Vetëm AC MILAN

[no name]

Vili, rastësisht një milanist!

"Faleminderit baba që humbe avionin." Pier Aubameiang, ish-futbollist profesionist i Ligës franceze dhe Triestinës, nuk do ta kishte imagjinuar asnjëherë që vonesa e një udhëtimi me avion mund të thurte përrallën e djalit të tij Vili, në qendër të vëmendjes pas golit të shënuar ndaj Juves të shtunën në mbrëmje. Sezoni 1996-97: Pieri, mbrojtës i Triestinës, humbet avionin për Paris. Më pas zhvendoset në aeroportin "Ronchi dei Legionari", ai i Venecias, për të kapur një tjetër avion. Drejtori i përgjithshëm kuqezi, Ariedo Braida, kujton: "Ishte një takim i rastësishëm. E shoqërova deri diku me makinë së bashku me një mikun tim. Gjatë udhëtimit biseduam, e kuptova që ishte një njeri i shkëlqyer dhe i lashë numrin tim të telefonit." Kështu pra lindi lidhja mes Milanit dhe familjes Aubameiang që zgjat ende. Pieri, 41 vjeç, vëzhgues i merkatos franceze dhe afrikane për klubin kuqezi. Të tre fëmijët e tij janë futbollistë dhe kanë lidhje me Milanin: Vili, i federuar prej një viti, ka një kontratë deri më 2010-ën, ndërsa Pieri prej katër ditësh është në zotërim të një kontrate me kuqezinjtë.
"Do ta shihni që edhe ai herët a vonë do ta gjejë mundësinë të dalë në skenë", - siguron babai i tij që më pas vë bast: "Në aspektin teknik është sigurisht më i forti nga të tre". Përralla e Vilit, që aktualisht është golashënuesi më i mirë i formacionit të skuadrës së të rinjve, me 10 gola mes kampionatit dhe kupave, mund të shfletojë shpejt kapituj të rinj. Duke pasur një pasaportë të dyfishtë, mund të thirret si me kombëtaren e të rinjve francezë, ashtu edhe me atë të Gabonit. Deri tani asnjë s'është shqetësuar për të, por babai Aubame nuk ka dyshime: "Do të vijë një telefonatë."
Mund të vijë në qershor
Barzalji, Milani parakalon Juven
Palermo thërret, Milani përgjigjet. Të dielën në mbrëmje, presidenti siçilian ka hapur mundësinë për të shitur Barzaljin ("Nëse është ndonjë klub i madh që e kërkon, ne do të presim të dëgjojmë ndonjë ofertë të mundshme. Pa dyshim, paratë duhet të jenë shumë") dhe klubi kuqezi lëvizi menjëherë duke parakaluar Juventusin në luftën për qendërmbrojtësin. Presidenti Silvio Berluskoni kërkon ta ringrejë Milanin shumë shpejt në nivelet ndërkombëtare, pas një sezoni (këtij të tanishmit) ku gjërat nuk po shkojnë në mënyrën më të mirë dhe është gati të bëjë investime të rëndësishme në merkaton e qershorit, siç ka pranuar edhe Adriano Galiani që vetëm Masimo Odo do të jetë objektiv i janarit. Ai që analizon këtë bisedë, është padroni bardhekaltër Klaudio Lotito: "Ne nuk nxjerrim në shitje asnjë, por për momentin nuk ka oferta që mund ta ndryshojnë situatën." Gjendja ka mbetur në vendnumëro, por mund të zhbllokohet nga njëri moment në tjetrin.

[no name]

Holandezi qetëson Stankoviçin: Ka rënë në kurth, por unë s'mund të them se ata do të mbizotërojnë për shumë vite 09-01-2007

Sedorfi mbyll polemikat me Interin.

