Opinion: Tito dhe Albini

[Davius]

Tito dhe Albini

Në kohët jo shumë të hershme kur Titoja shkonte të vizitonte një vend, milicija e atëhershme rëndom i arrestonte dhe i izolonte pa shumë zhurmë personat që i konsideronte kundërshtarë apo të papërshtatshëm për të qenë në liri, përderisa të kryhet vizita e Titos.

– Policia e Kosovës sot, duke shfrytëzuar edhe përvojën e ditëve të Titos i rrahë protestuesit e lëvizjes “Vetvendosja” që protestojnë paqësisht.

- Lideri i lëvizjes Albin Kurti ka të drejtë në shprehjen e pikëpamjeve politike që mbrojnë edhe interesat e familjatrëve të policëve të dhunshëm kosovarë: me decentralizimin që e ofron pala kosovare nën administrimin e serbëve lokal me lidhje të veçanta me Beogradin mbetet më shumë se 25 për qind e territorit të Kosovës, ndërsa në Rrafshin e Kosovës shqiptarët mbesin pakicë, sepse Beogradi do të administrojë më shumë se 55 për qind të territorit,.

Janë shumë të dhimbëshme dhe të pakapshme për gjeneratat e reja që nuk e përjetuan regjimin e egër shovinist serb pamja e skenave të dhunës që pjestarët e SHPK-s i ushtronin ndaj të rinjëve të Kosovës pjestarë të lëvizjes “Vetvendosja”. Është e pakonceptueshme edhe dhuna e ushtruar ndaj aktivistëve të arrestuar në zyrat e ndërtesës së policisë. Në vendet demokratike kjo do të gjykohej në mënyrë shembullore, do të përcaktoheshin konsekuencat për përgjegjësit dhe do të kishte reagime dhe vendime morale, për ate që ndodhi edhe publikisht kur të rinjtë bijtë dhe bijat e këtij populli ligjshëm dhe në mënyrë demokratike në rrugë i shprehnin pikëpamjet e veta, por gjykimi do të ishte sidomos për ushtrimin e dhunës e shfryerjen e urrejtjes, apo të epsheve ndaj të rinjëve të pambrojtur në zyrat e stacionit të policisë…

Duke marrë mësim nga e kaluara është vështirë të imagjinohet reagimi apo vlerësimi edhe përpara historisë nëse do të ndodhte ndonjë rast tragjik për protestuesin apo për policin…

Pasi nuk është largë koha e Titos dhe pasi disa policë përvojat i fituan në at kohë, bënë të përmendet faktin se sa herë Titoja vizitonte Kosovën (kjo nuk donë të thotë gjë në krahasimet për vizitat e Koshtunicës apo të Ahtisarit në Kosovë), milicia e athershme i izolonte në vendet e caktuara (nëpër burgjet anëkënd Kosovës) të gjithë ata persona që i konsideronte kundërshtar të kësaj vizite apo që I shihte si eksponent të çfardo kundërshtie apo revolte të mundëhme. Është e njohur izolimi I intelektualve kosovarë edhe në periudhën e pas Titos që u bë me bekimin e udhëheqjes së atëhershme kosovare. (Ka pushtetarë të tashëm që e shijuan at përvojë). Do të ishte mirë që të shfrytëzohet ajo përvojë e pasur, pasi që mundet që të qëllojë që të njejtit njerëz në uniformë ta kryejnë këtë aksion. Kështu do të evitonim përqeshjen e botës por edhe reagimet e pushtetarëve të Serbisë se “është e patolerueshme që tu lejohet shqiptarëve bllokada e institucioneve para dhe gjatë vizitave të personalitetetve të larta ndërkombëtare”. Përvojat e mira dhe efikase duhet të shfrytëzohen, ( ky nuk është cinizëm e as sarkazëm) sepse kjo është në të mirë të Kosovës dhe të pavarsisë së saj dhe të udhëheqjes legale dhe legjitime të saj, e cila e bënë decentralizimin si parakusht të pavarsisë së Kosovës, i cili decemntralizim mund të rishikohet pas tri vjetëve dhe komunat të zvoglohen në numër dhe të bëhet një kanton serb brenda Kosovës. Kjo si korpus i të drejtave të garatuara për serbët në Kosovë, që janë rreth pesë përqind të popullsisë së gjithëmbarëshme të Kosovës, por që do të qeverisin rreth tridhkjetë për qind të territorit të Kosovës. Kriteret e tilla është fat i madh (pa cinizëm ) që nuk vlejnë edhe për etnitë e tjera të Kosovës, boshnjakët, turqit, hashkalinjtë, romët… sepse ata janë lojal dhe dëshirojnë të jetojnë të barabartë në Kosovën e pavarur, për dallim prej serbëve që dëshirojnë lidhje speciale me Beogradin. E gjithë kjo është në harmoni me dëshirën e Beogradit që thotë se Serbia nuk ka asnjë dëshirë për ti qeverisur shqiptarët, por nuk dëshiron që serbët të mbesin jashtë jurisdikcionit të Serbisë. Kjo politikë e ka bazën te Millosheviqi që deklaronte se Krocia (dhe Bosnja) mund të pavarsohet por pa territoret e banuara me serbë.. Ekipi i Unitetit të Kosovës e ka dhënë pëlqimin për këtë me projektin “pesë plus një komunë” me shumicë serbe që do të kenë lidhje të veqanta me Serbinë, në arsim, në ekonomi, përmes financimeve të caktura, në shëndetësi në postë telekom, në sistemin pensional etj.

