Fatos Nano: Nuk jam vasal i Edi Ramës, do filloj katharistin II në bazë

[Fiori]

Rama: lëvizja e Nanos? Nuk kemi asnjë minutë për të humbur

Denion Ndrenika

TIRANË- Kryetari i PS-së, Edi Rama tha mbrëmë pas një mbledhje kryesie se forca kryesore e opozitës po përgatitet për të mundur atë që e quajti „armik të votë së lirë“, kryeministrin Sali Berisha. Rama i bëri komentet pas lajmit se ish-kryetari Fatos Nano do të iniciojë një lëvizje të re brenda PS-së. Këtë lajm e konfirmoi mbrëmë për mediat Taulant Balla, deputet i PS-së, sipas të cilit Nano do të mbështetet nga disa të zgjedhur të tjerë në 3 korrikun 2005, por nuk do të largohet nga PS. Kryetari Rama ka vlerësuar se kjo nuk ishte çështje parësore në këto kohë. “Ne jemi në kulmin e një përgatitjeje për të mundur armikun e madh të demokracisë, të votës së lirë dhe të zhvillimit, i cili për ne ka vetëm një emër, quhet Sali Berisha dhe nuk kemi asnjë minutë për të humbur duke u marrë me çështje, të cilat praktikisht nuk na mundësojnë që frytet e kësaj beteje të jenë maksimale”,-ka deklaruar Rama pas mbledhjes së kryesisë, vazhdim i një dite më parë.

Shekulli

[Albo]

Ish-kreu socialist kërkon të rikthehet. Nuk do bashkohet me grupin e PS

Nano: S’bëhem vasal i Ramës

“S’dal jashtë PS, do nis katarsisin 2 në bazë”


Ish-kryetari socialist, Fatos Nano, vendosi dje të dalë publikisht kundër Edi Ramës. Në një deklaratë jo vizuale në “Vizion Plus” ai deklaroi: “Nuk mund të shërbej në asnjë moment dhe për asnjë shkak si vasal i Edvin Ramës”.

Kjo deklaratë e tij e cituar vetëm nga gazetari nuk është shoqëruar me pamje të Nanos, por është mbështetur nga deputetët shumë pranë tij, Harasani, Idrizi dhe Balla.

Aksioni
Në ditët e ardhshme, burime shumë pranë ish-kreut socialist, pohojnë se Nano do të dalë me një platformë, në të cilën do të motivojë të gjithë lëvizjen e tij brenda PS-së për një opozitë ndryshe. Të njëjtat burime thonë se Nano do të nis takimet me bazën. Ish shefi i socialistëve, nuk duroi dot më gjatë për këtë çështje, duke dashur të fillojë të ashtuquajturin “Katarsis 2”. Por këtë herë, me shumë më pak mbështetës sesa kur bëri të parin në vitin 1999. Ndërsa ka më shumë se një vit që nuk ka dalë asnjëherë në krah të lëvizjeve të PS, Nano sipas burimeve, do t’i sqarojë bazës se pse nuk e ka bërë këtë gjë. Ai dy herë ka shkuar në parlament, dhe asnjëherë në mbledhjet e forumeve partiake. Lëvizja e Nanos në këtë moment, mund të shërbejë edhe për Berishën, i cili, ka deklaruar kohë më parë se do të sigurojë votat për presidentin. Eshtë folur që herët që Nano mund të ishte një nga kandidaturat. Me votat që i janë bashkuar nga grupi i PS, ai ndoshta do të synojë postin e kreut të shtetit, por duke mos pasur votat e deputetëve të tjerë të PS. Ndër njerëzit që e kanë mbështetur, janë pikërisht ata që i ka përfshirë vetë Nano si deputetë, madje tre njerëzit me të cilët mban kontakte: ish drejtori i KESH Andis Harasani, ish drejtori i Doganave Shpëtim Idrizi, dhe ish shefi i tij i protokollit Taulant Balla.

