Nisma e kryeministrit Berisha: Shqiperia, 1 €

[Lunesta]

Kjo nisma me kujton ate kengen

...byrek byrek o usta murat
...kater copa bejn dy lek o usta murat...


Me kujton gjithashtu edhe ato bonot e thesarit qe na i rrasi ne xhep malsori para 10 vjetesh me te cilat fshime menderen pas 6 muajsh.


Kto jane rrena dhe idiotizma te pabazuara ne realitet per te fshehur deshtimet.
Te huajte nuk vine te investojne ne shqiperi jo nga qeraja e larte por nga pasiguria dhe fakti qe ju duhet te merren me shqiptare ne cdo moment, ky eshte realiteti.

[DYDRINAS]

Shqipëria kohët e fundit ka ndërmarrë një iniciativë duke e ofruar pronën publike për një euro metri katrorin.

Sipas zyrtarëve në Shqipëri " Shqipëria për një euro" synon tërheqjen e investitorëve të huaj dhe vendas për ta nxjerrë vendin nga varfëria dhe për ta drejtuar më shumë drejt ekonomisë europiane.

Blerim Kola: bisedoi me analistin e BBC-së për Evropën Juglindore, Gabriel Partosh dhe fillimisht e pyeti nëse një iniciativë e tillë ka qenë e sukseshme për vende të tjera të Evropës Juglindore dhe asaj Qëndrore

Gabriel Partos: Ky propozim tingëllon si një iniciative tepër ambicioze dhe unë nuk mendoj se ka patur ndonje skemë identike në vendet e tjera. Ka patur ide të njëjta për të tërhequr investitorët e huaj dhe më popullorja ndër to ka qenë ofrimi i nje periudhe pa taksa.

Me fjalë të tjera për t'i bërë investitorët e huaj që të investonin një shumë të caktuar parash, ku ata lejoheshin të investonin për një periudhë prej 5 deri në 10 vjet pa u taksuar në fitimet e tyre dhe sigurisht që ato do të jenë më të nxitura në një lloj mënyre që të vazhdojnë më tej me investimet e tyre.

Hungaria ishte vendi i parë që u afroi atyre këto kushte, por edhe shtete të tjera në Evropën Qëndrore dhe në atë Juglindore dhe kjo gjë ndodhi në fillim të viteve 90, vetëm pak kohë pas ndryshimeve të mëdha, kur këto vende donin që të kërkonin më shumë investitorë të huaj dhe ato ja kanë arritur, pasi pasi investimi i huaj është përqendruar kohët e fundit në Evropën Qëndrore dhe atë Juglindore.

Madje Hungaria e zgjati periudhën pa taksa edhe për 5 vjet të tjera. Por dhënia e tokës pa asnjë çmim, ose pothuajse pa asnjë çmim është një iniciative, për të cilin nuk jam i sigurtë nëse e kam hasur më parë, por tingëllon interesant dhe sigurisht mbetet të shihet se sa i rëndësishëm është për një kompani të huaj që të ketë pothuajse tokë pa kosto, në krahasim me elementët e tjera që janë të rëndësishme për një investim të huaj, siç janë qartësia dhe thjeshtësia e planifikimit burokratik, për të mos patur rregulla konfuze në aktivitetin e tyre.

Gjëja e dytë më e rëndësishme është siguria e investimit të huaj, për të demostruar se investitori i huaj do të ketë mundësinë që të nxjerrë paratë e tij sërish dhe sigurisht që nuk duhet të ketë pengesa të tilla si korrupsioni, mitmarrja, e cila e bën tepër të vështirë për investitorët e huaj, por ne duhet të presim dhe të shohim se si funksionon kjo skemë.

Blerim Kola: Në cilin vend ka qenë më efektive kjo inisiativë?

Gabriel Partos: Është një pyetje shumë e mirë, pasi ekonomistët kanë debate ndërmjet tyre nëse ofrimi i një periudhe pa taksa është më i rëndësishëm se sa disa elementë të tjerë si siguria e investimit, rregulla të qartë dhe të thjeshtë, mbizotërimi i ligjit, mungesa e korrupsionit, këto janë çështjet më të rëndësishme.

