Dhuna ndaj grave

[Edvin83]

Replike Dr. Susajt:

'Pushteti mizor' i burrneshave
EDVIN PACARA | 06/10/2010 | KOMENTE | 51 KOMENTE | SHARE | - +
Para ca kohësh poshtë pallatit të Dr. Lush Susajt u dëgjua një krismë, një krismë që i këputi ën në mes një djali të ri. Ky djalë i ri ra pre e një plumbi të faturuar nga një burrneshë katile, e cila pasi joshi djalin e shkretë, e vrau... përdorur duart e vëllait të saj. Një femër mizore, ashtu si femra të tjera në Shqipëri, që Dr, Susaj me aq zell i ka studiuar dhe dokumentuar sjelljet e tyre. Ai ka përjetuar me dhimbje se si sa e sa djem e burra të pafajshëm e djem të ëm, u copëtuan nga sopatat, u grinë nga plumbat, apo u rrëmbyen me dhunë nga "sundimi gjakatar" i grave në Shqipëri.
Ashtu si dhe Dr. Susajt, më dhemb në zemër teksa shoh dhjetëra mijëra burra malësorë e katundarë (dhe një numër të konsiderueshëm qytetarësh) që joshen, mashtrohen, përdhunohen e pastaj shiten si prostitutër ose mbahen nën zinxhirë në kullat e maleve ku destinohen për një jetë nën robëri e turp, me përdhunime të egra natë për natë, nga këto femra malësore, këto burrnesha të paarsimuara që e shohin mashkullin si një cope mishi që mund ta shfrytëzojnë kur të duan!
I shoh lotët e burrave nëpër fshatra, që teksa hedhin zaret e tavllës dhe çojnë poshtë me dhimbje gllënjkat e rakisë, megjithëse do të jepnin gjithçka vetëm që të punonin një ditë në arë, apo që të shkonin në mal për të prerë dru, e pastaj të bartnin barra të renda prej dhjetëra kilesh me dru e ujë...por jo; katilet femra i kanë dënuar ata që të rrinë të ngjitur pas tavolinës së kafes, e të kalojnë jetën në një robëri të zymtë plot me raki, kafe e bixhoz...
Sa e sa burra të rrahur natë për natë vetëm pse dëshironin të dilnin të shëtisnin me shokët e tyre apo të bënin ndonjë gjë që e kanë për pasion..sa e sa përdhunime (apo seks pa dëshirë) që burrat i vuajnë natë për natë nga femrat shtriga etura për seks, që ndërsa burrat bërtasin e ulërasin "mos, ndal" ato me ligësinë e tyre ua marrin fuqinë e i përdhunojnë egërsisht!
Mos të flasim për grabitjet e burrave! Këto gra të liga e të paarsimuara, rrëmbejnë djem të bukur e të urtë, e pasi i shfrytëzojnë mirë e mirë seksualisht, i vrasin nëse ata nuk dëshirojnë të martohen edhe pse martesa për këto femra është thjesht një mënyrë për të marrë lekët e burrave të gjorë, ndërsa ato me sadizmin e tyre përdhunojnë burra të tjerë! Këto femra që përhapin prostitucion, duke detyruar me dhunë burrat që të shkojnë me to e pastaj u kërkojnë edhe lekët e fundit që të shkretët burra mundën t'i fshehin nga gratë e tyre burrnesha. Po të mos ishin këto femra sadiste, prostitucioni nuk do të përhapej fare, e nuk do të kishim më mijëra burra që prostituojnë në rrugët e botës, nën sytë gjakatarë të tutoreve të tyre që nuk do të ngurronin të vrisnin çdo burrë që e kanë nën pushtetin e tyre.
Mjaft o burra që i thoni vetes burra si Lushi, kthejani dorën grave tuaja, thojini jo seksit të përditshëm me dhunë e mos i lini gratë tuaja t'ju përdhunojnë e t'ju çnderojnë! Çohuni he burra e ta rrezojmë pushtetin e grave mizore që po na shesin me mijëra si prostitutër nëpër botë!
Ej Lush, na i hape sytë se na ishin mbyllur nga gjaku që rrjedh nga plagët e shkaktuara nga femrat katile..!
Kjo ishte bota në të cilën jeton Dr. Susaj. Por realiteti është ndryshe...
Dhe lexues te dashur, tregimi i mësipërm ishte ironik!
Më poshtë do t'i bëj replikë Dr. Susajt për t'i treguar që gratë shqiptare dhe realiteti nuk janë ashtu siç na i paraqet ai.
Në realiteti kemi raste të përditshme kur burrat vrasin gratë e tyre, për "xhelozi" ose motive "banale" siç i paraqet rëndom media, por që në fakt ndodhin nga mentaliteti që trajton gruan si një pronë, dhe prona nuk mund të kundërshtojë se i ikën koka. Jo më larg se javën e kaluar një burrë theri të dashurën e tij në Berat, pasi siç raportohet nga media "ajo donte të largohej nga ai". Dr. Susaj na jep disa raste të vrasjes së burrave nga gratë e tyre (ose gratë si shkak për vrasjen e këtyre burrave), por nuk bazohet në asnjë fakt dhe nuk e analizon se pse këto gra na i vranë burrat e tyre? Mos vallë e kishin për hobi? Studimet kanë treguat që në vende maskiliste e patriarkale, vrasjet e burrave nga gratë e tyre ndodhin pas vitesh dhune sistematike e përdhunimi ku viktima humbet arsyen dhe lidhjen me realitetin dhe e sheh si te vetmen zgjidhje vrasjen e agresorit në vetëmbrojtje duke u nisur dhe nga realiteti shoqëror shtypës për të që i jep të drejtë burrit, dhe nuk ndihmon femrën viktimë. Ose zgjidhja tjetër për këtë femër te shtypur mund të jetë vetëvrasja.
