Totalitarizmi fetar dhe Evropa

[Albo]

Totalitarizmi fetar dhe Evropa

Luan RAMA

Konstatimi i Joshka Fisher se "lufta e tmerrshme në Liban nuk është ajo e botës arabe kundër Izraelit, por ajo e forcave radikale të fesë në këtë rajon", është më se i vërtetë, pasi shumë vende arabe, nga Egjipti e deri te Arabia Saudite apo Jordania, ishin skeptike ndaj kësaj lufte dhe e panë si një sfidë të Iranit kundër Perëndimit dhe si një përpjekje të saj për t'u vendosur në rangun e një fuqie të madhe në Lindjen e Mesme. Por shumëkush pa në këtë luftë se forcat terroriste dolën të fituara në kurriz të shkatërrimit të një vendi të paqtë si Libani që s'kishte lidhje me këtë luftë. Por ajo që është më e rëndësishmja në këtë rajon dramatik është terrorizmi, i cili është problemi numër një i Perëndimit, "e keqja absolute" apo "le mal absolut" siç e cilëson Nobelisti i Paqes, Eli Wiesel, të keqe që e përjetojmë realisht në Evropë apo në Amerikë. Aktet e fundit terroriste në Evropë tregojnë se tensionet janë shtuar dhe se Alkaeda vazhdon të godasë. Për aksionin e fundit terrorist të Londrës "Scotland Yard" e cilësonte atë si një aksion me "dimensione botërore" dhe se ata arritën të "shmangin një 11 shtator të ri". Me të drejtë ministri i Brendshëm i Anglisë, në takimin e fundit të ministrave evropianë në Londër, theksoi se tashmë "duhet një strategji globale në kuadrin e një terrorizmi global". Padyshim, është fakt i pakundërshtueshëm se sot kemi të bëjmë me një luftë që integrizmi islamik i bën Perëndimit dhe vlerave që ajo përfaqëson, demokracisë, lirisë dhe pluralizmit, dhe se në këtë rrugë, integrizmi islamik ka zgjedhur terrorin si armë të vetme për të luftuar. Sot lufta e shpallur kundër Perëndimit bëhet në emër të "luftës për hir të Zotit", në emër të xhihadit dhe diskurseve plot urrejtje të imamëve dhe ajatollahëve të mbajtura në vendet e kultit në metropolet e Evropës, ku integristët nuk kanë munguar të bëjnë thirrje për xhihadin. Fryma anti-perëndimore dhe urrejtja ndaj Perëndimit që shpreh sot Teherani, tregon qartë se në Teheran sundon një totalitarizëm fetar, ku çdo gjë drejtohet nga ideologjia fetare, një totalitarizëm i cili në radhë të parë është i rrezikshëm për popullin iranian si dhe për rajonin aq të brishtë siç është ai i Lindjes së Afërt. Ambicia e Teheranit është e qartë: Të krijojë aleancën shiite Iran-Hezbollah-Siri duke inkuadruar dhe shiitët e Irakut, Pakistanit apo Indisë, etj. Por kjo lidhje bëhet vendimtare po të ketë bombën atomike. Një "Iran atomik" dhe totalitar do të ishte padyshim një nga rreziqet më të mëdha jo vetëm për rajonin, por edhe për Evropën që kufizohet me të. Ja pse Evropa është kaq e angazhuar në çështjen e Sigurisë në kufijtë e Libanit, duke u angazhuar në dërgimin e 7000 trupave paqeruajtëse, që siç u shpreh me të drejtë ministri i Jashtëm italian Massimo d'Alema, "për herë të parë Evropa po angazhohet realisht në Lindjen e Afërt". Ja pse Evropa është e angazhuar për të mos e lejuar Iranin të prodhojë bombën atomike, në kundërshtim me "Kartën e mos-përhapjes së armëve bërthamore" të nënshkruar nga ai shumë vite më parë. Dy ditë para përfundimit të afatit të ultimatumit të Këshillit të Sigurimit më 31 gusht, për ndërprerjen e pasurimit të uraniumit, presidenti iranian Ahmadnexhad do të ripohonte "vendimin e mrekullueshëm të kombit iranian për të përparuar dhe arritur teknologjinë bërthamore". "Irani, - u shpreh ai në inaugurimin e uzinës së re për prodhimin e "ujit të rëndë" (një tjetër sfidë kjo ndaj komunitetit botëror), à nuk do të kthehet mbrapsht në rrugën e tij". Pra, kuptohet që Irani do të vazhdojë në rrugën e tij edhe pse Këshilli i Sigurimit e ka kërcënuar se në të kundërtën do të ndërmarrë sanksione ekonom ike. Irani do të vazhdojë gjithashtu të mbajë një klimë tensioni e të furnizojë organizatat terroriste dhe nga ana tjetër të dhunojë liritë brenda territorit të vet kundër kujtdo që guxon të kritikojë regjimin. Çdo kritikë ndaj regjimit shihet sot si kritikë ndaj ligjit kuranik që është në fuqi, kundër "sharja-s" që dikton drejtimin e shtetit, pra kundër "Fjalës së Zotit" që është mbi gjithçka. Mbyllja e Qendrës së Mbrojtjes së të Drejtave të Njeriut, të drejtuar nga avokatja dhe Çmimi Nobel për Paqen, Shirin Ebadi, tregon qartë për frymën gjithnjë e më të dhunshme të këtij regjimi ndaj lirive demokratike, çka u dëshmua së fundi dhe me burgosjen e një prej intelektualëve më të njohur të Iranit, Jahanbegloo, apo të gazetarit Akbar Gandji. Ajatollahët dhe "ushtarët e Revolucionit islamik" duket se janë më të fortë dhe më indokrinues se kurrë, çka për Evropën dhe Perëndimin në tërësi, si një sistem i njëjtë vlerash, përbën një rrezik real. Është shqetësues së fundi pohimi i Washingtonit kundër kompanive ruse Rosoboronextport për një kontratë të këtyre kohëve me Iranin për modernizimin e bombardierëve iranianë SoukhoiSu-24, të cilët mund të transportojnë dhe armë bërthamore taktike. Po kështu, Washingtoni i ka akuzuar së fundi rusët dhe për furnizimin e Iranit me materiale që ndihmojnë në fabrikimin e armëve të shkatërrimit masiv. Të deklarohesh kundër një "Irani atomik" dhe nga ana tjetër ta furnizosh atë, në skenën internacionale kjo është një "non-sens" dhe një kundërshti e principeve dhe e paktit tashmë të vendosur midis Perëndimit dhe Rusisë në luftën kundër terrorizmit dhe aq më tepër të "mos-përhapjes së armëve bërthamore". Dhe ky pakt duhet respektuar për të shmangur luftëra të tjera, spektri i të cilave shfaqet në horizont.

