Nisma e kryeministrit Berisha: Shqiperia, 1 €

[Albo]

Revista prestigjioze “The Economist”: Shqipëria ka kapacitete të larta të përthithjes së të ardhurave nga turizmi

1/8/2007

Kryeministri Berisha, gjatë mbledhjes së sotme të qeverisë, theksoi vlerësimin e bërë nga revista prestigjioze e biznesit “The Economist”, sipas të cilës Shqipëria është në krye të vendeve që realizon më shumë të ardhura për frymë nga turizmi. Kryeministri u shpreh se ky është një zhvillim shumë pozitiv dhe se biznesi po ndihmon dukshëm në dimensionin kulturor, i cili është jashtëzakonisht i rëndësishëm për vendin.

Kryeministri theksoi se Shqipëria po bëhet çdo ditë e më shumë tërheqëse për turizmin ndërkombëtar dhe për investimet e huaja. Ky vlerësim është jashtëzakonisht shpresëdhënës, vijoi ai. Sipas Organizatës Botërore të Turizmit, një organizatë e Kombeve të Bashkuara, Shqipëria merr për çdo turist 17.500 dollarë. Kjo faturë kaq e mëkëmbur i detyrohet interesit shumë të madh të biznesit për Shqipërinë. Sipas studimit te Organizatës Botërore të Turizmit, të ardhurat për turist në Shqipëri janë më të larta, në distancë, se në Luksemburg, në Suedi dhe në Zelandë të Re, Japoni, SHBA, Kuvajt etj. Kjo për shkak të një fluksi shumë të madh të ekipeve të biznesit.

Kryeministri theksoi se një tjetër tregues pozitiv në këtë aspekt është edhe fakti që krediti në Shqipëri 70 për qind shkon drejt biznesit. Për vendin ka një rëndësi të jashtëzakonshme që ky kredit që rritet me shpejtësi çdo ditë shkon në tërësi për biznesin, tha Kryeministri.

Në fjalën e tij, Kryeministri u shpreh:

“Kam një lajm shumë pozitiv sot. “The Economist” rreshton Shqipërinë në krye të vendeve që realizon më shumë të ardhura nga turizmi, sigurisht duke i proporcionuar për frymë dhe për vendin. Kjo tabelë është jashtëzakonisht shpresëdhënëse. Sipas Organizatës Botërore të Turizmit, një organizatë e Kombeve të Bashkuara, Shqipëria merr për çdo turist 17.500 dollarë. Një gjë është e vërtetë, kjo faturë kaq e mëkëmbur i detyrohet interesit shumë të madh të biznesit për Shqipërinë.

Pra, Shqipëria nuk ka numrin më të madh të turistëve, sigurisht, por në Shqipëri vjen një numër shumë i madh biznesmenësh, të cilët shpenzojnë më shumë, janë turistë të mëkëmbur. Ata që vijnë janë kryesisht grupet e mëdha të biznesit. Në këtë kontekst, të ardhurat për turist në Shqipëri janë më të larta në distancë se në Luksemburg, në Suedi dhe në Zelandë të Re, Japoni, SHBA, Kuvajt etj. Kjo për shkak të një fluksi shumë të madh të ekipeve të biznesit.

Në këtë mënyrë, dimensioni kulturor është jashtëzakonisht i rëndësishëm dhe po ndihmohet dhe nga biznesi. Ky është një zhvillim shumë pozitiv. Dy janë treguesit ndër më pozitiv në këtë aspekt; krediti në Shqipëri 70 për qind që shkon drejt biznesit. Sërish, bëra ndërhyrje për ta kufizuar për arsye të njohura atë, por për vendin ka një rëndësi të jashtëzakonshme fakti që ky kredit që rritet me shpejtësi i shkon në tërësi, pra 70 %, biznesit. Ky është raport shumë i rrallë për vendet të tjera, është një tregues shumë pozitiv, indirekt, sepse që të marrë Shqipëria turistët më të kushtueshëm, apo mesatar, kjo ka të bëjë me ekipe të gjera biznesi që vijnë në vend”.

