Kombëtarja Shqiptare - (Lajme & Komente)

[Noizy]

Sipas kalendarit, derbi i kryeqytetit midis Partizanit dhe Dinamos do të zhvillohet të shtunën, si të gjitha takimet e tjera të vlefshme për javën e 21-të të kategorisë superiore. Stadiumi se ku do të luhet ky takim nuk është përcaktuar ende. Sipas shefit të sektorit të garave, Hito Hitaj, të shtunën, në orën 13:30 në stadiumin kombëtar "Qemal Stafa" do të luhet takimi Tirana-Flamurtari. "Klubi "Tirana" ka paraqitur në federatë kontratën që ka lidhur me stadiumin kombëtar "Qemal Stafa" dhe të shtunën do të zhvillojë takimin në këtë stadium. Ndërkohë, Partizani dëshiron që të luajë në "Qemal Stafa", por nuk ka paraqitur kontratë dhe normalisht i duhet të zgjedhë një stadium tjetër,"- deklaroi Hitaj. Ndërkohë, e vetmja alternativë e të kuqve në kryeqytet mbetet stadiumi "Selman Stërmasi", ku me siguri derbi do të luhet atje dhe jo nën dritën e projektoreve.

[Noizy]

Për të dhënë vendimin përfundimtar, këto ditë në vendin tonë vjen një delegacion i UEFA-s.


Miratimi i stadiumit ku do të zhvillojë takimin eliminator të 24 marsit kombëtarja shqiptare me Slloveninë, pritet të zyrtarizohet gjatë këtyre ditëve nga inspektorët e UEFA-s. Këta të fundit do të vijnë në Shqipëri për të parë më nga afër punimet që janë bërë në stadiumin "Loro Boriçi". Dihet tashmë që FSHF-ja ka kohë që ka zgjedhur Shkodrën për ndeshjen me Slloveninë, por "ok"-i përfundimtar nga UEFA nuk është dhënë ende. Në FSHF shprehen thuajse të sigurt për zhvillimin e takimit në Shkodër, por gjithsesi ajo që do t'i vërë vulën përfundimtare është UEFA. Delegacioni i organizmit më të lartë të futbollit europian kreu një vizitë në Shkodër gjatë muajit janar, ku pasi u vëzhguan kushtet e stadiumit "Loro Boriçi", për FSHF-në u lanë edhe disa detyra, të cilat do të shikohen tani, nëse janë realizua apo jo. Sipas federatës, stadiumi i Shkodrës i plotëson të gjitha kushtet. Ndërkohë, pak ditë më parë, në gazetën "Sporti shqiptar" sekretari i përgjithshëm i FSHF-së, Roland Mici, konfirmoi edhe një herë që takimi nuk ka dyshim që do të luhet atje ku është parashikuar, ndërkohë që theksoi se miratimi i UEFA-s është pothuajse i sigurt. Të pyetur se çdo ndodhë nëse UEFA-s nuk e licenson stadiumin për takimin me Slloveninë, zyrtarët e federatës ngrenë supet. Për sa u përket punimeve në "Loro Boriçi", gjatë kësaj periudhe është punuar për të shtruar rrugën në hyrje të stadiumit, gjithashtu janë lyer edhe ambientet e brendshme të tij. Ndërkohë, për t'u theksuar është se një panoramë mjaft të qartë për kushtet e këtij impianti e dha takimi miqësor me Maqedoninë, ku u vërejtën disa probleme, të cilat janë thelbësore për takime të një niveli ndërkombëtar. Delegacioni slloven, i cili pritet të mbërrijë në Shkodër, do të përbëhet edhe nga 18 gazetarë të mediave sllovene. E keqja është se këta të fundit nuk kanë kanë ku të vendosen në stadium, për të kryer normalisht profesionin e tyre. Kushtet për gazetarët në Shkodër janë tërësisht të mjerueshme, ndërkohë gjatë takimit me Maqedoninë, mediave u duhej të përballeshin edhe me shiun. Pra, mungesa e një tarrace në tribunë është evidente në "Loro Boriçi". Për këtë fakt, në takimin me Slloveninë duhet t'i lutemi "Zotit" që të mos bjerë shi, sepse në të kundërt puna e medias vështirësohet. Ky tashmë është një problem, që më parë u tha se do të zgjidhej, por FSHF-ja duket se është dorëzuar në këtë aspekt. Sipas drejtuesve të saj, politika është që të shtrihet gjeografia e takimeve të kombëtares shqiptare. Kjo natyrisht është një gjë e mirë, por vendi ynë disponon vetëm dy stadiume të licensuara për takime ndërkombëtare, "Qemal Stafa" dhe "Loro Boriçi", të cilat janë me projektorë. Sekretari i përgjithshëm Mici deklaroi se do të punohet shumë në këtë aspekt, ku, sipas tij, brenda një kohe të shkurtër do të pajiseshin me projektorë stadiumi "Ruzhdi Bizhuta" i Elbasanit dhe më pas "Niko Dovana" i Durrësit. Duke lënë pas këto, tani duhet të presim verdiktin e UEFA-s për stadiumin e Shkodrës. Në qoftë se inspektorët e UEFA-s vlerësojnë se me Slloveninë nuk mund të luhet në Shkodër, atëherë nuk ngelet gjë tjetër dhe kombëtares i duhet t'i falet përsëri stadiumit kombëtar "Qemal Stafa".

