Dhuna ndaj grave

[Xhenet.M.S.]

Mirdita gjith.ne radhe te par mirese ju gjej sepse eshte hera e pare qe shkruaj ne kte forum kam deshire te diskutojm rreth nje teme qe na prek te gjitheve .Ne shqiperi e dim te gjith qe akoma ekziston dhuna ndaj femrave ose te gjitha llojet e dhunes sepse ka disa dhe ne rastet kur bie ndesh me ligjin ajo nuk denohet dhe ktu mendoj qe nuk esht vetem faji shtet.Epara fajtore eshte vet personi femer sepse e lejon dhe e toleron kte deri ne kufijt ekstreme .Pse ne shqiperi nuk ka shum mundesi qe te ndihmojn ne ndergjegjsimin dhe menjanimin sado pak te mentalitetit te femres akoma te ndrydhur per te ngritur koken per te drejtat e saj???/

Kjo do ndodhe kur gjenerata e nenave te reja te fillojn ti edukojne femijet meshkuj, qe aq sa ke drejt ti ka edhe gjinia femrore duke filluar mesimin nga vetja (nena) motren gruan vajzene e tje e tje...

[Bora`]

Kjo do ndodhe kur gjenerata e nenave te reja te fillojn ti edukojne femijet meshkuj, qe aq sa ke drejt ti ka edhe gjinia femrore duke filluar mesimin nga vetja (nena) motren gruan vajzene e tje e tje...

<3 <3 dhe jam e sigurt qe nenat e brezit te sotem jan mese te bindura qe kjo lloj edukate duhet tju sherbej ne jete .

[[Perla]]

sa me siper per "dhunen" eshte vetem pjeserisht e vertete, ne fshat, ne zonat e thella, ose ne njerez me mentalitete te caktuara...

Pse po te jete vertete ne zona te thella, nuk quhet problematik shoqerore?
Neper qytete ekziston dhuna dhe nenshtrimi po aq sa ne ato zonat e humbura sic i quani juve, ku femrat kane frike te kerkojne te drejten e tyre, per ti thone stop nje martese te deshtuar, nga frika se shoqeria do i quaje ato te perdala, sepse faji eshte gjithmone i femrave, fatkeqesisht ne shoqerine tone. I shihni ndonjehere lajmet neper televizione o njeres , pff

[ilia spiro]

Pse po te jete vertete ne zona te thella, nuk quhet problematik shoqerore?
Neper qytete ekziston dhuna dhe nenshtrimi po aq sa ne ato zonat e humbura sic i quani juve, ku femrat kane frike te kerkojne te drejten e tyre, per ti thone stop nje martese te deshtuar, nga frika se shoqeria do i quaje ato te perdala, sepse faji eshte gjithmone i femrave, fatkeqesisht ne shoqerine tone. I shihni ndonjehere lajmet neper televizione o njeres , pff

fundi i postimit do te ishte me i sakte "o njeri"..., pasi pjesa eshte shkeputur nga postimi im..televizionet e mediat shpesh ose me mire te themi gjithmone manipulojne faktet dhe ngjarjet,..shpesh shohin vetem njeren ane te medaljes sipas konjukturave te kohes,..keshtu qe s`ka nevoje qe te na drejtosh tek mediat, sepse atyre ju ka dale boja tashme,..seicili flet per cfare sheh dhe prek vete.. s`keni as pse qaheni se do ju konsiderojne "te perdala" po te prishni martesat, pasi ligji ju jep te drejten te martoheni e te ndaheni sa here t`jua doje qejfi (ashtu edhe burrave)..pra s`ka pse te merrni gjithmone pozicionin e viktimes..., pasi une veçova gruan ne qytetet e medha, qe jane ndonja 20 % e me shume sot. ...dha faktet ku nje pjese e madhe e martesave prishen, tregon pikerisht kete... imoralitetin pa fre te nje pjese jo te vogel te shoqerise shqiptare, ku femrat zene vendin e tyre...
gjendjen neper fshatra nuk e njoh aq mire, megjithate mendoj se media ekzagjeron...(qimen e ben tra).. duhet pra te percaktohet saktesisht se ne c`perqindje dhunohen femrat.. 5%/...10%..., etj...mos pergjithesoni pra se nuk ju ka hije ta paraqitni gjendjen ne shqiperi sketerre, ..dhe shqiptaret "njerez me bisht", qe bejne c`bejne rrahin grate.....pjesen tjeter te mendimit tim e dhashe ne postimin tim me siper..
mire ka thene Faik Konica i varfer,..armiqte e shqiptareve jane vete shqiptaret

