Nisma e kryeministrit Berisha: Shqiperia, 1 €

[DYDRINAS]

Gati projektet për dy parqe industriale në Durrës dhe Shkodër



“AIG Lincoln Partners” është grupi i fuqishëm i investitorëve, i cili ka shprehur interesimin për të ndërtuar një park industrial në Shqipëri. Pritet miratimi i ligjit të koncesioneve, si dhe ai i nismës “Shqipëria 1 euro” që projekti të konkretizohet





Çfarë ka bërë agjencia juaj për të tërhequr investitorët e huaj në Shqipëri dhe cilat janë rrugët nëpërmjet të cilave po punohet për përthithjen e këtyre investimeve?



Përsa i përket fushës së investimeve të huaja kemi krijuar një sistem mbledhjeje, përpunimi dhe distribuimi të informacionit që është nga më të mirët që mund të mendohet brenda shtetit shqiptar dhe kemi krijuar relata shumë të forta, qoftë me ambasadat tona jashtë, ashtu edhe me trupin diplomatik të huaj këtu, me të cilët komunikojmë për fushat që ne mbulojmë. Po kështu, kemi bërë disa studime sektoriale shumë të rëndësishme dhe mbasi kemi krijuar këtë bazë të fuqishme informacioni, jemi përpjekur, që në një formë shumë proaktive t’i biem pas biznesit të huaj për ta tërhequr atë që të vijë në Shqipëri. P.sh. një formë specifike është që ne kemi organizuar një grant prej 8 milionë eurosh të Komunitetit Evropian, të cilin e kemi përdorur për të organizuar misione biznesi, ku stafi i “Albinvest”, në bashkëpunim me biznesin vendas ka organizuar misione biznesi në Itali, Greqi, Gjermani, Bullgari dhe në shumë vende të tjera të rajonit ku “Albinvest”-i ka përgatitur të gjithë takimet me bizneset dhe investitorët e mundshëm të huaj në Shqipëri, në mënyrë që biznesi shqiptar të shkojë dhe të takohet me këta biznesmenë të huaj. Ideja e “Albinvest”-it është që të shërbejë pikërisht si një urë lidhëse midis biznesit të huaj dhe atij vendas. Misionet e biznesit, ne i organizojmë të paktën dy herë në muaj dhe në fusha të ndryshme. Janë disa fusha që i shohim si të rëndësishme si fusha e tekstileve, fusha e prodhimit të lëkurë-këpucëve, si edhe një fushë që për mua është shumë e rëndësishme siç është fusha e BPO-së, Procesi i Delegimit të Shërbimeve. Në këtë fushë, përfitoj nga rasti të përmend suksesin tonë më të fundit, ku kompania e dytë në botë për Call Centers, “Teleperformance” ka vendosur që të fillojë një projekt pilot në Shqipëri për të hapur një Call Center, gjë që në qoftëse rezulton e suksesshme, mund të krijojë deri në 300 vende pune. “Albinvest”-i gjithashtu është përgjegjës për shumicën e forumeve të ndryshme ekonomike që ju shikoni në Shqipëri si forumi i “Cransmontana”-ës, “Central European Iniciative”, e cila pritet të vijë së shpejti në Shqipëri, në të cilin do të marrin pjesë 17 kryeministra, ministra të Ekonomisë, kuptohet në bashkëpunim me Ministrinë e Ekonomisë.



Çfarë u ofroni ju investitorëve të huaj për të ardhur në Shqipëri, në fushën e industrisë? A keni projekte konkrete për të tërhequr këta investitorë?



Një nga fushat, në të cilat do të kemi rol shumë të rëndësishëm është edhe ajo e zhvillimit të zonave apo parqeve industriale. Aktualisht, parqet industriale janë bërë në rakordim me ligjin e ri të koncesioneve, i cili sapo është hartuar nga qeveria shqiptare, si dhe në një rakordim të plotë të të gjitha grupeve të punës ku ne kemi normalisht një rol implementiv, pasi vetë “Albinvest”-i është një agjenci ekzekutive. Mendojmë se parqet industriale janë një formë shumë interesante për tërheqjen e investitorëve të huaj. Mënyra se si konceptohen këto parqe është që ne të marrim disa zona, të cilat janë të pashfrytëzuara dhe t’i vëmë në efiçencë për t’i përdorur për ndërtimin e këtyre parqeve. Një gjë e tillë gjen hapësirë edhe në nismën “Shqipëria 1 euro”, e cila do të përfshihet në ndërtimin e këtyre parqeve. Kjo tregon edhe strategjinë e shtetit shqiptar, e cila është shumë e rakorduar në këtë drejtim, duke ndërlidhur nismën “Shqipëria 1 euro”, bashkë me ligjin për koncesionet. Parqet industriale do të shtrihen në një sipërfaqe prej 30-50 hektarësh, ndoshta edhe më shumë. Kjo hapësirë i ofrohet një kompanie të interesuar dhe që ka akses në shumë biznese të huaja që mund të sjellin selinë e biznesit të tyre në Shqipëri dhe në bashkëpunim me të zhvillohet ky park industrial. Kjo hapësirë parcelizohet në hapësira më të vogla të përmasave të ndryshme dhe u ofrohet një sërë biznesesh të mundshme prej të cilave një pjesë e tyre kuptohet që do të përgjigjet pozitivisht. Pra janë këto grupe të fuqishme, që kanë edhe financimin e duhur. Aktualisht kemi pasur disa grupe të interesuar. Po përmend njërin prej tyre që quhet “AIG Lincoln Partners”. Këta janë një grup që përfaqësojnë 3 miliardë euro, në varësi të formës së financimit dhe që kanë interes të ndërtojnë një park industrial. Ky grup ka bërë 8 parqe të tilla shumë të suksesshme në Europën qendrore dhe lindore dhe po kërkojnë edhe një mundësi në Shqipëri.



Në ç’fazë ndodhet deri më tani ky projekt?



Projekti është në fazën kur janë identifikuar dy hapësira të mundshme në Durrës dhe në Shkodër dhe deri tani jemi në bisedim me “AIG”-in dhe grupe të tjera të interesit. Kjo do të realizohet, mbasi të hartohet ligji për nismën “Shqipëria 1 euro” si dhe mbasi të miratohet ligji për koncesionet, i cili deri më tani është një projektligj. Kjo hap dyert më pas për të bërë çdo gjë në formën e duhur. Megjithatë, ne jemi duke përgatitur situatën, në mënyrë që, në momentin që miratohet ligji të punohet menjëherë për realizimin e këtyre projekteve.



