Ministria e Transporteve bllokon fluturimet e "Albatros"

[leci]

Dakord me ty dardajan per Fiat e Parmalat,se skane shume rendesi per ne.
Por ajo qe dua te them eshte qe ne ketu po merremi me PD e PS,me shantazhe etj,kur dihet shume mire si eshte e verteta.
Kush nderton ne Golem,cilet jane ata qe ngrejne pallate apo vila.
Eshte X,me mbrapa politikan Y.
Kush zoteron kompanine BelleAir eshte X,me mbrapa politikan Y.
Kjo eshte e gjitha.
Deri kur ne te jemi si ato delet qe ne baze te politikes e bindjeve tona,gjykojme ate qe ndodh ne vendin tone,asnjehere sdo te hecim perpara.

Kurse une i prish nervat,me behet vone sepse eshte vendi im.Ndoshta nuk do ndryshoj asgje,biles e sigurte kjo,por une perpiqem qe te pakten te kuptoj.
Sidoqofte si thote populli pranvera nuk vjen me nje lule,dhe ne rrezikojme te kalojme jeten ne dimer te perhershem.

[dardajan]

Po mer Leci po, e di qe duhet bere dicka , por per kete duhen shum para , dhe per cudi parate shkojne gjithmone tek ata , qe nuk duan te bejne dicka, ose me mire bejne gjithmon dicka por gjithmon per vete.

[Brari]

Ish-drejtuesi i kompanisë shtetërore, Albtransport ishte në të njëtën kohë edhe President i kompanisë ajrore


"Sasha" zhyste në borxhe Albtransportin në ndihmë të Albatrosit


Prej disa ditësh, çështja e pezullimit të fluturimeve të kompanisë Albatros është kthyer nga drejtuesit e kompanisë së fluturimeve në një burim spekullimesh, pasi synojnë të largojnë vëmendjen nga esenca e kësaj çështje, madje edhe duke ushtruar presion ndaj organeve shtetërore, për të ruajtur një trajtim të privilegjuar të kësaj kompanie. Ndërkohë, duke iu referuar origjinës së formimit të borxhit, konstatohet që nga fillimi i vitit 2004, kjo kompani ka patur dhe vazhdon të ketë detyrime të pashlyera ndaj konçensionarit të Aeroportit Ndërkombëtar të Tiranës, Tirana Airport Partners, si dhe ndaj shoqërisë shtetërore në likuidim, Aeroporti "Nënë Tereza" SH.A ose Albtransporti.

Shuma që kompania e fluturimeve ajrore prej 443,833 Euro ka ndaj Albtransportit, e ka origjinën që nga viti 2004, duke përkuar me të njëjtën kohë ku shoqëria shtetërore në likuidim Albtransport drejtohej nga Aleksandër Hoxha. Ish-drejtuesi i kompanisë shtetërore, Albtransport, ka përdorur kompaninë e fluturimeve Albatros të faturuar me borxhe prej tij, për përfitime të jashtëligjshme në kurriz të shtetit. Më pas, një VKM i ish-qeverisë socialiste ka ndihmuar më tej, që ish-drejtuesit e administratës shtetërore t'i trajtonin aksionet shtetërore si çifligjet e tyre. Vendimi i ish-qeverisë socialiste mundësonte që drejtues të kompanisë shtetërore, Albtransport të mund të kishin aksione në kompanitë private të fluturimeve, të cilat operonin në tregun ajror shqiptar. Pa iu tharë mirë boja vendimit të ish-qeverisë socialiste, Aleksandër Hoxha, nga fundi i vitit 2004 largohet nga posti i drejtuesit të kompanisë shtetërore, Albtransport, dhe zgjedh të jetë aksioneri i kompanisë së fluturimeve Albatros, kompani kjo, e cila i kishte borxh kompanisë shtetërore që drejtohej prej tij. Albatros është një kompani aksionere që shtrin veprimtarinë e saj në fushën e transportit ajror të pasagjerëve.