Sigurisht Hungaria për të cilin thashë se e ka ndjekur këtë skemë ka qenë ndër vendet që ka tërhequr më shumë investime në rajon.

Blerim Kola: Në cilin periudhë u aplikua ekzaktësisht kjo skemë në Hungari?

Gabriel Partos: Ajo u aplikua nga viti 1990 deri në vitin 2000 dhe sigurisht Hungaria ka marrë pjesën më të madhe të investimit të huaj.

Ndërkohë që edhe Polonia ka thithur investime të shumta, pasi ajo ka një popullsi katër herë më të madhe se Hungaria. Është një vend më i madh dhe tërheq më shumë investime për momentin.

Polonia aplikoi të njëjtat ide dhe të njëjtat inisiativa, të njëjtat mënyra për të ndihmuar investitorët e huaj. Në fakt toka është diçka tepër sensitive.

Dhe në disa raste shtetet deri sa iu bashkuan Bashkimit Evropian u përpoqën që të mos u jepnin të drejtën investitorëve të huaj që të blenin tokën.

Ata kishin të drejtë që ta merrnin me qera atë ose mund ta blenin, nëse ata do të kishin një partner të themi polak ose çek, por deri në momentin që këto vende iu bashkuan Bashkimit Evropian ata kishin të drejtë që të mos lejonin investitorët e huaj që të blenin tokë, por tashmë ata nuk e kanë këtë të drejtë.

Tashmë që ata ndodhen në Bashkimin Europian ata kanë të drejta të njëjta, përveç rastit kur kemi të bëjmë me tokë bujqësore, pasi ka një periudhë prej 8 ose 9 vjet ku ata mund t'ua mohojnë ende të huajve që të blejnë tokë bujqësore. Kjo është në njëfarë mënyre një pakt tranzicioni, por kur bëhet fjalë për prona të tjera si fabrika, zyra, shtëpi nuk ka më masa diskriminuese dhe e njëjta gjë aplikohet në Evropën Juglindore.

Disa vende janë shumë sensitive në lidhje me këtë çështje. Për shembull Kroacia është tepër sensitive nëse italianët duan të blejnë tokë në vendin e tyre, pasi më parë italianët banonin në Kroacinë e Veriut.

Një pikë tjetër sensitive dhe që vazhdon edhe sot të jetë e tillë në Çeki dhe Poloni është çështja e gjermanëve, të cilët u përzunë pas luftës së dytë Botërore.

Dhe ata janë të shqetësuar që këto gjermanë duan të blejnë toka në vendin e tyre dhe për këtë arsye ekziston ende ky pakt tranzicioni që mund të zgjasë nga 7 deri në 9 vjet, e cila mund t'i ndalojë ata në njëfarë mënyre për të blerë tokë bujqësore.

Blerim Kola: Për sa kohë mund të shihen rezultatet e kësaj politike të ndjekur?

Gabriel Partos: Sërish një pyetje shumë e vështirë, pasi mund të jetë vetëm një faktor. Kjo lloj inisiative mund të jetë vetëm një faktor mes shumë të tjerëve.

Dhe sigurisht që në rastin e Shqipërisë disa faktorë janë në favor të saj dhe disa të tjerë jo. Ajo që është e favorshme është se njerëzit kanë një sens inisiative për t'u marrë me biznese.

Po bëhen shumë zhvillime për momentin, po bëhen shumë ndërtime, paraja është kthyer nga emigrantët shqiptarë brenda vendit të tyre dhe kjo inkurajon të tjerët që të vijnë në Shqipëri dhe të thonë se nëse të tjerët po ndërtojnë edhe ne mund të ndërtojmë.

Mund të ndërtojmë zyra, apartamente. Por sigurisht që faktorët e tjerë nuk janë në favor të Shqipërisë. Ka probleme të mëdha për korrupsionin, mitmarrjen, të gjithë po flasin për këto, Bashkimi Evropian po flet për këtë dhe kjo është një nga arsyet se pse mori kaq shumë kohë për të nënshkruar Marrëveshjen e Stabilizim Asociimit.

