Arkitektura ndryshon vitet e studimit, 6 vjet shkollë

[Albo]

Vendimi i senatit të Universitetit Politeknik pret miratimin nga Ministria e Arsimit

Arkitektura ndryshon vitet e studimit

Vetëm pas 6 vjet leksionesh mund të quhesh arkitekt ose urbanist


BRIKENA DEMIRAS

Ndryshojnë vitet e studimit për ata që duan të bëhen arkitektë. Nga pesë vjet për të marrë titullin “arkitekt” ose “urbanist” do t’u duhen plot gjashtë vite leksionesh, provimesh dhe detyra kursi.

Për t’iu përafruar sistemit të Bolonjës, tashmë senati i Universitetit Politeknik ka miratuar vendimin për kalimin edhe të kësaj dege në sistemin 4 + 2. Ndryshe nga degët e tjera, që përgjithësisht në universitetet tona kanë zbatuar sistemin 3 + 2, disa degë si Arkitektura, Juridiku apo Mjekësia, nuk do të bëhen pjesë e këtij procesi. Përjashtimi vjen nga përvoja e universiteteve evropiane, siç janë ato italiane, ku kjo mënyrë studimi mesa duket ka dështuar.

Miratimi
Kurrikulat janë gati, programet, kreditimi, lëndët që do të ndjekin studentët, të gjitha janë hartuar. Pritet vetëm miratimi i Ministrisë së Arsimit. “Ne e kemi bërë punën tonë, tashmë presim që më 1 tetor ta nisim vitin e ri akademik me sistemin e ri”, tha Softa. Zëvendësmistrja e MASH-it, për Arsimin e Lartë, Adriana Gjonaj ka pranuar se shkresa për këtë ndryshim ka mbërritur në tryezën e saj, por do të jenë specialistët e Drejtorisë së Arsimit të Lartë që do të merren me verifikimet. Shumë shpejt pritet që të merret një përgjigje në lidhje me këtë kërkesë të Universitetit Politeknik, i cili ka qenë i pari që filloi të përafronte sistemet e studimit me atë të Bolonjës. Sipas burimeve nga ky dikaster, do të diskutohet vendimi i senatit dhe do të dilet me një përfundim, qoftë miratim ose jo, për ndryshimin e këtij sistemi. Gjasat janë që kjo gjë të realizohet, sipas kërkesave të kohës, përderisa Shqipëria e ka nënshkruar zyrtarisht më 18 shtator 2003 Deklaratën e Bolonjës duke u bërë kështu pjesëmarrëse me të drejta të plota në një proces që ka filluar që në vitin 1999. Në këtë sistem tashmë kanë hyrë të gjitha degët e tjera të shkollave të larta, me premtimin se është e vetmja mënyrë për të realizuar në radhë të parë mobilitetin e studentëve, përfarimin e kurrikulave dhe shanset për të studiuar e punuar në çdo vend të Evropës.

Titujt e diplomimit
Dekani i fakultetit të Inxhinierisë së Ndërtimit, prof. as Forcim Softa, sqaroi edhe titujt e diplomimit. “Katër vitet e para do të jenë njohuri të përgjithshme dhe në përfundim të saj do të merret titulli ‘Bachelor’ në arkitekturë. Dy vitet e tjera do të jenë ‘Master’ dhe studentët mund të zgjedhin mes specialitetit të Urbanistikës, Arkitekturës dhe Dizajnerit”, tha Softa. Pas përfundimit të studimeve 4-vjeçare, studentët do të japin provimin e diplomës. Pas përfundimit të dy viteve të tjera të masterit ata duhet të mbajnë mikrotezë, në bazë të specialitetit që mund të kenë zgjedhur vetë. Përgatitja e tezës drejtohet nga një pedagog. Vetëm kur të kenë marrë gjashtë vjet leksione e pasi të kenë kaluar mikrotezën atëherë mund të fitojnë titullin ‘Arkitekt’ ose ‘Urbanist’. Ata që do të kenë dëshirën e madhe për të ndjekur karrierën kanë shansin që të hidhen në hapin tjetër, atë të 3 viteve “Master të shkallës së parë”, dhe doktoratura.