Grupi
Ish-kreu i selisë rozë do të dalë jashtë grupit parlamentar socialist, duke lënë të hapur kështu mundësinë që atij t’i bashkohen edhe deputetë të tjerë socialistë, por dhe nga parti të tjera të majta, të cilët nuk janë dakord me mënyrën e të bërit opozitë nga Edi Rama. Nano, do të kërkojë të bëjë një opozitë ndryshe, duke dhënë alternativa për çështjet specifike që maxhoranca do të çojë në Parlament. Burime pranë ish-kreut socialist pohojnë se ky veprim i Nanos nuk ka të bëjë me daljen e tij nga Partia Socialiste, të cilën e ka themeluar vetë dhe e ka drejtuar prej 15 vjetësh, por për një luftë politike të tij me alternativa brenda PS-së. Deputetët pranë tij, Balla, Harasani, Idrizi, Lamaj pohojnë se mënyra se si Edi Rama ka drejtuar PS dhe ka organizuar bërjen e opozitës nuk ishin ato që ata kishin shpresuar kur ai erdhi dhe u mbështet nga të gjithë në krye të PS.



Çfarë thonë deputetët që janë skicuar në listën “Nano”

Pro nismës “Nano” vetëm pesë deputetë, të tjerët: Jemi me PS

Deputetët shumë pranë ish-kreut socialist pohuan dje për gazetën “Panorama” se janë rreth 14 deputetë socialistë, të cilët kanë përkrahur nismën e ish-kreut socialist për një katarsis në PS. Lista e deputetëve ka brenda saj jo vetëm deputetët shumë pranë Nanos, të cilët kanë deklaruar publikisht dje përqafimin e nismës së ish-kreut socialist, por dhe deputetë të tjerë, të cilët nuk kanë shfaqur deri më sot pakënaqësi ndaj drejtimit të Partisë Socialiste nga Edi Rama. Lista, përveç emrave të Idrizit, Ballës, Harasanit dhe Lamaj përmban dhe emrat e Arben Malajt, Paulin sterkajt, Besnik Dervishit, Luan Memushit etj. Gazeta “Panorama” kontaktoi me të gjithë deputetët që figuronin në listë dhe rezultoi se shumica e tyre nuk kanë dhënë asnjë pozicionim pro Nanos për shkëputje të tij nga grupi parlamentar. Shumë të tjerë e kanë kundërshtuar nismën.

Arben Malaj
Unë kam bërë kontratë me PS-në, as me Fatos Nanon dhe as me Edi Ramën. Nuk kam ndërmend të largohem nga grupi parlamentar socialist.

Paulin Sterkaj
Unë nuk e tradhtoj PS-në dhe kryetarin legjitim të saj Rama. Nano duhet të vijë tek unë, të rrahim mendimet me njëri-tjetrin, se ai është deputet i thjeshtë si dhe unë, dhe pastaj të na thotë se çfarë do të bëjë. Unë mendoj se loja e madhe qëndron tek vizita e Berishës në Turqi, i cili po futet në vorbullën e shitjes së Telekomit, të cilit i duhet kjo zhurmë mediatike.

Flamur Hoxha
Unë nuk di gjë, nuk kam folur dhe nuk kam futur veten time në ndonjë listë. Nuk di se mund të ndodhë në të ardhmen.

Luan Memushi
(nuk është përgjigjur në telefon)

Andis Harasani
Deklarata e zotit Nano për mënyrën se si PS është drejtuar deri tani nga kryetari aktual ,Edi Rama, për zhvendosjen e disa figurave të PS dhe afrimin e disa figurave të tjera në PS-së dhe për një mungesë të demokracisë së brendshme në PS.
Çdo lëvizje e zotit Nano besoj se do sjellë një rikompozim të forcave në Parlament dhe detyrimisht do të sjellë një riformatim të të gjithë krahut të majtë. Unë jam i sigurt se në çdo nismë të ndërmarrë nga zoti Nano atij i janë bashkuar vlerat më të mira të PS-së edhe besoj se dhe këtë radhë do të ndodhë kështu.

