Rama rizgjidhet kryetar i bashkisë së Tiranës

[Humdinger]

Berisha demagog, zero gra kandidate

Data e Publikimit: 02/02/2007

Autori i Lajmit:
A.K.
Tiranë- Kryeministri i vendit, ka vijuar dje me marrëzinë e radhës, në momentin që ka dalë dhe ka thënë se ndjen një keqardhje shumë të madhe për mospërfshirjen e grave në politikë, në ditët e sotme. Berisha u shpreh dje lidhur me këtë temë se ndjehemi lënduar për mospjesëmarrjen e grave, por më i lënduar ndjehem kur marr vesh se kush janë shkaqet që gratë nuk marrin pjesë. Ndërkohë që ka bërë një deklaratë të tillë, kryeministri Sali Berisha, nuk dha asnjë shkak, se për pasojë të kujt vjen kjo. Kjo për vetë faktin, se ky është Berisha, një demagog i përshtirë deri në neveri. Del e thotë që ndjehem i lënduar nga mospjesëmarrja e gruas në politikë, kur në 390 kandidatë që ka nxjerrë tani në zgjedhje partia Demokratike, për kryetarë bashkish dhe Komunash nuk ka asnjë grua që të kandidojë. Ky është kryetari i koalicionit të djathtë që nga njëra anë shpreh keqardhjen, dhe nga ana tjetër, vazhdon me idenë se duhet të jenë vetëm meshkujt, pasi nuk figuron asnjë grua në listat e përgatitura nga ai dhe vartësit e tij për komuna apo Bashki në të gjithë Shqipërinë. A nuk është vetë Berisha shkaku i mospërfaqësimit të gruas në politikë, kur në rastin më të freskët s'ka propozuar asnjë femër në politikë, duke e propozuar si kandidate për të drejtuar njësitë vendore, për zgjedhjet e pushtetit lokal? Vetëm një ditë më parë se sa Berisha të dilte me deklaratë të tillë, partia tjetër rivale në zgjedhje me PD-në, prezantoi të paktën gjysmën e këshillit për Bashkinë e Tiranës, me gra. Por ndërkohë që kishte edhe kurajo që të fliste, të paktën familja Berisha në atë konferencë ishte përfaqësuar 50 % me 50 %, meqë merrte pjesë edhe bashkëshortja dhe në këtë mënyrë, pretendonte kryeministri të mbulonte anashkalimin që u bën grave, dhe tentativave të tyre për të hyrë në politikë.

[Humdinger]

Dalldia Berisha: Firmosem MSA,se bota i besoi Kavajes

Tiranë
- Një tjetër dalldi ka dalë nga goja e kryeministrit të vendit, Sali Berisha, i cili ka qenë para dy ditësh në qytetin në të cilin është zgjedhur deputet, dhe qytet të cilin e përfaqëson edhe në Kuvendin e Shqipërisë. Përveçse ka folur gjëra të cilat nuk kishin lidhje fare me Kavajën dhe më tepër kishin të bënin me kundërshtarin politik në Tiranë, Berisha, ka pretenduar se është e sigurt që e djathta ka për të fituar bindshëm. Duke dalë nga vetja dhe duke dalë nga praktikat e tij të tubimeve masive, që gjithnjë i bën në shesh të hapur edhe sikur të ketë minimumin e pjesëmarrësve, Sali Berisha, para dy ditësh në Kavajë është parë të mbledhë anëtarë dhe simpatizantë të PD-së në një sallë, e cila nuk arrinte të merrte me shumë se 200 të pranishëm.
Jemi të sigurt se do të fitojmë ka thënë Berisha, duke shtuar se edhe Marrëveshja e Stabilizim- Asociimit, arriti të firmosej vetëm falë faktit se bota i besoi Kavajës dhe bota i besoi, votës së Kavajës.
Rrallkush mund të kuptojnë se ku është lidhje mes Kavajës dhe MSA-së, por megjithatë, kreu i ekzekutivit, e ka thënë këtë deklaratë, në një sallë, ku kanë qenë të pranishëm vetëm disa militantë që përfaqësojnë PD-në në qytetin e Kavajës.

[Humdinger]

Vazhdues te masakres urbanistike



Nga Bashkim Kopliku

Po veniten shpresat e naiveve, se masakra urbanistike do te ndalohej me ardhjen e berishisteve: jo, ajo do te vazhdoje, pa asnje ndryshim per mire.

Do ta ilustrojme kete fakt, me programin elektoral te nje kandidati berishist per kryetar bashkie, ne qytetin e dyte te vendit. Programi i tij eshte ne perputhje me interesat e mafjes se ndertimit, kunder interesave te qytetareve, e me ide arkitektonike prej injorantesh.

Nese nuk denon krimet urbanistike te kaluara, kjo tregon se je pergatitur t’i besh ato edhe ti qe do qe te vish: “ne shtepi te te varurit, nuk permendet litari”.
Heshtja për krimet urbanistike, shihet qartë, kur vëren se në “anët negative” të bashkisë socialiste, seksion ky i “programit elektoral” të kandidatit berishist, nuk ka të evidentuar asnjë shkelje ligji të paraardhësve, të socialistëve. Janë rreshtuar vetëm gjërat në vijim:
“Mungesë plani rregullues”, “studime pjesore deri në 5000 m2”, “arkitekturë sipas interesave individuale”, “ndërtesa shumëkatëshe me agresivitet të lartë ndaj infrastrukturës inxhinierike ekzistuese”, “shkatërrimi i pjesëve atraktive të qytetit” e të tjera, që janë të gjitha shprehje evazive (bishtnuese), që e shumta kritikojnë shijet subjektive të arkitektëve “socialistë”, por ku nuk ka asnjë shkelje të Legjislacionit (Ligji nr. 8405, datë 17.9.1998, “Për Urbanistikën, dhe Rregullorja e Urbanistikës, VKM nr 722 datë 19.11.1998 etj.).
Por realiteti që fsheh kandidati berishist, është skandaloz, është krejt i kundërligjshëm, lehtë i përcaktueshëm në shkeljet e tij ligjore kriminale. Por rreshtojmë vetëm tri grupe shkeljesh:
1—Në qytet janë zhdukur praktikisht të gjithë trotuaret, sepse në to janë ngritur ndërtesa të reja, pas vitit 1998. Kjo është bërë në shkelje të qartë të Legjislacionit, i cili përcakton në mënyre taksative gjerësinë minimale të trotuareve (shkelje në nenin 5; pikat 66, 121 etj.).
2—Distancat në mes objekteve, në shumicën e rasteve, janë në shkelje të kërkesave taksative të Legjislacionit, gjë që ka bërë që të zhduken hapësirat urbanistike në qytet, ngjeshje te banesave, mosdepërtim i diellit etj. Fenomeni është në përmasa skandaloze në pjesën e plazhit që është lagje e qytetit, ku rreshtat e banesave kanë formuar breza “betoni” përgjatë të gjithë rërës së bregdetit (shkelje në Pika 119 etj.).
3—”Lungomare”, shëtitorja bregdetare, është atakuar me ndërtime gjigante, apo me ndërtime absurde, me distanca nga deti, ndaj njëri-tjetri e ndaj bordurës së rrugës, të kundërligjshme; me një pistë stërgjigante (pronë e kryebashkiakut aktual), ku ka mbi tre vjet që kanë filluar punimet, e që jo vetëm nuk është përfunduar, por ka mbetur karabina e rrezikshme edhe për jetën e qytetarëve, e ku ka mbi një vit që nuk punon njeri fare (shkelje në nenet 52, 56, 57, etj.)
Ka vetëm një arsye sepse ky realitet që është objekt indinjate në bisedat e qytetarëve, i ka kaluar “pa u vënë re” kandidatit: sepse mafja berishiste e ndërtimit, po pret të marrë bashkinë, dhe të bëjë të njëjtën gjë, mos dhe më keq, si paraardhësja socialiste.
Në vend të premtimit për zbatimin e Legjislacionit, programi ka vetëm premtime “për plane rregulluese”, e të tjera të tilla, që kanë 15 vjet që përrallisen nga të gjithë kryetarët, qofshin blu e qofshin rozë, e përsëriten njësoj, të shoqëruara me fjalë të përgjithshme e pa dhënë asnjë afat për kryerjen e tyre.
Ky program, edhe nga shijet arkitektonike, po thyen rekorde të shëmtirës. Propozohet të përshtaten “në objekte banimi godinat industriale shtetërore, të cilat e kanë humbur funksionin e tyre fillestar”, e këtë gjë do ta bëjnë “me pak ndërhyrje” [faqe 14 e programit]. Mendoni se në çfarë përbindëshi do të kthehej qyteti, me kampanonet industriale të kthyera në banesa! Kjo ka bërë vaki vetëm pas luftërave, në vende të shkatërruara nga bombardimet.
Kandidatit ia ka hedhur mafja e ndërtimit—kështu na thonë?! Mbase! Të presim si do të reagojë: votuesit po e ndjekin, deri afër 18 shkurtit 2007, e pastaj do të reagojnë ata, me votën e tyre.

