Ministria e Transporteve bllokon fluturimet e "Albatros"

[Albo]

“Albatros”: Bllokimi i fluturimeve i padrejte

E Shtune, 02 Shtator 2006

Bllokimi i fluturimeve te kompanise “Albatros” eshte bere per shkak te lidhjeve personale te ministrit te Transporteve, Lulzim Bashes, me kompani te tjera ajrore. Kjo ka qene deklarata e nendrejtorit te kompanise “Albatros”, Ilir Zeka, lidhur me vendimin e Drejtorise se Pergjithshme te Aviacionit Civil per pezullimin e fluturimeve te kesaj kompanie. “Pezullimi i fluturimeve te kompanise “Albatros” eshte i jashteligjshem, pasi ne nuk jemi njoftuar zyrtarisht per kete vendim, megjithese urdhri nga DPAC-ja eshte zbatuar qe dje ne oren 13:00”, deklaroi Zeka. Sipas nendrejtorit te “Albatrosit”, kjo shoqeri i detyrohet “Albtransportit” rreth 400 mije dollare, qe jane ne faze shlyerje dhe kete ai e faktonte me korrespodencen qe kishte me kete kompani. “Mua me ben te mendoj se ketu, shkaku i bllokimit tone nuk eshte borxhi, pasi jane 12 kompani ajrore qe i kane borxh “Albtransportit” dhe shoqeria jone ndodhet ne vendin e 6-te per sa i perket shumes qe i detyrohet, por eshte konflikti i interesave qe ka ministri i Transporteve, Lulzim Basha. E gjithe kjo loje behet per te ruajtur kompani te caktuara dhe me konkretisht kompanine “Belle Air”, dhe eshte pikerisht ministri Basha, ai qe i mbron interesat e kesaj kompanie, pasi dy femijet e drejtorit te Drejtorise se Sigurimit Ajror, Luan Jaupi, punojne ne kete kompani fluturimesh”, deklaroi Zeka.

[Albo]

“Belle Air”: “Albatros”, kompani debitore ne “Albtransport”

E Shtune, 02 Shtator 2006

Pezullimi i fluturimeve te kompanise “Albatros” eshte i drejte, pasi ajo rezulton debitore ndaj kompanise “Albtransport”. Ky ka qene reagimi i drejtorit te pergjithshem te kompanise “Belle Air”, Arbi Xhelo, menjehere pas deklarates se nendrejtorit te kompanise “Albatros”, Ilir Zeka, i cili theksoi se shkak i bllokimit te kesaj kompanie eshte mbeshtetja qe i jepet “Belle Air”. “Une dua te theksoj se, kompania “Belle Air” nuk ka asnje mbeshtetje nga qeveria, perkundrazi ne operojme vetem ne perputhje me tregun”, deklaroi Xhelo. Kjo eshte hera e trete sipas Xhelos, qe bllokohet kompania “Albatros”, pasi edhe gjate vitit 2004 dhe gjate vitit 2005 jane marre dy vendime te njejta me kete qe eshte dhene nga Drejtoria e Pergjithshme e Aviacionit Civil. Drejtori i “Belle Air” ka lidhur funksionimin e kompanise “Albatros” me Presidentin Alfred Moisiu, pasi administratori i kesaj kompani eshte nip i Presidentit. “Dua te theksoj se kjo kompani i detyrohet “Albtransportit” nje shume prej 430 mije eurosh dhe kjo shume eshte mbartur qe nga koha qe ka qene drejtor i kesaj kompanie Aleksander Hoxha, i cili eshte burri i mbeses se Presidentit Moisiu, Entela Uci, njekohesisht edhe aksionere e kompanise “Albatros””, theksoi Xhelo. Sipas tij, kjo lidhje ka detyruar marrjen e ketij vendimi, per bllokimin e fluturimeve te kesaj kompanie.

