Nisma e kryeministrit Berisha: Shqiperia, 1 €

[Albo]

Nënshkruhet marrëveshja mes qeverisë shqiptare dhe fondacionit gjerman “Hanns Seidel”

Sot paradite, në ambientet e kryeministrisë u nënshkrua Marrëveshja e Bashkëpunimit ndërmjet qeverisë së Republikës së Shqipërisë dhe fondacionit gjerman “Hanns Seidel”. Mbi bazën e kësaj marrëveshjeje, Fondacioni do të ofrojë asistencë në sektorin politik, ekonomik dhe të administratës publike. Në sektorin politik, marrëveshja synon thellimin e bashkëpunimit mes Shqipërisë dhe Gjermanisë. Në sektorin ekonomik, Fondacioni do të ofrojë mundësi trajnimi në fushën e menaxhimit dhe marketingut për punonjësit e ndërmarrjeve private dhe shtetërore. Në sektorin e administratës publike, Fondacioni do të hartojë dhe zbatojë projekte për kualifikimin e nëpunësve të niveleve të ndryshme në sektorët e administratës qendrore dhe vendore.

Gjatë ceremonisë, Kryeministri Berisha zhvilloi një takim me Drejtorin e Përgjithshëm Ekzekutiv të Fondacionit “Hanns Seidel”, z. Rainer Gepperth dhe Përfaqësuesin e këtij fondacioni për Bullgarinë, Shqipërinë dhe Maqedoninë, z. Wolfgamg Glesker.

Takimi u përqendrua në reformat e ndërmarra nga qeveria dhe bashkëpunimin e mëtejshëm mes qeverisë shqiptare dhe këtij fondacioni, në aspektin politik, ekonomik dhe përmirësimit të kapaciteteve të administratës publike.

Kryeministri shprehu vlerësimin e tij për kontributin që Fondacioni “Hanns Seidel” ka dhënë nëpërmjet trajnimeve të shumta, projekteve dhe asistencës së ofruar. Kryeministri Berisha i njohu bashkëbiseduesit edhe me përpjekjet për zbatimin e Marrëveshjes së Stabilizim Asociimit me Bashkimin Evropian, progresin e vendit drejt anëtarësimit në NATO dhe krijimin e një klime atraktive për investimet në Shqipëri. Në mënyrë të veçantë, Kryeministri u ndal në reformën që ka ndërmarrë qeveria për futjen e metodave elektronike në regjistrimin e biznesit, regjistrimin e pronave, pagimin e taksave dhe detyrimeve doganore, pra në tërësi për kryerjen elektronikisht të veprimeve administrative. “Lehtësimi i procedurave burokratike, vijoi Kryeministri, është qëllimi kryesor i qeverisë”.

Drejtuesit e Fondacionit falënderuan Kryeministrin për mikpritjen dhe shprehën kënaqësinë për bashkëpunimin me qeverinë shqiptare dhe për intensifikimin e tij në të ardhmen.

Marrëveshja u nënshkrua, në prani të Kryeministrit Berisha, për palën shqiptare nga Sekretari i Përgjithshëm i Këshillit të Ministrave, z. Myqerem Tafaj dhe për palën gjermane nga Drejtori i Përgjithshëm Ekzekutiv i Fondacionit “Hanns Seidel” z. Rainer Gepperth.

Keshilli i Ministrave

[Albo]

Kryeministri Berisha zhvilloi takime me investitorë italianë

Kryeministri Sali Berisha zhvilloi takime të veçanta me grupe investitorësh italianë të kompanive "Geotekna Progetti" dhe "Moncada".

Përfaqësuesit e kompanisë së njohur italiane "Geotekna Progetti", kompani e fokusuar në fushën e energjisë e konkretisht në atë të hidrocentraleve, konkretizuan interesin dhe punën paraprake të tyre, të filluar kohë më parë, duke paraqitur një studim të plotë për hidrocentralin e Skavicës si dhe projektidenë përkatëse. Ky projekt ka në bazë një teknologji bashkëkohore që ekonomizon terrenin. Gjithashtu me zgjidhjen origjinale që ofron, dhe pse me një liqen më të vogël, pa u shtrirë më në tokën maqedonase, jep të njëjtin rendiment si me liqen më të madh, ruan ambientin dhe konsideron veçoritë gjeologjike të tokës e zonës në përbërjen e materialeve të digës.