Mobiliteti
Dekani Softa shpjegon se me anën e këtij sistemi studentët do të kenë mundësi të lëvizin jo vetëm në Evropë, por edhe në çdo universitet të Amerikës. Pikërisht janë kurrikulat e njëjta dhe sistemi i krediteve me të cilat do të operohet që do të çojë në arritjen e këtyre lehtësirave. Nga ana tjetër, sipas dekanit, në kurrikula përfshihen edhe degë të tilla të specialitetit që i përshtaten zhvillimit të tregut të punës në vend. Një prej këtyre degëve është edhe teknologjia e arkitekturës, apo restaurim monumentesh. Modelet e zgjedhura për të sjellë më afër sistemet janë marrë nga universitetet italiane.



Seancat
Softa: Do të ketë vizatim në natyrë

Në dyert e fakultetit të Inxhinierisë së Ndërtimit janë përplasur shumë kandidatë të shqetësuar për seancën e parë të konkursit të pranimit, vizatimin me dorë të lirë. "Kemi marrë vesh që tani kërkohet edhe interieri i një objekti, ndërsa ne kemi një vit që punojmë vetëm për eksterierin", thotë një kandidate e shqetësuar. Dekani i këtij fakulteti, Prof. As Forcim Softa sqaroi dje për gazetën se do të ndiqen të njëjtat rregulla për seancat e konkursit që janë shpallur tashmë dhe nuk kanë asnjë ndryshim nga vitet e kaluara. "Nuk do të ketë asnjë ndryshim nga vitet e tjera, kandidatët do të testohen për vizatimin e një objekti arkitektonik në natyrë", tha ai, duke dashur të qetësojë të gjithë kandidatët e interesuar.



Afatet
Të dhënat e kandidatëve, brenda 31 gushtit në fakultete

Ministria e Arsimit ka gati database me të dhënat e kandidatëve për pranimet në shkollat e larta. Sipas zëdhënëses së këtij dikasteri, brenda këtyre ditëve do të fillojë edhe procesi i dorëzimit të tyre nëpër fakultetet përkatëse, me qëllim që të nisë edhe llogaritja e pikëve të kandidatëve nga Komisionet e Pranimit të Fakultetit. Sipas udhëzimit të firmosur nga ministri i Arsimit, Genc Pollo, për organizimin dhe realizimin e procesit të pranimit të kandidatëve në universitetet dhe shkollat e larta publike do të ngrihen komisionet e pranimit të fakultetit me akte normative të dekanit të fakultetit brenda datës 20.8.2006. Afati tashmë ka skaduar, por kjo gjë ende nuk është bërë, me pretendimin se nuk janë dorëzuar akoma të gjitha të dhënat e kandidatëve nga ana e MASH-it dhe Qendrës së Vlerësimeve. Nga ana tjetër udhëzimi citon se "universiteteve sipas degëve përkatëse do t'u vihen në dispozicion brenda datës 31 gusht 2006 nga MASH-i lista e kandidatëve të suksesshëm të provimeve të Maturës Shtetërore, shoqëruar me këto të dhëna, si emri i shkollës së mesme që kanë kryer, nota mesatare e viteve të shkollimit të shkollës së mesme të përfunduar, notat e provimeve të detyruara dhe me zgjedhje të Maturës Shtetërore, paraqitur këto nota me dy shifra pas presjes dhjetore. Këto pesë komponentë ose ndryshe kredite duhet t'u shkojnë fakulteteve, të cilët bëjnë llogaritë përkatëse dhe nxjerrin fituesit sipas rendit zbritës së pikëve nga maksimalja deri minimalja. Shpallja e fitueseve në degët që i kanë të përcaktuara pikët është parashikuar të bëhet më datë 16 shtator në të gjitha fakultetet dhe shkollat e larta të vendit. Sipas udhëzimit të ministrit të Arsimit, regjistrimet e kandidatëve fitues për të gjitha fakultetet kryhen në datat 18, 19, 20, 21, 22 shtator nga ora 09:00-15:00.



