Nenshkruhet marrveshja , merr fund kriza politike ..

[ALBA]

Me nderhyrjen intensive te faktorit nderkombetar , mbremjen e sotme ka marr fund kriza politike , qe kishte perfshire vendin per rreth nje muaj , pasi perfaqesuesit PS dhe PD kane firmosur nje marrveshje kopromisi e cila siguron pjesmarrjen e opozites ne zgjedhje .

Marrveshja parashikon nderhyjen ne kushtetute dhe kodin zgjedhor , pasi do te eliminohet regjisteri i perkoheshem , do te shtohet numeri i antareve te KQZ-se dhe KKRT-se.

Pas nenshkrimit te marrveshjes , te gjashte firmetaret nuk pranuan te benin koment se kush kishte fituar nga keto negociata , mazhoranca apo opozita .

Panvarsisht kesaj e rendesishme eshte rikthimi i jetes .

Lajmi u morr ne top -chanel .tv

[PRI-LTN]

Shyqyr!
Halelujah!

1. Nuk do te shkohet ne zgjedhje me rregjistrin e perkohshem, do te ribehen listat dhe mandati i pushtetareve vendore aktual do te zgjatet nga 3 ne 4 vjet.
2. Numri i antareve te KQZ nga 7 behet 9, do te kete vend dhe per LSI e PDK.
3. Ne KKRT do te kete ndryshime, PS do te propozoje 2 antare nga shoqeria civile, keshtu numri i antareve do te rritet na 9 ne 11.

Negociator ishte ambasadori gjerman.

[ALBA]

Mbrëmë në “Rogner” u firmos marrëveshja prej 12 pikash mes Partisë Demokratike dhe asaj Socialiste.

Kriza, plotësohen kushtet e opozitës

Opozita realizon tre kërkesat, heqjen e regjistrit të përkohshëm, balancimin e KKRT dhe KD-së së RTSH-së dhe kthimin e një anëtari të KQZ-së

