Kombëtarja Shqiptare - (Lajme & Komente)

[Akulli]

Lol,
na falni per "analfabetizmin" por ku ka ndonje informacion se cili kanal i paketes digitalb do e transmetoje ndeshjen?
nuk po gjej gjekundi. kam digitalbin nja 3 muj dhe nuk ia kam mesuar akoma. Nuka kam paketen supersport qe e jep ndeshjen me siguri, por mbase tvklan ?
help pls ;-)
Oni

[Cimo]

TVSH - me sa e di une ka te drejten e transmetimit.

[Preng Sherri]

Më duket që televizori po e transmetojke( pak shaka)

KOMBËTARËS I DËSHIROJ NJË FITORE BRILANTE DHE SUKSESE!

[KUSi]

i urojme SUKSESE dhe mos te na zhgenjej ne ket ndeshje si ne disa ndeshje te tjera

[zeus]

Pjese nga parodia qe eshte pergatitur per ndeshjen:

...

Europe duhet mire me e dit,
ne nuk te arrijme dot me politike,
por, per futbollin s’ke cfare thu,
se standartet i kemi plotesu.
Kampionen tende mend a e mban,
kur ta beme zhele ne Tirane

...

[zeus]

----------------------------------------------------------

Lexova sot se kapiteni i ekipit tonë, ne nje interviste per shtypin bullgar, ka deklaruar:

"Mendoj se trajneri Oto Bariç bëri gabim që e la Iglin jashtë në këtë mënyrë dhe në këto momente. Ai është një lojtar shumë i rëndësishëm për skuadrën dhe një shembull i shkëlqyer për lojtarët e rinj që të mësojnë nga profesionalizmi i tij si futbollist. Megjithatë, jeta vazhdon dhe unë si kapiten i ri do të dëshiroj të vazhdoj ta mbaj lart stafetën e tij. Është krenari dhe nder të mbash shiritin e kapitenit të kombëtares, por është një barë e rëndë"

Ne vazhdim kapiteni i kombetares shqiptare shton:

"Skuadra jonë ka një test të rëndësishëm me Slloveninë, përpara se të ballafaqohet me Bullgarinë. Mund t’u them se të dyja ndeshjet janë shumë delikate. Duhet të fitojmë të parën dhe pastaj të mendojmë për Bullgarinë me të cilën ne dëshirojmë të zhvillojmë një lojë të forte. Bullgaria është skuadër e fortë dhe me një sulm shumë të rrezikshëm, ku Berbatov dhe Bojinov janë lojtarë të klasit botëror. Nëse kualifikimi për në Evropian do të mbetet të diskutohet midis Rumanisë dhe Bullgarisë, unë kam dëshirë që të kualifikohet Bullgaria dhe jo Rumania të cilët nuk i kam qejf. Eshtë thjesht një gjykim personal"

--------------------
Sipas meje deklarata e Lalës eshte e nxituar. Vendimet e trajnerit jane ligj dhe nese ndonje lojtari nuk i pelqejne, nuk duhet te shprehë mendimet e tij ne publik.
----------------------------------------------------------

[zeus]

----------------------------------------------------------------------

"Sllovenia eshte nje kundershtar i forte, por te mos harrojme qe do te luajme ne Shkoder, atje ku mbeshtetja nga ana e tifozerise do te jete nje avantazh i madh per ne. Dhe jam i bindur se kjo do te na karikoje shume per ta fituar ate ndeshje"

Shqiperia duhet te arrije trepikeshin ne ndeshjen e se shtunes, ndaj Sllovenise, pasi vetem keshtu mund te pretendohet per realizimin e nje endrre, te mbetur ende ne "sirtar". Nje mendim te tille e ka sulmuesi 29-vjecar i kombetares shqiptare, Erjon Bogdani. Keshtu, per Bogun, perballja e 24 marsit, ndaj skuadres se Kek do te jete e veshtire, por ai beson ne forcen e skuadres dhe tek mbeshtetja maksimale nga ana e publikut, qe e konsideron si "binomin" fitues, te shutnen.

- Gjashte gola ne Serine A, kater nga te cilet me fanellen e Kievos. A keni ruajtur ndonje, per ndeshjen e se shtunes ndaj Sllovenise?