[Albo]

Bllokimi yne per interesa te politikes

E Diele, 03 Shtator 2006

Kompania Ajrore “Albatros” akuzon politiken shqiptare, per denim te qellimshem te kesaj kompanie. Pas urdhrit te Drejtorise se Pergjithshme te Aviacionit Civil per bllokimin e fluturimeve te kesaj kompanie, si pasoje e nje borxhi prej 400 mije dollaresh, dje ketyre te fundit u eshte komunikuar edhe nje shkak i ri per urdhrin e bllokimit. Sipas drejtuesve te “Albatrosit”, “dje ne mesdite, duke cenuar te gjithe rregullat normale te komunikimit ligjor dhe te biznesit, Drejtoria e Aviacionit Civil e gjendur ne veshtiresi para mungeses se argumenteve qe cuan ne bllokimin e aktivitetit te “Albatros Airways”, leshuan akuza te reja te pambeshtetura ne adrese te kesaj kompanie. Nga nje urdher telefonik i drejtuesit te DPAC-it qe bente fjale per mospagim borxhi, u kalua ne akuza te reja mbi te ashtuquajturat mangesi teknike”. Tashme, pas reagimit te para dy diteve, nendrejtori i kesaj kompanie deklaroi se, “ne denoncojme publikisht, nje perzierje te rrezikshme te interesave te biznesit me ato te politikes se dites. Ne kemi te dokumentuar ne te gjitha format; me letra, me audio, internet, e-mal etj., dhe do i bejme publike keto prova”.

[Albo]

Nuk kam interesa ne kompanine “Belle Air”

E Diele, 03 Shtator 2006

Ministri i Puneve Publike, Transportit dhe Telekomunikacionit, Lulzim Basha, pergenjeshtron deklaraten e kompanise ajrore “Abatros”, se ai ka interesa te drejtperdrejta ne kompanise ajrore “Belle Air”. Ne nje deklarate per shtyp, zedhenesi i Bashes theksoi se “Ministri Lulzim Basha deshiron te hedhe poshte trillimin e turpshem te njerit prej perfaqesuesve te shoqerise “Albatros”, te shprehur ne disa media, sipas te cilit, te aferm te ministrit Basha jane te punesuar prane nje shoqerie ajrore shqiptare". Sipas kesaj deklarate, informohet opinioni publik, “qe asnje i aferm i ministrit Basha apo pjesetar i rrethit te tij familjar, nuk eshte dhe nuk ka qene asnjehere i punesuar prane ndonje shoqerie ajrore”. Nderkohe, Drejtoria e Aviacionit Civil Shqiptar shpjegoi dje arsyet e pezullimit te fluturimeve te kompanise ajrore “Alabatros”. Sipas njoftimit te DPAC-it, kjo kompani ka mungesa ne dokumentacionin teknik dhe financiar, qe per momentin bejne te pamundur realizimin e fluturimeve nga Shqiperia ne destinacione te tjera. Reagimi i ministrit Basha dhe i DPAC-it erdhi pas akuzave te bera nga nendrejtori i kompanise “Albatros”, i cili akuzoi se bllokimi i kesaj kompanie po behet per interes te kompanise ajrore “Belle Air”.

[Albo]

Bllokimi i “Albatros”, ministria e paqarte

E Marte, 05 Shtator 2006

Aeroporti “Nene Tereza” kerkon zhvillimin e bisedimeve me shoqerine ajrore “Albatros”, ndersa Drejtoria e Pergjithshme e Aviacionit Civil ka vendosur pezullimin e fluturimeve. Edhe pala italiane kerkon sqarime per vendimin e ministrise se drejtuar nga Lulzim Basha, por ende DPAC nuk ka nje justifikim zyrtar

Aeroporti “Nene Tereza” kerkoi dje zhvillimin e bisedimeve me shoqerine ajrore “Albatros”, lidhur me rakordimin e vlerave te faturave dhe borxhin e pretenduar mes paleve. Kerkesa e aeroportit per nje takim me kompanine me date 6 shtator, behet teksa Drejtoria e Pergjithshme e Aviacionit Civil ka vendosur pezullimin e fluturimeve. Pezullim qe nuk perfshin arsyet e marrjes se vendimit. Per kete qellim, edhe pala italiane, nepermjet Entit Kombetar te Aviacionit Civil, ka kerkuar sqarime prej Ministrise se Puneve Publike, Transportit dhe Telekomunikacionit, te drejtuar nga Lulzim Basha.