Keshilli i Ministrave

[Albo]

Qeveria aprovon dy projekte me koncensione nga investitore te huaj, qe kapin shifren 500 milion USD

[Albo]

Investimet e huaja në Shqipëri këtë verë kapin vlerën 2 miliardë euro

15/8/2007

-Besimi i kompanive të huaja për të investuar në Shqipëri, dëshmi e klimës së favorshme

Qeveria miratoi sot në mbledhjen e saj disa projekte të rëndësishme që zgjerojnë edhe më tej hartën e investimeve të huaja në Shqipëri. Projekti i instalimit të linjës tregtare të interkonjeksionit Seman-Bari me një vlerë 300 milionë euro, dhe ngritja e një fabrike çimentoje nga firma spanjolle Aguila në Fushë-Krujë me vlerë 250 milionë euro, ishin dy nga vendimet më të rëndësishme të miratuara nga Këshilli i Ministrave.

Gjithashtu në mbledhjen e sotme Këshilli i Ministrave miratoi proejtkligjin për bujqësinë dhe zhvillimin rural, i cili synon të detyrojë qeverinë të ketë një ndër përparësitë e saj zhvillimin e këtyre zonave.

Duke iu referuar miratimit të një sërë vendimesh nga qeveria për projekte madhore nga kompani të njohura ndërkombëtare, Kryeministri e cilësoi verën e këtij viti si të papërsëritshme, përsa i përket nivelit gjithnjë e në rritje të investimeve të huaja në Shqipëri, të cilat kapin shifrën rreth 2 miliardë euro. Ai nënvizoi se gjatë muajve në vazhdim parashikohet miratimi i projekteve të tjera që do ta rrisin edhe më tej këtë shifër.

Kryeministri Berisha i cilësoi këto investime si jashtëzakonisht të rëndësishme për perspektivën ekonomike të zhvillimit të vendit, ndërkohë që shprehu vendosmërinë e qeverisë për lehtësimin e mëtejshëm të proçedurave për biznesin vendas dhe atë të huaj. Ai theksoi se këto projekte të mëdha të investimeve të huaja që po realizohen në vend, janë dëshmi e klimës së besimit të madh tek Shqipëria, tek stabiliteti dhe ligjet e saj.

Keshilli i Ministrave

[Albo]

FMN publikon të gjitha arsyet përse nuk afrohen biznesmenët e huaj në Shqipëri

Raporti më i fundit ndërkombëtar tregon përse jemi vendi me nivelin e investimeve të huaja më të ulëta në rajon. Mungesa e rregullave për konkurrencën e lirë, siguria, pronësia e papërcaktuar, mungesa e energjisë, korrupsioni, disa nga arsyet që mbaj

Ervin Koçi

Mungesa e konkurrencës dhe e rregullave në bazë të një ligji në tregun e lirë të biznesit konsiderohet si arsyeja kryesore që pengon shtimin e investimeve dhe investitorëve të huaj në Shqipëri. Një raport i fundit i FMN-së, drejtuar qeverisë shqiptare dhe Ministrisë së Financave, lidhur me realizimet e investimeve në vend, ka evidentuar dhe arsyet që mbajnë larg investitorët e huaj. Këta të fundit dhe investimet e tyre vazhdojnë të mbeten peng i problemeve të pronës, korrupsionit dhe kushteve të rënda të infrastrukturës duke e vendosur Shqipërinë në nivelin më të ulët përsa i takon këtij treguesi në Europën Juglindore dhe rajon. Ajo që shqetëson investitorët e huaj, por edhe ata vendas, e pasqyruar edhe në raportin e FMN-së, është mungesa e rregullave bazë dhe një ligji që të përcaktojë saktë kushtet e konkurrencës në biznes. Raporti i fundit e rendit këtë arsye si të parën lidhur me pakësimin e investimeve të huaja, në një kohë që të tjera arsye janë mungesa e sigurisë së përgjithshme në vend, mungesa e përcaktimit të saktë për pronën private, mungesa e energjisë elektrike, e ujit, mungesa e infrastrukturës, burokracitë qeveritare dhe korrupsioni në administratë. Përveç raportit të pak ditëve më parë të FMN-së, në këtë linjë ka vepruar në mënyrë të pavarur edhe Ministria e Ekonomisë, e cila që dy muaj më parë ka bërë një analizë të investimeve të huaja në vend duke arritur në përfundimin se “niveli i tyre është mjaft i ulët si pasojë e një trashëgimie negative të dëmtimit të rëndë të klimës së biznesit, për shkak të pengesave të konsiderueshme administrative, korrupsionit të përhapur, dobësive rregullatore si dhe riskut të perceptuar ekonomik dhe politik të vendit”. Kështu, megjithëse flukset e investimeve të huaja në Shqipëri kanë qenë në rritje të vazhdueshme, ato mbeten në nivele shumë të ulëta nëse i krahasojmë me rajonin.

