SHKUP (23 Gusht) -“Kam ndermend te terhiqem nga politika per shkaqe shendetesore”. Keshtu e ka cituar sot gazeta “Koha Ditore” Kryetarin e Partise Demokratike Shqiptare (PDSH) ne Maqedoni, Arben Xhaferi. Ai ka deklaruar per gazeten "Koha ditore" se planifikon qe terheqjen ta beje dalengadale, pa buje dhe pompozitet te madh. "Kam probleme shendetesore, kjo me paraqet problem per te dhene kontributin tim ne kete proces politik qe po zhvillohet ne te gjitha segmentet e shoqerise shqiptare", ka thene Xhaferi, duke shtuar se edhe terheqjen do ta beje hap pas hapi ashtu sic eshte angazhuar ne politike. Se kush mund ta trashegoje ne postin e liderit te PDSH se, Xhaferi nuk ka dhene emra konkrete, por ka thene se "kudo ku ka punuar ka pergatitur kuadro per ta zevendesuar dhe kjo nuk do te jete kurre fare problemi". Partia e Arben Xhaferit pritet qe te premten edhe zyrtarisht te behet pjese e qeverise se re te Maqedonise qe udhehiqet nga VMRO DPMNE.

(Kosova/Balkanweb)