“Do te kerkonim te organizonim nje takim me perfaqesuesit e shoqerise suaj, per te bere rakordimin e vlerave te faturave per sherbimet e kryera, si dhe likuidimin e bere nga ana juaj, duke qartesuar keshtu situaten tuaj debitore”, thuhet ne nje leter te firmosur nga likuidatori i aeroportit “Nene Tereza”, Rudina Fortuzi.

Pikerisht sqarimi i borxhit te pretenduar eshte kerkuar me 31 gusht 2006 nga kompania “Albatros Airways”, duke kundershtuar vendimin e Drejtorise se Pergjithshme te Aviacionit Civil (DPAC). “Me administraten e “Albtransportit”, ne aktualisht jemi ne nje procedure negocimesh, per te saktesuar detyrimet reciproke, me qellim per t’i permbushur ato”, shkruan presidenti i “Albatros”, Aleksander Hoxha, ne nje leter per drejtorin e pergjithshem te DPAC-se, Gazmend Dibra, me 31 gusht. “Por, gjithsesi, - shkruan Hoxha, - kjo eshte nje ceshtje midis nesh dhe “Albtransport sh.a” (shoqeri ne likuidim), qe edhe ne qofte se nuk do te zgjidhej me mirekuptim, ajo do te zgjidhet me rruge gjyqesore”. Sipas drejtuesit te shoqerise ajrore, “nuk ka asnje arsye apo baze ligjore, qe organi i DPAC te vihet ne levizje per te zgjidhur nje problem rutine, plotesisht te zgjidhshem nga palet e interesuara dhe qe eshte jashte kompetences se saj”.

Referimi ligjor

Pikerisht sqarimin ligjor dhe bazueshmerine e vendimit te marre nga Drejtoria e Pergjithshme e Aviacionit Civil, ka kerkuar edhe Enti Kombetar i Aviacionit Civil te Italise. Ne nje leter per “Albatros” dhe Drejtorine shqiptare te Aviacionit, ENAC kerkon te mesoje nese ndalimi i fluturimeve te shoqerise shqiptare eshte bere per “arsye financiare, administrative apo teknike”. Por ky shpjegim duket se mungon dhe ende Ministria e Puneve Publike, Transportit dhe Telekomunikacionit nuk ka formuluar ne nje shkrese zyrtare, arsyen e bllokimit te fluturimeve te “Albatros”. Ne nje leter per DPAC me 31 gusht, presidenti i “Albatrosit” thekson se “eshte shkelje flagrante proceduralo-ligjore, fakti qe komunikimi juaj gojor vjen pas miratimit te kerkeses se shoqerise “Belle Air”, me objekt fluturime shtese per te mbrojtur pasagjeret e destinacioneve te fluturimeve tona”.

Nderkohe, ne nje leter drejtuar ministrit Basha, presidenti i shoqerise ajrore, Aleksander Hoxha, thekson se eshte njoftuar me telefon nga Polonia per pezullimin e operimeve te kompanise. “Akoma nuk kemi marre nje njoftim zyrtar me shkrim mbi kete veprim te Drejtorise se Pergjithshme te Aviacionit Civil Shqiptar”. “Ky veprim arbitrar eshte ne kundershtim me udhezimin nr. 860, date 27 shtator 2004, te ministrit te Transportit, neni 6.1.18, pika a, nenpika 1 dhe per me teper, pa dhene njoftim 30-ditor sic e kerkojne rregullat ne fuqi, duke bere edhe shkelje flagrante te nenit 65 te ligjit “Per aviacionin civil shqiptar””, thekson Aleksander Hoxha.