Pra ky do të jetë vetëm një faktor ndërmjet shumë të tjerëve. Mendimi është se kostoja e tokës në Shqipëri, nuk është problemi më i rëndësishëm.

Mendoj se çështja më e rëndësishme nuk ka të bëjë me anën financiare. A jemi të sigurtë se investimet që bëjmë mund t'i tërheqim lehtësisht? A mund t'i sigurosh këta investitorë që nuk do të kenë probleme me gjykatat, nëse ajo tokë i përkiste atij apo dikuj tjetër.

Blerim Kola: Në rastin e Shqipërisë kemi të bëjmë me pronësi publike. A do të ndikojë pozitivisht kjo gjë?

Gabriel Partos: Në këtë sens kjo mund ta ndihmojë këtë proces, pasi nëse kjo është pronë publike, atëherë nuk do të ketë probleme për sa i përket pronarit të kësaj toke.

Sidoqoftë nëse kjo metodë do të zbatohet, pra nëse një gjë e tillë do të ndodhë atëherë për të parë rezultatet e kësaj do të na duhen pesë deri në dhjetë vjet. Pasi nuk mund të shihet aq shpejt rezultati i këtyre, pasi edhe nëse ata e blejnë tani tokën, duhet kokë që të ndërtohen fabrikat, zyrat, çfarëdo që mund të sjellë më shumë të ardhura. Do të duhet pak kohë.

Blerim Kola: Si mendoni se do ta vlerësojnë investitorët britanikë këtë nismë të re në Shqipëri?

Gabriel Partos: Mendoj se është pak herët që investitorët britanikë të jenë në dijeni të kësaj, pasi ligjet ende nuk janë përpiluar. Por nuk mendoj se Britania do të jetë një nga investitorët më të mëdhenj në Shqipëri, pasi pozicioni gjeografik i Shqipërisë nënkupton se Italia, Greqia, Turqia, në njëfarë mase edhe Gjermania dhe Franca kanë më shumë shanse që të bëhen investitorë të mëdhenj në Shqipëri për arsye gjeografike dhe historike.

Sidoqoftë nuk mund të mohojmë investimet britanike, p.sh si në investimet angleze që janë bërë për kërkimin e naftës, turizëm, por sidoqoftë do të duhet pak kohë përpara se të përpilohet legjislacioni, duhet kohe deri sa investitorët britanikë të njihen me këtë iniciativë, por them që do të na duhet pak kohë që të shohim rezultatet.

BBC
20-09-2006

[ilirjan25]

Ore me kshu tipa si puna SOCIALISTEVE ska gje Shqiperia!!!!
Me vjen keq por cdo nisme qe e mer BERISHA per shqipetaret eshte e keqe por e din vet se ca ndodhin kur vje ai Mjekrroshi u dridhen kembet se ka leshuar mafia e mafiozet e tije ste len te hapish goje skeni faje ju Se populli eshte si nje Furre buke futi dru e gatuaj sa te duash !!! Por ne jemi nje Popull qe as vet se dim se cduam per sa kohe jemi ne ket bote pervec SOMALISE asnje vend i botes sben ato qe ben KOMUNISTET me Maska SOCIALISTE qe veprojne nen fjalet e grekeve ne vitin 97 .DMTH aty me shume djegen e prishen ato qe skishin humbur lek (dmth opozita) ne 97 se ato qe kishin humbur lek kjo eshte nje cudi e madhe !
Por me vjen keq per Keto Korcaret qe me flasin greqisht akoma ne Korce edhe ngrin zerin kunder Berishes ! Po cte beje e mjera Korce me Kryepeshkop grek sdi si e pati emrin qe i ngren korcaret ne kemb me shpifjet greke me feliqstirat greke qe akoma na kan Ngelur ketu !!!
Mos e zgjas shume po Lerni Berishen te ben ate se ua them sot e 100 vjet asnje Kryeminister tjeter sdo tu bente kete qe po ben Ky kryeminister edhe po sdoli fitues ne nismen 1 EURO te pakten u mundua te tjeret do tu pin Gjakun do tu len ne Kufiret te vrare per te ikur se ske te ardhme ne shqiperi apo ne Det me anije a nuk eshte turp ? Une kam besim se Nismja qe ka nis Berisha do jet nje nisme e mbare por i duhet edhe ndihma jone per kete nisme, nuk i duhet ndihme te shkaterroj parlamentin ose vet vendin se ate e bejn "PA LEK FARE SOCIALISTET" SIC E BEN NE 97. Me falni nese kam ofenduar dike, por une per vete them SUkses "Shqiperia 1EURO!!

