Pse VMRO-ja e do Arbër Xhaferin?

[Davius]

Duke mos respektuar vullnetin e popullit shqiptar, shprehur në zgjedhjet e 5 qershorit, të gjithë intelektualët po shprehin indinjatën e thellë për këtë padrejtësi po dhe futen në analiza të shikuara nga kënde të ndryshme, kurse ne, që kemi qenë të angazhuar në jetën politike mbas viteve 90, përveç dokumenteve, na vjen në ndihmë dhe kujtesa në lidhje me veprimtarinë e Xhaferit, i cili erdhi në jetën politike, te shqiptarët në Maqedoni me qëllime jo të pastra, për të cilat flasin si dokumentet e kohës ashtu dhe kujtesa e çdo shqiptari të pabaltosur nga helmi i “atdhetarizmit” të Xhaferit.

Që nga fillimi i pranisë së z. Xhaferi në skenën politike në Maqedoni, (fundi i vitit 1993- fillimi i vitit 1994) e deri më sot, para opinionit publik për bashkëveprimin e ngushtë me VMRO-në ka dhënë shpjegime të ndryshme, edhe kundërthënëse. Duke u ndeshur sot me situatën e vështirë politike ku po dhunohet vota e popullit shqiptar, siç e ka zakon ai, sipas gjithë gjasave, ai ndoshta e konsideron, se më i bindshëm para shqiptareve ka qenë me shpjegimin e dhënë në gazetën "Koha ditore" të datës 24 shtator 2005, ku shkruan : “PDSH-ja fitoi besimin e popullit dhe në vjeshtë të vitit 1998, kur hyri në koalicion me partinë më nacionaliste maqedonase, VMRO-DPMNE. Shikuar nga aspekti historik, me këtë parti ose me këtë proveniencë politike, shqiptarët, prej kohës së Hasan Prishtinës e deri te vogëlsia ime, kanë pasur raporte të mira mbi baza të interesave të përbashkëta".

Xhaferi, siç e ka zakon, edhe këtu gënjen lexuesit më pak të informuar (numri i të cilëve, fatkeqësisht, nuk është i vogël dhe këtë mirë e di, ndaj dhe e shfrytëzon). PDSH-ja, në krye të së cilës formalisht qëndron ai, as në vitin 1998, as edhe prej kur ekziston e deri më sot, nuk e ka fituar besimin e shumicës së popullit shqiptar. Por, t i kthehemi gënjeshtrës më të madhe, se shqiptarët, prej kohës së Hasan Prishtinës me këtë parti kanë pasur raporte të mira mbi baza të interesave të përbashkëta.

Partia VMRO-DPMNE, me të cilën bënë koalicion Xhaferi, është formuar në vitin 1990. Kryetari i parë i saj ka qenë Ljubço Georgievski, dhe në programin e saj nuk ka asgjë të përbashkët me VMRO-n e vjetër, e cila ka uzurpuar emrin e saj. Ja se ç mendon dhe shkruan për shqiptarët Ljubço Georgievski: "Gjenerata që e lamë pas nga periudha e komunizmit, por edhe kjo e jona, e kohës së demokracisë, përpiqej në qoftë se jo tjetër, së paku të krijonte një pasqyrë të ndritshme të së kaluarës historike. Për fat të keq, faktet konfirmojnë se maqedonasit dhe shqiptarët, më shpesh u kanë takuar anëve të kundërta, sesa të njëjta: periudha e robërisë osmane është kohë e zullumeve permanente dhe grabitjeve të kryera nga bandat vullnetare të kaçakëve; periudha e Luftës së Dytë Botërore, masakrat dhe vrasjet të cilat i heshtëm për shkak të bashkim - vëllazërimit; demonstratat e ndryshme dhe veprimin e bandave të organizuara mbas Luftës së Dytë Botërore; si ushtria nga koha e LSDM-s, PPD-s, VMRO-s dhe PDSH-së.

