Close
Duke shfaqur rezultatin -9 deri 0 prej 5
  1. #1
    .... ...
    Anëtarësuar
    30-01-2005
    Postime
    4,049

    Heshtja që gënjen (Marre nga Shekulli)

    Kush na përfaqëson në shtypin perëndimor? -mendova kur një gazetar i huaj shkruante para disa javësh për Shqipërinë në mënyrë monstruoze. Edhe një ftese për komunikim intelektual brenda shqiptar on line, çelur nga botuesit e “Shekullit”, iu përgjigjja pa hezitim me të njëjtën pyetje retorike. Nuk është dëshira e vjetër totalitariste për të paraqitur jashtë një Shqipëri tjetër, për të fshehur të metat, problemet, dështimet, rudimentet politike, psikologjike, morale e kulturore. Është fjala për të shprehur ne vetë para të tjerëve ato që kemi arritur në vite e shekuj, të kaluarën tonë, aktualitetin, traditat tona, aspiratat, vlerat e krijuara në të gjitha lëmenjtë e ekzistencës.

    Ky prezantim duhet të bëhet normë pune dhe detyrë ditore për ata që e përfaqësojnë zyrtarisht vendin tonë në botë: ambasadorë, diplomatë, përfaqësues të akredituar për shtypin dhe kulturën. (Nëse kemi përfaqësues të tillë e nëse ata kanë vërtetë lidhje profesionale me shtypin e kulturën)

    Vëzhgimet spontane të bëjnë pesimist. Gjatë luftës në Kosovë, për shembull, mediat më të fuqishme botërore kishin një ndikim të çmuar për të ngjallur simpati dhe ndjenja solidariteti ndërkombëtar për shqiptarët e përzënë egërsisht nga tokat e tyre. Në studiot e televizioneve italiane, me sa pamë, nuk mungonte asnjëherë ambasadori i ish-Jugosllavisë, duke përdorur mjetet e tij, truket e manovrat e zanatit për t’i shërbyer deri në fund çështjes që ai mbronte. Në sallë mund të kishte emigrantë shqiptarë, atdhetarë të mrekullueshëm, njerëz pa status, por me zemër të madhe, megjithatë, ata nuk mjaftonin për të hequr nga vëmendja e shikuesve mungesën sistematike të përfaqësuesve të diplomacisë sonë atje për të debatuar, për të përligjur vetveten, për të mbrojtur fundja një çështje absolutisht të drejtë.

    E për cilin rast tjetër duheshin ata? Jo vetëm ky rast, por edhe ngjarje të tjera të bëjnë të mendosh se paraqitjen tonë para opinionit perëndimor e kemi lënë në mëshirë të fatit, në duart e rastësisë, në duart e atyre që për interesat e tyre merren me ne. Të tjerët nuk veprojnë kështu, përkundrazi. Në çdo aktivitet, sado jopolitik qoftë, gjenden gjithmonë njerëz të përgatitur, të aftë dhe të respektueshëm që nga dukje individuale hedhin ide dhe mbrojnë me mjeshtëri pozita që përfaqësojnë interesa më të gjera, më kapitale, më strategjike.

    Me ne ndodh e kundërta. Ne kemi krijuar kulturën e qesëndisjes e të autoironisë vulgare; tregojmë anekdota poshtëruese për vendin e tyre, edhe shpifim kur s’na kujtohet ndonjë gallatë e hajrit, edhe shtojmë mëkate të paqena, kur tabloja nuk del tamam e errët, mjafton që koha të kalojë më këndshëm, mjafton që darka dhe fjetja të na qeraset nga organizatorët.