Stefan Çipa
(nuk është përgjigjur në telefon)

Shpëtim Idrizi
Ne duhet të bënim një opozitë krejt ndryshe, një opozitë me alternativa. Në këtë kuptim e gjej me vend deklaratën e zotit Nano, i cili të mos harrojmë është lideri historik i PS-së, është personi që ka vendosur shumë standarde në politikën shqiptare, është njeriu që shumë herë me vizionin e tij liberalizues dhe moderator ka arritur të vendosë dhe të bëjë akorde shumë të mëdha në shërbim të vendit. Në këtë kuptim unë e mbështes nismën e zotit Nano dhe mendoj se kjo nismë është brenda PS-së, sepse vjen pikërisht nga lideri shpirtëror i saj dhe nga lideri historik.
Mendoj se këtë nismë do ta përshëndesim dhe do ta përkrahin edhe shumë deputetë të tjerë të PS-së.

Elmaz Sherifi
(nuk është përgjigjur)

Rajmonda Stefa
Nuk kam kontaktuar me Nanon, por e shoh nismën e tij si një lëvizje brenda Partisë Socialiste që ai ka themeluar dhe brenda grupit parlamentar socialist. Nuk besoj se Nano do të dalë jashtë grupit të PS, por do të punojë brenda tij.

Vangjel Tavo
(nuk është përgjigjur në telefon)

Durim Hushi
Jam kontaktuar nga njerëzit shumë pranë Nanos. Nuk i kam kthyer asnjë përgjigje. Nuk ka një ide të qartë se çfarë do të bëjë. Por sidoqoftë, si ideja për parti të re ashtu dhe ideja e grupit parlamentar, nuk do të përkrahen nga unë. Unë e kam partine time. Nano është i mirëpritur të konkurrojë brenda PS-së.

Taulant Balla
Tashmë është e qartë që Nano ka nisur një lëvizje të tij, që është një katalizator i shëndoshjes së gjendjes në PS, i cili është ndikuar nga zoti Rama dhe prandaj mendoj se të gjithë socialistët duhet ta mbështesin këtë lëvizje, që për mua është një lloj katarsis. Ne duhet të tregojmë një opozitë më të fortë me Berishën dhe për këtë edhe lëvizja e zotit Nano është për një opozitë më efektive. Nano, si lideri historik i kësaj partie, në asnjë moment nuk mund të kuptohej jashtë PS-së.

Besnik Dervishi
Nuk kam dijeni për këtë iniciativë dhe nuk dua të përgjigjem.

Durim Lamaj
Kjo është një nismë në të cilën janë bashkuar disa deputetë që mendojnë për një opozitë ndryshe në PS. Lista është me 15 emra, deputetë me kontribute në PS. a.l




Lista e deputetëve

Shpëtim Idrizi pro nismës
Andis Harasani pro nismës
Durim Lamaj pro nismës
Flamur Hoxha kundër nismës
Durim Hushi kundër nismës
Arben Malaj kundër nismës
Rajmonda Stefa pro nismës
Paulin Sterkaj kundër nismës
Luan Memushi nuk gjendet
Besnik Dervishi kundër nismës
Elmaz Sherifi nuk gjendet
Stefan Çipa nuk gjendet
Vangjel Tavo nuk gjendet
Taulant Balla pro nismës

Panorama

[Albo]

Ish-kreu socialist bën deklaratën rifutje në lojën politike

Nano: Rama, adoptim i modelit berishian

Edi Rama ka adaptuar modelin më të keq berishian. Ish-kreu socialist, Fatos Nano, ka dalë vetë dje para mediave, pa sms dhe ka atakuar kreun aktual të selisë rozë, por dhe drejtuesit e opozitës.