Borxhet lindën kur Presidenti Hoxha drejtonte Albtransport-in


Aksioneri dhe njëherësh Presidenti i Albatrosit, Aleksandër Hoxha, pavarësisht për njohjen dhe kontestimit të këtij borxhi nga ana e kompanisë, nuk ka marrë asnjë masë për të paguar borxhin, por ka vazhduar të operojë në tregun ajror në kundërshtim me ligjin. Albtransport që prej vitit 2004, ka komunikuar në rrugë zyrtare me kompaninë private të fluturimeve Albatros, për vënien në djeni të borxhit që ajo i detyrohet shtetit. Shkresa të tilla zyrtare, i janë dërguar Albatros edhe nga ish-drejtuesi i Albtransport-it, Hoxha. Ish - drejtuesi i Albtransportit, njohës i praktikave ligjore, mbi të cilat fuksionon kjo kompani aksionere shtetërore, zgjodhi jobesueshmërinë financiare të shoqërisë ajrore Albatros për të garantuar, përfitime në rrugë jo ligjore. E njëjta situatë është evidentuar edhe në vitin 2005, ku kompania ka rezultuar sërish me borxhe, ashtu si edhe në vitin 2006, kur DPAC vendosi, që me një akt pezullimi të ndalojë fluturimin e mëtejshëm të avionëve të Albatros, pasi kjo kompani i detyrohet TAP dhe Albtransport një shumë prej 890,845 euro nga të cilat 447,012 euro ndaj koncesionarit TAP dhe 443,833 euro ndaj Albtransportit.






Pse ju validua Albatros çertifikata e operimit ajror?


Ministri i Transporteve, Lulzim Basha, gjatë një seance plenare të mbajtuar disa ditë më parë në Kuvend, ka paraqitur detajet e abuzimeve të kryera nga kompania e fluturimeve Albatros dhe rrugët ligjore që janë ndërmarrë për bllokimin e saj. "Që prej dhjetorit të vitit 2005, Drejtoria e Përgjithshme e Aviacionit Civil (DPAC), ka kërkuar në mënyrë të përsëritur, si me shkrim, ashtu dhe gjatë takimeve dypalëshe, shlyerjen e detyrimeve financiare të kompanisë Albatros ndaj shtetit, si edhe ndaj koncensionarit të Aeroportit Ndërkombëtar të Tiranës TAP", tha Basha.

Që në maj 2005, referuar dokumentave zyrtare, kompania Albatros kërkoi ripërtëritjen e autorizimit të operimit ajror. Përpara këtij akti, DPAC dhe përfaqësuesit e Albatros diskutuan gjatë mbi besueshmërinë financiare të kompanisë, duke patur parasysh mosshlyerjen e detyrimeve financiare që kjo kompani kishte ndaj Albtransportit në shumën prej 443,833 eurosh si dhe detyrimin financiar në afro 500 mijë euro ndaj TAP. Në bazë të Udhëzimit nr. 860 i datës 27 shtator 2004, për lëshimin e autorizimit të operimit ajror dhe çertifikatës së operimit ajror, mungesa e besueshmërisë financiare çon në mosnxjerrjen e autorizimit të operimit ajror. Në këtë moment, kompania u angazhua që të përmirësonte marrëdhëniet financiare me të tretët dhe të shlyente detyrimet ndaj tyre. Në bazë të këtij angazhimi, u gjykua të lejohej vazhdimi i aktivitetit të kompanisë dhe më 10 Maj 2006, ministri i PPTT dhe DPAC validuan çertifikatën e operimit ajror të kompanisë Albatros. Gjatë periudhës tre mujore mbas dhënies së kësaj të drejte nga ana e kompanisë Albatros, nuk pati asnjë reflektim, por vetëm premtime të vazhdueshme për njohje të detyrimeve. Në muajt qershor, korrik dhe gusht 2006, DPAC i është drejtuar disa herë me shkrim kompanisë Albatros, duke kërkuar shlyerjen e detyrimeve financiare dhe duke vendosur afate, të cilat u shkelën pa përjashtim.






