Rama rizgjidhet kryetar i bashkisë së Tiranës

[PORTI_05]

Mënyra ndryshe e ikjes së Ramës


Artur KOPANI


Edi Rama ka gjetur një mënyrë disi origjinale për të bërë dorëzimet e detyrës së tij, duke iu shmangur formave klasike të rotacionit. Pasi e la "de facto" drejtimin e Bashkisë së Tiranës me emërimin e tij si kryetar i PS-së, (edhe kjo origjinale) Rama po e dorëzon edhe "de jure" detyrën e tij. Në ditët që i kanë mbetur deri më 18 shkurt, Rama ka vendosur që kryetarit të ri të Bashkisë, Sokol Olldashi, t'ia japë gjithçka rrugëve të Tiranës. Aty, mes pluhurave të helmta, rrugëve të ndyta, në vështrimet e urryera dhe përbuzjen e qytetarëve, ai po lë dita-ditës dosjet e tij me dështime, grabitje dhe abuzime. Edhe atje ku nuk e qasin brenda, ku e përzënë dhe i hedhin mallkime për paudhësitë e tij të shumta, ai nuk ndalet së bëri dorëzimet e fundit. Mbi rrugët që iu ka zënë kolektorët dhe rrjedhin ujërat e zeza; mbi urat që iu ka vjedhur paratë dhe iu çahet asfalti një orë pas inaugurimit; në shkollat që i përuron dhe s'kanë nxënës, banga, ngrohje dhe dije; në çerdhet dhe kopshtet që i shemb për të shitur troje dhe shtuar pasurinë e tij afro një qind milion dollarëshe; anës qytetarëve që i ka grabitur, mashtruar dhe dekurajuar për të vazhduar jetën në Tiranë, Rama është duke bërë inventarin e dështimeve të tij, është duke iu përmendur qytetarëve një mijë e një qind arsyet që ata kanë për të mos gabuar për të tretën herë.

Në javën që i ka mbetur, do ta shohim Ramën në majë të pallatit të Dash Pezës për të na kujtuar se është nga ata që e përgjunj shtetin, qytetin, ligjin për mikun e tij, është nga ata që bën edhe të pabërën (shitblerje reale të rrugëve nuk është dëgjuar të ketë bërë njeri deri më sot) për interesat e tij dhe të sektit. Ai do të na tregojë edhe fotografitë me sopatë në dorë, do të na tregojë edhe filmimet mbi bunkerin e dikurshëm në ish-"Zogun e Zi", do të na tregojë shumë nga ato që ka bërë.

Si njeri i të shkuarës do të na flasë për të shkuarën dhe vetëm për të. Në këtë fushatë, të gjitha historitë e Ramës fillojnë me "kur isha unë kryetar i Bashkisë së Tiranës". Ne nuk kemi asnjë arsye të jemi të vëmendshëm dhe të dëgjojmë se si do të donte Rama që t'i bënte gjërat, pasi jo vetëm ai, por edhe të tjerët e stanit të tij që shkërmoqën pasuritë e këtij vendi në tetë vitet e qeverisjes famëkeqe të së majtës, kanë modelin "vidh e ik". Vrapi i tij për të kapur karrigen bosh të kryetarit të PS-së, përdorimi i parave të krimit për të ngritur Byronë dhe për t'u mbyllur gojën zërave kritikë brenda partisë dhe gjirit të së majtës, shpërndarja e zonave elektorale brenda vetes si ndarje plaçke mes kaçakësh që të ngopen kapot dhe të kënaqen larot, i kanë shërbyer Ramës për ngritjen e një llogoreje-strehëzë për veten dhe të ngjashmit e tij. Si edhe shumë të tjerë të sojit të hajdutëve dhe banditëve, kujdesi i tij i vetëm është se si e qysh të ruajë paratë e pista dhe interesat kriminale që krijoi.