Denion Ndrenika

TIRANË- Gjashtë zyrtarë të lartë, tri nga Partia Socialiste dhe tri nga Partia Demokratike firmosën në hotelin “Rogner” mbrëmë rreth orës 21, marrëveshjen me 12 pika që synon barazpeshimin e kuadrit ligjor përpara zgjedhjeve. Marrëveshja, që në të gjitha pikat e saj duket si një plotësimin i kushteve të opozitës, parashikon shtimin nga 7 në 9 të anëtarëve të Komisionit Qendror të Zgjedhjeve, nga 5 në 7 të anëtarëve të Këshillit Kombëtar të Radios dhe Televizionit dhe nga 7 në 11 të Këshillit Kombëtar të Radios dhe Televizionit. Marrëveshja parashikon zgjedhjen e anëtarëve të rinj të Komisionit Qendror të Zgjedhjeve, një nga Lëvizja Socialiste për Integrim dhe një nga Partia Demokristiane. Palët u angazhuan që të përmbushin të 12 pikat e marrëveshjes së arritur pas 1 jave bisedimesh me ndërmjetësimin e KE-së dhe të OSBE-së. Negociatat kaluan në disa formula të propozuara nga palët në bisedime duke arritur përfundimin për çështjet kryesore që lidheshin sidomos me tri standardet e opozitës, përkatësisht heqjen e regjistrit të përkohshëm të zgjedhësve, KKRT dhe KDRTV dhe anëtarin e KQZ-së për partitë e vogla të opozitës. Nuk do të ketë listë të re zgjedhësish mbi regjistrin e përkohshëm sepse sipas kësaj marrëveshje, ai nuk do të ekzistojë më. Pika 9 thotë se regjistri i përkohshëm duhet të pastrohet përpara 20 tetorit 2006 dhe të pushojë së përdoruri si burim për listën e votuesve për zgjedhjet. Ky objektiv, gjithnjë sipas pajtimit të palëve, PD e PS, do të arrihet në bashkëpunim të plotë në të gjitha nivelet e mazhorancës dhe opozitës. “Të dyja palët bien dakord të fshijnë të gjitha referencat mbi regjistrin e përkohshëm nga Kodi Zgjedhor”-thuhet më tej në marrëveshje. Të gjitha këto janë parashikuar, ndërkohë që KQZ do ta ketë vendimmarjen në raportet 6-3, pra shumicën e cilësuar, nga 5-2 që e ka ende deri në fillimin e zbatimit të marrëveshjes (pika 7: Në KQZ, shumica e thjeshtë të jetë pesë me katër dhe shumica e cilësuar të jetë gjashtë me tre). Por, KQZ duket se ka marrë një “ngjyrim” të ri të rolit të kryetarit ngase në marrëveshje thuhet shprehimisht se “nënkryetari i KQZ-se t'i përkasë opozitës, të bashkëkryesojë KQZ-në dhe të zëvendësojë kryetarin nëse është e nevojshme, të bashkëpërfaqësojë institucionin jashtë tij dhe të bashkëfirmosë për të gjitha çështjet që janë kompetence e kryetarit”. Ndërkohë, të gjitha pikat e arritura duhet të kalojnë komisionin e Kuvendit për reformën zgjedhore, i cili duhet të nisë menjëherë punën. Sipas marrëveshjeje, në pikën e fundit, të 12-ën, thuhet se gjithçka duhet të përfundojë në amendimin e kuadrit ligjor me qëllim që ai të jetë i gatshëm për zgjedhjet e ardhshme vendore dhe ato të përgjithëshme. Përcaktimi në këto amendime është edhe për kohën e mbajtjes së këtyre zgjedhjeve, e saktësuar në muajit prill dhe maj të pranverës dhe tetor e nëntor në vjeshtë.
Media
Firmëtarët Bamir Topi, Ilir Rusmali dhe Ylli Pango nga PD dhe Ben Blushi, Ylli Bufi dhe Valentina Leskaj nga PS përmblodhën qëndrimet e forcave përkatëse për marrëveshjen. Sipas saj do të kemi një ndryshim thelbësor të ligjit për median publike, përkatësisht KKRT dhe KDRTV. Burime në PS thanë më parë për “Shelkullin” se ishin plotësuar të tri kushtet e opozitës, njeri prej të cilëve barazpeshimi i institucioneve të medias publike.. Kështu KKRT-së do të shtohet në numër me dy anëtarë të rinj, që do të propozohen nga opozita, por të zgjedhur nga shoqëria civile. Po kështu është formula e propozimeve për anëtarët e shtuar të KDRTV-së. Pika e dytë e marrëveshjes thotë se katër të propozuar duhet të jenë të opozitës, gjithashtu nga shoqëria civile, për ta çuar në 11 numrin e përgjithshëm. Por, këtu theksohet se për njerin nga të propozuarit, do të duhet mirëkuptimi i palëve e për ta kaluar në Kuvend gjithashtu është i nevojshëm dakordimi i tyre i mëparshëm. Saktësimi tjetër për barazpeshimin e institucioneve të medias publike është që përsa i përket çështjeve të quajtura “madhore” në marrëveshjes, duhet që votimi me shumicën e cilësuar të propozohet në Kuvend. Këto çështje do të cilësohen “madhore” nga komisioni medias së Kuvendit për rastet e vendimmarjeve në KKRT. Po kështu, në përmirësimin e kuadrit ligjor, përfshihet (nëse ka hapësirë kushtetuese), që Kuvendi të zgjedhë anëtarët e rinj të KKRT e KDRTV kur të rishikohet i gjithë legjislacioni për median.

Partia Demokratike dhe Partia Socialiste nënshkruan sot më datë 29 gusht 2006 një marrëveshje për kapërcimin e situatës politike të krijuar së fundmi në vend. Grupet negociatore të përbëra nga zotërinjtë Bamir Topi, Ilir Rusmali dhe Ylli pango për partinë Demokratike dhe Ben Blushi, Ylli Bufi dhe Valentina Leskaj për Partinë Socialiste, diskutuan dhe ranë dakord për çështjet e trajtuara në tekstin e marrëveshjes së mëposhtme.
Palët ranë dakord që të fillojnë sa më parë nga puna për implementimin e marrëveshjes dhe përgatitjen e amendamenteve respektive të kuadrit ligjor.

MARREVESHJE
12 pikash

Në frymën e dialogut konstruktiv, është rënë dakord nga të dyja palët:

Mazhoranca e përfaqësuar nga Z. Bamir Topi, Z.llir Rusmali, Z. Ylli Pango dhe opozita e përfaqësuar nga Z. Ben Blushi, Z. Ylli Bufi, Znj. Valentina Leskaj,
1. Që Këshilli Kombëtar i Radios dhe Televizionit (KKRT) të zgjerohet nga pesë në shtatë anëtarë, dy anëtarët e rinj të jenë pjesë e shoqërisë civile, të përzgjidhen dhe propozohen nga opozita.

2. Që Këshilli Drejtues i Radios dhe Televizionit Shqiptar (KDRTSH) të zgjerohet nga shtatë në njëmbëdhjetë anëtarë, të katër kandidatët e rinj të vijnë nga shoqëria civile, të përzgjidhen dhe të propozohen nga opozita, nga të cilët njëri të përzgjidhet dhe të propozohet pas një marrëveshjeje paraprake me mazhorancën; vetëm atëherë të katër kandidaturat do të mund t'I nënshtrohen votimit në Kuvend.