[[Perla]]

Une e di qe ligji na e jep te drejten , por nqs divorci kerkohet nga femrat, ne mentalitetin shqiptar qe na ben sot si i perparuar, pesha bie mbi shpatullat e gruas, sepse per mentalitete si e jotja ilia, femra nuk duhet ta prishi martesen edhe nqs keqtrajtohet nga burri, edhe nqs rrihet prej tij, edhe nqs ai e tradheton, duhet te uli koken e te qepi gojen. Po ndiqja nje dite nje kronike te xhiruar nga fiks fare, e fliste per femrat e ndara nga burrat per shkak te dhunes qe ata ushtronin sistematikisht ndaj tyre, e per faktin se edhe femijet i merrnin e i conin neper shkolla me autobus, per mos te rene ne duart e atyre perbindshave qe kishin per bab, u duhej te fshiheshin, e kjo ndodhte ne qiellin e lire te nje qyteti shqiptar, ku e drejta e atyre femra te shkreta ishte , ishte te jetonin me frike ne zemer se do masakroheshin perseri.

Armiqte e shqiptareve, jane ata shqiptare qe nuk pranojne realitetin e hidhur ku jetojne, e kur nuk arrijne dot te sensibilizohen shoqeria qe te ngresh dore mbi nje grua eshte krim, cfare mund te presesh qe ata baballare te edukojne djemte e tyre me vone. Nje femije qe rritet ne nje ambjent te tille do marri shembullin e prinderit e do e shohi gruan e tij ne te ardhmen si nje prone , objekt qe mund te beje me te çfare te doje... mirepo kjo neve nuk na bezdis se ai femija jeton ne zona te humbura neper fshat, edhe pse pasneser do kete zbritur ne qytet ai,se normal do ja kerkoj mosha do bej si shoket,kujton ti se ate edukimin qe ka marre do e harroje? Apo s'ka qe le te rrihen grate si gomari ne duhan, qe mos ta bejme qimen tra neve feministet, se s'kemi cfare bejme tjeter po shpikim qe maskiliteti ne Shqiperi eshte zbehur fare, gati nuk ekziston e ne meshkujt i marrin prej hunde... me mire keshtu ?

[ilia spiro]

Gjykim aspak realist, te tilla gjykime degjojme perdite... po nderhyrja ne familje e cila eshte "e shenjte" mos eshte edhe kjo maskilizem..,per mendimin tim nuk mund te nderhyhet ne familje per asnje lloj aresye..., gruaja te mendohet mire parpara se te martohet..dhe mos mendoni se me keto thirrje do te ndryshoni situaten ne keto zona "te humbura", pasi kjo eshte tradite e thelle dhe e rrenjosur..., por ka tradita te mira dhe te keqija..une nuk e di se ne c`perqindje femrat dhunohen ne Shqiperi, pasi vete po thua se femrave sùa mban te flasim.., atehere nga i nxirrni keto konkluzione ju se femrat ne shqiperi vetem na u rrihkan... nga media sigurisht, apo nga te dhena te BE -se, e cila quan shkelje e te drejtave mosperkrahjen ndaj LGBT... nese flisni nga mijra km larg sa "per te vrare kohen" them se e keni shume gabim, pasi nuk kemi nevoje per keto fjale qe vetem sa i hedhin benzine zjarrit dhe asgje me shume

sepse per mentalitete si e jotja ilia, femra nuk duhet ta prishi martesen edhe nqs keqtrajtohet nga burri, edhe nqs rrihet prej tij, edhe nqs ai e tradheton, duhet te uli koken e te qepi gojen.

minimumi i kultures eshte te flasesh per temen e te mos merresh me mentalitete personale te cilesuara....e di ti se kush tradheton me shume..ai mashkull me nje femer do te tradhetoje....
pra femrat sot tradhetojne po aq sa edhe meshkujt...,

nese je e bindur per dhunim masiv te femrave ne Shqiperi, na tregoni sa % e tyre dhunohen dhe metoden "shkencore" qe keni perdorur per te nxjerre keto konluzione...perndyshe them se kjo sèshte gje tjeter vecse propagande

[[Perla]]

Ore po me cudit tani, cfare qenka tradite? Te rrahesh gruan ??????

