Kombëtarja Shqiptare - (Lajme & Komente)

[Ingenuous]

Nje pyetje kam une,

Apo po meret ne konsiderate se se shpejti me pavaresine e shume pritur te Kosoves, do te largohen edhe lojtaret kosovare te kombetares?!

[Davius]

Përfaqësuesja shqiptare U-21 ka triumfuar në miqësoren e luajtur në stadiumin “Ataturk Olimpik”

Shqipëria U-21 trondit Stambollin

Kuqezinjtë e Bushatit thyejnë Turqinë 2-0. Shënojnë Bakaj e Sukaj


Fatjon Kodra

Kombëtarja shqiptare U-21 ka arritur të mundë dhe homologen e Turqisë me rezultatin e pastër 2-0 në ndeshjen e luajtur në stadiumin modern “Olimpik Ataturk” dje.

Një rezultat surprizë për kuqezinjtë, që kanë tronditur turqit brenda në fushën e tyre dhe kanë fiksuar një rezultat pozitiv të rëndësishëm për të ardhmen. Tekniku Bushati e ka nisur ndeshjen me formacion e publikuar dje në “Panorama Sport”; në portë Koliqi, në mbrojtje Ramazani, Lila, Guga dhe Arapi; në mesfushë Sefa, Çaushaj, Lika dhe Progri, ndërsa në sulm dyshja Bakaj-Sukaj. Nga ana tjetër dhe Turqia është paraqitur me formacionin më të mirë të sajin. Pjesa e parë ishte e ekuilibruar dhe me nivel të pëlqyeshëm të lojës nga të dyja e ekipet. Të dyja skuadrat janë treguar shumë të kujdesshme dhe kanë studiuar më shumë defektet e njëra-tjetrës. Ka pasur raste nga të dyja anët, madje kombëtares shqiptare i janë mohuar edhe dy 11-metërsha, që sipas njerëzve të pranishëm në stadium ishte ta pastra. Gjithsesi, në 45 minutat e dytë ritmi ishte i lartë nga ana e kuqezinjve që patën raste të pastra. Për t’u veçuar dy raste për shënim të humbura nga Xhevahir Sukaj dhe Andi Lila. Ndërkaq, trajneri Bushati nuk ka bërë asnjë zëvendësim, duke shfaqur qartë dëshirën e madhe që kishte për ta fituar këtë takim dhe duke mos rrezikuar. Në minutën e 77-të më në fund përpjekjet e kuqezinjve do të konkretizoheshin. Elis Bakaj rrëzohet në zonën e Turqisë pas një ndërhyrjeje të parregullt dhe gjyqtari turk ka kordon një 11-metërsh. Vetë sulmuesi i Partizanit në kampionatin shqiptar ka marrë përsipër ekzekutimin e kësaj penallti, duke goditur saktë dhe duke kaluar në avantazh kuqezinjtë. Goli ka bërë që turqit të shpërqendrohen disi në zbatimin e skemave dhe të hidhen në sulm për të arritur barazimin. Mirëpo, në minutat e fundit turqit do të ndëshkohen sërish. Është pikërisht Xhevahir Sukaj, sulmuesi i talentuar i Vllaznisë ai që në minutën e 88-të ka ndërmarrë një inkursion personal që nga gjysma e fushës, duke arritur të shkojë deri në portën kundërshtare dhe të shënojë. Tekniku Bushati ka hedhur në fushën e lojës edhe lojtarë si Karabeci, Tafili dhe Ferraj.

Stadiumi

Stadiumi “Ataturk Olimpik” thirret ndryshe me nofkën “Baba Evi” (Shtëpia e babait) dhe ka nisur të ndërtohet në vitin 1999 dhe është inauguruar në vitin 2002. Ka një kapacitet prej 81,283 vendesh të ulura, më i madhi në Turqi. U ndërtua për të pritur Lojërat Olimpike dhe ka kushtuar plot 100 milion USD.