Albin Kurti dhe lëvizja “Vetvendosje” edhe ashtu kohën e shumtë po e kalojnë në burg të paraprirë me kacafytje përpara kamerave televizive me policët e Kosovës, që paguhen nga buxheti i Kosovës dhe taksapaguesit kosovarë, pra edhe nga vet Albini, por që marrin urdhëra nga UNMIK-u. E UNMIK-u nuk dëshiron të largohet nga Kosova përpara se të sigurojë autonominë politiko territoriale serbe në Kosovë, përpara se të sigurojë ,mbrojtjen e monumenteve kulturoro hitorike serbe në Kosovë dhe përpara se të sigurojmë mbrojtjen e pakicave veçanërisht të asaj serbe në Kosovë. E gjithë kjo e sanksionuar në Ligjet dhe në Kushtetutën e Kosovës, por edhe me garancitë e përjetshme ndërkokombëtare në formën e Marrveshjes nga bisedimet e Vjenës.

Albini e Vetevendosja te purgosen si prevendite. Te mbesin te izoluar derisa te perfundoje procesi i statusit te Kosoves. Për këtë lehtë mund të mirret pëlqimi institucional i udhëheqjes legale e legjitime të Kosovës. (këtu nuk ironizohet, sepse udhëheqja asnjëherë nuk shprehu as keqardhje për djemt e vajzat e “Vetvendosjes”)

Albini, ashtu si edhe më herët edhe tash ka të drejtë. Kosova po ndahet. Serbët po e marrin një të tretën e territorit të Kosovës, nën pretekstin e decentralizimit dhe të mbrojtjes së monumenteve kulturoro historike serbe në Kosovë. Aq më keq, pajtimi e miratimi kosovar i Grupit të Unitetit, me dokumentet e përgaditura dhe të përkthyera nga Koordinatori dhe Grupi Politik Strategjik i jep serbëve më shumë se 55 për qind të territorit të Rrafshit të Kosovës, nëpërmjet komunave të Leposaviqit, Zubin Potokut, Zveçanit, Novo Bërdos, Graçanicës, Parteshit, Ranillugut dhe Shtëprcës. Serbët e sidomos Beogradi zyrtar nuk janë të interesuar për numër më të madh apo më të vogël komunash por për kontrroll efikas të territorit.

Kështu Serbia edhe pas luftës së përgjakshme dhe gjenocidit që bëri ndaj shqi[ptarëve, tash në paqe përmes bisedimeve dhe nëpërmjet pajtimit të udhëheqjes legale dhe legjitime të Kosovës, ia mbërrijti qëllimit që të marrë aq territor të Kosovës sa nuk kanë mundur ta sigurojnë as kralat serbë Aleksandri e Petri, nëpërmjet Reformës Agrare e Kolonizimit e as Rankoviqi e Millosheviqi në kohën e periudhës socialiste. Këtë sukses nuk e patën as kur Esad Pashë Toptani ua dorëzoi Shkodrën Malazezëve…

Në ndërkohë Albini dhe të rinjtë e të rejat shqiptare të Kosovës do të mbeten burgjeve, vetëm për faktin se nuk dëshirojnë ta shesin me asnjë çmim Kosovën. Vetëm pse dëshirojnë që Kosova të jetë shtet Sovran dhe i Pavarur, me të gjitha të drejtat dhe liritë për komunitetet e saja si qytetarë të barabartë në kuadër të Bashkimit Europian.

Nëse pavarsia e Kosovës kushtëzohet me dhënien e tridhjet përqind të territorit të Kosovës në administrim të serbëve, atëherë unë jam që mos ta kemi at pavarsi. Më mirë të mbetemi kështu si jemi dhe të presim kohë të tjera. Që rrespektojnë vullnetin e shprehur lirshëm të popullit të Kosovës.

Ramush Tahiri

[Mendimi_Juaj]

Munde te them lirisht se asnjehere Kosova nuk ka qene ne pozicion me te keq se tani!

Herave tjera kemi pasur disa perparesi, sepse i kemi pasur pushtuesit te huaj dhe populli ka dale me i bashkuar ndaj tyre, sepse dukej qarte qe ishin serbe. Psh te gjitha rrahjet, burgosjet, vrasjet e kohes se Millosheviqit te pakten e kishin nje kundervenje morale.