Rama po ikën edhe "de jure", sepse nuk i ka mbetur rrugëzgjidhje tjetër që të mbajë zyrën e kryetarit të Bashkisë. Banditët e tij nuk mund të bredhin lirisht dhe të grabisin votat e qytetarëve, paratë e tij janë identifikuar me paratë e mafias dhe nuk mund të qarkullojnë më lirisht në rrugët e Tiranës, jo vetëm socialistët që patën kohë ta njohin edhe më nga afër, por të gjithë e kanë braktisur atë dhe mendjen e tij të çoroditur, që prodhon vetëm energjinë e të keqes, e cila nuk ka lënë pa prekur të gjithë ata që natyralisht ose jo i janë gjendur pranë.

Rama po ikën "de jure" dhe "de facto", në një mënyrë tërësisht origjinale, por ne të gjithë e dimë fundin e tij. Dështaku lë karrigen, ndërsa hajduti përballet me drejtësinë.

[Humdinger]

I del kallaji reformes Olldashi

Data e Publikimit: 08/02/2007

Autori i Lajmit:
A.K.

Tiranë
- Përfaqësues të organizmave ndërkombëtarë e kanë dënuar "reformën"., e ndërmarrë nga ish- ministri i brendshëm Olldashi në Polici, duke i quajtur lëvizjet që janë bërë në polici, kanë qenë tërësisht të pamotivuara dhe politike. Deklaratat e ndërkombëtarëve janë bërë dje gjatë mbledhjes së parë të Konsorciumit ndërkombëtar, i cili ka në qendër të vëmendjes luftën kundër krimit të organizuar, drejtësinë dhe sigurinë. Përfaqësuesi i Organizatës Për Sigurimin dhe Bashkëpunimin Evropian në Shqipëri, Pavel Vaçek në fjalën që ka marrë në këtë takim, përveç vlerësimeve të shumta që i ka bërë punë së prokurorisë, duke e quajtur efikase, dhe ka dënuar sulmet që i janë bërë asaj nga politika, ka komentuar edhe reformën në polici. Lidhur me këtë përfaqësuesi i OSBE shprehu shqetësim për lëvizjet e fundit ne Polici, të cilat sipas tij rrezikojnë të mos jenë bërë mbi baza kriteresh aftësie. "Ne jemi të shqetësuar pasi disa aspekte të ristrukturimit të Policisë, konkretisht rotacionet dhe uljet në grada të personelit, ndonjëherë edhe të gradave të larta, duket se nuk udhëhiqen vetëm nga kritere e përgjithshme dhe profesionale, dhe mund të mos e rrisin efikasitetin e punës së policisë", tha Vaçek. Në llogjikën e Vaçek, janë pajtuar edhe disa përfaqësues të tjerë të lartë, që kanë quajtur të pajustifikuar lëvizjen e shumë drejtuesve të lartë të policisë, dhe zëvendësimin e tyre vetëm për motive politike, gjë që bie ndesh dhe është një shkelje e madhe e ligjit për depolitizimin e Policisë së Shtetit. Lëvizjet në Policinë e Shtetit janë quajtur lëvizje për arsye politike dhe aspak profesionale, madje gjatë këtyre lëvizjeve sipas të pranishmëve në konsiorcium, ka patur mjaft shkelje duke cenuar karrierën e shumë përfaqësuesve të lartë, që janë zëvendësuara me mbështetës të partisë në Pushtet

[Humdinger]

Olldashi u pagua 2 milione dollare

Data e Publikimit: 08/02/2007

Autori i Lajmit:
Mo.Ro.


Nga 1 milionë dollarë për secilin. Kjo është shuma që brenda PD flitet se është marrë nga Olldashi për të siguruar rikandidimin e kryekomunarëve të Farkës e Kasharit

Tiranë
- Zbardhet një pjesë e burimeve të financimit të fushatës për kandidatin demokrat për bashkinë e kryeqytet, Sokol Olldashi. Paratë janë siguruar brenda për brenda Partisë Demokratike, por aspak për arsye solidariteti me kandidatin e Tiranës dhe as për zemërgjerësi. Flitet se motivet kanë qenë krejtësisht të tjera.

