Nisma e kryeministrit Berisha: Shqiperia, 1 €

[mateo]

Ne kine dhe indi po futet kapitali i korporatave me te medha ne bote. Kjo ide e kryeministrit tone cfare lloj investimesh do te thithe, cilat kompani do te futen ne vendin tone, greke, rumune, turke, qe jane pothuajse si ne, apo do te futet kapital gjerman, amerikan, japonez, kto jane shtetet qe mund ta ngrijne lart vendin tone. Mos me thoni, se deutche bank, citty group, goldman such, credit suisse, hsbc, e te tjera me radhe, kane per tiu versulur vendit tone menjehere. A eshte e afte qeveria jone te terheqe keto lloj investimesh, ne nje ekonomi kaq globale sa c'eshte kjo e shek te 21. Ah sikur !per 10 vjet do te shenderroheshim ne vedin me te ardhura me te larta ne EU. " is it fiction or reality" koha do ta provoje.

[ari32]

Nuk jame me asnje parti politike,dhe nuk dua ti shikoj bojen asnjeres nga ato qe ndodhen ne Shqiperi.
Dikur Berisha erdhi ne Berat dhe na tundte para syve nje cek te bardh,"na ku eshte ndima na mjafton ta firmosim se amerika da na japi dollare".I pame Dollaret e Berishes.
Uroj qe zoti Kryeminister te bej dicka per Shqiperine,por me kapacitetin qe ka dhe metodat qe ndjek me shume Enver Hoxhen me kujtojne,sesa nje demokrat me mendje te hapur.

[Qerim]

Eshte e sigurte se kjo nisme e Berishes na afron me BE-ne dhe eshte shume prane shpirtit te sakrifices dhe vetemohimit me te cilen cdo vend aspirant duhet te hyje ne Evrope.

[Djal_Lacjan]

"Shqiperia 1 euro", nis interesimi i te huajve

E Marte, 22 Gusht 2006
Nis interesimi i kompanive te huaja per projektin e qeverise "Shqiperia 1 euro". Sipas, Denis Kalenjes, drejtori i agjencise Albinvest, ne Ministrine e Ekonomise, pas berjes publike te ketij projekti nje numer i konsiderueshem kompanish te huaja kane kerkuar informacion prane kesaj agjencie. "Aktualisht ne jemi ne relatat e para me kompanite e huaja qe kane shprehur interes per projektin "Shqiperia 1 euro", por dua te theksoj se fluksi i ketyre kompanive qe kane kerkuar informacion prane agjencise sone eshte me te vertete i kenaqshem". Sipas tij duke qene se Ministria e Ekonomise eshte pronare zyrtare e te gjitha pronave te shtetit Shqiptar, specialistet e saj kane nisur vleresimin e te gjitha ketyre pronave. "Tashme kemi nisur vleresimin e te gjitha pronave te shtetit shqiptar dhe besojme se brenda 2 deri ne 3 muaj do te ofrojme paketat e reja se ku mund te investojne kompanite e huaja", theksoi Kalenja. Kjo ministri eshte nje nder me te rendesishmet per te zbatuar projektin e ri te qeverise per te thithur sa teper investime te huaja ne sektorin prodhues. Ne kete kuader Ministria e Bujqesise, Ushqimit dhe Mbrojtjes se Konsumatorit ka bere te njohur se do te vendos ne dispozicion te projektit te qeverise 127 mije ha toke si dhe 41 objekte qe jane ne pronesi te saj. Sipas eksperteve projekti i qeverise eshte i njohur edhe ne shume vende te tjera, te cilet kane zbatuar me pare projekte te ngjashem me te. Zbatimi i tyre ka si qellim thithjen e investimeve te huaja ne sektorin e prodhimit per te rritur punesimin si dhe promovimin e zonave dhe sektoreve te ndryshem te ekonomise ku mund te investohet.

[Korrieri]

[AIPR]

Shqiperia 1 Euro, Kusurin Mbaje

Nga Alban Bala

Ky titull nuk synon te zhvleresoje nismen e qeverise se re shqiptare, e cila ne kete hap eshte ndoshta e vonuar ne krahasim me shtete te tjera ne rajon. Oferta e qeverise “Shqiperia 1 Euro” ne lidhje me investimet e huaja i hap rrugen zgjerimit te rrethit te ndermarrjeve prodhuese ne vend, punesimit me te madh te shqiptareve, rritjes se kapaciteteve dhe know-how-it, rritjes se besueshmerise se Shqiperise ne arenen nderkombetare si treg dhe si mjedis ekonomik zhvillimi.