Nano ka akuzuar drejtimin e sotëm të PS-së si drejtim pa vizion, i cili në thelb është vetëm imitim i politikës së vjetër. “Çështja është që partia në radhë të parë dhe opinioni të kuptojë se ajo që po ndodh pas 3 korrikut është riprodhimi i modelit berishian në gjithë politikën shqiptare dhe shqetësimi im parimor është se kjo po degradon opozitën”, deklaroi Nano. Ish-kreu socialist përgënjeshtroi opinionet se bërja e tij prezent në këtë kohë ka të bëjë me ambicien e tij për president. “Nuk është në axhendën time një iniciativë që ka të bëjë me prekjen e Kushtetutës dhe që lidhet me zgjedhjet presidenciale”, tha Nano.
Ish-kreu socialist e krahasoi mënyrën e drejtimit të PS-së një imitim të modelit Berisha, me anën e të cilit nuk mund të arrish gjëkundi. “Berisha ekziston dhe nuk mund të neutralizohet duke e imituar, prandaj degradimi i Partisë Socialiste në modelin më të keq që po bën Edi Rama, me një koalicion berishkash, të cilët po administrojnë interesat personale, nuk mund të premtojë asgjë, jo vetëm për masën e madhe të progresistëve të së majtës dhe të qendrës, por ai rrezikon të ardhmen e vendit, stabilitetin e tij”, tha Nano. Vetëm një vit pas dorëheqjes së tij, ish-kreu socialist vendosi të rikthehet në politikë, duke nxjerrë gabimet e drejtimit të PS-së. Nano e ka konsideruar Partinë Socialiste një vend ku konkurrohet me ide dhe alternativa, duke aluduar se ajo që ofron tani PS-ja e drejtuar nga Rama nuk prodhon asgjë të re. “Konkurrimi i alternativave të bëhet përmes bashkëjetesës dhe jo konfliktit. Partia Socialiste nuk është një udhëkryq shigjetash që drejtohen nga qendra jashtë dhe që nuk fabrikon asnjë gjë të re, përveçse imitim modelesh të vjetra. Eshtë një komunitet njerëzor dhe shumë i gjallë, shumë aktiv, me shumë eksperiencë dhe me shumë kontribute për të sotmen dhe për të ardhmen e Shqipërisë evropiane”, u shpreh Nano.

Konflikti

Ish-kreu socialist, i munguar për mëse një viti në politikën shqiptare, sheh se konflikti i vjetër mes PD-së dhe PS-së gjatë kësaj periudhe vetëm sa është institucionalizuar dhe kjo kërkon njerëz të moderuar. “Mua më shqetëson institucionalizimi i një konflikti të egër dhe të vjetër në politikën shqiptare. Unë besoj se marrëveshja më e fundit midis përfaqësuesve të moderuar kërkon investimin e autoriteteve kryesore të të dy kampeve dhe konsolidimin e saj me një pakt më të gjerë se sa kaq dhe të garantojnë një bashkëjetesë politike dhe institucionale, sidomos për çështjet e integrimit të vendit”, tha Nano. Ish-kreu e selisë rozë i sheh tashmë ndryshe marrëdhëniet pozitë-opozitë, duke bërë dhe korrigjimet e asaj që po ndodh aktualisht në politikën shqiptare. “Bashkëjetesa politike dhe institucionale arrihet duke mbrojtur institucionet demokratike të ngritura dhe duke mënjanuar çakejtë, apo konet e vogla që lehin në sabah dhe prandaj në demokraci nuk mund të bëhet fjalë as për armiq, as për kundërshtarë që rrëzohen. Kundërshtarët alternohen duke i konsoliduar imazhin demokratik vendit”, deklaroi Nano para mediave.


Perjashtimi
Ish-kreu socialist ironizon idenë e përjashtimit të përkrahësve të tij nga forumet e PS-së, duke i konsideruar si provokime. “Kjo besoj se do të ishte një hap shumë i gabuar, që një tufë njerëzish apo qeniesh të shkurtra apo të gjata, që do të donin të aplikonin modelin “Berisha” në Partinë Socialiste, të mbyllura në zyra të paajrosura dhe të mykura, të provokonin PS-në me largime përfaqësuesish”, tha Nano.

Presidenti
Ish-kreu socialist hodhi poshtë opinionet e shprehura se lëvizjet e tij synojnë postin e presidentit vitin e ardhshëm, të cilat mund të nisin me ndryshimet në Kushtetutë. “Nuk është në axhendën time një iniciativë që ka të bëjë me prekjen e Kushtetutës dhe që lidhet me zgjedhjet presidenciale”, tha Nano.

Marreveshja
Nano përshëndet arritjen e marrëveshjes PD-PS, si produkt të njerëzve të moderuar brenda këtyre dy partive, duke aluduar këtu për Bamir Topin dhe Ben Blushin, të cilët nuk përkrahen nga drejtuesit e partive të tyre. “Unë besoj se marrëveshja më e fundit midis përfaqësuesve të moderuar kërkon investimin e autoriteteve kryesore të të dyja kampeve dhe konsolidimin e saj me një pakt më të gjerë se sa kaq”, tha Nano.