Besoj keni lexuar për dhjetëra e dhjetëra raste në vit kur burrat vrasin gratë ose ish-gratë e tyre, të dashurat e tyre, ose edhe vajzat e tyre. Dhe në shumë raste ato vriten thjesht për një kundërshtim të vogël, një kërkesë për të respektuar të drejtat e tyre si njerëz që janë.
Një rast që artikulli të cilit po i bëj replikë trajton, është rasti kur vëllai i një vajze vret një djalë pasi ai nuk pranohet të fejohet me të. Dr. Susaj nuk thotë që ishte arma e një mashkulli tjetër që e vrau atë djalë dhe shoqëria që i bën presion, por na e paraqet rastin sikur janë këto femra burrnesha që kanë faj për gjithë këtë gjakderdhje.
Shumicat e femrave në Shqipëri jetojnë ende mes një shtypje e pabarazie të madhe. Nuk besoj që autori ka dalë në fshatra a qytete të vogla të Shqipërisë, ku është një skenë e përditshme të shohësh burrin që kapardiset majë kalit duke tymosur cigaren, ndërsa gruaja e vet vjen mbrapa në këmbë, duke bajtur një thes të rëndë mbi shpinë ose barrën e druve. Mos të flasim pastaj për prostitucionin, që është një shkatërrim për shoqërinë tonë, e që Dr. Susaj na i bën femrat shqiptare fajtore duke hedhur poshtë me mijëra studime në mbarë globin që tregojnë se si prostitucioni është skllavëri dhe krim seksual që zhvillohet pothuajse gjithmonë nga meshkuj kriminelë. Nuk besoj që ndonjëri ka parë që një femër që është e arsimuar, ka pozicion punë mjaft fitimprurës, të zhvillojë prostitucion për hobi. Pjesa me e madhe e prostitutave janë thjesht skllave të rrëmbyera ose mashtruara, e që më pas me anë të dhunës dhe kanosjes për jetë i detyrojnë të prostituojnë, ose mund të jenë dhe femra që në mënyrë "të vullnetshme" prostituojnë, të shtyra nga pamundësia për të gjetur para për bukën e gojës. Kjo bëhet edhe më e ashpër kur vetë shoqëria, siç është shoqëria Shqiptare, kufizon mundësitë e femrave për arsimim e punë ose diskriminon thellësisht ato që kërkojnë arsim e punë. A i kanë pyetur ndonjëherë këta burra me namuz ato prostitutat e shkreta se pse e bëjnë atë punë, dhe a e kanë pasion këtë gjë?
Çajupi është i famshëm për vjershën e tij "Fshati im" ku kritikon burrat e fshatit që lozin nën hije ndërsa gratë e tyre punojnë, por që nga ajo kohe pak ka ndryshuar në fshatrat e mos të themi në shoqërinë shqiptare.
Dr. Susaj thotë "Grave nuk ju shkon parmenda, shpata as pushka, gruaja nuk është si burri, po të ishte kështu atëherë nuk do kishte familje as shoqëri të ndërtuar sipas këtij modeli të familjes që ka sot bota."
Deri tani asnjë studim shkencor nuk ka arritur të gjejë dallime thelbësore mes trurit të një burri e atij të një gruaje. Të dy gjinitë kanë aftësi e potenciale të njëjta inteligjence të mundshme. Dallimi mund të jetë biologjik, por çfarë e bën më të aftë një kryeministër mashkull nga një kryeministre femër? Dallimi biologjik në trupat e tyre? Jo, dallimi është mes personash e jo mes gjinive. Por në shoqërinë tonë, ka një mori pozicionesh ku një femër nuk mund të punojë, dhe kjo vetëm sepse është një femër dhe jo sepse mund të jetë e paaftë! Imagjinoni se sa burra shqiptare do të votonin një kryeministre femër. Shembulli më i mirë është ky i tanishmi ku kemi vetëm një ministre në qeveri, pasi burrat me bark të madh nuk mund të lejojnë që të ketë femra në pozicione kyçe. Femrat nuk duhet të jenë sipërmarrëse në Shqipëri--shoqëria ua tregon vendin atyre, duke u thënë që femrat janë të mira vetëm për punë mekanike rutinë, si sekretare apo punonjëse në bankë. Sepse një femër nuk mund të ketë inteligjence, e kështu pra nuk mund të jenë në pozicione drejtuese! Mentalitet arkaik që bota perëndimore e ka hedhur poshtë me kohë. Sipas mentalitetit shqiptare, femrat nuk mund të drejtojnë qeveri, universitete, kompani, media, banka etj etj. Femra duhet të jetë kështu e ashtu...
Por femra është person, ashtu si unë e ti lexues i këtij shkrimi, që mund të jesh femër a mashkull. Dhe bota nuk ndahet në femra e meshkuj, vlerësimi i personit nuk bëhet sipas gjinisë të cilës i përket, por sipas personalitetit e inteligjencës që ka çdo person.