Por prapashtesa “Kusurin Mbaje” reflekton psikologjine se ciles i nenshtrohet shumica e qytetareve ne kete vend kur ka nevoje te bleje sherbime publike.

Edhe pse vullneti politik ne shume pika ka njohur forcim te kerkeses per respektim te ligjit, ende ne shume qendra sherbimesh, sidomos ne ato qe kane te bejne me biznesin, ndjeshmeria ndaj kesaj fryme te re politike eshte ende e zbehte.

Maksimumi i reaksionit te prodhuar deri me tani eshte nje fryme pasigurie tek administrata e ulet, gje qe ne fakt ka shkaktuar thellimin e apatise ne zbatimin e detyrimit ligjor te zyrtarit dhe perkeqesime ne permbushjen e afateve ligjore per kryerjen e sherbimit. E gjitha kjo ne emer te respektimit me te mire te ligjit.

Kjo nisme, qe ia vlen te pershendetet per vleren e madhe morale qe perhap ne favor te vendit, rrezikohet gjithsesi nga nje seri sfidash.

E para, per te mos ndeshkuar biznesin kombetar dhe ne menyre qe te garantoje te njejtat incentiva per te gjithe investitoret- e huaj apo vendas, kjo nisme do te mbetet simbolike ne oferte.

E dyta, qeveria nuk besoj se eshte shume e njohur me asetet qe ajo zoteron. Ka nje ligj, i cili e pengon qeverine qe te jape me qera, shese apo tjetersoje nje prone deri ne perfundim te kohes se veprimit te ligjit per kthimin dhe kompensimin e prones ish-pronareve. Ky ligj, ose duhet shfuqizuar ose duhet pritur qe te permbushet koha e tij e veprimit, pranvera e vitit te ardhshem.

Ne shume raste, prone shteterore quhet nje objekt, i cili ndodhet mbi nje truall, te cilit i eshte njohur pronari. Sipas ligjit aktual ne fuqi, ky pronar ka te drejten e parablerjes se objektit. A do te jete kjo klauzole perseri ne fuqi?

Eshte shume e rendesishme qe e gjitha paketa e ofertes te jete litiged free, pra pa pretendime gjyqesore. Asgje nuk mund te jete objekt diskutimi juridik nga momenti qe investitori ka marre pelqimin e qeverise per fillimin e nje investimi. Nderhyrja e cilesdo gjykate ne kete rast do te shenonte funeralin e FDI-ve ne Shqiperi.
Ne fakt kyçi i suksesit te krejt kesaj nisme do te ishte sllogani: Siguria ne Shqiperi ofrohet Gratis. Por ne kushtet ku ndodhet, a mund ta thote qeveria kete?
Sigurisht, biznesi nuk e sheh sigurine vetem tek mbrojtja fizike. Per te i tere mjedisi ekonomik perben problem paresor.
Ne sigurimin e kushteve normale te biznesit qeveria duhet te kete parasysh nevojen e investitoreve per uje, drita, sherbime administrative ne dogana, tatime, furnizim, nevojen per infrastrukture dhe transport, ne teresi nje zinxhir te panderprere kushtesh per linjat e reja te prodhimit. Ne kete cikel, eshte jetike qe te pergatiten bankat e nivelit te dyte per te mbeshtetur sipermarres shqiptare, te cilet mund te aktivizohen si furnizues lendesh te para apo ndihmese per linjat e reja te prodhimit qe do te instalohen ne Shqiperi.

Dhe ç’eshte me kryesorja, investitori i huaj ka nevoje te gjeje nje mendesi te re ne sherbimet publike shqiptare. Nese ai do te detyrohet t’u bashkohet shqiptareve te tjere dhe te shqiptoje frazen famekeqe’ Kusurin mbaje!”, kjo do ta zhvleftesoje teresisht nismen e z.Berisha dhe qeverise se tij. Madje kjo rrezikon ta ktheje ne boomerang vrases grupin e “dallandysheve te para” qe do te perpiqen te perfitojne nga stina e re ekonomike e vendit.

