Të drejtat e gruas në Islam

[DEN_Bossi]

Allahu i Madhëruar thotë në Kuran: “Dhe nga faktet e Tij është që për të mirën tuaj, Ai krijoi nga vetë lloji juaj palën tjetër (gratë), në mënyrë që tek ato të gjeni prehje, dhe mes jush krijoi dashuri dhe mëshirë. Në këtë ka argumente për njerëzit që mendojnë.” (Rum, 21).

Po ju drejtohem ju grave, bijave të Havasë, kudo qofshi, në jug a në veri, në lindje a në perëndim. A e dini se si kanë jetuar gjyshet tuaja para misionit të Profetit të madh të njerëzimit, Muhamedit (a.s.)? A e dini se cilat janë tri veçoritë thelbësore të jetës bashkëshortore, për të cilat ka folur Zoti i botërave dhe ia ka mësuar Muhamedit (a.s.)?

E kam fjalën për prehjen seksuale, për të cilën të dy bashkëshortët kanë nevojë për njëri-tjetrin, për dashurinë, e cila i kalon kufijtë e bashkëshortëve dhe pasqyrohet në dy familjet përkatëse, e prej këtej zënë fill respekti, dashamirësia dhe bashkëpunimi. Ndërsa e treta është mëshira, e cila plotësohet me fëmijët e bashkëshortëve, të cilët, në pamje të parë janë të shkëputur, por në të vërtetë ata përfaqësojnë prindërit dhe janë një nyjë e fortë mes tyre.
Nëpërmjet këtyre hallkave përhapet më tepër ndjenja e mëshirës dhe solidaritetit mes njerëzve.

Ejani o gra, t’ju tregoj se si kanë jetuar gjyshet tuaja më parë!
Atëherë të gjitha gratë ishin pre e plot padrejtësive të burrave e tyre, kudo që ndodheshin. Ato trajtoheshin njëlloj. Nuk kishte dallim ndërmjet të diturave dhe të paditurave, as ndërmjet idhujtareve dhe ithtareve të librave të shenjtë. Gruaja atëherë shitej dhe blihej si mall tregtar apo dhe më keq, si kafshë. Ajo detyrohej të martohej apo dhe të prostituonte. Ajo linte trashëgimi, por nuk trashëgonte asgjë nga të tjerët. Ajo ishte pronë e të tjerëve dhe vetë nuk zotëronte asgjë. Pjesa më e madhe e burrave e ndalonin gruan të përdorte pasurinë e saj, nëse kishte, pa lejen e tyre. Ata mendonin se burri kishte të drejtë të bënte ç’të donte me pasurinë e gruas së tij, pa e përfillur fare atë. Shumë burra ishin të mendimit se shpirti i grave nuk ishte i përjetshëm si ai i burrave. Po ashtu, shumë prej tyre mendonin se adhurimet e grave ishin të pavlera, pasi ato nuk do ta shijonin kurrë Parajsën.

Një këshill romak shpalli se gruaja ishte kafshë e pisët dhe pa shpirt të përjetshëm. Sipas tyre, ajo duhet të ushtronte adhurimin, të bindej dhe të shërbente, por ajo nuk duhet të qeshte dhe nuk duhet të fliste. Ata mendonin se ajo ishte grackë e shejtanit. Pjesa dërrmuese e legjislacioneve të atëhershme e lejonin prindërin t’i shiste vajzat e tij. Disa arabë mendonin se babai ka të drejtë ta vrasë vajzën e tij, madje dhe ta varrosë të gjallë në dhé. Disa mendonin se nuk kishte dënim dhe as shpagim për atë burrë që vret një grua.
E drejta më e rëndësishme që fituan gratë e asaj kohe përkon me periudhën pas lindjes së Muhamedit (a.s.) dhe para profetësisë së tij. Atëherë populli francez, pas polemikash dhe kundërshtimesh të shumta, vendosi vetëm se gruaja ishte njeri, porse ajo ishte krijuar për t’i shërbyer burrit.
Profeti Muhamed (a.s.) u lind 571 vjet pas lindjes së Isait (a.s.). Francezët e miratuan vendimin e sipërpërmendur për gratë vetëm në vitin 586, pra 15 vjet pas lindjes së profetit Muhamed (a.s.). Asokohe ai dhe të tjerët nuk e dinin se si do të ndryshonte rrjedha e njerëzimit në përgjithësi dhe pozita e gruas në veçanti.