C'thuhet në PD dhe stafet e sekserëve

Brenda Partisë Demokratike janë të fortë zërat që konfirmojnë një pazar të vogël të kryetarëve të komunave të Kasharit dhe Farkës. Moszgjedhja e tyre sërish nga strukturat dhe forumet e partisë për të rikandiduar, ka bërë që kryekomunarët të provojnë tundimin dhe joshjen me 1 milionë dollarë secili. Thuhet se personi që i kanë bërë ofertën ka qenë pikërisht kandidati demokrat për bashkinë e Tiranës, Sokol Olldashi, mbase duke përfituar nga dëshira e këtij të fundit për të siguruar sa më tepër para për fushatë. Flitet se shuma e ofruar ka qenë bindëse për kandidatin dhe ky më pas ka ndërhyrë më lart, për të siguruar mbështetjen e krerëve si dhe të kryesisë për rikandidimin e kryetarëve të komunave të Kasharit dhe të Farkës.

Nuk u rikandiduan nga strukturat

Kryetari i komunës së Kasharit, Faik Fejzo dhe kryetari i komunës së Farkës, Fatbardh Plaku nuk janë zgjedhur nga strukturat e Partisë Demokratike për të rikandiduar për një mandat tjetër. Brenda partisë thuhet se më shumë se vullnet i strukturave, ky ka qenë një vendim që është marrë nga sipër për të ndikuar edhe tek nëndegët e PD në Farkë dhe Kashar. Madje flitet se vendimi ka qenë i prerë nga ana e vetë kryetarit të partisë, në kohën kur nisi përzgjedhja e kandidaturave për zgjedhjet e pushtetit vendor.

Korrupsioni qe shkaku

Abuzimi me tokat, por edhe lejet e ndërtimit dhe një sërë shkeljesh të tjera kanë patur për autorë pikërisht dy kryekomunarët e Farkës dhe Kasharit. Madje në këto vite rastet kanë qenë kaq të shumta dhe të denoncuara, por asnjëherë nuk janë marrë masa kundër veprimtarisë së jashtëligjshme të tyre. Rastet e shpeshta të abuzimeve ia kanë kaluar madje edhe problemit që pak kohë më parë u denoncua edhe në komunën e Golemit, ku një tjetër përfaqësues demokrat i pushtetit vendor përfundoi i arrestuar në flagrancë për abuzim dhe shpërdorim të detyrës. Pikërisht këto raste të korrupsionit, të denoncuara edhe në komunat e Farkës dhe Kasharit, kanë cuar kryesinë e Partisë Demokratike në marrjen e vendimit për të mosrikandiduar më emrat e kryetarëve aktualë.

Asnjë kontroll për dy komunat

Edhe pse janë përfolur për raste korrupsioni, shkeljesh dhe abuzimi me ligjin, as komuna e Farkës dhe as ajo e Kasharit që kanë disa mandate që qeverisen nga përfaqësues demokratë nuk i janë nënshtruar për asnjë herë të vetme një kontrolli. As që nga nisja e qeverisjes kundër korrupsionit, sic thuhet se është ajo e Berishës. Madje ky i fundit mori vendim për të ndalur masakrën urbane që po bëhej në komunën e Dajtit, e cila gjithashtu qeveriset nga PD, por nuk mori përsipër të bënte dot asgjë për komunën e Farkës dhe Kasharit. I bindur se në këto dy komuna ka shumë pak për t'u bërë për të vënë në zbatim ligjin, pas gjithë atij korrupsioni ku janë zhytur dy kryetarët aktualë.

U gjet Olldashi

Nëse nuk do të kishte qenë kandidati për bashkinë e Tiranës, Sokol Olldashi dhe nevoja e tij për të bërë sa më shumë para për fushatë, mbase kryetarët e komunave të Farkës dhe Kasharit nuk do të ishin në listën e kandidatëve për drejtues të pushtetit vendor për një mandat tjetër. Të paktën kjo flitet nëpër stafet e sekserëve që pohojnë të sigurt se shuma prej 1 milionë dollarësh që i ka dorëzuar secili prej tyre Olldashit, kanë bërë që ky i fundit të thotë një fjalë të mirë tek kryetari i partisë, që ky të përfshijë në listën e kandidatëve këta emra. Dhe skema ka funksionuar në mënyrën më të mirë.