Kryeministri Berisha, pasi u njoh me studimin dhe projektidenë theksoi se ky hidrocentral është i një rëndësie të madhe dhe përbën një vepër madhore në fushën e shfrytëzimit të ujrave në Shqipëri. Kryeministri vlerësoi shumë projektidenë e kësaj vepre dhe e cilësoi origjinale e të goditur. Kryeministri siguroi investitorët se ligji i ri i koncesioneve përbën një kuadër të shkëlqyer e shumë lehtësues për bashkëpunimin dhe partneritetin e frutshëm midis sektorit privat e publik.

Kryeministri pati një takim të dytë të suksesshëm dhe me kompanine tjeter italiane "Moncada", që operon gjithashtu në sektorin e energjisë, por kësaj radhe të energjisë së erës. Kjo kompani paraqiti projektin e kabllit nënujor midis Shqipërisë (Vlorë) e Italisë (Brindizi), si dhe projektidenë e një parku të madh energjetik me turbina ere me fuqi të instaluar 400 megavat. Vlera e të dy investimeve arrin në 800 milion euro. U ra dakord që projekti i parkut energjitik të mullinjve me erë të paraqitet shumë shpejt, duke kurorëzuar kështu punën njëvjeçare të bërë nga kjo kompani.

Keshilli i Ministrave

[LAINA]

Gjithe kjo histori eshte nje farse e madhe, shkurt quhet "hi syve". Per sa kohe ceshtja e pronave qendron pezull (mbas saj jane problemet e saj madhore, legalizime, kompensime etj etj.) "shqiperia 1 Euro" ngelet nje shaka e thene me te keq....

[DYDRINAS]

"Shqipëria 1 euro", termocentralet në treg

Në kuadrin e nismës "Shqipëria një euro", kryeministri Berisha veçoi dje një sërë vendimesh që kanë të bëjnë me përcaktimin e autoritetit kontraktues për dhënien me koncesion të hidrocentraleve të ndryshme dhe miratimin e bonusit në procedurën përzgjedhëse konkurruese që i jepet shoqërisë. Kreu i qeverisë theksoi se me këto vendime për termocentralet, qeveria bën një hap të rëndësishëm drejt zhvillimit të prodhimit termik të energjisë, për të cilën vendi ka shumë nevojë.

"Sot, ne nxjerrin në treg, me vendimin që marrim në kuadrin e nismës "Shqipëria 1 euro", termocentralet e vjetra, për të cilat, kompani shumë serioze të vendeve të ndryshme kanë treguar interes të madh për rikonstruksionin e tyre të plotë, me teknologji moderne, funksionimin e tyre me naftë, gaz, qymyr", u shpreh kreu i qeverisë, i cili informoi se qeveria vendosi t'i nxjerrë në treg me një bonus 8% për kompaninë e parë. Sipas kryeministrit Berisha, ky vendim nuk shpall fitues, por hap procedurën për t'u hapur tenderi ndërkombëtar. Duke theksuar se janë dy termocentrale ku investimet mund t'i dyfishojnë kapacitetet e tyre, kreu i qeverisë u shpreh se kjo do të thotë se kompania që ka sjellë projektin e parë, ka një bonus prej 8%, por, natyrisht, sipas tij, tenderin do ta fitojë ajo kompani që do të bëjë ofertën më të mirë si nga ana teknologjike, ashtu dhe në ndarjen e të ardhurave. Në vijim, kryeministri Berisha tha se përveç termocentralit të Fierit, janë edhe disa termocentrale të vegjël, të cilët do të përfshihen në këtë nismë. "Krahas këtij termocentrali shumë të rëndësishëm, me të cilin së bashku me termocentralin e Vlorës ne bëjmë një hap të madh drejt prodhimit termik të energjisë, për të cilën kemi shumë nevojë, janë edhe një seri hidrocentralesh të vegjël në lumin Mat dhe degë të lumit Osum, të tilla janë edhe TEC-et Selishtë, Vërtop, përroi i Peshkut", u shpreh kreu i qeverisë. Ai siguroi se vlerësimi i ofertave do të jetë shumë transparent për ata që do të bëjnë shfrytëzimin më racional dhe ofertën më të mirë, ndërsa informoi se fituesit do të shpallen në njësinë e koncesioneve, në Ministrinë e Ekonomisë.