Cilat janë projektet që “Albinvest”-i ka për rritjen e eksporteve? Cilat janë mjetet me anë të të cilave ju mendoni se do t’i bëni të konkurrueshme produktet vendase në tregjet e huaja?



Përsa u përket eksporteve, gjatë një viti që kjo agjenci ushtron aktivitetin e saj “Ablinvest”-i ka investuar mbi 400 mijë euro, në formën e ndihmës teknike ndaj eksportuesve shqiptarë. Kemi sjellë konsulentë të huaj, të cilët kanë ardhur dhe kanë ndërtuar plane biznesi, plane marketingu për bizneset shqiptare që janë solide. Ne filluam me 100 biznese, i seleksionuam dhe arritëm në një numër më të vogël, të cilët më pas përfituan ekspertizë të drejtpërdrejtë pa pagesë, për të arritur atë nivel marketingu, financimi apo përpunimi të mënyrës se si menaxhojnë fianancat e tyre që biznesi i tyre të jetë sa më bashkëkohor. Ky ishte vetëm hapi i parë. Qeveria shqiptare ka marrë iniciativën që të krijojë një fond prej 250 mijë eurosh që do të menaxhohet nga “Albinvest”-i, i cili do të përdoret për subvencionimin ose shlyerjen e kostove për eksportuesit shqiptarë. Në qoftë se një eksportues shqiptar mendon që duhet të shkojë, të themi, në një fermë të caktuar që ka shumë rëndësi për të ai mund të vijë të aplikojë tek “Albinvest”-i dhe ne do të kemi mundësi që t’i japim deri në 5 mijë euro subvencionim për atë aktivitet specifik. Aktiviteti mund jetë edhe përgatitja e disa materialeve, broshurave, ose një web site, e kështu me radhë, me kusht që investitori që ai të ketë aftësinë dhe idetë e qarta se çfarë kërkon të realizojë. Kjo është një formë shumë praktike dhe pragmatike për të subvencionuar biznesin, përveç infromacioneve të qarta të cilat ne mund t’iu japim.



Cilat janë mjetet, me anë të të cilave mendoni të ndihmoni biznesin e vogël dhe të mesëm?



Për ndërmarrjet e vogla dhe të mesme kemi krijuar në web site-n tonë një informacion shumë të mirë. Jemi duke krijuar një treg “bisnes to bisnes” on line të cilin bizneset e vogla dhe të mesme të mund ta përdorin për t’u lidhur me njëri-tjetrin apo me individë në rajon dhe mbi të gjitha, aktualisht jemi duke punuar, për të parë disa mundësi për të suportuar bizneset e vogla në sensin monetar të fjalës, për këtë kemi disa projekte më të vogla, por ndërkohë jemi duke diskutuar mundësinë me kooperacionin italian që të riaktivizojmë një grant prej 30 milionë eurosh në formën e kredive të buta për biznesin e vogël shqiptar.



Bisedoi

Ergys Mërtiri

Gazeta Tema

[DYDRINAS]

Këshilltarja e kryeministrit shprehet se bazë e nismës "Shqipëria 1 Euro" është Ligji i konçensioneve

Guxholli: Paketa "Shqipëria 1 Euro", për dy javë, kalon në qeveri

Një javë ose dy është afati brenda të cilit paketa ligjore e nismës "Shqipëria 1 Euro" do të kalojë në Parlament. Paketa e kësaj nisme, sipas këshilltares së kryeministrit, Suzana Guxholli, është në fazën e ridefinicioneve të fundit. Në bazë të kësaj pakete është Ligji i ri i konçesioneve, i cili, gjithashtu, pritet së shpejti në Parlament. Nisma "Shqipëria 1 Euro" do të krijojë mundësinë e riaktivizimit të aseteve kombëtare shtetërore të vjetra kudo në vend.

- Në çfarë faze ndodhet nisma "Shqipëria 1 Euro" dhe cili është raporti i saj me Ligjin e ri të konçensioneve?

Nisma "Shqipëria 1 euro" është pothuajse e përfunduar dhe së shpejti do të paraqitet në formën e saj të plotë. Do të prezantohen të gjithë elementët e saj, si lista e aseteve që do të jepen në përdorim, kriteret për të përfituar këtë përdorim, parimet ku mbështetet e struktura ligjore. Baza ligjore ku mbështetet kjo nismë është Ligji i konçensioneve, prandaj edhe ky ligj u hartua, përpunua dhe u riazhornua me kujdes të madh, në mënyrë që të mbulojë të gjithë hapësirat e mundshme, jo vetëm për konçensionet e zakonshme, por edhe ato të tipit një euro që do të përfshihen në të. Kjo do të thotë që, asetet të cilat janë jashtë tregut apo në treg pa vlerë, do t'u ofrohen investitorëve vendas apo të huaj për përdorim me afate të caktuara e me kritere të caktuara, në mënyrë që ata t'i zhvillojnë dhe shoqëria të përfitojë nga përdorimi i aseteve të saj.

- A mund të thoni një kohë të përafërt për të paraqitur paketën e plotë "1 Euro?

Shumë shpejt, mbase një javë apo dy. Gjatë gjithë kësaj kohe, grupi i punës i kryesuar nga METE, ka përpunuar e pasuruar edhe më shumë konceptin e nismës "Shqipëria një euro", qoftë duke e vendosur atë mbi bazë ligjore të konsoliduar, qoftë duke përfshirë në të edhe parqet industrialë.

- A garanton Ligji i ri "për konçensionet" formën e kërkuar në vënien në punë të aseteve të vjetra sipas nismës "Shqipëria 1 Euro"?

Duke qenë se në nismën "Shqipëria një euro" përfshihen asete të vjetra jashtë përdorimit me vlera nacionale, synohet që këto asete të riaktivizohenn duke siguruar transparencë në dhënien e tyre në përdorim si dhe garanci që ato do të mirëmenaxhohen dhe mirëpërdorohen. Për këtë u mendua dhe u vendos që të kalohet në formën konçensionare. Ligji i konçensioneve, i mbështetur në direktivat e BE-së dhe i konsultuar me ekspertë të huaj dhe më të mirët vendas, garanton proçedura transparente dhe mënyra efikase për dhënien në përdorim të aseteve nacionale, shtetërore e monitorim të përdorimit të tyre me transparencë. Nisma "Shqipëria një euro", synon dhënien me konçension të tipit një euron të atyre aseteve që tregu i deritanishëm nuk ju ka dhënë vlerën. Rivlerësimi i këtyre aseteve në treg e riaktivizimi apo krijimi i të rejave, bëhet mbështetur në këtë ligj, në mënyrë që të kontrollohen dhe menaxhohen sa më mirë.