Absurdi

Sipas presidentit te “Albatros”, kompania konkurrente “Belle Air”, ne rakordim me DPAC, ka marre lejet perkatese per fluturime shtese, perpara se vete “Albatros” te njoftohej per pezullimin e saj. “Kompania konkurrente “Belle Air”, ne rakordim te plote me Drejtorine e Pergjithshme te Aviacionit Civil, perpara se te merrnim njoftimin per pezullimin e operimeve ka marre lejet perkatese per marrjen e te drejtave te fluturimeve te kompanise sone, duke lene te kuptohet qarte nje afere korruptive, ne dem te interesave te “Albatros Airways””, thuhet ne letren per ministrin Lulzim Basha. Gjithashtu, “Albatros” ka deklaruar se ka te dokumentuar me letra, audio, internet, emal etj., ato qe i cileson si “forma te presionit kriminal qe i jane bere kompanise”.

[Albo]

“Basha dhe drejtori i Aviacionit Civil te shkarkohen”

E Premte, 08 Shtator 2006

Perpjekja per falimentimin e kompanise se fluturimeve “Albatros” kane pergjegjesit e saj, dhe keto jane njerez shume prane kryeministrit Berisha. Kryetari i PS-se, Rama, ka deklaruar se personat qe jane te implikuar direkt ne kete ceshtje jane ministri i Transporteve, Lulzim Basha, dhe drejtori i Sherbimit te Aviacionit Civil. Rama ka kerkuar qe keto dy punonjes te shtetit te japin llogari dhe me pas te largohen urgjentisht nga vendi i punes. “Ne cdo vend demokratik, kryeministri do te duhet te dilte urgjent dhe jo vetem te jepte shpjegime te plota per kete skandal, por njekohesisht te shkarkonte ministrin e Transporteve, i cili eshte dirigjenti i kesaj perpjekjeje skandaloze dhe i ketij falimentimi te qellimshem te nje kompanie, e cila nuk u pergjigjet dot qindra e qindra qytetareve qe kane bere abonime per te fluturuar me kete kompani, dhe drejtorin e Sherbimit te Aviacionit Civil, i cili duhet urgjentisht t’u dorezohet organeve te drejtesise”, ka deklaruar kryesocialisti Rama.

[Albo]

Berisha, presion mafioz mbi Moisiun per Sollakun”

E Premte, 08 Shtator 2006

Rama akuzoi dje kryeministrin Berisha, per instalim te sistemit mafioz, me te cilin po sulmon Presidentin e Republikes, Alfred Moisiu, me qellim qe ai ne firmose shkarkimin e Prokurorit te Pergjithshem. Numri nje i PS-se ka dale dje ne nje konference per shtyp, ku ka sulmuar kreun e qeverise, duke theksuar se perpjekjet shteterore per falimentimin e kompanise se fluturimeve “Albatros”, ku jane te punesuar familjare te kreut te shtetit, kane per qellim dobesimin e pozicioneve te Presidentit. “Nje shtet mafioz, me nje presion mafioz, kerkon te nenshtroje jo nje kompani, por te nenshtroje vete shtetin, te nenshtroje gardianin e Kushtetutes, ta ktheje Presidentin e Republikes ne objekt te nje shantazhi mafioz. Kjo eshte e padegjuar, kjo ndodh vetem ne regjime te cilat njihen si regjime despotike, ne regjime te republikave te babaneve, ku demokracia eshte tamam nje lekure bananeje”, ka deklaruar Rama. Sipas Rames, sot faktohet ne menyre me rreqethese qe kjo lufte, e cila ne raport me opinionin publik zhvillohet me nje intensitet propagandistik dhe teresisht mbi akuza, perbaltje, shpifje, fyerje, qe synojne te kultivojne bindjen se Shqiperia drejtohet nga nje njeri i ndershem, nderkohe qe ne raport me qellimin e vertete, kjo per te eshte nje lufte mafioze, e materializuar tanime ne perpjekjen per te ushtruar trysni te drejtperdrejte mbi Presidentin e Republikes dhe per te larguar Prokurorin e Pergjithshem. Kreu i PS-se ka argumentuar se keto presione qe po ushtrohen ndaj kreut te shtetit, perbejne nje fakt trondites. Ai nenvizoi se tashme, mafia eshte shteti dhe Berisha po kthen shtetin ne organizaten e tij mafioze. Sipas tij, lufta kunder korrupsionit po shtrihet ne nivele shume banale, duke kapur vetem peshq te vegjel, nderkohe qe nga ana tjeter akumulon pushtet, per te bere te mundur kapjen e ekonomise se vendit. Te gjitha keto ne optiken e Rames, duke deformuar tregun permes interesash nepotike, krahinore, partiake dhe financiare. Kryesocialisti Rama theksoi se tashme, me ngjitjen e Berishes ne pushtet, klientela e vjeter eshte zevendesuar me nje klientele te re, kapesit e dikurshem te shtetit jane zevendesuar me kapesit e rinj.