Rezultatet ndër vite

Studimet e bëra nga FMN-ja lidhur me klimën e përshtatshme ose jo për të investuar në Shqipëri kanë nxierë në pah arsye të forta që mbajnë larg bizneset e huaja. Këto analizime janë shtrirë edhe në vite duke analizuar me detaje të gjitha mundësitë opportune, por edhe disfavoret që ka paraqitur Shqipëria për investitorët e huaj. I konsideruar në fund të viteve ’90 “si një treg i përshtatshëm për investitorë aventurierë”, Shqipëria ka ndryshuar disi imazhin në fillim të viteve 2000, edhe pse ritmet e investimeve të huaja kanë qenë të vogla. Gjatë vitit 2004, për shkak edhe të privatizimit të Bankës së Kursimeve, fluksi i FDI-ve për këtë vit arriti vlerën prej 341 milionë USD. Për vitin 2005, investimet e huaja direkt për efekt edhe të mungesës së privatizimeve, zbritën në 255 milionë USD. Ndërkaq, duke pranuar problemet e së tashmes dhe duke shikuar mundësitë reale për të thithur investimet e huaja, Ministria e Ekonomisë në hartimin e Strategjisë së Zhvillimit ka përcaktuar qartë dhe potencialet ku mund të përqendrohet kapitali i huaj. Duke u ndaluar në çdo sektor, specialistët e ekonomisë i kanë vënë nota të larta sektorit të agrobujqësisë, turizmit, gazit dhe energjisë, por pa harruar që dhe përpunimi i veshjeve dhe industrisë së lëkurë-këpucëve ka rezultuar i suksesshëm gjatë viteve të fundit. Mbështetur në të dhënat e marra nga çdo sektor është menduar se e ardhmja do t’i takojë pikërisht atyre sektorëve që kanë potenciale të pashfrytëzuara zhvillimi dhe përfitojnë nga krahu i lirë i punës dhe kushtet gjeografike.

Industria e përpunimit të veshjeve

Shqipëria ka gjithashtu një industri veshjesh në zhvillim e sipër, e cila ka tërhequr investime të huaja kryesisht nga Italia, Gjermania dhe Greqia. Aktualisht në këtë sektor operojnë rreth 50 firma të huaja dhe 17 shqiptare, të cilat punësojnë rreth 10.000 punonjës. Mundësitë për investime të reja në këta sektorë përcaktohen kryesisht nga këta faktorë konkurrues që Shqipëria disponon: një treg më i gjerë i hapur në sajë të nënshkrimit të Marrëveshjeve të Tregtisë së Lirë për Europën Qendrore CEFT, kosto e ulët e punës (mesatarisht 150-200 dollarë në muaj), logjistika; mundësi për prodhim “just in time” dhe me cilësi të lartë falë pozicionit strategjik pranë tregjeve kryesore si Italia dhe Greqia dhe standardeve të aplikuara nga ndërmarrjet shqiptare.