Reagon ashpër anëtari i kryesisë së Partisë Socialiste

Braçe: Jashtë PS-së kush del jashtë axhendës së saj

Kush del jashtë axhendës së PS do të jetë jashtë saj. Anëtari i kryesisë së PS-së, kryeredaktori i gazetës së PS-së “Zëri i Popullit” Erion Braçe, reagoi menjëherë dje pas deklaratave të Nanos dhe përkrahësve të tij. “Cilido që del jashtë kësaj axhende të shkurtimit të mandatit të Sali Berishës, do ketë veten jashtë Partisë Socialiste që tani. Nuk do ketë asnjë lloj hezitimi për të ndëshkuar këtë sherrnajë të re brenda PS-së. Unë mendoj se fatet e socialistëve nuk luhen në ruletë”, u shpreh Braçe. Sipas anëtarit të kryesisë së PS-së, i cili në mbledhjen e mbrëmshme të kryesisë ka kërkuar marrjen e masave drastike ndaj deputetëve të PS-së, që kanë kundërshtuar mënyrën e drejtimit nga ana e Edi Ramës, “PS nuk mund të funksionojë sipas tekave, përndryshe ne do të duhet t’u përgjigjemi tekave nga Vermoshi në Konispol. Kam dëgjuar axhendat e 3 deputetëve, që nuk përputhen me axhendën e opozitës dhe jam kundër tyre, dhe në rast se dhe Nano ka një të tillë, ndaj saj jam kundër”, tha Braçe. Deklarata e Braçes bëhet një ditë pasi ish-kryesocialisti Nano dhe mbështetës të tij deklaruan angazhimin në një lëvizje brenda PS-së, me qëllim reformimin e kësaj partie dhe bërjen e një politike opozitare realiste. Duke komentuar deklarimet e një dite më parë, të bërë nga disa deputetë të PS-së, mes të cilëve Shpëtim Idrizi, Andis Harasani dhe Taulant Balla, të cilët u shprehën në mbështetje të lëvizjes së ish-kreut socialist Nano, anëtari i kryesisë socialiste tha se deklarimet e këtyre deputetëve nuk kanë asgjë të përbashkët me axhendën zyrtare të PS-së. ”Unë jam kundër qëndrimeve të tilla”, tha Braçe. Një nga mbështetësit e ish-kreut socialist, deputeti Taulant Balla, u shpreh se do të mbështesë lëvizjen e Nanos, duke e cilësuar atë jo si shkëputje nga kjo parti, por si një lëvizje brenda PS. “Eshtë një lëvizje, e cila synon të fuqizojë Partinë Socialiste dhe kjo parti të bëjë opozitën që duhet”, tha deputeti Balla. Sipas tij, kjo lëvizje nënkupton riformatimin e energjisë së opozitës, duke e cilësuar këtë lëvizje të mbështetur brenda radhëve të PS-së.




Kreu i selisë rozë injoron deklaratat e Nanos

Rama: Nano po i bën fresk Berishës, s’ka më telenovela

Telenovelat kanë mbaruar. Cilido është i mirëpritur të bashkëpunojë për të rrëzuar Sali Berishën.