Gjithmonë vetëm maqedonasit kanë falur dhe provuar se duan të jetojnë bashkë". Nga kjo duket qartë se partneri i koalicionit ka qëndrime diametralisht të kundërta nga pohimet e Xhaferit. Kjo VMRO, të cilën aq shumë e do Xhaferi, aspak nuk mendon si Xhaferi; se shqiptaret prej kohës së H. Prishtinës e deri te vogëlsia e tij (e cila nuk duket as me mikroskop) kanë pasur raporte të mira në bazë të interesave të përbashkëta. Ky aleat historik i Xhaferit, Ljupçe Georgievski, kështu i përshkruan shqiptarët gjatë gjithë historisë në këtë shkrim të tij në gazetën "Dnevnik" të datës 18 prill 2003, me titull shumë pretencioz: "Teza për mbijetesën e kombit dhe shtetit maqedonas". Shkrimin e përfundon me tezën kryesore ku bëhet shumë i qartë qëllimi i tij, kur thotë se "baza e interesit tonë qëndron në shpëtimin etnik të Kumanovës, Shkupit, Kërçovës dhe Strugës, që nënkupton shpërnguljen e qytetarëve shqiptarë nga këto krahina nëpërmjet shkëmbimit të të mirave financiare dhe pronësore." Nënkuptohet me ndihmën e Xhaferit, nëse ka fuqi.

Jo vetëm Xhaferi, por edhe çdo shqiptar tjetër që gjatë kohës ka studiuar, por nuk është diplomuar, e di se udhëheqësit e VMRO-s të kohës së Hasan Prishtinës asnjëherë nuk do kërkonin strategji të përbashkët ndërmjet Shkupit dhe Beogradit për mbrojtjen e Maqedonisë nga asgjësimi i saj i përhershëm, në qoftë se Kosova bëhet e pavarur, siç propozon Ljupço Georgievski në gazetën "Dnevnik" të datës 14 shkurt 2003.

Kanë dhënë prova të panumërta se për shqiptarët nuk mendojnë aspak ndryshe as VMRO-istët e rinj siç janë gruevskat, milloshovskat, filippetrovskat, gjorçevët, biçikliskët, etj. Tash, shtrohet pyetja, pse këta antishqiptarë të përbetuar aq shumë e duan Xhaferin dhe vazhdimisht e konsiderojnë partner strategjik, tek i cili kanë aq shumë besim.
Ka shumë shkaqe, por po përmendim më të rëndësishmit:

• Sepse Xhaferi, në fillim të vitit 1994, kur u kthye nga Prishtina në Tetovë u përpoq të uzurpojë postin e kryetarit të Partisë për Prosperitet Demokratik dhe, meqenëse në këtë aksion nuk pati sukses, së bashku me disa individë, të cilët e përkrahnin, me ndihmën e krerëve të atëhershëm të UDB-së, ku udhëhiqte Pavle Trajanov, formojnë PDSH-në, për ta përçarë subjektin politik shqiptar dhe vetë shqiptarët.
  
  
• Sepse në vitin 2000, në zgjedhjet për organet e vetëqeverisjes lokale me grupe të armatosura, të cilët ai i quan "aktivistë partiakë", ushtroi dhunë të paparë në vendvotime, derisa në fshatin Kondovë, humbi jetën i riu Fatmir Jakupi, ku pas këtij rasti kaq tragjik, Partia për Prosperitet Demokratik u detyrua të tërhiqte kandidatët e vet për kryetar komune dhe këshilltarë dhe PDSH-ja i "fitoi" zgjedhjet në mënyrë të pamerituar, duke mbjellë farën e përçarjes dhe urrejtje ndërmjet shqiptarëve të Maqedonisë duke krijuar një traditë shumë të keqe. Asnjëherë në zgjedhjet parlamentare nuk e fitoi besimin e shumicës se elektoratit shqiptar në Maqedoni (të mbajtura katër herë) ku, disa nga krerët e “shquar” të partisë së tij, në mënyrë publike, gjithmonë duke zgërdhirë e sharë në mënyrë më të vrazhdë, janë sjellë ndaj shqiptarëve që nuk u janë përulur. Trembëdhjetë vite me radhë shajnë, shpifin ofendojnë, kërcënojnë, bëjnë shantazh. VMRO-ja antishqiptare, e di shumë mirë, sesi do të sillen këta mafiozë ndaj shqiptarëve, kur të vijnë në pushtet, sepse bashkëluftëtarët e Ljubço Georgievskit patën rastin t i shohim si u sollën, kur ishin në pushtet gjatë viteve 1998-2002, pa e fituar besimin e shumicës së elektoratit shqiptar, banori i ri i Bllagoevgradit, i instaloi në Qeveri.
  