- A i pengon investitorët përgatitja e gjatë në kohë e paketës?

Kjo nuk do t'i pengojë investimet që janë ofruar, sepse ato ne i kemi ndjekur një nga një dhe lehtësirat që ne paraqesim nëpërmjet nismës "Shqipëria një euro" do të përfitohen në fazat e mëvonshme të investimeve të tyre. Ata tani janë në fazën fillestare të shprehjes së interesit dhe të studimit paraprak. Kur ata të mbërrijnë në stadin që investimi të kërkojë këto lehtësira që ne ofrojmë nëpërmjet paketës "Shqipëria një euro", ajo do të jetë gati. Grupi i punës po bën finicionet e fundit dhe për punë një jave apo dy javësh ajo do të jetë gati, do të paraqitet në qeveri dhe pastaj do të kalojë në Parlament për aprovim së bashku me Ligjin e konçensioneve që sapo është përfunduar.

- A jeni konsultuar me biznesin vendas dhe a keni marrë parasysh mendimin e tyre në përcaktimet që keni bërë në paketën e nismës "Shqipëria 1 Euro"?

Përsa i përket finalizimit të nismës "Shqipëria një euro", kemi tërhequr edhe mendimin e biznesit me konsulta dhe takime të ndryshme, në mënyrë që të pasqyrojmë të gjitha shqetësimet dhe problemet që ka biznesi sot dhe investitorët në Shqipëri.

- Pjesë e nismës "Shqipëria 1 Euro" është promovuar edhe koncepti i parqeve industriale. Ç'mund të thoni për to?

Koncept tjetër që po zhvillohet dhe do të marrë jetë, është edhe ai i parqeve industrialë. Një politikë tjetër mbështetëse për nxitjen e investimeve të huaja është edhe ajo e nxitjes dhe zhvillimit të parqeve industrialë. Kjo ide ishte hedhur nga qeveria jonë edhe më parë, dhe tani po përpunohet dhe po inkludohet në paketën "Shqipëria 1 euro". Parqet industrialë janë një formë tjetër zhvillimi dhe nxitjeje zhvillimi të shpejtë ekonomik. Sipas modelit të parqeve industrialë, në zona të caktuara ngrihen qendra të cilat përfshijnë ambiente prodhues fabrika uzina, përfshijnë ambiente zyrash ku do të zhvillojnë aktivitetin e tyre këto kompani, përfshihen ambiente të tjera për shërbime si banka, qendra shëndetësore dhe zyra të tjera të shërbimit të popullsisë. Investitorët, pasi zhvilluesi i parkut industrial ju ofron këto lehtësira, vendosen dhe zhvillojnë aktivitetin e tyre në të. Kështu që, duke krijuar një ambient të përshtatshëm investimi me infrastrukturë dhe shërbime, nxiten akoma më tepër investitorët e huaj dhe vendas për të zhvilluar aktivitetin dobiprurës për popullsinë e vehten. Në këtë mënyrë në këtë zonë sillet investim, sillet punësim sillen shërbime të cilësisë së lartë, shumë e vlefshme kjo, sidomos për zonat që janë pak të zhvilluara, zona që në të cilat qeveria kërkon të nxisë investimet, sidomos në Veri të vendit. Janë një sërë vendesh që janë ende në studim për t'u dhënë si parqe industriale, gjithsesi preferencat për zonat e zhvilluara ne nuk mund t'i neglizhojmë dhe do t'i zhvillojmë edhe ato, por duke anuar prioritetin në zonat më pak të zhvilluara. Një park që ka nisur studimi dhe është bërë plani i tij, është ai i Koplikut. Biznesmenët e Dhomës së Tregtisë të Puglias, të cilët e kanë marrë përsipër dhe kanë bërë studimin e planin e parë do të jenë dhe zhvilluesit e tij. Ndërkohë, po shihen zona të tjera dhe një e mundshme mund të jetë pranë Durrësit. Pra, akoma janë në studim një sërë zonash dhe priten oferta të tjera për të vendosur. Kjo është në fazë projekti.

- Si po procedoni në përgatitjen e terrenit të veprimit për këta investitorë?

Ne po përpiqemi që të krijojmë të gjitha kushtet e punës për të përshpejtuar ritmet, t'i zvogëlojmë burokracinë, që ka të bëjë me nxjerrjen e dokumentacionit, informacionit, rregjistrimit, liçensimit, nxjerrjes së lejeve etj, çdo proçedurë e proçes që ka të bëjë me përgatitjen e projektit e planit. Pasi mbarohet projekti e planifikimi, ngrihet infrastruktura e më pas fillojnë dhe vijnë investitorët, me zonë të përgatitur për investim. Kjo është një tjetër formë zhvillimi. Kjo ka qenë shumë e suksesshme në të gjithë vendet e Europës Lindore, ka qenë e suksesshme dhe në vende te tjera jashtë saj. "Shqipëria një euro" e nxit këtë metodë". Zonat fare të pazhvilluara do të tentohen të jepen në konçension edhe për parqe industriale, pra për zhvillim më kompleks, jo vetëm për një investim te thjeshte prodhues të tipit fabrikë, një uzinë, një spital, një shkollë. Ministria e Ekonomisë e ka një projekt tjetër të madh, këtë të parqeve industriale që po e zhvillon si pjesë të paketës "Shqipëria një euro".

- Në total, cili ka qenë interesi i investitorëve të huaj ndaj paketës "Shqipëria 1 Euro"?