Kreu socialist, Edi Rama, i është përgjigjur menjëherë deklaratave të ish-kreut socialist Fatos Nano dhe deputetëve të tij përkrahës. “Nuk kam absolutisht asnjë lloj emocioni që të adresohem në çështje që nuk na japin asnjë gjë të re dhe asnjë gjë më shumë në procesin tonë për të garantuar fitore. Është i mirëpritur kushdo që bashkëpunon për të rrëzuar këtë qeveri, ashtu sikundër nuk ndalojmë askënd t’i bëjë fresk Kryeministrit aktual”, tha zoti Rama. Kryetari i Partisë Socialiste, Edi Rama, deklaroi gjatë një prononcimi për mediat, se axhenda e opozitës është e patjetërsueshme, dhe e pandryshueshme nga asnjë lloj faktori tjetër atmosferik. Qëndrimi i kreut socialist Rama vjen pas deklaratës së ish-kryetarit të PS-së Nano, se kryetari aktual i PS-së, Edi Rama, po adopton modelin e keq dhe të papranueshëm për progresistët e majtë. Në një mbledhje me kryetarët e partive opozitare, ku nuk është prekur çështja Nano, është diskutuar rreth bashkëpunimit të tyre opozitar për reformën zgjedhore dhe përgatitjeve që ata duhet të bëjnë për fushatën zgjedhore për pushtetin vendor. Pas mbledhjes së kryetarëve të partive opozitare, Rama ripërsëriti qëndrimin e opozitës për të fituar zgjedhjet e pushtetit vendor dhe provokimin e zgjedhjeve të parakohshme në 2007. “Opozita është tërësisht e përqendruar tek i vetmi objektiv që ka, të fitojë zgjedhjet vendore, të provokojë zgjedhje të përgjithshme duke mos e zgjedhur Presidentin e Republikës, dhe të arrijmë që t’i japim Shqipërisë një alternativë qeverisëse”, u shpreh Rama. Kreu socialist u përgjigj se ndjehet i privilegjuar mes mijëra socialistëve progresistë dhe aspak i rrezikuar nga rifutja e Nanos në lojën politike. “Ndihem i privilegjuar që jam në shërbim të qindra, mijëra socialistëve, progresistëve dhe qytetarëve të këtij vendi që duan një Shqipëri ndryshe moderne dhe evropiane. Nuk kam absolutisht asnjë lloj emocioni që të adresohem në çështje që nuk na japin asnjë gjë të re dhe asnjë gjë më shumë në procesin tonë për të garantuar fitore. Eshtë i mirëpritur kushdo që bashkëpunon për të rrëzuar këtë qeveri, ashtu sikundër nuk ndalojmë askënd t’i bëjë fresk kryeministrit aktual”, tha zoti Rama. Kreu i partisë më të madhe opozitare paraqiti axhendën e opozitës për zgjedhjet vendore. “Opozita ka një axhendë tërësisht të faktuar, një axhendë, e cila është e koordinuar me të gjithë partnerët e opozitës së bashkuar, bazuar në lidhjen e ngushtë jo vetëm me zgjedhësit tanë, por edhe me të gjithë ata simpatizantë apo të zhgënjyer nga qeveria e sotme, të cilëve ne do t’u kërkojmë votën. Ne sot u mblodhëm për të përcaktuar një sërë modalitetesh, lidhur me ngritjen e strukturave të përbashkëta për zgjedhjet e ardhshme vendore, për të përcaktuar të gjithë hapat konkret në mbështetje të procesit të reformës zgjedhore, si dhe për të dhënë porositë përfundimtare lidhur me raportin që opozita e bashkuar do të paraqesë në Bruksel”, tha Rama.




Kreu i LSI-së i kërkon Nanos të bëjë më shumë opozitë se të gjithë

Meta: Opozita e vendosur të rrëzojë Berishën
“S’ka kartona që e shpëtojnë Sali Berishën vitin e ardhshëm”