I gjithe angazhimi per ta detyruar administraten te sillet ndryshe nga koha kur kryeminister ishte Fatos Nano, Ilir Meta, Pandeli Majko, Bashkim Fino apo Aleksander Meksi kerkon nje kosto politike, qe z.Berisha duhet ta vleresoje qysh tani nese mund ta marre persiper. Dhe kjo perfshin nga anetaret e kabinetit te tij deri tek aleatet e dashur e te pazë ne bashkeqeverisje.

Artikulli u more nga blogu i Institutit Shqiptar te Marredhenieve Publike.

[oliinter]

na hapet barkun me gjithe ket lesh berish

ai eshte i semure dhe ju i shkoni nga pas

[Esked Flase]

Dy dite mbas "Shqiperia 1 euro":
-Filloi interesimi i kompanive te huaja.

Gjashte muaj me pas:
-Vazhdon me i madh interesimi i kompanive te huaja.

Mbas nje viti:
-Opozita pengon te huajt.

Para zgjedhjeve te ardheshme:
-Na duhet nje mandat tjeter qe te arrin rezultatet.

Para 19 vjetesh:
-Pronaret e vertet te pronave-te cpronsuar nga regjimi komunist.
-Sot:-"Shqiperia nje euro"=Pronaret nuk ekzistojne.
Kronika e nje vdekje te pashpallur.

[Albo]

“Shqiperi 1 euro per investimet”

E Diele, 03 Shtator 2006

“Shqiperia 1 euro” do te prezantohet keto dite ne Turqi, Itali dhe Greqi. Kryeministri Berisha ka deklaruar se ky eshte edhe qellimi kryesor qe e ka shtyre ate te marre nje tur drejte ketyre vendeve. “Ne te tre keto vizita ka takime politike, si dhe me Dhomat e Tregtise dhe perfaqesues te biznesit. Mbetem shume i angazhuar qe te bejme promovimin e potencialeve te medha qe ka Shqiperia, vecanerisht tani ne kuadrin e politikave te reja fiskale dhe te nismes “Shqiperia, nje euro” ka deklaruar kreu i qeverise. Me tej ai argumentuar se te gjitha keto udhetime synojne bashkepunimin miqesor dhe te gjithanshem mes qeverise Shqiptare dhe vendeve te tjera. Sipas tij, nisma “Shqiperia 1 euro” ka marre nje jehone ne te gjithe planetin dhe do ti sherbeje ndertimit dhe ecjes se shpejte perpara e vendit.

Korrieri

[Albo]

Intervistë me këshilltaren e kryeministrit për ekonominë, Suzana Guxholli

Guxholli: “Shqipëria, një euro”, taksat që do të ulen nga nisma

Nisma “Shqipëria, një euro” do të prekë një numër të madh taksash, të cilat do të ulen ose do të çohen drejt një vlere simbolike. Këshilltarja e kryeministrit Berisha, Suzana Guxholli, ka treguar dje në një intervistë për gazetën “TemA” se vënia në jetë e kësaj nisme do të bëjë që qeveria të prekë shumë taksa, proces ky që do të bëhet konform marrëveshjeve që ekzistojnë me Fondin Monetar Ndërkombëtar dhe Bankën Botërore. “Tendenca e shumë prej taksave dhe tarifave në këtë kuadër është drejt uljes. Disa prej tyre do të jenë pjesë e grupit “Një Euro”, pra, me një vlerë simbolike, disa do të ulen më tej. Si të tilla, pra, taksat që do të ulen apo do të kenë një vlerë simbolike do të jenë: taksa e qarkullimit të automjeteve të huaja, taksa për shërbimet konsullore, taksat portuale të kalimit me avion të kufirit shtetëror, taksa e karbonit, taksa e rentës minerare etj. Do të kthehen në tarifa shërbimi rreth 20 taksa nacionale, do të rishikohen regjimet ekonomike doganore, struktura ligjore e zonave industriale dhe ato të lira, taksat e lëndëve të para etj”, - thotë Guxholli.

A mendoni se “Shqipëria, 1 euro” vërtet do të mund të tërheqë biznesin e huaj, serioz, pasi ne jemi një vend me imazh jo të mirë në këtë aspekt?