Miqësorja me Greqinë

Më datë 6 shkurt ekipi kombëtares i Shqipërisë U-21 zhvillon miqësoren e radhës me moshatarët e përfaqësueses së Greqisë, takim që do të luhet në Athinë. Ndërkaq, ftesën për miqësoren e djeshme mes skuadrave Shpresa e bëri Federata turke, e cila kishte kohë që kërkonte të luheshin këto miqësore. Mes këtyre skuadrave do të ketë edhe një ndeshje

[zeus]

-------------------------------------------------------

Në prag të grumbullimit të kombëtares në Antalia, trajneri i përfaqësueses shqiptare, Oto Bariç hartoi listën përfundimtare të futbollistëve që do të marrin pjesë në "zborin" e Antalias. Ai do shfrytëzojë këtë grumbullim për të parë më nga afër gjendjen e disa lojtarëve. Kroati gjatë grumbullimit të kombëtares B, në muajin dhjetor, u shpreh i shqetësuar për mosaktivizimin e lojtarëve titullarë të kombëtares. Sipas asaj që tha trajneri në atë kohë, këta lojtarë nuk do të kenë vend në kombëtare, në qoftë se nuk luajnë me klubet e tyre.
I pyetur për mosaktivizimin në klube të Igli Tares dhe Ervin Skelës, Bariçi u shpreh: "Përse i kemi marrë ne lojtarë të tillë, si Kapllani, Berisha, Memelli? Pra, po mendojmë si ta zgjidhim këtë problem. Unë çdo të shtunë dhe të diel i shikoj të gjitha takimet që zhvillojnë skuadrat e futbollistëve të kombëtares, në Gjermani, Itali etj. Shpeshherë komunikoj në telefon me futbollistët dhe e di saktë gjendjen e tyrë. Tani e kam dëgjuar që Tare nuk do të luajë në vazhdim, pasi nuk preferohet nga trajneri i Lacios. Këtë gjë e kam marrë vesh këtu në Shqipëri. Mund të them se Tare në tre muajt e fundit pothuajse nuk ka luajtur fare, madje edhe kur ka luajtur nuk ka bërë gola. Një trajner normal do të vendosë një lojtar, i cili bën gola. Si me Taren ashtu dhe me Skelën unë kam biseduar. Për Skelën jam shumë i informuar dhe kam lexuar gjithçka për të. Ai ndodhet në spital dhe ka vështirësi me gjakun. Ndërkohë, me këta dy lojtarë unë do të bisedoj në dy-tri ditët e ardhshme. Natyrisht, në qoftë se Tare dhe Skela nuk aktivizohen me klubet e tyre, unë nuk mund t'i thërras në ekipi kundër Sllovenisë. Kjo është normale, nuk është sensacion. Nuk jam kundër asnjë lojtari, por unë si trajner dua të kem edhe parimet e mia. Si mund të vendos dikë në skuadër, që jo vetëm nuk aktivizohet fare, por edhe kur aktivizohet nuk bën as gola? Normalisht, unë do të marr lojtarë që shënojnë, si p.sh, Kapllani, i cili ka shënuar nëntë gola. Të gjithë lojtarët i kam nën vëzhgim dher mund të them se i kam parë të gjitha ndeshjet e Kapllanit, Berishës. Gjatë kësaj kohe do të shikoj në mënyrë milimetrike edhe Memellin,"- përfundoi fjalën e tij, trajneri i kombëtares shqiptare Oto Bariç. Më tej, Bariçi theksoi se kërkon kohë për t'i parë lojtarët kosovarë, që ka zgjedhur gjatë grumbullimit të fundit. Ndërkohë, kroati foli me superlativa për sulmuesin që aktivizohet në kampionatin australian, Labinot Haliti, por theksoi se duhet të bëhen shumë gjëra që ai të vijë kombëtare.
"Këta lojtarë duhet shikohen mirë dhe sot unë nuk mund të them se cili do të jetë ai që do të thirret në të ardhmen në kombëtare. Pasi t'i vëzhgoj mirë këta lojtarë, atëherë unë mund t'i propozoj presidentit që t'i bëjë me pasaportë shqiptare. Nësë do të ishin me nënshtetesi shqiptare, unë sot prapë nuk mund të them se do të luanin kundër Sllovenisë apo Maqedonisë. Ndodhem në një situatë të pakëndshme. Jam i bindur që Haliti është një lojtar shumë i mirë, po unë duhet të bëjë shumë gjëra që ai të vijë këtu. Ky lojtar duhet të luajë në Europë dhe mund të them se kam gjetur një klub për të. Besoj që kjo do të bëhet dhe më pas unë ta ftoj atë futbollist në përfaqësuese. Eshtë shumë e vështirë që të marësh një lojtar nga Australia dhe ta sjellësh në një klub solid në Europë,"- u shpreh trajneri i kombëtares Oto Bariç.