tirane-Asgjë e re në horizont. Axhenda jonë është e qartë, nëse dikush ka axhendë tjetër, le ta bëjë publike. Kreu i LSI-së, Ilir Meta ka reaguar ndaj deklarimeve të ish-kreut socialist, Fatos Nano, dhe kërkoi që të gjithë të bëjnë opozitë ndaj Berishës. “Të gjithë ata që janë në opozitë tani e kanë një axhendë, një program, që është programi dhe axhenda e bashkëpunimit ndërmjet forcave politike të opozitës. Dhe të gjithë janë të ftuar të bëjnë më shumë opozitë se ne ndaj Sali Berishës”, tha Meta. Kreu i LSI-së në sintoni me kreun socialist, Edi Rama, u shpreh se objektiv i opozitës është fitorja e zgjedhjeve vendore dhe provokimi i atyre të përgjithshme. “Tashmë opozita ka një axhendë shumë të qartë dhe ka një axhendë të vetme, e cila është bërë publike dhe që synon fitoren bindëse në zgjedhjet e ardhshme vendore, e cila synon vendosjen e legjitimitetit të Parlamentit aktual, për zgjedhjet e përgjithshme vitin e ardhshëm dhe njëkohësisht përmbushjen e atij misioni të ndërprerë disa vjet më parë nga e majta, pra e integrimit evropian të vendit”, deklaroi Meta. Duke dashur t’u përgjigjet akuzave të Nanos për mënyrën e bërjes së opozitës nga drejtuesit e saj, Meta përmendi marrëveshjen e arritur mes PS-PD-së, duke i dhënë të drejtë opozitës në kërkesat e saj. “Në këtë drejtim në muajt e fundit opozita ka treguar se po e forcon bashkëpunimin e saj, kohezionin dhe veprimin e saj politik dhe ka disa arritje të rëndësishme që ka të bëjë me marrëveshjen për zgjedhjet që verifikoi edhe njëherë drejtësinë e opozitës. Shpreh bindjen se sot në të gjitha planet opozita është shumë herë më e fortë si më parë dhe njëkohësisht jam i bindur se në këtë rritje të kredibilitetit të saj politik do ta konfirmojë edhe në zgjedhjet e ardhshme për pushtetin vendor”, tha kreu i LSI-së. Meta u shpreh i bindur se qeveria e Berishës do të bjerë vitin e ardhshëm me rastin e zgjedhjes së Presidentit të Republikës. “Nuk ka kartona që e shpëtojnë Sali Berishën nga fati i tij vitin e ardhshëm. Eshtë keqqeverisja e tij e mbrapshtë ajo që do e ndajë atë nga shumica”, deklaroi Meta. Kreu i LSI-së, duke folur dhe për dyvjetorin e krijimit të LSI-së, si forcë politike, u shpreh se humbja e 3 korrikut e të majtës, pas manipulimit të votës së lirë, zgjedhjet e ardhshme premtojnë të jenë të lira dhe të ndershme. “Pavarësisht nga tragjedia që ndodhi në 3 korrik për shkak të mega-Dushkut dhe manipulimit të votës, unë jam i bindur që pas një viti është e qartë se beteja jonë për zgjedhjet e lira dhe të ndershme po kurorëzohet me sukses”, tha Meta.



Drejtuesit e së majtës kundër qëndrimit të Nanos

Drejtuesit e partive të majta e kanë konsideruar reagimin e Fatos Nanos, jo me vend për momentin politik. Skënder Gjinushi dhe Neritan Ceka u shprehën se secili të luajë rolin e tij në politikë. “Çdo socialist dhe aq më tepër ata që kanë kontribut të madh në PS janë të interesuar, që e majta të jetë e bashkuar dhe asnjë prej tyre nuk do të bënte lojën, që mandatin e vet ta përdorte për zgjatjen e mandatit të kryeministrit Sali Berisha”, tha kreu i PSD-së Skënder Gjinushi. Ndërsa kreu aleancist, Neritan Ceka, u shpreh kundër kësaj lëvizjeje, duke e vlerësuar atë si kapitull të mbyllur. Sipas Cekës, kjo nuk është gjë tjetër, veçse një aventurë dhe nuk beson se Nano mund të ndërmarrë një iniciativë të tillë. Madje Ceka vlerëson atë me lëvizjet e fundit të bëra nga Partia Demokristiane për të zgjeruar grupin parlamentar. Kreu aleancist shprehet i vendosur që Nano nuk duhet të kthehet në politikë për të mirën e të majtës.

Aristir Lumezi
Panorama

[Barlet23]

RRofsh Tos Qorri qe na erdhe se corap paske per ta bo PS!! Tani ti puthi PS-ja zgjedhjet !!

[MICHI]

LooL u kthy edhe i her ky se i kane maru leket neper kazino edhe duke pire neper buzuqe, ky o i madh fare lol. Kur tja fusi edushkes se eshte shum me i zgjut se edushka.

Po u kthy ky vetem probleme do ket PS.

[Nice_Boy]

Meta: Opozita e vendosur të rrëzojë Berishën
“S’ka kartona që e shpëtojnë Sali Berishën vitin e ardhshëm”

Ky tifozi.. cfar kerkon ne vitin e ardhshem ?