[Humdinger]

Nano: Opozita, fitore me 18 shkurt

E Premte, 02 Shkurt 2007

Ish-kryetari socialist ka qene ne komunen e Dajtit, ku ka qene ne vitet ‘80 si ekonomist, ne mbeshtetje te kandidatit socialist Qefalia. Ai ka deklaruar se do te vazhdoje fushaten ne Tirane, ne Sarande, ne Gjirokaster e Burrel: “Nuk besoj se te gjitha vrimat mund t’i mbyll une, por nuk mendoj se ka ndonje vrime te zbuluar aktualisht”

Ergys GJENCAJ

Fatos Nano do te vazhdoje fushaten elektorale ne mbeshtetje te kandidateve te opozites ne qytete dhe komuna te ndryshme te vendit. Vijimin e fushates, vecmas lidereve te koalicionit te majte opozitare, e ka konfirmuar vete ish-kryetari i PS-se gjate tubimit ne komunen Dajt, ne fshatin Lunabregas, ku gjendej ne mbeshtetje te kandidatit socialist Kujtim Qefalia. Viziten ne kete komune Nano e ka perzgjedhur edhe per faktin se ne vitet ‘81-’83, ai ka qene ekonomist ne kooperativen bujqesore te asaj kohe. “Do vazhdoj fushaten ne Tirane, ku dhe banoj, por edhe ne Sarande ku une mbroj interesat e elektoratit tim, por gjithashtu edhe ne Korce, Gjirokaster dhe Burrel, kudo ku ka njerez perfaqesues”, ka deklaruar Nano. Megjithate, ai theksoi se nuk mundet do te shkoje kudo qe ka boshlleqe ne kete fushate elektorale, ne funksion te zgjedhjeve lokale te 18 shkurtit. “Nuk besoj se te gjitha vrimat mund t’i mbyll une, por nuk mendoj se ka ndonje vrime te zbuluar aktualisht”, deklaroi ish-lideri historik i Partise Socialiste.

Nano ka mberritur mesditen e djeshme ne fshatin Lunabragas, per te dhene mbeshtetjen ndaj kandidatit te opozites se bashkuar. Gjate ketij tubimi, ai nenvizoi se duhet punuar me kujdes gjate kesaj periudhe fushate, ne menyre qe te mos behen gabimet e se kaluares. “Te mos gabojme kete here. Jo se keni gabuar shume deri me sot, por, mesa duket, ka ardhur koha e zgjidhjeve te medha dhe ne shenjester”, ka deklaruar Nano. Sipas tij, opozita duhet te fitoje, per te rindertuar ekuilibrat e munguar ne zhvillimin e vendit drejt Evropes. Duke folur ne mbeshtetje te kandidatit Qefalia, ish-kreu historik i socialisteve nenvizoi se tashme ka ardhur koha te orientohemi drejt njerezve qe dine te ndertojne. “Duke mos nxitur urrejtje, qe dine te punojne ne dobi te te gjitheve, qe dine ta perdorin autoritetin shteteror dhe forcen e ligjit pa diskriminime partiake apo pa dallime midis njerezve, pavaresisht nga diferencat e tyre te besimit apo te preferencave politike”, deklaroi ai. Tek shprehej se ishte nje njeri qe njihte zonen shume mire, pasi me te kishte edhe lidhje familjare, Nano kerkoi qe te aktivizohen te gjitha fuqite per te rritur mireqenien e zones, para se ne Lunabregas te vijne turiste nga vendi dhe bota. Nano nuk ka lene pa permendur edhe keqperdorimin urbanistik te komunes se Dajtit. Pa perdorur emra te pervecem si pergjegjes te situates, ai kerkoi qe t’i jepej fund spekulimit imobiliar, kaosit dhe masakres urbane qe ka ndodhur edhe ne kete zone, per shkak te nevojave te njerezve per strehim.

Ne takimin e djeshem ne fshatin Lunabregas, Fatos Nano eshte pritur nga dhjetera e dhjetera militante socialiste. Ai eshte cilesuar si lideri shpirteror i te gjithe socialisteve dhe i te majteve shqiptare. Gjate fjales se tij, Nano nuk perdori ne asnje moment asnje fjale kunder mazhorances se djathte apo Partise Demokratike, perfaqesuesi i se ciles drejton aktualisht komunen e Dajtit. Nano nuk zuri ne goje as kryeministrin aktual, Sali Berishen, i cili eshte ne qender te sulmeve te partive opozitare. Gjate ketij mitingu Nano gjithashtu nuk permendi asnje nga emrat e kryetareve te partive aleate opozitare. Nga goja e tij dolen vetem disa shprehje, qe kishin te benin me nevojen e fitores se opozites se bashkuar dhe shume fjale mbeshtetese per kandidatin Qefalia. Nderkohe, kandidati i opozites, Qefalia, ka premtuar shume rruge, uje, cerdhe e kopshte, si dhe vende pune dhe sherbime cilesore per kete zone turistike.

[drity]

Po veniten shpresat e naiveve, se masakra urbanistike do te ndalohej me ardhjen e berishisteve....

Humdinger,

Eshte per tu pergezuar kurajo e Bashkim Kopliku qe ka shkruar artikullin dhe e jotja qe e ke postuar.

Pranimi i faktit qe ka pasur nje masaker urbanistike eshte hapi i pare.
I dyti eshte identifikimi i shkaketareve dhe arsyeve te kesaj masakre.

Ju uroj qe te dyve kurajo te tille per te ardhmen.

[Ingenuous]

Ajo qe ne prisnim nga Olldashi ishte nje falenderim qytetar per ate qe ka bere Edi Rama deri tani dhe shpalosja e programit per te bere me shume.
Spotet televizive bardh e zi te kasolleve te romeve ne Bregun e Lumit nuk mund ta zbehin ate qe eshte bere ne Tirane, te pakten per shtrimin e rrugeve dhe mbjelljen e pemeve. Ate e shohin te gjithe.
Olldashi duhet te perpiqet ti binde njerezit pqe ate qe do te beje ai me shume se kaq dhe jo ti binde se çka eshte bere deri tani, eshte e keqe.
Me shume se ajo qe afrohet si zgjidhje, si arme perdoret zhberja e saj qe ka bere paraardhesi. Ende bertitet per ate qe s'ke bere ti, jo per ate qe do te bej une.
Kjo gje, kete te fundit e ben automatikisht humbes, per ate qe voten e hedh mbas nje arsyetimi e jo me tifozllek.

Mirulexofshim

[drity]

Ajo qe ne prisnim nga Olldashi ishte nje falenderim qytetar per ate qe ka bere Edi Rama deri tani

"Ne" kush?

[Brari]

Pritje spektakolare për Berishën në Jug. Kontrata me PD-në po modernizon qytetin bregdetar


Vlora me Alimerkon, Gjika tek Mezani


Vizita e kryeministrit Sali Berisha dhe e koalicionit të djathtë në Vlorë është kthyer në një festim të madh elektoral, ku mijëra vlonjatë e kanë pritur kryeministrin dhe kryetarin e PD-së në hyrje të Pallatit të Sportit "Flamurtari". Në këtë tubim, Berisha prezantoi para qytetarëve të Vlorës kandidatin për kreun e Bashkisë së qytetit, Kreshnik Alimerko, kandidatët e tjerë të PD-së dhe të koalicionit të djathtë që konkurrojnë në 4 bashki dhe 9 komuna të rrethit të Vlorës. Duke iu drejtuar vlonjatëve, kryeministri Berisha siguroi se Vlora është dhe do të mbetet në epiqendër të të gjitha projekteve të mëdha në Shqipëri dhe gjithë investimeve madhore të qeverisë. Kryeministri, gjatë fjalës së tij, shprehu mirënjohjen për mbështetjen dhe votën që banorët e këtij qyteti dhanë më 3 korrik, që, sipas tij, solli ndryshimin e Vlorës dhe të mbarë Shqipërisë. Kreu i qeverisë vlerësoi figurën e kandidatit të djathtë për Bashkinë e Vlorës dhe shprehu bindjen se ky qytet do të zhvillohet nën drejtimin e tij. "Kam ardhur sot tek ju për t'ju premtuar dhe për t'ju dhënë fjalën ju, se me zotin Kreshnik Alimerko do të punojmë për të zbatuar dhe konkretizuar të gjitha projektet e mëdha për Vlorën. Në 10 ditëshin e dytë të shkurtit, së bashku me zotin Alimerko do të presim shiritin e autostradës me 4 korsi që lidh Vlorën me Fierin, Durrësin, Tiranën, Kukësin, Prishtinën", deklaroi Berisha. Sipas tij, ndërtimi i saj ka filluar nga një prej kompanive më të mëdha të Evropës dhe përfundimi i kësaj autostrade 4-fishon ardhjen e turistëve dhe vizitorëve në qytetin e Vlorës.

Kryeministri Berisha, në vijim, informoi banorët se javën që vjen këtu firmoset kredia për Ujësjellësin e Vlorës dhe nisin punimet për impiantin e përpunimit të ujërave të zeza, me qëllim pastrimin dhe mbajtjen pastër të Vlorës, ujërave e brigjeve të saj. Kreu i qeverisë shtoi se projekte të tjera të mëdha nisin këtë vit për Vlorën. "Porti i Vlorës, modernizimi i tij, është një tjetër projekt i madh që së bashku me zotin Alimerko do ta shndërrojmë në realitet për këtë qytet. Parku industrial do të jetë një zhvillim tjetër madhor për Vlorën dhe gjithë rajonin, në të cilin do të mund të punësohen mijëra qytetarë vlonjatë. Vlora do të ketë termocentralin e saj si kusht të domosdoshëm për zhvillimin e turizmit, industrisë, zhvillimin e Vlorës e të gjithë bregut. Vlora do të ketë, gjithashtu, aeroportin e saj", tha Berisha. Ai theksoi sërish se qeveria është e bindur se në Vlorë do të ndërtohet porti më i fuqishëm turistik i vendit. "Orikumi, Himara, Selenica do të jenë në vëmendje të qeverisë. Vetëm për infrastrukturën e bregut të Jonit ka një kredi për dhjetra projekte, që në 4 vjet do të arrijë në 76 milion euro", deklaroi Berisha.

Qëllimi ynë, të përmirësojmë jetën dhe shërbimet


Kryeministri i ftoi vlonjatët të vazhdojnë së bashku për të realizuar projektet e mëdha dhe për të luftuar me tolerancë zero krimin e organizuar, korrupsionin, trafiqet. Berisha vlerësoi mbështetjen e tyre dhe të gjithë qytetarëve shqiptarë që bënë të mundur luftën me tolerancë zero kundër korrupsionit. "Ne ia dolëm në një vit të kursejmë nga shpenzimet abuzive të qeveritarëve, nga prokurimet publike, evazioni fiskal, kontrabanda, 600 milion euro, të cilat i shndërruam në pensione, duke i rritur ato më shumë se në 15 vitet e fundit; i shndërruam në rroga për mësuesit tanë, infermierët, mbarë punonjësit. I shndërruam në studime universitare, në rrugë, ujësjellësa, kanalizime", theksoi kreu i qeverisë. Berisha garantoi se këtë qeveria e konsideron vetëm një stacion, sepse, sipas tij, më e ashpër, më e sigurt dhe më e suksesshme do të jetë lufta në vitet që vijojnë. Ai u shpreh se në të gjitha përpjekjet, qeveria ka një qëllim: të përmirësojë jetën e qytetarëve dhe shërbimet ndaj tyre. "Në një vit, ne ia dolëm të firmosim Marrëveshjen e Stabilizim-Asociimit me BE-në, ia dolëm të vlerësohemi si një vend që mund të marrë ftesën në samitin e ardhshëm për anëtarësim në NATO. Së bashku të vazhdojmë drejt integrimit të vendit në BE e NATO, sepse së bashku ia dolëm të krijojmë një besim të merituar tek partnerët tanë në Evropë e SHBA", tha Berisha. Në vijim, ai shprehu besimin se më 18 shkurt, banorët e Vlorës do të votojnë për Kreshnik Alimerkon. "Ai është kandidati juaj, përfaqëson secilin prej jush, çdo vlonjat, përfaqëson vlerat tuaja. Ndërsa shoku Gjika, përveç Mezanit, njeri tjetër në Vlorë nuk përfaqëson. Ndaj më lejoni t'i bëj një thirrje, t'i them shokut Shpëtim: dil e bëj fushatë, se ne jemi qeveri demokratike, jemi për fushata të qytetëruara dhe mos rri në bashki si në kështjellë, duke lëshuar përditë fletërrufe, pasi qytetarët duan projekte, duan vizion dhe të ardhme. I ke ditët e numëruara", tha kryeministri Berisha. Në këtë takim përshëndetën edhe Kryetarja e Kuvendit, Jozefina Topalli, Neritan Alibali, Ndue Preka, Genc Pollo, etj.

Anila Shamku





Alimerko: Me Vlorën, kontratë besimi dhe përgjegjësie


Kandidati i koalicionit të djathtë për Bashkinë e Vlorës, Kreshnik Alimerko, në takimin e madh festiv, me pjesëmarrjen e mijëra vlonjatëve, u premtoi bashkëqytetarëve të tij se bashkë do t'i japin Vlorës jo vetëm një fytyrë ndryshe, por edhe një të ardhme ndryshe. "Të ndërtojmë një qytet ku secili është pjesë e tij. Një Bashki që përfshin këdo, merr vendime për të gjithë. Një Bashki që përdor me përgjegjësi taksat që ju paguani dhe rregullon rrënjësisht jetën tuaj. Një Bashki që ju shikon si bashkëpunëtorë dhe ju shërben me respekt për kohën dhe mundin tuaj. Për këtë, kryetari i saj pas 18 shkurtit dhe Këshilli Bashkiak, me shumicë këshilltarësh të koalicionit të djathtë, janë këtu për të lidhur me ju një kontratë besimi dhe përgjegjësie", tha Alimerko. Ai shtoi se një kontratë e tillë është bërë me çdo grupim interesi dhe komunitete të qytetit, dhe në datën 19 fillon rruga e madhe e ndërtimit të Vlorës, të një Vlore ndryshe nga kjo që është sot. Kandidati i mazhorancës, gjatë fjalës së tij drejtuar bashkëqytetarëve, u shpreh se është para tyre për të bërë një betim si djalë Vlore, që së bashku me ta ta bëjnë këtë qytet të të gjithëve. "Erdhëm sot për të sjellë zërin e Vlorës, se Vlora nuk lejon më të bëhet lojë, as fasadë. Ajo thërret për jetë, zhvillim, mendje dhe dashuri nga ne qytetarët e saj. Vlorën, nuk është nevoja t'jua them unë me fjalë as sa e bukur është apo sa është keqpërdorur. Nuk është nevoja t'ju flas për rrugën ku kaloni çdo ditë, pasi e kuptoni sa herë që duhet të lani baltën nga këpucët apo zbrazni xhepat për mjetet tuaja", theksoi Alimerko. Në vijim, ai tha se nuk ka pse flet për pastërtinë e Vlorës, sepse qytetarët atë e ndjejnë sa herë duhet të kalojnë mbi plehra, sepse nuk ka rrugë tjetër. "Nuk është nevoja t'ju flas për jetën, ekonominë, familjet tuaja. Ju e dini më mirë si shtohen listat e llogarive tuaja, dhuratë nga qeverisja laramane e Bashkisë së deritanishme. Për të mos folur për banimin tuaj, pasi ju kujton "mollën e ndalueme". Për punësimin, zgjerimin e bizneseve tuaja, që falë drejtimit "largpamës" të ish-kryetarit kanë hyrë në ujë", tha Alimerko. Në vijm, ai iu drejtua bashkëqytetarëve të tij duke iu thënë se u flet me mendje të hapur dhe dëshirë për Vlorën. "Ju flas me fjalën e forcës qeverisëse, që më kërkoi të fitoja besimin dhe të drejtoja Vlorën, të asaj force qeverisëse që tregoi në pak kohë se çfarë peshe dhe vendi ka Vlora për Shqipërinë, që nuk është Vlora e rrugës, ku biznesi dërrmonte brinjët, që gjithmonë i prenë shiritin e nisjes, por jo të mbërritjes", tha Alimerko. Gjatë fjalës së tij, ai theksoi se në Vlorë po bëhen dhe do të bëhen investime të mëdha, që të gjithë, prej një viti e gjysmë, i shohin si zhvillohen dhe kjo rrit besimin se premtimet po mbahen dhe të tjera do të mbahen. Kandidati i koalicionit të djathtë, Kreshnik Alimerko, u shpreh se Vlora është e të gjithëve, atyre që ishin dhe atyre që erdhën e që e bëjnë qytetin më të madh dhe me më shumë fuqi. "Vlora që do të ndërtojmë bashkë, është Vlora e prindërve dhe fëmijëve tanë, që duan vende ku të ecin, të rrinë dhe të shijojnë qytetin dhe ditën e tyre. Është Vlora e forcës më vitale të saj, të rinjve që studiojnë dhe duan të punojnë, të kenë një qytet që i do dhe që ndërtohet me mendjen dhe energjitë e tyre", deklaroi Alimerko dhe ftoi të gjithë bashkëqytetarët e tij për të ecur së bashku në zhvillimin e Vlorës.


Gëzim LLOJDIA





Kandidati i shumicës tha se Rama është nisur drejt Pezës bashkë me tramvajin e tij imagjinar


Olldashi: Do ta fitojmë Tiranën për ta mirëqeverisur dhe jo për ta shitur


Kandidati i mazhorancës për Bashkinë e Tiranës, Sokol Olldashi, deklaroi dje se do ta fitojë Tiranën jo për ta sunduar, për ta keqpërdorur apo shitur siç ka bërë Edi Rama, por për t'ia kthyer atë qytetarëve të saj dhe për ta qeverisur ashtu siç e meriton një metropol europian. Gjatë një takimi entuziast që zhvilloi pasditen e djeshme në Njësinë Bashkiake nr.5, Olldashi ka ironizuar premtimin e Ramës 6 vjet më parë për ndërtimin e një tramvaji në Tiranë, ndërkohë që theksoi se tashmë ai është nisur drejt Pezës bashkë me tramvajin e tij imagjinar. Olldashi u kërkoi ndjesë pjesëmarrësve për arritjen me vonesë në takim, por theksoi se kjo është shpejtësia me të cilën mund të ecësh në Tiranën e Ramës. "Në radhë të parë, do të doja t'ju kërkoja ndjesë, pasi arritëm pak me vonesë bashkë me zotin Topi për një arsye fare të thjeshtë. Menduam se mjeti më i shpejtë për të arritur nga selia e Partisë Demokratike, që është në qendër të qytetit, deri në Tiranën e Re, ishte tramvaji. U kujtuam që ish-kryetari i Bashkisë na pati premtuar një tramvaj. E kërkuam për të shmangur trafikun dhe na thanë që ka një, po në të është zoti Rama dhe është nisur për Pezë. Rrugë të mbarë për Pezë, zoti Rama! Ne kemi vendosur të rrimë në Tiranë dhe të fitojmë Tiranën", u shpreh Olldashi para takimit mjaft entuziast që u zhvillua në minibashkinë 5 të kryeqytetit. Duke iu referuar udhëtimit të tij të paradites me një nga autobusët e unazës, Olldashi tha se u deshën 45 minuta për të udhëtuar vetëm në tre stacione, ndërsa theksoi se kjo dëshmon shpejtësinë e qeverisjes së Ramës. "Kam marrë sot disa ish-kolegët e mi gazetarë dhe kemi hipur në një nga autobusët e qytetit të Tiranës, për të përshkuar tre stacione të unazës së qytetit, dhe e dini sa na u desh? 45 minuta për tre stacione. Kjo është shpejtësia e qeverisjes së Edi Ramës. Do dy ditë kohë për të përshkuar unazën. Asnjë nga ne nuk ka kohë për të humbur. Ne kemi kohë vetëm për një gjë, për të ecur përpara dhe për të bërë një qytet më të mirë. Unë jam i bindur që ne do ta fitojmë zonën tuaj bashkiake. Do ta fitojmë jo thjesht për ta fituar apo sunduar, do ta fitojmë jo për ta keqpërdorur, apo për ta shitur. Do ta fitojmë dhe do ta qeverisim më mirë, si do të qeverisim më mirë të gjithë Tiranën dhe të gjitha minibashkitë e saj", u shpreh Olldashi, duke i ftuar të pranishmit që entuziazmin e tyre ta përçojnë në çdo lagje e rrugë të kryeqytetit. "Tirana ka nevojë të entuziazmohet se ka një të ardhme. Tirana ka nevojë të ketë entuziazëm se 18 shkurti është shumë afër dhe më 18 shkurt ne do t'i japim Tiranës atë që qyteti ynë meriton, do t'i japim fitoren dhe katër vjet qeverisje të mirë për të gjithë shqiptarët", përfundoi fjalën e tij Olldashi. Ndërsa koordinatori i fushatës zgjedhore të kandidatit të koalicionit për Bashkinë qendrore të vendit, Bamir Topi, tha se Rama është duke ecur me shpejtësinë e breshkës që mban në zyrë, ndërsa theksoi se Olldashi ka parametrat e një qytetari perëndimor. "Ne kemi marrë vesh se zoti Rama ka përzemër një breshkë që e mban në zyrën e tij. Mesa duket, ai është duke ecur me shpejtësinë e breshkës. Zoti Olldashi ka parametra të tjera. Ai do të ketë shpejtësinë e një qytetari perëndimor, të një njeriu që do t'i kthejë fizionominë qytetit të Tiranës", u shpreh Topi, duke shtuar se koalicioni i djathtë tashmë nuk bën premtime duke qenë në opozitë, por ka avantazhin për realizimin e menjëhershëm të tyre. "Të gjitha projektet e zotit Olldashi, në radhë të parë, janë tek fuqia që do të ketë një kryetar i Bashkisë së Tiranës. Por ka dhe një avantazh tjetër. Janë projekte të rëndësishme, në bashkëpunim edhe me qeverinë qendrore, e cila do të përqëndrohet në katër vitet e ardhshme në projektet e mëdha të Tiranës", vijoi më tej Topi, i cili tha se së shpejti, Olldashi do të paraqesë projektin për infrastrukturën e re të Tiranës, duke lehtësuar kështu problemin me trafikun, me anë të Unazës së Madhe.

Ylber Drazhi





Zëdhënësja e fushatës së PD-së tha se Tirana ka 5 herë më pak gjelbërim se në vitin 2000


Rama, 500 mijë dollarë për ngushtimin e lulishtes tek Galeria e Arteve


Zëdhënësja e fushatës zgjedhore në Partinë Demokratike, Majlinda Bregu, deklaroi dje se ulja e hapësirave të gjelbra në Tiranë është në nivelet 300% që nga viti 2000 deri në vitin 2006. Ajo theksoi se Tirana sot ka vetëm 1.5 m2 hapësirë të gjelbër për frymë, në krahasim me 5 metra për frymë që ishte në vitin 2000. Ndërsa duke e krahasuar këtë me qytete të tjera të vendit, Bregu theksoi se hapësirat e gjelbra në Tiranë janë 15 herë më pak. "Në vitin 2000, Tirana ka patur 5 m2 sipërfaqe të gjelbër për frymë. Sot ka më pak se 1.5 m2. Rënia është mbi 300%. Kjo shifër është akoma më e ulët krahasohet me sipërfaqet e gjelbra në mbarë vendin. Në shkallë vendi, mesatarja është 15 m2 për frymë. Pra, Tirana ka 15 herë më pak se gjithë Shqipëria. Kjo sepse u shkatërruan lulishtet, u zhdukën hapësirat e gjelbra mes pallateve dhe humbën sheshet për fëmijët, sepse sipërfaqja për ndërtim zë 90% të territorit, dy herë më e lartë se sa është parashikuar në ligjin e ndërtimeve", nënvizoi Bregu. Duke iu referuar shumës marramendëse prej 500 mijë dollarësh të përdorur në ngushtimin e hapësirës publike pranë Galerisë së Arteve, Bregu theksoi se Rama duhet të tregojë se sa ka qenë kostoja e tij në këtë projekt.

"Vlera prej 500 mijë dollarësh shpenzuar për ngushtimin e hapësirës reale të gjelbër që ishte para Galerisë së Arteve, është më shumë se kostoja reale e ndërtimit të një pallati banimi 6 katësh, kostoja e të cilit llogaritet në rreth 460 mijë dollarë. Meqenëse kosto reale e një dynym lulishteje të thjeshtë mund të variojë në rreth 100 000 lekë të reja dhe kjo varet nga terreni, lloji i pemëve që mbillen, nëese nuk e mban mend koston reale të ngushtimit të kësaj hapësire të blertë para Galerisë, lutemi që Rama të na bëjë me dije atë që me siguri e mban mend: sa ka qenë kostoja e kryetarit "Rama" në këtë projekt", deklaroi më tej zëdhënësja e fushatës në partinë më të madhe në vend. Ajo theksoi se Rama u referohet 6 viteve të qeverisjes së tij sovjetike në Tiranë, duke u bërë gati tani për të filluar revolucionin kinez. Zëdhënësja e fushatës në Partinë Demokratike, gjithashtu, e ka cilësuar si demagogji dhe mashtrime të pastra premtimet e Ramës për shkollat dhe kopshtet. "Tirana është ndër qytetet me nivelin më të lartë të mbipopullimit të shkollave e kopshteve. Në pjesën më të madhe të shkollave 9-vjeçare, numri mesatar i nxënësve për klasë arrin në 38 vetë në shkollat e mesme, nga 43 në 49.5 nxënës, ndërsa në kopshte, 40 fëmijë për grup. Në rastin e kopshteve që janë tërësisht nën administrimin e Bashkisë, numri i tyre është tejet i vogël, duke akomoduar vetëm rreth 6500 fëmijë. Kopshtet ngrohen me gaz, një mënyrë kjo e papërshtatshme për këtë grupmoshe", vlerësoi Bregu, duke shtuar se ndër shkollat 9-vjeçare vetëm 11, nga 54 prej tyre, kanë sistem ngrohje, ndërsa theksoi se shkollat e mesme, nga 23, vetëm 4 prej tyre kanë sistem ngrohje. Ajo iu referua gjithashtu cilësisë së dobët të rikonstruksionit të shkollave, ku në tre prej tyre u ra suvaja fëmijëve mbi kokë. "Rikonstruksione të shkollave janë kryer vetëm në një pjesë të vogël të tyre. Megjithatë, vërehen raste të shumta të punimeve të cilësisë së ulët e deri abuzive. Në disa raste, si në shkollën "7 Marsi", "1 Qershori" si dhe në kopshtin 25/A, nga punimet e cilësisë së dobët është shembur suvaja", tha ajo, duke shtuar se edhe kushtet e brendshme të furniturave në shkolla lënë mjaft për të dëshiruar si, çarje muresh, tubash dhe tualete të papërdorshme.

"Bashkia e Tiranës është tërësisht jo transparente në përdorimin e fondeve për mbulimin e shpenzimeve operative për shkollat. Asnjë shkollë nuk është në dijeni të fondeve që i takojnë asaj e jo më të bëhet fjalë që vetë shkolla të administrojë këto fonde", përfundoi deklaratën e saj deputetja Bregu.





Kandidati i mazhorancës deklaron si prioritet modernizimin e transportit publik brenda muajve të parë të mandatit


Olldashi: Zgjidhje emergjente për trafikun


Modernizim të transportit publik, reduktim të trafikut, ngritje e sistemit të parkingjeve dhe sinjalistikës rrugore elektronike brenda vitit të parë të mandatit, ishin disa nga pikat kryesore të projektit të kandidatit të mazhorancës për Bashkinë e Tiranës, Sokol Olldashi, për përmirësimin e lëvizjes së qytetarëve në kryeqytet. Gjatë një takimi që zhvilloi me përfaqësues të shoqatave të transportit publik, Olldashi premtoi brenda vitit të parë të mandatit të tij vendosjen e një shërbimi të transportit inteligjent, me një sinjalistikë të komanduar në rrugë elektronike, që do të lehtësonte në mënyrë shumë të ndjeshme trafikun tepër të rënduar të Tiranës dhe do të koordinojë sistemin e semaforëve, që aktualisht është i çoroditur. "Ne angazhohemi që brenda vitit të parë të mandatit të vendosim në Tiranë një shërbim transporti inteligjent, me një sinjalistikë të komanduar në rrugë elektronike, që do të bënte një lehtësim të qarkullimit. Sot, ata pak semaforë janë tërësisht të çoroditur, të cilët në vend që të lehtësojnë trafikun, e komplikojnë edhe më tej atë", u shpreh Olldashi. Një pikë mjaft të rëndësishme për lehtësimin e trafikut në Tiranë, kandidati i koalicionit qeverisës parashtroi dhënien e koncesioneve bizneseve private për ndërtimin e parkingjeve që, sipas tij, jo vetëm do të çlironin akset kryesore nga parkingjet anësore, por do të lejonin që korsitë që aktualisht përdoren si parkingje anësore, të përdoren si korsi të shërbimit publik, çka do t'i jepnin këtij sektori një zhvillim potencial. "Me urgjencën më të madhe në muajt e parë të mandatit, ne do të fillojmë të japim, në partneritet me biznesin privat, koncesionet për parkingjet, që do të jetë një ofertë për biznesin privat. Ka një interes në rritje për këtë çështje dhe kjo do të bëjë që në një mënyrë shumë të shpejtë, ne të çlirojmë akset kryesore nga parkingjet anësore. Kjo mund të bëhet në bulevard, në Sheshin "Nënë Tereza", Sheshi "Italia" apo tek Stacioni i Trenit", vijoi më tej ai. Një nga prioritetet kryesore të Olldashit mbetet gjithashtu ndërtimi i shpejtë i 3 pjesëve të unazës së madhe të Tiranës, që do të bashkohet me akset kryesore, duke i mundësuar në këtë mënyrë një trafik normal dhe modern në Tiranë. "Do të fillojnë punimet me shpejtësi për vazhdimin e 3 pjesëve të unazës së madhe të qytetit. Punimet do të fillojnë brenda vitit të parë të mandatit dhe do të vazhdojnë më pas me hapjen e aksit qendror të Lanës, me transversalen që do të lidhë Kodrën e Priftit me zonën e Porcelanit dhe me vazhdimin e aksit të Bulevardit në drejtimin verior të qytetit. Zbrazja e akseve kryesore nga parkingjet anësore do të na japë mundësinë që këtë korsi anësore ta përdorim si korsi të transportit publik, duke rritur ndjeshëm shpejtësinë e lëvizjes së transportit publik, gjë që do të bënte konkurrente mjetet private", shpjegoi Olldashi, duke shtuar se kjo do t'i japë një stimul të madh këtij sektori dhe do të dekurajojë lëvizjen e mjeteve private. "Kjo është një shenjë shpëtimi për të gjitha linjat e transportit", theksoi më tej ai, duke nënvizuar se projekti i tij përfshin ndërtimin e terminalit të autobusëve të linjave interurbane dhe atyre ndërkombëtare. "Do të ndërtojmë me shpejtësi terminalin e autobusëve interurban. Sot, askush nuk e di ku niset autobusi për Shkodër, Elbasan, Shkup apo Prishtinë dhe do të lidhim terminalin me transportin urban", sqaroi kandidati i mazhorancës, duke premtuar se ndryshe nga praktika e ndjekur deri më tani, Bashkia e Tiranës do të bashkëpunojë me linjat e transportit publik për përmirësimin e cilësisë së stacioneve, duke përcaktuar, në bashkëpunim me ta, oraret dhe itineraret e sakta të lëvizjes. "Do të bashkëpunojmë me shoqatat dhe operatorët e transportit publik, për të koordinuar çdo punim publik që do të kryhet në rrugët ku operohet me transport publik, në mënyrë që ju të mos jeni para një fakti të kryer që shpeshherë ju vë para situatave të pakontrollueshme dhe të pamenaxhueshme, sikurse ndodh sot në unazë", iu drejtua Olldashi përfaqësuesve të shoqatave të transportit. Olldashi premtoi gjithashtu ngritjen e një agjencie rajonale për zgjidhjen e konflikteve që mund të krijohen nga operatorë të licencuar nga bashki të tjera. Olldashi tha gjithashtu se Bashkia do të subvencionojë një pjesë lehtësuese të operatorëve të transportit publik, ndërkohë që theksoi se autobusët e të gjitha linjave do të pastrohen nga të ashtuquajturit xhepistë që vjedhin pasagjerët në të gjithë autobusët e kryeqytetit.






85% e qytetarëve përjetojnë ankthin e autobusëve të Ramës


Një udhëtim brenda unazës shkon deri në 2 orë


Shërbimi i transportit publik është kthyer në një ankth të vërtetë për 85% të banorëve të kryeqytetit, që përdorin këtë shërbim. Kështu u shpreh dje kandidati i koalicionit të djathtë për Bashkinë e Tiranës, Sokol Olldashi, gjatë një udhëtimi me një nga autobusët e unazës paraditen e djeshme. I shoqëruar edhe nga deputeti i PD, Bujar Nishani, por edhe nga të rinjtë e forumit demokrat, kandidati i mazhorancës bëri një shëtitje me autobusë, për të prekur nga afër realitetin e shërbimit të këtij transporti dhe për të matur kohën që i duhet një qytetari të përshkojë unazën e kryeqytetit. Autobusi i linjës u nis nga Poliklinika nr.10 me destinacion "Zogun e Zi", por që, sipas Olldashit, nga 12-15 minuta që në kushte normale mund të përshkohej një gjatësi e tillë rruge, e cila përbëhet nga tre stacione, për shkak të trafikut, u është dashur më shumë se 45 minuta. "Distanca e unazës së Tiranës është e tillë që në kushtet e një trafiku normal do të duhet të përshkohet për 12 deri në 15 minuta, në orët e ditës mund të shkojë edhe 2 orë, dhe në raste të veçanta mund të shkojë edhe më shumë sesa kaq. Ky është makth i vërtetë. Vetëm 15% e banorëve të Tiranës, sipas statistikave, përdorin automjetet private. 85% që mbeten, përdorin këtë sistem transporti, që është sistemi i transportit publik. Gjendja e këtij transporti, siç dihet, është kaotike dhe po përkeqësohet çdo ditë e më tepër", nënvizoi Olldashi.

Sipas tij, trafiku është mjaft i rënduar dhe në të mbizotëron kaosi, duke fajësuar Bashkinë se për 6 vjet me radhë nuk mundi të hartonte një strategji për menaxhimin e gjithë kësaj situate. Duke iu referuar statistikave për mjetet që qarkullojnë në Tiranë, kandidati i mazhorancës tha se aktualisht qarkullojnë mbi 100 mijë mjete, ndërkohë që rrugët primare, sekondare dhe terciale të qytetit janë 143 km. "Vetëm për të parkuar automjetet anës rrugës, do të duheshin 400 km rrugë. Tiranës i mungon një kontroll inteligjent i lëvizjes, zhvillimi vertikal në kryqëzimet e rëndësishme, një plan dhe një studim. Gjithashtu, mungojnë korsitë e emergjencës, të shërbimit publik. Mungon një menaxhim i mirë i këtij transporti si dhe mungojnë oraret dhe destinacionet", tha më tej Olldashi. Ai theksoi se Tirana është i vetmi kryeqytet europian që nuk ka një terminal autobusësh apo një vend për parkimin e tyre. Për të gjithë këtë situatë, kandidati i mazhorancës fajësoi Bashkinë e Tiranës që nuk ka marrë asnjë masë për të përmirësuar gjendjen, duke mos mundur dot që për 6 vjet me radhë të implementojë asnjë strategji të qartë se si do të zhvillohen akset kryesore të kryeqytetit. Kandidati i mazhorancës premtoi se do të ofrojë dhe do të paraqesë të gjitha rrugët e zgjidhjes për problemet që janë krijuar, qoftë për trafikun, qoftë dhe për sistemin urban. Udhëtimit të tij me autobusin e linjës së unazës iu bashkuan rrugës edhe ministri i Jashtëm e deputeti i zonës, Besnik Mustafaj, deputetja e Partisë Demokratike, Majlinda Bregu, si edhe kandidati i mazhorancës për njësinë vendore nr.8, Arben Tafaj. Gjatë ndalesës së shkurtër në Njësinë Vendore nr.8, Olldashi u përshëndet me shumë banorë të zonës.






Shoqata e Transporteve mbështet projektet e Olldashit për transportin publik


Përfaqësuesit e Shoqatës së Transporteve mbështetën dje projektet e kandidatit të Partisë Demokratike, Sokol Olldashi, për modernizimin e transportit publik në Tiranë. Gjatë takimit që Olldashi zhvilloi me përfaqësuesit e kësaj shoqate, ata ngritën disa nga problemet kryesore për të cilat kërkuan adresim të tyre nga Bashkia e Tiranës në të ardhmen. Mungesa e një studimi të mirëfilltë lidhur me transportin urban në Tiranë, qoftë nga qeveritë e mëparshme apo nga Bashkia e Tiranës, e kanë zhytur në kaos urban kryeqytetin. Sipas tyre, studimet duhet të ishin sipas kostos së biletave, trafikut, dendësisë. "Me qeverinë e re, pas kërkesës së shoqatave të transportit, Instituti i Studimeve të Transportit është duke përgatitur një studim", u shpreh një nga përfaqësuesit e kësaj shoqate gjatë fjalës së tij. Por një nga problemet më shqetësuese për operatorët e transportit publik mbetet trafiku tejet i rënduar në rrugët e Tiranës, duke e shndërruar në një makth të vërtetë lëvizjen nga njëra pjesë e qytetit në tjetrën. "Problemi i trafikut është kthyer në një gangrenë për të gjithë operatorët e transportit publik, pasi rrit koston e transportit, shpenzimet e naftës, karburantin", nënvizuan përfaqësuesit e shoqatës. Sipas tyre, problem mbetet legjislacioni i pandryshuar që prej vitit 1991, kohë kur shërbimi i transportit ishte shtetëror. Ata i kërkuan Olldashit ngritjen e një autoriteti të transportit publik, i cili do të ketë kompetencë të përcaktojë linjat, licencat, të monitorojë dhe të caktojë çmimin e biletave, të aboneve, të menaxhojë shpërndarjen e aboneve në grupe të ndryshme të shoqërisë, të bashkëpunojë në luftën kundër informalitetit dhe zbatimin e rregullave të trafikut. Ata kërkuan gjithashtu heqjen e TVSH-së, meqë bëhet fjalë për një shërbim që subvencionohet.






Rama, asnjë plan për transportin publik në Tiranë


Bashkia e Tiranës, gjatë 6 viteve të fundit, nuk ka patur një vizion të qartë për mënyrën e funksionimit të transportit publik në kryeqytet, duke e lënë këtë sektor në mëshirë të fatit dhe rrugët e Tiranës në një kolaps të plotë. Ndonëse Bashkia e Tiranës ka harxhuar 4 milion dollarë për t'i dhënë zgjidhje këtij problemi, studimet, bashkë me paratë e harxhuara, kanë përfunduar në koshin e Bashkisë. Kandidati i mazhorancës për Bashkinë e Tiranës, Sokol Olldashi, gjatë një takimi me përfaqësues të shoqatave të transportit publik, evidentoi problemet madhore që karakterizojnë këtë sektor, ndërsa paraqiti projektet e tij për zgjidhjen e tyre. Sipas tij, Bashkia e Tiranës ka vepruar pa asnjë plan dhe pa asnjë studim përsa i përket përmirësimit të transportit publik dhe në vend që të kontribuonte për lehtësimin e tij, e ka vështirësuar atë më tej. "Me të njëjtën logjikë që u bë "Zogu i Zi", në vijim të saj do të duhej sot të kishim një bunker të madh në Sheshin "Skënderbej" pasi ai është kryqëzimi më i madh i Tiranës dhe kjo deri tani nuk i ka shkuar në mendje Bashkisë. Bashkia, në vend që kontribuonte, në fakt ka kontribuar për komplikimin e tyre, shembull është "Zogu i Zi" që parashikonte një rritje të shpejtësisë së lëvizjes në nyjë të automjeteve, por që ishte një nonsens i madh për shkak se kjo shpejtësi lëvizjeje në nyjen e "Zogut të Zi", do të bllokohej nga tre semaforë në rrugën e Durrësit", u shpreh Olldashi, duke shtuar se Tirana ka probleme të mëdha me qarkullimin vertikal. "Është i vetmi kryeqytet që nuk ka asnjë nënkalim dhe mbikalim në kryqëzimet kryesore që përbën një problem serioz, duke shkaktuar bllokimin e trafikut të akseve kryesore, duke shkaktuar ndotje dhe harxhim të kohës së qytetarëve", tha Olldashi. "Unë e kam nisur ditën time sot në unazën e kryeqytetit dhe na është dashur të përshkojmë për 45 minuta 3 stacione të unazës, dhe kjo për shkak të trafikut të rënduar të bllokimeve që kishim shpesh në rrugë, të cilësisë së keqe të rrugës që ngadalësonte lëvizjen, probleme që të gjithë qytetarët i njohin mirë. Problemet e transportit publik jo vetëm që janë probleme që në masë të madhe shkaktojnë pakënaqësinë e shumicës së qytetarëve, nëse iu referohemi studimeve të fundit të Co-Plan, ku 70% e banorëve të Tiranës janë të pakënaqur nga cilësia e transportit publik dhe kjo jo për faj të operatorëve dhe standardeve të aplikuara prej tyre, por për shkak të pengesave të jashtëzakonshme infrastrukturore që qeverisja e qytetit u shkakton linjave të transportit publik", theksoi më tej Olldashi. Sipas tij, në shkallë vendi vetëm 8% e popullatës përdor automjete, ndërsa në Tiranë nuk shkon më shumë se 15% që përdorin sot mjete private. "Së pari, kemi tendencën që vjen gjithnjë e në rritje të përdorimit të mjeteve private, gjë që rrezikon ta çojë Tiranën në një kolaps edhe më të madh se ku jemi sot, dhe problemi i dytë është se kemi 85% të popullatës së Tiranës që ka si ofertë të vetme transportin publik", vlerësoi më tej Olldashi, duke evidentuar si të domosdoshëm ndryshimin e menjëhershëm të kësaj situate. Ai theksoi se për trafikun nuk e ka fajin Policia Rrugore apo ajo Pyjore, por Bashkia e Tiranës, e cila nuk ka hartuar asnjë studim dhe asnjë plan për lehtësimin e trafikut në kryeqytet.






Olldashi, homazhe në kujtim të Arben Mingës

Kandidati i mazhorancës për Bashkinë e Tiranës, Sokol Olldashi, i shoqëruar edhe nga nënkryetari i PD, njëkohësisht dhe President i Klubit "Tirana", Bamir Topi, dhe ministri i Jashtëm, Besnik Mustafaj, zhvilluan dje në mjediset e stadiumit "Selman Stërmasi", homazhe në kujtim të ish-sulmuesit të Tiranës dhe ekipit kombëtar, Arben Minga, i cili ndërroi jetë të mërkurën nga një sëmundje e pashërueshme në Kanada. Kandidati i koalicionit të djathtë, Sokol Olldashi, u shpreh se ndarja nga jeta e Arben Mingës është një ndarje e madhe për sportin, i cili ka humbur kështu një nga emrat më të spikatur, por, pa dyshim, është edhe humbja e një njeriu të mirë. "E vetmja gjë që mbetet pas, është mirënjohja që të gjithë sportdashësit kanë për këtë figurë dhe për kontributin që ai ka dhënë", tha Olldashi. Ndërsa Presidenti i klubit "Tirana", Bamir Topi, u shpreh se ikja e Arben Mingës është një humbje për familjen dhe shoqërinë, për futbollin shqiptar. "Ndonëse ai kishte vite që ishte larguar nga jeta aktive e futbollit, ai ishte një pikë referimi dhe një legjendë e gjallë për futbollin, si dhe për të gjithë brezat. Ai mbetet figura e njeriut të dashur, zemërmirë dhe e një talenti jo vetëm të Klubit "Tirana", por gjithë futbollit shqiptar", u shpreh Topi. Ndërsa në librin e dedikimit, ai do të shkruante: "Beni ynë i dashur! Me dhimbje të thellë morëm lajmin e humbjes dhe të ndarjes nga familja dhe shoqëria që të donte dhe të vlerësonte aq shumë, si njeri i dashur, por edhe si talent dhe legjendë e futbollit të Tiranës së dashur. Ne do të të kujtojmë si ke qenë në kohën e lulëzimit të plotë". Ministri i Jashtëm, Besnik Mustafaj, do t'i dedikonte këto fjalë: "Lamtumirë Beni! Të kemi adhuruar në të gjallë, të adhurojmë edhe tani".


Ylber Drazhi





Kryeministri Berisha deklaron se qeveria është e vendosur të luftojë fenomenin e trafikimit të grave


Barazia gjinore, emancipim i shoqërisë


Kryeministri Sali Berisha deklaroi dje se qeveria është e vendosur të luftojë fenomenin e trafikimit të grave. Në Konferencën "Kohezioni social, barazia gjinore dhe shanset e barabarta", gjatë të cilës u prezantua Strategjia Kombëtare për Barazinë Gjinore, kreu i qeverisë u shpreh se ky dokument do të shërbejë për të ecur përpara në rrugën e emancipimit të shoqërisë shqiptare. "Dua të falenderoj hartuesit e këtij dokumenti të shkëlqyer dhe t'i siguroj se qeveria do të mbështesë fuqimisht jetësimin e tij, si një kusht i domosdoshëm për të ecur përpara në rrugën e emancipimit kombëtar, që ka si kusht sinekuanom barazinë reale të burrit dhe gruas, të nënës e babait, motrës dhe vëllait. Në këtë kontekst, unë shoh në këtë strategji jo vetëm një program serioz për të zvogëluar hendekun dhe korrigjuar padrejtësitë, por edhe një program real serioz për të shpalosur atë potencial të madh intelektual dhe krijues, atë forcë të jashtëzakonshme, e cila mbartet në gjysmën e shoqërisë sonë, tek gratë dhe vajzat shqiptare", tha Berisha. Në vijim, ai shtoi se vërtet Shqipëria ka një rrugë të gjatë për të bërë, por ka dhe arritjet e saj në këtë fushë. Gjatë fjalës së tij, kryeministri theksoi se duke konsoliduar arritjet, si në fushën e arsimimit dhe fusha të tjera, duhet të zgjerohet roli i gruas, të krijohen hapësirat që ato meritojnë. "Nuk mund të mos jem i lënduar kur shoh shkallën e papërshtatshme të pjesëmarrjes suaj në politikë, por edhe më i lënduar ndjehem kur shoh shkaqet e vërteta të kësaj shkalle, shkaqe të cilat nuk e nderojnë shoqërinë tonë dhe bien ndesh me të ardhmen e këtij vendi", tha kryeministri. Në vijim, Berisha u shpreh se në këtë periudhë, gratë dhe vajzat shqiptare janë përballur dhe ende vazhdojnë të përballen me probleme madhore, ku ndër më të hidhurat mbetet trafikimi i tyre. "Ndaj dhe qeveria është e vendosur të bëjë çdo përpjekje, të adaptojë luftën me tolerancë zero ndaj këtij krimi, që i shndërron vajzat dhe motrat tona në skllave. Rezultatet janë evidente, por dua t'i bëj thirrje çdo nëne, çdo vajze shqiptare të bashkojmë përpjekjet tona, në mënyrë që asnjë vajzë e grua e re shqiptare të mos mund të bjerë viktimë e trafikantëve, e skllavëruesve të saj", tha Berisha. Sipas tij, një përgjigje e shkëlqyer do t'i jepet fenomenit të trafikimit vetëm atëherë kur ky problem të bëhet çështje e çdo familjeje dhe komuniteti shqiptar, të të gjitha vajzave dhe grave. "Ne kemi ngritur kudo komitetet rajonale antitrafik. Është jetike dhe vendimtare të angazhohemi në këtë beteje për të mbrojtur vajzat e motrat tona nga ky viktimizim tmerrësisht i pamerituar", deklaroi kryeministri Berisha lidhur me masat që ka marrë qeveria në luftën kundër trafiqeve. Gjatë fjalës së tij, kreu i qeverisë ngriti edhe një shqetësim tjetër, atë të dhunës në familje. Sipas tij, në shoqërinë shqiptare, ky fenomen negativ është jo i rrallë dhe duhet ndëshkuar. "Qeveria e ka trajtuar dhe mbështetur plotësisht nismën dhe ligjin për të penalizuar dhunën në familje. Kundër saj duhet të ngrihet një opinion më i fuqishëm. Ne duhet t'i trajtojmë me çiltërsi dhe vendosmëri fenomenet negative dhe jo t'i injorojmë e t'i fshehim ato. Ne duhet të krijojmë një opinion të përgjithshëm që, krahas veprimit të ligjit, është e domosdoshme që aktet e dhunës të marrin ndëshkimin e merituar", tha kryeministri Berisha. Në vijim, ai u shpreh se familja shqiptare përballet me vështirësi të mëdha dhe janë të shumta nënat që rrisin fëmijët pa baballarët e tyre, sepse në pjesën më të madhe të rasteve ata janë në emigracion. Lidhur me këtë, kreu i qeverisë tha se duhet rritur kujdesi i shtetit për to, prandaj qeveria po përpiqet të krijojë një rrjet mikrokreditimi në mënyrë të veçantë për gratë kryefamiljare, për të lehtësuar dhe t'u mundësuar të përballojnë me dinjitet jetën. "Duke ju siguruar se qeveria është e vendosur të mbështesë fuqimisht këtë strategji dhe se do të bëjmë çdo përpjekje që të shënojmë çdo ditë hapa të mëtejshëm drejt barazisë reale gjinore, mbetem thellësisht i vetëdijshëm se kombi, pa shpalosjen e plotë të potencialit tuaj të jashtëzakonshëm, nuk do të mund të kapë horizontet që synon, nuk do të mund të mbrojë vlerat që çelnikosin një shoqëri të qytetëruar, nuk do të mund të realizojë të ardhmen që meriton", u shpreh kryeministri Berisha gjatë fjalës së tij në Konferencën "Kohezioni social, barazia gjinore dhe shanset e barabarta".


Anila Shamku




rd

[Ingenuous]

"Ne" kush?

"NE" qe kur shkojme e votojme, voten e hedhim me arsyetim, "NE" qe here jemi te majte e here te djathte.
"NE" qe i dhame voton pozites sot me besimin...por jemi po "NE" qe.... . "NE" qe opinionet i bazojme ne fakte...e nuk emocionohemi nga fjalimet e bukura te mbushura me premtime neper mitingje apo nga shkrimet "shpifese" ..."NE" qe kur del nje ndertues dhe thote qe me ka kerkuar 1 milion dollare per leje ndertimi, "NE" qe e kuptojme se kete deklarate e ben per qellime fushate, pasi te ishte e vertete ky i fundit ti ishte drejtuar gjykates, e jo pas me shume se 2 vjetesh na ben rolin e viktimes, pasi keshtu mund te perfitoje dicka.
Nese ky kryetar bashkie paska qene ari ne vjedhje, perse nuk cohet ne burg, partia e tij eshte ne opozite, apo, harrova, Sollaku...,



Mirulexofshim.