A e dini ju, o bija të Havasë, se çfarë ndodhi me të drejtat e grave pas ardhjes së Muhamedit (a.s.), mëshirë për mbarë njerëzimin?
Këtë po jua tregoj sot, ndërkohë që ne po kujtojmë me mallëngjim lindjen e Muhamedit (a.s.), këtij njeriu të madh.

Muhamedi (a.s.) u dërgua profet për mbarë njerëzimin në fillim të shekullit VII. Ai i ftoi njerëzit të adhuronin një Zot të vetëm, të ndryshonin dhe të braktisnin zakonet e vjetëruara e të shtrembëruara fetare dhe t’i jepnin fund fanatizmit të egër. Gratë muslimane patën një fat të madh nga kjo reformë e përgjithshme, pasi nuk kishte ndodhur kurrë më parë që një legjislacion të kujdesej për to ashtu siç kujdesej dhe mbronte të drejtat e tyre feja islame.

Vazhdon.......

[i fundit]

JA nje link ku mund te gjesh rreth ksaj ceshtje.
http://www.albislam.com/gruaja/gruaja.asp?NrGruaja=243

[Force-Intruder]

"After me, I have not left any `Fitnah' (trial and affliction) more harmful to men than women."
Muhammad - Sahih Bukhari, vol. 7, bk 67, no 5096

Muhammad did not intend to emancipate women and in spite of considering them to be harmful to men, this did not prevent the prophet from having at least ten wives, and by some estimates, as many as 14. They may have been just too much competition for him since the prophet was known to have perfumed his body, painted his eyes, and dyed his hair.

(Source: Will Durant, "The Age of Faith" 1950)

[i fundit]

"After me, I have not left any `Fitnah' (trial and affliction) more harmful to men than women."
Muhammad - Sahih Bukhari, vol. 7, bk 67, no 5096

Muhammad did not intend to emancipate women and in spite of considering them to be harmful to men, this did not prevent the prophet from having at least ten wives, and by some estimates, as many as 14. They may have been just too much competition for him since the prophet was known to have perfumed his body, painted his eyes, and dyed his hair.

(Source: Will Durant, "The Age of Faith" 1950)

Muhammdei (alejhi selam) ishte personi qe me se shumti i integroi grate ne shoqeri,ku dihej qe ne ate kohe gruaja ishte e poshteruar.
Kjo shihet qe ne vemendjen e tij ndaj tyre per mesim,shkollim,emancipim.
Deri para 70-80 vjetesh gruaja nuk kisht te drejte qe ta shohe burrin e saje para martese ,ate e martonin famijla.
Kurse ishte ky njeri Muhammdei (alejhi selam) qe ne shume hadithe ka thene dhe nxitur qe : cdo njeri para se te martohet le ta shikoje dhe te njihet me partnerin e ardhshem te tij,me qellim qe martesa te jete e frytshme dhe e gjate.
Ishte Muhammedi (alejhi selam) qe me gruan e tij dilte dhe shikonin garat me kuaj,apo sporte te tjera qe praktikoheshin ne ate kohe.

[La_Lune]

"After me, I have not left any `Fitnah' (trial and affliction) more harmful to men than women."
Muhammad - Sahih Bukhari, vol. 7, bk 67, no 5096

Muhammad did not intend to emancipate women and in spite of considering them to be harmful to men, this did not prevent the prophet from having at least ten wives, and by some estimates, as many as 14. They may have been just too much competition for him since the prophet was known to have perfumed his body, painted his eyes, and dyed his hair.