[eagle's son]

si nuk pash ndonje koment personal te ketej brunos hahahhaahhaah




vendimi perfundimtar eshte dhene, luhet ne "Loro Borici"

si i thena ne tironcit ne keto raste, na qofte per hajer

[murik]

TARE:"QUESTO GRUPPO E' FANTASTICO"
venerdì 2 marzo 2007 18.26
Durante il mercato di gennaio era stato richiesto da alcune squadre ma Igli Tare ha voluto fortemente restare in biancoceleste come lui stesso ha ribadito oggi in sala stampa a Formello: E’ vero, c’è stata anche questa possibilità. Ma io ho scelto di nuovo la Lazio. Ero e sono sicuro di poter dare il mio contributo alla squadra soprattutto in questo momento così importante”. Domenica contro il Catania con suo ingresso in campo la Lazio è riuscita a portare a casa tre punti fondamentali per la corsa al quarto posto, il vero traguardo di questa stagione: “Il nostro obiettivo è guardare partita dopo partita. Crediamo molto nei nostri mezzi, stiamo attraversando un momento esaltante, ci sono tutte le qualità giuste per continuare la corsa verso l’Europa”. L’attaccante biancoceleste svela poi l’arma in più della Lazio: “Siamo un gruppo fantastico. In tanti anni di calcio è la prima volta che mi sento come a casa. Raggiungere la Champions League con questi ragazzi sarebbe il massimo

Kapiteni kuq e zi flet per ekipin e tij Lazio ne intervisten e sotme 2 Mars.Edhe pse gjate merkatos se Janarit eshte kerkuar nga skuadra te tjera,Tare ka shprehur deshiren e madhe per te qene efektiv i Lazios.Eshte e vertete thote,por une zgjodha Lazion.Isha dhe jam i sigurte per kontributin qe mund ti jap skuadres,sidomos ne keto momente te rendesishme.Te dielen kundra Catanias futja e tije ne loje i dha nje tre pikesh te rendesishem ekipit ne luften per vendin e katert.Objektivi yne eshte te shohim ndeshje pas ndeshje,besojme shume ne mundesite tona per nje vend ne kupat e Europes.Mepas sulmuesi bardhebojqielli zbulon armen me te fuqishme te ekipit: Jemi nje grup fantastik.Ne shume vjet futboll eshte hera e pare qe ndjehem si ne shtepi.Te arrijme Champions League me kete grup lojtaresh do te ishte arritje e madhe.

[zeus]

--------------------------------------------------------------
Intervistë për "Sporti shqiptar"

- Pas sa kohësh ktheheni në kombëtare?

- Nuk kam luajtur me ekipin kombëtar që kur atë e ka drejtuar për herë të fundit Brigeli, pra që në ndeshjen me Lituaninë.

- Domethënë, nuk jeni thirrur asnjëherë nga trajneri Bariç?

- Jo, asnjëherë dhe kjo është hera e parë.

- Si e ndieni veten tani, kur është ligjëruar thirrja juaj në ekipin kombëtar?

- Sigurisht që ndihem shumë i gëzuar.

- Kujt ia dedikoni atë?

- Besoj se jam rikthyer falë djersës dhe mundit në stërvitje dhe në ndeshje. Nëse ju kujtohet, e kam thënë gjithnjë se do të rikthehem në kombëtare, ndaj jam më shumë i gëzuar, sepse kam realizuar një objektiv që i kam vënë vetes.

