Protestat në Bathore

[Beqari002]

Rëndohet situata në Bathore, disa të plagosur (UPDATE)


Protestat në Bathore

TIRANE (24 Prill) - Tensionohet situata në Bathore. Disa persona jnë plagosur nga gurët, kur situata ka degjeneruar në konfrontim me policinë. Banorët protestues, tepër të acaruar, kanë qëlluar me gurë dhe kanë dëmtuar krejt një makinë policie, si dhe kanë thyer xhamat e një autobusi. Tregu në këtë zonë është mbyllur, nga pasiguria për përkeqësim të situatës. Protestuesit i janë afruar Bregut të Lumit, ndërsa vendi ku fillimisht u bllokua rruga, është mbushur me gurë të mëdhenj. ro/ro (BalkanWeb)

-------------------
--------------------

Rinis protesta në Bathore, banorët nisën drejt Tiranës

TIRANE (24 Prill) - Banorët e Bathores kanë dalë sërish sot në protestë, duke bllokuar rrugën nacionale Kamëz-Tiranë. Ata kërkojnë legalizimin e banesave nga shteti dhe përmirësimin e gjendjes ekonimike, ujë, drita e shkolla për fëmijët. Forca të shumta policore të ndërhyrjes së shpejtë, rrethuan rrugën në hyrje të Tiranës në Laprakë, por nuk mundën të ndalin turmën, që është nisur drejt Tiranës. Në vendngjarje ka mbërritur edhe drejtori i Policisë së Tiranës, Ilirian Zylyftari. Mes banorëve dhe policisë, që përpiqet ta mbajë situatën nën kontroll ka patur edhe një konflikt, pasi banorët kanë qëlluar me gurë, edhe pse drejtuesit e protestës kanë bërë thirrje që të shmangen konfliktet. Forcat speciale të policisë i kanë paralajmëruar protestuesit të qetësohen, duke qëlluar me armë në ajër. ro/ro (BalkanWeb
---------------------
--------------------------
Oj sharki e lehte si era , a ka ardhur ne shqiperi pranvera?

[manoklla]

Cfare proteste e padrejte. Edhe i kane zene tokat pa te drejte, edheduan legalizim antiligjor dhe uje e drta. Cfare kujtojne keta njerez se shteti eshte si mama dhia qe mund te plotesoje cdo teke? Prona private eshte e shenjte e ky eshte ligji primar i kapitalizmit, ndaj cdo legalizim i shtepive te tyre do ishte jo vetem nje grusht ndaj sistemit te perqafuar gjysem kapitalist shqiptar, por edhe nje grusht i rende ndaj ligjit.

[sn0m]

Edhe hajde mos u bej ekstremist, si su msun kto kafsh i here mos me gjujt me gura e me prish. Tani nje gje se kuptoj une, ceshte ky shtet qe do u njohi pronat ktyre komitave qe i kane ndertuar ne tokat private te zena me dhune. A kane tru kto kafsh apo hum hum. Kto dun dru tre here ne dite qe ta msojne se ka ligj, jo lufte me gura. kafshe te egra shpellash.
Mire ato se turme jane, smorin vesh po ai maskarai madh qe e lindi dhe e nxiti procesin e paligjshmerise qe ne 1991 kur u covi kushtrimin, o burra kapni tokat e institutit se skane zot duke na krijuar ket zallamahi ligjore, sociale, psikologjike, si ka surrat dhe del e na jep men se si mund te zgjidhet problemi, te kreditoje shteti ata qe kane zen tokat me dhune. Ca eshte ky shteti, lope qe te ta mjelin kafshet kur i do qefi. Pse duhet te shkojne taxat, tatimet, dritat qe paguajme ne te tjeret per te financuar paligjshmerine e hum-humit. O mjere nena ku kemi rene

shnet
sn0mi
P.S ato qe kane dyqane si puna ime ne qender, forconi qepenatdhe levizeni mallin ne vend te sigurte se do digjeni sic u dogja une 14 shtator kur bathoristat kalun uren e kamzes.