Nga stërvitja malteze e Milanit, dje në mëngjes ka folur Klarens Sedorf. Holandezi ka dashur të mbyllë polemikat e krijuara një javë më parë, kur deklaroi se "është më mirë që interistët të shijojnë këtë moment, sepse nuk do të zgjasë shumë." Fjalët e tij shkaktuan reagim, në mënyrë të veçantë nga interisti Stankoviç, që e akuzoi Sedorfin se është vetëm xheloz: "Më vjen keq që Stankoviçi ka rënë në këtë kurth, sigurisht jo të dashur nga unë, - shpjegoi mesfushori kuqezi. - Unë nuk mund të them sigurisht që Interi do të mbizotërojë edhe në pesë vitet e fundit, sepse do të dukej sikur nënvlerësohet puna që unë dhe shokët e mi bëjmë çdo ditë për t'u kthyer të mëdhenj." Sedorfi është i sigurt: "Këtë vit nuk mund të pretendojmë në aspektin e renditjes, por vitin që vjen do ta kemi këtë mundësi." Duke folur nga stërvitja malteze, holandezi vazhdoi: "Përgatitja këtu është një gjë shumë e veçantë dhe e bukur në shumë aspekte. Në njëfarë mënyre është edhe pak stresuese, sepse punojmë shumë dhe kemi pak kohë për veten tonë, por është e drejtë kështu, sepse ka shumë tifozë që na ndjekin. Po punojmë vërtet shumë mirë, çdo ditë për t'u përgatitur mirë. Kemi nevojë të marrim veten dhe lojtarët e lodhur gjatë verës të marrin ngarkesat e duhura fizike. Klubi mendoi menjëherë që ne të vinim në Maltë gjatë pushimeve dhe bëri shumë mirë. Te Milani ekziston fryma e optimizmit dhe entuziazmit për të ardhmen."
Sedorfi foli edhe për të rinjtë e Milanit: "Janë të gjithë shumë interesantë dhe stërviten mirë me skuadrën e parë. Materiali teknik ekziston, pastaj duhen parë motivet dhe vendosmëria e tyre. Kur unë isha në hapat e parë, zbrisja në fushë dhe doja të "haja barin", jepja gjithçka që kisha. Kjo është e rëndësishme, nëse talenti ka dëshirë të punojë dhe besoj se Milani mund të punojë shumë mirë me këta të rinj."

[no name]

I riu francez që vendosi në trofeun "Berluskoni", shihet si një talent premtues. Galiani: Vili, e ardhmja jonë 09-01-2007

Milan: Aubameiangu, sulmuesi i katërt.

Idhulli i tij është Ronaldinjo dhe deri këtu nuk ka gjë të çuditshme. Por për të kuptuar mirë personalitetin dhe botën e Vili Aubameiangut, duhet të dish se cili është modeli i tij i futbollistit: babai i tij Pier. Babai është pika e referimit, jo vetëm sepse ka luajtur në nivele të mira, por edhe sepse ka gjeneruar një dinasti prej futbollistësh. Lojtar i kombëtares së Gabonit, i lindur më 1965-n, Pieri, "Jaga" Aubameiang, ka luajtur me Nisën, Tuluzën, Le Havren dhe Triestinën. Tani jeton në Galarate me tre fëmijët e tij: Katilina (23 vjeç, që ka luajtur me të rinjtë e Milanit, debutoi në skuadrën e parë dhe pastaj ndryshoi disa klube deri sa shkoi te Kiasoja), Vili (që ka lindur në Paris 1987) dhe më i vogli Pier (që është 18 vjeç dhe luan me të rinjtë e Milanit). Të shtunën në mbrëmje, pas golit ndaj Juves që vendosi trofeun "Berluskoni", Vili ishte thuajse i prekur: "Jam i lumtur për urimet e shokëve që më kanë përkëdhelur që ditën e parë që u stërvita me ta. Të qëndrosh në krah të kampionëve të tillë, është emocionuese dhe unë dua të punoj mirë. Shqetësimi im në këto momente është të mos zhgënjej asnjë."LËVIZJE - Fraza të ekuilibruara e të sinqerta, siç është në karakterin e këtij djaloshi disi të çuditshëm dhe shumë të edukuar. Pasioni i tij janë video-lojërat dhe miqtë e tij më të mirë në grup janë djemtë e skuadrës së të rinjve që ndajnë me të ambiciet e ëndrrat. Skuadra e të rinjve kuqezinj është plot me të rinj interesantë, të drejtuar me inteligjencë nga Filipo Gali. Të shtunën në mbrëmje, më i kënaquri ishte ndoshta ai: "Atë lëvizje që e çoi Vilin te goli kundër Juves, e provojmë shpesh në stërvitje. Ai ka lindur një lojtar anësor në mesfushë, ndërsa tani është një sulmues i dytë lëvizës që parapëlqen të niset nga krahët. Unë luaj me skemën 4-2-3-1 dhe Vilin e vendos zakonisht si anësor të djathtë nga tre që janë gjithsej prapa sulmuesit. Vili ka sprint, nuhatjen e golit dhe në muajt e fundit është disiplinuar në stërvitje. Edhe vëllai i tij Pier është një sulmues lëvizës, por më shumë një sulmues i parë."
GALIANI E MBËSHTET - "Iakuinta? Kasano? Ronaldo? Jo, faleminderit, kemi Vili Aubameiangun." Një qëndrim i vendosur ai që vjen nga drejtuesit kuqezinj, që sipas Adriano Galianit ka përjashtuar çdo ardhje të mundshme në janar në repartin e përparuar. Sepse Milani, siç dëshnoi fitorja ndaj Juves në trofeun "Berluskoni", një sulmues me vlerë e ka në shtëpi dhe duke e përshtatur në skuadrën e parë, mund t'u japë kohë të piqet dhe të rritet me "big"-ët.Në pritje të hetimit për doping të komisionit disiplinor, që duhet të vendosë mbi pezullimin, thuajse të sigurt ndaj Marko Borielos, kuqezinjtë s'kanë ndër mend të bëjnë investime të mëdha në sulm, duke i përqendruar të gjitha forcat te mbrojtja dhe te një objektiv në veçanti, siç pranon administratori i deleguar: "Kemi marrë Grimin, po përpiqemi të marrim Odon dhe do të ndalemi këtu. Në sulm nuk do të vijë asnjë, nëse do të jetë nevoja, do ta marrim Aubameiangun në skuadrën e parë." Francezi mund të mbulojë rolin e sulmuesit të katërt pas shpinës së Xhilardinos, Inzagit e Oliveirës. Pavarësisht nga zërat e vazhdueshëm të merkatos, blerja e një sulmuesi nuk do të ishte kaq e nevojshme.