    Edhe mbas një shekulli shtet shqiptar, ne ende dërgojmë në përfaqësitë tona diplomatike njerëz që shtegtimin më të gjatë në jetë kanë pasur udhën deri në qendrën e lokalitetit. Një mjek veteriner, që kishte sfiduar rëndshëm në garën e zgjedhjeve politike një kandidat të fortë të krahut tjetër e pashë të ikte konsull. Ky mjek veteriner (ky hajvanollog -do të thoshte për të mjeshtri i humorit Qamil Buxheli) fill pasi vaksinoi për herë të fundit gjënë e gjallë në komunën amtare, pa asnjë bagazh tjetër mendor e profesional niset të përfaqësojë Shqipërinë në një shtet evropian. Sa emërime të tilla janë bërë? Me dhjetëra, me qindra. Ata që pakënaqen nga vendi në sofrën e qorrave ose zymtohen papritmas nga hierarkia partiake, kur vjen në pushtet partia e tyre i dërgon jashtë, për ta mbledhur veten, për ta rigjetur buzëqeshjen e humbur .

    Për imazhin e vërtetë të vendit tonë jemi të gjithë përgjegjës, qoftë me produktet e punëve tona, qoftë me sjelljet e përditshme qytetare, qoftë me manifestimet individuale e kolektive. Por edhe ata që kanë pasur poste të rëndësishme, ish- ambasadorë, ish- ministra, zv. ministra a titullarë të çdo niveli, pa e kompromentuar luftën e brendshme politike, jashtë Shqipërisë i kanë mundësitë dhe detyrimet për të shkruar në shtypin serioz. Dhe fjala e tyre ngjall interes, me argumentet e tyre nuk është e lehtë ta bësh të bardhën të zezë e anasjelltas. Aq më të shpenguar e të pakufishëm në të drejtën e tyre janë ata kur në çastin e shkrimit - (eh sikur të kishim vërtetë çaste të tilla) të mos mbanin poste shtetërore. Cila gazetë perëndimore nuk do të mirëpriste një shkrim ose një seri trajtesash nga ish- presidenti Mejdani, për shembull, për problemet e hapësirës shqiptare në Ballkan?! E kështu me radhë.

    Me qindra- mijëra profesorë të shkencave shoqërore, as në konferencat shkencore të zhvilluara këtu nuk marrin mundimin të përgënjeshtrojnë pikëpamje skandaloze të hedhura publikisht para hundës së tyre. Aq më pak duhet shpresuar që profesorëve tanë të shumtë në numër, të rënduar së tepërmi (padrejtësisht, me sa duket) me grada e tituj shkencorë, se do t’iu ntrashet zëri i ngjirur kur kapërcejnë trarët e doganave.

    Shkrimet denigruese kundër nesh si etni nuk janë rastësi, koha e daljes së tyre nuk është e pallogaritur. Nga ana tjetër, duhet të dimë se edhe imazhi i drejtë, i qëndrueshëm e bindës nuk krijohet me fushata, kur sapo të kanë përbaltur, kur sapo të kanë karikaturizuar botërisht.

    Një shkrimi dezinformues të botuar në Londër për lexuesit anglishtfolës i përgjigjemi rrëmujshëm vetëm në shtypin tonë (?!) Trima pas lufte, jashtë fushëbetejës. Një manipulimi sistematik me të vërtetat historike i përgjigjemi vetëm në kafene, nëpër dhëmbë, një veprimi të organizuar për tjetërsimin e përkatësisë së trojeve tona nuk i përgjigjemi as me atë mërmërimën e mjerë të kafeneve të mbipopulluara.

    Respekti për të vërtetën është respekt edhe për të tjerët, respekti për të tjerët është gjithashtu respekt për vetveten. Nëse veten e nënrendit vullnetarisht, akoma më poshtë do të të nënrenditin ty të tjerët, pa dyshim.
    - E di pse kam respekt për Kadarenë ?- më pyeti një francez para dy vitesh. -Sepse është shkrimtar i mrekullueshëm -i thashë- dhe se mund të jetë filo francez, shtova duke qeshur. –Jo, -më tha prerë. - E respektoj sepse ai kurrë, në asnjë rast, nuk e ka sharë vendin e tij dhe popullin e tij. Ka fajësuar politikën, gjeo-politikat, perandoritë e ndryshme, por jo njerëzit e tij.

