Vetëm gruaja di të....

[Agim Doçi]

Kur Rilindasit jepnin jetën për një shkronjë
dhe ABETAREN e shkruan me gjak
Në kuadratet e 36 shkronjave nisa të parakaloj
si ushtar i këngës...ndaj shpirti nuk m'u plak!

[Agim Doçi]

Mëngjeset janë shumë të vështirë
kur humb dëshira për t'u zgjuar...
nata e mbytur në errësirë
me dhëmbë vetmie na ka kafshuar

ditë e Mërrkur u fundos në pritje
në detin e mallit të shpirtit tim...
një psherëtimë makth mërzitje
e mbyt mesjavën në kët’ trishtim.

Vullnet i Zotit - i qofshim falë.
Paguajmë ndjenjën me çmim të lartë!
Përse kaq larg, kur jemi gjallë?
Përse kaq pranë ky mall i zjarrtë?

Na djeg çdo çast në prush të tij
Na përvëlon na bën të vuajmë
Bekuar qofsh ti dashuri
paçka se shtrenjtë po e paguajmë

[hope31]

mjeshter i vargut jeni, z.Agim

urime

[Agim Doçi]

Or hope 31! Te falem nderes per fjalet e ngrohta. Bah! sonte qenkam pus...

Në guzhinën e trishtimit
Gjella ishte shumë e ftohtë
Porosita dy psherëtima
Dhe një gotë dopio me lotë…

[Agim Doçi]

Kredi do të desha të merrja nga ti.
Po ti ke harxhuar prej kohësh gjithshka.
Me borxhet e tua kam blerë xhelozi
Me borxhet e mija dhe loti u tha...

[Agim Doçi]

jam shumë i lodhur me egërsinë
dhe me dyshimin që njerëzit kanë.
Më mirë i vetëm me poezinë
sesa me njerëzit që veten hanë!...

[fjollat]

Më mirë i vetëm me poezinë
sesa me njerëzit që veten hanë!...

lool... definitivisht!

[Agim Doçi]

Nuk di te leh si qen
madje nuk kam as bisht
Te me thonw "kafshe besnike"
Te me tregojne me ...gisht!

[Agim Doçi]

A bëhemi ortakë?! - më foli mbrëmë një dhelpër...
Unë mbeta i habitur vërtetë nga propozimi
Mendova: - po kjo skile, pse s'gjeti dikend tjetër
dhe ika nga kontrata...u futa tek zhgënjimi!!!

Zhgënjimi qenka brenga, që të heq zvarrë gjith jetën
Pranverën e zhgënjyer e krahasaj me...vjeshtën.

[Agim Doçi]

Sa paradoks që qenka jeta!?...
se lumturinë s'e preka kurrë...
në shtrat të saj...gënjyer mbeta
si një pacient komplet sëmurë...