Londer/ 7 Femra Denoncojne Tutortin Shqiptar

[Shijaksi-London]

ANGLI/ 7 FEMRA DENONCOJNE SHQIPTARIN

Bosi i prostitutave, përkthyes në ministri


Nga Londra
Muhamed Veliu
Gazeta Shqiptare


I veshur shik dhe me makinë luksoze, shqiptari Luan Plakiçi punonte përkthyes në Ministrinë e Emigracionit në Angli. Por nuk ishte kjo e fundit që ia kishte siguruar këto "të mira materiale", pasi ai që prej dy vjetësh ushtronte një profesion tjetër, atë të tutorit. Së bashku me një shokun e tij, Ismet Islamin, ai kishte mundur të përfitonte nga kjo punë 400 milionë lekë dhe makinë Ferrari Spider, një Merecedez Benz dhe një makinë tip Voksall. Shtatë vajza të ardhura nga Europa Juglindore kanë qenë vajzat që i sillnin përfitimet e mëdha. Por pikërisht denoncimi i tyre ka bërë që dy tutorët të bien në prangat e policisë londineze që zbuluan edhe tutorin-përkthyes.

Trafikanti

Luan Plakiçi akuzohet për ndihmesë në trafikimin e femrave për qëllime prostitucioni, e vetmja akuzë që ai pranon, për shfrytëzim prostitucioni, jetesë me të ardhura nga imoraliteti, rrëmbim personi. Me të njëjtat akuza është përballur edhe Ismet Islami ku i shtohet edhe akuza për përdhunim, akuza që janë mohuar nga të dy. Vajzat janë sjellë në Londër me dokumente të falsifikuara dhe më pas janë detyruar të prostituojnë. Ato do të punonin për shqiptarin, derisa t'i paguanin atij borxhin e shpenzimeve që ishte 7 000 stërlina për të fituar lirinë. Sipas prokurorit, një nga vajzat e mbërritura në muajin prill 2002, deri në tetor 2002 kishte fituar për llogari të Plakicit 24 000 stërlina, afro 48 milionë lekë. Prokuroria mendon se nga ky trafikim ai ka përfituar rreth 200 000 stërlina 400 milionë lekë, pa llogaritur paratë e shpenzuara për një jetë luksoze përfshi një makinë Ferrari Spider, një Merecedez Benc dhe një makinë tip Voksall dhe pushime të shtrenjta nëpër Europë.

Zyrtari

Ditari i tij ka bërë të mundur njohjen e një të panjohure tjetër shumë të rëndësishme dhe njëkohësisht skandaloze për Ministrinë angleze të Emigracionit "Home Office". Luani kishte arritur në disa raste të depërtonte në Ministrinë e Emigracionit duke punuar si përkthyes për kompani të ndryshme avokatore. Përveç kësaj, ai ka dhënë ndihmën e tij si përkthyes edhe për një dokumentar të shfaqur në BBC 1 para disa muajve mbi emigrantët.

[Sajda Shkodrane]

Skandaloze, ne vend qe t'ja rrisim vlerat vetes ja ulim. Nejse ka ca Shqiptare qe i kan per zakon kto pisllliqe,por pastaj spo preokupohem shume se edhe anglezet s'jane me te mire eshte halli qe ngaqe jemi ne vend to huaj edhe na del nami shume shpejt!!

[Zemrushja]

Hajde hajde se ka dhe me keq se ky po he..

Shumica e shqiptareve kane filluar te behen aq xheloza dhe aq te pashpirt sa arrijne te shesin motren kusheriren vetem per te patur dy pare lek menjane.. Po harrojne ca eshte me nderi per popullin tone..