[Brari]

Agjenti i Klosit, mutafa Nano shkruan:

Shekulli

-------------------

Shteti i Bathorizuar dhe Bathorja Antishtetërore

Nga Mustafa Nano

Dihet tanimë, që Bathorja banohet prej qindra familjesh e mijëra vetësh. Dihet gjithashtu që ndërtimet atje kanë mbirë sipas një logjike paraurbane. Secili ka zënë një copë tokë, dhe atje ka hedhur themelet e shtëpisë së vet. Në përputhje me fuqinë e xhepit, mbi këto themele secili ka ngritur atë që ka mundur: dikush një shtëpi përdhese, dikush një dykatësh e dikush tjetër një alamet vile. Hapësirat midis shtëpive janë krijuar ose kuturú, ose si produkt i marrëveshjeve të rastit prej gentlemen-ësh që kanë bërë ata njerëz, të cilët një ditë prej ditësh u gdhinë fqinj me sho-shoqin. Fillimisht, nën këqyrjen pothuaj indiferente të pushtetarëve të kohës, këta njerëz kanë menduar të fusin kokën brenda. Pak më pas, pasi kanë fjetur mendjen që strehën e siguruan, kanë zënë të kuptojnë se nuk mund të jetonin pa energji elektrike, pa ujë, etj, dhe i kanë siguruar edhe këto si kanë mundur e nëse kanë mundur (pushteti i bathorizuar ndërkohë vijonte të bënte sehir këtë vetadministrim kaotik të mjedisit urban). Në harkun e ca viteve, ata kuptuan se duheshin edhe shkolla, çerdhe, kopshte, qendra mjekësore, qendra shërbimesh, etj, etj. Më në fund, ata menduan për legalizimin e asaj që kish ndodhur. Dhe ja, tek jemi sot. Banorët e Bathores, të lodhur si zaptues sui generis të trojeve publike e të gënjyer prej të gjithë racës së të zgjedhurve (deputetë, pushtetarë lokalë, etj), janë ngritur të protestojnë. Duan të ndihen edhe ata qytetarë si gjithë të tjerët. Duan të gëzojnë këtë status të thjeshtë. Përballë kanë një shtet gjithashtu të bathorizuar, ku çdo funksionar, institucion, parti, ka menduar e mendon veç për veten.
Personalisht jetoj me shqetësimin e banorëve të Bathores. Unë dua që ata të bëhen sa më shpejt qytetarë dinjitozë të kryeqytetit apo të rrethinave të tij. Unë e mbështes protestën e tyre. Por ….. (këtu kam një POR shumë të rëndësishëm), nëse ata kanë menduar të protestojnë ashtu si protestuan dje, unë jam vendosmërisht kundër tyre. Ajo nuk ishte protestë. Ajo ishte një rrugaçëri kolektive, nëpërmjet së cilës dëshmuan se nuk e meritojnë ende statusin e qytetarit që kërkojnë. Ajo turmë disa qindravetëshe e armatosur me gurë, që i zbraznin “pa të keq e gjithë gëzim” mbi kokat e policëve, të bën që ta përçmosh këtë demonstrim, sidoqë ai është i nxitur nga një situatë e padurueshme në planin human. Për më tepër, flamuri kombëtar që mbanin nëpër duar e theksonte edhe më shumë këtë rrugaçëri. Nuk ka asnjë shqiptar me mend në krye që ta kuptojë se çfarë dreq roli ka një flamur kombëtar i mbajtur nga duar njerëzish, që protestojnë kundër qeverisë. A mos