Shlyerja e detyrimeve, rrugëdalja nga pezullimi


Gjendja u rëndua edhe më tej, kur konçensionari TAP kërcënoi ndërprerjen e fluturimeve të kompanive debitore ndaj tij, si dhe kërcënoi se do të ndërpriste derdhjen e detyrimeve financiare ndaj shtetit. Më 27 korrik dhe së fundi më 30 gusht, TAP i kërkoi DPAC, të mbështeste procesin e likuidimit të detyrimeve të pashlyera ndaj TAP, si pjesë e marrëveshjes konçensionare midis qeverisë shqiptare dhe TAP. Sipas ministrit Basha, në këto kushte, pas dështimit të përsëritur të kompanisë Albatros për të shlyer detyrimet e saj kundrejt të tretëve, DPAC bazuar në Ligjin e Aviacionit Civil mori vendimin për pezullimin e përkohshëm të fluturimeve të kësaj kompanie, deri në shlyerjen e detyrimeve të pranuara ndaj të tretëve. DPAC, gjithashtu informoi kompaninë Albatros se mosshlyerja e përsëritur dhe e vazhdueshme e detyrimeve ndaj të tretëve vë në diskutim besueshmërinë financiare të kompanisë dhe si e tillë mund të çojë deri në anullimin e autorizimit dhe çertifikatës së operimit ajror.

Dorina Azo


RD

[ClaY_MorE]

Presidenca: Asnjë favorizim kompanisë ajrore “Albatros”

“Deklarata për favorizim të kompanisë “Albatros” nga institucioni i Presidentit, janë të pavërteta, të njëanshme e të interpretuara për qëllime spekulative” Kishte vendosur të mos reagonte më për kompaninë “Albatros”, por deklarata e zëdhënësit demokrat, Bujar Nishani, se kompania në fjalë ka përfituar 40% të shpenzimeve operative të Presidencës, ka bërë që kreu i shtetit të sqarojë sërish pozicionin e tij.

Pikërisht dje, në ditën kur presidenti, Alfred Moisiu u nis për një vizitë zyrtare në SHBA, Zyra e Financës pranë kreut te shtetit, ka reaguar përmes një njoftimi zyrtar lidhur me qëndrimin e dy ditëve më parë të zëdhënësit të grupit parlamentar për favorizim të kompanisë “Albatros, nga Presidenti Alfred Moisiu.

“Ditët e fundit, nga disa politikanë janë bërë deklarata publike në media, sipas të cilave, Institucioni i Presidentit të Republikës, ka favorizuar dhe ka kaluar një pjesë të shpenzimeve operative në kompaninë “Albatros”.

Lidhur me këtë, Zyra e Financës sqaron opinionin publik, se: administrata e Presidencës, duke iu përmbajtur kuadrit ligjor, është treguar e kujdesshme në çdo shpenzim.

Edhe në rastin e udhëtimeve jashtë vendit, në bazë të procedurave ligjore, zyrat përkatëse në institucionin e presidentit, duke pasur parasysh përdorimin me efektivitet të fondeve buxhetore, kanë paraqitur kërkesën e tyre për ofertë, pranë disa kompanive ajrore, të cilat ushtrojnë aktivitetin e tyre në vendin tonë dhe kanë përzgjedhur ofertën më ekonomike, me një diferencë të dallueshme nga të tjerat.

Në sektorin e financës të institucionit të Presidentit, ndodhet dokumentacioni përkatës, që vërteton sa më sipër vijon”,- thuhet ne njoftimin për shtyp të Presidencës.

Për këtë arsye, Zyra e Financës së kreut te shtetit citon se, “deklarata dhe pohime për favorizim të kompanisë “Albatros” nga institucioni i Presidentit, janë të pavërteta, të mbështetura në të dhëna të njëanshme e të interpretuara për qëllime spekulative, duke synuar që të krijojnë një perceptim të rremë publik”.