    Kështu, pa dashur të mjaftohemi me funde të lumtura moralizuese, përsërisim me forcë se jemi në pozita agonie dhe po ia dorëzojmë kartën tonë të identitet të parit udhëtar që na kalon pranë e na afrohet teksa japim shpirt. Por AI s’bëhet kurrë UNË. ATA s’mund të jenë kurrë NE.

  2. #2
    .... ...
    Anëtarësuar
    30-01-2005
    Postime
    4,049
    Ne fillim e bashkangjita kete artikull te nje teme ekzistence, por ne fund vendosa ta le si teme te re, sepse mendoj qe ia vlen te diskutohet me thellesisht.

    Kush eshte pergjegjes ne Shqiperi per "PR" (marredheniet me publikun)? Pervec ministrive te ndryshme (me websites etj) apo ambasadave, sa investohet, apo sa shkruhet nga vete shqiptaret neper mediat e huaja? (I vetmi rast qe kam hasur, qe nje artikull ne Foreign Affairs para disa muajsh. Shpresoj te kete te tjere, mgjth shqetesimi qe ngre autori i artikullit me lart deshmon per te kunderten.) Ndoshta ndersa diskutohet rreth tematikes se artikullit, anetaret mund te sjellin shembuj, artikuj neper mediat e huaja te shkruar nga shqiptaret, per Shqiperine.

  3. #3
    Gezuar Kosoven e Pavarur Maska e dodoni
    Anëtarësuar
    07-11-2002
    Postime
    3,393
    Edhe mua me pelqeu shkrimi shume dhe pajtohem plotesisht me autorin, qe Lioness ka harruar ti vej emrin, Virion Graci.

    Une mendoj qe per kete problem ne rradhe te pare duhet te fajesohet Ministria e Jashtme me ambasadat jashte vendit. Une nuk e di se si percaktohen punet dhe detyrat e pergjegjesite e ambasadave jashte vendit dhe pastaj si vleresohet puna e tyre por mendoj se e di se si duhen percaktuar dhe vleresuar ato. Ambasadat kane per detyre:

    - qe te rregullojne dhe ngrisin marredheniet ndershteterore ne te gjitha fushat, te shtetit qe perfaqesojne me shtetin ne te cilin veprojne

    - te krijojne nje imazh sa me pozitiv per vendin qe perfaqesojne ne shtetin ne te cilin veprojne

    - te ndihmojne komunitetet (duke perfshire edhe emigrantet e ri) e veta jashte, komunitete shqiptare kemi ne pothuajse cdo vend te botes sot

    - te mbrojne interesat shteterore e kombetare te shtetit dhe kombit qe perfaqesojne ne shtetin ne te cilin veprojne etj. etj.

    Ne baze te rezultateve te arritura ne keto fusha duhet te behet edhe vleresimi i punes se tyre dhe te shperblehen ata qe arrijne rezultate te mira (me poste me te larta, me pagesa me te larta, me bonuse etj.) dhe shkarkohen ata qe nuk kane rezultate te mira.

    Per ne SHBA qe di me mire ne lidhje me punen e ambasadave (se atje kemi dy, nje ne Washington dhe nje ne New York) tona atje, une thjeshte jam shume i zhgenjyer, e mendoj qe kemi te bejme me te njejten situate ne pothuajse te gjitha vendet tjera ku kemi perfaqesite tona. Angazhimi i tyre eshte shume minimal, per te mos thene hic fare. Une nuk di asnje shkrim te tyre ne gazetat e vendeve ne te cilat veprojne, asnje ndihmese ne organizimin e komuniteteve tona jashte, thjeshte jane shume, shume pasive, dhe kemi edhe raste korrupsioni (qe nuk ka gje me te turpshme se kjo, te vjedhesh shtetin tend ne vende te huaja) si rasti i Tarifes ne SHBA.