vallë protestojnë kundër një qeverie “të shitur tek të huajt”? Nëse është kështu, ajo nuk është një protestë hallexhinjsh; përkundrazi, është një protestë militantësh politikë. Dhe militantët politikë që zgjedhin mjete të dhunshme për të protestuar, duhet të marrin një përgjigje të dhunshme nga ata policë që dje bënë gjestin e kundërt. Kush gjeti dje sebep për të mbështetur një protestë të këtij lloji e për të mos thënë asnjë fjalë në mbrojtje të atyre policëve të mjerë, nuk është gjë tjetër veçse një bandit.
Unë jam i prirur ta shoh atë protestë megjithatë si një protestë njerëzish në hall. Mbi këtë premisë po e ngre të gjithë arsyetimin e qëndrimin tim. Në këtë kuadër, nuk e vë në dyshim që mes asaj turme e mes popullit të Bathores ka me qindra e mijëra njerëz të urtë e civilë, të cilët kanë dalë apo janë gati të dalin në rrugë në mbrojtje të interesave e shqetësimeve të tyre. Këta njerëz të urtë e të mençur duhet ta marrin në dorë fatin e këtij demonstrimi. Kjo bëhet së pari duke u distancuar nga rrugaçët, apo nga disa të tjerë, të cilët as që e çajnë kokën për hallet e komunitetit ku jetojnë, por duan veç që ky pushtet të bjerë apo që ky shtet t’i lërë vendin anarkisë. Kjo e fundit, d.m.th. dëshira që ky pushtet të bjerë, nuk është e qortueshme; përkundrazi, është dëshirë legjitime. Por nga njëra anë pushteti në demokraci nuk mund të rrëzohet me dhunë, nga ana tjetër kjo ambicje nuk duhet të maskohet tek zemërimi apolitik i hallexhinjve.
Së dyti, ata duhet të ngrenë një komitet organizator, i cili duhet të mbajë përgjegjësi për të gjitha rastet, kur protesta degjeneron. Nuk është e vështirë të gjejnë mbështetje edhe jashtë Bathores, nëse ata do të zgjedhin mjete e forma civile të protestës. Dhe tek mjetet civile nënkuptoj edhe gjetje të skajshme, siç mund të jetë bllokimi disaorësh i paralajmëruar i një rruge nacionale. Nëse gjendet karar tek forma të dhunshme antidemokratike e antishtetërore, siç janë masakrimi i policisë apo djegia e makinave, mund të ndodhë që e drejta të kalojë tek pala e kundërt, tek qeveria, tek kjo qeveri që e ka ndjeshmërinë zero ndaj interesave publike a të grupit (gratë që po japin shpirt në grevën e urisë, janë një shembull i arrogancës e indiferencës së pafalshme të një pushteti).
Mbështetja që ndonjë politikan i jep protestës së dhunshme duhet refuzuar prej tyre si një sjellje politike prej kaçaku.
Vetëm kështu do të mbrojnë me dinjitet të drejtat e tyre.
Në mos, shqiptarëve do t’u vijë menjëherë në mendje leksioni që kanë mësuar në vitin ’97, e nuk do të jenë të gatshëm që të rrëzojnë një shtet të sëmurë në emër të një anarkie të shëndetshme.
Ne i duam banorët e Bathores, por në mungesë të shtetit ata s’ka për t’i dashur askush. Ne të tjerëve, po se po.