Shërbimet ndaj biznesit

Me qëllim përmirësimin e eficiencës dhe produktivitetit, kompanitë multinacionale përfitojnë avantazhe të mëdha duke konsoliduar aktivitetet si shërbimet në një vend të caktuar dhe duke i standardizuar ato në të gjithë botën. Kjo po krijon mundësi të reja për investime të huaja direkt për vendet në zhvillim e sipër, të cilat kanë avantazhe kostoje mjaft më të mëdha sesa vendet e zhvilluara. Metoda e preferuar për këtë konsolidim nga kompanitë është ajo e të besuarit të këtyre aktiviteteve/shërbimeve kompanive të tjera (outsourcing). Në këtë aspect, Shqipëria paraqet mundësi të mëdha për të thithur katër lloj investimesh të huaja të orientuara nga eksporti: qendra të kujdesit ndaj klientit, qendra të përbashkëta të përpunimit të të dhënave, shërbime të teknologjisë së informacionit si dhe zyra qendrore për bizneset. Nisur dhe nga raporti më i fundit i FMN-së për Shqipërinë, rezulton që në një afat të shkurtër mundësitë më të mira për të thithur investime i kanë dy sektorët e parë (qendrat e kujdesit ndaj klientit dhe përpunimi i të dhënave). Kjo falë disa avantazheve konkurruese si: Forcë punëtore e kualifikuar, me zotërim të gjuhëve të huaja dhe me kosto mesatare sa një e pesta e vendeve europiane; ambiente, zyra të mjaftueshme në treg, rrjet i telekomunikacionit në zhvillim etj.

Bujqësia dhe Agrobiznesi

Nisur nga raporti i FMN-së, por mbështetur edhe mbi informacione të Ministrisë së Ekonomisë, Shqipëria ka mundësi të konsiderueshme në zhvillimin e bujqësisë në sajë të klimës së saj të favorshme dhe krahut të lirë të punës në zonat rurale. Për shkak të metodave akoma tradicionale të prodhimit të frutave, perimeve, mishit dhe produkteve të qumështit duke përdorur më pak shtesa artificiale (OMGJ), pesticide dhe kimikate, Shqipëria është bërë e mirënjohur si një prodhues i nivelit botëror dhe eksportues i ushqimeve organike biologjikisht të pastra në rajonet më të mëdha, në tregjet europiane dhe ato amerikanoveriore.

Nafta dhe gazi

Raporti i FMN-së vlerëson se “në periudhën në vazhdim industria e naftës dhe gazit do të vazhdojë të jetë një sektor i rëndësishëm i ekonomisë së vendit, si në pikëpamje të peshës që do të zërë në bilancin energjetik, ashtu dhe në zhvillimin e pronës, për të finalizuar transformimin e plotë të pronës shtetërore në pronë private”.

Turizmi

Shqipëria ka pasuri të mjaftueshme natyrore dhe është me perspektivë nga pikëpamja turistike. Bregdeti shqiptar zgjatet në një gjatësi prej 450 km dhe përmban disa nga zonat bregdetare më të pastra dhe më të bukura në të gjithë Mesdheun Verior, që mund të konkurrojnë bregdetet e Italisë dhe të Kroacisë. Jugu i Shqipërisë është vetëm pak larg nga një destinacion tjetër i madh turistik, ishulli grek i Korfuzit. Qeveria po përgatit një projektligj të ri mbi turizmin, i cili do të përcaktojë planet e tij për zhvillimin e këtij sektori dhe pritet të hyjë në fuqi brenda vitit 2007.


