Vdiq shkrimtari nobelist Naguib Mahfouz

[ClaY_MorE]

Shkrimtari Naguib Mahfouz, fitues i çmimit Nobël në letërsi, vdiq sot pasi pësoi një hemorragji në stomak, njoftoi agjencia shtetërore e lajmeve MENA.

Mahfouz, 94 vjeç, ka qenë në terapi intensive që kur pësoi një rënie të presionit të gjakut dhe një mosfunksionim të veshkës.

Ai u shtrua në spital më 19 korrik pasi u rrëzua në rrugë dhe mori një plagë të thellë në kokë që kërkonte një ndërhyrje të menjëhershme kirurgjikale.

Autori egjiptian fitoi çmimin Nobel në vitin 1988, ai ishte autori i parë arab që fitoi një çmim të tillë dhe njihet më shumë për trilogjinë e tij në Kajro në të cilën ai tregon zhvillimet në Egjipt nëpërmjet syve të tre brezave të një familjeje të klasës së mesme.

Mahfouz është shtruar shpesh në spital vitet e fundit. Në vitin 1994 u godit me thikë në qafë nga një militant mysliman për shkak të përshkrimit të Zotit në një nga romanet e tij.

Ai qëndroi shtatë javë në spital dhe thika i kishte dëmtuar një nerv, që i dëmtoi rëndë aftësinë për të shkruar.


30/08/06

Marre tek: Televizioni A1

[Lioness]

Nobelisti egjiptian, Naguib Mahfouz, ka vdekur në Kajro në moshën 94 vjeçare.

Ai është autor i mbi 30 romaneve dhe në vitin 1988 u bë arabi i parë që fitoi çmimin Nobel në letërsi.

Shkrimtari ishte i shtruar në spital që nga muaji korrik, kur u lëndua pas një rrëzimi.

Naguib Mahfouz ishte njëri nga figurat më të rëndësishme të letërsisë moderne arabe.

Ka nga ta që thonë se ai ishte novelisti më i madh arab i shekullit të XX.

Në Egjipt, ku emrat e personazheve të tij u bënë shumë të njohur, ai kishte statusin e një thesari kombëtar.

Nobelist

Por ai ishte i njohur në mbarë botën arabe, pjesërisht ngaqë shumë nga veprat e tij janë bërë drama e filma.

Në skenën ndërkombëtare, Naguib Mahfouz njihet më shumë si fitues i çmimit Nobel. Pas këtij çmimi, shumë nga veprate tij u përkthyen në gjuhën angleze e në shumë gjuhë të tjera.

Ai mbetet i vetmi arab që e ka fituar këtë çmim dhe edhe pse ai i solli famë, mamfouz asnjëherë nuk u largua nga apartamenti i tij modest buzë Nilit në kajro, ku ai jetoi me të shoqen.

Shumica e romaneve të tij bazohen në jetën e egjiptianëve të thjeshtë të Kajros.

Kritika

Stili i tij realist arriti kulmin me botimin në fund të viteve '50 të një sage familjare.

Pas kësaj, shkrimtari eksperimentoi me një stil më mistik, që herë pas herë ngjalli kritika nga konservatorët fetarë.

Romani i tij Fëmijët e Gebelawi-it, u ndalua në Egjipt dhe shkrimtari u akuzua për blasfemi.

Në vitin 1994, Mahfouz u sulmua jahstë shtëpisë nga dy ekstremistë myslimanë, që thuhet se ishin indinjuar nga mënyra se si i trajtonte ai në libra temat fetare.

Shkrimtari u qëllua me thikë në zverk, por mbijetoi.

Fondacioni Nobel e përshkroi Mahfouz-in si të palodhur dhe po të lësh mënjanë arritjet e tij në fushën e letërsisë, si të tillë kanë për ta kujtuar shumë egjiptianë.

[flurans ilia]

Për më tepër material letrar, vizitoni po në këtë forum, në temën Shkrimtar të huaj , tregime të përkthyera, si dhe fjalimin e nobelit, nga Naguib Mahfouz.

[Fiori]

Faleminderit per materialin Flurans. (me lart vendosa dhe lidhjen tek emri i shkrimtarit qe te mund te kaloni menjehere tek tema e tij).


Pershendetje