http://www.shekulli.com.al/2010/10/0...iburnesha.html

[Xhenet.M.S.]

FATI I TYRE I TRISHTË
Çdo vit, rreth 20 mijë gra vriten nga burrat, që i akuzojnë se u kanë çnderuar familjen. Në shumë vende këto krime nuk ndëshkohen. Ja historitë e tyre rrëqethëse...

Historitë tronditëse të burrave vrasës

Një tragjedi, një tmerr, një krim kundër njerëzimit. Mënyrat se si vriten gratë sot në botë, digjen me acid, theren, mbyten, varen, rrihen për vdekje, apo varrosen të gjalla për të vënë në vend nderin e familjes, janë vërtet shokuese. Statistikat e fundit botërore të publikuara nga OKB në vitin 2007 flasin për rreth 50 mijë të vdekur në vit, por sipas shumë shoqatave të grave dhe organizatave ndërkombëtare në Lindjen e Mesme dhe juglindjen aziatike, dyshohet se kjo shifër është rreth katër herë më e madhe. “Indipendent” ka bërë një vëzhgim të hollësishëm prej dhjetë muajsh në Jordani, Pakistan, Egjipt, Gaza dhe Cisjordani për të treguar krimet që lidhen kryesisht me gratë e reja në moshë, madje adoleshentet. Por edhe pse gazetarët nënvizojnë se këto veprime kryhen zakonisht nga myslimanët, është parë se krimet për nder ndodhin edhe në komunitetet e krishtera dhe ato hindu. Koncepti i nderit të familjes dhe komunitetit shkon përtej besimit dhe tejkalon mëshirën njerëzore. Të punësuarit në organizatat për të drejtat njerëzore, në “Amnesty International”, shoqatat e grave apo mjetet e ndryshme të informacionit, tregojnë se masakrat ndaj grave të pafajshme që akuzohen se i kanë hequr nderin familjes bëhen më të rënda nga viti në vit. Krimet për çështje nderi janë shumë të shpeshta, sidomos mes kurdëve të Irakut, mes palestinezëve të Jordanisë, në Pakistan dhe në Turqi. Por ndoshta ky shpërpjesëtim varet nga fakti se në disa vende shtypi është më i lirë për të denoncuar dhe kompenson sekretin që rrethon të njëjtat krime në Egjipt, ku qeveria mohon se ekzistojnë, apo në vende të tjera të Gjirit dhe Lindjes së Mesme. Prej shumë kohësh krimet për nder janë rritur edhe në vendet perëndimore, Britani e Madhe, Belgjikë, Rusi, Kanada. Në shumë vende të Lindjes së Mesme, autoritetet janë bashkëpunëtore të këtyre krimeve, duke reduktuar apo edhe anuluar dënimet e vrasësve nëse janë pjesë e familjes, ose i cilësojnë si vetëvrasje për të shmangur proceset gjyqësore. Është e vështirë të qëndrosh i qetë përballë listës së këtyre krimeve. Çfarë qëndrimi mund të mbash përballë një babai që dhunon të bijën dhe pastaj, meqë ka ngelur shtatzënë, e vret për të shpëtuar nderin e familjes, siç ka ndodhur në Egjipt?