(Source: Will Durant, "The Age of Faith" 1950)

E di interpretimin e hadithit me lart

"After me, I have not left any `Fitnah' (trial and affliction) more harmful to men than women."
Muhammad - Sahih Bukhari, vol. 7, bk 67, no 5096

Me thuaj kush eshte arsyeja qe meshkujt ne ditet e sotme tradhtojne ne nje lidhje?Ose me thjeshte veshja qe haset sot tek femrat eshte provokuese apo jo?Krijon fitne apo jo?
Te pershendes.

[DEN_Bossi]

GRUAJA ËSHTË NJERI NJËLLOJ SI BURRI

Muhamedi (a.s.) ia bëri të qartë të gjithë njerëzve argumentet e Allahut të Madhëruar se gruaja është e barabartë me burrin dhe se njerëzimi nuk mund të ngrihet pa ata të dy. Zoti i Plotfuqishëm thotë në Kuran:

“O njerëz! Ne ju krijuam prej një mashkulli dhe një femre dhe ju bëmë popuj e fise për ta njohur njëri-tjetrin. Më i nderuar te Zoti është më i devotshmi ndër ju. Me të vërtetë Allahu është i Gjithëdijshëm dhe asgjë nuk i fshihet Atij.” (Huxhurat, 13).

“O njerëz! Kini frikë Zotin, i Cili ju krijoi vetëm prej një njeriu, prej atij krijoi bashkëshorten e tij, kurse prej këtyre të dyve krijoi shumë meshkuj e femra.” (Nisa, 1).

“Allahu ka krijuar gratë nga lloji juaj, e nga gratë tuaja ju jep djem e nipa dhe ju furnizon me ushqime të mira.” (Nahl, 72).

Gjithashtu, Profeti (a.s.) ka thënë: “Gratë janë motra të burrave.”



PJESËMARRJA E GRAVE ME BURRAT NË RITET FETARE DHE NË NGJARJET E TJERA SHOQËRORE

Gratë i shoqërojnë burrat në ritet fetare, siç janë namazi me xhemat, namazi i xhumasë dhe namazet e dy bajrameve. Ato mund t’i ndjekin bashkarisht me burrat këto rite fetare, por nuk e kanë detyrim, pasi kanë lehtësim nga Zoti i Madhëruar për të mos u tejngarkuar. Këto rite gratë mund t’i kryejnë fare mirë edhe në shtëpi. Profeti (a.s.) i ka lejuar gratë me menstruacione që të afrohen në namazgja kur falet Bajrami, të marrin pjesë në këtë ceremoni mbarëshoqërore, edhe pse nuk falen. Edhe kryerja e haxhit është obligim për gratë, ashtu siç është për burrat. Gjatë kohës së ihramit në haxh, ato e kanë të ndaluar të mbulojnë fytyrën dhe të veshin dorashka.
Gratë janë një faktor tepër i rëndësishëm për shoqërinë dhe krahu i djathtë i burrave. Allahu i Madhëruar shpesh i përmend bashkë burrat dhe gratë kur flet në Kuran për çështje të ndryshme:

“Besimtarët dhe besimtaret janë të dashur për njëri-tjetrin, urdhërojnë për të mirë dhe ndalojnë nga e keqja, e falin namazin dhe e japin zekatin, respektojnë Allahun dhe të Dërguarin e Tij. Allahu ka për t’i mëshiruar ata, se Ai është i Plotfuqishëm dhe i Gjithëdijshëm.” (Teube, 71).