Jehona ka qenë shumë e madhe. Investitorët e huaj të të gjitha fushave janë të interesuar dhe na telefonojnë dhe madje kanë filluar të vizitojnë Shqipërinë. Mund të them, se jehona ka qenë më e madhe nga sa e prisnim megjithëse marketingu i saj nuk ka qenë ende aq i plotë. Unë nuk mund të jap shifra dhe emra, ato do t'i japim, pasi ata vërtet të kenë filluar investimin, sepse faza e parë e interesimit vetëm i sjell në Shqipëri ata, për të bërë hulumtime dhe kërkime për zonat dhe fushat ku ata duan të investojnë. Shumë me interes janë fusha e energjisë ajo minerare, por edhe fushat e tjera janë jo më pak interes për investitorët e huaj. Ne po përpiqemi të përshpejtojmë edhe strukturat e tjera ndihmëse si atë "One stop shop" për të ofruar shërbime të shpejta, cilësore dhe të përqëndruara për investitorët. Po përpiqemi të përmirësojmë edhe strukturat e tjera ndihmëse që të forcojmë klimën e biznesit, krahas lehtësirave që ne u japim me nismën "Shqipëria një euro".

- Çfarë do të sjellë projekti "one stop shop"?

"One stop shop" është një projekt që mbështet nga Millenium Challenge projekti i SHBA. Ai është në proces dhe afati i tij është një vit. Shpresoj që në një vit t'i kemi këto qendra të ngritura. Në to do të përqendrohen të gjitha shërbimet që kanë të bëjnë me informim, fillim, rregjistrim, liçensim, marrje lejesh, bërje pagesash, pra, një sërë shërbimesh ofrohen e kryhen në një qendër të vetme. Kjo rrit cilësinë e shërbimeve, shkurton kohën për biznesin si marrës e përfitues i këtyre shërbimeve.

RD

[Flori]

Një vit pas ardhjes në pushtet qeveria e djathtë e kryeministrit Berisha ka shpallur nismën e saj “Shqiperia 1 euro”.


Zoti Berisha thotë se iniciativa një euro ofron lehtësira për investitorë vendas dhe të huaj

Ajo konsiderohet si një përpjekje për të realizuar një prej premtimeve më të rëndësishme elektoratit të saj, atë për rritjen e investimeve vendase dhe të huaja në Shqipëri.

Deklarimin e kësaj nisme e bëri publike vet kryeministri Sali Berisha.

'Ne ta vazhdojmë përpjekjen tonë për të ndryshuar Shqipërinë në më të lirën dhe më të mirën për investorët e huaj dhe ata vendas. Do tu ofrohet toka me 1 euro, do tu ofrohet kualifikimi punëtorëve me 1 euro, uji teknologjik me 1 euro, shërbime të tjera të tëra me 1 euro, regjistrimi i biznesit me 1 euro, hyrja në Shqipëri me 1 euro.'

Sigurisht reagimi parë për deklaratën e zotit Berisha erdhi nga politika.

Ndërsa aleatët e tjerë përshëndetën opozita shfaq menjëherë dyshimet e saj. Kreu socialist, Edi Rama, tha se në Shqipëri mungon klima që duhet të joshë investitorët vendas dhe të huaj.

'Kryesorja dhe ajo që i mban larg jo investitorët e huaj, por që po alienon dhe sipërmarrjen vendase është klima. Ka një klimë antisipërmarrje e cila nuk shprehet thjesht në fjalimet kryeministrore apo në veprimet e qeverisë, por shprehet në mungesën e një sistemi garancish qe fillojnë që nga mungesa e garancive të sipërmarrësit në nivelin e mbrojtjes nga ligji, deri tek mungesa e garancive në nivelin e energjisë apo të ujit.'

Debati ka nisur dhe në nivel lokal, pikërisht atje ku pritet ku kjo nismë të realizohet. Artur Kurti është kryetar i bashkisë së Kuçovës, përfaqësues i PS. Ai thotë se ende në Shqipëri nuk është zgjidhur çështja e pronës.

'Stimuli financiar në përgjithësi përballohet nga pushteti qendror, ndërsa njësitë vendore hapësirat i kanë më të kufizuara pasi dhe deri në këto momente akoma nuk është bërë transferimi i pronave shtetërore në prona publike, por dhe nëse po, kostua që përballojnë njësite vendore për ti ofruar investitorëve të huaj në kuadrin e 1 euro më duket pak e nxituar.'

Por, për kryetarin e bashkisë së Elbasanit Adrian Turku, përfaqësues i maxhorancës zgjidhja e çështjes së pronës do të arrihet njëkohësisht me zgjidhjen e çështjeve të tjera.

'Është e vërtetë që pronat publike akoma nuk kanë përfunduar së kthyeri dhe së hipotekuari, por është një proçes që duke ecur paralelisht dhe me proçesin e privatizimit, me proçesin e kompnesimit të ish pronarëve njëkohësisht do të marri fund dhe kjo.

Natyrisht unë nuk mendoj që për të pretenduar për një ecje të shpejtë duhet të presësh përfundimin e njërit proçes dhe të fillojë tjetri, kjo bëhet vetëm kur efekti është zinxhir, këto janë proçese që mund të ecin paralelisht për të zhvilluar ritme zhvillimi.'

Të parët që e kanë përshëndetur këtë nismë të zotit Berisha janë njerëz të biznesit. Behar Malaj është një ndërtues i njohur në Shqipëri. Ai thotë ndër të tjera për BBC se industria e lehtë është ajo degë që duhet të përfitojë më shumë nga realizimi i kësaj nisme.

'Kjo është një nisëm për tu përshëndetur e cila duhet shoqëruar dhe me një paketë tjetër lehtësuese në mënyrë që të bëhet sa më atraktive dhe mendoj që është një nga format më të mira për të thithur dhe investimet e huaja dhe për të nxitur investimet vendase.

Mendoj që kjo do ti japë një zhvillim të madh biznesit në Shqipëri. Unë do të propozoja kryesisht vitin e zhvillimt të industrisë së lehtë dhe përpunuese dhe kam parasysh që brenda një periudhe 2 – 3 vjeçare një pjesë e kapitaleve të angazhuara në ndërtim do të orientohen në këtë fushë, për shkak të ngopjes së tregut që po troket në derë.'

Nga ana e saj qeveria po vazhdon punën për të mbështetur këtë nisëm. Ministria e bujqësisë, ushqimit dhe e mbrojtjes së konsumatorit ishte e para që bëri të njohur hapësirat që ajo vë në dispozicion.

Zëvendësministri, Ndoc Fasllia, në intervistën dhënë BBC në Shqip tha se kjo hapësirë është rreth 130 mijë hektarë tokë.