-------------------------------------------------------

[vagabondo_nyc]

Briegel shkarkohet nga posti i trajnerit të Bahrejnit

Nga Altin Manallari


Ish-tekniku Shqipërisë, gjermani Hans-Peter Briegel nuk do të jetë më trajneri i Bahreinit. Një gjë e tillë është mësuar pikërish dje, kur edhe shtypi ndërkombëtar ka lajmëruar, se Federata e Futbollit të këtij vendi ka shkarkuar gjermanin nga posti i trajneri të Kombëtares. Vendimtare ka qenë humbja 2-1 kundër Arabisë Sudite, në ndeshjen e luajtur në ditën e hapjes së Kupës së Gjirit. Vendin e Briegelit në këtë post e ka zënë zëvendësi i tij, Marjan Eid. Ish-futbollisti i Gjermanisë, i cili “braktisi” Shqipërinë i joshur nga paratë sheikëve, kishte firmosur në muajin qershor të 2006-ës, një kontratë deri në 2008-ën, por që tashmë është ndërpresë në fillimet e saj. Bahreini i ka treguar derën dhe ai tashmë figuron në listën e trajnerëve të papunë.

[Qerim]

Tani qe Bylykbashi u largua nga kampionati shqiptar ne ate ukrainas me skuadren e Kribvas, mendoj se e meriton plotesisht vendin e titullarit ne kombetaren tone.Kemi nevoje per goditjet e tij te sakta nga distanca.

[goldian]

jo mor qerim gabohesh
se krivas nuk eshte dinamo e kievit qe komtarja tja hapi dyert menjehere bylykbashit

[Qerim]

Duro: “Ja përse Bariç zgjodhi Memellin dhe Rrustemaj”

EKSKLUZIVE - Shpëtim Duro, ndihmësi shqiptar i trajnerit të Kombëtares shqiptare njëherësh edhe ish-trajner i njohur i disa ekipeve shqiptare (Bylis, Apolonia, Dinamo, Partizani) si dhe ekipeve përfaqësues U-19 dhe tani U-17, është i ftuari ekskluziv i Albania-sport.com. Duro zbardh disa detaje të reja nga grumbullimi i Kombëtares (B) në Antalia të Turqisë si dhe surprizat e përgatitjeve kundër Maqedonisë.



Duro, ekipi përfaqësueses ka disa ditë që është rikthyer nga faza përgatitore në Antalia të Turqisë, ku spikatën disa talente që morrën edhe pëlqimin e trajnerit Bariç? - Ishte një grumbullim nëntë ditor të cilën e konsiderojmë si shumë të suksesshëm. Edhe në bisedimet publike me drejtues të federatës që ishin të pranishëm në Antalia, e për më tepër në bashkëbisidemet e ngushta dhe konfidenciale si të Kovaçiç ashtu edhe të miat me teknikun Oto Bariç kemi ndarë të njjëtin vlerësim: një grumbullim i nevojshëm, i suksesshëm. Trajneri Bariç formuloi një ide më të qartë për shumë nga futbollistët që vinin nga jashtë dhe ai i shihte për herë të parë, por dhe për ata që ai kishte parë gjatë grumbullimit të dhjetorit të vitit të kaluar

Sipas raportimeve të mediave direkt nga Turqia, Bariç vlerësoi me emra të përveçëm disa lojtarë, të cilët priten edhe të ftohen në ndeshjen testuese me Maqedoninë?
- Është e vertetë. Një nga më të spikaturit ka qenë Migen Memelli, sulmuesi shqiptar që po luan me shumë sukses te Bran Bergen në Norvegji. Memelli besohet shumë nga Bariç dhe do të jetë gjithmonë pranë ekipit të parë “A”. Gjatë muajit dhjetor 2006, Bariç më la një detyrë për ta ndjekur Memellin me Bran Bergenin, por sugjerimi im për trajnerin ishte që ta vëzhgonte në Norvegji, Kovaçiç, i cili erdhi me konsiderata maksimale për Migenin. Ai ndoqi ndeshjen Rozenborg-Bran Bergen, ku luanin si Jahmir Hyka ashtu dhe Migen Memelli. Duke parë edhe moshën e re Jahmir Hykës dhe Xhevair Sukaj, konkluzioni i trajnerit Bariç është se që ty futbollistët e kombëtares U-21 e kaluan me sukses provën e tyre në gjirin e përfaqësues A. Bariç krijoi një bindje të plotë se këta lojtarë i përkasin së ardhmes, të cilën si ndihmës i tij e konsideroj si një sinjal shumë të mirë për rinovimin e shumëpritur të Kombëtares. Këta lojtarë do të jenë brenda 22-shes në ndeshjen kundër Maqedonisë.