Për një Islam tolerant
Sot, në Bashkimin Evropian ekzistojnë 20 milionë myslimanë, të cilët përbëjnë 4% të popullsisë së përgjithshme të tij. Pra 20 milionë myslimanë, por jo homogjenë, me një fjalë të prirjeve të ndryshme, siç i gjejmë ata dhe në Angli, në Gjermani, në Francë e Itali, apo dhe në Ballkan. Por nëse do të integrohen në të ardhmen në komunitetin evropian dhe Turqia, Bosnja apo të tjerë, numri i myslimanëve në kuadrin evropian padyshim do të rritet. Pra në sferën e radikalizmit dhe të parandalimit të terrorizmit, e rëndësishme është integrimi i këtyre miliona myslimanëve në principet e shtetit laik, e shtetit të ndarë nga feja, në principet e demokracisë, lirive themelore të individit, të tolerancës dhe të jetës së përbashkët, pavarësisht nga dallimet fetare. Brenda Ballkanit, Shqipëria ka ndërmarrë iniciativa mjaft interesante e të dobishme në kuadrin e dialogut fetar, por po të kalosh kufijtë ballkanikë, ky dialog ndërfetar apo dialog midis besimeve dhe institucioneve shtetërore e shoqërore, ky dialog ka lënë për të dëshiruar. Pas Konferencës Evropiane të Imamëve të mbajtur në Vjenë në prillin e këtij viti, një konferencë tjetër evropiane mblodhi para pak kohësh krerët myslimanë të Evropës për "një Islam progresist". Qëllimi i këtyre konferencave është padyshim organizimi i kësaj "galaksie" fondacionesh e institucionesh të kultit mysliman nëpër Evropë dhe sensibilizimi i tyre drejt tolerancës. Kur mendon se autorë të akteve më të mëdha terroriste kanë qenë studentë të dalë nga universitetet evropiane dhe që janë indoktrinuar në vendet e kultit po brenda Evropës si në Londër, Hamburg, e gjetkë, e kupton rëndësinë që kanë sot institucionet e kultit si dhe rolin e imamëve që predikojnë para besimtarëve të tyre; kupton rëndësinë për të kthyer besimtarët në origjinën e vërtetë të Islamit dhe jo të "Islamit të predikatoreve", pra të Islamit të paqtë dhe tolerant, të hapur ndaj besimeve të tjera. Me të drejtë intelektuali francez Jacques Attali, ish-këshilltari i presidentit Miteran, duke iu kundërvënë integristëve dhe partizanëve të ligjit kuranik mbi shtetin, pohon se "Islami në origjinë është çlirues, vëllazëror, kompatibël me demokracinë, tolerancën, modernitetin". Vallë a nuk mund të bëjmë që dhe islamistët të bëjnë ashtu si dhe kristianët dhe hebrenjtë, të cilët në historinë e tyre politike e ndanë fenë nga politika, pra fenë nga shteti? Por që t'i rikthesh ajatollahët në origjinën e Islamit, me sa duket, do të duhet ende kohë, përpjekje dhe ndoshta luftëra të tjera që tashmë ata i kanë shpallur, do të duhet t'i ndalësh që ata të kenë më së fundi dhe një bombë atomike…