    Ambasadat duhet te jene ato qe ndihmojne komunitetet (lobet tona) jashte qe te organizohen dhe pastaj te dij te shfrytezoj kapacitetet dhe potencialet (vecmas intelektuale) te shqiptareve jashte, sepse jane keta qe mund te japin ndihmen dhe kontributin me te madh ne ceshtje te tilla. Ambasadat duhet ti mbajne shume afer vetes intelektualet tane jashte, te organizojne takime te shpeshta (tekefundit edhe ne vet lokalet e ambasades) dhe te diskutojne, bashkepunojne, koordinojne veprimet e tyre ne arritjen e qellimeve dhe objektivave tona kombetare. Komunitetet apo lobet tona jashte mund te japin ndihmese e kontribute te pallogaritshme ne cdo gje qe mund te kemi nevoje, sepse kane me shume lidhje, jane qytetare te atij vendi, e njohin gjuhen e atij vendi me mire etj. etj. sidomos per reagime ndaj shkrimeve te tilla dhe per mbrojtjen e interesave tona kombetare e kriijimin e nje imazhi sa me pozitiv te vendit dhe kombit tone.
    Ndryshuar për herë të fundit nga dodoni : 29-08-2006 më 19:07
    Leje mos m'trano, pashe zotin!!!!

    Rrofte Shqiperia Etnike

  4. #4
    .... ...
    Anëtarësuar
    30-01-2005
    Postime
    4,049
    Reagim i nje lexuesi te Shekullit ndaj artikullit me siper:

    “Dy motive për përfaqësimin e keq të Shqipërisë jashtë”

    Perfaqesimi i shqiptareve jashte shteti behet akoma me tone mjaft negative, mendoj per dy motive. Se pari, po jetojme nje situate ku njeriu po gjendet gjithmone e me i burgosur ne individualizmin e tij. Ne kete menyre, ai nuk perfshihet ne debate ne vendet e huaja ne te cilin ndodhet. Por çka eshte me dramatike, eshte njolla e zeze e klases sone politike e ketyre 15 viteve te fundi qe po e paraqet ne menyre qesharake Shiperine ne vendet e EU-së.
    Ne nje bar ku shkoj ndonjehere pas pune, per koincidence po flisnim mbreme me Chris (bartender) ne lidhje zakonet apo sjelljet e minoriteteve te ndryshme ne US, (italiano-amerikanet, greke-amerikanet etj.) Dhe Chris permendi shqiptaret. Pa hapur gojen mire, i thashe kujdes lol, mos me shaj, (kam dy-tre vjet qe vete atje, dhe mendoja se e dinte qe isha shqiptare, por Chris nuk e dinte.) Ah, me tha, per vajzat shqiptare s'kam c'te them, ama cunat ... Dhe me tregoi se si nje djale shqiptar qe kishte punuar aty me pare, i kishte thene me plot mburrje se si e mbysim femijen e pare po te jete vajze, apo dhe per natyren patriarkale te shtepise shqiptare (dmth gruaja duhet te beje kete e ate etj). M'u ngriten nervat, nga inati, por me vone kur e mora vesh se per ke djale behet fjale, m'u ngriten me teper. Sepse e njihja, ate dhe familjen e tij, dhe jam shoqe me te motren, qe eshte vajza e madhe (dhe qe eshte shendosh e mire.)
    M'u kujtua ky artikull ironikisht. Cdo individ eshte nje mini-ambasador i vendit, dhe veprimet dhe fjalet e secilit duam apo s'duam reflektojne ne imazhin e pergjithshem. Nuk e kuptoj perse duhet te shpikim qe te tregohemi se jemi "ndryshe/"te forte/"macho"/shqipe ..." dhe te denigrojme e te shtremberojme edhe gjerat qe jane me te shenjta per ne si familja etj ne emer te "autoironise vullgare" sic e ka quajtur autori.