------------------------


Mu-tafa thote mes tjerash :

""Ajo turmë disa qindravetëshe e armatosur me gurë, që i zbraznin “pa të keq e gjithë gëzim” mbi kokat e policëve, të bën që ta përçmosh këtë demonstrim""



Po ne Lushnje me 96-97-ten kur i binin me gure policve e ja digjnin makinat..Ky Mustafai me Neritan Ceken e Namik Zabit Hotin qeshnin e nxisnin derisa arriten ta bejne gjith Shqiperine germadhe..


Po kur thyenin e digjnin Bashkite?

Qeshte agim isaku me frrok Cupin..

Sala perpiqej me ul gjakrat ju fuksat e PS-se bashk me kuc e macin e sorrollopit tuaj benit te kunderten..
Donit Gjak me pa e me kenaq genet tuaja prej banditesh.


-------------------


Shekulli

----------

Pas ngjarjeve të fundit, presidenti shprehet se partitë politike duhet të distancohen

Moisiu: Shteti do të rivendosë me ashpërsi situatën

TIRANË-Shteti, brenda ligjeve do të jetë shumë i ashpër në rivendosjen e situatës. Ky ka qenë reagimi i presidentit të Republikës, Alfred Moisiu për ngjarjet e fundit të ndodhura në vend. Njëkohësisht, presidenti Moisiu në lidhje me ngjarjen e ndodhur në zonën e Bathores dhe në aktet e tjera, i kërkon partive politike të distancohen dhe të mos bëhen pengesë për zhvillimin e vendit. Duke marrë shkak nga ngjarjet e fundit të ndodhura në vend, kreu i shtetit i cilësoi ato si tronditëse. “Kohët e fundit ka patur ngjarje kriminale shumë të hidhura, shumë tronditëse, shumë të shëmtuara. Dua t'i them gjithë opinionit shqiptar, shoqëror dhe politik, që shteti do të jetë shumë i ashpër brenda ligjeve që ka për të rivendosur situatën”,-deklaroi për median presidenti. Kreu i shtetit ftoi partitë politike për t’u marrë seriozisht me këto probleme. “Gjithashtu, unë shfrytëzoj rastin t'u bëj thirrje të gjitha forcave politike, si atyre që janë në Parlament dhe atyre jashtë Parlamentit, të mos bëhen pengesë për zhvillimin e vendit, por të merren seriozisht me këtë problem dhe secili të japë kontributin e duhur, që bashkarisht të përballojmë këtë të keqe, e cila pengon zhvillimin dhe ecjen e Shqipërisë përpara”,-theksoi kreu i shtetit. Moisiu ka reaguar edhe për ngjarjet e rënda të ndodhura disa ditë më parë në Shqipëri, si vrasja e biznesmenit Florian Vila dhe marrja peng e një nga nipërit e biznesmenit vlonjat, Sulo Shehut. Presidenti ka zhvilluar takime të veçanta dhe të përbashkëta mes ministrit të Rendit, Rama dhe shefit të SHISH-it, Kujtim Hysenaj.

B.Hoti



------------

Edhe Moisiu po leviz..por Shteti mbrohet cdo dite jo vetem kur prishet qetsia por dhe kur grate vrasin veten nga pa buka qe i kane femijet..

Krye mafiozi i tiranes Edi rama ka 6 muaj qe sillet si Bandit dhe Moisiu akoma nuk e pa te arsyeshme ti thote ..
..degjo ti karafil..Parlamenti ka te drejte me ti pa dhe sirtaret e zyres..prandaj hapu deren Komisionit Olldashi..

Moisiu e ben sehir Beniaminin e PS-se..ed Ramen e.. keshtu nuk behet SHTET.

[gjethi]

Brari te kam lexuar shpesh shkrimet tuaja dhe ne to vihet re nota pakenaqesie te cilat padashje marrin kuptim fondamentalist(jo islamik).
Banoret e Bathores te ardhur nga e gjithe Shqiperia kane shume te drejte ne perpjekjet e tyre per te fituar te drejtat si qytetare te Tiranit mirepo gjithshka vjen me protesta paqesore.
Te marshosh drejt Tiranit kur fare mire nje proteste e tille mund te zhvillohet ne Bathore dhe Kamez biles duke bllokuar rrugen nacionale qe lidh veriun e Shqiperise me Tiranin, me duket absurde sepse nuk besoj se kemi ngelur akoma si njerez me sindroma te shekullit te kaluar.
Jo vetem populli i Bathores se Tiranit vuan por edhe Bathorja e Durresit ne te njejten gjendje eshte.
Ajo qe nuk me pelqen eshte se sapo nis nje proteste, pikesynimi numer nje eshte qendra e Tiranes.
Pastaj nje proteste mund te marre karakter politik atehere kur shteti e ka bere veshin shurdh per me se dy tre here ndaj kerkesave te banoreve te Tiranit(rasti i Bathores).
"Politika mos te luaje me hallet e popullit", kjo duhet te jete motoja popullore e ketij populli qe eshte me i varferi ne Evrope dhe renditet 3-4 ne bote pas disa shteteve te kontinentit tjeter oriental

Mos e politizoni si cdo gje tjeter sepse deshtimin do ta shkruani me duart tuaja.
Politikanet duhet te punojne per popullin sepse populli i ka votuar

[Patrioti]