Bariç përmendi edhe emra të tjerë...- Përveç këtyre janë dhe disa lojtarë të tjerë që treguan vlera, dhe do të jenë në konsideratë për të ardhmen e afërt. Një nga këta është Endri Vrapi, që sidomos në ndeshjen e fundit (kundër Tiranës, 2:2), tregoi se ka vlera si futbollist. Edhe Sabino Plaku është një nga ata që i përket së ardhmes, pasi shënoi katër gola në tri ndeshje, por ka ende për t’u formuar në nivelin e përgjithshëm të lojës.

Takimi miqësor me Maqedoninë do dhe pak ditë të zhvillohet. A është hartuar lista paraprake, kur ajo e kundërshtarit tuaj ka ditë që është bërë publike?
- Po është hartuar lista me 22 ose 23 lojtarët e mundshëm dhe janë marrë dhe konfirmimet formale nga klubet e tyre. Nuk është rasti të citoj për faqen Albania-sport.com, pasi kjo është një detyrë e Sektorit të Ekipeve Kombëtare.

Befasues ishte edhe emri i Blerim Rrustemaj, jo i pranishëm në listën e Antalias pavarësisht se ai ishte në grumbullimin e dhjetorit?
- Opionioni i mirë për qendërmbrojtësin Rrustemaj u krijua aty. Të informuar qysh më parë për takimin miqësore Borusia Mënshengladbah II me një skuadër rumune të Kategorisë së Parë, së bashku me trajnerin Bariç udhëtuam dy orë larg qëndrës sonë të grumbullimit në Kemer, për ta parë atë në aksion. Rrustemaj ishte kapiteni i skuadrës së Borusia Mënshengladbah II, qëndërmbrojtës dhe për ne si staf teknik ai është lojtari që është më afër nga të gjithë për të qenë pjesë e formacionit kundër Sllovenisë. Ai është 24-25 vjeç dhe të jesh kapiten e Borusia Mënshengladbah është e gjë e madhe. Sigurisht që më parë duhet të pajiset me pasaportën shqiptare.

Intervistoi: Dash Frashëri



E Merkure, 31 Janar 2007

[eagle's son]

Bylykbashi me kombetaren?

hahahahahahaha

kur ti trashet i cik kofsha po, po tani qe i ka kembet si shkopa xhezi duhet te stervitet ca

[Noizy]

Kapiteni i kombëtares shqiptare pohon se do të jetë pjesë e kombëtares në miqësoren me Maqedoninë.



Trajneri i kombëtares shqiptare, Oto Bariç, ka shprehur disa ditë më parë për mediat shqiptare se lojtarët që nuk aktivizohen në klube nuk do të kenë vend në kombëtare. Duket se këtë premtim kroati i kombëtares e ka mbajtur vetëm për Skelën, ndërkohë që për kapitenin e kuqezinjve, Igli Tare, nuk ka ndodhur kështu. Edhe pse sulmuesi i Lacios nuk është aktivizuar fare në këtë periudhë, gjithsesi i është bërë një ftesë për të marrë pjesë në takimin miqësor të 7 shkurtit me Maqedoninë. Veterani i kombëtares sonë ka kohë që nuk është më i preferuari i trajnerit lacial, Delio Rosi. Gjithsesi, tashmë është një fakt që trajneri Bariç i ka bërë ftesë lojtarit, pasi këtë gjë e konfirmon vetë bjondi shqiptar, i cili në linjë telefonike nga Italia shprehet se do të jetë pjesë e kombëtares në këtë takim. "Po mund ta konfirmoj që më ka ardhur një ftesë për takimin me Maqedoninë dhe do të jem pjesë e ekipit kombëtar. Unë kam dhënë gjithnjë maksimumin për kombëtaren dhe një gjë të tillë do mundohem të bëj edhe në dy takimet e ardhshme, atë me Maqedoninë dhe sigurisht ndaj Sllovenisë, ku shpresojmë t'i dhurojmë publikut një fitore,"- theksoi Tare. Sipas fjalëve të tij, bjondi kërkon që të konfirmojë rolin e tij në përfaqësuesen shqiptare dhe duket se ia ka venitur shpresat ndonjë lojtari të kombëtares, i cili mund të ishte i mbrehur për të marrë shiritin e kapitenit. Megjithatë, problem për Taren mbetet mosaktivizimi i tij me Lacion. Këtë sezon ai është aktivizuar me pikatore, ndërkohë që mundësia për të lëvizur në një ekip tjetër sapo vjen e po zvogëlohet. Megjithëse është folur shumë kohët e fundit në mediat italiane për një kalim të mundshëm të tij tek Torino ose Atalanta, duhet thënë se ende nuk është saktësuar gjë, aq më tepër që sot skadon dhe afati i transferimeve të lojtarëve në Itali. I pyetur për këtë fakt, sulmuesi i kombëtares deklaron se nuk di gjë që do të lëvizë nga Lacio për momentin. "Normalisht jam i shqetësuar për mosaktivizimin tim, por atë më mirë e di trajneri. Ndërkohë, mund të them që nuk di gjë që nëse do të lëviz nga Lacio për momentin, pavarësisht se është folur për një kalim te Torino,"- u shpreh për gazetën "Sportin shqiptar" sulmuesi 33-vjeçari i kombëtares dhe i Lacios, Igli Tare.