[Lunesta]

1 euro eshte shume or djale. le ta bejme 'shqiperia veresie' se ashtu rriten me 0.0000001% shpresat per investim. Le ti rifillojme edhe nje here ato bonot e privatizimit se mos ka ala gomere qe genjehen nga te tila mashtrime ordinere.

[Homza]

Sa kot ja fusni re. Asnje nuk mundet ta rrezoj nismen per nje thithje investimesh, ne baza dhe argument ekonomik.

Ikni rruni naj voe gje kundi se kshu lat nom fare.

Une do kisha shum deshire te shifja naj argumnetim nga ndonjeri ktu, qe do te mund te hidhte balte ne kete nisem. Arsyja se perse jargaviteni kshu eshte sepse nuk ka arsyetim te llogjkshem kunder ksaj nisme.

[mal]

Nje projekt qe perpiqet te terheqe cdo lloj investimi me pretendimin “me e mira me e lira”, eshte miop, “shqiperia nje euro” me duket idiotesi e vertete
Gjendemi ne nje periudhe delikate te historise boterore dhe kemi nevoje per projekte politike dhe ekonomike serioze dhe afatgjata qe te synojne t’i lejojne shqiptareve te jetojne me dinjitet dhe te cojne shqiperine ne europen e bashkuar. Nuk mungon potenziali njerezor, si per nga emancipimi si per nga vullneti dhe iniciativa. Investimet nuk jane problem nqs aparatet shteterore funksionojne sic duhet. Rreziku me i madh nuk eshte mjerimi ekonomik, por ai kultural dhe shpirteror
Ne Europe na shohin me dyshim jo se jemi te varfer, por sepse disa antishqiptare dhe ndonje shqiptar kane arritur t’i bindin se shqiperia eshte nje vend ku mungon ligji, kultura, vullneti dhe qartesia. Pse qeveria e berishes nuk perdor si slogan “te arrijme ne shqiperine e ligjit, kultures dhe beses”?

PS.: nga historia e viteve te fundit, nuk mund te them se njoh ndonje shtet qe ka arritur te zhduke ndonje lloj mjerimi duke ndjekur keshillat e “paanshme” dhe te “painteresuara” te fmn apo bb.

[Lunesta]

E forta fare, pashe nje jevg sot te pazari ri me karroc per hamalliqe qe kishte vene nje tabele zhulce para karroces 'transporti 1Euro'.

Sdi a ja kishte kopju Sales kete shprehje.

[BYLIS]

"SHqiperia 1 Euro " .. nje blof politik,nje nisem qe nuk mer ne konsiderate biznesin vendas,nje nisem e dyshimte e afferave te kryeministrit tone ..kjo nisem eshte nje favorizim i paster i biznesmeneve te huaj, ne dem te biznesit vendas ..kush nuk e beson kete eshte nje naiv me bisht ..

[alDI]

Ai Gabriel Partos i BBC kishte fol me plot argumente qe kjo nisem e shqiperis eshte zbatu dhe me pare dhe ka pas suksese ne hungari etj etj...

Mos harroni se ne shqiperi ka njerez qe dhe me flori tua veshesh shtepite ata prap do lehin si qent sic lehin shum ketu te kjo teme kundra sales.

Sala per mu nuk eshte politikan i afte por eshte nje njeri i ndershem qe mundohet me sa mundesi qe ka per shqiperine dhe se lun topi ket muhabet.
Beni gam gam gam ham ham ham ju tjeret .

[DYDRINAS]

E Hene, 11 Shtator 2006

“SHQIPERIA 1 EURO”, E VERTETE



Mendime rreth nismes se qeverise “Berisha”.

Sa e realizueshme eshte dhe ç’do te perfitojne shqiptaret prej saj?

