Berisha E Top Channel

[verisimo]

Kur Berisha u betua se nuk do ketë gjyqe për gazetarë a botues, ata që mbrojtën dhe mbrojnë idenë e ndryshimit të tij, patën në dorë një tjetër argument. Pjesa tjetër, të "pakorrigjueshmit", e panë me skepticizëm edhe këtë parullë të re, sepse, në fund të fundit, skepticizmi është pjesë e natyrës së gazetarit, është detyra e tij prej vëzhguesi dhe kritizeri, detyra e tij mos besojë çdo thënie të një Kryeministri, që nuk mbahet mend ndonjëherë të bazohet në ligje apo Kushtetutë dhe sidomos kur ka një biografi të keqe në raport me gazetarët. Dhe a po e provon Berisha të kundërtën e mosndryshimit?

Mos shkojmë më tutje, por le të rrimë te mediat. Sigurisht nuk ka gjyqe ndaj gazetarëve, ata nuk shtyhen më nëpër kanale nga militantët e Berishës, nuk ndajnë më çokollata dashurie, nëpër qeli burgjesh me të burgosur politikë, nuk survejohen nga shikas këmba- këmbës, e të tjerë shembuj me aromë ‘97-e mund të sillnim. Por, kohët kanë ndryshuar dhe mjetet janë sofistikuar. Të ndryshosh është një anë e medaljes, të sofistikohesh nuk është ana tjetër. Sofistikimi, në vetvete është një ndryshim, që Berisha sot e ka arritur me ndihmën e një tufe KOP-sistësh, por dhe si rrjedhojë e faktorit kohë, që nuk e lë më të bëjë siç bëri dje.

Po kështu, dy-tre gjëra i mësoi nga koha kur brutalizonte gazetarët rrugëve të Tiranës dhe kur bota e shpalli njërin ndër 10 armiqtë më të mëdhenj të shtypit në gjithë botën. Por a është sofistikimi i metodave të tij ndryshim, apo në esencë jemi te një variant ndryshe i mosndryshimit të tij. Edhe më të "korrigjueshmit" do pranonin se jemi tek e dyta, përderisa dhe qëllimi që kërkon të arrijë Kryeministri është i njëjtë, bile më i rrezikshëm, për shkak të mjeteve ndryshe. Media shqiptare ka shansin t‘i ketë provuar të gjitha, presionin me dhunë, fizike, juridike, financiare dhe atë psikologjik. Ndonjëherë këto përdoren bashkë, por le ta trajtojmë si të kaluar fazën e dhunës fizike. Le të merremi me fazën e tanishme dhe llojin e presionit që e shoqëron atë.

Kur Ngjela i nxori bojën ndryshimit të Berishës, nuk u ndëshkua vetëm avokati, por me efektin domino, në mënyrë të menjëhershme, dhe një drejtor i një gazete të re, këshilltar fushate i avokatit, po kështu dhe ndonjë këshilltar i Kryeministrit i mbrujtur me frymën "Ngjela". Shkurt, ishte fitore e madhe që këta persona nuk u rrahën në mes të sheshit, nuk u burgosën për arsye që Berisha po të dojë i gjen. Shpresojmë që faktin që nuk hëngrën dru, mos e trajtojnë më si ndryshim, po thjesht një çështje fati dhe rrethanash. Që mos i largohemi medias, është tronditëse që dy gazeta, si "Koha Jonë" dhe "Gazeta Shqiptare", nuk dolën në treg, qoftë dhe për një ditë, dhe akoma më tronditëse, që gjithë shtypi nuk është në bllok në mbrojtje të tyre.

Shtypi gjithmonë e më shumë po merr nga politika dhe po bëhet cinik për hir të konkurrencës. Ashtu sikur dëgjon në një televizion prestigjioz si "Vizion Plus" lajmin për Piramidën dhe si nëpër dhëmbë thuhet se aty zhvillohen disa aktivitete të ndryshme. "Vizion +", jo vetëm do t‘i shtonte një plus tjetër vetes po të përmendte emrin dhe mbiemrin e Top Channel, por ja ka borxh shikuesve të përbashkët që ndan me këtë kanal, ta trajtojë si një shqetësim edhe të vetin, atë që parashikohet të ndodhë te Piramida. Xhelozitë e vogla profesionale le të shërbejnë si motivim për kualitet nëpër ekrane, por jo si cinizëm i llojit "sa mirë që Berisha e ka me konkurrentin tonë". Kështu media shqiptare nuk do rritet kurrë dhe mosndryshimi i Berishës duket lule para mosndryshimit tonë.

.........