Gazeta RD

[lushnjar]

Fatkeqsisht per shqiperin as nisma e berishes shqiperia 1 euro as nisma zero taks nuk kan arritur ne thithjen e investitorve te huaj ne niveli e duhur. Kjo eshte me shume per shkak te imazhit te shqiperis. Kur ja permend emrin Albania nje investitori te huaj atij i vine ne mend prostitutat shqiptare, skema mashtruese piramidale te stilit afrikan, krimenelat shqiptar, luftra etj.
Pra imazhi i keq dhe turpi i zi qe e mbuloj shqiperin gjat peridhes se trancionit qe krijoj berisha me paaftesin e tij dhe qeveris se asaj koha do te pakten 2 gjenerata te harrohen dhe nuk mund te mbulohet kaq shpejt me reforma te vonuara ekonomike. Berisha e beri shqiperin per 2 cent tani prandaj nuk e blen njeri per 1 euro.

[lumiani]

I am sick to death with all of these new schemes be those coming from the right, middle or left. The fact of the matter remains that the people at the top are the same ones and have to say in that context the agenda has and will not change unless they are removed and is made sure that no one under their wings is let anyway near politics or any body that can have/exert influence. 'Why?', you rightly ask. They are weak, unsophisticated, unoriginal and very much and ultimately corrupted. That's why there is a lot of good lot of Albanians out of their motherland. Sad but true.

What amazes one is that there has not been anyone that has gotten up and said: 'We can see what the problem is( economic and political chaos for the the masses bear the brunt of it all) let's go about and fix it and now!' It is pathetic for a country with so much potential, both in human and natural resources, to keep on begging for foreign investment and aid(and in everyday language that means borrowing at more than average interest rates, no one in the west lends you money for free).

I used to think things will get better when we reached these days and have they: Absolutely not and with cancerous vultures at the top (i dont care what side of the room they sit, they're all the same more or less) things will in fact get worse as 'the leaders' are getting more and more blinded by their agendas and not serving the people that they are meant to.

Living in hope is all very good but those hopes have to be close to reality and work has to be done to reach them by the ones that hope about the things they hope for!

Could go on for a while but I shall leave it at this juncture.


Ps. Should any one get offended by any of the things that I have written in here, then you are in it and got to come clean.

[Xhavit Fazliu]

Miku im idashur...jame Kosovar por jetojne Sarande. Nisma qeveritare Shqiperia 1 Euro, do te ishte e mire dhe atraktive sikur ta kishte te denjesisht te rregulluar ligjin e pronave dhe tokave! Eshte e lehte te shpallesh nje nisme por e veshtire ti dalesh zot, mua ma merr mendja se nje dite edhe Shqiperia do te behet vend atraktiv perInvestimete huaja.Kurse per keto epitetet "hajvan" apo te ngjashme...une vertet turperohem dhe quditem se nga e akumulon njeriu nje urrejtje kaq te verber per dike te gfjakut te vete.
Une z.Berisha ne fillim edhe vete e kritikoja dhe nuk e aplaudoja ne fjalimet e tija, por kure shoh se cfar Opozite transvestide ka Shqiperia ateher...them se ky ishte zgjdhja me e mire....Mund edhe te gabohem por te pakten kete mendim kam tani
me respekt xhaviti

[Albo]

Kryeministri Berisha takon drejtues të Haineken, McDonald’s dhe Colacer për investime në Shqipëri

3/7/2007

Kryeministri Berisha takoi sot paradite në zyrën e tij pranë Këshillit të Ministrave përfaqësues të lartë të dy kompanive të mëdha Haineken dhe McDonald’s. Drejtori për Evropën Qendrore për Heineken z. Xavier Belison i ka shprehur në këtë takim Kryeministrit Berisha interesin për të filluar aktivitetin e prodhimit të birrës Heineken edhe në Shqipëri. Të njëjtin interes, për ngritjen e një rrjeti McDonald’s jo vetëm në Tiranë, por edhe në qytete të tjera të Shqipërisë i ka shprehur Kryeministrit Berisha edhe menaxheri i përgjithshëm i McDonald’s z. Zoran Matliesvski.
Kryeministri u ka garantuar përfaqësuesve të këtyre kompanive mbështetjen e qeverisë shqiptare për kapërcimin e procedurave administrative, që të bëhet e mundur zhvillimi i këtyre dy aktiviteteve të mëdha në Shqipëri.