'Janë të shpërndara në të gjitha qarqet e vendeve. Në Berat ka rreth 11 mijë hektarë të tilla. Ka në Elbasan rezultojnë rreth 11 mijë hektarë të tilla, në Fier rreth 5 mijë e dyqind hektarë, në Korcë rreth 25 mijë hektarë, në qarkun e Lezhës janë 2 mijë hektarë, në qarkun e Shkodrës 7 mijë hektarë, në të Tiranës 2 mijë hektarë, në atë të Vlorës 3 mijë e shtatëqind hektarë.'

Një ndër preokupimet e qeverisë është dhe lufta kundër korrupsionit. Sipas këshilltarit të kryeministrit Dr. Selami Xhepa, kjo nismë do të synojë të minimizojë këtë fenomen aq të përfolur në Shqipëri.

'Parim i këtij shërbimi është: “i pari i ardhur, i pari i shërbyer”. Në besojmë që proçesi i përfitimit të kësaj lehtësie është automatik dhe nuk varet nga asnjë zyrtar për të gjykuar për të drejtën e dhënies apo mosdhënies të kësaj lloj lehtësie. Vetë mënyra se si do funkionojë ky sistem eleminon tërësisht shfaqjen e fenomeneve të korrupsionit.'

Ndërkohë detaje të paketës “Shqipëria 1 euro” do të bëhen të njohura pas pak ditësh. Reagimet e deritanishme tregojnë për një debat të nxehtë përpara se ajo të miratohet nga parlamenti shqiptar.

[Flori]

Promovimi i nismës së qeverisë shqiptare, "Shqipëria, një euro" në Britani pritet të bëhet me anë të një seance të veçantë në Dhomën e Komunëve të Parlamentit Britanik, ku pritet të marrin pjesë rreth 70 biznesmenë britanikë në datën 20 shtator të këtij viti.


Ambasadori i Shqipërisë në Britaninë e Madhe, Kastriot Robo

Po sa të interesuar janë investitorët britanikë për të investuar në Shqipëri, pas kësaj nisme? Blerim Kola bisedoi me ambasadorin e Shqipërisë në Britaninë e Madhe, Kastriot Robo dhe fillimisht e pyeti se si e vlerësonte inisiativën "Shqipëria, një euro".

Kastriot Robo: Në kuadër të programit qeveritar, nisma e re "Shqipëria, një euro" e promovuar nga Z. Sali Berisha është një nismë jashtëzakonisht e rëndësishme në aspektin e tërheqjes së investimeve të huaja në Shqipëri.

Është një përpjekje serioze e qeverisë shqiptare që Shqipërinë ta bëjë një "emerging market", një treg të interesuar nga investitorët perëndimorë me qëllim që të vijnë të investojnë në vendin tonë.

Sigurisht është një përpjekje tepër serioze për thithjen masive të investitorëve perëndimorë në aspektin e rivlerësimit ose më saktë të rritjes në mënyrë të drejtëpërdrejtë të këtyre investimeve në Shqipëri.

Blerim Kola: Çfarë është bërë për të njohur investitorët britanikë rreth kësaj nisme të re në Shqipëri?

Kastriot Robo: Ne si përfaqësi diplomatike në Londër jemi përpjekur që të bëjmë një promovim të kësaj nisme dhe interesi nga investitorët britanikë ka qenë aktiv.

Blerim Kola: Çfarë është bërë konkretisht?

Kastriot Robo: Jemi përpjekur deri tani të bëjmë promovimin e kësaj nisme nëpërmjet kontakteve me median britanike dhe në mënyrë të drejtëpërdrejtë me investitorë dhe bisnesmenë britanikë, por në mënyrë më institucionale mendojmë që promovimi i kësaj nisme do të bëhet në një seancë të veçantë në një veprimtari të veçantë në Dhomën e Komunëve të Parlamentit Britanik në një veprimtari ku mendohet që të marrin pjesë 70 biznesmenë britanikë në datën 20 shtator.

Blerim Kola: Sa të interesuar janë investitorët britanikë për të investuar në Shqipëri?

Kastriot Robo: Ajo që është e rëndësishme është që tendenca e biznesit britanik drejt Shqipërisë vjen gjithmonë e në rritje. Aktualisht ne kemi investitorë britanikë në Shqipëri.

Do t'i referohesha këtu prezencës së Vodafonit apo British Petrolium, por në të njëjtën kohë në momentin që flasim interesat e biznesit britanik drejt Shqipërisë për të investuar në Shqipëri kanë qenë në rritje.

Mendoj që vendimi i fundit i qeverisë britanike, kur British Airways filloi fluturimet direkte drejt Shqipërisë është një shenjë e interesimit të investitorëve britanikë drejt Shqipërisë për të lëvizur në drejtim të Shqipërisë, jo thjesht vetëm si turistë, por edhe në fushën e biznesit dhe të investimeve britanike drejt vendit tonë.

Blerim Kola: Sa të lehtësuar ndihen investitorët britanikë për të investuar në Shqipëri?

Kastriot Robo: Siç e theksova interesi i investitorit britanik drejt Shqipëri ka ardhur gjithmonë e në rritje. Në mënyrë të veçantë së fundi kemi një rivlerësim të situatës aktuale në Shqipëri dhe në këtë aspekt nisma "Shqipëria, një euro" e bën tejet të interesuar investitorin britanik për të parë mundësitë e investimit në Shqipëri, për të futur Shqipërinë në listën e asaj që unë theksova më lart "emerging market" në Europë.

Por nga ana e tjetër mendoj që për momentin, kjo nismë është jashtëzakonisht optimale, sepse bëhet menjëherë pas nënshkrimit të marrëveshjes së asociim stabilizimit midis Brukselit dhe vendit tonë.

Dhe siç e dimë pak ditë më parë kjo marrëveshje u ratifikua edhe nga parlamenti europian dhe e kemi marrë sigurime optimale nga shumë vende anëtare të Bashkimit Europian, përfshirë edhe Mbretërinë e Bashkuar që ratifikimi i kësaj marrëveshje do të kalojë pa probleme pranë qeverive respektive.

Kështu që nga kjo pikëpamje mendoj se është momenti optimal për biznesmenët e huaj për t'iu përgjigjur pozitivisht thirrjes së qeverisë shqiptare për të ardhur për të investuar në Shqipëri.