Imazhi i një vendi është i rëndësishëm për një investitor, prandaj ndryshimi tij në këtë drejtim është në qendër të vëmendjes së qeverisë sonë. Për këtë qëllim janë ndërmarrë dhe po merren një sërë hapash në shumë drejtime. Një nga këto është dhe nisma “Shqipëria, 1 Euro” e shpallur nga kryeministri pak ditë më parë. Tërheqja e vëmendjes së investitorëve të huaj dhe prezantimi i dëshirës dhe përkushtimit të qeverisë për ta bërë Shqipërinë, e cila para viteve 1991i kishte të ndaluara me Kushtetutë investimet e huaja, vatrën më mikpritëse të investimeve të huaja në rajon.

Duke synuar të tërheqë investime të huaja dhe të nxisë ato të vendit, qeveria po prezanton reforma të gjithanshme. Qëllimi i tyre më i afërt është përmirësimi i imazhit të Shqipërisë në botë e më tej, krijimi i një imazhi të ri: të një Shqipërie me ekonomi të stabilizuar tregu, ku zbatohet ligji dhe rregulli, ku aferat korruptive janë një histori e hidhur, e papërsëritshme, ku biznesi i huaj apo i vendit është i mbrojtur, i garantuar, i stimuluar dhe respektuar, ku njeriu kontribuon me punën e tij e shpërblehet sipas saj në mënyrë të ndershme, sipas ligjeve e rregullave transparente.

Me këtë nismë qeveria shqiptare bën të ditur botërisht angazhimin dhe vendosmërinë e saj për të garantuar ligjet dhe rregullat e biznesit, si dhe zbatimin e tyre në nivel kombëtar e ndërkombëtar, duke siguruar një klimë bashkëkohore biznesi e investimesh edhe në Shqipëri, për të konkuruar në rajon, Evropë e pse jo në botë, dhe për të tërhequr fluksin e investimeve të ardhshme në Shqipërinë e uritur për to, ajo angazhohet nëpërmjet kësaj nisme të lehtësojë e mbrojë çdo investim serioz prodhues të huaj apo vendas. Tërheqja e investitorëve të huaj, ndikon dhe në aspektin psikologjik, pra, në dërgimin e sinjaleve të qarta tek investitorët e mundshëm, që në Shqipërinë që qeveria po drejton, ka tashmë, jo vetëm një kuadër ligjor të përmirësuar e të azhornuar në nivel evropian, por dhe një dëshirë, një gatishmëri e një ambient biznesi mikpritës të nivelit të lartë. Pjesëmarrja e qeverisë në garantimin e klimës më të përshtatshme të biznesit dhe në hapjen e Shqipërisë drejt eksperiencave dhe praktikave të biznesit bashkëkohor, shprehet me të ashtuquajturën “atmosferë mikpritëse”, të krijuar prej saj, të mbrojtur prej saj. Këtij qëllimi i shërben nisma “Shqipëria, 1 Euro”, si pjesë e politikave e mjeteve nxitëse të investimeve, zbatuar me sukses në vendet e zhvilluara dhe ato në zhvillim (p.sh. Irlandë, Spanjë, Portugali, Hungari, Çeki, Slloveni, Sllovaki, Poloni etj.).

Në përbërje të kësaj nisme, si elementë janë: paketa e nxitësve apo avantazheve që iu ofrohen investitorëve, sistemi i kritereve që ata duhet të plotësojnë për t’u përfshirë në këtë nismë, institucionet e masat që do të garantojnë, zbatojnë e ndjekin ecurinë e investimeve. Së bashku me masat e tjera, të ndërmarra nga qeveria, elementët e kësaj nisme iu lënë të kuptojnë investitorëve vendas e të huaj se Shqipëria ka një klimë biznesi shumë të përshtatshme dhe një atmosferë mikpritëse pune, të garantuar. Kjo i bën ata ta shohin vendin tonë si tërheqës për investim e të mendojnë për ta konkretizuar atë.

Kanë filluar trokitjet në dyert tona dhe janë shprehur interesa serioze për investime nga disa kompani të huaja, të mëdha. Edhe biznesi vendas po tregon interes aktiv në investimet prodhuese. Sapo të përfundohen elementët e paketës së kësaj nisme, marrëveshjet përkatëse me këto kompani do të bëhen të njohura.

