Perse shqiptaret e Amerikes thone sa me larg shqiptareve?

[Kallmeti]

Perse shqiptaret e Amerikes thone sa me larg shqiptareve?

Opinion nga Lek Gjoka
GazetaVatra.com

Shumë fjalë të bukura për bashkimin e diasporës qarkullojnë në masmediat e shqiptareve të Amerikes apo në mbledhjet e shoqatave shqiptarë ku një pjese levizin të gjitha guret që të marrin flamurin e liderit por realiteti është komplet ndryshë ketu në SH.B.A-kes.Përplasjet që oqeani jetesor të sjell , i cili është i përzier edhe me mallin e vendlindjes ka krijuar një klime të ftohjes polarë ndërmjet shqiptareve të mërguar.
-Do të jetosh i qete në Amerike?-është një shprehje e perdorur nga mjaft shqiptarë të Amerikes kohët e fundit-duhët të rrish sa me larg kontakteve me shqiptaret?
Përsë është krijuar kjo klime ftohjeje?
Në ketë mënyra a mund të asimilohën me shpejt shqiptaret?
Cili është roli i shoqatave shqiptare?
Po brezi i ardhshem i lindur në Amerike a do ta ndienjë veten sadopak shqiptar apo do i harrojnë edhe emrin Shqipërisë, edhe rrenjët e tyrë bashkë me gjuhën shqipe?

Ftohja ndërmjet shqiptareve ka ardhur për arsy nga me të ndryshmë.Njëra nga arsyet është emigrimi i një shtrese me një kulturë minimale, me ndienjen e kopracisë ekstreme të cilët i bën të mos dalin fare ose shumë pak larg kornizes së jetes shtepiake thene ndryshe "pas punes nuk e kalojnë deren e oborrit".Kjo shtres ia ka harruar edhe emrin librit dhe jo ta bleje apo lexoje ate.Dukë notuar në një oqean vetmie kjo shtrese përvec këngëve tallava fale Youtubes ka zgjedhur një rruge tjeter "argetimi" atë të epsheve seksuale !..
Në një rast në një kafe një shqiptar i martuar po i thoshte shokut të tij: -Po na iken jeta ketu në Amerike pa asnjë dashnore, ishim shumë mirë në Shqipëri, nuk e di pse erdhem ketu?
Kjo klimë e turbullt epshesh dhe thashethemesh i detyron shqiptaret të largohën sa me larg kontakteve me njëri-tjetrin duke krijuar një ftohjë polare të perhershme.
Në një rast tjeter në një bisede miqsh një grua shqiptare tha:
-Edhe unë kam dëshirë të dal në kafe, të pi një birre me miq të mirë shqiptare, të bisedojmë, të largojmë stresin që na sjell jeta e përditshmë ketu në mërgim por nuk kam asnjë të njohur që nga Shqipëria.
-Ketu ka shumë familje shqiptare të ardhur nga Shqipëria-ia priti një tjeter.
-E di po ku i njoh unë.Të shtiren si ëngjuj dhe respektin tënd pastaj e shikojnë dhe e shfrytëzojnë si ndienjë epshesh dhe pa pikën e turpit ta thonë troç atë që ëndërrojnë të realizojnë tek ty.Që të mos kem probleme familjare dhe stres që vjen nga sjellje të tilla jo normale detyrohem të rri sa me larg shqiptare.Sigurisht e di se në jete për dikë që ka probleme familjare apo mospërputhjë ndienjash do të kete edhe flite e tradhti bashkshortorë por jo të gjithë janë të tillë, jo të gjitha gratë mund ti fusësh në një thes.
Por realiteti tek keto njerëz me kulturë minimalë është ndryshë, janë komplet të qorruar nga realiteti dhe të gjitha gratë i dukën njëlloj, i peshojnë në të njejten peshore jete pse jo edhe me një grua të përdale.