4500 leke
kaq është pagesa për konkursin e Arkitekturës, të cilën duhet ta paguajnë të gjithë kandidatët në llogarinë e fakultetit të Ndërtimit, pranë bankës Raiffeissen, 0102030780

740 kandidate
Nga 740 kandidatët e regjistruar vetëm 110 do të shpallen fitues, 98 kuota janë për kohën e plotë, 10 kuota dytësore dhe 1 kuotë për kandidatët e trojeve

[lonely_lion]

me ate tirane qe ju leu aq bukur edi rama ... bejeni sa vjet te duash fakultetin.
ne universtitet mesohet jo vetem profesioni, por ne rradhe te pate te qenit profesionist (sedra profesionale ) qe fatkeqesisht ka vite qe universitetet shqiptare ne te cialt akoma jepen leksione me shenime (si kurse analfabetizmi ) sta afrojne kete !

a ju ka shkuar ndonjehere ne mendje .... pse pedagoget tuaj te 'varfer' , s'botojne qofte dhe nje liber te vetem....? apo te cojne ne dekanat bocat e nje lende te re te veten ????

mjerisht ... ne fakultetet shqiptare mungojne zoterinjte ( profesionistet e vertete ) . ata kane ikur ( sgjej dot ndonje fjale tjeter ) dhe universitetet mbahen ne kembe nga kujtimi i tyre . keshtu qe me ato pozicione qe i kane zene pedagoget aty me vite dhe ju kane zene myk karriket .... universitetet shqiptare do te katandisen keq e me keq !

zgjidhja ? kush kerkon gjen ... vetem jo kerkime te tipit : te shpikim rruge te reja !se rruget i ka hapur bota me kohe me universitetet me qindra vjecare !

po ju them nje :

provoni te hidhni ne konkurs te gjitha vendet e pedagogeve ne universitete dhe e shohim pastaj , se kush do ngelet aty !

p.s.

ah se harrova !!!! ndertimet e 'arkitekteteve' tane ne fakt pseudo arkitekteve jane mostra arkitektonike !
neqoftese mendoni se kam shpirtin e kundershtimit per te ta bere cdo gje ZI ....hapni syet dhe shikoni perreth sa te ngopeni 9po qe se nuk jeni ngopur akoma ) dhe pastaj kullosni syte ne arkitekturen e vendeve te nivelit me zhvillim mesatar !

perfundimin nxirreni vete !

[FЯODO]

me ate tirane qe ju leu aq bukur edi rama ... bejeni sa vjet te duash fakultetin.
ne universtitet mesohet jo vetem profesioni, por ne rradhe te pate te qenit profesionist (sedra profesionale ) qe fatkeqesisht ka vite qe universitetet shqiptare ne te cialt akoma jepen leksione me shenime (si kurse analfabetizmi ) sta afrojne kete !

a ju ka shkuar ndonjehere ne mendje .... pse pedagoget tuaj te 'varfer' , s'botojne qofte dhe nje liber te vetem....? apo te cojne ne dekanat bocat e nje lende te re te veten ????

mjerisht ... ne fakultetet shqiptare mungojne zoterinjte ( profesionistet e vertete ) . ata kane ikur ( sgjej dot ndonje fjale tjeter ) dhe universitetet mbahen ne kembe nga kujtimi i tyre . keshtu qe me ato pozicione qe i kane zene pedagoget aty me vite dhe ju kane zene myk karriket .... universitetet shqiptare do te katandisen keq e me keq !

zgjidhja ? kush kerkon gjen ... vetem jo kerkime te tipit : te shpikim rruge te reja !se rruget i ka hapur bota me kohe me universitetet me qindra vjecare !

po ju them nje :

provoni te hidhni ne konkurs te gjitha vendet e pedagogeve ne universitete dhe e shohim pastaj , se kush do ngelet aty !

p.s.

ah se harrova !!!! ndertimet e 'arkitekteteve' tane ne fakt pseudo arkitekteve jane mostra arkitektonike !
neqoftese mendoni se kam shpirtin e kundershtimit per te ta bere cdo gje ZI ....hapni syet dhe shikoni perreth sa te ngopeni 9po qe se nuk jeni ngopur akoma ) dhe pastaj kullosni syte ne arkitekturen e vendeve te nivelit me zhvillim mesatar !

perfundimin nxirreni vete !