Sidomos në fillim të mijëvjeçarit të ri, u kuptua më shumë roli vendimtar i medias, aq sa shumë liderë partish dëshirojnë dhe kanë në bordero, përveç partive që kryesojnë, dhe një media të kompletuar, mundësisht me gazetë dhe televizion. Po kjo është çështje e marrëdhënieve të tyre publike dhe nëse i kanë mundësitë, punë për ta. Problemi qëndron te kompanitë private mediatike, të pavarura, ose ndryshe ato që janë garanci të demokracisë së një vendi. A është e hijshme që në 2006-ën, kur menduam se deri-diku ishin kaluar këto probleme, të luftohet në mënyrë banale, që as e sofistikuar nuk duket më, media më e fuqishme në vend. Le të shikojmë si erdhi lajmi për ambientet ku zhvillon aktivitetin Top Media dhe si u justifikua ai.

Pikërisht në kohën e "Shqipërisë 1 euro", që s‘është gjë tjetër, veçse një lutje dëshpëruese për investime, disa biznesmenë shqiptarë, që kanë investuar miliona euro, duhet të ngrenë rraqet e të dalin në rrugë. Çfarëdolloj biznesi të kishin ata, ky është diskriminimi që i bën Berisha shqiptarëve, ende pa u tharë boja 1 euro në letër.

Dhe ashtu si për atë paketë, që në fillim u shpall si lajm vetëm për të huajt, të nesërmen iu shtua një pikë për ca biznesmenë vendas, dhe të pasnesërmen u treguan dhe detaje të tjera. Edhe për Piramidën, Berisha lëshoi lajmin se do bëhet teatër dhe galeri, pastaj na dha sihariqin që do shtohet dhe me kinema dhe më pas me ca rafte librash. Sepse ai, as nuk pret që ata që ja kopsisin idetë, t‘i shkojnë deri në fund historisë. Dhe me siguri sapo e ka dëgjuar nga ndonjë kafene me këshilltarë informalë-gazetarë, drejt e në ekran. E gjitha u justifikua me dashurinë e madhe të Berishës për artin. Dhe s‘po i hyjmë hiç avazit, që a është normale për një Kryeministër me një Shqipëri plot halle, të gjejë kohë dhe energji të flasë para medias për një copë galeri a bibliotekë. Dhe ta trajtojë sikur po jep lajmin se Shqipëria do ketë drita këtë dimër. Por kur është fjala për të treguar dhëmbët, Berisha është gati të prononcohet për gjithçka. Nga ana tjetër ç‘janë një galeri apo teatër që mund të ngrihen ngado, para Top Medias?!

Eshtë e vetmja kompani mediatike shqiptare, e cila ka instaluar më së miri pushtetin e katërt me artin. Le të përmendim disa "highlights" (performanca të shkëlqyera) të ekranit të tij. Në Top Channel transmetohen lajmet më prestigjioze në vend, ku kualiteti editorialesk përcillet nga një teknologji moderne. Top Channel është shtëpia e "Shqip", emisionit më të mirë politik sot në Shqipëri, drejtuar nga Rudina Xhunga. Top Channel është shtëpia e humorit thumbues dhe investigativ, që quhet "Fiks Fare", është shtëpia e parodisë "Portokalli", që zëvendësoi netët e zbehta pa humor të shqiptarëve, është vendi ku bëhet një Top-Shou dhe ku deri tani janë trajtuar pothuaj të gjitha problemet, që nga kultura deri te sporti, ekonomia dhe politika. Top Media hapi dyert dhe promovoi këngëtarët e rrymave të ndryshme muzikore, dhe për më tepër u bë "MTV"-ja e këngëtarëve shqiptarë, brenda dhe jashtë kufijve të Shqipërisë, që famën dhe karrierën ja kanë borxh edhe kësaj kompanie.

Në qoftë se të gjitha këto nuk i duken kulturë dhe nuk i hyjnë në sy Berishës, le t‘i kujtojmë që kjo kompani ka bërë deri tani për kulturën shqiptare, më shumë se çdo Ministri Kulture a qeveri e mbledhur bashkë në këto 16 vitet e fundit dhe më pas le të shikojmë nga anon peshorja. Tirana ka një Teatër Kombëtar që ka fare pak aktivitet dhe salla të zbrazura. Dhe Berisha, nëse do që t‘i vijë pak era kulturë, le të shkojë të ulet njëherë me artistët e këtij teatri, apo aktoret e ardhshëm të Akademisë dhe do kuptojë që hallet e tyre nuk janë asfare ndërtesat tip piramide, por shumë herë më tepër se kaq. Bile, disa nga aktorët e atij teatri, Estradës së Tiranës dhe studentë të Akademisë së Arteve, janë të punësuar në kompaninë Top Media dhe shihen me zili nga të tjerët jashtë, për një arsye të thjeshtë, cilësia e artit që bëjnë aty dhe vlerësimi monetar i djersës së tyre. Gjë që e bën Top Median së fundi, jo vetëm vendin ku punësohen qindra njerëz, por dhe kompaninë private më të lakmuar mediatike sot.