Më të prapambeturit në rajon për investimet e huaja

Problemi i imazhit është një drejtim ku do të përqendrohet puna në të ardhmen për të siguruar një ndryshim të shpejtë të imazhit për Shqipërinë karshi vendeve të huaja. Problemet dhe konfliktet lidhur me pronësinë mbi tokën, procedurat burokratike për regjistrimin e të drejtave të pronësisë, për aprovimin dhe dhënien e lejeve të ndërtimit, kanë krijuar gjithmonë një barrierë për investimet e huaja. Niveli i informalitetit të ekonomisë është gjithashtu një drejtim që do të synohet të përmirësohet në të ardhmen, për të siguruar një konkurrencë të ndershme në treg. Procesit të ngadalshëm të privatizimeve të ndërmarrjeve të mesme dhe të mëdha të shtetit, të sektorëve industrialë me intensitet të lartë kapitali dhe sektorëve strategjikë, si energjia dhe telekomunikacioni, u shtohet dhe perceptimi ende i një “risku politik dhe ekonomik” të vendit nga investitorët potencialë të huaj. Funksionimi i dobët i institucioneve publike, korrupsioni, trafiqet dhe zbatimi i dobët i ligjit bashkohen me mungesën e efikasitetit dhe koston e lartë të infrastrukturës (transport, energji, ujë), si dhe mungesën e parqeve industriale për FDI-të të orientuara nga eksporti dhe turizmi. Ndonëse ekziston një ligj që lejon krijimin e zonave të lira dhe parqeve industriale, deri tani në Shqipëri nuk është krijuar ndonjë zonë e lirë apo park industrial. Pamjaftueshmëria e shërbimeve financiare, bankare dhe jobankare, niveli i ulët i kreditimit, cilësia e ulët e shërbimeve financiare për tregti ndërkombëtare, niveli i lartë i interesit, kërkesat e larta për kolateral, shërbimet e dobëta të kompanive të sigurimit etj, janë ndër kushtet që mbajnë larg nesh biznesin e huaj.

18 Korrik 2007
Albania

[xhori]

ky sala e beri cdo gje 1 euro edhe taksen per qendrimin e makinave te emigranteve ne shqiperi, 1 euro ne muaj bravo i qofte keshtu e duam
sese ato eurot e tjera i rekuperon kur shkon te rinovosh pashaporten te kerkon 50 mij lek gjob se e ben para kohe +50mij qe kushton pashaporta se kjo pashaporta jon eshte ve viz diplomatike dhe kushton
fajin e kemi ne shqiptaret qe vim ne shqiperi dhe mbajme gjalle ato administrata te korruptuara

[vagabondo_nyc]

FMN-ja te tregon qe kto jane arsyjet qe pse nuk vijne investor te huaj ne shqiperi ndersa Sali Berisha thote shqiperia ka klime te favorshme per investime ...ke te besojme?


Pse akoma vazhdojme ti bejme qejfin vetes nuk e kuptoj?

[Albo]

BERZH: Asnjë vend s’ka ndryshuar kaq pozitivisht sa Shqipëria

Nga A. Maho

Drejtori i ri i Zyrës së BERZH në Tiranë, Daniel Berg, tha dje se nuk kishte parë asnjë vend që të kishte ndryshuar kaq pozitivisht brenda pak viteve, siç ka ndodhur në Shqipëri.

Ai i bëri komentet gjatë një takimi me kryeministrin Sali Berisha. Ky i fundit tha se qeveria shqiptare sheh te BERZH një partner shumë të mirë, me të cilin janë realizuar dhe do të realizohen më shumë projekte të rëndësishme.

Kryeministri vlerësoi si sektorë prioritarë e me interes për bashkëpunim me BERZH, sektorin energjitik, të infrastrukturës, sektorin privat në përgjithësi, etj. Zoti Berisha theksoi se synimi i qeverisë dhe fokusi i saj në sektorin e energjisë është diversifikimi i burimeve të energjisë për të zhdukur varësinë e madhe nga burimet ujore. “Në këtë kuadër, investimeve në hidrocentrale po iu shtohen edhe investimet në TEC-e, investimet në impiante të energjisë së erës dhe të energjisë diellore. Bashkëpunimi dhe kontributi i BERZH në këtë sektor është i mirëpritur”, - tha Berisha.