Tirana Observer

[i fundit]

Albo.
Ajo lufte ishte e Izraelit kunder muslimaneve kjo ishte me se e qarte.
Dhe per gjasme ndalimin e atentaeve ne londer nje gje te tille e deshmuan mbi 86% te popullit anglez qe kjo ishte genjeshter.
E keqja vjen nga Izraeli dhe amerika,ata te behen me te bute dhe te drejte qe te shmangin nje lufte boterore,se si eshte e lehte. Te mjaftohen me kaq nafte sa kane marre dhe ti lejne te tjeret zote te shpis se tyre.
Ok ta respektojne paktin e mosperhapjes se armeve berthamore porse dhe Amerika te mos perhape arme te tilla ne linkun me Izraelin....

Heh .
Ore une e di qe ju nuk ju pelqen porse per te tjeret qe akoma nuke dine.
Islami eshte feja e paqes dhe e tolerances po ashtu dhe muslimanet. Evropa nuk ka ndonje te keqe prej tyre perkunrazi, Islami eshte feja me e paster ne bote,me e paqte,me e llogjikshme dhe me moderne. Islami eshte feje ku njeriu eshte i lire absolut,islami eshte feja ku sinqeriteti eshte themeli i saje,islami eshte feja ku nuk kane vend mashtrimet,vjedhjet,vrasjet,imoraliteti,korrupsion i,lufta per post,egoja, et etj plage qe po e mbysin shoqerine tone ku jetojme si shqipetare Europiane dhe Boterore.
Dhe si e tille nuk sjell pengesa ne zhvillim europin e boteror porse vetem perparesi dhe emancipim ne te mire dhe te drejte,ne ate qe eshte me e mira per njerezit dhe kafshet madje.
Shqiperia nuk i ka mare tani keto iniciativa per mbarvajtje dhe kuptim nderfetar,keto kane egzistuar nder shekuj,dhe kjo eshte vetm nje pike ne detin e paster te Islamit dhe Muslimaneve Shqipetare, dhe kjo fale mazhorances muslimane shqipetare. Dhe se Islami si i tille nuk ka nevoje te organizohet nga kopjace per ne tolerance,se vete thelbi i fjales islam eshte tolerance e paqe.

Puna eshte qe cdo kush qe i hedh nje nofke te tille islamit dhe muslimaneve e ka ngaterruar me veten e tij,le te meret me vehten e vet se Islami dhe Muslimanet nuk jane te tille siq i pretendojne disa "thengjille te mbuluar"....

[Qafir Arnaut]

Albo.
Ajo lufte ishte e Izraelit kunder muslimaneve kjo ishte me se e qarte.
...

Booo, kur s'erdha i her te ajo xhamija jote ta kishe kuptuar tamam se cdo te thote 'lufte kunder l(l)ymave' qe dun me zaptu boten e me na pru Qametin me hir a me pahir! Po hajt se kur t'vij ajo dit ti i dashur nuk ke per te qene 'i fundit'

[xfiles]

Sa per luften e izraelit kunder libanit,
Nuk habitem qe ajo eshte lufta e izraelit kunder myslimaneve dhe nuk i ve faj,
perderisa myslimanet urrejne çifutet çfare prisni ju qe t'ju duan?
Islami e shreh qarte urrejen ndaj çifuteve , dhe mendoj se kur dikush te urren do ta urresh, prandaj mjaft me me kete luften e izraelit kunder myslimaneve . me mire shikoni njehere luften e myslimaneve kunder izraelit dhe urrejtjen qe kane mbjellur kunder tyre, kushdo te ishte ne vendin e çifuteve sot do te bente te njejten gje.