Sigurisht nisma është tërësore dhe shoqërohet me një sërë masash në aspektin e lehtësimit të procedurave burokratike për hapjen dhe fillimin e aktivitetit ekonomik të biznesmenëve të huaj në vendin tonë.

Jo më pak se disa ditë më parë qeveria shqiptare nënshkroi një marrëveshje me një kompani britanike me MedOil për të filluar kërkimet e naftës në zonën e bregdetit jonian.

Kjo është një tregues i drejtëpërdrejtë dhe i mirëfilltë i interesit britanik drejt vendit tonë dhe unë jam i sigurtë që kjo marrëveshje do të shoqërohet me lëvizje të tjera të biznesit dhe të investitorëve britanikë në drejtim të vendit tonë.

I referohem këtu interesit që ato kanë treguar për industrinë energjitike në Shqipëri për hidrokarburet, për veprat infrastrukturore dhe në mënyrë të veçantë për momentin po duket një interes i Bankave dhe kapitalit financiar britanik në drejtim të vendit tonë.

[Flori]

Projekti i qeverisë shqiptare i njohur me emrin "Shqipëria, një euro" ka zgjuar një interesim tek biznesi kosovar.


Shefqet Kuqi, biznesmen dhe pronar i fabrikës së këpucëve Solid

Megjithatë biznesmenët e atjeshëm dhe analistët e çështjeve ekonomike e vlerësojnë te domosdoshme që ky projekt të përcillet edhe me masa shtesë, siç janë siguria e investimeve, politika fiskale dhe infrastruktura rrugore.

Një material në lidhje me këtë e ka përgatitur bashkëpunëtori ynë në Prizren, Fadil Bytyci

Biznesmenë dhe analistë kosovarë të çështjeve ekonomike e vlerësojnë pozitivisht projektin e qeverisë shqiptare të njohur me emrin "Shqipëria një euro".

Ata thonë se ky projekt ofron kushte me të mira për ngritjen e infrastruktures së biznesit dhe josh investimet e huaja atje.

Ndonëse shprehen për një interesim që të investojnë në ngritjen e kapaciteteve prodhuese në Shqiperi, biznesmenët kosovarë thonë se ky projekt duhet të përcillet edhe me një infrastrukturë më të përshtatshme ligjore.

Lehtësi në investime

Shefqet Kuqi është pronar i fabrikës së këpucëve "Solid" në Suharekë afër Prizrenit. Ai thotë se projekti ofron lehtësira për të investuar në Shqipëri, por kërkon që politika të mos përzihet në ekonomi.

"Ky model është i mirëseardhur, por qeveria shqiptare duhet të bëjë edhe ndryshime të tjera, siç janë ato që kanë të bëjnë me politikën fiskale, doganat, sigurinë e investimeve, sepse për fat të keq edhe në Kosovë edhe në Shqipëri, politika është e përzier në ekonomi" - thotë z. Kuqi.


Projekti është mjaft ambicioz nëse e përcjell një infrastrukturë ligjore të duhur,


Gani Sallauka, analist

Ngjashëm me z.Kuqi shprehet edhe pronari i kompanisë për prodhimin e verës nga Prizreni, Mustafë Berisha, por shton se shteti Shqiptar duhet të ofron edhe siguri më të madhe te investimeve.

"Mua përsonalisht më intereson ky projekt dhe kam dëshirë që me ndonjë projekt të vogël, sipas mundësive të dal edhe në Shqipëri, por dua të sigorohem që të jetë më e madhe siguria e investimeve" - thotë z.Berisha

Prioritet - infrastruktura

Që projekti të jetë sa më joshës për biznesin kosovar, Shqipëria duhet të angazhohet edhe në ngritjen e infrastrukturës rrugore" - pohon biznesmeni Shani Hamtagaj që është edhe aksionar i Bankës Private të Biznesit.

"Mendoj se projekti jo vetem se është i nevojshëm, por edhe i domosdoshëm, por infrastruktura rrugore është mundësia për realizimin e këtij projekti, duke patur parasysh se Shqipëria nuk ka ndonjë strukturë të mirë rrugore" -pohon z.Hamitagaj.

Nga ana tjetër edhe analistët e këtushëm të çështjeve ekonomike e vlerësojnë këtë projekt të Qeverisë Shqiptare, por ata e shohin me skepticizëm realizimin e tij, nëse qeveria nuk merr masa tjera për të joshur investitoret e huaj që të investojnë në Shqipëri.

Projekt ambicioz

Gani Sallauka është analist për çështje ekonomike në Institutin Rajonal të Ekonomisë në Prizren.

"Projekti është mjaft ambicioz nëse e përcjell një infrastrukturë ligjore të duhur, e cila i mbronte investimet dhe njëkohësisht një politikë fiskale, e cila do t'i jepte përparësi prodhimit dhe se atëherë Shqipëria do të jetë në gjendje të joshë investitorët nga jashtë e me këtë të ketë edhe një sukses ekonomik"

Vlerësohet se projekti i Qeverisë Shqiptare "Shqipëria një euro" do të ketë një ndikim në orientimin e biznesmenëve kosovarë drejt Shqipërisë.

Kjo për faktin se hapësira për ngritjen e një biznesi këtu është tepër e shtrenjtë ndërsa çmimet sillen rreth 100 euro për metër katror e kjo është më e lart për 100 herë nga ajo që ofron shteti shqiptar përmes këtij projekti.

[Flori]

Qeveria shqiptare nënshkroi të hënën një marrëveshje me kompaninë britanike, MedOil, të specializuar në kërkimin e naftës dhe gazit.


Drejtori i kompanisë MedOil, David Thomas thotë se Shqipëria është vend i stabilizuar

Sipas marrëveshjes kjo kompani do të ketë të drejtë të zhvillojë kërkime në detin Jon dhe Adriatik për një afat 20-vje për një afat 20-vjeçar.

Blerim Kola bisedoi me drejtorin e përgjithshëm të kësaj kompanie në Londër, David Thomas dhe fillimisht i kërkoi më shumë detaje rreth marrëveshjes.

David Thomas: Së pari dëshiroj të sqaroj se çfarë është MedOil dhe pse jemi të interesuar për të investuar në Shqipëri. MeDoil është një kompani që kuoton titujt e saj në bursë dhe e bën të njohur publikisht biznesin e saj në median e vendit.