Po roli i shoqatave shqiptare të Amerikes cili është?
Kush janë shumica e shqiptareve që oderojnë në keto shoqata?
Ka mjaft shoqata që duhen falenderuar që po mundohen të punojmë me ngulm për bashkimin kulturor, shpirteror të shqiptare por ka edhe shoqata të tjera dikur edhe me emer që nën moton e bashkimit përçajnë shqiptaret e Amerikes.
Arsytë që ato i përçajnë janë të ndryshme sepse pjesa me e madhe shikojnë se çfarë përfitojnë nga aderimi në keto shoqata pra përfitim monetar, karrierist apo seksual.Ka edhe nga ato që nuk shikojnë asnjërën nga keto por të brymosur me botkuptimin komunist , si ish antare të sigurimit te shtetit diktatorial, ish oficera të ushtrise popullore të diktatures komuniste nuk mund të shkëputen dot nga mbledhjet e gjata komuniste, spiunimet ndaj miqve e shokeve dhe antarsimi në shoqata është si një "shërim" shpirtëror për keto hiena tru shpërlare.Pjesa me e madhe e tyre janë antarsuar në një shoqate që thjesht ka ngelur në historinë e Shqipërise por që tani shpesh here ka ndikuar negativisht në afrimin e shqiptareve te Amerikes me njeri-tjetrin.Sigurisht që në Shoqata ka edhe antikomunista, njërez të artit e të kultures shqiptare që duhën lavderuar për punën e mire.
Gjithsesi një lajm i mirë që ka lidhje me kulturen familjare është tek brezi i ri.Fatmiresisht keto femijë që po bëhën burra e gra e duan Shqipërinë me shumë se ne që kemi një jete atje.Ndienje krenari së janë me prejardhje shqiptare gjaku i Nënë Terezes dhe kete e shprehin pa doreza në shoqërinë amerikane që i shoqëron në rrugën e jetes.Frika e asimilimit tëk brezi i ardhshen nuk duhet të ekzistojë.
Po gjuha shqipë?
Po të krahasosh femijet e emigrantave shqiptare të Amerikes me Evropen pa pike frike them së femijet e lindur në Amerike kanë dëshirë dhe e flasin gjuhen shqipe me mirë së femijet e lindur në Evrope.Hapja e shkollave shqipe është një lajm i mirë por që nuk ndikon aspak sepse në ato shkolla shkon në numer i papërfillshem femijesh ,saktesisht shkojnë femijet e antareve të shoqatave dhe rrethi i tyrë i ngushte familjaro-shoqëror.

Duke kaluar nga viti në vit shqiptaret e Amerikes po i afrohen edhe me shumë globalizmit ndaj nuk do të jete shqetesuese se per arsyet e mesiperme shqiptaret thonë sa me larg nga shqiptaret.
Largesia oqeanike nuk i asimilon dot shqiptaret por duhet që shoqatat shqiptare te afrojnë pranë tyre sa me shume intelektuale, të dëgjojnë fjalen e tyre.
Duhet të ndërtohet një masmedie që ti shërbeje komunitetit , duhet të kete me shume gazeta ,revista kulturore-letrare, duhet të kete një kanal televiziv të fuqishem dhe jo qindra "kanale televizive" që prodhojnë shume pak ose aspak programe apo dokumentare që neser të ngelin në histori e diaspores shqiptare te Amerikes.
Besoj që në një të ardhme të afert edhe qeverite shqiptare në Tiranë e Prishtinë duhet të jenë me afer diaspores shqiptare të Amerikes sepse edhe në si çdo qytetar tjeter i Evropes që jeton në Amerike të kemi të drejte të votojmë për politikanet që do të drejtojnë kombin shqiptar.Uroj që sa me shpejt të realizohet e drejta e votes për në shqiptaret e Amerikes në të kundert shqiptaret ketu do të thonë jo sa me larg shqiptareve por sa me larg vendlindjes që po na përbuz dhe na harron përfundisht nga politikanë shqiptar që për interesa personale e shtyjnë kombin shqiptar drejt gremines.



Jacksonville Florida
Nentor 2014.