E. GJENCAJ

[Albo]

“Mbrojtja e “Albatros” tregon perfshirjen e Rames”

E Premte, 08 Shtator 2006

Reagon mazhoranca pas deklarates se kreut te opozites ne lidhje me kompanine “Albtros”. Zedhenesi i grupit parlamentar te PD-se, Bujar Nishani, ne nje prononcim per mediat eshte shprehur se, deklaratat e Rames ne gjendje te rende, duhet te jene reagim ose si nje nga aksioneret e kesaj kompanie, ose si zedhenes i krimit ekonomik. Sipas tij, marrja ne mbrojtje prej kreut te socialisteve te te gjithe atyre grupimeve qe jane goditur nga rivendosja e shtetit ligjor, eshte reagimi i njeriut i cili ka qene ne vazhdimesi grabitesi i trojeve dhe pronave te qytetareve te Tiranes.

[Albo]

“Albatros” bën çdo gjë, veç zbatimit të ligjit


Prej disa ditësh çështja e pezullimit të fluturimeve të kompanisë “Albatros” është kthyer në një burim spekulimesh, të cilat synojnë të largojnë vëmendjen nga esenca e kësaj çështjeje madje edhe duke ushtruar presion ndaj organeve shtetërore për trajtim të privilegjuar të kësaj kompanie.

“Albatros” është një kompani aksionare që shtrin veprimtarinë e saj në fushën e transportit ajror të pasagjereve.

Prej një kohë të gjatë kjo kompani ka patur dhe vazhdon të këtë detyrime të pashlyera ndaj koncesionarit të Aeroportit Ndërkombëtar të Tiranës, “Tirana Airport Partners”: TAP, si dhe ndaj shoqërisë shtetërore në likuidim Aeroporti “Nënë Tereza” SH.A ose “Albtransport”-i.

Shuma që kjo kompani i detyrohet TAP-it dhe “Albtransport”-it është 890,845 euro, nga të cilat 447,012 euro ndaj koncesionarit TAP dhe 443,833 euro ndaj “Albtransport”-it.

Që prej dhjetorit të vitit 2005-së Drejtoria e Përgjithshme e Aviacionit Civil (DPAC), ka kërkuar në mënyrë të përsëritur si me shkrim ashtu dhe gjatë takimeve dypalëshe shlyerjen e detyrimeve financiare të kompanisë “Albatros” ndaj shtetit, si edhe ndaj koncesionarit të Aeroportit Ndërkombëtar të Tiranës, TAP.

Pavarësisht prej njohjes dhe moskontestimit të këtij borxhi nga ana e kompanisë “Albatros” nuk është marrë asnjë masë për të paguar borxhin.