  
• Sepse, është i njohur fakti se gjatë asaj periudhe, nga qeveria e tyre nuk doli asnjë ligj që kishte të bënte me avancimin e pozitës dhe të drejtave të shqiptareve në Maqedoni. VMRO-së i pëlqen Xhaferi, sepse, ai shkon në Sofje dhe prej atje, njësoj si Karakaçanovi, e mohon ekzistencën e kombit maqedonas, duke pohuar se maqedonasit historinë dhe kulturën e kanë krijuar duke e vjedhur nga kombet fqinjë.
  
  
• Sepse VMRO-ja nuk mund të gjejë partner tjetër strategjik si Xhaferi, për shkak se vetëm me ndihmën e tij munden t i asgjësojnë rezultatet, sakrificat dhe heroizmin e luftëtarëve dhe dëshmorëve të luftës së vitit 2001. Por gabojnë shumë bashkëluftëtarët e Lube Boshkovskit, në qoftë se mendojnë se shqiptarët mund ta harrojnë gjithë atë që VMRO-ovcat e thanë në Kuvendin e Maqedonisë gjatë debatit rreth miratimit të Marrëveshjes së Ohrit, për amendamentet e Kushtetutës, si dhe gjatë propagandës për referendumin e Todor Petrovit, kundër ligjit për ndarjen territoriale. Vetë Gruevski i frikësonte maqedonasit duke u thënë se “Nuk duhet t u lëmë nën kontroll shqiptarëve burimet e ujërave, se do të na helmojnë.”
  
  
• Sepse, VMRO-ja, vetëm me Xhaferin mendon se mundet t i detyrojë shqiptarët e Maqedonisë të pranojnë, se për ta fitues në zgjedhje nuk ka, se fitues në Maqedoni mund të jetë vetëm ndonjë parti maqedonase, e cila, njësoj si në kohën prej 1945-1990, do të vendosë, kush prej shqiptarëve është i përshtatshëm të luajë rolin e kukullës në pushtet dhe t i shpallë të zbutura marrëdhëniet ndërnacionale, për çka do të shpërblehet me ndonjë lokal afarist të firmave maqedonase në Prishtinë. Vetëm Xhaferi është gati t u japë mundësi kalamajve me bisht të VMRO-së, ta caktojnë fituesin e shqiptarëve, në mënyrë të vrazhdë, ta shkelin dinjitetin e shumicës dërrmuese të votuesve shqiptarë.
  
  
• Sepse vetëm Xhaferi mund të bëjë uljen e rolit të kryengritjes së vitit 2001. Vetëm Xhaferi e di rolin, që kanë luajtur disa anëtarë të partisë së tij duke i ndihmuar "llavat" e Lube Boshkovskit në terren, ku dëshmi me shkrim ka dhënë vetë Ljubço Georgievski në gazetën e përditshme "Dnevnik", të datës 10 gusht 2002 ku thotë: "Edhe një herë theksoj, - shkruan ai, - për hir të së vërtetës, kjo parti (PDSH- v.y.) që nga fillimi i krizës ishte e vetmja fuqi politike shqiptare, e cila në deklaratat e veta edhe konkretisht në terren (nënvizimi ynë), e kundërshtonte terrorizmin."
  
  
• Sepse vetëm te Xhaferi, mund të gjejë vend insistimi i kreut të VMRO-s, se vetëm Xhaferin, mund ta ketë në koalicion si partner strategjik, se gjoja kanë ideologji identike e cila është një gënjeshtër e pastër, sepse me VMRO-n në koalicion janë dhe dy parti të majta, siç janë ajo e Xingos dhe e Titos.
  