Mua nuk po me duket se po tregoj munges kulture neper çfare po them, iu referova postimit ku thuhej se femra duhet te binte per kete ate ate ,e ka ate e kete detyrim (pa ju cituar) pra perben mentalitet te tuajin , sepse femra mbi te gjitha eshte njeri ,e ka po aq te drejta sa bashkeshorti, per mos te thene me shume, pasi eshte nene , lind jete ..
Edhe ky shembulli i tradhetise qe merr, as qe ne hyn ne pune fare, sepse problemi ne mes ngelet dhunimi e mosperkrahja e femrave nga shoqeria, edhe pse jetojme ne 2012. Une tradhetine e permenda si nje element shkaterrues te femiljes se shenjte qe pemend ti , e qe femrat duhet ta gelltisin per mos ta prishur kete shenjtesine e madhe. Gjepura

[[Perla]]

nese je e bindur per dhunim masiv te femrave ne Shqiperi, na tregoni sa % e tyre dhunohen dhe metoden "shkencore" qe keni perdorur per te nxjerre keto konluzione...perndyshe them se kjo sèshte gje tjeter vecse propagande

Artikull i dates 10/10/2011

Mbi 50% e femrave shqiptare, të dhunuara


Sipas studimeve të kryera nga UNDP-ja, është arritur deri në thyerje kockash, dhëmbësh apo plagë të thella

Më shumë se gjysma e femrave shqiptare rezulton t’i jenë nënshtruar dhunës fizike apo emocionale nga bashkëshortët apo partnerët intimë të tyre. Ky konstatim është bërë nga një studim i kryer prej Programit të Kombeve të Bashkuara për Zhvillim (UNDP), i realizuar disa kohë më parë. Kështu, sipas këtij studimi, rreth 50.6% e grave të vrojtuara kanë pranuar që të kenë përjetuar dhunë emocionale nga burrat e tyre ose partnerët e tyre intimë, 39.1% kanë pohuar se kanë përjetuar dhunë psikologjike, 31.2 % dhunë fizike dhe 12.7% dhunë seksuale. Ndërkaq, i njëjti studim tregon se pjesa më e madhe e grave të rrahura nga bashkëshortët ose partnerët e tyre kanë pësuar dëmtime fizike të ndryshme, që variojnë nga çarja me thikë ose brisk në rreth 48.3% të rasteve, 18.1% dëmtime të syve, djegie apo përdredhje të krahëve, 5.4% kanë përjetuar humbje të vetëdijes. Kurse për sa u përket dëmtimeve të rënda si thyerje të kockave, të dhëmbëve e plagë të tjera të thella, vetëm një për qind e grave kanë pranuar t’u jetë ushtruar një lloj dhune e tillë ekstreme. Ndërkohë, një tjetër studim, ai demografik për shëndetin (DHS, 2008-‘09), ka treguar se rreth 45% e burrave shqiptarë vendosin vetë se si do t’i përdorin të ardhurat e tyre, 5% kanë deklaruar se vendos bashkëshortja, ndërsa 50% kanë pohuar se vendosin bashkërisht. Po nga ky studim ka rezultuar se, 30 për qind e femrave bien dakord me të paktën një prej arsyeve të specifikuara që do të përligjnin rrahjen e bashkëshortes prej bashkëshortit. Gjithashtu, 40.3% e meshkujve mendojnë se duhet ta ndëshkojnë partneren e tyre nëse ajo nuk pranon të kryejë marrëdhënie seksuale me të.

Fëmijët
Rreth 63% e fëmijëve shqiptarë rezulton të neglizhohen nga prindërit e tyre. Rreth 19% e tyre dhunohen fizikisht dhe janë dhunuar emocionalisht 8%. Dhuna ndaj fëmijës përfshin të gjitha format e abuzimit fizik, emocional, seksual, braktisjen ose neglizhencën, shfrytëzimin që sjellin dëmtim aktual ose të mundshëm mbi shëndetin, mbijetesën, zhvillimin ose dinjitetin e fëmijës në kontekstin e një marrëdhënieje përgjegjësie, besimi ose pushteti.

Edmond Hoxha - Gazeta Shqip

[[Perla]]

25/04/2012 Gazeta Shqip


Gruaja e rrahur, në zyrën e gjyqtares: Ndihem e kërcënuar


Zhaneta Peto kërkon mbrojtje për veten dhe fëmijët

Zhaneta Peto, 41-vjeçarja e cila u godit nga ish-bashkëshorti në zyrën e një gjyqtareje në Gjykatën e Shkallës së Parë të Fierit, jeton së bashku me të dy fëmijët në shtëpinë e të atit, në fshatin Seman. Kur troket në portën e jashtme të oborrit ka një hezitim nga brenda për të komunikuar. Nevojitet ndihma e një bashkëfshatareje të saj, e cila i bën me dije se personi që e kërkon është një gazetar, që 41-vjeçarja të dalë jashtë derës së shtëpisë. Fillimisht del i biri 13-vjeçar, i cili e njofton për herë të dytë se jashtë dere e pret një gazetar. Në këtë kohë, me një hap të ngadaltë, ajo del jashtë banesës dhe më fton që të hyj në oborr. Në dukje e lodhur, e fashuar në hundë, fillimisht pohon se nuk është dëshira e saj të dalë në media ky konflikt disavjeçar, por më në fund pranon të tregojë diçka nga historia e saj dhe ajo çka ndodhi të hënën paradite në ambientet e Gjykatës së Fierit. Më pas ajo tregon edhe dëmtimin e shkaktuar në hundë për shkak të gotikeve të ish-bashkëshortit.