[Vinjol]

yes yes yesssssssss Trofeu Berluskoni Milan - Juventus 1-0 1-1 1-2 2-2
Aubumayang 3-2 hahhahahahahaaaaaaaaaaaaaa

[no name]

Anceloti: Spanja, nje oaz per mua!

10 Janar "Ne Primera Division luhet nje futboll shume me i hapur se ai ne Itali. Nese do te largohesha nga Milani, do te zgjidhja ose Real Madridin, ose Valencian"

Merkato ka hapur "dyert" e tij, por ende nuk jane bere blerje te bujshme apo levizje "gjigantesh", edhe pse nuk parashikohen shume te tilla, ne nje muaj te ftohte si janari. Ne fakt, transferimet me te medha parashikohen ne qershor, kur sezoni futbollistik te kete perfunduar. Por, vec lojtareve, edhe trajneret nuk e kane vendin te sigurte ne stolin e tyre. Pervec Murinjos dhe Kapelos, edhe Karlo Anceloti nuk e ka vendin te sigurte ne pankinen e Milanit, duke pare se kete vit kuqezinjte nuk jane ne nje situate te mire ne klasifikim dhe nese nuk do te arrinin gje edhe ne Champions League, atehere gjithcka do te behej e veshtire per Karleton. Por, trajneri i "Djallit" ka nje lidhje me vecante me Milanin dhe sidomos me presidentin kuqezi, Silvio Berluskonin, i cili i ka rinovuar besimin. Por, Karlo Anceloti, i pyetur ne lidhje me te ardhmen e tij, nga Malta, ku Milani po zhvillon fazen minipergatitore, e ka zbuluar disi horizontin e tij, vec Milanos. Trajneri kuqezi nuk ka shume dyshime: e sheh veten duke bere trajner ne Spanje, ne stolin e Real Madridit apo ne ate te Valencias. Ne fakt, edhe "hyjnoret" e kane futur emrin e Ancelotit mes atyre qe mund te zevendesojne Fabio Kapelon, por eshte formacioni i Valencias ai qe mund te beje cudine me te madhe, duke pare se kerkojne nje trajner, per te zevendesuar Floresin, ne qershor. Nga ana tjeter, ne nje deklarate per shtyp te dhene pikerisht ne Malte, Karleto i thur elozhe Spanjes. "Ne Primera Division luhet nje futboll shume me i hapur se ai ne Itali. Nese do te largohesha nga Milani, do te zgjidhja ose Real Madridin, ose Valencian".

Por, trajneri i Milanit nuk eshte e thene qe te lirohet nga Milani ne fund te sezonit: ne rast se do te arrinte vendin e katert ne klasifikim ne kampionati, nje objektiv i kerkuar edhe nga Adriano Galiani, administratori i deleguar kuqezi, dhe do te shkonte deri ne gjysmefinalen e Champions, askush nuk do ta vinte ne diskutim. Por, ne rast se Anceloti nuk do te arrinte keto objektiva, atehere i ka idete e qarta se ku do te mund te shkonte.

[no name]

FT AC Milan [2 - 0] Arezzo

34' [1 - 0] A. Gilardino

50' [2 - 0] F. Inzaghi

[AdmiraL]

Ajt Urime fitorja na qofte.

Milan 3 - Reggina 1
[1-0] 3' Pirlo
[2-0] 35' Seedorf
[2-1] 66' Bianchi
[3-1] 77' Gilardino

[King_Arthur]

ja tani do ta shihni milanin
preja e rradhes rexhina .


FORCA MILAN , MILAN CHAMPION !!!

[no name]

FT AC Milan [3 - 1] Reggina

6' [1 - 0] A. Pirlo

35' [2 - 0] C. Seedorf

66' [2 - 1] R. Bianchi

77' [3 - 1] A. Gilardino

[titi.iforti 14]

urime fitorja e djeshme e milanit......