Në çdo vend të botës demokratike kompani të tilla prestigjioze mbrohen dhe ruhen nga shteti si krenaria e vendit dhe shteti u ka borxh atyre prestigjin që një qeveri pa media s‘ja siguron dot kurrë një vendi. Por Top Media nuk po kërkon asgjë nga shteti, veç të respektohet kontrata e lidhur me të disavjeçare. Si dhe po kërkon respektin elementar, kur trajtohen çështje të tilla. Ka një mungesë të theksuar edukate nga ana e Kryeministrit. Ai ka shkelur çdo lloj kulture dhe norme profesionale, ku përfshihet më elementarja, bisedat apo njoftimi për vetë drejtuesit e kësaj kompanie, të cilët lajmin e morën vesh si gjithë shqiptarët, nga media.

Ka të ngjarë, Kryeministrit t‘i ketë hyrë shumë në zemër Top Channel. Dhe kujt nuk do t‘i ngjiste një kanal me shikueshmërinë më të madhe në vend. Aq më tepër një politikani, që për ekran vazhdon të përdori pasqyrën e banjës. Do donte ta komandonte nga zyra e tij, në fund të fundit, shumë e zgjati. Apo mos ndoshta është thjesht konkurrenca e qeverisë me "Fiksin", i cili ka filluar luftën i pari me korrupsionin dhe e ka vazhduar me dinjitet, duke u bërë jo vetëm frymëzim për vetë Berishën, por dhe burim informacioni dhe metodash për qeverinë.

Dhe nuk shtrohet çështja vetëm tek ambientet e piramidës, por çdo vijë më pas. Berisha e ka vrarë mendjen shumë dhe ndoshta me ndihmën e këshilltarëve të tij, ka gjetur një pikë ku bashkohet Top Media me shtetin, atë të ambienteve, dhe nesër me siguri do gjejë pika të tjera, për media të tjera, që nuk i binden. Sepse, sigurisht, janë kohërat ato që kanë ndryshuar, por jo ai. Dhe për këtë nuk ka nevojë të presim që t‘i vërë "flakën" Piramidës.

[Azem Beta]

PRAPAGAND PRAPAGAND.

Top media- esht e vertet , ne qe jetojm ne emigrim mburrem me to.
por kto levizjet e funi jan shum te bezdisshme plako,sidomos kanal NEWS 24 dhe Top CHANNEL.

[Morning star]

Dhe nuk shtrohet çështja vetëm tek ambientet e piramidës, por çdo vijë më pas. Berisha e ka vrarë mendjen shumë dhe ndoshta me ndihmën e këshilltarëve të tij, ka gjetur një pikë ku bashkohet Top Media me shtetin, atë të ambienteve, dhe nesër me siguri do gjejë pika të tjera, për media të tjera, që nuk i binden. Sepse, sigurisht, janë kohërat ato që kanë ndryshuar, por jo ai. Dhe për këtë nuk ka nevojë të presim që t‘i vërë "flakën" Piramidës.

ky duket qe eshte nje artikull i bere nga klani i top-channel ne bashkpunim me Enveristet e klases puntore te PPSH.

Njerez nese kerkoni drejtesi, me pare duhet te jeni te drejte juve.

Kjo gje vlen per Top-channel, nese kerkon drejtesi si stacion, atehere te shohe njeher nga vetja se sa i drejte eshte!!

Kjo nuk eshte Diktature, nese me diktature nenkupton zbatimin e ligjit, atehere Ju jeni me diktatore se Enver Hoxha.. Shqiperia nuk mund te rrije ne Kaos pergjithmone, nje dite do vinte koha qe te vihet rregull, edhe nese kto "media" nuk zbatojne ligjin, atehere kush mendon se ta ta zbatoje?? Populli i thjeshte?

Shum gabim.

Berisha sma merr mendja te kete inate personale me top-channel, ai thjesht po zbaton ligjin, sa do i keq te jete per top-channel.

Ta kishte menduar me pare top-channel kte gje.

[Cimo]

Po ate talljen e tepruar ndaj Berishes do e paguaj shtrenjte 13 milion euro

[Morning star]

Po ate talljen e tepruar ndaj Berishes do e paguaj shtrenjte 13 milion euro

Sa te ceket qe jeni ne mendime!!

Berisha ka 17 vjet qe e tallin neper televizione, humoriste te ndryshem.

Ti si mendon se tani ju shkrep Berishes te sillet si serioz???