[Noizy]

Trajneri kuqezi, Oto Bariç, shpjegon zgjedhjet e bëra për miqësoren e 7 shkurtit me Maqedoninë dhe më pas.


Trajneri i kombëtares, Oto Bariç, ka mbërritur dje në vendin tonë, ndërkohë që sot fillon grumbullimin kuqezi në Golem të Durrësit, në përgatitje për miqësoren e 7 shkurtit me Maqedoninë, ndeshje e cila do të luhet në "Loro Boriçi" të Shkodrës. Pasi ka shpallur listën e lojtarëve me të cilët do të përballojë këtë ndeshje testuese, para asaj zyrtare me Slloveninë, kroati i stolit kuqezi ka dhënë edhe sqarimet e duhura për zgjedhjet e tij.
Natyrisht, ai ka folur për katër lojtarët e rinj, që thirren për herë të parë në kombëtare, por edhe për disa të tjerë, që nuk kanë luajtur fare, ose pak me skuadrat e tyre. Në tërë ligjeratën e tij, Bariçi ka treguar se ka një njohje të hollësishme të ecurisë së kuqezinjve në skuadrat respektive, çka tregon se, pavarësisht mosshkuarjes në vendet ku aktivizohen, ai është i predispozuar për t'i dhënë hakun secilit, duke materializuar njëherësh edhe ndërrimin e brezave në kombëtare, siç e quan kroati.
- Zoti Bariç, përpara jush dhe kombëtares shqiptare është miqësorja me Maqedoninë. Si e konsideroni këtë ballafaqim?
- Unë i marr seriozisht të gjitha ndeshjet, qofshin edhe ato miqësore, madje edhe zboret që bëj me të rinjtë, për të zbuluar ndonjë element pozitiv. Me këtë dua të them se ndeshja e 7 shkurtit me Maqedoninë është një test mjaft i rëndësishëm për mua, para sfidës zyrtare të marsit me Slloveninë. Po kështu, do të jetë një provë gjenerale edhe për lojtarët që kam thirrur. Dua të shtoj se Maqedonia e ka marrë këtë ndeshje miqësore shumë seriozisht, sepse edhe ajo ka planet e saj. Kësisoj, parashikoj një ndeshje të fortë, edhe pse do të jetë miqësore, pasi kundërshtarit nuk i mungon as vlerësimi, as cilësia. Besoj e dini se Maqedonia ka arritur rezultate mjaft të mira në ndeshjet e deritanishme kualifikuese në grupin e saj, prandaj do të kërkojë të mos "hallakatet" dhe të prishë imazhin e mirë ndaj nesh.
- Duke parë listën anti-Maqedoni, bie në sy mungesa e goleadorit të kampionatit shqiptar, Hamdi Salihi, i cili në janar kaloi te Riedi në Austri...
- Mosthirrjen e Salihit për këtë ndeshje nuk e shikoj si diçka jonormale. Ju e dini se Salihi, pas kalimit te Riedi në Austri, nuk ka zhvilluar akoma një ndeshje zyrtare. Di që ka luajtur në dy-tri ndeshje miqësore, ku ka shënuar, por kjo nuk mjafton. Pastaj, ai katër javë ka që stërvitet me Riedin. Pas miqësores me Maqedoninë, për 2-3 javë do ta vëzhgoj nga afër dhe më pas do të vendos nëse do ta thërras apo jo për Slloveninë. Ju siguroj se po luajti mirë te Riedi, do ta marr edhe në kombëtare.
- Pra, ju thoni se lojtarët e thirrur për Maqedoninë, nuk do të jenë ata që do të keni në dispozicion edhe për Slloveninë?