Allahu i Madhëruar i ka cilësuar besimtaret autoritare, ashtu si dhe burrat, me të drejtën e miqësisë, dashurisë, bashkëpunimit ekonomik, atij shoqëror, të drejtën politike dhe atë luftarake.
Është fakt se Sheriati Islam nuk e ka bërë luftën obligim për gratë. Gratë e Profetit (a.s.) vërtet dilnin në luftë, por ato merreshin me trajtimin e të plagosurve, përgatisnin ushqimin, u jepnin ujë luftëtarëve dhe nxisnin për qëndrueshmëri në fushën e betejës. Në Luftën e Uhudit Aishja, Ummu Sulejmi e gra të tjera u jepnin ujë luftëtarëve dhe u pastronin plagët. Kur u plagos Profeti (a.s.), vetë Aishja ia pastroi plagën dhe ia lidhi.



TË DREJTAT E GRUAS NË ARSIM DHE EDUKIM

Allahu i Madhëruar ka qartësuar se Ai e ka dërguar Muhamedin (a.s.) për t’i nxjerrë njerëzit nga errësira e injorancës në dritën e dijes. Vlera e diturisë është përmendur në shumë ajete kuranore. Profeti (a.s.) i nxiste shokët e tij që të mësonin shkrim e këndim dhe të jepeshin pas diturisë. Transmetohet se Shifa Bintu Abdullahu e ka mësuar Hafsanë, vajzën e Omerit, të shkruante.
Gratë kanë marrë pjesë bashkë me burrat në interesimin për dituri. Ato kanë luajtur një rol tepër të rëndësishëm për përhapjen e mesazhit islam edhe në fusha të tjera. Ka pasur prej tyre që kanë transmetuar hadithe nga Profeti (a.s.), që kanë qenë poete, letrare dhe shumë prej tyre janë shquar në shkenca apo arte të ndryshme. Diturinë që ato kishin, veç fëmijëve të tyre, ua mësonin edhe të tjerëve.
Burrat dhe gratë janë të barabartë në çdo obligim që ka urdhëruar Allahu i Madhëruar, me përjashtim të atyre rasteve që janë specifike për femrat. Gjithashtu, ato nuk e kanë për detyrë luftën, siç e përmendëm më sipër.
Hadithi “Kërkimi i diturisë është detyrë për çdo musliman” përfshin edhe muslimanet, dhe për këtë pajtohen të gjithë dijetarët e Islamit, ndonëse në tekst nuk është përdorur fjala “muslimane”.


TË DREJTAT EKONOMIKE TË GRAVE

Islami i hodhi poshtë të gjitha zakonet e arabëve dhe të tjerëve që e ndalonin gruan nga e drejta e pronësisë dhe kushtet e rrepta që ata kishin vënë në mënyrën se si duhet të administronin gratë pasurinë e tyre personale. Po ashtu, Islami i ndaloi burrat që të bënin ç’të donin me pasurinë e bashkëshorteve. Pra, feja islame u caktoi grave të drejtën e pronësisë dhe administrimin e ligjshëm të saj. Legjislacioni islam vendosi që gruaja të gëzojë të drejtën e trashëgimisë, dhe jo vetëm kaq, por asaj i takon mergjuri që duhet t’ia japë burri, shpenzimet për të dhe fëmijët e saj, edhe nëse është e pasur. Asaj i takon e drejta e shitblerjes, dhurimit apo e dhënies si sadaka e pronës së saj personale. Gjithsesi ajo duhet të marrë dhe pëlqimin e bashkëshortit për këtë gjë.

[DEN_Bossi]

DREJTIMI I FAMILJES NGA BURRI: - KONSULTË DHE JO AUTOKRACI

Ka shumë tekste nga Kurani dhe tradita e profetit Muhamed (a.s.) që flasin për drejtimin e shtëpisë dhe familjes sipas porosive të Zotit. Allahu i Madhëruar thotë në Kuran: “Kaloni jetë të mirë me to! Nëse i urreni ato, bëni durim, se ndoshta Allahu jep shumë të mira në diçka që ju e urreni.” (Nisa, 19).