Medine Mehmi, një vajzë turke 16-vjeçare në provincën e Adiyaman, në shkurt u varros e gjallë poshtë një koteci pulash nga i ati dhe gjyshi, sepse kishte miq disa meshkuj. Aisha Ibrahim Duhulow ishte 13 vjeçe në vitin 2008, kur u akuzua për tradhti. U tërhoq zvarrë, u fut në një gropë, ku iu la vetëm koka jashtë dhe u gjuajt me gurë nga rreth 50 burra, derisa dha shpirt. Krimi që kishte bërë? Ishte përdhunuar nga tre burra. Në Daharki, Pakistan, një vajzë u vra nga familjarët e saj teksa lindte fëmijën e saj të dytë. Para se të masakrohej me një sëpatë, i prenë hundën, veshët dhe buzët. Fëmija i parë, ende i vogël, u gjend i vdekur mes rrobave të saj. Koka e fëmijës së vogël sapo kishte dalë, ndërsa trupi ishte ende në barkun e nënës. Tre kufomat ishin drejt dekompozimit. Disa gra donin t’i varrosnin, por kjo nuk u lejua, sepse bëhej fjalë për një “grua të mallkuar dhe fëmijët e saj të paligjshëm”. Në gusht të vitit 2008, në Belucistan, pesë gra u varrosën të gjalla, pasi kishin kryer krime kundër nderit të familjes. Hamida, Rahima dhe Fauzia ishin adoleshente. Disa burra i rrahën keqaz, i gjuajtën dhe i hodhën teksa ishin ende gjallë në një varr, ku i mbuluan me gurë dhe baltë. Dy gra të tjera, 45 dhe 38 vjeçe, patën të njëjtin fund vetëm për faktin se protestuan. Vajzat e reja ishin fajtore sepse kërkonin të mos martoheshin me burrat që familja u kishte zgjedhur. Një parlamentar pakistanez, Isararullah Zehri, deklaroi në gjyq se këto vrasje ishin pjesë e një tradite shekullore që duhej mbrojtur. Në dhjetor të vitit 2003, në Multan, po në Pakistan, një vajzë 23 vjeçe, Afsheen, u vra nga babai sepse pas një martese të palumtur me shkuesi, ishte larguar me një tjetër burrë, Hassanin. Afsheen vinte nga një familje e shkolluar, me babain inxhinier dhe nënën avokate. “I hodha ilaç gjumi në çaj, pastaj e mbyta me dupat (shall i gjatë që është pjesë e kostumit tradicional pakistanez), tregoi i ati në polici. “Nderi është e vetmja gjë që ka rëndësi për një njeri. Ishte vajza ime e preferuar. Akoma sot i ndiej në vesh ulërimat e saj”. Të afërmit e kishin gjetur Afsheen-in në Rawalpindi, nën shoqërinë e Hassanit dhe i kishin premtuar se nëse do të kthehej në shtëpi, nuk do t’i bënin asgjë. Vajza u besoi, nuk mendonte se gënjenin e se do të përfundonte kështu.