Ka gjithmonë një moment të parë, një fillim, dhe ky është moment i përshtatshëm për të ndjerë kthesën e qëndrimit të investitorëve prodhues, të huaj e vendas ndaj Shqipërisë së harruar e të neglizhuar prej tyre.

Kur mund të shohim paketat e para të kësaj nisme?

Paketa e parë e kësaj nisme do të marrë jetë së shpejti, në mes të shtatorit. Grupe pune po përgatisin listat e aseteve, shërbimeve shtetërore që do të konsiderohen në përbërje të paketës së nxitësve të investimeve apo avantazheve, siç mund të quhen ndryshe. Këtu do të dallohen ato që do të ofrohen me vlerën simbolike, një euro, dhe ato që do të minimizohen. Po ashtu, po përgatitet sistemi i kritereve që duhet të plotësojnë investitorët për t’u kualifikuar si përfitues dhe të drejtat e detyrimet e tyre në rast mosplotësimi kushtesh. Do të ketë diferencime në kritere sipas zonave dhe rajoneve të investimit, llojit të tij, rëndësisë së tij, për të stimuluar zhvillim sa më të barabartë rajonal.

Ç’masa do të parashikojë kuadri ligjor në funksion të asaj që korrupsioni të mos e mbysë këtë nismë?

Nuk ka ndonjë kuadër ligjor special për të mbrojtur këtë nismë. Ligjet në fuqi po përmirësohen për t’iu përgjigjur më mirë këtij zhvillimi në fushën e biznesit e investimeve, duke synuar reflektimin e situatave të reja. Qeveria do të forcojë punën, kontrollin e vigjilencën për zbatimin e ligjit si kudo edhe në këtë drejtim, duke luftuar korrupsionin me çdo mjet e në çdo situatë. Transparenca në të gjitha hapat e procedurat që lidhen me zbatimin e kësaj nisme, do të garantohet në çdo rast e me çdo kusht.

Si do të funksionojë në kohë kjo nismë për sa i përket kërkesave për investim? Kush do të përfitojë i pari prej saj?

Interesi dhe kërkesa për investim do të kontrollohet me kriteret që duhen plotësuar përpara se të aprovohet e të përfitohet prej avantazheve të saj. Kuptohet që më parë do të jenë shpallur objektet e zonat, ku mund të investohet. Nëse në të njëjtën kohë do të ketë më shumë se një kërkesë, do të konkurohet dhe do të vlerësohen propozimet sipas treguesve të investimit të paracaktuar tashmë.

A do të përshtatet për ta bërë më të qenësishme këtë nismë paketa fiskale e vendit tonë?

Edhe nxitësit apo avantazhet fiskale zënë një vend të rëndësishëm në tërësinë e elementëve të paketave të nismës në fjalë. Ata, krahas nxitësve financiarë e të tjerë, po rishikohen e po përshtaten nga Ministria e Financave. Tendenca e shumë prej taksave dhe tarifave në këtë kuadër është drejt uljes. Disa prej tyre do të jenë pjesë e grupit “Një Euro”, pra, me një vlerë simbolike, disa do të ulen më tej. Si të tilla, pra, taksat që do të ulen apo do të kenë një vlerë simbolike do të jenë: taksa e qarkullimit të automjeteve të huaja, taksa për shërbimet konsullore, taksat portuale të kalimit me avion të kufirit shtetëror, taksa e karbonit, taksa e rentës minerare etj. Do të kthehen në tarifa shërbimi rreth 20 taksa nacionale, do të rishikohen regjimet ekonomike doganore, struktura ligjore e zonave industriale dhe ato të lira, taksat e lëndëve të para etj.

Llogaritjet përfundimtare do të shpallen së shpejti. Efekti i vlerës së tyre në buxhet do të korrigjohet me efektin e investimeve prodhuese në ekonominë dhe jetën e një vendi, si punësim më i lartë, prezantim i profesioneve të reja, aftësim e kualifikim i mëtejshëm i burimeve njerëzore, rritje prodhimi, rritje eksporti etj., që së bashku përkthehen “përmirësim i standardeve të jetesës dhe imazh i ri për Shqipërinë”.

Konkretisht, si mund të jenë lehtësirat fiskale të bizneseve që do të marrin toka apo troje me qira me 1 euro për veprimtari prodhuese?