Reagimi i Presidencës vjen menjëherë pas kërkesës së dy ditëve me parë të zëdhënësit të PD-së, Bujar Nishani, i cili kërkoi ngritjen e një komisioni hetimor parlamentar për çështjen “Albatros".

Marre tek: http://www.a1tv.com.al

[Brari]

Data: 18/09/2006, ora

Fokus/ Me dhe pa “Albatros”, Moisiu shkoi në OKB



Edhe pse ka disa javë që kompania “Albatros” është e pezulluar, Presidenti i vendit e ka gjetur mundësinë të shkojë në SHBA, në sesionin e radhës së OKB dhe nuk e ka penguar fakti që kompania e nipit të tij është në vështirësi fluturimesh. Udhëtimi i Moisiut në SHBA, duket se ka qenë përtej interesave të ngushta familjare dhe kjo e bën çështjen e “Albatrosit” për Moisiun, fare të parëndësishme, sikur ai të mos kishte vendosur t’ia shtonte dozën politike. Nëse Presidenti nuk do të thoshte një shportë të tërë me broçkulla për ngacmime politike e ndërhyrje apo presione të cilat kërkoheshin me lupë nga opozita për të ndërtuar strategjinë e saj për të përfituar e për të tërhequr vëmendjen nga problemet e mprehta që ka me vetveten dhe me marrëdhëniet me ndërkombëtarët, pra, nëse i heqim shqetësimin e shtirur Moisiut, asgjë nuk mbetet për t’u parë. Moisiu ka ikur në SHBA, me një linjë tjetër avioni. Edhe shqiptarët që u sollën si shembull për vuajtjet nga falimentimi i kompanisë, kanë zgjedhur firma më të mira apo thjesht të tjera, pa hyrë në detaje. Aeroporti “Nënë Tereza” funksionon ende, edhe pas pezullimit të “Albatrosit”, ndërsa partnerët italianë janë në kërkim të një shqiptari tjetër që të mund të bashkëpunojnë në mënyrë korrekte. Me pak fjalë, “Albatrosi” nuk ishte kërthiza e Shqipërisë dhe as e rajonit, ai madje nuk nxiti asnjë reagim të partnerëve ekonomikë apo strategjikë dhe askush nuk u ndje, pse për pak ditë nuk u ngritën në fluturim “zogjtë e sëmurë me H5N1”, që nuk iu dhimbsën askujt e kjo ishte e vërteta e asaj që duhet me kohë të ishte bërë. Tani që tollumbacja e fryrë artificialisht plasi, askush nuk po e ndjen mungesën e saj. Është si të mos ketë ekzistuar kurrë. Kështu duhet të ishte që në fillim. Tani, Moisiu e di këtë, edhe pse iu desh të fluturonte në OKB, që të kthjellohej për pak.

Re. Po.





55

[Brari]

ja dhe gazeta shqip qe te mbush mendjen . qef o qef ben dervishi..


-------

"Albatros", ofertat më të mira për fluturimet "çarter"

Publikohen kërkesat dhe ofertat për udhëtimet e porositura të Presidentit Moisiu gjatë vitit të kaluar. Kursehen 75 mijë euro


Kompania "Albatros" ka paraqitur ofertat më të mira për udhëtimet me "çarter" të Presidentit Alfred Moisiu. Në 4 raste që i përkasin vitit të kaluar, shoqëria ajrore, fluturimet e së cilës janë pezulluar prej tri javësh, ka ofruar një çmim prej disa mijë euro më pak se simotrat e saj. Në një rast, fituese ka qenë "Albanian Airlines". Fillimisht, kjo kompani ka ofruar 18 mijë euro për itinerarin Tiranë-Romë dhe kthim, më 8 prill të vitit të kaluar. Por, më pas, drejtuesit e saj kanë paraqitur ofertën prej 13 mijë euro, 1000 euro më pak se oferta e "Albatros".