  
• Sepse VMRO-ja, Xhaferit, nuk ia harron guximin që me dorën e funksionarit të vet, para ekraneve televizive, në cilësinë e zëvendësministrit të Punëve të Brendshme, shkëmbejnë dekorata e pistoleta me Lube Boshkovskin, (sot i burgosur në Sheveningen,) i dyshuar për krime mbi shqiptarët në fshatin Luboten. Këta e di shumë mirë se do ta ketë më të lehtë koalicionin me kuadrot e PDSH-së, në mes të të cilëve ka edhe të atillë që Departamenti i shtetit i SHBA-ve për një kohë të gjatë i mban në listën e zezë dhe nuk i nxjerr prej saj.
  
  
• Sepse, VMRO-ja do ta këtë më lehtë koalicionin me partinë, deputetët e së cilës e votuan ligjin mbi ratifikimin e marrëveshjes për kufirin me të cilën Serbia, një pjesë të Kosovës, ia fali Maqedonisë dhe lideri i së cilës (Xhaferi) publikisht deklaron se Kosova me 2 milionë banorë nuk ka kapacitet të funksionojë si shtet i pavarur. Këtë deklaratë, për çudi, shërbimi për informim i PDSH-së ende nuk e ka demantuar, siç bëjnë shumë shpesh, me fjalët "lideri i ynë nuk ka menduar ashtu", ose "është nxjerr nga konteksti", etj.
• Edhe pse kësaj liste mund t i shtohen edhe një numër shumë më i madh pikash nga aktiviteti "patriotik" i Xhaferit në kurbet në Tetove, si duket ai në Prishtinë, më në fund, do të kthehet t i kushtojë kujdes familjes së vet, siç paralajmëroi këto ditë, në qoftë se, përsëri nuk e korrigjon shërbimi për informim, “nuk ka menduar ashtu”.

Në rast se ngjan me të vërtetë të kthehet në Prishtinë, me pasuri më të rëndë se sa peshon vetë, familja ka shkak t ia falë mungesën e gjatë, por VMRO-ja dhe Gruevski do mbeten pa një këshilltar, i cili, edhe pse, siç deklaron vetë, "duduk për ekonomi", e ka zbuluar se "kur je në pushtet, ka para, në qoftë se nuk i merr ti, i merr dikush tjetër”.

Me këtë rast, nëna e Gruevskit do të ngelë vetëm me banesat e blera gjatë kohës kur ai ka qenë ministër dhe posti i kryeministrit do ngelet jo sa duhet i shfrytëzuar.

Pa Xhaferin, VMRO-ja, e cila muret e qyteteve dhe mbikalimet e rrugëve magjistrale të Maqedonisë i "zbukuroi" me parulla nga më të trishtueshmet, kundër shqiptareve, militantët e së cilës nëpër mitingje në sheshet e gjithë qyteteve shkumonin duke pëllitur dhe duke kërkuar jo vetëm dëbimin e shqiptarëve nga Maqedonia, por edhe zhdukjen e tyre fizike, do të mbeten pa "patriotin" e vetëm shqiptar, i cili organizon festë në shenjë të fitores së saj, dhe i detyron anëtarët e partisë së vet të votojnë për VMRO-n dhe kundër partisë tjetër shqiptare. VMRO-së së Gruevskit nuk do të ketë kush t ia mbajë lidhjen me L. Georgievskin, i cili ia dorëzoi në dispozicion deputetët e vet, për t i bërë më "të lumtur" shqiptarët e Maqedonisë.

Me kthimin e tij në Prishtinë, do të gëzohen jo vetëm familja, por të gjithë kosovarët, ngase ai, pasi e zgjidhi çështjen shqiptare në mënyre "globale" në Maqedoni, do të ketë kohë të merret edhe me "fenomene" të tjerë, siç është për shembull, kthimi i emrit të lashtë të Kosovës në Dardani. Angazhimin për zgjidhjen e kësaj çështjeje, tashmë e ka paralajmëruar...