  5. #5
    .... ...
    Anëtarësuar
    30-01-2005
    Postime
    4,049

    Nga blog i Shekullit (reagime ne lidhje me artikullin me lart)

    Nga autori i artikullit:

    Po personalitetet tona si ish ambasadore, ish presidenti(Mejdani-per shembull),ish ministra e zv.ministra te jashtem apo funksionare te shtypit, te kultures, te shkencave shoqerore etj. pse nuk japin panorama per aktualitetin, specifikat,veshtiresite, per Kosoven, per historine tone etj, etj..pse ua leme ne dore rastesive, memeceve, spekullanteve profesioniste a ndonje emigraniti ekonomik qe mezi di ti radhise dy fjale. Dhe kur pergenjeshtrojme shkrimet raciste antishqiptare-pse e ndalim vrapin atje ku s’duhet sepse s’eshte e nevojshme-te shtypi yne, pse nuk shkruajne per ate lexues ku ne u karikaturizuam. Ne momente historike per ne flasin ata qe duan te perfitojne nga rrenimi yne, qe duan te na zhbejne, te na reduktojne ne pakice kulturore e numerike, thjesht ne nocion gjeografik. Po emrat tane te pervecem ne cilet auditore flasin?Kush i degjon? Deri kur do vazhdojme te mbajme mbi supe logot e atyre qe pasi na rrezojne na tallin pse s’po ecim dot me kembet tona.

    -------------------------------------------

    Te japesh opinione per Shqiperine ne gjuhe te huaj,eshte pergjegjesi e madhe,sepse te lexon mbare bota e perparuar qe duke te peshuar c’do fjale te vlereson per mire o per keq.Per pasoje edhe ata qe japin te tilla opinine jane teper te rezervuar,se do mbajne pergjegjesi per ato c’kane thene. Mendimi im eshte se kete pune e lehteson KONSOLIDIMI I AKADEMISE TONE TE RE, ME NJERES KOPETENTE,ME LIGJE TE REJA PER LIRINE E MENDIMEVE TE FAKTUARA,ME SIGURIM TE JETES SE AKADEMISTEVE PER STUDIMET E TYRE SI JANE REALISHT, ME FAKTET BINDESE.Vetem te tilla studime mund te na perfaqesojne ne gjuhet e huaja,sepse ato tani jane te bazuara ne realitetet e historise sone.Ketu askush nuk duhet te thartohet kur keto realitete nuk jane aq te kendeshme,pikerisht kjo frike nuk lejon kristalizimin e vertete TE NJE AKADEMIJE TE RE, BASHKEKOHORE. Kjo frike duhet te perballet dhe jo te na pengoje per te ecur perpara duhen sakrifica te reja,te ndershme,te guximshme.Po, mendimet akademike do jene me te lehta te na perfaqesojne ne shkrimet e huaja,sepse kane baze te forte studimore.

    -------------------------------------------
    Ju me te drejte kerkoni me shume nga figura politike si ministra e ish-e .Nje nga keta mund te ishte edhe I.Meta,psh.
    -Pas asaj qe ndodhi ne Kuvendin e Shqiperise pashe ne TV nje konference per shtyp te I.Metes dhe me beri pershtypje nje shprehje e tij ”civilizimi dhe qytetrimi…”.Nje ish-kryeminister e ish-minister i jashtem ka te drejte te lidh dy fjale te njellojta me nje ”dhe” para shtypit e qe e degjojne te gjithe.Mire une qe qesh hidhur por c’ti bejme te huajve e Gill-ave qe qeshin me ironi.
    -Per shqetsimin tuaj te drejte:Me mire te mos na paraqesin para botes njerez te tille se me shume humbim.


    -----------------------------------------
    Pse ashtu e pse keshtu ? Sepse Ministria e Kultures e derdh parane lume me koncerte Bregoviçesh dhe eurofestivalesh te qelbura qe s’bejne pese leke, dhe nuk merret me te vetmin problem qe, ne syte e mi, meriton te ndalemi mbi te : MESIMI I QENDRIMIT NDENJUR !