Zonja Zhaneta, gazeta “Shqip” ka publikuar një lajm për rastin kur ish-bashkëshorti juaj, Anesti Mëngjesi, ushtroi dhunë fizike në ambientet e gjykatës. Cili është versioni juaj për këtë ngjarje?

Me një fletëthirrje, gjykata më kishte njoftuar se të hënën do të zhvillohej një seancë gjyqësore, që kishte të bënte me një kërkesë timen për zgjatjen e afatit të urdhrit të mbrojtjes për mua dhe fëmijët nga ish-bashkëshorti. Kjo, pasi prej rreth dy vitesh ne jemi të divorcuar, por ai ka vazhduar të jetë një kërcënim për mua dhe fëmijët. Gjykata kishte vendosur që ai as nuk duhej t’u afrohej fëmijëve dhe as nuk duhej t’u telefononte. Por ai e ka thyer vendimin e gjykatës dhe unë kam kërkuar mbrojtje. Gjykata ka vendosur dy herë urdhër-mbrojtje dhe të hënën pritej të përsëritej. Unë shkova së bashku me fëmijët në gjykatë dhe u paraqita në zyrën e gjyqtares, e cila kishte çështjen time. Pak minuta më vonë, aty mbërriti edhe ish-bashkëshorti, Anesti Mëngjesi. Në këtë moment, dikush e thërriti gjyqtaren dhe ajo sapo doli te dera, ai më qëlloi me grushte në fytyrë, në kokë dhe më përplasi. Pastaj nuk mbaj mend gjë. Mbaj mend që u gjenda në një sallë tjetër të gjykatës, derisa erdhi policia që shoqëri Anestin për në komisariat dhe mua për në spital.

Si është gjendja juaj shëndetësore?

Unë isha shtruar në spital. Nuk jam në gjendje të mirë dhe kam dhembje dhe dobësi trupore, por erdha në shtëpi pasi kam merak për fëmijët. Ata janë të vegjël dhe kanë nevojë për mua. Ata po rriten me shumë shqetësime dhe të pasigurt për shkak të babait të tyre.

Çfarë apeli bëni, çfarë kërkoni ju pas kësaj që ju ndodhi?

Siç e mësuat edhe ju, unë nuk pata siguri për jetën time dhe për fëmijët as në zyrën e gjykatës. Imagjinojeni se sa në rrezik janë fëmijët nëse dalin në rrugë, apo shkojnë në shkollë. Edhe këtu në shtëpi ndihemi të kërcënuar. Fëmijët kanë qenë shumë të mirë në mësime, që prej këtyre peripecive ata tani janë kthyer në nxënës të dobët. Unë jam në merak për jetën e tyre, për të ardhmen e tyre. I bëj thirrje policisë dhe institucioneve të tjera të drejtësisë që të më ndihmojnë, të garantojnë sigurinë e fëmijëve të mi. Gjithashtu, kërkoj nga institucionet e tjera shtetërore, nga Prefektura e Fierit dhe nga Komuna Dërmënas, sepse aty jam ende me gjendje civile, që të më ndihmojnë. Ndihem e pasigurt dhe jetoj në gjendje të mjeruar ekonomike, pasi nuk kam një punë

[ilia spiro]

Rezulton se 31,2 % e grave kane pesuar dhune fizike, por per kete jane pyetur vetem grate..., ndoshta edhe nje dacke (jo te forte) te dhene ne ndonje moment inati mund te trajtohet si dhune fizike..Te tilla dacka me shume ju japin femrat meshkujve dhe kjo nuk trajtohet si dhune nga meshkujt... (as nga mua personalisht) sepse njerez jemi..
shifrat qe jepen per demtime te dukshme me duken teresisht false,..pasi po te ishte keshtu 1 ne cdo 3 femra njera do te kishte plage ne fytyre ose ne trup, gje qe deri me sot mua nuk me ka rezultuar.

perralla per te vertetuar se shqiptaret jane "njerez me bisht"