Profeti (a.s.) porosit: “Besimtari nuk e qëllon besimtaren; nëse urren një cilësi të saj, i pëlqen një virtyt tjetër.”
Siç shihet, hadithi mbështet ajetin e mësipërm kuranor dhe që të dy flasin për të njëjtën temë. Në thelb, marrëdhëniet mes bashkëshortëve duhet të karakterizohen nga dashuria e plotë për njëri- tjetrin. Ata nuk duhet të lënë asnjë shkas për ta urryer njëri-tjetrin. Të dy bashkëshortët duhet të punojnë sipas rregullave bazë të Sheriatit, dhe për gjëra që nuk janë përcaktuar nga ky i fundit duhet të marrin miratimin e njëri-tjetrit, për të shmangur dëmet dhe konfliktet. Asnjëri prej tyre nuk duhet ta ngarkojë tjetrin tej mundësive. Thelbi i këtyre çështjeve shtjellohet më qartë në ajetin kuranor vijues: “Nënat, – ato që duan ta plotësojnë gjidhënien, – janë të obliguara t’u japin gji fëmijëve të tyre dy vite të plota. I ati i fëmijës është i obliguar për furnizimin dhe veshmbathjen e tyre ashtu si është rregulli. Askush nuk ngarkohet më tepër mundësive të tij. Asnjë nënë nuk bën të dëmtohet me fëmijën e saj, e as babai me fëmijën e tij. Po ashtu është i obliguar edhe trashëgimtari (i fëmijës). E nëse pas një konsultimi dhe pëlqimi (prindërit) shfaqin dëshirën për ndërprerjen (më herët) e gjirit, nuk është ndonjë mëkat për ta.” (Bekare, 233).

Gjithashtu Profeti (a.s.) thotë: “Pranojeni këshillën që grave t’u bëni mirë! Vërtet gruaja është krijuar nga brinja. Laku i brinjës është në pjesën më të sipërme të saj. Nëse provon ta drejtosh, do ta thyesh, e nëse e lë si është, ajo mbetet e shtrembër. Prandaj pranoni këshillën ndaj grave.”
Natyra e gruas është e brishtë, delikate dhe tepër sentimentale, prandaj burri duhet të jetë shumë i kujdesshëm në trajtimin e saj. Shpeshherë, për gjëra të zakonshme burri nuk duhet të këmbëngulë që gruaja t’i ndryshojë ato, por t’i lërë në natyrshmërinë e saj, për aq sa ato nuk shkaktojnë probleme.
Në mbështetje të temës, po citojmë disa thënie të ndritura profetike, të cilat duhet t’i vëmë në praktikë me devotshmëri, dhe jo vetëm t’i lexojmë e të na bëjnë përshtypje sa për momentin.
Profeti Muhamed (a.s.) ka thënë: “Më i miri prej jush është ai që është më i mirë për familjen e tij dhe unë jam më i miri prej jush për familjen time.”
Në një hadith tjetër Profeti (a.s.) thotë: “Më të mirët prej jush janë ata që janë më të mirët për gratë e tyre.”



KUJDESTARIA E MARTESËS DHE LIRIA E GRUAS PËR TË ZGJEDHUR BASHKËSHORTIN

Islami i ka dhënë të drejtë kujdestarit të femrës që ta martojë atë, ashtu siç i ka dhënë asaj të drejtë që ta pranojë atë martesë nëse i pëlqen, apo ta refuzojë atë. Islami nuk i lejon kujdestarët e grave që t’i martojnë bijat, motrat apo të tjera, pa miratimin e tyre. Kjo ka qenë një padrejtësi e ushtruar para Islamit, madje kjo lloj martese ndodh së tepërmi edhe sot në shoqëri, ku prindërit detyrojnë vajzat e tyre të martohen me njerëz që ato nuk i duan. Ndodh që prindërit ta martojnë vajzën e tyre me dikë të papërshtatshëm për të, dhe që këtu fillojnë armiqësitë dhe problemet mes dy familjeve, në vend që ato të karakterizohen nga marrëdhëniet e ngrohta dhe respekti i ndërsjelltë. Prindërit nuk kanë të drejtë ta martojnë vajzën me njerëz që ajo nuk i pëlqen.
Ibn Abasi transmeton se Profeti (a.s.) ka thënë: “Vejusha ka më tepër të drejtë sesa kujdestari i saj për të vendosur për martesë, ndërsa miratimi i vajzës së pamartuar më parë është heshtja e saj.”