    Jo duarkryq, jo, e kam fjalen ne kuptimin e mirefillte te fjales, te qendrosh ndenjur ne nje tavoline pune, me nje liber, pene dhe boje perpara, duke lexuar, menduar, u thelluar, duke e mesuar veten te shkojme sa me prane vetes.

    Shkurt, te shkruash diçka per Shqiperine, eshte e domosdoshme te dish per çfare shkruan, e kjo mesohet vetem nepermjet qendrimit ulur…

    ----------------------------------------
    Per shume arsye por per te permbledhur mendimet e mia shkurt ndoshta ngaqe Shqiperia perben lajm per te huajt vetem ku ka ”probleme madhore” lufte, termete, zjarre etj etj. Po te beni nje kerkim neper faqet e internetit te agjensive te lajmeve apo gazetave europiane do te shikoni qe 99% e rezultateve me emrin e Shqiperise kane te bejne me kesisoj rastesh.
    GJithashtu fatkeqesisht Shqiperia si territor dhe njerezit e saj nuk jane shquar ndonjehere per nje veçanti ne forma aq te larta sa te terheqe vemendjen KONSTANTE te lexuesit te huaj mbi historine, artin dhe turizmin si 3 nyje kyçe per t’u interesuar per nje vend te huaj. Automatikisht eshte shume e veshtire qe shkrimet mbi Shqiperine edhe kur jane te shkruara nga njerez me dy mend ne koke te pranohen ne nje gazete te huaj keshtu si pa teklif pa patur nje arsye te vertete. Sikur te hidhej perpjete Moisiu qe te prezantohej ne media nje vizite zyrtare e tij ne France kurkush nuk do te hidhte nje rresht ne ndonje gazete sepse nuk ka kurrfare interesi.
    Eshte edhe nje faktor i trete qe ne opinionin tim esht eme i rendesishmi: Marketingu politik ne arenen nderkombetare qe eshte detyre e shtetit. Ky shtet nuk ka as traditen, as kapacitetet intelektuale, as mundesite dhe mbi te gjitha nuk ka se çfare te ”shese” ne arenen nderkombetare.
    Prandaj ndodh qe kemi vetem cinike e satrape si tipi i A.A.Gill qe shkruajne mbi Shqiperine.


    -------------------------------------------
    shqiptaret nuk kane haritur te perfaqesojne veten brenda vendit dhe jo me jashte. Jemi ne nje vend plote kontradita dhe ne qofte se dalim para opinionit te jashtem ngelet per te deshiruar .

    ------------------------------------------
    Perfaqesimi i Shqipetareve jashte shteti behet akoma me tone mjaft negative, mendoj per dy motive: se pari po jetojme nje situate ku njeriu po gjendet gjithmone e me i i burgosur ne individualismin e tij. Ne kete menyre ai nuk perfshihet ne debate ne vendet e huaja ne te cilin ndodhet. Por ç’ka eshte me dramatike eshte njolla e zeze e klases sone politike e ketyre 15 viteve te fundi qe po e paraqet ne menyre qesharake Shqiperine ne vendet e EU.

    -----------------------------------------
    Mua me duket qe behet fjale per PR (Public Relations = lidhjet me publikun) qe eshte e veshtire per nje njeri ose nje subjekt e jo me per nje komb te tere me te gjitha hallet qe na kane zene ne shqiptaret me shekuj. Ne vend te huaj ne tregojme cilet jemi me sjelljen tone, me zellin, dashurine per punen, besen, parimin, shoqerimin, dliresine etj. Nuk do njeri te lexoje pacavure mburrese ne gazeta. Te huajt qe vijne ne Shqiperi shohin cfare shohin e degjojne cfare degjojne e cfare ju tregojme ne. Mund tju tregojme gjera te tjera por ma do mendja qe na pelqen te mburremi dhe me gjera qe nuk duhet mburrur e te qahemi per gjera qe e mbase duhet qare por eshte me mire te perpiqemi te bejme e ti qahemi njeri-tjetrit se pari. Fundja ai realitet eshte e derisa ta ndryshojme qente do te lejne. Po karvani le te ece … Hakmarrja me e mire eshte suksesi.