Po sot paradite Kryeministri Berisha ka pritur ne zyrën e tij drejtues të lartë të kompanisë italiane COLACER. Presidenti i kompanisë Pasquale Colaiacovo dhe adminitratori Carlo Colaiacovo i kanë paraqitur Kryeministrit projektin e ndërtimit të një fabrike çimentoje në Lezhë, me vlerë 200 milionë dollarë. Një projekt ky që ka marrë gjithashtu mbështetjen e Kryeministrit Berisha.

Kryeministria

[Albo]

Berisha: ”Investimi i grupit ‘Inteza Sanpaolo, shenjë besimi për ekonominë shqiptare”


Emanuela Sako

Firmoset kontrata mes grupit Inteza Sanpaolo, i Rrjetit të Ndërtimit të Bankave në Europën Juglindore dhe Bankës Amerikane të Shqipërisë. Ky bashkëpunim është vlerësuar si një eveniment i rëndësishëm për nxitjen e investitorëve strategjikë, ashtu dhe për zhvillimin e tregut bankar. Në këtë eveniment të rëndësishëm ka qenë pjesëmarrës edhe kryeministri Sali Berisha, ku ka zhvilluar një takim me drejtorin e Përgjithshëm për Rrjetin e Ndërtimit të Bankave të grupit “Inteza Sanpaolo”, zotin Xhovanni Boçolini dhe presidentin e drejtorin e Përgjithshëm Ekzekutiv të Bankës Amerikane, zotin Lorenco Roncari.
Drejtuesit theksuan rëndësinë e shtrirjes së grupit “Inteza” në rajonin e Europës Juglindore, përfshirë dhe vendin tonë, për mbështetjen e financimeve të projekteve të infrastrukturës si dhe rritjen e kapaciteteve të stafit vendor. Me këtë rast, Shqipëria u hap rrugë vendeve të tjera për të thelluar bashkëpunimin me ta. Para një viti Inteza Sanpaolo, kishte filluar negociatat me Bankën Amerikane të Shqipërisë për blerjen e 80 për qind të aksioneve të saj, marrëveshje e cila u konkretizua së fundmi.
Kryeministri Berisha e ka vlerësuar si një ndër prioritetet kryesore dhe kyçe për zhvillimin e vendit, bashkëpunimin me grupin bankar italian.
“Është vërtetë një ngjarje shumë e gëzueshme dhe historike që kjo ditë shënon një nga lidhjet më të shkëlqyera në historinë e këtij vendi, bashkimin e Bankës Amerikane të Shqipërisë me njërin prej gjigandëve më të mëdhenj të Evropës SANPAOLO IMI”,- deklaroi kryeministri në fjalën e tij.
Në këtë takim, ka qenë pjesmarrës edhe ambasadori Italian, Lorenco Roncari, të cilit Berisha i është drejtuar se shqipëria ka besim në bashkëpunimet italiane. Për më tepër, ai ka pohuar se shqipëria pret më shumë bashkëpunime të tjera të fuqishme si ai i gjigandit europian Sanpaolo IMI, apo në fusha të tjera të ekonomisë së vendit.
”Ne jemi dëshmitarë të një besimi të madh që bankat italiane i kanë dëshmuar Shqipërisë. Natyrisht ky është akti me kulmor dhe kjo ndodh një moment kur investitorë të mëdhenj italianë, evropianë, kanadezë, amerikanë dhe të vendeve të ndryshme, kanë projektuar miliarda dollarë euro për të investuar në sektorë të ndryshëm, në energji, turizëm, miniera dhe sektorë të tjerë të vendit”,- theksoi Kryeministri..


30 Qershor 2007

[D&G Feminine]

Ky eshte me te vertete akt kulmor. Intesa Sanpaolo eshte nje nga dy bankat me te medha italiane dhe nje nga me te medhate europiane. Tregu bankar ne Shqiperi tani e ka rrugen e hapur per investime. Per mua kjo eshte arritja me e madhe e kesaj qeverie, krijimi i stabilitetit bankar.