Në maj 2006-të kompania “Albatros” kërkoi ripërtëritjen e Autorizimit të Operimit Ajror. Përpara këtij akti DPAC dhe përfaqësuesit e “Albatros”-it diskutuan gjatë mbi besueshmërinë financiare të kompanisë duke patur parasysh mosshlyerjen e detyrimeve financiare që kjo kompani kishte ndaj “Albtransport”-it prej 443,833 eurosh si dhe detyrimin financiar në afro 500 mijë euro ndaj TAP.

Në bazë të Udhëzimit nr. 860 i datës 27 shtator 2004 Për Lëshimin e Autorizimit të Operimit Ajror dhe Certifikatës së Operimit Ajror mungesa e besueshmërisë financiare çon në mosnxjerrjen e Autorizimit të Operimit Ajror.

Në këtë moment kompania u angazhua që të përmirësonte marrëdhëniet financiare me të tretët dhe të shlyente detyrimet ndaj tyre. Në bazë të këtij angazhimi u gjykua të lejohej vazhdimi i aktivitetit të kompanisë dhe më 10 Maj 2006-të Ministri i PPTT dhe DPAC validuan Certifikatën e Operimit Ajror të kompanisë “Albatros” .

Gjatë periudhës tremujore pas dhënies së kësaj të drejte nga ana e kompanisë “Albatros” nuk pati asnjë reflektim, por vetëm premtime të vazhdueshme për njohje të detyrimeve. Në muajt qershor, korrik dhe gusht 2006-të, DPAC i është drejtuar disa herë me shkrim kompanisë “Albatros” duke kërkuar shlyerjen e detyrimeve financiare dhe duke vendosur afate, të cilat u shkelen pa përjashtim.

Gjendja u rëndua edhe më tej, kur koncesionari TAP kërcënoi ndërprerjen e fluturimeve të kompanive debitore ndaj tij si dhe kërcënoi se do të ndërpriste derdhjen e detyrimeve financiare ndaj shtetit. Më 27 korrik dhe së fundi më 30 gusht TAP i kërkoi DPAC të mbështetste procesin e likuidimit të detyrimeve të pashlyera ndaj TAP si pjesë e marrëveshjes koncesionare midis Qeverisë Shqiptare dhe TAP.

Në këto kushte, pas dështimit të përsëritur të kompanisë “Albatros” për të shlyer detyrimet e saj kundrejt të treteve, DPAC bazuar në Ligjin e Aviacionit Civil mori vendimin për pezullimin e përkohshëm të fluturimeve të kësaj kompanie deri në shlyerjen e detyrimeve të pranuara ndaj të treteve.

DPAC gjithashtu informoi kompaninë “Albatros” se mosshlyerja e përsëritur dhe e vazhdueshme e detyrimeve ndaj të tretëve vë në diskutim besueshmërinë financiare të kompanisë dhe si e tillë mund të çojë deri në anulimin e Autorizimit dhe Certifikates së Operimit Ajror.

Qëndrimi i DPAC është i qartë, transparent dhe fare i thjeshtë. Fluturimet e kompanisë “Albatros” janë pezulluar përkohësisht për shkak të mungesës së besueshmërisë financiare. Në bazë të Ligjit për Aviacionin Civil dhe Udhëzimit përkatës ky është kriter vendimtar në operimin e shoqërive ajrore në Shqipëri si dhe një standard kryesor në praktikën botërore të aviacionit civil.

Besueshmëria financiare e një shoqërie ajrore ka të bëjë me aftësinë për të garantuar shërbimet ndaj pasagjerëve dhe për të evituar situata, të cilat e vendosin pasagjerin në një pozicion të pafavorshëm si dhe shmangien e situatave të pakëndshme me lidhje me realizimin e transportit dhe sigurinë e tij.

Prej momentit të pezullimit të fluturimeve e deri më sot kompania “Albatros” ka bërë çdo gjë përveç marrjes së masave për shlyerjen e detyrimeve finaciare që çuan në pezullimin e fluturimeve. Në vend që të zgjidhte këtë problem duke paguar detyrimet, përfaqësuesit e “Albatros”-it janë munduar ta anshkalojnë këtë çështje duke përdorur insinuata dhe presione të ndryshme, madje edhe politike, gjë që s’do guxonte ta bënte asnjë biznes tjetër në Shqipëri.