Nuk eshte vetem Bathorja! Ne Tirane toka jane zaptuar edhe te ish vilat e gjermaneve, te kombinati traktoreve Paskuqan etj. Me siguri qe edhe ne rrethet e tjera keshtu eshte ( kam parasysh rethet Durres, Fier etj )
E qarte, ne kohen e Enverit u krijuan fshatra, qyteza vetem sepse diku aty afer na ishte ndonje miniere apo nyje sharash. Mbasi keto pushuan se vepruari jeta ne keto pika banimi u be e pamundur.
Por si veproi shteti ?
Asnje program per levizje te kontrolluar te ketyre banoreve ose per financim te metejshem te ketyre qendrave te banuara. Asnje ligj su miratua asgje su be.
Perkundrazi u tolerua anarshia sepse duheshin vota ( ose militante ). Nen syte e shtetit u krijuan keto "bomba sociale" qe pervec te tjerash rezik te behen dhe burim semundjesh dhe epidemish.

Po tani c'po ndodh ?
Protesta e tanishme dhe kerkesa per legalizim s'eshte kaq e rastesishme. Po afrojne zgjedhjet dhe gjithsecila nga partite kerkon qe me "ceshtjen Bathore" te fitoje sa me shume kapital politik dhe votues. Problem vecanerisht i mprehte ky per Bashkine e Tiranes.

Mendoj qe legalizimi i ketyre pronave do hapte konflikte te reja qofte me pronaret e tokes, qofte me vete ato midis tyre, do i hapte rruge anarshise se metejshme me llogjiken: pse vetem Bathorja?
Vec kesaj mendoj qe shume nga Bathoristet i kane mundesite per te blere legalisht ndonje shtepi, sepse ose kane nga 3-4 djem ne emigracion, ose sepse kane prona neper Kukes, Tropoje qe gjalle se i shesin.

Nuk e di, por sepse po me kujtohen ketu ato jevgjit qe menjehere mbas demokracise na zune bodrumet e pallateve, te cilat pasi i legalizuan i shiten per 20000-30000$ dhe si rezultat kemi pallate me shume Kafe e Klube, plot gjalleri e zhurme gjeneratoresh, por................pa themele!

[alvi]

Toka nuk i takon atij qe e punon, por atij qe e trashegon!
Ky quhet kapitalizem.
Banoret e Bathores duan reforme agrare si ne kohe te Enverit!
Nuk ka me qofte ke daja!
Me e bukura ne kete histori, eshte "the sense of entitlement" pra sikur ua ka njeri per borxh, harrojne qe jane ne toke te tjetrit, jane te bindur qe u takon, sikur me qene poli i veriut Bathorja, dhe kush erdhi aty i pari vuri flamurin.

[sn0m]

Nji mendim se jemi ne nangli
kur ungriten pakit ne bradford e sheffild se u shqetdun nga partia e BNF, ja hyn me gura policave si bathoristat, dogjen makinat e policise, dogjen pubet e tebardheve dhe vodhen ca u deshi qefi. Policia ktu i late benin qef nja 2 dite, pasaj diten e trete tak e tak i kapi per veshi ata qe ishin me trimat dhe uyp i rrasi mrena.
Kur dolen ne gjykate, e hongren nga 5 e 6 vjet burg, edhe pse filluin me qa ke dera.
Tani kshue dun dhe bathoristat se ska rrug tjeter, duht me e rras mrena ate qe nuk proteston sipas ligjeve te shtetit por sipas ligjeve te malit, ndryshe ata do fillojn me i gjujt me gur cdo makine qe kalon afer rruges nacionale.
sn0mi

[Albo]

Ajo qe eshte per te qeshur eshte fakti se shume prej "tironsave" te forumit jane ata qe i mblodhi Partia ne Tirane kokerr me kokerr se kane qene komuniste te mire apo njerez te zgjedhur te partise. Keta jane atyre qe u dhimbset Tirona, se ua ka lene baba trashegim, por harrojne qe Tirana eshte kryeqytet i gjithe shqiptareve dhe ne nje shoqeri te lire, te gjithe shtetasit kane te drejte te levizin dhe ta bejne jeten aty ku u pelqen.