- Si e mendoni rikthimin në kombëtare?

- Aspak të lehtë, madje do të thosha se është një rikthim i vështirë. Them kështu kur mendoj kërkesat që ka kombëtarja. Unë do të jap maksimimunin për ta justifikuar këtë rikthim. Falënderoj për këtë edhe trajnerin Bariç apo edhe drejtues të tjerë të futbollit tonë, të cilët kanë ndjekur dhe kanë vlerësuar kontributin tim gjatë këtij sezoni në futbollin grek.

--------------------------------------------------------------

[ClaY_MorE]

Kapiteni Igli Tare, jashtë listës së Bariçit?

Edhe pse lista e lojtarëve të grumbulluar për takimin eliminator të kombëtares shqiptare me Slloveninë dhe Bullgarinë nuk është publikuar ende, gjatë kësaj periudhe trajneri i përfaqësueses, Oto Bariç nëpërmjet FSHF-së, ka përgatitur ftesat për lojtarët që aktivizohen jashtë Shqipërisë, ndërkohë që për këtë janë njoftuar edhe klubet.

Ditët e fundit është përfolur shumë për mosthirrjen në kombëtare të kapitenit, Igli Tare.
E vërteta është se deri më tani klubi i Lacios, ku aktivizohet Tare, nuk është njoftuar.

Këtë e pohon vetë bjondi, në një intervistë, ku ndër të tjera thekson se nuk ka komunikuar ende me trajnerin e përfaqësueses, Oto Bariç, për këtë çështje.

- Igli, a keni marrë ftesën për në kombëtare, për takimet eliminatore me Slloveninë dhe Bullgarinë?

- Trajneri i përfaqësueses, Oto Bariç, nuk ka komunikuar me mua dhe nuk di çfarë të them, nëse do të jem apo jo ndaj Sllovenisë dhe Bullgarisë,

Deri më tani, me asnjë pjesëtar të stafit teknik nuk kam pasur lidhje telefonike, kështu që për momentin nuk mund të them asnjë gjë.

Në klub nuk ka ardhur ndonjë ftesë nga FSHF-ja, por unë nuk është se jam interesuar shumë për këtë.

- E mendoni mosthirrjen në kombëtare për këtë takim?

- Në qoftë se trajneri Bariç mendon që të mos jem në planet e tij, atëherë gjëja më minimale është që të më telefonojë, sepse jam kapiten i ekipit.

Siç e thashë, deri më tani nuk kam komunikuar, por megjithatë unë jam lojtar profesionist dhe do të pranoj çdo lloj vendimi që merr trajneri i kombëtares.

Pra, respektoj çdo vendim të trajnerit, por mund të them se jam në formë optimale dhe besoj se kam për t'i dhënë akoma kombëtares.

Në qoftë se nuk thirrem në këto takime, nuk do ta marrë si një gjë të jashtëzakonshme, përkundrazi, do të ul kokën dhe do të vazhdoj stërvitjen, në mënyrë që të jem sa më në formë.

Në qoftë se kombëtarja do të ketë nevojë për mua, unë do të jem i gatshëm në çdo moment dhe do të mundohem ta justifikojë plotësisht rolin tim në skuadër.

- Thatë që ndiheni në formë, por si ka mundësi që trajneri i Lacios ju aktivizon me pikatore?

- Aktivizimi i pakët te Lacio ka ndikuar shumë në formën time, por unë sa herë jam futur në lojë, mendoj se e kam justifikuar besimin.

Ndaj Katanias u futa në lojë dhe u vlerësova në përfundim të takimit, pra e tregova veten.

Për aktivizimin tim të paktë një përgjigje të saktë duhet të japë trajneri Delio Rosi.

Gjithsesi, nuk kam çfarë të bëj, pasi kam një kontratë me Lacion dhe më duhetta respektoj. Zgjidhjet e trajnerit do të mundohem t'i pranoj, pavarësisht se ato më duken jo të drejta.

- Mendoni se ka ardhur momenti që vendin tuaj në kombëtare ta zërë një lojtar tjetër?

- Unë besoj se vendin në kombëtare nuk ma kanë dhuruar, por kam djersitur për ta fituar. Kontributin tim duhet ta vlerësojnë të tjerët.

Pra, janë zgjedhjet e trajnerit ato që në radhë të parë duhet të respektohen.
Unë nuk i kam zënë askujt vendin, por besoj se kam akoma për të dhënë.