Sami Gjergji: A jemi te gjithe te interesuar per ta bere Shqiperine terheqese per investime? Nese po, le te themi idete tona.

Nisma e Qeverise Berisha “Shqiperia 1 euro” ka ngjallur nje diskutim te gjere ne te gjitha nivelete shoqerise shqiptare. Ne intervisten e meposhteme, deputeti Sami Gjergji, doktori i shkencave, jep mendimet e tij rreth kesaj ideje, duke iu pergjigjur keshtu pyetjeve te gazetarit tone.

Si e konceptoni ju nismen e kryeministrit Berisha: “Shqiperia, nje euro”?

Zakonisht ketyre pyetjeve u jepet pergjigje e drejtperdrejte, por, per hir te komenteve te ndryshme ne media, do te desha te bej nje koment, ku me shume se sa opinioni im perfaqesohet programin e Qeverise Berisha, ne lidhje me investimet e reja, ku, ne menyre te arsyeshme, perparesi u jepet investimeve te huaja direkte, por po aq dhe investimeve direkte vendase.

Ne kete kontekst “Shqiperia, nje euro” eshte nje simbolike logjike e perdorur nga kryeministri Berisha dhe aspak nje sllogan elektoral, qe nenkupton se pari, krijimin e nje klime biznesi, ku pengesat burokratike te administrates do te shmangen deri ne pamundesi per te zvarritje dhe, se dyti, disa mungesa te tilla, si energjia, uji industrial, rruget etj, probleme te cilat nuk mund te zgjidhen me “nje te rene te lapsit” do te kompensohen pikerisht nga eleminimi i barrierave administrative dhe tarifat e vogla ne lidhje me qirate, perqindjet me te vogla tatimore dhe, padyshim, nje vullnet politik per te ngritur me lart nivelin e besimit te investitoreve.

Duke filluar nga lufta kunder korrupsionit, kriminalitetit dhe informalitetit ne ekonomi. Ndonje opinioni qe ka lindur nga keqkuptimi i idese “Shqiperia, nje euro”, do t’i pergjigjesha me pyetjen e meposhtme: a jane te gjithe te interesuar per ta bere Shqiperine nje vend terheqes per investime te huaja dhe vendase?

Nese po, le te thone idete e tyre, ne te kundert me duhet te them se ne shekullin e XXI nuk ka me vend per mitin e Rozafes ku “diten” dikush nderton dhe “naten” dikush tjeter shpreson qe ajo qe eshte ndertuar te rrezohet. Ka ardhur koha qe ketyre atavizmave te nje mentaliteti te vjeteruar t’u themi lamtumire duke filluar nga viti 2007.

Edhe here te tjera gjate ketyre viteve te tranzicionit eshte folur per zona te lira, per lehtesi ndaj kapitaleve te huaja, te cilat synojne te investojne ne Shqiperi, por arritjet kane qene te paperfillshme. Kete here qeveria e Zotit Berisha duket se ia ka hyre seriozisht realizimit te kesaj ideje, keni bindjen se do t’ia dale mbane?

Do t’ia nis nga fundi. Po, kam bindjen se do t’ia dale mbane, mbasi strategjine e saj qeveria “Berisha” e ka ndertuar, duke shmangur gabimeve qe bene qeverite socialiste ne tete vitet e shkuara. Gjithashtu me duhet t’ju kujtoj se une jam nje prej atyre njerezve qe ne politike kam ardhur nga fusha e biznesit,dhe gjate ketyre viteve kam pasur sukses ne bashkepunimin me kapitalin e huaj dhe, ne kete kuptim, njoh mire se çfare kerkon kapitali i huaj per te investuar.

Me tej do te shtoja se investimet e huaja direkte dhe ato vendase nuk priren me nga pushimet tatimore (tax holidays), ose ne te shmangurit e pagimit te tatimit mbi fitimin per disa vite rradhazi per nje veprimtari ekonomike ne fushen e prodhimit per me shume se sa dhjete vjet rresht, por nga fakti se çfare e ben terheqes nje investitor te huaj direkt per te investuar ne nje vend si Shqiperia.