- Sigurisht qe po. Eshte e vertete qe kam shenuar gjashte gola deri tani, edhe pse, ne fazen e pare, nuk kam luajtur aq sa duhet, pare faktin se tek Siena pata nje kohe me shume probleme. Por shyqyr qe me ne fund arrita te kaloj me sukses dhe te shkoj tek Kievo, ketu ku duket se kam rilindur serish. Persa i perket ekipit kombetar, une mund te them se jam perpjekur qe te bej detyren time dhe si cdo sulmues jam munduar te ndihmoj skuadren dhe do ta bej kete. Por une nuk jam sulmuesi i vetem qe ka Shqiperia. Ketu ka edhe lojtare te tjere shume te mire ne vijen e pare, qe te gjithe e dine se cilet jane.

- Vija e pare per momentin eshte edhe "arma" me e forte e kuqezinjve, pare faktin se kater sulmueset kryesore, si ju, Kapllani, Bushi dhe Salihi po kalojne nje forme shume te mire ne kampionatet e tyre, madje edhe shenojne rregullisht. E shikoni kete si nje avantazh, ne krahasim me sllovenet?

- Nuk mund te mohoj qe skuadra jone, sic e thashe edhe me pare, ka sulmues te zote dhe cilesor, qe po bejne buje, jo vetem me skuadrat, por ne teresi ne kampionatet ku luajne. Kapllani ka shenuar 14 gola, Bushi ka shenuar 8, ndersa Salihi 2, por ka zhvilluar vetem kater ndeshje. Eshte e vertete qe per sulmues nuk vuajme, por eshte mbrojtja, ajo qe ka probleme per momentin.

- Duke mbetur tek prapavija, ne ndeshjen stervitore me Olimpikun, ajo ka caluar, sidomos ne pjesen e pare. A keni besim tek kjo mbrojtje, per ndeshjen me Sllovenine?

- Qe mbrojtja ka probleme, kete e dime te gjithe. Por, edhe qe ne nje ndeshje stervitore, aq me teper perballe nje skuadre inferiore, lojtaret nuk tregojne aftesite e tyre, as 50 per qind, kjo eshte evidente. Persa i perket besimit, mund te them se nuk me mungon, sepse, nese nuk do te besojme tek skuadra, atehere perse jemi pjese e saj?

- Realisht, a mendoni se do ta mundni kundershtarin e radhes?

- Ne per kete do te hyjme ne fushen e lojes. Sllovenia eshte nje skuader e forte, por jo ai kundershtar i perpara shtate viteve, qe na ka mundur edhe ne Tirane. Aq me teper qe do te luajme ne "Loro Borici", atje ku mbeshtetja e tifozerise do te jete nje avantazh i madh per ne. Kjo do te na karikoje, per te zhvilluar nje ndeshje te shkelqyer, ne menyre qe te korrim fitoren. Pra, sic thuhet ndryshe, duhet ta "tundim" ne kete sfide.

----------------------------------------------------------------------

[zeus]

-----------------------------------------------------------------

“Duhet te jemi teper agresive, qe ne minutat e para, per ta vene nen presion kundershtarin. Nese zhbllokohemi te paret, atehere do te shihni se c’eshte ne gjendje te beje kombetarja”

Sulmuesi i dyte, qe do te formoje ciftin me Bogdanin, ne ndeshjen Shqiperi-Slloveni, pritet te jete Edmond Kapllani, te pakten nga ajo qe eshte pare gjate ketyre diteve. “Do te jete nje deshire qe po realizoj”, ka thene Kapllani, i cili, per te paren here do te aktivizohet ne nje ndeshje zyrtare qe nga e 1'. Ai e vlereson kundershtarin, sepse i njeh disa nga lojtaret sllovene, megjithate eshte i bindur tek suksesi i kuqezinjve te shtunen. “Do te fitojme, madje paster”, eshte shprehur sulmuesi 24-vjecar.

- 14 gola te shenuar ne Gjermani, me Karlsruhen. A mendoni se ka ardhur dita, qe kete ta beni per te paren here me fanellen kuqezi?

- Shpresoj! Madje, mund te them se jam shume optimist per kete. Megjithate, e rendesishme eshte qe, jo vetem une, por te gjithe te bejme nje ndeshje te mire te shtunen, ne menyre qe te arrijme nje rezultat sa me pozitiv, cka do te thote fitore.