Gjithsesi, unë jam aq i aftë për ta kuptuar se kur më duhet të tërhiqem nga kombëtarja.

Tani për tani ndihem mirë, sepse stërvitem në një ekip profesionist.

A1TV

[TOMY_X]

Mendova te hap kete teme per faktin se e verejta qe mungon mendoj qe eshte e arsyeshme te flitet edhe per kombetaren tone....per sukseset dhe mos sukseset e saj mendoj qe do jeni dakord ...

[TOMY_X]

Gazeta Shqip (14.03.2007) - Ilion Lika mbetet jashtë Kombëtares. Dje, pas vendimit të trajnerit, Oto Bariç, Federata Shqiptare e Futbollit ka zyrtarizuar lënien jashtë skuadrës të portierit të Dinamos dhe grumbullimin në vendin e tij të Enea Koliqit. Edhe pse fillimisht Lika ishte përzgjedhur mes 23 futbollistëve që ishin thirrur për sfidat me Slloveninë dhe Bullgarinë, në harkun e pak orëve, kroati 75-vjeçar ka ndryshuar mendje. "Trajneri Bariç ka vendosur të zëvendësojë Ilion Likën, pasi lojtari në fjalë nuk është aktivizuar me skuadrën e tij gjatë ditëve të fundit", ka qenë citimi i burimeve zyrtare të FSHF-së, të cilat transmetonin fjalët e drejtuesit të stolit kuqezi.

[zeus]

-------------------------------------------------

Kombetarja kuqezi do e nisi aventuren per eliminatoret e Europianit me nje sfide te veçante. Shpresat e drejtuara nga Artan Bushati do ndeshen me kombetaren e Italise ne fillim te qershorit. Me pas ne Tirane do zhvillohet ndeshja me Ishujt Faroe. Dy ndeshjet me shpresat e Greqise do zhvillohen brenda muajit tetor ne Tirane dhe Athine.

-------------------------------------------------

[km92]

Baric nuk do te jete

20 Mars Presidenti Duka: Skuadren do ta drejtoje Kovacevic

Nuk do te jete! Mbreme eshte shuar cdo medyshje, apo shprese per ardhjen e teknikut te perfaqesueses sone, Oto Baric per te drejtuar stervitjet e me pas dy ndeshjet radhazi te Kombetares sone kunder Sllovenise e Buillgarise. Pas lajmit te pare per nje gjendje jo te mire shendetsore te 74?vjecarit dhe shtyrjes se mberritjes se tij ne Tirane per te merkuren ? u shkruajt se Baric kishte patur shqetesime kardiake, si dhe probleme me tensionin ? u prit me shqetesim pergjigja e analizave dhe ekzaminimeve qe ai ka kryer te dielen dhe dje. Po dje ne mesdite, ne nje komunikim me mediat, presidenti i FSHF?se, Armand Duka, ndonese jo ne menyre perfundimtare dha te kuptohej se veshtire do ta kishim teknikun. Eshte per kete qe ai ia “delegoi” drejtimin e skuadres, ndihmesit te tij, Kovacic.Mbreme, si per ta bere edhe me te besueshme pamundesine e ardhjes se Baricit, nga stafi drejtues i Kombetares eshte mesuar se komunikimi dhe pergjigja negative ka ardhur nga bashkeshortja e tij, Zdenka Baric. Eshte shkuar deri aty sa eshte anashkaluar “rikuperimi” i teknikut se paku per ndeshjen me bullgaret. Kjo ndoshta tregon se te gjitha baterite do te jene kunder slloveneve, qe konsiderohen si kundershtare te cileve duhet t’u marrim pike me patjeter. Sipas zonjes Baric, trajneri nuk eshte shtruar, por ka bere “vajtje?ardhje” rrugen shtepi?spital. Ajo qe te ben edhe me dyshues eshte se si do te komunikojne ne ditet ne vazhdim Baric e Kovacevic. Ky i fundit, i njohur si nje pergatites i mire, por dhe me eksperience dhe bashkepunim te gjate me te parin, gjithsesi do ta kete te veshtire te beje “te parin”. Kovacevicit do t’i duhet te vendose jo pak gjera ne skuader, qe per me teper ne kete moment kerkojne “kellqe” te tjera. Sidoqofte, pa paragjykuar ndihmesin, mbetet te shpresohet te nje sherim i shpejte i Baricit, qe ka nje kontrate me FSHF?ne qe skadon ne fund te ketij viti.