Ne rast se ne kete kontekst do te merrnim si shembull zonat e lira ekonomike, nuk duhet harruar fakti se nje vend i vogel si Shqiperia nuk eshte nje treg i lakmueshem, ose nje vend me burime natyrore te shfrytezueshme me investime te vogla.

Shqiperia ka nje pozicion gjeografik qe te çon ne zemer te Europes me shpejt dhe me kosto me te vogel se sa ne rastin e vendeve fqinje ballkanike; ka gjithashtu nje pozicion te favorshem gjeografik per interesat e dy vendeve antare te Komunitetit Europian: Italise dhe Greqise ne prirjet e tyre per t’i zgjeruar marredheniet e tyre tregtare ne gadishullin e Ballkanit, çka nenkupton faktin se Shqiperia mund te sherbeje si nje “ujembledhes” i mallrave dhe sherbimeve qe kane per destinacion vendet e Komunitetit Europian.

Le te merret ne konsiderate dhe te analizohet ideja e zonave te lira ekonomike ne kuader te ketij sfondi, pa harruar idene “Shqiperia, nje euro”. Nuk dua te le menjane me kete rast nje te vertete domethenese dhe kuptimplote: te gjitha vendet e Ballkanit perpiqen te jene sa me terheqese per investitoret e huaj, duke e ngritur edhe me lart shkallen e konkurrences.

Nje studim i bere vitet e fundit nga nje firme konsulente nga Mbreteria e Bashkuar, e autorizuar nga OECDeja, vertetoi se investimet e huaja direkte, ne vendimmarrjen e tyre nuk ndikohen nga ato faktore qe tregojne studimet, por interesat e tyre ekonomike, qe mesa duket shprehin ndikimin vendimtar te faktoreve te panjohur dhe te pamatshem.

Ne kete kuptim, “Nisma e Adriatikut”, iniciative italiane qe i eshte besuar Rajonit te Markes ne Itali, mund te jete nje prej shanseve ne lidhje me zonat e lira ne lidhje me depertimin e kapitalit Italian ne tregun ballkanik.

A mund te sillni diçka nga pervoja juaj, persa i perket bashkepunimit me investitoret e huaj?

“FLORYHEN” SH.P.K., eshte nje shembull jetik i bashkepunimit me investitoret italiane, por ka edhe raste te tjera sidomos ne industrine e perpunimit aktiv per eksport, me sakte per rieksport.

Sa e afte eshte ekonomia jone per t’u integruar ne tregun evropian ne kuadrin e globalizimit?

Tregu europian si çdo treg rajonal, ka qoshet e tij (nitch markets), te cilat mund te mbushen me produkte tradicionale si edhe me produkte te veçanta. Industria e perpunimit aktiv per eksport (rieksport) e ka vertetuar nje gje te tille, por mendoj se ne rastin e pyetjes tuaj, pergjigja ime personale do te ishte me e gjere sidomos kur behet fjale per produkte te agroindustrise.

Ne kete kuptim nuk mund ta kuptoj shpejtesine e “breshkes” me te cilen u zvarriten qeverite socialiste ne tete vitet e shkuara, por vazhdon edhe sot Ministria e Bujqesise, Ushqimit dhe Mbrojtjes se Konsumatorit. Flasim per mundesite e prodhimit te produkteve “bio” qe ka Shqiperia, por ende jemi larg me perpjekjet tona me Brukselin ne lidhje me standardet dhe çertifikatat e domosdoshme per t’u hapur rrugen eksporteve shqiptare dhe per te pare ne raportet e Bankes se Shqiperise prirjen e deshiruar te rritjes se eksporteve kundrejt importeve. Pritmeria ne kete rast eshte e pajustifikueshme, madje vrasese.

Po institucionet shteterore a jane plotesisht te pergatitura per ta mbeshtetur dhe per ta mbrojtur me nje kuader ligjor sipas kerkesave te kohes kete veprimtari jetike?