Trojet apo objektet që do të jepen si lehtësi apo avantazh me vlerë simbolike 1 euro janë një nga elementët e rëndësishëm të paketës së nismës e konkretisht, pjesë e grupit të nxitësve financiare. Ato do të shoqërohen me lehtësira të tjera fiskale e jofiskale, ca prej të cilave u përmendën më sipër. Këtu mund të shtohen procedurat e regjistrimit e të fillimit të biznesit, jo aq nga pikëpamja e vlerës, sesa nga ajo e kohës, pra, do të shkurtohet në minimum koha dhe burokracia. Programi “One stop shop” është në linjë me këtë nismë e qëllim, sepse lehtëson e thjeshtëson procedurat e shërbimeve.

A do të kërkohet një marrëveshje me FMN-në për këtë gjë, pasi ajo nuk e lejon këtë?

Për ata elementë që lidhen me marrëveshjet që ka qeveria jonë me FMN-në apo Bankën Botërore, patjetër që do të diskutohet e negociohet konform rregullave në fuqi.

Kur mund të nisë të jetësohet kjo nismë, domethënë, kur pritet që një biznes të marrë një objekt dhe të investojë?

Sa më parë. Deri në mes të shtatorit do të kemi përfunduar elementët kryesorë të saj e fillon menjëherë jetësimi i nismës. Ndërkohë, nuk do t`i lëmë të presin investitorët që do të paraqesin interes e kërkesë më parë, duke i informuar dhe ndjekur hap pas hapi në zbatim të procedurave përkatëse që mund të fillohen paraprakisht, kur nuk prekin pjesën e vendimeve të pafinalizuara akoma.

Nisma do të kërkojë patjetër edhe një krah pune të kualifikuar, pasi investimet do të sjellin edhe teknologji, dhe ne nuk e kemi. A ka ndonjë plan se ç’mund të bëhet për këtë?

Investimi i huaj sjell me vete njohurinë e re dhe format e reja të manaxhimit e drejtimit. Burimet njerëzore shqiptare, që nuk do të kenë nivelin që pritet prej tyre, do të kualifikohen e trajnohen me fonde ndihme nga shteti. Këto janë elementë të paketës “Shqipëria, 1 Euro”.

Kjo nismë mund të shërbejë për ta bërë Shqipërinë një vend ku sundon konkurrenca, por edhe një vend ku vetëm konkurrencë nuk ka; ç’masa ligjore do të merren që të garantohet konkurrenca, duke qenë se është edhe kusht i MSA-së?

Një nga rrjedhojat e menjëhershme të jetësimit të kësaj nisme është forcimi i konkurrencës dhe mbrojtja e konsumatorit. Investimi i huaj prodhues apo i vendit, i standardeve të larta ndërkombëtare, sjell natyralisht një konkurrencë të madhe në treg. Mallrat e prodhuara me teknologji të përparuar, sipas standardeve ndërkombëtare, të certifikuara, me kosto më të ulët, prezantojnë e forcojnë konkurrencën e munguar në tregun shqiptar dhe luftojnë monopolet që mbajnë çmime të larta, me inflacion artificial, të pabazuar në cilësinë e dobinë reale të mallit apo shërbimit; bilé dhe më tej, nxjerrin Shqipërinë në tregun ndërkombëtar me mallrat e prodhuara në të. Autoritetet kontrolluese e drejtuese përkatëse si p.sh. ai i konkurrencës, i standarteve etj., do të luajnë një rol më të rëndësishëm e drejtpërdrejtë në sigurimin e një konkurrence të ndershme. Ajo që duhet forcuar e institucionalizuar më tej është mbrojtja e konsumatorit. Si pjesë e strategjisë dhe reformave që po ndërmerr qeveria, është në proces një program për mbrojtjen e konsumatorit.

Pra, nisma e qeverisë shqiptare “Shqipëria, 1 Euro” është rruga drejt rritjes ekonomike, rritjes së punësimit, përmirësimit të strukturës profesionale dhe njohurive në manaxhim e biznes, rritjes së mirëqenies, është rruga drejt hapjes së plotë të Shqipërisë si më e mira, më e lira, më e begata, është rruga drejt zhvillimit, drejt Evropës.

Bisedoi: Adi Shkëmbi

[DYDRINAS]

Zonat e lira ekonomike ne Maqedoni.

http://samvak.tripod.com/nm078.html