Shumë të reja
Në Pakistan, në bazë të ligjeve vendase, të afërmit e viktimës mund ta falin vrasësin e saj. Në qershor të vitit 2002, në Bara Kau, Zakir Hussain Sahah ia preu fytin vajzës 18-vjeçare, Sabihas, sepse i kishte çnderuar familjen. Por mamaja dhe vëllai i Sabihas e falën dhe burri doli nga burgu. Më shumë se dhjetë vjet më parë, Komisioni Pakistanez për të Drejtat Njerëzore regjistronte mijëra krime për nder në vit. E dyta në renditje pas Pakistanit, vjen Turqia, edhe pse duhet marrë parasysh se autoritetet e vendeve të tjera gënjejnë, duke thënë se tek ata këto lloj krimesh nuk ndodhin. Policia turke ka deklaruar se nga viti 2000 e deri në 2006-n janë vrarë për motive nderi 480 gra, një e pesta e të cilave me moshë nga 19 deri në 25 vjeçe. Nga statistika të tjera të bëra publike pesë vjet më parë në Turqi nga disa organizata për mbrojtjen e të drejtave të grave, rezulton se çdo vit sakrifikohen në emër të nderit të paktën 200 viktima. Shifrat janë shumë më të mëdha se ato që autoritetet zyrtare deklarojnë. Pjesa më e madhe e krimeve për nder janë kryer në rajonet me mazhorancë kurde. Sipas një sondazhi, 37 për qind e qytetarëve të Dijarbakirit në Kurdistanin turk aprovojnë vrasjen e grave që kanë lidhje jashtëmartesore. Në vitin 2006, autoritetet në zonën turke të Anadollit juglindor regjistronin të paktën një herë në muaj rastin e një gruaje që tentonte vetëvrasjen me urdhër të familjes. Derya, një vajzë 17-vjeçare që ishte dashuruar me një shok shkolle, mori një mesazh në celularin e saj nga xhaxhai. Në të shkruhej: “Ke përdhosur emrin e familjes sonë. Për të vendosur nderin në vend, vrit veten para se të mendojmë ne”. Edhe halla e Derya-s ishte vrarë nga gjyshi për të njëjtat motive. Vajza vendosi të ndjekë urdhrat e të afërmve: u hodh në lumin Tigër, preu damarët, por arriti të mbijetonte. Pas kësaj u largua nga shtëpia dhe u strehua në një shtëpi pritjeje për gratë që arratiseshin nga familja për motive të ndryshme. Gazetari turk, Mehmet Farac, në librin e tij me titull “Women in the grip of trial customs”, kujton vrasjen e pesë vajzave në provincën e Sanliurfas në fund të viteve ‘90. Dyve prej tyre, që nuk ishin as 12 vjeçe, u ishte prerë fyti në sheshin kryesor të vendit, dy u shtypën me traktor, ndërsa e pesta u vra nga vëllai i saj i vogël. Njëra prej atyre që u ther quhej Sevda Gok: ndërsa kushëriri adoleshent i priste fytin, vëllezërit e mbanin që të mos lëvizte. Të vrasësh gratë për të mbrojtur nderin, është një zakon shumë i përhapur në zonat rurale, por nuk është ekskluzivitet vetëm i kurdëve. Në vitin 2001, Sait Kina e gjuajti për vdekje vajzën 13-vjeçare, sepse foli me disa djem në rrugë. E masakroi në banjë me sëpatë dhe thikë. Policët që gjetën trupin, thanë se ishte bërë copa-copa, saqë ishte e pamundur ta bëjë bashkë. Në polici, Sait Kina deklaroi: “Bëra detyrën time”. Po në vitin 2001, një gjykatë në Stamboll ua shkurtoi dënimin tre vëllezërve që e kishin hedhur motrën nga një urë, pasi e akuzonin se ishte prostitutë. Gjykata arriti në përfundimin se vrasja ishte kryer si pasojë e sjelljes së saj.