- Si e parashikoni ndeshjen e 24 marsit, me Sllovenine?

- Do te jete nje sfide e forte. Dhe pavaresisht se futbollistet e Sllovenise nuk jane te nje niveli te larte, krahasuar me Holanden, apo edhe Bullgarine, ne grupin tone, perseri, kur vjen puna per fanellen e kombetares, asnjeri s’te fal. Megjithate, une kam besim se, nese ne do te arrijme te luajme ashtu sic dime, do ta fitojme kete ndeshje, madje edhe me nje rezultat te paster.

- Ju jeni edhe lojtari qe e njihni ndoshta me shume se te tjeret kundershtarin e radhes, apo jo?

- Po, nuk e mohoj. Ata kane dy sulmues te afte, njeri nga te cilet luan me Kelnin, ndersa tjetri me Djuisburgun, ne Bundesligen 2 dhe mund te them se e njohin mire porten kundershtare. Po keshtu kane edhe nje mesfushor cilesor, qe aktivizohet me Koblenc, perseri ne ligen e dyte gjermane, i cili luan shume me mire ne ajer, se sa ne toke.

- Eshte thene se Shqiperia duhet te godase ne fillim, sepse nese do te jete kundershtari, ai qe do te na ndeshkoje, atehere, ashtu si ne perballjet e meparshme, do te kemi shume probleme me pas...

- Jo une nuk mendoj se do te kemi probleme. Ne, sic e thashe, do te futemi ne fushe dhe do te japim maksimumin, per ekipin tone kombetar. E dime qe duhet te tregohemi shume agresive dhe kete do te tentojme te bejme qe ne minutat e para, per ta vene nen presion te vazhdueshem kundershtarin. Mendoj se forcat nuk na mungojne.

- Dyshja sulmuese, Bogdani-Kapllani, u pa disi e shkeputur ne miqesoren me Olimpikun, aq sa deri diku mungonte bashkepunimi ndermjet jush. Thjesht nje iluzion, aporealitet?

- Ne te vertete ne po luanim ndaj nje skuadre te nje niveli shume te ulet, aq me teper qe flitej per stervitore. Sigurisht patem pak probleme me menyren se si do te luanim, sepse, edhe pse trajneri Kovacic na tha qe te benim presing, kjo nuk ndodhi. Ndoshta hyme edhe me ate mentalitetin, qe po luanim me nje kundershtar te kategorise se dyte.

- Kapllani, ne fushe qe nga 1', per te paren here ne nje ndeshje zyrtare...

- Do te jete nje gje shume e bukur dhe nje deshire, qe me ne fund po realizoj. Ajo qe mund te them une eshte se do te mundohem te jap me te miren, ashtu sic kam bere dhe po bej me skuadren time ne Gjermani. Shpresoj qe te me ece edhe ketu, si me Karlsruhen atje.

-----------------------------------------------------------------

[zeus]

------------------------------------------------------------------

I pyetur fillimisht për shëndetin e tij, "Otto Maximale" u përgjigj nëpërmjet linjës telefonike:
"Jam pak më mirë, por jo aq sa për të lëvizur dhe qenë në fushë. Këto 5 ditët e fundit i kam marrë ilaçet me rregull, nga tri herë në ditë, dhe kam bërë ushtrimet e nevojshme, që më ka rekomanduar mjeku. Megjithatë, e ndiej se ende nuk ka kaluar sëmundja, për pasojë do t'i mungoj ekipit edhe në ndeshjen me bullgarët."