Gjithmone kam qene per parimin: noti mesohet ne uje. Me lart shpreha pikpamjen time ne lidhje me ate qe duhet te beje Ministria e Bujqesise, Ushqimit dhe e Mbrojtjes se Konsumatorit, çka nenkupton se te qenit i pergatitur, nenkupton faktin se a ke guxim te hidhesh per te notuar. Une kam notuar me kohe dhe prandaj kam bindjen se jemi te pergatitur.

Objektivi “Shqiperia, nje euro” po diskutohet gjeresisht ne qarqe te ndryshme politikanesh, biznesmenesh, ne media dhe tek njerezit qe presin permiresimin e jeteses. Kete levizje opozita e ka pare me nje lloj skepticizmi, madje shpesh ajo e sheh te parealizueshem kete objektiv. Ç’mendoni per kete qendrim?

Nje koment te shkurter. Le te bejme nje kompromis: ne rast se “Shqiperia, nje euro” konceptohet edhe si ide edhe si objektiv, kjo me gezon ne lidhje me diskutimin qe po i behet per arsye se i ngjan asaj pemes plot qe i gjuajne me gure dhe qendrimi i opozites ne kete sfond me duket me vend sepse ben detyren e saj, me dyshimin e vetem se koha do te tregoje kush kishte te drejte.

Per nje gje jam i bindur qendrimi i opozites duhet marre me seriozitet, mbasi informacioni qe siguron debate dhe diskutimi ndihmon shume ne sqarimin e shume çeshtjeve, aq me shume kur per nje çeshtje me kaq rendesi mbajne qendrim ata qe deshtuan me politikat e tyre te gabuara. Pesimi behet mesim.

Meqe jemi tek opozita. Si e gjykoni qendrimin e saj gjate kesaj periudhe?

Eshte normale per nje person te pozites te mos pajtohet me qendrimin e opozites, mbasi ne parashikimet tona llogaritjet jane bere pa menduar se do te shpenzonim energji dhe kohe per çeshtje tashme te njohura. Besoj si gjithnje se eshte koha ajo qe do t’ia vere “vulen” se vertetes.

Personalisht nuk jam per ate qe çdo qendrim i opozites eshte i gabuar, sidomos kur si rezultat kemi nje zgjidhje dhe qetesim te opinionit nga te papriturat qe shkaktojne krizat politike. Kjo do te ishte pikepamja me e pranuar me rastin e zgjidhjes qe iu dha krizes politike kohet e fundit.

Jemi ne nje periudhe, kur Qeveria Demokratike ka shpallur investime te rendesishme ne te gjithe vendin. Si e parashikoni realizimin e tyre, sidomos ne zonen tuaj elektorale?

Ne qofte se nuk do te vleresohet si nje shmangie nga kjo pyetje direkte, do te desha te perqendrohesha te investimet ne infrastrukturen rrugore. Ne kete kontekst do te desha te ilustroj se si mund te kuptohet strategjia e Qeverise Demokratike ne lidhje me keto investime, ne rastin konkret te zones elektorale qe me solli ne karrigen e deputetit.

Ka filluar nga asfaltimi rruga Sukth-Manez, qe nenkupton mundesi per zgjerimin e veprimtarise se agrobiznesit brenda zones dhe ne drejtim te tregut te Tiranes dhe Durresit. E njejta gje mund te thuhet per fillimin e asfaltimit te rruges Sukthe-Hidrovor, duke shtuar ketu se kemi te bejme me nje mundesi tjeter te agrobisnesit dhe sherbimeve turistike.

Po perfundon studimi i fizibilitetit per rrugen Maminas-Shen Pjeter, qe ben te mundur nje mundesi te veprimtarise ekonomike te sherbimeve turistike ne nje perle si bregdeti ne zonen e Shen – Pjetrit. Do te filloje hyrja dhe dalja ne te dy krahet ne autostraden Tirane-Durres, duke ia shkurtuar rrugen veprimtarise ekonomike te agrobiznesit ne drejtim te tregut te Tiranes dhe Durresit e pse jo edhe ne drejtim te plazheve, qe permenda me lart. Rruget nenkuptojne zhvillim te veprimtarise ekonomike dhe per kete arsye po punohet per ujesjellesa, linja te energjise elektrike, kabina elektrike etj.


Intervistoi: Dritan Sina

Gazeta Koha e Jone