Praktika e presioneve dhe përpjekjeve për të favorizuar kompaninë “Albatros” është e gjatë dhe e dokumentuar mirë.

Kështu DPAC ka qenë vazhdimisht nën presion të hapur dhe të fshehur nga ortakë apo mbështetës të kësaj kompanie për ta favorizuar atë.

Pjesëtarëve të stafit të DPAC i janë bërë presione të vazhdueshme. Rasti i fundit, i cili është nën hetim, është ai i dhunimit të zyrave, ku u morën 2 kompjuterat e Drejtorit të Përgjithshëm, çka konsiderohet në vazhdë shantazhi.

Nga konstatimet tona ka të dhëna se persona të punësuar në DPAC kanë qenë të paguar nga kompania për shërbime të ndryshme të paligjshme.

Edhe pas aktit të ligjshëm të pezullimit të fluturimeve reagimi i kompanisë “Albatros” ka qenë joetik dhe joprofesional, madje abuziv dhe agresiv.

Pa reflektuar aspak mbi problemet e tyre që sollën këtë përballje me ligjin, drejtuesit e kompanisë u ngutën që pezullimin e fluturimeve ta shisnin publikisht si akt korrupsioni të Kryeministrit dhe Ministrit te Transporteve në favor të një kompanie konkurrente. Në shërbim të kësaj teze ata sajuan dhe hodhën në publik shpifje të ulëta për lidhje fisnore të Kryeministrit dhe Ministrit të Transporteve me një kompani konkurrente. Kur kjo tezë u dogj, sepse lidhje të tilla ishin inekzistente dhe të trilluara, ata dolën në publik me tezën e bllokimit politik. Në funksion të kësaj teze janë fabrikuar në një stil mafioz regjistrime, të cilat përfaqësuesit e kësaj kompanie kanë refuzuar t’i dorëzojnë pranë organeve kompetente, duke vërtetuar edhe njëherë vendosmërinë e tyre për të vazhduar me shantazhe në vend të përmbushjes së detyrimeve të tyre ligjore. E vetmja gjë që kjo kompani ka refuzuar të bëjë deri tani është të shlyerja e detyrimeve financiare që sollën masën e pezullimit të përkohshëm të saj. Kjo sjellje e përfaqësuesve të kompanisë “Albatros” është një dëshmi e mendësisë së tyre të mbrapshtë, sa i përket marrëdhënieve të tyre me shtetin dhe ligjin dhe shprehje e arrrogancës, me të cilën kjo kompani është mësuar të komunikojë me organet shtetërore. Qeveria është e vendosur të zbatojë ligjin me përpikmëri, pavarësisht prej lidhjeve të ndryshme që mund të kenë bizneset apo ekonomitë shqiptare apo të huaja me politikën dhe pushtetin.

Kompania “Albatros” duhet të shlyejë detyrimet e saj ndaj shtetit dhe të tretëve. Asnjë veprim tjetër nuk do të çojë në heqjen e masës së pezullimit. Çdo përpjekje për t’i bërë presion organeve shtetërore do të haset në murin e hekurt të vendosmërisë sonë për të zbatuar ligjin me përpikmëri.


Lulzim Basha
Ministër i Transporteve dhe Punëve Publike

[Albo]

Skandali Moisiu

Hetoni BELLE AIR, po pengon Albatrosin

Presidenti Moisiu i ka kërkuar Drejtorisë së Aviacionit Civil që të hetojë në lidhje me kompaninë Belle Air, e cila, sipas tij, po i pengon punën kompanisë Albatros Airëays. Shkresa mban vulën e presidencës dhe është firmosur nga sekretari i Përgjithshëm, Filip Rrumbullaku. Gazeta boton të plotë këtë shkresë, që nxjerr dhe njëherë në pah skandalin, kur Moisiu, tenton që bëjë presion për të favorizuar kompaninë e themeluar dhe drejtuar nga familjarët e tij.