Kryesia e PD vendosi e fundit

Edhe pse kryesia e Partisë Demokratike duhet të ishte e para ajo që do të vendoste për emrat e personave që do të kandidonte apo rikandidonte nëpër bashkitë dhe komunat e vendit, në rastin e komunës së Farkës dhe Kasharit është bërë një përjashtim i vogël. Zëra brenda kësaj partie dhe pranë edhe shtabit elektoral të Olldashit thonë kryesia e PD ka vendosur e fundit për emrat e këtyre dy kryekomunarëve, për t'u dhënë një mundësi tjetër për të rikandiduar. Jo duke shpresuar në një përmirësim të mënyrës së tyre të qeverisjes, por sepse dy kryetarët kanë kaluar më parë në sportelin e fushatës së Olldashit ku kanë paguar shumat e majme. Flitet se këto do t'i bëjnë shumë punë kandidatit për bashkinë e Tiranës, i cili ka bërë jo pak shpenzime deri më tani dhe fushata ka akoma ditë deri në përfundimin e saj.

[Humdinger]

Rama, përuron urën e rikonstruktuar tek "Sami Frashëri"


D. Ndrenika
08-02-2007

TIRANË
- Kryetari i Bashkisë në rikandidim për mandatin e tretë, Edi Rama vijoi fushatën dje deri në mbrëmje në kryeqytet, duke u përqendruar në investimet e programuara prej tij dhe opozitës. Kandidati i koalicionit "Bashkë për të Ardhmen", Rama përuroi fillimisht Urën e rikonstruktuar të Lanës të Pallatet "Agimi", që lidh dy pjesët e Unazës, në kryqëzimin me rrugën "Sami Frashëri", më pas nisjen e projektit për një rikonstruksion shkolle dhe mandej u takua me zgjedhësit në Njësinë Bashkiake nr.8 në Kombinat, ku kandidon Luzhiana Abazi nga LSI. Ura e rikonstruktuar, ka gjerësinë 40 metra nga 10,4 që ishte dhe nga dy kalime, tani ka katër, secili nga 3,5 metra. Instalimet elektrike dhe të telefonisë gjithashtu, janë përfunduar. Më tej, kryebashkiaku Rama ka prezantuar fillimin e projektit për rikonstruksionin e shkollës "Musine Kokalari", i treti për një tjetër shkollë të re në Tiranë. "Bëhet fjalë për një sipërfaqe prej 4000 m2, që do të kthejë në një kompleks të standardeve evropiane shkollën ekzistuese "Musine Kokalari" duke bërë një transformim, i cili i përgjigjet nevojave të fëmijëve të Kombinatit dhe i cili i përgjigjet edhe ambicies sonë për një sistem shkollor të standardeve evropiane, me jo më shumë se 30 nxënës në klasë dhe me shkolla të cilat të kenë laboratorë, Bibliotekë, me shërbimin e Internetit, sallë polifunksionale, palestër të mbyllur dhe terrene dhe mjedise rekreative të hapura. Edhe në rastin e kësaj shkolle, bëhet fjalë për një projekt i cili ka një ambicie të qartë arkitektonike dhe një pamje të re përsa i takon nocioneve të përdorura në ambientimin e volumeve të reja me mjedisin rreth e rrotull",- tha Rama. Ai shtoi se me realizimin e këtij projekti, do t'i jepej të gjithë komunitetit mundësia që të shohë me shumë më tepër qartësi dhe optimizëm rrugën e së ardhmes. Kritikat e Ramës pasdite vijuan ndaj qeverisë dhe Kryeministrit, në takimet në Kombinat, bashkë me Ilir Metën, kryetar i LSI-së.

[Albo]

Borxhet që Rama i ka Tiranës


SOKOL OLLDASHI

“Çfarë ka ndodhur me Tiranën këto vite? Po t’i referohemi statistikave të Bashkisë së Tiranës, ne kemi mbi gjashtë vjet, 3 milionë e 500 mijë metra katrorë ndërtime dhe flas vetëm për ndërtimet formale dhe jo për ato informale. Dhe këto janë të gjitha ndërtime me leje të dhëna nga Bashkia e Tiranës.

Sipas rregullave të këtij shteti, që janë për t’u respektuar dhe jo për t’u hedhur në kosh, këto ndërtime duhet të ishin shoqëruar me sipërfaqe gjelbërimi, parqe, kopshte, shkolla dhe çerdhe. Në ç’raport? Të marrim raportin e gjelbërimit.

Rregullorja e urbanistikës, e miratuar nga qeveria e Partisë Socialiste, përcakton raporte të sakta gjelbërimi për çdo qytetar. Gjelbërimi në komplekse banimi 1.5 metër katror, gjelbërimi në parqe dhe lulishte 1.5-3.5 metra katrorë, gjelbërimi në rrugë, 2 metra katrorë, total, 5-7 metra katrorë.

Gjelbërimi i zonës së pushimit: Park periferik 8-14 metra katrorë.

Nuk po i kërkojmë z.Rama maksimumin e normës, por po i kërkojmë minimumin e normës. Pra, 3 milionë e 500 mijë metra katrorë ndërtime të reja në këto gjashtë vjet në Tiranë, të pjestuara me 25 metra katrorë për banor, do të na japin 140 mijë banorë që kanë hyrë në ndërtime të reja. Këta 140 mijë banorë duhet të kishin sot, në dispozicion të tyre, të ndërtuar tashmë dhe jo të premtuar në vite, të paktën 210 mijë metra katrorë gjelbërim rrotull pallateve. Duhet të kishin minim*alisht 210 mijë metra katrorë ndërtim të parqeve të gjelbëruara. Duhet të kishin minimalisht në rrugë dhe shëtitore 280 mijë metra katrorë, duhet të kishin park periferik minimalisht 1 milionë e 220 mijë metra katrorë. Të gjitha ndërtimet e Tiranës që janë bërë këto 6 vjet çfarë duhet të kishin tjetër që nuk është bërë?

Të paktën 40 çerdhe, të reja dhe jorikonstruksione, 40 kopshte të reja dhe jo jorikonstruksione, 20 shkolla tetëvjeçare, të reja dhe jo rikonstruksione dhe 10 shkolla të mesme të reja dhe jo rikonstruksione. Duhet të kishin të paktën 70 mijë metra katrorë terren sportiv, publik. Të gjitha këto janë në bazë të rregullave që ka ky shtet dhe që duhet të zbatohen në çdo institucion. Bashkia nuk i ka përfillur dhe kjo për shkak të mungesës së planit. Nëse do të kishte një plan, bashkia do të ishte e detyruar të zbatonte këto norma dhe nuk do të kishim sot, një qytet në prag të kolapsit, një qytet që rrezikohet çdo ditë.

*Nga fjala e mbajtur dje para forumit qytetar*

[murik]

Më 19 shkurt fillon epoka e qeverisjes, bazuar në ligje dhe në plane zhvillimi



Kandidati i mazhorancës për Bashkinë e Tiranës, Sokol Olldashi vizitoi dje komunën e Dajtit për të evidentuar prej andej problemin e furnizimit me ujë në kryeqytet. Në këtë komunë kandidati demokrat ka prekur një nga pikat kryesore të problemeve të kryeqytetasve në lidhje me furnizimin me ujë.
Sipas tij, kryetari i Bashkisë, Rama i ka gënjyer për vite me radhë këta qytetarë, duke i’u premtuar se kishte një projekt prej 102 milion eurosh për Ujësjellësin e Tiranës. “Këtu mbushin ujë me bidona banorë të zonave të Ali Demit, Xhamllikut, Kodrës së Priftit për shkak se nuk furnizohen me ujë në shtëpitë e tyre”, tha Olldashi. Ish-ministri i Brendshëm, kandidati i PD-së për Bashkinë e Tiranës bëri fajtor kreun aktual të bashkisë për zgjidhjen e çështjes së ujit në Tiranë.

“Rama ka 3 vjet që i gënjen me premtimin e tij për projektin prej 102 milion eurosh, i cili do të zgjidhte përfundimisht çështjen e ujit në Tiranë”, tha ai, duke shtuar se “Rama ka gënjyer përsëri qytetarët e Tiranës duke premtuar se ujësjellësi do të vendosej nën administrimin e bashkisë, projekt ky ende i parealizuar”.

Olldashi ka përdorur premtimet e rivalit të tij gjatë fushatës së vitit 2003, ku Rama u përbetua se do të merrte ujësjellësin në administrim. Sipas Olldashit, Rama i gënjeu qytetarët duke thënë se ka një projekt të gatshëm prej 102 milion eurosh për çështjen e ujit.

Olldashi theksoi se Rama nuk e ka zgjidhur problemin e ujit të pijshëm dhe nuk ka bërë përpjekje për të marrë administrimin e ujësjellësit, për arsye se nga uji nuk arrihet të nxirret fitim. Komercializimi i shërbimit të ujësjellësit është hapi esencial për të arritur një menaxhim të mirë të ndërmarrjes dhe zgjidhje të krizës së thellë të furnizimit me ujë në Tiranë. Kjo ka qenë një nga zgjidhjet që kandidati i PD-së për Bashkinë e Tiranës ka ofruar për zgjidhjen e problemit të ujit.

E Premte 9 shkurt 2007

[Albo]

Premtimet e Olldashit para forumit qytetar


Për ndotjen e ajrit

Reduktimi i pluhurit (30%) dhe 15% i blozës brenda vitit të parë dhe më pas arritja brenda 4-vjeçarit e parametrave të ndotjes në standardet e përcaktuara.


Tregjet ushqimore

Ristrukturimi dhe përshtatja e tyre me Tiranën e ardhshme, policentrike, nga një treg për të gjitha qendrat e reja, natyrale të Tiranës.


Problemi i furnizimit me ujë të pijshëm

Angazhimet konkrete janë dyfishimi i orarit të furnizimit me ujë të popullatës brenda 2007-tës dhe brenda vitit të dytë, zgjidhja përfundimtare e problemit, duke siguruar furnizimin me ujë 24-orë për qytetarët e Tiranës.


Për arsimin dhe shkencën

Brenda 2009-tës, të mos kemi më shumë se 30 nxënës për klasë për arsimin parauniveristrar të kryeqytetit, duke zgjidhur një problem madhor të një situate emergjente që është sot. Gjithashtu, vendosja në funksion e sistemit të ngrohjes në të gjitha zinxhirët e çerdheve, kopshteve dhe shkollave të kryeqytetit


Kujdesi social

Vlen të përmendet ndërtimi i të paktën 2 mijë apartamenteve brenda mandatit, për të pastrehët

Përgjysmimi i varfërisë absolute, eliminimi total i varfërisë ekstreme dhe ulja me 4% e papunësisë.


Aspektet fiskale të buxhetit

- Dyfishim i të ardhurave të Bashkisë së Tiranës

[Xhuxh Xhumaku]

Pa ndonje marifet leshor, po e sjell ketu, per respekt te njerit prej fanatikeve te PD, dhe prresonalisht te krietarit ... (ate qerosin baze nuk e kam fort me qejf se si me duket si shvejk, por krajasuar me ate fahri balli sigurimit, ai eshte lule ...


Gazeta Tema, E Premte, Shkurt 09, 2007

EDITORIAL

Paturpësia e mashtrimit

Ylli Vejsiu

Para disa ditësh, Kontrolli i Lartë i Shtetit publikoi një buletin, ku evidentoheshin shkelje dhe parregullsi financiare për të ardhurat në buxhetin e shtetit dhe për shpenzimet në fondet buxhetore, me dëm efektiv të përgjithshëm në shumën totale prej 7.3 miliardë lekësh. Por, që në faqen e parë të këtij buletini nënvizohej nga KLSH-ja se dëmi financiar i përkiste periudhës 2002-2006-të.