Ne jemi të interesuar në rajonin e Mesdheut dhe ky është fokusi ynë aktual gjeografik. Dhe siç e dini Shqipëria është e pasur me naftë dhe kërkimi në këtë vend ka filluar që në vitin 1918.

Dhe sigurisht që kompanitë më të mëdha perëndimore si "British Petrol" filluan të eksploronin në Shqipëri që prej vitit 1928. Dhe që atëherë janë gjetur mbi 3 bilion fuçi naftë në zonat bregdetare.

Kështu që kur MedOil u themelua dy vjet më parë ne ishim shumë të interesuar që të shkonim dhe të flisnim me autoritetet shqiptare për të parë, nëse mund të merrnim pjesë aktive në eksplorimin e naftës në Shqipëri.

Blerim Kola: Kjo është arsyeja e vetme pse zgjodhët detin shqiptar për të kërkuar naftë?

David Thomas: Ne zgjodhëm Shqipërinë pasi mendojmë se ka mundësi për të gjetur naftë në det dhe gjithashtu për mendimin tonë tashmë është një vend me stabilitet.

Tashmë ne e dimë që Shqipëria nuk ka më problemet që ka patur në të kaluarën pasi ato tashmë i janë lënë së kaluarës.

Blerim Kola: Z. Thomas sa i sigurtë jeni se do të gjeni naftë në detin shqiptar?

David Thomas: Sigurisht që kërkimi për naftë është një biznes, ku mund të fitosh dhe humbësh. Dhe ajo që ne kemi nënshkruar me autoritet shqiptare më 4 shtator pritet që të miratohet në fund të tetorit dhe më pas ne do të kemi 2 vjet kohë për të bërë studimin sizmik të tokës në fund të detit.

Dhe shpresojmë që këtë ta fillojmë ta bëjmë gjatë vitit të ardhshëm. Studimi sizmik do të na japë një ide më të qartë se nga çfarë strukture gjeologjike do të ketë toka, ku ne do të eksplorojmë dhe nga kjo ne do të përcaktojmë nëse ka naftë apo gaz atje.

Blerim Kola: Z. Thomas një kompani australiane e quajtur "Hamilton Oil" nisi kërkimet për naftë në detin shqiptar në vitin 1992, por u largua pas 3 vjetësh, pasi nuk gjeti naftë. A e keni marrë parasysh këtë fakt?

David Thomas: Po, kjo është absolutisht e vërtetë. "Hamilton Oil" ishte një ndër kompanitë e para që nisi të eksploronte detin shqiptar në vitin 1992 dhe u largua 3 vjet më vonë. Por duhet të keni parasysh dy çështje këtu:

E para çmimi i naftës në atë kohë ishte shumë i lirë dhe tjetra që duhet të kemi parasysh janë përmirësimet që janë bërë në teknologji për të depërtuar në thellësitë e detit dhe për të përshkuar edhe shkëmbinjtë më të paparashikueshmë që ndodhen poshtë sipërfaqes së tokës.

Duke përdorur teknologjinë moderne sizmike ne mund të kemi një ide më të qartë se si duket sipërfaqja nëntokësore. Pra ne i kemi të dyja avantazhet. Avantazhi i parë është se kemi çmime më të mira të naftës dhe e dyta është se kemi teknologji më të mirë.

Blerim Kola: A mendoni se ekonomia shqiptare do të përfitojë nga nënshkrimi i kësaj marrëveshje?

David Thomas: Po sigurisht që po, pasi nëse kemi sukses, pra nëse ne gjejmë naftë pjesa më e madhe e përqindjeve të fitimit do t'i kalojnë Shqipërisë.

Blerim Kola: Z.Thomas, qeveria shqiptare ka ndërmarrë kohët e fundit një inisiativë të titulluar "Shqipëria, një euro". A pati ndonjë ndikim kjo që ju të nënshkruanit marrëveshjen pikërisht në këtë kohë?

David Thomas: Jo në të vërtetë jo. Vendimi u mor më shumë në perspektivën që ne kishim për të gjetur naftë.

Duke i shtuar këtu faktin që unë përmenda që në fillim se Shqipëria po bëhet një vend më i qëndrueshëm, me stabilitet më të lartë dhe ky ishte një problem që kompanitë e tjera e kanë hasur për shembull problemet me të cilat Shqipëria përballej në vitet 1995 - 1996.

Blerim Kola: Nga eksperiencat tuaja të mëparshme a mendoni se ka çështje mjedisore për të cilat duhet të shqetësohemi nga aktiviteti i kësaj kompanie?

David Thomas: Po çështjet mjedisore janë një shqetësim për të gjithë, duke na përfshirë edhe ne. Përpara se të bëjmë një gjë ne fillimisht bëjmë një studim rreth ndikimit që do të ketë në ambient. Si të thuash ky është një lloj standarti ndërkombëtar.

Për shembull ne po bëjmë punë sizmike tani në Tunizi dhe përpara se ta bëjmë atë ne bëmë një studim se çfarë ndikimi do të ketë në ambient në zonën, ku ne do të punojmë dhe ky studim i dorëzohet qeverisë përkatëse dhe nëse qeveria mendon se kjo nuk është e drejtë atëherë mund të mos e miratojë një gjë të tillë, por zakonisht ndikimi në mjedis do të jetë shumë i vogël.

[Flori]

Ekspertë të çështjeve ekonomike dhe biznesmenë në Maqedoni kanë përshendetur iniciativën e kryeministrit shqiptar, Sali Berisha - "Shqipëria, një euro".


Pamje nga kryeqyteti i Maqedonisë, Shkupi

Kjo nismë sipas tyre nuk duhet të shuhet që në embrion, por ajo sa më parë duhet të fillojë të aplikohet edhe në praktikë.

Abedin Murati, i cili ka një bashkëpunim të ngushtë me afaristë shqiptarë në sferën e prodhimit të mobiljeve thotë se qeveria shqiptare nuk mjafton vetëm të sigurojë tokë për një euro, por ajo duhet të plotësojë edhe kushte tjera.

"Nuk është me rëndësi të themi një euro, nëse shteti shqiptar ofron troje, duhet të ketë infrastrukturë, të ketë rrymë, të ketë rrugë, të jenë të gjitha parakushtet për të bërë biznes dhe të ketë një stabilitet.