[Albo]

E bukura me shkrime te tilla eshte se autori na flet per "ftohje" te shqiptareve por nuk na thote se ku e shikon kete "ftohje". Si argumenta per te vertetuar ftohjen perdor fjalet e kafeneve ku mblidhen shqiptaret apo rrethit te te njohurve te tij. Dhe vete ai jeton ne shtetin e Florida, ku komuniteti shqiptar eshte me i vogel ne numer se ne shtete te tjera te Amerikes. Por kjo nuk e pengon autorin qe te beje pergjithesime e dali ne perfundime qe nuk pasqyrojne realitetin e shqiptareve ne Amerike, por vetem shpalosin botekuptimin dhe shkallen e kultures se artikullshkruesit.

1. Shqiptaret e Amerikes nuk jane "ftohur", jane integruar ne jeten e Atdheut te ri, Amerikes!

Nese nje shqiptar nuk ka kohe per kafene apo per shoqerine e tij shqiptare, nuk eshte per faj te "ftohjes" se tij me shqiptaret, por sepse eshte integruar totalisht ne jeten e vendit. Eshte i zene e nuk ka kohe per shoqerine se po punon dy pune per te blere nje shtepi, per te mbeshtetur femijet me shpenzimet e shkolles se larte, e per te ndertuar nje jete me te mire per familjen e tij ne Amerike. Ka te tjere qe punojne e shkojne ne pune ne te njejten kohe, e nuk u ngelet kohe as per te fjetur, e jo me per te pire kafe e per te pergojuar shqiptaret e tjere sic bejne shume parazite te papune mes shqiptareve ne Amerike. Mos shkuarja ne kafene dhe mungesa e kontaktit me shqiptaret, eshte perligjur dhe gje e mire, kur keta njerez jane duke investuar me aq sa mundin per nje jete me te mire per vete, e per femijet e tyre. Shumica e shqiptareve qe kane ardhur ne Amerike, kane ardhur ne kerkim te nje jete me te mire, jo detyrimisht per ta, por per femijet e tyre. Jane gati te sakrifikojne jeten e tyre per nje te ardhme me te mire per femijet e tyre. E kjo nuk duhet percmuar por duhet vleresuar, pasi keta jane patriotet e vertete shqiptare. Keta qe punojne dy pune, nuk kane kohe per kafene e fjale te kota, e po rrisin femije qe neser do te behen inxhiniere e doktore e do te kene nje profesion te nderuar ne shoqerine amerikane. Ky eshte suksesi i sakrifices se emigranteve shqiptare ne Amerike!


2. Shqiptaret e Amerikes jetojne ne vendin e lirise dhe mundesive

Ka vende ne Amerike (NYC apo Worcester) ku shume shqiptare jetojne ende sic jetonin ne Shqiperi. Pa punuar, duke marre asistence nga sistemi social, e duke kaluar gjithe oret e dites neper kafene shqiptare. Keta jane "krundret" e shoqerise shqiptare qe nuk i hyjne njeriu ne pune edhe pse keta e mbajne veten per "patriote te medhenj" me fjale. Ashtu sic ka plot shqiptare te tjere, qe punojne dy-tre pune, hapin bizneset e tyre, levizin nga shteti ne shtet ne kerkim te nje pune me te mire apo nje jete me te mire, pasi ky vend i ofron keto mundesi. Dhe po te shikosh shqiptaret qe kane perparuar me mire ne cdo drejtim, jane ata qe nuk jetojne ende si ne Shqiperi edhe ne mes te Amerikes, por ata qe kane ndjekur keto mundesi atje ku mundesite kane dale, pa marre parasysh se ku keto mundesi i ndanin nga komuniteti i madh i shqiptareve qe ofrojne disa qytete ne Amerike. Shume nga ato kafenete dhe vendtakimet e shqiptareve jane pika ku mblidhen shqiptaret qe merren me pislleqe apo pensioniste e dembele. Shqiptaret qe kane punen, kane biznesin, kane shkollen, kane familje, nuk shkojne neper kafene e nuk e vrasin kohen kot.


3. Atdheu i femijeve te emigranteve nuk eshte Shqiperia, eshte Amerika!

Nje nga veshtiresite me te medha qe brezi i vjeter i shqiptareve has ne raport me brezin e ri, femijet e tyre, eshte mania e brezit te vjeter per te diktuar mentalitetin e tyre mbi femijet e tyre. E bejne kete me insistimin per te "mesuar shqip me cdo kusht" qe kur jane jane femije te vegjel; ne manine per ti shoqeruar femijet e tyre "vetem me shqiptare"; ne manine per te diktuar me dhune ne mendjet e tyre idene se "Shqiperia eshte Atdheu i tyre!". Pa vetedije, keta prinder jane duke u bere pengesa kryesore per integrimin e femijeve te tyre ne jeten amerikane. Shume nga keta femije mesojne shqip, por jane te papergatitur kur fillojne integrimin ne kopshte e shkolla me femijet e komunitetit amerikan ku jetojne. Insistimi per asimilimin e kultures shqiptare nga femija nga ana e prinderve behet nje pengese e madhe per keta femije ne integrimin e jetes amerikane. Pa dashur, keta prinder emigrante, nuk e kuptojne qe Atdheu i ketyre femijeve nuk eshte Shqiperia, Atdheu i ketyre femijeve eshte Amerika! Ndryshe nga prinderit e tyre, keta femije nuk kane lindur ne Shqiperi apo Kosove, kane lindur ne Amerike! Do te rriten ne Amerike. Do te shkollohen ne Amerike. Do te punojne e integrohen ne jeten amerikane. E do te vdesin ne Amerike. Prinderit mundohen t'iu diktojne Atdheun e tyre femijeve te tyre! Nuk e kuptojne qe integrimi i femijeve te tyre ne jeten amerikane nuk eshte nje gje e keqe, perkundrazi, eshte nje gje shume e mire. Dhe detyra e tyre si prinder nuk eshte te moslejojne asimilimin e femijeve te tyre ne kulturen amerikane, por ti ndihmojne keta femije qe te integrohen ne jeten amerikane. Tek e fundit, kjo eshte arsyeja perse prinderit sakrifikojne kaq shume per femijet e tyre, qe keta te integrohen e behen te suksesshem ne jeten amerikane. Dhe jo vetem kaq, por te hedhin rrenje ne kete vend, nje trashegimi breznore. Detyra e prindit nuk eshte te diktoje dhunshem kulturen shqiptare ne kurriz te kultures vendase, por ti gershetoje te dyja, dhe ti japi femijes se tij shembullin e duhur me jeten e tij si prind. Dhe vete prinderit duhet te bejne nje perpjekje per tu integruar sa te mundin ne jeten amerikane, pasi kjo i ndihmon edhe femijet e tyre. Ata prinder qe as nuk bejne nje perpjekje ne kete drejtim, jane ata qe ndikojne tejet negativisht ne jeten e femijeve te tyre. Ai prind qe nuk do te mesoje anglisht, i jep shembullin e keq femijes se vete per mesimin ne shkolle. Ai prind qe vetem tregon percmim per cdo gje qe jeta e re ne Amerike ofron, si nje menyre ne mendjen e tij per te lartesuar kulturen shqiptare, eshte nje prind qe eshte duke e izoluar femijen e tij nga te gjitha mundesite qe Amerika i ofron femijes se tij. Dhe rezultati i ketyre prinderve, eshte rritja e kloneve te tyre tek femijet, ku femijet trashegojne te njejtin mentalitet qe prinderit e tyre sollen nga Shqiperia!

Me e rendesishme se cdo gje tjeter per komunitetin shqiptar ne Amerike nuk jane "festat" apo "takimet e shoqatave" apo "kafenete shqiptare". Me e rendesishme per kete komunitet eshte qe femijet e tyre, te lindur ne kete vend, te mund te perfitojne sa te mundin nga mundesite qe ky vend u ofron, duke u bere njerez qe japin nje kontribut te madh ne kete shoqeri. Te behen inxhiniere, doktore, mesues, shkencetare, artiste, etj. Shqiperia e Kosova nuk ka nevoje per nje kokeshkrete me shume qe i bie gjoksit 24 ore ne dite se eshte me i mire e me i bukur se gjithe popujt e tjere, te tille ka plot ne Shqiperi e Kosove. Por te gjithe nderohemi e gezohemi si popull kur degjojme e lexojme per sukseset e ketij brezi te ri ne Amerike! Dhe leksioni tjeter i madh eshte qe ka plot shqiptare ne Amerike qe nuk dine te flasin shqip pasi jane brezi i trete apo i katert i lindur ne Amerike. Keta nuk jane shqiptare te ardhur rrishtaz, por shqiptare te ardhur 1 shekull me pare. Keta nuk e kane humbur as identitetin shqiptar dhe as vetedijen e origjines se familjes se tyre. E them kete, pasi shume shqiptare ne injorancen e tyre perdorin si meter te shqiptarizmes vetem gjuhen shqipe. Harrojne qe ka disa here me shume shqiptare qe jetojne jashte trojeve tradicionale shqiptare se ne to dhe emigracioni i shqiptareve nuk filloi sot apo 2 dekada me pare, ka filluar shekuj me pare.

Si cdo popull, kultura dhe shpirti yne si shqiptare nuk duket tek fjalet e bukura qe dalin nga goja jone, por nga shembulli i jetes sone dhe kontributi qe japim ne shoqerite e vendeve ku shkojme. Ky eshte ne vetvete edhe "metri" i suksesit apo deshtimit te nje komuniteti emigrantesh ne nje shoqeri te re, dhe jo mentalitete te shekullit te XIX qe shqiptaret sjellin me vete dhe riciklojne ne shekullin e XXI.

Albo

[Kallmeti]

Albo ne Jacksonville Florida apo edhe ne qyetete te tjera te Florides jetojne mijera shqiptare te emigruar vitet e fundit.Sigurisht ti ,une dhe rinia shqiptare eshte bere pjese e jetes se Amerikes por nje pjese e madhe e nje brezi tjeter nuk jane te tille, kane nevoje per nje ngrohtesi shqiptare..
Jam dakort me ty se Atdheu e femijeve tane eshte Amerika dhe me vjen mire qe shume shqiptare udhetojne ne te njejtin tren jete me amerikanet por nuk jam dakort me ty qe te asimilohen.Vete presidenti Amerikan kur merr pasaporten thote mos harro nga ke ardhur, mos harro gjuhen e kulturen e kombin tend dhe kete trasmetejo tek brezat.Pra ti me mentalitetin tend je ne rregull , dhe ne mjaft arsytime te tuejat jam me ti por jemi shqiptare.Sigurisht nuk duhet te jemi shqiptare me mentalitetin e diktatures komuniste por ajo kohe i ka shperlare trute popullit shqiptar por nuk duhet ta harrojme nga kemi ardhur ne apo prinderit tane.E di se brezi i vjeter eshte i huaj si per shqiperine ashtu edhe per Ameriken.
E di se ne Worcester ka shume shqiptare dhe gjuha e dyte e atij qyeti eshte shqipja por une ne opinionin tim kam folur ne pergjithsi dhe me fakte.Sigurisht po ti hedhesh nje veshtrim shkrimit tim ne facebook do te shikosh komentet qe shumica thone sa me larg shqiptare jo vetem ne Amerike por edhe ne Angli apo kudo ku jeton diaspora shqiptare.
Ju uroj nje fundjave sa me te mire .

[mia@]

Ajo shprehje, "Larg shqiptareve" perdoret shume vertet, por te vjen per te qesh e qare bashke kur e perdorin ca njerez qe jane vet e keqja e shqiptareve.
Normal qe ketu kane ardh lloj-lloj e soj-soj e fillimisht shqiptaret kane mall per vendlindjen e behen me ke shqiptar ti dali para vetem se jane shqiptar. Normal qe keto lloj shoqerish nuk zgjasin per shkak te ndryshimeve ne karakter, nivrlin e edukimit dhe kultures qe ekzistojne mes njerezve. Pavaresisht deshires se mire nuk mund te kesh shoqeri me nje person vetem se jeni shqiptar. Duhet perputhje dhe ne te tjera aspekte.
Nje arsye tjeter edhte fakti qe ketu te detyron jeta te afrohesh cik ne teper sec duhet me shoqerine. Ndajne cdo problem me shoqerine shqiptare. Ata te behen familje ne gezime e hidherime. Tek ata do mbeshtetesh per te gjetur pune, transport, per te mbajtur femijet e tjera. Ben nder dhe pret te ta kthejne njesoj. Zhgenjehesh ndahesh. Ben ndere dhe njehere si ndihmon u ngel qejfi, ftohet shoqeria. U ben nder e pranojne, u jep nje keshille e varin turinjte. Ose te bejne nder e ta nxjerrin nga hundet ate nder qe te bejne. Ta kujtojne 100 here. Ja keshtu. Besoj kjo ndodh ne cdo komunitet emigrantesh jashte. Ne Shqiperi jane me te ndara gjerat pasi nuk te duhet te hapesh apo mbeshtetesh kaq shume te shoqeria.
Per mua mos rri larg shqiptareve, por krijo shoqeri me ata qe te pershtateten.

[mario_kingu]

kjo eshte edhe e vertet por dhe jo e vertet
kam qen emigrant dhe ne europ dhe ne vendin ku jetoj usa
ketu duhet te flasim per pervojen ton personale dhe jo me thenie tha ai tha ky
ketu secili nga ne ka shoqerin e ti por eshte per te theksuar se shoqerin qe krijojme eshte nga qyteti nga jemi te pakte jan shoqeria nga anet e tjera te shqiperis

[A.A]

Fothje nuk do te thosha sesa mos pershtatje.
Dy komunitete me i riu pas viteve 90,ku ky komunitet per 15 vjet mezi u adaptua me mentalitetin american ...etj.
tjetra eshte qe ne shume shoqata,Albaneze,te veremosura prej kohes,te cilat rrine e vegjetojne ne ate strofkullen e tyre AMERIKANE,te ciles me se shumti i perkasin komunitetit para viteve 90,mundohen qe komunitetit te rri ti japin ca ndihma,si llafollogji,bla bla bla.....duke dashur qe te rrinjte te jene nen urdherat e drejtimet tyre,politike ekonomike ...etj!
e fundit,komuniteti Albanistanes,eshte i vetmi komunitet me 5 apo 6 kryesi,te cilat krijojne perplasje me nj-tjetren,e cila ka ndodhur historikisht.

[Wordless]

Perse shqiptaret e Amerikes thone sa me larg shqiptareve?

Sepse ashtu është një punë !!

p.s

Nuk e thonë këtë gjë vetëm Shqiptarët e Amerikës, e themi edhe ne të Shqipërisë

[mario_kingu]

Fothje nuk do te thosha sesa mos pershtatje.
Dy komunitete me i riu pas viteve 90,ku ky komunitet per 15 vjet mezi u adaptua me mentalitetin american ...etj.
tjetra eshte qe ne shume shoqata,Albaneze,te veremosura prej kohes,te cilat rrine e vegjetojne ne ate strofkullen e tyre AMERIKANE,te ciles me se shumti i perkasin komunitetit para viteve 90,mundohen qe komunitetit te rri ti japin ca ndihma,si llafollogji,bla bla bla.....duke dashur qe te rrinjte te jene nen urdherat e drejtimet tyre,politike ekonomike ...etj!
e fundit,komuniteti Albanistanes,eshte i vetmi komunitet me 5 apo 6 kryesi,te cilat krijojne perplasje me nj-tjetren,e cila ka ndodhur historikisht.

ti ose je I ndonje komuniteti ose futja kot te dali plot

[legjenda12]

ashtu ka qen shkrimtar yn i madh faik konia o zot roje shqiperia nga shqiptaret

[legjenda12]

me pasaporte kosovare nuk vlen per asgje momentalisht