Kryeministri i prezantoi drejtorit të zyrës së BERZH në Tiranë investimet në fushën e transportit rrugor dhe detar, si dhe në fusha të tjera të ekonomisë, çimentos etj. Ndërsa zyrtari i BERZH tha se vinte në Shqipëri pas 12 vjetësh dhe se vizita e tij e parë kishte qenë si turist. Ai tha se, bazuar në ato çfarë po sheh në këto ditë të para në Shqipëri, si dhe nga prezantimi i situatës ekonomike nga ana e kryeministrit, zhvillimi ekonomik i Shqipërisë dhe objektivat e BERZH shkojnë në të njëjtën linjë. Interesi i BERZH për projektet e reja që do të prezantojë dhe financojë, fokusohet në sektorin energjitik, infrastrukturë dhe partneriteti me sektorin privat. Ndër projektet e afërta të përmendura prej tij ishte disbursimi i parave për TEC-in e Vlorës që tashmë ka filluar, projekte me kompanitë “Euromax” dhe fabrikën e çimentos “Ital Cement”, projekti për rrugën Levan-Vlorë, etj.

Drejtori i zyrës së BERZH në Tiranë nënvizoi se interesi i kësaj banke është i madh në privatizimin e sistemit të shpërndarjes së KESH, për portin e Shëngjinit, si dhe investime në akse të tjera rrugore.

Tema

[Albo]

Kryeministri Berisha takon përfaqësues të kompanisë FCDG

7/9/2007

Kryeministri Berisha ka pritur sot përfaqësues të kompanisë Foreign Capital Development Group, të cilët i kanë prezantuar projektet e para në fushën e energjetikës, minierës dhe turizmit.
Pas këtij prezantimi, pala kinezë, e cila është pjesë e këtij grupi të madh investitorësh amerikanë, shqiptarë e kinezë, i ka shprehur Kryeministrit Berisha interesin për vazhdimësinë e bashkëpunimit me qeverinë shqiptare, që, duke iu referuar eksperiencave të mëparshme, rezulton të ketë qenë gjithëherët shumë pozitive.

Kryeministri Berisha i ka falënderuar përfaqësuesit e këtij grupi për interesin dhe projektet që kanë propozuar, duke i siguruar se qeveria shqiptare do t’i mbështesë përpjekjet e tyre në këto fusha, që ato të kurorëzohen me sukses.
Pasi u ka bërë me dije përfaqësuesve të FCDG se interesi në këto fusha, ku ata kërkojnë të operojnë, është i madh edhe për shumë kompani të tjera të huaja dhe vendase, Kryeministri ka theksuar edhe një herë se projekte të tilla përbëjnë prioritet për qeverinë shqiptare dhe reformat e saj.

Në fund të këtij takimi, Kryeministri Berisha nënvizoi edhe një herë faktin se Shqipëria dhe Kina janë vende miq, të cilët synojnë ta thellojnë këtë marrëdhënie shumë të mirë edhe në fushën ekonomike.

Kryeministria

[Albo]

Kryeministrit Berisha i prezantohen dy projekte gjermane, për energjetikën dhe turizmin elitar në Shqipëri

5/9/2007

Kryeministri Berisha ka pritur sot në zyrën e tij, pranë Këshillit të Ministrave, drejtorin e kompanisë gjermane “Stofanel Investment GmbH”, z. Wolfgang Koellisch, i cili i ka prezantuar një projekt për prodhimin e energjisë fotovoltaike dhe një projekt tjetër që i përket fushës së turizmit në zonën e Porto Palermos. Z Koellisch ka shpjeguar se ky projekt, që synon zhvillimin e turizmit elitar në Shqipëri, kërkon një sipërfaqe prej 4.8 milionë metër katrorë.

Në fund të këtij takimi kryeministri Berisha e ka siguruar drejtorin e kësaj kompanie se pas përfundimit të masterplanit të zonës bregdetare, që po zhvillohet si pjesë e projektit të Bankës Botërore, do të merren në shqyrtim të gjithë projektet e prezantuara deri më tani, të cilat kanë të njëjtin synim, atë të zhvillimit të turizmit elitar në këto zona bregdetare.