Atëherë, për të marrë pjesë në ceremoninë e varrimit të Papa Gjon Palit II, Moisiu udhëtoi drejt Romës me avionin e tipit "Bae-146", të kompanisë "Albanian Airlines". Më parë, më 15 mars, Kreu i Shtetit kishte udhëtuar drejt Tel Avivit. Dy kompanitë, "Albatros" dhe "Albanian Airlines", kishin dërguar në Presidencë ofertat e tyre për këtë fluturim. Sipas dokumentacionit përkatës që ndodhet në zyrën e financës në Presidencë, oferta e paraqitur nga "Albanian Airlines" për tri lloje avionësh ishte përkatësisht 4, 7 dhe 10 mijë euro më e lartë se oferta e paraqitur nga "Albatros".

Kjo e fundit ka dërguar në Presidencë oferta më të ulëta edhe për tri raste të tjera. Në përgjigje të kërkesës së kabinetit të Presidentit për të paraqitur ofertat e tyre për tri udhëtime të Moisiut, në Moskë (Rusi), Bukuresht (Rumani) dhe Varna të Bullgarisë, "Albanian Airlines" paraqiti ofertën e përgjithshme prej 107 mijë eurosh, ndërsa "Albatros" i ofroi këto udhëtime përkundrejt një pagese prej 64 mijë eurosh, ose 43 mijë euro më pak se kompania tjetër. Për udhëtimet e Presidentit Moisiu drejt Austrisë dhe Kroacisë, në tetor të vitit të kaluar, përsëri "Albatros" dha ofertat më të ulëta.

"Albanian Airlines" kërkoi 62000 euro gjithsej për dy fluturime (36000 për në Vjenë dhe 26 mijë për në Zagreb), ndërsa "Albatros" kërkoi 36500 euro gjithsej (18500 për në Vjenë dhe 18 mijë për në Zagreb). Zyrtarë të Presidencës thonë se, "nëse nuk do të ishte zbatuar ligji dhe nuk do të kërkoheshin oferta nga operatorët e tregut për të siguruar ofertën më të mirë, do të ishin shpenzuar 75 mijë euro më shumë gjatë vitit të shkuar për udhëtimet me ‘çarter‘ të Kreut të Shtetit".

Sqarimet e Presidencës vijnë disa ditë, pas deklaratës së zëdhënësit të grupit parlamentar të PD-së, Bujar Nishani, i cili propozoi ngritjen e një komisioni hetimor për çështjen "Albatros". Sipas tij, kjo kompani ka përfituar 40 për qind të shpenzimeve operative të Presidencës dhe 80 për qind të shpenzimeve për udhëtimet e Presidentit.


OFERTAT


1. Për udhëtimin Tiranë-Romë-Tiranë


"Albatros" paraqiti ofertën prej 14 mijë euro

"Albanian Airlines" paraqiti ofertën prej 13 mijë euro


2. Për udhëtimin Tiranë-Moskë-Bukuresht-Tiranë

"Albatros" paraqiti ofertën prej 64 mijë euro
"Albanian Airlines" paraqiti ofertën prej 145 mijë euro


3. Për udhëtimet Tiranë-Vjenë-Tiranë

"Albatros" paraqiti ofertën prej 18500 euro
"Albanian Airlines" paraqiti ofertën prej 36 mijë euro


4. Për udhëtimin Tiranë-Tel Aviv-Tiranë

"Albatros" paraqiti ofertën prej 26 mijë euro
"Albanian Airlines" paraqiti ofertën 36 mijë euro (për këtë rast u paraqitën oferta për tri lloje avionësh)


5. Për udhëtimin Tiranë-Zagreb-Tiranë

"Albatros" paraqiti ofertën prej 18000 euro
"Albanian Airlines" paraqiti ofertën prej 26 mijë euro


gazeta shqip

----------

i mjeri popull paguan qejfet e nje plaku dallkauk..