    -------------------------------------------
    Une shpreh mendimin se sa i perket perfaqesimit te shqiptareve-mergata ne perendim ka bere nje pune te madhe ne perfaqesimin dhe mrojtjen e kultures sone dhe ineresave strategjike.Konkretisht ne SHBA shqiptaret kan arritur suksese marramendese ne kete drejtim.Sa i perket ”emigranteve ekonomik”,aty ka nga ata qe kan deshire qe ti ndihmojn popullit te vet por mundesite i kan te kufizuara.Por shumica e tyre ne qofte se nga asgje krijojn ne shume raste kapital ne shkalle te kenaqshme atehere ata shqiptare edhe din cka te kerkojn per vendin e vet dhe ti mbrojn interesat e popullit.
    Une mendoj se kjo ceshtje ne kete moment eshte ne vendnumrim sepse per momentin organet shteterore shqiptare nuk kan arritur qe te vetdijesohen se sa i rendesishem eshte relacioni public(public relations),dhe se keto organe nuk kan arritur qe te angazhohen ne nje dialog te sinqerte dhe serioz me komunitetet shqiptare ne perendim per shume ceshtje te cilat po qe se materializohen do te perfitonin shqiptaret ne trojet e tyre.
    Ne anen tjeter ne perendim eshte duke jetuar gjenerata e dyte e shqiptareve .Kjo gjenerate eshte shkolluar.A komunikojn organet shteterore shqiptare me kete gjenerate?Cfare qasje strategjike kan institucionet shteterore ndaj ksaj gjenerate? etj.etj.
    Sa i perket sulmeve raciste ndaj nesh;segmente te ndryshme europiane ende vazhdojne qe te kene qasje raciste ndaj kultures dhe interesave strategjike tona,siq ishte rasti i fundit i gazetes Londineze.Ne ende vazhdojme qe te mbrohemi ndaj ketyre sulmeve me emocione-te cilat jan te kuptueshme,por menyra me e mire eshte ajo e qasjes legale sepse ne Unionin Europian sundon ligji.Protesta me shkrim do te ishte e sukseshme po qe se do te ishte gjithperfshirese,dmth gazetes Londineze do ti shkruheshin mijra letra.
    Megjithate,une mendoj se gjerat levizin ne drejtimin e duhur.Te gjithe treguesit japin shenja premtuese per nje te ardhme te begatshme,andaj ne duhet qe te kapitalizojme sa me shume ne kete drejtim ne menyre qe gjeneratat e reja te kene nje jete normale ne trojet e veta.Ju faleminderit!


    PS: Emrat e replikuesve nuk i kam vendosur. Per me shume, (apo te interesuarit) mund te shohin blog-un e Shekullit.

Tema të Ngjashme

  1. Shekulli i ardhshëm është SHEKULLI I ISLAMIT
    Nga Djali mir në forumin Komuniteti musliman
    Përgjigje: 39
    Postimi i Fundit: 01-07-2009, 19:50
  2. Thomas Hopko: "Besimi Orthodhoks" (4 volume)
    Nga Albo në forumin Komuniteti orthodhoks
    Përgjigje: 5
    Postimi i Fundit: 24-02-2009, 05:10
  3. Kodikët e Shqipërisë
    Nga Albo në forumin Komuniteti orthodhoks
    Përgjigje: 15
    Postimi i Fundit: 27-12-2005, 15:25
  4. A është heshtja gënjeshter?
    Nga s0ni në forumin Filozofi-psikologji-sociologji
    Përgjigje: 15
    Postimi i Fundit: 17-06-2004, 17:14
  5. Kina, heshtja e vendit te tri boteve.
    Nga Enri në forumin Problemet ndërkombëtare
    Përgjigje: 3
    Postimi i Fundit: 31-01-2004, 19:03

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •