Miratohet ndërtimi i gazsjellësit “EGL”, Greqi-Shqipëri-Itali

[Albo]

Miratohet, ndertimi i gazsjellesit “EGL”

E Merkure, 20 Shtator 2006

Nis puna per ndertimin e gazsjellesit te pare qe do te pershkoje vendin tone. Diten e djeshme, Keshilli i qarkut te Gjirokastres miratoi projektin e kompanise zvicerane per ndertimin e gazsjellesit "EGL". Menjehere pas ketij vendimi, menaxheri i kesaj kompanie, Gert Moser, ka bere te ditur dje, se “ky projekt do te beje te mundur realizimin ne afatin e premtuar te projektit “TAP” dhe do te lidhe Evropen e Lindjes me ate te Perendimit". Sipas tij, zbatimi i ketij projekti do te preke tre shtete dhe gazsjellesi do te pershkoje itinerarin Greqi-Shqiperi-Itali. "Duke pasur ne konsiderate qe ky projekt ka lidhje direkte me permasat e objektit, qe ka shtrirje ne disa qindra kilometra dhe ne disa njesi te pushtetit vendor, vlera e investimit ne teresi eshte 600 milione euro", shprehet zoti Moser. "Gjurma e gazsjellesit Trans-Adriatik dhe terminali i gazit natyror te lengezuar, vetem ne territorin shqiptar kap shifren e rreth 250 milione eurosh dhe gjate investimit do te punesohen rreth 300 punetore, ndersa ne kohen e prodhimit do te punesohen 80 punetore te specializuar", tha me tej zoti Moser. Perfaqesuesi i kompanise zvicerane deklaroi se, "e gjithe linja do te futet 1.5 meter ne toke dhe mjedisi do te jete i sigurt”. “Njekohesisht, te gjitha depot e gazit qe jane bosh dhe rezervat e saj do te kthehen ne gjendje pune, duke krijuar keshtu nje mundesi punesimi per banoret e zones qe do te preken nga investimi", tha zoti Moser. Sistemi i gazsjellesit zviceran "EGL" kap nje gjatesi prej 500 kilometrash, nga keto 200 kilometra vetem ne territorin shqiptar. Ky eshte projekti i pare konkret per kalimin e gazsjellesve ne vendin tone. Megjithese qeveria shqiptare ka nisur negociatat edhe per futjen ne vendin tone te gazit rus, ende nuk ka asnje rezultat konkret. Kalimin i gazsjellesve ne territorin shqiptar pervec perfitimeve te drejtperdrejta ekonomike te vendit tone, do te sjelle njekohesisht edhe uljen e cmimit te gazit.

Korrieri

[Albo]

Flasin përfaqësuesit e EGL: Përfitimet e Shqipërisë nga projekti transatlantik

Gazsjellësi 500 kilometra, 2 miliardë m3 për Shqipërinë


Shqipëria do të duhet të japë leje ndërtimi për rreth 200 kilometra tuba të çeliktë nga Korça në derdhjen e Semanit në Fieri.

KRRT e Gjirokastrës ka dhënë OK për linjën 90 kilometra që do të përshkojë Qarkun. EGL do të ndërtojë gazsjellësin e parë në Shqipëri, tubat e të cilit do lidhin prodhimin e Kaukazit me tregjet e Italisë Jugore. Ky është projekti i katërt që merr gaz nga Rusia dhe e çon atë në Evropë. Shqipëria, e cila me shumë fat do të jetë pjesë përbërëse e projektit, parashikohet të përfitojë, përveç punësimit të rreth 450 punëtorëve dhe specialistëve, edhe rreth 2 miliardë metër kub gaz.

Gjirokastra
Linja e gazsjellësit, që do të lidhë Greqinë, Shqipërinë dhe Italinë, do të prekë me gjurmë e në Shqipëri, Qarkun e Gjirokastrës, Korçës dhe Fierit. Përfaqësuesit e dy kompanive prestigjioze zvicerane, që merren direkt me ndërtimin dhe menaxhimin e tij në terren, pohojnë për gazetën “Panorama” se kjo linjë do të sjellë përfitime të konsiderueshme ekonomike prej punësimit pa përmendur edhe rieficensimin e depozitave të vjetra të gazit, të cilat ndodhen nën tokë pas abandonimit të industrisë së vjetër të gazit shqiptar. Kreu i Qarkut, Resul Llogo, pohoi se të ardhurat do të jenë solide edhe falë taksës transite që do të përshkojë të gjithë territorin e rretheve.

Zviceranët
Inxhinieri i projektit Andre Diendarter, tha për gazetën “Panorama” se nga 200 km të gazsjellësit në Shqipëri, 90 shtrihen në Qarkun e Gjirokastrës, 50 në atë të Korçës dhe pjesa tjetër në Qarkun e Fierit. Projekti do finalizohet në grykëderdhjen e lumit Seman. Në bazë të studimit të bërë, ky gazsjellës parashikohet të kalojë në rrethin e Bilishtit dhe konkretisht në komunën e Mirasit. Linja vjen nga toka greke në afërsi të Vidohovës dhe vazhdon në kufi të Qarkut të Korçës në rrethin e Kolonjës dhe saktësisht mes fshatrave Orgockë dhe Kaltanj të komunës Çlirim.
“Ndërtimi i këtij gazsjellësi në Shqipëri synon të hedhë poshtë edhe pretendimet e lindura prej kohësh e shteteve dhe kompanive të tjera, të cilat mjaft herë kanë refuzuar për kalimin e tij nëpërmjet Shqipërisë, duke e konsideruar me pa të drejtë si vend i rrezikshëm. Por tashmë ky projekt i ka sfiduar të gjitha këto zëra”, thekson Bashkim Baholli, përfaqësues i kompanisë zvicerane EGL. Aktualisht, sipas Bahollit, EGL disponon mbi 2 miliardë metër kub gaz për Shqipërinë, çka është e barasvlefshme me 400 mega vat instalim. Veç kësaj do të punësohen mbi 450 forca punëtore prej të cilave 120 specialistë të kualifikuar.

Projekti
Sipas inxhinierit të EGL, Gert Mozer, qëllimi i gazsjellësit është furnizimi me gaz i industrisë italiane e asaj perëndimore. I gjithë sistemi i përçimit të gazit është i gjatë rreth 500 km dhe një pjesë e mirë e tij do të jetë i nënujshëm në detin Adriatik, ku do të pozicionohet në kanale të thella deri në një metër e gjysmë nën dheun e detit. Përbërja e tubave përcjellëse të gazit do të jetë tërësisht e çeliktë me qëllim evitimin e padepërtueshëm të faktorëve nënujorë. Sipas Mozer, fillimi i ndërtimit të konstruksionit parashikohet në vitin 2008 dhe inicimi i procesit të operimit në fund të vitit 2009. Të dy përfaqësuesit zviceranë kanë pohuar se janë të interesuar të sigurojnë mbështetje për furnizimin e centraleve me gaz në Shqipëri.


500 milione
euro mendohet të jetë vlera e përafërt e projektit të EGL. Ai mendohet të fillojë nga ndërtimi në vitin 2008. Gazsjellësi do të jetë i katërti, që furnizon perëndimin me gazin rus.

200 kilometra
Në territorin shqiptar tubat e çeliktë të gazsjellësit do të përshkojnë 200 kilometra. Gazi vjen nga Greqia dhe shkon në Itali nëpërmjet detit duke e bërë Shqipërinë vend kalimtar.


Vendet nga kalon

Pika hyrëse
Fshati Vidohovë
(Qarku i Korçës)
50 kilometra

Pika dalëse
Derdhja e Semanit
(Qarku i Fierit)
60 kilometra

Qarku i Gjirokastrës
90 kilometra


Panorama

[Albo]

Ministria e Ekonomisë brenda javës paraqet në qeveri projektin

Gati studimi, depozitat e gazit do ngrihen në Fier


Brenda javës në qeveri do të dërgohet studimi për Parkun Energjetik të Fierit. Parku do të ndërtohet në zonën e Semanit në një sipërfaqe rreth 100 hektarë dhe si fillim do të ketë vetëm impiantet e gazit.

Në projektet e ardhshme, parashikohet edhe ndërtimi i një TEC-i. Ministria e Ekonomisë, Tregtisë dhe Energjetikës ka përfunduar studimin për Parkun Energjetik. "Studimi ka marrë edhe miratimin e Ministrisë së Turizmit dhe për dy ditë do të marrë edhe miratimin e Ministrisë së Transporteve. Më pas studimi për zonën e Fierit do të dërgohet në Kryeministri për miratim", ka deklaruar zëvendësministri i Ekonomisë, Gjergj Bojaxhi. Këtë herë, është rënë dakord me Qarkun e Fierit, specialistët e të cilit kanë dhënë mendimet e tyre për zonën ku do të ndërtohen impiantet. Bojaxhi ka garantuar se Parku Energjetik i plotëson të gjitha parametrat mjedisore dhe se nuk do të ketë asnjë dëmtim për turizmin në këtë zonë. Ndërsa në Vlorë do të ndërtohet vetëm TEC-i, si dhe projekti i Petrolifera-s, i cili është i miratuar me ligj nga shteti shqiptar dhe anulimi i tij do të kishte një kosto mjaft të rëndë për arkën e shtetit.