- Natyrisht që mund të ketë ndryshime, sepse ndaj Maqedonisë nuk do të luajnë vetëm 11 lojtarë, por minimalisht 18 të tillë. Duke qenë se është një ndeshje miqësore, unë do t'ua jap shansin të gjithëve të tregojnë veten dhe të ma mbushim mendjen se duhet të jenë edhe ndaj Sllovenisë. Pastaj, deri në ndeshjen me Slloveninë do të ketë kohë, lojtarët do të luajnë edhe 4-5 ndeshje me skuadrat e tyre, kështu që gjërat mund të ndryshojnë për mirë ose për keq. Kjo do të thotë se formacioni anti-Maqedoni nuk mund të jetë detyrimisht ai anti-Slloveni. Pra, kush të luajë mirë me ekipin e tij, do të jetë edhe në kombëtare.
- Keni marrë katër lojtarë të rinj në kombëtare. Kjo do të thotë se revolucioni juaj kuqezi ka filluar?
- Nuk mund të them revolucion, por diçka logjike dhe profesionale për një trajner. Ndërrimi i brezave ndodh në çdo kombëtare dhe kjo është normale. Ikin të vjetrit dhe vijnë të rinjtë. Ju e shikoni se tashmë dy të rinj janë konfirmuar si stabël në formacionin e parë, siç është Curri apo Dallku. Edhe Berisha besoj se është në këtë rrugë, sepse është paraqitur mjaft mirë tek Hamburgu, kur i është dhënë rasti të luajë. Tani kam thirrur Memellin, Hykën, Sukajn dhe Kristi Vangjelin, me shpresën se edhe ata do të jenë të aftë ta meritojnë formacionin kuqezi. Le të shohim si do të paraqiten në miqësoren me Maqedoninë, për të folur më konkretisht për ta. Nëse do të paraqiten më në formë se lojtarët veteranë të kombëtares, natyrisht që rotacioni do të jetë diçka normale, sepse kështu ndodh kudo. Më i miri luan në kombëtare. Unë po ua jap shansin më të mirëve, të vjetër apo të rinj qofshin. Për të ilustruar këtë filozofi pune, dua të përmend Lalën. Ai ishte 1 muaj i dëmtuar dhe nuk luajti. Por në tri ndeshjet e fundit me Hanoverin ka qenë në top-formë, çka më ngroh shumë. Pra, jam i detyruar ta marr në kombëtare, sikurse edhe Kapllanin, që aktivizohet rregullisht me Karlsruhen dhe ka shënuar 10 gola. Pra, ardhja e të rinjve nuk do të thotë që do të ikin të vjetrit, por të rritet konkurrenca dhe të mbijetojë në kombëtare më i miri. Kjo është metoda ime e punës.
- Përmendët Lalën dhe Kapllanin, por ju keni thirrur edhe lojtarë që nuk aktivizohen fare...
- Besoj e keni fjalën për Taren. Thirrja e tij për Maqedoninë është diçka fare e thjeshtë. Tare, në katër ndeshjet e deritanishme zyrtare, është paraqitur mjaft mirë, edhe pse nuk luante rregullisht me Lacion. Pra, ai ka treguar se është profesionist i vërtetë dhe, si i tillë, edhe pse fatkeqësisht nuk po luan te Lacio, di ta mbajë veten për aq sa është. Duke logjikuar kështu, e thirra edhe për Maqedoninë, për ta parë nga afër se çfarë forme sportive gëzon. Nëse paraqitet si në ndeshjet zyrtare të shkuara, patjetër që do të jetë në kombëtare, nëse jo, është i rrezikuar nga të rinjtë. Kjo vlen edhe për të tjerët. Pra, pa u bindur plotësisht se Tare nuk është në lartësinë e duhur për kombëtaren, nuk do të ishte e ndershme të mos e thirrja.