Incidente shtëpiake
Aso Kamal, një britanik-kurd i angazhuar me fushatat e sensibilizimit të irakianëve kurdë kundër dhunës në familje, tregon se nga viti 1991 e deri në vitin 1997, vetëm në tre provinca kurde në Irak janë vrarë 12500 gra, nga të cilat 350 kanë humbur jetën në shtatë muajt e parë të vitit 2007. E dhëna më shokuese është se vetëm pesë vrasës u dënuan. Shumë gra marrin nga familjarët urdhra për të vdekur, duke u djegur me vaj të nxehtë. Në vitin 2007, në spitalin e Sulaimaniyah, mjekët kanë kuruar shumë gra me djegie të shkallëve të rënda, që nuk mund të shkaktoheshin kurrë nga incidente shtëpiake, siç tregonin vetë viktimat. Sirwa Hassan vdiq nga djegiet në 86 për qind të trupit. Ishte kurde, mamaja e tre fëmijëve dhe banonte në një fshat afër kufirit me Iranin. Në vitin 2008, një funksionar shëndetësor në Sulaimaniyah deklaroi për agjencinë e lajmeve AFP se në muajin maj, brenda dhjetë ditëve 14 gra ishin vrarë për motive të lidhura me nderin. Në vitin 2000, autoritetet kurde të Sulaimaniyah kishin dekretuar se “justifikimi i vrasjes së grave për të vënë nderin në vend nuk mund të pranohej më”. Për këtë arsye u vendos që gjykatat të mos aplikonin më ligjin e vjetër të vitit 1969, që çonte në uljen e dënimit për fajtorët. Por edhe ligji i ri nuk i ndryshoi shumë gjërat. Në Irak krimet për nder nuk lidhen vetëm me kurdët. Në vitin 2008, policia e Basrës njoftonte për 15 raste në muaj të grave që vriteshin “pasi kishin dhunuar zakonet islamike për sa i përket veshjes”.

Dy vjet më parë, 17-vjeçari Rand Abdes Qader u rrah për vdekje nga i ati, pasi kishte rënë në dashuri me një ushtar britanik. Një tjetër vajzë, Shawbo Ali Rauf, 19 vjeçe, u vra nga familjarët me shtatë goditje pistolete gjatë një pikniku në Dokan: në celularin e saj u gjet numri i një të panjohuri. Edhe në Jordani dhe në një vend liberal si Libani, ndonjëherë ndodhin krime për çështje nderi. Sipas një sondazhi të bërë në Liban, 90.7 për qind e libanezëve janë kundër krimeve të kryera për nder dhe ndër të paktët që janë promendojnë se këto lloj vrasjesh mund të shërbejnë për të kufizuar numrin e martesave të përziera mes të krishterëve dhe myslimanëve. Edhe në Siri gjendja është pothuajse e ngjashme me Libanin. Por këtu një burrë që vret gruan për tradhti dënohet me dy vjet burg. Në Iran dhe Afganistan, vrasjet për motive nderi shpesh janë provokuar nga grindjet mes fiseve. Në Iran, për shembull, një funksionar i provincës së Khuzestanit në vitin 2003 deklaroi se brenda dy muajsh ishin vrarë 45 gra për motive që lidheshin me nderin dhe asnjë prej fajtorëve nuk ishte ndëshkuar. Të gjitha viktimat kishin refuzuar martesat me shkuesi dhe dyshoheshin se kishin pasur kontakte me burra të huaj. Në Indi, një çift të fejuarish hindu u vra nga familja e nuses, sepse dhëndëri i përkiste një kaste më të ulët. Pasi u lidhën, çifti ndërroi jetë nga rryma e korrentit. Në Çeçeni, Ramazan Kadirov, Presidenti i zgjedhur nga rusët, prej kohësh inkurajon burrat që të vrasin për çështje nderi. Kur në Grozni u gjendën të vrara shtatë gra me plumb në kokë dhe kraharor, Kadirov deklaroi se “u vranë se bënin një jetë imorale”. Por edhe në Perëndim situta nuk është perfekte. Shpesh familjet e emigrantëve marrin me vete edhe zakonet e frikshme të vendeve prej nga vijnë. Në periferinë e Torontos, vjehrri i preu fytin nuses, sepse kjo e fundit kërkonte t’ia linte djalin për një tjetër. Sipas tij, ndarja ishte një turp i madh për gjithë familjen. Edhe në Londër një grua indiane u vra nga vjehrra, sepse kishte tentuar të ndahej nga bashkëshorti i saj i dhunshëm. Një pesëmbëdhjetë vjeçare me origjinë turke, që banonte në veri të Londrës, u torturua dhe u vra nga i ati, një mysliman shiit, sepse donte të martohej me një sunit. Lima Nabil, një gazetare që sot drejton një qendër pritjeje për vajzat e arratisura nga shtëpia, thotë se në Abu Garib gratë janë torturuar më shumë se burrat. Në burg pothuajse të gjitha gratë janë përdhunuar. Disa kur janë vrarë ishin shtatzëna dhe familjet i kanë vrarë për t’i dhënë fund turpit. Ahmed Najdawi është një avokat i moshuar jordanez, që në muret e zyrës së tij mban të varura portretet e Sadam Hussein-it. Në Amman, ish-lideri irakian është akoma një hero për shumë vetë. Najdawi mbron në gjyq ata që kryejnë krime për nder, që kanë vrarë gratë apo vajzat. Është i bindur se këtij problemi i është dhënë shumë rëndësi për motive politike. Krime të këtij lloji, thotë, ndodhin në të gjithë botën, sidomos në kulturat orientale. Në këto anë, shpesh zakonet janë më të forta se ligjet. “A nuk kanë ekzistuar edhe në Europë këto gjëra deri pak shekuj më parë?”, thotë. Dhe ka të drejtë, se deri jo shumë kohë më parë në Britaninë e Madhe gratë beqare që ngeleshin shtatzëna mbylleshin nëpër çmendina. Historitë janë rrëqethëse, shpesh të pabesueshme. Por e vërteta e hidhur është se askush, as ne perëndimorët, nuk mund të bëjmë gjë për t’i bindur këta njerëz të pranojnë barazinë mes sekseve dhe të drejtën e grave për të qenë të lira të bëjnë jetën që duan. Do të duhen shekuj që kjo të funksionojë.

shkupi press.com

[MI CORAZON]

"Peshku i madh e ha te voglin"
Lerini grate, por shihni mos dhunoni femijet, se ata te shkretet nuk jane able te kthejne as fjale as dore.

[Nazionalist]

Gjithmone mendoj se njeriu jeton vetem nje here e per kete cdo njeri duhet ta jetoje ate sipas qejfit pa dallim gjinie ,por tek shqiptaret eshte ndryshe.Burrat shqiptare mendojne qe femra eshte prone e tyre e mund te lozin me te si te duan. Ata nuk e aktceptojne dot kur femra e le pra kerkon te ndahet nga ai,e per kete perdorin dhunen burrat.Perse!?????????!!

nje; jeta eshte e gjate dhe prandaj nuk duhet te jetohet sic e ke qejfin por ashtu sic duhet dhe ashtu sic thote morali yne njerezore.

dy; nuk jane te gjithe burra shqiptar te njejte. disa burra shqiptar jane te mire, disa te keqij, varret nga njeriu dhe jo nga vendlindja,

tre; grate shqiptar kerkojn te ndahen dhe pastaj burrat shqiptar ia japin dhune? nuk e kuptoj, pse ia jep dhune asaj pas si kerkon ajo te ndahet? apo po thua se burrat shqiptar ia japin dhune grave te tyre qysh ne fillim? qofse po thua te dyten atehere prape duhet te them, disa burra shqiptar jane te mire dhe disa te keqij, sepse je shqiptar nuk do te thote se e mban gruan me dhune por disa here grua kerkon dhune me te kallezu te verteten. grua eshte e dyta e shtepis, kjo dihet por ti po e zmadhson fare muabetin dhe shembullin.

une per vete e kam zgjedh se ti nuk dike se per cfare flet dhe nuk kupton cfare thua as se cfare eshte jeta. shpresoj se nje dite do rritesh dhe do pjekesh nje cik nga mendja dhe pastaj mund te vish prap ne forum te pyetesh keto fare pyetjet.

[Hanny]

ah more njerz, sa m'prek ky muhabeti i dhunes mi femnat...ni gjo osht e qart, burrat qe qojn dor mi grat jon thjesht krijesa pa k**e, mos i quni as meshkuj pra..ka shum "shqipe" pa k**e, e vertet, por shpresa jeme osht qe brezat e rij t'edukohen ashtu qysh i ka hije burrit e ktu hyn n'pun vet femnat qe duhen eduku femijun e tyne me perdor forcen qe ja ka dhon Zoti jo kunder t'dobeve por per te mbrojt t'dobtet...ato femna qe gjinden ne kto situata te tmerrshem i uroj me gjet forcen dhe me u largu nga kta psikopata, tek e fundit ma mir e vdekun se sa me jetu n'ket menyr...nuk di per trojet e tjera shqiptare por n'Kosove prsh lun rol t'modh, per daljen nga keto situata, edhe familja e femres pra kush ka nja 2-3 vllazen, qe i dalin krah motres se tyne, shpeton leht sps kta morrat qe ushtrojn dhun mi femnat zakonisht me meshkuj nuk kan b*th me u kap..

[-BATO-]

Dhuna në përgjithësi nuk është e mundur të zhduket, se është pjesë e jetës, por shndërrohet në forma të ndryshme. Vetë ligji është dhunë. Ata që bëjnë ligjet ose qeverisin, u thonë njerëzve: "Bëni si them unë, se përndryshe do të përdor dhunën" .... dhe e përdorin mbi ata që kundërshtojnë. Policia dhe ushtria janë organe dhune.

Për sa i përket familjes, mund të mendohet se sot nuk ka dhunë, por aty dhuna është shndërruar në forma të tjera. Kur njëra palë i bën presion palës tjetër me ushtrimin e dhunës së ligjit dhe e detyron të veprojë kundër dëshirës, kjo është dhunë. Pra dhuna nuk zhduket, po merr forma të ndryshme, ose ndërron kahun.

[mardo]

dhuan mbi femrat ......mhb sh i gjate
personalisht njerezit qe ushtrojne dhume duhet te konsultohen me psikologun ....
ne ditet e sotme qarkullojn shum qetesues
a me qe ra fjala ....uroj qe te marrin edhe politikanet tane ndonje qeteuses ....se jan ber sh dhunsa
suksese femrave ne luften e barazise

[lisa12]

vetem te kafshet mund te perdoret dhuna,dhe sot ne keto kohe dhe kafshet po jetoje dhe trajtohen si njerez.............qofte budallaqe ajo qe ia lejon vetes ti perdore dikush dhunen si sexsualen ashtu dhe fizike.......................

[Xhenet.M.S.]

lisa jam dakort me ju, por per fat te keq edhe pse nuk jan budallaqe dhuna ndaj grave ka qene dhe eshte gjithmon prezent ne cdo komb dhe shtet!

[Edvin83]

06 Janar 2012 - 07:42 | Shqiperi
Ngacmimet seksuale, 20 punonjëse lanë punën

TIRANË- Gjatë vitit që lamë pas rreth 20 punonjëse kanë denoncuar largimin e tyre të padrejtë nga puna dhe se janë ngacmuar seksualisht. Këto të dhëna bëhen të dituar nga Komisionerja për Mbrojtjen nga Diskriminimi, Irma Baraku, ndërkohë që thuhet se ka edhe mjaft raste të tjera, që janë duke u shqyrtuar.

Nga ana tjetër ministri i Punës Spiro Ksera ka deklaruar se do të ndërhyhet edhe në Kodin e Punës me qëllim përfshirjen e masës së dënimit në lidhje me ngacmimet seksuale në punë. Deklaratat janë bërë gjatë nënshkrimit të Memorandumit të Bashkëpunimit midis Ministrisë së Punës Çështjeve Sociale dhe Shanseve të Barabarta dhe Komisioner- it për Mbrojtjen nga Diskriminimi.

Me qëllim sigurimin e të drejtës së çdo personi për barazi përpara ligjit, barazi shansesh dhe mundësi për të ushtruar të drejtat e për të gëzuar liritë, është nënshkruar një Memorandum bashkëpunimi midis Ministrisë së Punës, Çështjeve Sociale dhe Shanseve të Barabarta dhe Komisionerit për Mbrojtjen nga Diskriminimi. Gjithashtu marrëveshja synon mbrojtje efektive nga diskriminimi në fushën e punësimit, marrëdhëniet e punës dhe mbrojtjes shoqërore.
(Shkrimi sot në Gazeta Shqiptare)
(el.me/BalkanWeb)