Xhevdet Hajredini*

*ish- ministër i Financave të qeverisë së Maqedonisë nga Partia për Prosperitet Demokratik në vitet 1992- 1994.

[Tigrimelara]

E paska gjetur si e ka emrin Kryetari i PDSH se

[Cimo]

Xhevdet Hajredniovski................si eshte njeriut ..fjala popullore armiku i armikut tim eshte miku im ....Keni filluar te botoni shkrimte Xhevdet Hajredinit Emin Azemit hahahha....gjynaf me vjen per juve .......Shpresa vdes e fundit vazhdoni vazhdoni

[Llapi]

27. Maj, 2007 10:42 CET



SHKUP

PDSH terhiqet nga koalicioni qeveritar

Zëvendës kryetari i Partisë Demokratike Shqiptare, Menduh Thaçi mbrëmë vonë ka thënë se kjo parti tërhiqet nga koalicioni qeveritar i Maqedonisë. Sipas tij, pritet që ky vendim së shpejti të verifikohet edhe nga organet më të larta të Partisë. Shkak i këtij veprimi është thënë se është arritja e marrëveshjes ndërmjet VMRO-DPMNE-së dhe Bashkimit Demokartik për Integrim. Mediat në Shkup kanë raportuar se VMRO-DPMNE i ka bërë të ditur PDSH-së se mund të largohet nga Qeveria nëse nuk e mbështet marrëveshjen e arritur me opozitën shqiptare. Zoti Thaçi ka akuzuar kryeministrin Gruevski se nuk ka shprehur gatishmëri për zgjidhjen e kërkesave të shqiptarëve.
Europa e Lire

[valius]

flitet cka flitet perseri arber xhaferi eshte poltikan me i shquar ne maqeoni dhe shum qart dihet se cfar fjalori politik dhe cfar intelegjence ka arber xhaferi per politik...por me frytdhenese esht kur bejm bashkim ARBER-MENDUH qe krijon me te vertet nje parti politike.......

[RaPSouL]

Vmro e don Arber Xhaferin jo se duan ta ken mik apo dicka ata e duan se kan interes sepse Xhaferi eshte njeri nder intelektualet me te shquar te popullit tone dhe per kete e duan qe ta ken cdoher ne kualicon dhe ne anen e tyre..

[Cimo]

I ''shkreti'' Xhevdet Hajredini tani do demaskohet plotesisht pasi ndaj tije rendon akuza per keperdorime parash. Shpresojme nja 10 vjet burg.

[jay-jay]

Duke mare parasysh se keta te BDI-se vetem me nje muhabet kan blloku e shoh shkaterimin total te BDI-se si Parti Politike, kohen e fundit me shume ju intereson te nxjerin se si eshte kriju PDSH-ja se sa si jane kriju vete shkaku qe definitivisht e maren grushtin nga populli...te frigohesh nga vetja eshte gjaja me e kqe ne bote...

[RaPSouL]

Duke mare parasysh se keta te BDI-se vetem me nje muhabet kan blloku e shoh shkaterimin total te BDI-se si Parti Politike, kohen e fundit me shume ju intereson te nxjerin se si eshte kriju PDSH-ja se sa si jane kriju vete shkaku qe definitivisht e maren grushtin nga populli...te frigohesh nga vetja eshte gjaja me e kqe ne bote...

Kur jan kryuar vet,kan mar shum jet njerzish edhe shum djem te ri si pasoj e kesaj un njof familje qe kan problem te medha me egzistencen po te cileve ua kan vrar me te miret ne familje
tash askujt si intereson as Alienated qe derdh lot gjaku per keto KODOSHA

[Labi_shkup]

Kur jan kryuar vet,kan mar shum jet njerzish edhe shum djem te ri si pasoj e kesaj un njof familje qe kan problem te medha me egzistencen po te cileve ua kan vrar me te miret ne familje
tash askujt si intereson as Alienated qe derdh lot gjaku per keto KODOSHA

PDSh-ja leje sa qe nuk ju ndihmon po shkon edhe i burgos antaret tjer tuuuuuuurp