3. Që votimi me shumicën e cilësuar, të propozohet nga Kuvendi për vendimmarrjen e të dy institucioneve për sa i përket çështjeve madhore që do të përcaktohen nga Komisioni Parlamentar i Medias.

4. Si edhe përcaktohet mësipër, projektligji për amendimin e ligjit 8410 të propozohet nga një grup i përbashkët deputetesh të përbërë si nga mazhoranca ashtu edhe nga opozita.
5. Që votimi me mazhorancën e cilësuar, nëse e lejon Kushtetuta, të propozohet nga Kuvendi për të zgjedhur anëtarët e KKRT -së dhe KDRTSH-së, kur të rishikohet legjislacioni për median.

6. Që kushtetuta të amendohet në mënyrë që numri i anëtarëve të KQZ-së të rritet nga 7 në 9 anëtarë dhe të dy:anëtarët të zgjidhen nga Kuvendi. Të dy Partitë bien dakord se secili nga kandidatët duhet të plotësojë kriteret e parashikuara nga neni 20 i Kodit Zgjedhor dhe se Lëvizja Socialiste për Integrim (LSI) dhe Partia Demokristiane (PDK) duhet të ftohen që me propozim të përbashkët të propozojnë kandidatët për dy vendet bosh. Të dy anëtarët duhet të votohen njëkohësisht nga Kuvendi.

7. Që në KQZ, shumica e thjeshtë të jetë pesë me katër dhe shumica e cilësuar të jetë gjashtë me tre.

8. Që nënkryetari i KQZ-së t'i përkasë opozitës, të bashkëkryesojë KQZ-në dhe të zëvendësojë kryetarin nëse është e nevojshme, të bashkë-përfaqësojë institucionin jashtë tij dhe të bashkë-firmosë për të gjitha çështjet që janë kompetencë e kryetarit.

9. Që regjistri i përkohshëm të pastrohet para 20 tetorit 2006 dhe të pushojë së përdoruri si burim per listën e votuesve për zgjedhjet. Ky objektiv të arrihet në bashkëpunim të plotë në të gjitha nivelet e mazhorancës dhe opozitës. Të dyja palët bien dakord të fshijnë të gjitha referencat mbi regjistrin e përkohshëm nga Kodi Zgjedhor.

10. Që puna e komisionit parlamentar ad hoc për reformën zgjedhore të rifillojë pa vonesë në mënyrë që të rishikojë legjislacionin zgjedhor dhe të arrijë një konsensus.

11. Që Kushtetuta të amendohet në mënyrë që mandati i të zgjedhurve të qeverisjes vendore në të ardhmen të bëhet katër vjet.

12. Që kuadri ligjor të amendohet në mënyrë që të bëjë të mundur që zgjedhjet e përgjithshme parlamentare dhe ato vendore në të ardhmen të mbahen ose në pranverë (prill-maj) ose në vjeshtë (tetor -nentor) çdo katër vite.

Bamir Topi Ben Blushi .
Ilir Rusmali Ylli Bufi
Ylli pango Valentina Leskaj.



31/08/2006

shekulli

[Tepelenas_nr_1]

Hmm akoma ne lejojem...te korruptuarit te zihen me njeri tjeterin..se kush do na qeveris...dhe jo vetem kjo..por vem..dhe te huajt...ne "loje" sikur jan ..arbitera...

[tani_26]

Me nderhyrjen intensive te faktorit nderkombetar , mbremjen e sotme ka marr fund kriza politike , qe kishte perfshire vendin per rreth nje muaj , pasi perfaqesuesit PS dhe PD kane firmosur nje marrveshje kopromisi e cila siguron pjesmarrjen e opozites ne zgjedhje .

Marrveshja parashikon nderhyjen ne kushtetute dhe kodin zgjedhor , pasi do te eliminohet regjisteri i perkoheshem , do te shtohet numeri i antareve te KQZ-se dhe KKRT-se.

Pas nenshkrimit te marrveshjes , te gjashte firmetaret nuk pranuan te benin koment se kush kishte fituar nga keto negociata , mazhoranca apo opozita .

Panvarsisht kesaj e rendesishme eshte rikthimi i jetes .

Lajmi u morr ne top -chanel .tv

Ne djall le te shkojne politikanet shqiptare. Gjithmone duhet qe te nderhyjne te huajt qe "te bien ne ujdi" shqiptaret. Duke u nisur pikerisht nga ky fakt eshte e qarte se Shqiperia do vonoje te zhvillohet si shtet. Te rrojne sa malet politikanet shqiptare dhe le ti gezojne votuesit shqiptare qe i votuan!