Cfare po ndodh tani: Si duket tani pikerisht eshte gjetur menyra me efikase si te veprohet kunder shqiptareve. si TITO, sepse ai ka qene strategu qe ka ditur si te mirret me Kosovaret. Domethene duke instaluar disa institucione dhe pastaj me to te kontrolloje popullin.

Si i behet problemit qe po ndodh tani. Populli ka zgjedhur disa persona, dhe tani pret qe ata ti mbrojne interesat e tyre, por ne fakt ata jane shitur dhe si??? Secilit duke iu dhene disa funksione e disa poste, sepse shqiptaret e kane te mete deshiren per poste, ska pastaj rendesi edhe nese punojne kunder popullit te vet.

Kjo qe po ndodh tani duhet ndalur dhe askush perveq popullit kete nuk munde ta ndaloj, por fatkeqesisht ende shumica e popullit jane duke degjuar lideret qe kane votuar te cilet u thone se keshtu do te arrihet pavaresia.

Pas cdo rrahje ne mes te Prishtines populli po del me i perqare. Dhe meqe keshtu eshte programuar te ndodhe atehere ndarja e Kosoves eshte e pa shmangshme dhe kjo do te qoje ne luftra te reja shume me te veshtira se me pare. Mos te harrojme se ne kete rast na kane ndersyer edhe bashkesine nderkombetare kunder.

[kurkushi]

Aaa...
Mos u brengosni!
Shqiptaret kane votuar per LDK-ne dhe ishin kunder luftes,jo qe s`luftuan por edhe e sabotuan.Populli thot: dardha e ka bishtin prapa
Ky bishti i Demokracise eshte tani ai qe po u grahe gjerave kunder vullnetit te Popullit,te popullit te djeshem sabotues por i cili tani me ne fund eshte vetedijesuar dhe po sheh qarte se keta shkijet e huaj te ANMIK-ut me te keqinj se te perparshmit,por vone,vone shume.
"Kur ta nxjerre i Huaji gomarin nga balta,ai e ngarkon pastaj si te doje vet,edhe duke i hipur ne shpine" dhe i zoti i gomarit mbetet te ecen pas me kembe neper balte...
Nje te mire kemi ne shqiptaret nga e cila s`ndahemi kurre:
Dhuna na bashkon!
Per momentin ende s`e kemi kohen te bashkohemi kunder se keqes qe po na pregaditet ne menyre paqesore dhe demokratike...Do bashkohemi tek pasi te vendosen kufinjte e rinj serb perbrenda kosoves!

[Anestezia]

Eshte nje bindje e thelle e imja , qe edhe heroi Adem Jashari dhe te gjithe heronjte e tjere te kombit , po te ishin gjalle ne diten e sotme, do te rraheshin e do te burgoseshin njejte siç behet sot me Albin Kurtin dhe djemte e Vetevendosjes. E pse atehere ,kritikohen sot nga ky pushtet i tanishem i yni, rrahjet dhe torturat qe iu bene djemeve te pranveres "81. Eshte sot e njejta dhune , vetem se me metoda me te sofistikuara apo me "demokratike" po ushtrohet nga pushteti i yne ndaj djemeve te Vetevendosjes.
Ne "81-ten u kerkua Republike e sot nga aktivistet e "vetevendosjes" kerkohet Vetevendosje. "Republike" dhe "Vetevendosje" jane sinonime ne kuptimin e kerkeses qe eshte bere me heret dhe kerkeses se sotme.Qellimi ka qene dhe eshte qe te jemi te PAVARUR nga Serbia dhe ta sundojme veteveten .
Njehere e pyeta nje polic,pse po i rrahin protestuesit/ Me tha :"e kemi urdher dhe urdherin duhet zbatuar sepse fluturoj nga puna.Kush do te me mbaje mua dhe familjen time".Po ta pyetesh komandantin e tij do te thote te njejten gje.Por ku ne te vertete perfundon zingjiri i urdherave?!Te te huajt. Dhe ne jemi servil symbyllur ndaj tyre.
Edhe ne "81-shen zingjiri i komandes se dhunes ndaj studenteve arrinte deri te te huajt.Dhe strukturat me te uleta komanduese( kryesisht shqiptare) ishin servile symbyllur.
Pra kush ka te drejte nga keta policet e politikuajt e sotem, te kritikoje policet dhe politikuajt e atehereshem.Askush.D.m.th.vetem forma e pushtetit ka ndryshuar, kurse permbajtja eshte e njejte: sevile, e shitur, e poshter, e qelbur.
Ne baze te kesa rrjedhe perfundimi logjik se sikur ne "89-ten qe u fal kushtetuta dhe ajo pak liri qe ishte nen kercenim te armeve te Serbise, edhe sot nen kercenimin e fuqive te medha do te behen koncesione te tmerreshme per ne , ne favor te Serbise.Kjo po shihet me planet e decentralizimit A, B, C, 3+1, 5+1 e do te mund te ndalen ne p... te s'emes se vet.
ALBINI ESHTE HERO I GJALLE I KOSOVES.