Duke folur për ndeshjen e së shtunës, mes Shqipërisë dhe Sllovenisë, të luajtur në "Loro Boriçi" të Shkodrës, trajneri Oto Bariç jep mendimin e tij:
"Dua t'ju them se e kam parë ndeshjen nga një televizion slloven. Isha në kontakt telefonik me Kovaçiçin para ndeshjes, ku i dhamë dorën e fundit strategjisë anti-Slloveni, për sa i përket formacionit dhe mënyrës së lojës. Kam folur me të edhe ndërmjet dy pjesëve të ndeshjes. Dua të them se kam patur lidhje të shpeshta edhe me Ajet Zekën, përkthyesin, i cili ia ka përcjellë fjalët e mia Kovaçiçit. Unë mendoj se kemi luajtur mirë në përgjithësi, përveçse nuk kemi shënuar. Dhe po nuk shënove, nuk ke si të fitosh. E kam thënë edhe më parë se golat ndaj Bjellorusisë dhe Holandës i kanë shënuar mesfushorët, çka tregon se sulmi, edhe pse ka konkurrencë të madhe dhe shihet nga të gjithë si reparti më i kompletuar i kombëtares, nuk funksionon si duhet. Madje, përderisa nuk shënuam, do të thoja se ishte pika më e dobët në ndeshjen me Slloveninë. Në të gjitha drejtimet ishim më mirë se sllovenët, por goli, ai që bën diferencën në një ndeshje futbolli, nuk erdhi. Dhe kjo, para të gjithëve ngarkon me përgjegjësi sulmin. Më çudit një fakt, që sulmuesit e thirrur për këtë ndeshje, Bogdani dhe Kapllani, që luajtën si titullarë ndaj Sllovenisë, paraqesin një formë mjaft të mirë në klubet e tyre, ndërsa në kombëtare nuk janë të tillë. Vërtet një dukuri e pashpjegueshme."

Trajneri Oto Bariç, lë të nënkuptojë se qëllim në vetvete i tij, në postin e trajnerit tonë kuqezi, është rinovimi i ekipit, përgatitja e një grupi të ri lojtarësh, të cilët do të jenë baza e e kombëtares së ardhshme.
"Barazimi me Slloveninë, natyrisht nuk na kënaqi. Neve na duhej fitorja, por nuk duhet harruar se ekipi është duke përjetuar një ndërrim të gjeneratës. Fjala vjen, ka munguar Tare, Hasi, Murati. Në përgjithësi, duhet të kemi durim, sepse ndryshimet nuk bëhen brenda natës. Nuk duhet harruar se ne jemi në renditjen e FIFA-s në vendin e 88 në botë, ndërsa Sllovenia e 70 ta, Bullgaria e 30 ta, Rumunia e 14 ta etj. Neve na duhen edhe gjashtë muaj për të stabilizuar ekipin dhe deri atëherë duhet të gjejmë edhe 2 3 përforcime. Tare, Hasi, Murati etj., ishin lojtarë të mirë, por edhe Maradona, edhe Beckenbauer, një ditë është dashur të largohen nga futbolli."

Rreth polemikave pas ndeshjes, se dy zëvendësimet e fundit, të Salihit dhe të Berishës, ishin tejet të vonuara, a thua donim të vononim lojën, si të ishim në avantazh, trajneri Bariç gjykon:
"Zëvendësimi i Bushit ishte i qëlluar, të tjerat zëvendësime pranoj se ishin të vonuara. Por, nuk është e ndershme për mua që të kritikoj punën e shkëlqyeshme që ka bërë ndihmësi im Kovaçiç."

Të mërkurën kuqezinjtë i pret edhe një ndeshje tjetër e rëndësishme, shumë herë më e vështirë se Sllovenia, në Bullgari. Trajneri Bariç mendon se duhen bërë ndryshimet e nevojshme, për të marrë diçka në këtë transfertë.
"Kundër bullgarëve mendoj se duhet të vendosim një shtrirje më elastike të ekipit në fushë, për të pasur një lëvizshmëri më të mirë të lojtarëve. Ndoshta duhet të luajmë më të mbyllur në aspektin mbrojtës, që të mos e humbim ndeshjen. Ky është objektivi më madhor i kombëtares shqiptare në këtë ndeshje, të mos humbi"

Sporti
------------------------------------------------------------------

[zeus]

-----------------------------------------------------

Oto Bariç do të jetë në krye të kombëtares shqiptare në ndeshjen që do të zhvillohet ditën e mërkurë në stadiumin “Vasil Levski” të Sofjes. Ka qenë ndihmës trajneri i përfaqësueses Slavko Kovaçiç ai që ka bërë të ditur se trajneri kroat është përmirësuar dhe do t’i bashkohet skuadrës në Hotel “Kempinski”, ndërsa të mërkurën do të jetë në pankinë për ndeshjen.

-----------------------------------------------------