[Brari]

tek gazeta e malltez bollinos lexojme, GSH:''

"Kur ke dajën President edhe mund të falimentosh...





-------------

Pas deklaratës së presidentit Alfred Moisiu se ai nuk i nënshtrohej asnjë lloj presioni të gjithë e kanë kuptuar se në realitet atij, presidentit i është bërë presion për vendimmarrjen, që i takon si President në lidhje me Theodhori Sollakun, e dihet se kush është burimi i këtij presioni. Më duket se vlen për t’ju shqetësuar faktit që Qeveria ushtron presion ekonomik ndaj biznesit shqiptar për të arritur fitore politike, dhe kjo është kryekëput së prapthi. Tregon se përparësitë e Qeverisë janë shkel e shko, dhe ashtu siç u shpërfytyrua dhe militantizua administrata publike, apo siç u shkatërrua një vepër publike tek mbikalimi i famshëm, njësoj po sabotohet edhe biznesi privat. Dhe ç’ndodh ironia më e madhe, që mund të jetë në Shqipëri është se “po të kesh dajën President ka shumë mundësi, që të mbetesh edhe pa punë fare ose së paku të falimentosh. Besoj e dëgjuat përgjimin e telefonatës midis drejtorit të Aeroportit civil dhe njërit prej nipçeve të Moisiut. Besoj se komentet e tepërta nuk kanë vend.

Marrë nga www.forumishqiptar.com

Postuar nga “Dito”

--------



Dito ..ta kan postuar origjinal shkrimin ty apo ta ujdisur pak GSH e edvinit?

[ClaY_MorE]

Berisha: Nuk i kam bere presion Moisiut per ‘Albatros’

Kryeministri Berisha nuk ka pranuar te kete bere presion ndaj presidentit Moisiu.

Akuzat e opozites per kete çeshtje ai i ka quajtur trillium nderkohe qe ka akuzuar deputetet e opozites se eshte interesi i tyre dhe i te afermve te tyre ai qe ne te vertete i shqeteson e jo Kryeprokurori Sollaku apo presidenti Moisiu.

Ai theksoi se po hetohet per akuzat e Albatrosit nderkohe qe quajti Sollakun avokatin e krimit te cilin e prêt fati I klienteve te tij.


Marre tek: http://www.a1tv.com.al

[ClaY_MorE]

Berisha sot ne interpelance per çeshtjen ’Albatros'


Kryeministri Sali Berisha është thirrur sot në interpelancë ne Kuvend nga deputetët socialistë në lidhje me çështjen "Albatros".

Në seancën e fundit parlamentare, kete te hene, deputetët e pozitës dhe opozitës u përfshinë nga debatet në lidhje me zhvillimin e interpelancës, por ishte opozita ajo që u tërhoq, pasi kryeministri Berisha shprehu gatishmërinë për t’iu përgjigjur pyetjeve te tyre qe ne ate seance.

Çështja ”Albatros” ka ashpërsuar polemikat mes dy forcave politike.

Socialistët akuzojnë qeverinë se ”presionet” ndaj kompanisë ajrore në të vërtetë janë presione ndaj presidentit për të shkarkuar prokurorin e përgjithshëm.

Kurse drejtues të aviacionit civil shprehen se aktiviteti i kesaj shoqeri fluturimesh eshte nderprere per shkak te borxheve te medha te prapapembetuyra qe ajo ka ndaj shtetit.

Pritet që seanca e sotme të shoqërohet me debate të ashpra ku opozita të perserise kerkesen per shkarkimin nga detyra të drejtorit te aviacionit civil Gazmend Dibra dhe ministrit të transporteve Lulëzim Basha.

Marre tek: http://www.a1tv.com.al

[Brari]

o clay!
shih mos na e sjell dot nje shkrim te mero bazes tek Tema.."kutia e zeze e albatrosit"..?

thx..