Ata njerez qe jetojne ne Bathore nuk jane "zaptues se prones" pasi Bathorja nuk ishte kryeqytet 10 vjet me pare. Keta njerez qe kane zbritur ne Bathore nga veriu i Shqiperise jane hallexhinj qe nuk kane ardhur ne Tirane per tu rrembyer pronat "tironsve", por per te siguruar ato mundesi mbijetese qe nuk i kane ne zonat e tyre te thella ne Veri te Shqiperise qe ofrojne shume pak mundesi per te nxjerre buken e gojes.

Te kerkosh kanalizime, nje ujesjelles dhe drita per nje qytet 40 000 banoresh, qe ka 10 vjet qe jeton pa to, nuk do te thote te favorizohesh por te trajtohesh me dinjitet si qenie humane mbi te gjitha, dhe si shtetas shqiptar ne plan te dyte. Ne vend qe te solidarizoheni me gjendjen e jashtezakonshme qe keta njerez jetojne, shume prej jush na tregoni ligjin, shtetin e pronat.

Asgje nuk eshte me e shtrenjte se jeta e nje shtetasi (jo me 40000 prej tyre), as ligji, as prona, as pushteti. Banoret e Bathores mbi te gjitha kerkojne te trajtohen si njerez, pasi edhe kafshet jetojne ne kushte me te mira jetese se ta.

Tironsave te forumit u them se ju "tironsa" u beri Partia e shoku Enver, kurse te gjithe ata qe kane shkuar te jetojne ne Tirane pas rrezimit te komunizmit, Tiranen e kane kapur fale sakrificave te tyre dhe familjeve te tyre.

[alvi]

Albo. gjyshi im, Lugasi (Rafmet past), i la dajave te mi dhe time meje e tezeve te mia toka ne Bathore, toka qe ja kish lene i ati, dhe gjyshi i tij etj, etj.
Tashi, si thu ti, ca lidhje ka paligjshmria e atyre qe jane ne tokat e gjyshit tim me % Tironc timen?
Hajde te lutem se kjo "llogjika" jote nganjehere me habit.
Me thuaj ti mua me cfare te drejte, kerkojne legalizim ata ne token time?
Ja mo Albo, ti jeton ne Philly, e nje dite ty te teket te shkosh diku ne periferi te Phillyt dhe te vesh ca hunj gardhi, te prishesh ca peme dhe te ngresh nje shtepi.
SI thua ti a ka te drejte ai "Philadelfisti" i aardhur nga Texasi qe ja ka lene gjyshi ne trashegim ate toke, te te ngreje ty prej "mendereje" dhe te te perzeje, apo duhet qe qeveria te te legalizoje ty te drejten?
Si thua ti?
A do kete ligje?
A do kete te drejte trashigimie te pronesise apo do kthehemi ne mesjete, ku toka merrej nga me i forti?
Me habit, se zakonisht je dhe proponent i vendosjes se rendit ligjor, kur vjen puna per te numeruar minutat e telefonit te Nanos, apo ujesjellesin e Rames, po kur vjen puna ke Bathorja, papritur e pakujtuar mbeshtet paliggjshmerine dhe dhunen.
Albo, tokat ne Bathore kane zot, dhe nuk jane ata qe paska sjelle Enveri ne Tirane, po jane Tiransa denbabaden, po dhe te mos ishin ligji nuk ben te tilla dallime.
Ka faj ajo qeveria e Nano baxhelles, qe nuk i perze, po hajde se kshu do zgjidhen te gjitha dalngadal, po me shqeteson fakti (dhe kete ta them me dashamiresi) qe dhe nje njeri i shkolluar si zotrote, qe jeton ne Amerike, pra ke pare bote me sy, perkrah mosnjohjen e te drejtes se pronareve te ligjshem dhe kerkon legalizimin e padrejtesise.
Varja Bathores, po me shqeteson e ardhmja, precedenti, mesazhi qe transmetohet me legalizimin e Bathores, sundimi i "te fortit" mbi arsyen dhe drejtesine.