Pra, vajza e pamartuar më parë nuk e ka për detyrë ta shprehë hapur miratimin e saj, për arsye se mund t’i vijë turp, por nëse ajo nuk është dakord, duhet ta thotë patjetër vendimin e saj. Disa dijetarë kanë thënë se heshtja e vajzës nuk konsiderohet miratim për martesë nëse vetë ajo nuk është në dijeni për këtë rregull, prandaj asaj i duhet mësuar kjo gjë.

Abdullah Ibn Burejde citon të atin të ketë thënë: “Një vajzë shkoi te Profeti (a.s.) dhe i tha se i ati e kishte martuar me djalin e vëllait të tij...” Profeti (a.s.) e la në dorë të saj të bënte ç’të donte. Ajo i tha Profetit (a.s.) se e kishte pranuar vendimin e babait, por donte të jepte një mësim për të gjitha gratë e tjera, se kjo punë nuk ishte në dorë vetëm të baballarëve, por edhe në dorë të tyre.
Ajo donte të thoshte se gratë nuk mund të detyrohen të martohen me njerëz që nuk i pëlqejnë.

Tirmidhiu shënon nga Ebu Hurejra se Profeti (a.s.) ka thënë: “Nëse kërkon të fejohet dikush të cilit ia pëlqeni fenë dhe moralin, martojeni, se në të kundërtën do të jetë sprovë në tokë dhe telash i madh.”

[Force-Intruder]

Me thuaj kush eshte arsyeja qe meshkujt ne ditet e sotme tradhtojne ne nje lidhje?

TE JENE PERSERI FEMRAT?

[DEN_Bossi]

APEL DREJTUAR SEKSIT TË DOBËT


A e kuptuat të nderuara motra dhe nëna se Muhamedi (a.s.), vula e profetëve, erdhi me një fe madhështore, me dispozita të urta dhe kuptimplota? A nuk e shihni se Islami i ka dhënë fund njëherë e përgjithmonë dhunës së burrave ndaj grave dhe abuzimit të tyre me ju. A nuk e shihni se Islami i hedh poshtë të gjitha ato zakone të mbrapshta, të cilat janë për shfrytëzimin e njeriut nga njeriu, dhe ju fton drejt Islamit madhështor që e vlerëson njeriun, e në mënyrë të veçantë femrën e brishtë.

Ata që pasojnë Islamin nuk bëhen pjesë e padrejtësisë ndaj gruas që, për fat të keq, vazhdon të jetë e pranishme edhe në ditët tona, në të ashtuquajtura vende të qytetëruara. Në ato vende motrat tuaja ankohen për fatkeqësitë që i kanë kapluar dhe nuk gjejnë dot rrugëdalje. Përhapja e prostitucionit dhe marrëdhëniet e paligjshme në ato vende e ka shkatërruar popullin, e në mënyrë të veçantë femrën. Fatkeqësisht, sot në botën e qytetëruar femrat shiten si bagëti nga njëri vend në tjetrin, duke u shfrytëzuar si qenie të pashpirta.
Reforma islame muhamedane kërkon që çdo femër të ketë një njeri përgjegjës dhe të ligjshëm për të, i cili i mjafton që ajo të jetë grua zonjë, e ndershme dhe fisnike. Duke ecur në gjurmët e Islamit, femra muslimane është një vajzë e ndershme, një grua e mirë dhe e zonja, një nënë edukatore dhe e dashur. Edhe ato që privohen nga të qenurit bashkëshorte apo nga mëmësia, nuk privohen nga përkujdesja dhe nga vendi i tyre në mjedisin rrethues.

Nëse në vendet perëndimore e më gjerë do të zbatohej legjislacioni islam, do të shihnim se si do të zhdukeshin prostitucioni i ligjëruar me ligj dhe bashkëjetesa jashtë martese, do të shihnim se nuk do të kishte më miliona gra të veja, të privuara nga jeta bashkëshortore.

Në Islam të gjithë do të kishin trajtimin e duhur për të siguruar mbështetje për gratë në nevojë dhe për të parandaluar me të gjitha mjetet e mundshme shfaqjet e imoralitetit dhe shfrytëzimin e njeriut.

Jo më kot gratë, në shumë vende të botës, kërkojnë të kenë më shumë të drejta. Shumë prej tyre nuk kërkojnë që të jenë të barabarta me burrat në çdo gjë, pasi kjo nuk është në natyrën e tyre, por ato kërkojnë pikërisht të drejtat që burrat ua kanë mohuar, ato që Islami i ka caktuar për gruan këtu e katërmbëdhjetë shekuj më parë.

Nëse evropianet, të mëparshmet dhe të sotmet, do të njihnin rregullat e Sheriatit islam dhe dispozitat e tij, do të kishin formuar parti dhe organizata për të kërkuar të drejtat që u takonin, për ta shpëtuar njerëzimin nga sprova të shumta e për t’i dhënë fund shthurjes.

Muslimanet intelektuale duhet t’ua bëjnë të qartë femrave anekënd rruzullit tokësor mesazhin e madh islam dhe duhet t’i ftojnë ato në projektin që Islami ka nisur në dobi të tyre. Kjo gjë padyshim do të jetë në të mirë të tyre dhe të mbarë njerëzimit.

O ju muslimane të ditura!
Kujdesuni për edukimin e fëmijëve tuaj dhe mos i lini ata pas dore. Mësojini ata me parimet e kësaj feje madhështore, mësojuni atyre rregullat dhe dispozitat e fesë islame.

Kërkojuni organeve më të larta zyrtare që ta mbrojnë gruan dhe të bëjnë ç’është e mundur për t’i prerë rrugën imoralitetit, i çfarëdo forme qoftë ai. Qëndroni larg vendeve ku shkelen urdhrat e Zotit dhe nëpërkëmbet legjislacioni islam!
Kthehuni te rruga e duhur e Islamit, rrugë në të cilën kanë ecur me devotshmëri gjyshet tuaja në fillim të Islamit. Adhurojeni Zotin, përmbushni detyrimet e Tij dhe përpiquni të jeni sa më afër Tij! Kapuni fort pas Kuranit dhe mësimeve islame, për të qenë një shembull i shkëlqyer për të gjitha gratë e botës. Le ta dinë ato, se Muhamedi (a.s.) është reformatori më i madh në shërbim të çështjes së gruas dhe të përmirësimit të jetës në tërësi.

O Zot, mëshiroje Muhamedin (a.s.), familjen e tij të ndershme, shokët e tij besnikë dhe të gjithë ata që e ndjekin me devotshmëri rrugën e tij deri në Ditën e Gjykimit!

[DEN_Bossi]

HADITHE PROFETIKE QË POROSISIN PËR KUJDESIN QË DUHET TË TREGOJMË PËR VAJZAT DHE MOTRAT TONA

Aishja (r.a.) tregon: “Erdhi tek unë një lypëse, e cila kishte me vete dy vajza. Në shtëpi kisha vetëm një hurmë, të cilën ia dhashë. Ajo ua ndau hurmën vajzave dhe vetë nuk hëngri asgjë. Pastaj u largua. Kur erdhi Profeti (a.s.) në shtëpi, i tregova ç’kishte ngjarë. Pasi e dëgjoi, ai tha: “Ai që kujdeset për vajzat edhe në momente sprovash, ato do t’i bëhen mburojë ndaj Zjarrit.”

Arabët para Islamit i urrenin vajzat, prandaj feja islame u kushtoi një vëmendje të veçantë femrave, edukimit dhe kujdesit që duhet treguar për to.
Përsëri Aishja (r.a.) tregon se, një herë tjetër, një grua e mjerë që kishte me vete dy vajza po i lypte te shtëpia. Aishja i kishte dhënë tri hurma. Gruaja i dha nga një hurmë secilës vajzë dhe hurmën e tretë e mori për ta ngrënë vetë. Vajzat kërkuan të hanin edhe hurmën e tretë, kështu që ajo ua ndau përgjysmë edhe atë. Kjo gjë i bëri përshtypje Aishes (r.a.), e cila ia tregoi Profetit (a.s.). Ai tha: “Asaj gruaje, me veprimin që ka bërë, Zoti ia ka bërë garant Xhenetin ose shpëtimin nga Zjarri.”

Në një hadith tjetër, që lidhet me këtë temë, Profeti (a.s.) ka thënë: “Kush kujdeset për dy vajza apo tri, ose dy motra apo tri, derisa të rriten, dhe vdes e i lë pas, ka për të qenë më mua në Xhenet si këta të dy (në atë çast Profeti (a.s.) hapi gishtin tregues dhe gishtin pas tij, për të treguar vlerën e lartë që kishte ai që kujdesej për vajzat apo motrat e tij).

Ibn Abasi dëshmon se Profeti (a.s.) ka thënë: “S’ka musliman që të ketë dy vajza për të cilat kujdeset mirë, e ato të mos bëhen shkak që ai të hyjë në Xhenet.”
Ndërsa Tabaraniu shënon nga Auf Ibn Maliku se Profeti (a.s.) ka thënë: “Çdo musliman që ka tri vajza, për të cilat shpenzon derisa ato të rriten, apo edhe nëse vdesin, ato vajza do të jenë mburojë nga Zjarri për kujdestarin e tyre.”
Një grua, kur e dëgjoi këtë hadith nga Profeti (a.s.), i tha. “Po nëse ka dy vajza, o i Dërguari i Allahut?” – “Edhe nëse ka dy vajza”, – iu përgjigj Profeti (a.s.).
Ebu Seid el Hudri tregon se Profeti (a.s.) ka thënë: “Kush ka tri vajza ose tri motra, apo dy vajza ose dy motra, kujdeset mirë për to dhe i frikësohet Zotit për to, ka si shpërblim Xhenetin.”

Ndërsa tek Ebu Daudi ky hadith gjendet me këtë version “...ai që kujdeset për to, i edukon dhe i marton ato, ka si shpërblim Xhenetin.”

Sërish Tirmidhiu shënon se Profeti (a.s.) ka thënë: “Çdonjëri prej jush që ka tri vajza apo tri motra dhe kujdeset për to, ka për të hyrë në Xhenet.”
Falënderojmë Zotin që na ka bërë prej atyre që u kushtojnë vëmendjen e duhur vajzave dhe motrave tona, duke i nderuar dhe respektuar ato më shumë se djemtë dhe vëllezërit tanë. Megjithatë duhet të jemi të kujdesshëm që të mos i bëjmë padrejtësi askujt dhe të mos lëmë shteg për ndonjë xhelozi të mundshme apo armiqësi. Prindërit duhet të dinë të sillen me fëmijët, në mënyrë të tillë që të mos veçojnë njërin përkundrejt tjetrit, duke e shfaqur haptazi këtë gjë, pasi kështu nuk do të mund ta fitojnë dashurinë e të gjithëve, dhe jo vetëm kaq, por kjo gjë do të ndikojë edhe në marrëdhëniet e fëmijëve me njëri-tjetrin.
Sa madhështor është Islami! Ai na porosit që të respektojmë prindërit, të ruajmë lidhjet farefisnore dhe t’i nderojmë e vlerësojmë gratë. E nëse udhëzimi islam pasohet me devotshmëri, muslimanet do të jenë gratë më të lumtura dhe burrat e tyre më shembullorët.