[PORTI_05]

Olldashi pritet në mënyrë spektakolare në lagjet e kryeqytetit


Qeverisje me duar të pastra për Tiranën


Banorë të Njësisë Bashkiake nr. 2 në Tiranë, pritën dje në mënyrë spektakolare kandidatin e mazhorancës për Bashkinë e Tiranës, Sokol Olldashi. Numri i shumtë i pjesëmarrësve, brohoritjet e pafund në mbështetje të kandidatit të mazhorancës, fishekzjarret dhe flamujt e shumtë të koalicionit të djathtë, e kthyen në një manifestim takimin e Olldashit me banorë të zonës së Saukut. I shoqëruar nga kryeministri Berisha, deputeti i zonës Ylli Pango dhe krerët e koalicionit qeverisës, Olldashi premtoi kthimin e kësaj zone në një qendër të madhe urbane të kryeqytetit, ndërsa theksoi se, ndërtimi i unazës së madhe do t'i japë një dimension zhvillimi ekonomik mjaft dinamik. Në fjalën e tij, kryeministri Berisha tha se, "Partia Demokratike ka vendosur në shërbim të kryeqytetit, udhëheqësin më të talentuar dhe ministrin më të suksesshëm të kabinetit të tij, njeriun që çliroi qytetet e Shqipërisë nga sundimi i bandave kriminale më të rrezikshme në rajon". "Sokol Olldashi me veprimtarinë e tij jo vetëm bëri shumë më të sigurtë jetën e çdo qytetari shqiptar, jetën e fëmijëve tanë, punën e tyre, por bëri të mundur para së gjithash nënshkrimin e Marrëveshjes së Stabilizim-Asociimit, duke afruar në këtë mënyrë çdo shqiptar më afër me Evropën, bëri të mundur fillimin e procedurave për lëvizjen e lirë, duke bërë në këtë mënyrë që qytetarët shqiptarë të udhëtojnë së shpejti me dinjitetin që meritojnë. Ai e nxorri Shqipërinë nga harta e krimit, i shpëtoi qytetet tona, Tiranën, Lushnjën, Beratin, Shkodrën, Tropojën dhe qytet e tjera nga bandat e krimit të organizuar", u shpreh kryeministri Berisha, duke shprehur besimin e plotë se, Olldashi me mbështetjen e qytetarëve do të shndërrojë Tiranën në një qytet në shërbim të banorëve të saj. "Do të garantojë në këtë qytet standardet më të mira të jetesës, shkollat më moderne, furnizimin me ujë, do ta nxjerrë qytetin nga ndotja dhe pluhuri, do të zhvillojë qendrat e tij. Qytetarët e Tiranës për 6 vite kanë përjetuar sagën e mashtrimeve të pafundme. Le të shtrojmë së bashku pyetjen se kur lëvizej më lirë se në Tiranë, sot apo 6 vjet më parë? Le të shtrojmë bashkë pyetjen. Kur ka qenë më e pastër Tirana sot, apo 6 vjet më parë? Sot, është 6 herë më e ndotur në ajrin dhe në ujërat e saj", u shpreh numri një i qeverisë, duke iu referuar 6 viteve të qeverisjes së Tiranës nga Rama. Ai tha se, Rama ka zaptuar muzeun e Pezës për të jetuar për vete, pasi e kupton se çfarë katrahure ka krijuar në Tiranë. Duke iu referuar brohoritjeve të pjesëmarrësve "E duam Tiranën pa Edi Ramën", kryeministri Berisha tha se, për këtë duhet të falenderojnë Partinë Socialiste, pasi Rama ka një vit që nuk është më në Tiranë. Kreu i qeverisë ka ironizuar mashtrimet e fundit të Ramës lidhur me shtrimin e rrugëve, duke theksuar se nëse ai thotë sot se ka shtruar 1 milion m2 rrugë do të vijë javën tjetër e të thotë se ka shtruar 100 milion cm rrugë. "Tani u thotë qytetarëve se, kam shtruar 1 milion metra katror rrugë. Ju garantoj se radhën tjetër do të mashtrojë, duke thënë se kam shtruar 100 milion cm rrugë. Dhe pastaj miliarda milimetra. Është njëlloj si të ngrihesh në mëngjes e të thuash kam krehur 2 milion flokë. Kjo është maratona e mashtrimeve të një njeriu, i cili 6 vjet vodhi dhe punoi, ndaj dhe kosto e punimeve në Tiranë është 48% më e lartë se në të gjithë Shqipërinë", nënvizoi Berisha, duke theksuar se, Tirana ka nevojë për qeverisje me duar të pastra, ndërsa theksoi se qeveria qendrore do të mbështesë të gjitha projektet e Olldashit për Bashkinë e Tiranës. Më tej, kryeministri tha se, "vetëm dy muaj më parë Rama tentoi grabitjen e tokave të banorëve të zonës së Saukut, duke paraqitur në KRRTRSH një projekt për shndërrimin e tij në sheshe ndërtimi. Dy muaj më parë do të më dërgonte Gonxhen e tij në KRRTRSH. Më paraqiti disa harta dhe më thotë se, këtu do të marrim disa toka dhe do të shtrihet vija e verdhë. Por e shihja në fytyrë dhe dukej që më gënjente. Ia anulluam, sepse ai deshte të grabiste tokë për firmat e miqve të tij", theksoi kreu i mazhorancës, duke premtuar se Sauku do të shndërrohet në një zonë moderne të Tiranës. "Më 18 shkurt do të ndahemi nga Edvin Kriza, i cili do të jetë kurbani i këtyre zgjedhjeve të lira dhe të ndershme, sepse nuk ikën vetëm nga bashkia, por edhe nga partia", nënvizoi kryeministri Berisha, duke shtuar se, Rama zëvendësoi pemët me shtyllat e betonit, ndërsa tani është përfshirë në maratonën e mashtrimit.


Sauku, qendër e rëndësishme urbane e Tiranës


Sauku do të jetë një nga qendrat e rëndësishme të kryeqytetit, dhe jo një periferi e harruar siç është sot, ndërsa banorët e tij do të kenë të gjitha shërbimet që kanë banorët që banojnë në Sheshin "Skënderbej". Ky ka qenë premtimi që ka bërë dje, kandidati i mazhorancës për Bashkinë e Tiranës, Sokol Olldashi, gjatë një takimi me banorët e kësaj zone. Olldashi u angazhua se me ardhjen në krye të bashkisë, ai do ta pastrojë Tiranën nga ndotja, tymi, plehrat dhe nga çdo gjë e keqe që ka prodhuar kryebashkiaku aktual në këto 6 vjet. Ai theksoi se, nuk do të lejohet më që Edi Rama të sillet me Tiranën sikur të ishte në çifligun e tij. "Ne nuk do të lejojmë më, që Edi Rama të sillet me qytetin sikur të ishte bahçe e tij. Ne do ta ndërtojmë qytetin për njerëzit, duke i respektuar ata, pronat e tyre, dinjitetin e tyre", deklaroi kandidati i mazhorancës. Duke parqitur disa nga projektet e tij për këtë zonë, Olldashi theksoi se, ndërtimi i unazës së madhe do të shpëtojë këtë zonë nga trafiku i tmerrshëm, ndërsa do të japë një kontribut të ndjeshëm në zhvillimin ekonomik. "Ne do ta ndryshojmë zonën tuaj, do ta bëjmë atë një nga qëndrat e rëndësishme të Tiranës, duke investuar në infrastrukturën ekonomike, infrastrukturën sociale dhe atë kulturore, për të kthyer Saukun nga një periferi e humbur e kryeqytetit, në një qendër të rëndësishme të Tiranës. Në një qendër kur këta banorë të shërbehen nga Bashkia", theksoi Olldashi. Ai tha se, kjo zonë do të zhvillohet nëpërmjet rrugëve të reja, infrastrukturës dhe shërbimeve sociale. Ndërsa nënkryetari i PD-së, Bamir Topi, shprehu besimin se me ardhjen në krye të bashkisë, Olldashi, do t'i kthejë qytetarëve institucionin e bashkisë, i cili në 6 vitet e fundit u bë institucioni i interesave mafioze të ndërtimit. "Sikurse çliroi shtetin nga krimi i organizuar, jam i bindur që do ta shpëtojë dhe qytetin nga mafia që e ka përçudnuar. Më 18 shkurt do të festohet rrëzimi i sistemit të korrupsionit në Bashkinë e Tiranës", deklaroi Topi.

Ylber Drazhi