[Brari]

Data: 01/09/2006, ora

E majta i bën gjyqin marrëveshjes së zgjedhjeve



Komunistët në oborrin e koalicionit socialist kërkojnë llogari për marrëveshjen që i detyron të majtët të heqin dorë nga bojkoti dhe të pranojnë një dështim që del nga kutitë e votimit. Gjinushi, Ceka e Milo klithin për tradhti ndaj Edi Ramës, i cili vendosi interesat e veta mbi interesat e së majtës, ndërkohë që vetë këshilltari juridik i Ramës, Ylli Manjani e denoncoi marrëveshjen pjesën e parë të ditës, për ta mbyllur gojën në pjesën e dytë të saj. Rama tani ka punë me komunistët e partisë, e duket se do të digjet në lidhjen e shkurtër mes zgjedhjeve të lira, nanoistëve dhe bojkotuesve në koalicionin e opozitës.



Marrëveshja e dy ditëve më parë është pritur me këmbët e parë nga pothuajse të gjithë aleatët e Partisë Socialiste. Me përjashtim të kreut të Lëvizjes Socialiste për Integrim Ilir Meta që dje gjatë një takimi më përkrahës e simpatizantë në zonën e Saukut, e vlerësoi kompromisin si një moment reflektimi nga mazhoranca që sipas tij ka patur në dorë që ta zgjidhte me kohë po që rrezikoi që të provokojë një bojkot të zgjedhjeve nga opozita, krerët e tjerë, Skënder Gjinushi i Partisë Socialdemokrate, Neritan Ceka i Aleancës Demokratike dhe Paskal Milo i Demokracisë Sociale, shprehën rezervat e tyre mbi këtë marëveshjeje. Më i ashpër në komentet e tij ka qenë pikërisht bashkëpunëtori më i ngushtë i Edi Ramës dhe në të njëjtën koihë aleati tradicional i selisë rozë, Gjinushi. Sipas tij marrëveshja e nënshkruar i ka kapërcyer të gjithë caqet e synimet që ka patur koalicioni, duke pranuar në mënyrë indirekte se më këtë dokument opozita nuk ka më asnjë arsye për të përligjur çfarëdolloj skeme destruktive. Madje ai shkoi më tej në komentet e tij duke e etiketuar atë si një marrëveshje të ngjashme mes 2 partive të mëdha në të kaluarën e që sipas Gjinushit prodhuan Megadushkun. Gjinushi e ka vlerësuar si preçedent të rrezikshëm amendimin e Kushtetutës. Nga ana tjetër edhe Ceka kundërshton ndryshimet në Kushtetutë përsa i përket ndryshimit të numrit të anëtarëve në Komisionin Qëndror të Zgjedhjeve pasi sipas tij ndryshimet nuk mund të bëhën për një shkak specifik dhe për një aksion që “synon ta shndërrojë KQZ-në në një institucion thellësisht politik”. Në një komunikim telefonik për mediat, duke ndjekur nga disi larg zhvillimet aleancisti Neritan Ceka ishte i pezmatuar nga përfitimet që LSI-ja e PDK kishin marë falë vetëm një negocimi me të mëdhenjtë. Rezerva ka shfaqur dje edhe kryetari i Partisë Demokracia Sociale, Paskal Milo. Edhe pse ka vlerësuar nënshkrimin e marrëveshjes mes Partisë Socialiste dhe Partisë Demokratike e cila mendohet të konsistojë në uljen e tensioneve politike në vend, Milo, shfaqi vërejtjet për ndryshimet një Kushtetutë. Sipas tij, amendimet parimisht bëhën për gjëra të mëdha që i kapërcejnë kufijtë e dy partive të mëdha politike. Ajo që u regjistrua dje ishte kundërshtimi që kishte mbërritur deri në paradhomën e kryetarit të Partisë Socialiste. Vetë këshilltari juridik i Ramës, Ylli Manjani thirri një seri mediesh për t’u komunikuar atyre mendimin e vet personal, “si jurist”, se marrëveshja ishte nul dhe antikushtetuese nga ana juridike, e që s’i sillte asnjë të mirë Partisë Socialiste, por pastaj një kundëroperacion i kryetarit të PS-*së mbi trustin e medieve që ende kontrollon, solli anullimin e prononcimit dhe shmangien, të paktën për një ditë të krizës që pritet të shpërthejë në të majtë. Tashmë janë të njohura patologjitë bolshevike të së majtës ndaj marrëveshjeve dhe mënyrës se si pranohen humbjet që vijnë nga kutitë e votimit, por sot pritet të shohim një shfaqje të re të rezistencës së socialkomunistëve ndaj një marrëveshjeje që mbron votën e lirë, por varros njëherë e mirë shpresat e disa politikanëve të majtë për të mbijetuar përmes tregtisë që do të kryenin me verdiktin e shqiptarëve.

Re.po.

55