Te fitoj..PS-ja ?

Ndoshta sonte do ta sheh ne enderr at fitoren e PS.. se si kan fillu lojrat e Nano-s ( Grekut ) ene atij Rames ska per te fitu kurr ne jet.. edhe ajo ka marr fund qe nga humbja e fundit.. dhe rikthimi i Sali Berishes ne pushtet.. dhe ringjallja e Shqiperis pas gjith atyre vitieve qe ishte ne doren e mafies..



Tani prisni.. luften mes vete ne PS.. dhe po knaqem kur po lexoj keto qe po ndodhin ne at parti.

[Dito]

Nano eshte nje figure karizmatike e politikes shqiptare, dhe pa te themi qe nuk ka kuptim politika shqiptare, ashtu sic nuk do kishte pa Berishen.
Rikthimi i tij per cdo qellim te paracaktuar nga ai vete eshte ne kohen e duhur per te gjitha arsyet.
Nese Nano synon postin e presidentit te cilin per mendimin tim pak gjasa ka te ndodhe sepse do ishte teper absurde qe mazhoranca ne parlament te zgjidhte ish kryetarin e partise opozitare me te madhe ne vend. Kjo do te thoshte qe ne nje te ardhme ata te humbnin shume nga ky miratim per president te z Nano, sepse s'duhet te harrojme qe ne politike marrveshjet afatgjata nuk egzistojne.


Nese z.Nano ka ardhur me idene qe te rimarre partine qe ai vete e ngriti modernizoi dhe e beri te fitoje disa vite pushtet, atehere po kjo mund te ndodhe.
Dihet qe z. Nano eshte nje figure me teper peshe ne elektoratin e majte shqiptar, dhe mbi kete opsion ai do perfitoje mjaft, pikerisht sic beri me dy djelmoshet e rinj Meta, Majko. Te mos harrojme qe kete vit ai e ka studiuar nga jashte mjaft mire politiken dhe levizjet e z. Edi, pra tashme une mendoj ai ka nje skeme te qarte se si do veproje edhe me kundershtarin e tij te fundit ne parti.


Dito.

[MICHI]

Ky tifozi.. cfar kerkon ne vitin e ardhshem ?

Te fitoj..PS-ja ?

Ndoshta sonte do ta sheh ne enderr at fitoren e PS.. se si kan fillu lojrat e Nano-s ( Grekut ) ene atij Rames ska per te fitu kurr ne jet.. edhe ajo ka marr fund qe nga humbja e fundit.. dhe rikthimi i Sali Berishes ne pushtet.. dhe ringjallja e Shqiperis pas gjith atyre vitieve qe ishte ne doren e mafies..



Tani prisni.. luften mes vete ne PS.. dhe po knaqem kur po lexoj keto qe po ndodhin ne at parti.

Lej tja bejne qefin vetes HGAhagahaghaagahag me dylbi do shofin pushtetin edhe nja 8 vjet i her kto forcat e kuqe pike e zeze ne histori te njerzimit kane met.

[rachi]

Tosi i nanos do formoje grup parlamentar me vete me qorrat e tjere te droges. Bisnesi eshte, tosi do zgjidhet president me votat e berishes, ky i fundit do i shpetoj zgjedhieve te parakohshme edhe jepi deri ne fund te mandatit.Te humbur ne kete mes do jen socialistet e thjeshte te ps edhe shqiperia, sic nje person pa moral, trafikant droge, i degjeneruar buzuqesh do behet figura numer nje eshtetit shqiptar, presidenca do kthehet ne buzuq, ku femra me dhe pa bikini do lahen ke pishina qe do ndertohet para presidences per tos e co, dhe tosi do pi gin ne jacuzi....kjo sa per gallate. Ma do menja, kanalet e droges qe u bllokuan perkohesisht nga rivali sale do hapen prap, e ne do e ham sakrahut.
Hajd se sbohet shqipria me shqiptar mor jau
rachi

[ATMAN]

ne shqiperi jemi dhe cdo gje eshte e mundur.............

ne tirane nuk flitet per gje tjeter por vetem per rishfaqjen e papritur te fantazmes fatos nano