Studimi
"Eshtë bërë studimi për rrethin e Fierit, që një pjesë e Parkut Energjetik të Vlorës të zhvendoset në zonën e Semanit. Janë piketuar dy vende, të cilat janë të mundshme për të ndërtuar impiante të gazit të lëngshëm, ka shpjeguar zëvendësministri Bojaxhi. Numri dy i Ministrisë së Ekonomisë ka garantuar se Parku Energjetik i Fierit do të ketë vetëm impiante të gazit të lëngëzuar, të cilat nga ana ambientale janë të pastra. "Eshtë koordinuar me Qarkun e Fierit me një studim që po bëhet për zhvillimin e turizmit në këtë Qark, me qëllim që të mos përplasen këto dy studime. Ky studim do të ketë pikat më të përshtatshme, ku mund të ndërtohen impiantet e gazit të lëngëzuar", theksoi Bojaxhi. Meqenëse Ministria e Ekonomisë do të japë 3 ose 4 licenca, atëherë për parkun do të duhet një sipërfaqe rreth 100 hektarë. "Një nga kompanitë dëshiron të ndërtojë një termocentral, por ky është një projekt i një faze të dytë që mbetet për t'u parë", theksoi Bojaxhi.

Licencat
Ministria e Ekonomisë do të japë disa licenca për impiante të gazit të lëngëzuar dhe pastaj këto kompani do të kenë një mundësi që të luftojnë në treg dhe të gjejnë financuesit e projektit. Ajo që do të gjejë financuesit do të fitojë. Kjo është mënyra që ka gjetur Ministria e Ekonomisë për përzgjedhjen e kompanisë që do të ndërtojë impiantet. Megjithatë, për kompanitë që do të licensohen do të ketë 2 kritere mjaft të forta. "E para do të jetë që secila nga kompanitë që do të marrë këtë licensë do të paguajë një shumë fikse. Rëndësi ka që të jetë një shumë fikse që ka një kosto. Do të ketë një afat kohor, në rast se nuk vihet në përdorim brenda këtij afati licenca skadon", sqaroi Bojaxhi. Ministria e Ekonomisë, Tregtisë dhe Energjetikës po shqyrton projektet për sjelljen e gazit në Shqipëri.


Propozimet kanë arritur në Ministrinë e Ekonomisë
Projektet e gazsjellësve për Shqipërinë

Projekti i kompanisë "Promoteus", që parashikon sjelljen e gazit në Shqipëri nëpërmjet Greqisë, duket se është projekti më i realizueshëm. "Promoteus" është krijuar nga "Gazprom" dhe kompania greke "Kopeluzos" dhe parashikon importin e gazit nga Greqia drejt Shqipërisë me një tubacion të veçantë. Por, pas nuk mbetet edhe projekti i kompanisë EGL, e cila ndryshe nga grekët, parashikon ndërtimin e një gazsjellësi, i cili do të kalojë nëpërmjet Shqipërisë. Vendi ynë po bën përpjekje me kompani private për të kaluar tubacion gazi nëpërmjet Shqipërisë. Vetëm pak ditë më parë, kompania EGL prezantoi projektin e saj në Gjirokastër. Ndërkohë, një konsorcium evropiano-amerikan do të ndërtojë në gazsjellësin Adriatik, vlera e të cilit arrin 1.9 miliardë dollarë. Projekti që do të zbatohet nga konsorciumi ASG, parashikon ndërtimin e një stacioni rigazifikimi të gazit të lëngshëm natyror me një kapacitet vjetor prej 10 miliardë metër-kub dhe një TEC me cikël të kombinuar, me një kapacitet 1200 MW, i cili do të ndërtohet në Fier.


Panorama

[Brari]

me kte rast.. me qe do kercasi mina e do bucase traktori e eskllavatori.. e do shkoje rruli .. le te behen ne nje linje gaz sjellsi dhe hekurudha..dhe rruga.. e te kemi nje lidhje te shkurter me greqine.. e te shpetoje shqiptari nga gerxhet e ballsh - tepelenes.. qe smbarojn kurre..