Kryeministria

[Albo]

“IBM”: Po shohim mundësinë të hyjmë në tregun shqiptar

Nga Fitim Zekthi

Tregu shqiptar rritet dhe po bëhet më i sigurt, po ashtu edhe mundësia e investitorëve potencialë për të derdhur kapitalet e tyre. Liberalizimi i tregut, përmirësimi i klimes së biznesit, përshpejtimi i privatizimeve strategjike, etj., janë disa nga faktorët që po i nxisin investitorët e huaj të futen në tregun shqiptar. Ata e shohin këtë klimë pozitive, si një mundësi të mirë, ku investimet e tyre, jo vetëm janë të sigurta, por edhe në rritje. Tregu është bërë më i hapur, ndërsa gama e shërbimeve dhe e firmave pjesëmarrëse sa vjen dhe rritet. Mjaft firma tashmë të njohura, jo vetëm nga Europa, por dhe nga SHBA-të deri nga Azia e largët janë të pranishme me investimet e tyre në mjaft sektorë strategjikë të vendit. Ndërsa, një pjesë operon në këtë treg dhe mendon të rrisë këto investime, të tjera kompani të fuqishme janë duke e investiguar atë. Klima e biznesit konsiderohet si më e mira, ndërsa ekonomia e vendit po fuqizohet. Pjesëmarrësit në "Samitin e Binzesit dhe investimeve", që u mbajt ditët e fundit në Tiranë, u njohën me resurset që mbart Shqipëria, për të tërhequr vëmendjen e investitorëve të huaj. Agjencia Shqiptare e Biznesit dhe Investimeve (ALBINVEST) ka qenë promotore e këtij aktiviteti, ku sipas drejtorit të “Albinvest”-it, Denis Kalenja, "interesimi i përfaqësuesve të huaj, ishte i kënaqshëm dhe këtë e tregoi edhe numri prej 200 pjesëmarrës, përfaqësues të 60 bizneseve të huaja". Interesimi gjithnjë e në rritje, për të operuar dhe për t'u bërë faktor në tregun shqiptar është rritur gjatë viteve të fundit. Një numër i konsiderueshëm kompanish dhe firmash, jo vetëm vendase, por edhe të huaja të njohura në fusha, si ato të shërbimeve, teknologjisë, telekomunikacionit, infrastrukturës etj., janë tashmë prezentë. Ata e shohin Shqipërinë si një distributor të rëndësishëm, për promovimin e produkteve dhe mallrave të tyre. Investimet e tyre janë të prekshme dhe në këtë rast mendohet, një rritje dhe zgjerim i tyre. Ndërsa një palë i gëzon "frytet", për shkak edhe të forcimit të pozitave në treg, palës tjetër i duhet të investigojë përpara se të vendosë, si dhe sa duhet të investojë. Një prej tyre është edhe kompania e njohur në fushën e teknologjisë, “IBM”. Me një reputacion ndërkombëtar, për shkak edhe të shtrirjes së saj në 170 vende të botës ku dhe operon, kjo kompani po shikon së fundmi mundësinë e angazhimit të saj, në një sërë projektesh të rëndësishme të qeverisë shqiptare. Drejtori për Europën Lindore dhe Qendrore, Radim Hradicek, pranon faktin se ndodhet në Shqipëri për të vlerësuar tregun shqiptar dhe për të parë mundësinë për të marrë pjesë në tenderin e kartave të identitetit, të pasaportës elektronike apo të ndërtimit të informacionit të qeverisë. "Unë jam në Shqipëri për të investiguar mundësinë e “IBM”-së për të hyrë në tregun shqiptar me investime në teknologjinë e informacionit", - shprehet Hradicek. Ajo që ne shohim këtu shton ai është se, qeveria është e interesuar për të bërë një qeverisje elektronike dhe një nga projektet fillestare të qeverisjes elektronike është edhe projekti i kartave të identitetit.

Tema