Si bënte shantazh kompania “Albatros”

Pjesëtarëve të stafit të drejtorisë së Aviacionit i janë bërë presione të vazhdueshme. Rasti i fundit, i cili është nën hetim, është ai i dhunimit të zyrave, ku u morën 2 kompjuterat e Drejtorit të Përgjithshëm, ç’ka konsiderohet veprim në vazhdën e shantazhit. Nga konstatimet tona ka të dhëna se persona të punësuar në DPAC kanë qenë të paguar nga kompania për shërbime të ndryshme të paligjshme

Ministri i Transporteve, Lulëzim Basha, regoi dje ndaj sulmeve të opozitës për pezullimin e fluturimeve të kompanisë ajrore “Albatros”, duke theksuar se është kjo kompani që po i bën presion ndaj organeve shtetërore dhe jo e kundërta. Lulëzim Basha deklaroi përpara deputetëve se kompania “Albatros” kërkon trajtim të privilegjuar nga ana e strukturave shtetërore dhe në momentin që kjo nuk ndodh, bën presion duke e cilësuar pezullimin e fluturimeve si një sulm politik ndaj presidentit Moisiu dhe familjarëve të tij. Ministri Basha theksoi se sulmet e kësaj kompanie i janë drejtuar Drejtorisë së Avicionit, duke përdorur të gjitha mënyrat që kjo kompani fluturimesh të vazhdojë të favorizohet.

Pjesëtarëve të stafit të drejtorisë së Aviacionit i janë bërë presione të vazhdueshme. Rasti i fundit, i cili është nën hetim, është ai i dhunimit të zyrave, ku u morën 2 kompjuterat e Drejtorit të Përgjithshëm, ç’ka konsiderohet veprim në vazhdën e shantazhit. Nga konstatimet tona ka të dhëna se persona të punësuar në DPAC kanë qenë të paguar nga kompania për shërbime të ndryshme të paligjshme.

Edhe pas aktit të ligjshëm të pezullimit të fluturimeve, reagimi i kompanisë “Albatros” ka qenë joetik dhe joprofesional, madje, abuziv dhe agresiv”, - theksoi dje ministri i Transporteve. Sipas Bashës, vendimi për pezullimin e fluturimeve ka ardhur si pasojë e mosbesueshmërisë financiare që ka kjo kompani dhe se ky pezullim është i përkohshëm deri në momenin që kjo kompani fluturimesh të shlyejë detyrimet e saj financiare. Lulëzim Basha deklaroi se “Albatros” ka momentalisht 890,845 euro borxh ndaj koncesionarit të Aeroportit Ndërkombëtar të Tiranës, “Tirana Airport Partners”, si dhe ndaj shoqërisë shtetërore “Albtransport”.

“Prej një kohe të gjatë kjo kompani ka patur dhe vazhdon të ketë detyrime të pashlyera ndaj koncesionarit të Aeroportit Ndërkombëtar të Tiranës, “Tirana Airport Partners”, si dhe ndaj shoqërisë shtetërore në likuidim, aeroporti “Nënë Tereza” SH.A ose “Albtransport”. Shuma që kjo kompani i detyrohet TAP dhe “Albtransport”-it është 890,845 euro, nga të cilat 447,012 euro ndaj koncesionarit TAP dhe 443,833 euro ndaj “Albtransport”-it, - tha dje në Kuvend ministri i Transporteve. Ministri Basha bëri një historik të paralajmërimeve që strukturat shtetërore i kishin bërë kompanisë për shlyerjen e borxheve, duke theksuar se kjo kompani vetëm përpjekje për të shlyer detyrimet e saj ndaj shtetit nuk ka bërë.

Fatjona Mejdini
Tema