Megjithatë, në mënyrë krejt abuzive, dy të përditshme që fjalën SHQIPTARE e kanë artikuluar, njëra në shqip e e tjetra në gjuhë të huaj, vazhdojnë të mashtrojnë lexuesit, duke e servirur shifrën prej 7.3 miliardë lekësh si dëm të shkaktuar vetëm gjatë vitit 2006-të. duke spekuluar më tej, arrihet deri aty, sa të etiketohet viti 2006-të më i keq edhe se viti 2005-së e dy herë herë më “i zi” se viti 2004-tër. Puna ka arritur deri aty, sa numri dy i PS-së, gjatë një bisede televizive e përmend ashtu si shkarazi këtë spekulim, kurse zëdhënësja e fushatës së PS-së, duke u lodhur para kompjuterit, kishte llogaritur se me 7.3 miliardë lekët e shpërdoruara, mund të ishin rikonstruktuar 2900 shkolla, mund të ishin blerë 1820 ambulanca të reja, mund të ishin paguar 331000 doktorë etj.

Deri këtu nuk ka asgjë për t`u çuditur. Filozofia e mashtrimit ka qenë arma më e preferuar dhe më e përdorur e opozitës së sotme. Edhe fakti që lajmi mashtrues niset nga zyrat e PS-së drejt të përditshmeve që mbajnë hapur krahun e saj, për t’u rifreskuar nga zëdhënësit e këtyre zyrave është në teknologjinë e ciklit të mbyllur të dizinformimit.

Ajo që më ka çuditur, është fakti që nga ana e qeverisë, e cila atakohet me paturpësi, ky spekulim është përcjellë në heshtje, kurse nga zëdhënësja e PD-së ka ardhur vetëm një reagim i vakët. Ndoshta përqendrimi në fushatën elektorale ka bërë që të neglizhohet ky mashtrim që vë në pikëpyetje të gjithë filozofinë dhe sukseset e qeverisë “Berisha” në luftën antikorrupsion.

Po nga zyrat e Kontrollit të Lartë të Shtetit pse nuk ka asnjë reagim? Pse nuk përgënjeshtron faktin që dëmi i llogaritur prej KLSH-së nuk i takon vetëm vitit 2006-të, por të gjithë periudhës 2002-2006-të? Pse nuk evidentohet ajo pjesë e shpërdorimeve që i takojnë 4 muajve të qeverisjes demokratike?

Heshtja para keqpërdorimit të materialeve të KLSH-së e bën njëlloj bashkëfajtor këtë institucion me autorët e mashtrimit.

[Dark_Fighter]

Saliun dhe Nanon i pam se cfar mund te bejn.ASGJE.! e.. Sala di te bej dicka, te shkatarroj.Vitete e para aq udheheqes i zoti ishte ,sa edhe depot e armeve u hapen.Po ai i ziu aq di aq ben e morem vesh Saliun se cfar mund te bej.
tani po prap sa u fut ne qeveri,nga 5 ore drita ne dite tani ka vajtur ne 3 ore.
Nuk them qe Nano eshte me i mir dhe ai asgje ska ber.

PRANDAJ THEM JEPINI NJE SHANS EDIT.Se kemi par se cmund te bej si udheheqes.Tiranen e ndryshoi ku i dihet mbase ndryshon dhe Shqiperin.

ME RESPEKT per te gjith Shqiptaret Dark Fighter.

[Ingenuous]

Faktet flasin se eshte Partia Demokratike ajo qe jo vetem eshte e frikesuar nga zgjedhjet por po perdor gjithe metodat e pandershme te minutes se fundit per ti manipuluar ato.

Nje urdher i zv.ministrit te Brendshem, Poni, lejon gjendjet civile te leshojne certifikata pa asnje mjet identifikimi. Edhe njehere ashtu si ne historine me Ngjelen, Berisha dhe Poni u munduan te anashkalojne faktin dhe te verteten dhe te merren me ate qe zbuluan ate. Madje duke kercenuar serish. Bene sikur moren masat e duhura, duke marre te pandehur punonjesin qe leshoi certifikaten, kur ai ne fakt ka zbatuar vec nje urdher.