Ah harrova e ka then Top-Channel qe berisha eshte nxehur se e kan tallur tek portokallia..

Televizion i DESHTUAR.

Turp tju vije.

[Cimo]

Sa te ceket qe jeni ne mendime!!

Berisha ka 17 vjet qe e tallin neper televizione, humoriste te ndryshem.

Ti si mendon se tani ju shkrep Berishes te sillet si serioz???

Ah harrova e ka then Top-Channel qe berisha eshte nxehur se e kan tallur tek portokallia..

Televizion i DESHTUAR.

Turp tju vije.

Duhet te shofish ikonen me buzgaz qe e kam vene ne fund mos e mer ngat zemres mendimin tim.....

Une kam bindje demokrate mirepo Top-Channel eshte me i miri mirepo cdo gje qe teprohet eshte e demshme ..e ketu TOPi e teproi...cdo edicion te lajmeve e fillonte me nje lajm kunder qeverise dhe e bente bombastik edhe pse lajmi nuk ishte as per ne TV te tregohet po nejse.....duhet nje kompromis te arrihet pasi deri dje kishim vetem 2 ore satelit te TVSH me nje program te thjeshte e sot DigitAlb arin te behet njeri nder proklamuesit me te mire ne lidhje me digitalizmin satelitor..jo vetem tek ne por edhe ne Europe...

[leci]

Nese do te shihej sasia e lajmeve kunder nje apo tjetre partie,kunder nje aleance te qeverise,ateher ne Itali duheshin mbyllur ose gjobuar mbi 90 % e mediave.
Shqiperia eshte shnderruar ne vendin e çudirave,ku te maresh ne loje kryeministrin te vjen fatura e gjobes.
Keto jane ekstremizme qe nuk i sherbejne askujt.
13 milion € gjobe.Edhe kjo eshte Shqiperia,vendi me i varfer ne Europe.

[NEOLK]

Top chenell është kanal prestigjioz. Top chenell është nderi i kombit . Top chenell megjithëse duhet ta kishe marre licencën kombëtare sepse e meritonte atë ende nuk e ka mare. Ne duhet te dimë diçka perse gjobitet .?
Te gjobitesh me 13 000euro do te thotë te ketë bere buje ndërkombëtare “vjedhja” qe ka bere ky televizion . Atëherë perse gjobitet . Apo se nuk i vinë pas avazit te qeverisjes .
Te kritikosh te metat qe ka nje televizion nuk kam kundërshtim .Po ku jane keto te meta aq te padukshme per ne qytetaret.?.
Top chenell me informacionin dhe programet e shkëlqyera qe na jep na ka bere me qytetar ,ne dhe qeverisjet ne vazhdimësi .
Një vërejtje kam për top chenell -- Gazetaret i ka paksa te bezdisshëm (jo te gjithe). Edhe ne momentet kur një qeveritar nuk dëshiron te prononcohet për x -problem e ndjek e ndjek ne mënyrë te bezdisshme . Mendoj se çdo person ne se dëshiron munde te flasë , atëherë çke qe e ndjek nga pas. Ka gazetar qe ne momente te caktuara bëhen qesharak dhe ironik me kërkesat e tyre gjate intervistave .(psh. ... kongresmen dhe raste te tjera qe nuk me kujtohen) .
Nuk jam dakord qe me regjistrimet e fshehta tejkalojnë kufirin e masës duke cenuar privatësinë e personit .
Qeverisja sado e keqe qofte ,ndoshta ne qeverisje ka dhe ndonjë ane pozitive te cilat duhen vene ne dukje , krahas te metave . Sepse kështu ju si t-ch beheni me te besueshëm.
Top chenell duhet te jete i shikueshem per te gjithe popullin .Shume kanale te tije le te jene pa pagese ,ose me pagese simbolike .

[SKUTHI]

Pse do i politizoni gjithmone gjojnat nqs. topi mendon se ka te drejte ta dimostroje te organet perkatse. Topi na qeka bo si institucion garantues i demokracise; perpara se te behet pishtari i demokracise te demostroje sa i respekton rregullat e demokracise.Pastaj llafosim..

[Lioness]

Per Zotin sikur iu paguan Top Chanel per t'u llafosur ne FSH . Sa tema jane hapur per kete punen e gjobes puuuuu, kujton se vertete ka ndodhur dicka nga ndermarrja (marre nga nje anetar tjeter tek nje tjeter per TCH qe dhe qe anetari ne fjale ka perdorur thenien nga xhaxhi vani pa copyrights .)

A ka mundesi te bashkohen apo te fshihen ca nga keto temat? Po ua kalojne dhe atyre te feja, qe kane rekord legjendar .