir Kumbaro, njekohesisht perfaqesues i opozites ne KQZ tha se, perderisa partite nuk jane regjistruar atehere kjo nuk perben ndonje detyrim ligjor per to. “Degjova me vemendje koleget dhe shprehem se procesi zgjedhor eshte i bllokuar dhe se po ecen me shkelje te ligjit dhe kjo, jo per faj te KQZ. Bllokimi qendron qofte te lista e zgjedhesve, qe nuk eshte realizuar, por dhe tek komisioneret qe nuk kane ardhur ne KZQV. Partite kane detyrim vetem kur regjistrohen si subjekt zgjedhor, atehere do t’u kerkojme te zbatojne rregullat, ne rast se s’jane regjistruar atehere ato s’kane detyrim. U bej thirrje kolegeve te jemi sa me korrekt me ligjin”, tha Kumbaro, duke marrë në mbrojtje bojkotin e opozitës.

Re. po.