Firma qe do te prodhoje fletet e votimit quhet “Zecca”, nuk i eshte afruar Shqiperise qe nga viti famekeq ´96. Koincidence apo nostalgji e Berishes kete do ta marrim vesh me 19 shkurt, kur shpresojme te mos na dalin mijera flete votimi te pavleshme, sic kishte prodhuar kjo firme ne zgjedhjet me te pavleshme te historise se Shqiperise postkomuniste. Edhe optimisti me i cmendur te jesh, nuk e con dot ne mende qe Berisha ka marre te njejten firme thjesht per good luck. Per te mos permendur pastaj se c´lloj fati ishte ai i post ´96.

Kane kerkuar dhe gjetur nje perosn te semure me mbiemrin Rama dhe kane falsifikuar kerkesen e tij per gjoja kandidim kunder Rames se PS. Me foshnjarake nuk ka ku te shkoje.

Nervozismi i PD-se u pa qarte kur opozita hyre ne gare zyrtarisht. Deri ne ato momente duke kaleruar e vetme ne fushate (kishte gati nje muaj qe e kishte nisur) dhe ashtu ja kishte enda ta perfundonte, PD dukej e sigurte dhe krenare.

Por pikerisht ne momentin qe kur forcat reale po ballafaqohen duket sikur e ka humour toruan. Jo vetem qe e nisi me kemben e gabuar me nje start plot fyerje. Po te shohesh me vemendje PD-ja dhe lideret e saj shkojne neper turma me barren e rende te nje vendi ne krize te vertete energjitike. Vitin qe shkoi ua vune fajin socialisteve qe kishin pire depozitat, por tani nuk kane me justifikim, pervec faktit qe Zoti po tregohet pa meshire me ta. Mundohen te bejne premtime te reja qe u shtohen te vjetrave te pambajtura. Thone qe “erdhem tju themi qe e mbajtem fjalen“. Po per cfare? Askush se merr vesh, as fansat baze qe brohorasin.

Ne nje fushate elektorale futesh per te ballafaquar modele, programme, ide, futesh edhe per ti treguar elektoratit sa ke mbajtur premtimet e djeshme dhe se ku do shkosh me te rejat. E nese opozita sot ka luksin te kete qytete modele me ne krye Tiranen, PD-ja thuajse s´ka asgje. Rasti tipik eshte Shkodra, nje qytet i qeverisur dhe ne nivelin vendor prej dhjetra vitesh nga demokratet dhe qe sot eshte ne gjendje te mjerueshme.

Ne Tirane karizma e Olldashit duket e pangjyre perballe Edi Rames. As ish-ministria e forte qe ai drejtonte, as statura e Bamir Topit ne krah, nuk po i vjen dot ne ndihme.
Taktika e keqe vetem e hedhjes balte mbi kundershtarin e ka nxjerre me se shumti zbuluar deri ne inkopetence.

Takimi i 11 janarit ka zbehur dhe ulur piket e liderit demokrat deri aty ku dhe socialisti me optimist nuk i kishte parashikuar. Eshte tjeter histori pastaj se kua kane shkuar piket e Nanos. Ai sot eshte totalisht jasht loje, me jashte se kur rrinte jashte shtetit dhe duket sikur na beri nje sherbim te gjitheve. Po terheq me ne fund zvarre dhe Berishen, drejt fatit te tij, drejt faitit te tyre.

Lutja e Berishes se mu ne prag te fushates qe mos ia marrim per baze çthote neper fushata i ve nje kryq se çfardo qe del prej gojes se tij qe del prej gojes se tij sot. Me situaten energjitike jashte duarve, me premtime te pa mbajtura, Berisha mburret vetem me disa fraza te raportove nderkombetare, te cilet kur flasin per korrupsionin, thote se qeveria po punon. E gjitha eshte dhe mbetet ne kufijte e propogandes.

Kur ne momentin qe opozita reagon PD-ja nga e para i bie borise se vjeter, se opozita nuk ka deshire te shkoje ne zgjedhje.

Eshte gati e frikshme te mendosh se çdo beje kjo mazhorance e sidomos berisha nese humbet zgjedhjet lokale, a do ta pranojne rezultatin apo de kemi nje kaos te ri, manipulime te ores se fundit, krize te sajuar si ato te meparshmet, duke harruar si gjithmone krizen reale.

Mirulexofshim