Si gjithnje i paparashikueshem Fatos Nano vendosi dje te rikthehet zhurmshem ne politiken e dites, ndonese pritej nga analistet qe po heshte per t’u bere President Republike dhe mund te dilte ne skene vetem ne fillim te vitit te ardhshem. Tani qe filloi sesioni i ri parlamentar e ku detyrimisht deklarohet anetarsia ne grupet parlamentare deputeti Nano, lideri historik i PS se, beri goditjen fatale per Edi Ramen dhe ata qe mendonin se “ ai kishte mbaruar”.
Hodhi ne tregun e dites nepermjet deputeteve socialiste Andis Harasani dhe Shpetim Idrizi, deputete krejtesisht nanoiste, formulen e re te mosfirmosjes se tij dhe te nje grupi deputetesh ne listen e deputeteve te PS se, çka nenkupton se nje Levizje e re Socialiste me protagonist Fatos Nanon do te jete ne skene shume shpejt, mundet qe seancen e javes se ardhshme.
Dalja ne skene e zotit Nano ne kete fillim sesioni parlamentar duket se ka turbulluar krejt seline roze te Edi Rames, seli e cila per 15 vite kishte ne krye Fatos Nanon, porse konfiguron ne menyre te habitshme gjithe skenen politike parlamentare e veçanerisht te majten, ku tashme kryetari i PS se nuk eshte ne Kuvend dhe ku ish lideri i se majtes zoti Nano ngrihet ne Kuvend. Interesant duhet fakti se perse kaq shpejt doli zoti Nano ne skenen e politikes se dites, nderkohe qe per afro nje vit ka ndenjur urte dhe ne pergjim te politikes.
Ne te vertete Edi Rama ia mori drejtimin e PS se vjedhurazi dhe papritur e pa mirekuptim me liderin historik te PS. Fatos Nano mund te kete nje mije e nje gabime, porse mbetet i vetmi kryetar partie qe e modernizoi partine e tij, ku futi debatin, kompromisin, por edhe luften.
Gjithsesi mbetet lider reformator, pavaresisht se ka gabime e faje per te cilat edhe u ndeshkua me 3 korrik 2005. Fakti qe kryeministri Berisha prej nje viti te ardhjes ne pushtet nuk e ka sulmuar apo nuk ka gjendur asnje fakt per akuzat te cilat ai i beri para 3 korrikut 2005 tregon qe ose Sali Berisha ka mashtruar ose ka marreveshje te fshehte me Fatos Nanon per zgjedhjen e emrit te Presidentit. Nese ka marreveshje atehere Nano nuk mirepritet ne te majten shqiptare.
Mazhoranca, ndonese eshte zgjeruar me demokristianet, perseri nuk e zgjedh dot vetem Presidentin e Republikes, pasi jo vetem qe nuk ben numrat prej 84 deputetesh, por nuk mund te pranohet nga komuniteti nderkombetar nje President salist apo i varur prej tij. Detyrimisht duhet te propozohet nga e majta.
Por e majta e kryesuar nga Edi Rama dha shenja kuptimplote se nuk ka ndermend qe te hyje ne bisedime me mazhorancen per gjetjen e Presidentit, ndaj do te kerkoje krize presidenciale per ta cuar vendin ne zgjedhje te parakohshme parlamentare. E perkthyer edhe me shqip asnje force politike e majte nuk do te propozonte Fatos Nanon si kandidatur per President Republike, keshtu qe edhe zoti Berisha nuk mund te hidhte ne treg nje emer qe nuk e do e majta e sotme qe kryesohet nga Edi Rama.
Pra me kete formule Nano ishte i djegur, por ai vete e ndjeu dhe doli dje ne skenen e lojes se politikes, loje te cilen e njeh jashtezakonisht mire dhe e luan mjaft mire sidomos kur eshte ne opozite. Fatkeqesisht PS e sotme nuk e ka ne parlament kryetarin e saj, keshtu qe piket mund te shkojne ne koshin e Levizjes se Nanos.
Pak rendesi ka nese Nano krijon Levizje apo parti politike, pasi ne thelb e njejta gje mbetet tashme qe ai doli ne loje, bile u fut qe ne pjesen e pare te lojes per President. Vrulli me te cilin do te futet ne loje Nano ka premisa per te shpartalluar krejt skemen Rama and Co, por mundet qe te dale edhe ajo qe Nano nuk e ka menduar mire kete radhe : qe nga rikthim i zhurmshem e shkaterimtar te kthehet ne nje kthim komik e talles.
Koha jone
Përgjigju Duke Cituar
Postuar më parë nga beni67
Krijoni Kontakt