E dyta, që është shumë me rëndësi, në Shqipëri duhet të ketë një kontroll të hyrjes së mallit se mund të bësh prodhim në Shqipëri, ndërsa atje hynë malli nga të gjitha anët dhe ka një konkurencë jo të drejtë", - thotë Murati.

Gjithashtu nisma e kryeministrit Berisha ka gjetur mbështetje edhe te kryetari i Odës Ekonomike të Maqedonisë veriperëndimore, Xhemail Dauti.

"Shqipëria një euro, ne e vlerësojmë si një hap radikal në përmirësimin e ambientit të biznesit në Shqipëri dhe me siguri do të shërbejë edhe si model për shtetet përreth, sidomos për Maqedoninë, e cila duhet të marrë hapa të ngjashme të krijimit të ambientit të funksionimi të ekonomisë, apo të objekteve afariste", - shprehet zoti Dauti.

Në Maqedoni, nisma të tilla për stimulimin e investitorëve nga jashtë ka patur që më herët. Janë miratuar ligje të shumta, të cilët krijojnë kushte më të favorshme për investime të afaristëve të vendit e sidomos për thithjen e kapitalit nga jashtë. Maqedonia investitorëve të huaj tokën ua jep me një qira modeste për 50 vjet.

Në Maqedoni gjithashtu që nga viti i kaluar janë hequr barrierat burokratike për regjistrimin e firmave dhe është aplikuar sistemi i sportelit apo firmosja e marrëveshjeve të drejtpërdrejta midis qeverisë dhe investitorit.

Por, këto angazhime kanë mbetur të shkruara vetëm në letër dhe si dëshirë e politikanëve. Diçka konkrete nuk është realizuar, thonë ekspertët ekonomik.

Në vitin 1999 u miratua ligji për krijimin e pesë zonave të lira tregëtare, të cilat pritej se do ta shtojnë interesimin e investitorëve të vendit dhe nga jashtë, por kështu nuk ndodhi.

Sipas ish-drejtorit të këtyre zonave të lira, Rakip Doçi fajtorë për mosfunskionimin e tyre janë vetë qeveritë të cilat nuk krijojnë parakushte elementare për funksionimin e tyre.

"Askush nuk vjen të investojë, nëse ai vend nuk ka kanalizimin, ujësjellësin, rrjetin e telefonit, rrymën elektrike, gazin natyror, hekurudhën.

Ish-qeveria Buçkovski në muajin maj ndau 300 mijë euro për ndërtimin e infrastrukturës në Zonën e Lirë tregtare të Bunarxhikut që ishte parakusht për ardhjen e firmës amerikane Jonsons Controls, e cila gjatë këtij muaji pritet të fillojë me ndërtimin e objekteve për prodhimin e paisjeve elektrike për veturat.

Sipas marveshjes kjo firmë pritet që në Maqedoni të investojë afro 100 milion euro dhe të punësojë mbi 500 punëtorë", - thotë Z. Doçi.

Sipas profesorit për çështje ekonomike në Universitetin e Evropës Juglindore në Tetovë, Izet Zeqiri, nuk mjaftojnë vetëm ligjet e mira për të krijuar ambient të favorshëm për thithjen e investimeve nga jashtë.

"Maqedonia nuk ka diplomaci ekonomike. Nga 35 përfaqësues diplomatik dhe konsullar nëpër botë, në asnjë vend nuk ka njeri të posaçëm, të angazhuar për çështjet ekonomike që do të ishte një promotor investues për Maqedoninë", - shprehet z. Zeqiri.

Qeveria e re e Nikolla Gruevskit, mandatin e fillon me vlerësime optimiste për zhvillimin ekonomik të vendit. Ajo ka hartuar të ashtuquajturin manifest ekonomik të saj, ndërsa në kabinetin qeverisës ka të angazhuar ekspertë me përvojë nga jashtë, të cilët kanë marrë për detyrim që t'i shtojnë investimet në Maqedoni.

Sa do të arrijë qeveria Gruevski,që t'i bindë investitorët e jashtëm se në Maqedoni funksionon shteti ligjor,nuk ka korrupsion, sa Maqedonia është vend i sigurtë për investime dhe garanton mbrojtjen e pronës së investuar- këtë do ta dëshmojë koha. Maqedonia, aktualisht radhitet në vendet e fundit në rajon për thithjen e investimeve nga jashtë.

[Humdinger]

Një biznesmen amerikan denoncon skemën “Shqipëria 1 euro”


Agim Blloshmi

ELBASAN

- Investitorët e huaj që kanë ardhur për të përfituar nga skema “Shqipëria 1 euro” kanë hasur në korrupsionin dhe burokracinë e shtetit shqiptar. Një shqiptaro-amerikan, Ruzhdi Gurra, ish-oficer i Forcave Amerikane në Kosovë gjatë luftës kosovare, deklaron: “Pasi dëgjova termin ‘Shqipëria 1 EURO’, vendosa të bëj diçka të mirë dhe problemi më emergjent në Shqipëri është energjia. Bëra projektet e një mini-HEC-i në Dragostunjë dhe mendova të investoj, por jam përballur me një milion procedura burokratike dhe nuk di se si të veproj. Na thonë se do të dalë një ligj tjetër. Atëherë këta le të thonë se nxjerrin ligje vetëm sipas interesave të tyre”.
Administratori Ismail Leka, i cili ka investuar të paktën 300 mijë euro për ndërtimin e një minihidrocentrali në fshatin Dardhë të Komunës së Hotolishtit në rrethin e Librazhdit, ku ka përfunduar të gjitha fazat përveç ndërtimit të nënstacionit, fajëson strukturat më të larta të shtetit shqiptar për bllokimin e investimeve private në fushën e industrisë energjetike. Edhe biznesmenë të tjerë pretendojnë se në vend të krijimit të lehtësirave që shteti duhet të krijojë në këtë aspekt, po ndodh krejt e kundërta. Ndërsa Imer Lila, një tjetër biznesmen, thotë për gazetën “Albania”: “Ne nuk e kuptojmë se përse vonohen procedurat dhe përse sorollatemi. Kujt i intereson kjo vonesë? Ne rriskojmë dhe në fund nuk marrim asgjë”. Sipas tyre, nëse shteti do t’ia linte privatit këto minihidrocentrale, atëherë do të ishte zgjidhur problemi i energjisë për një pjesë të mirë të kësaj zone. Por, në momentin që ata nisin procedurat dhe kërkesën për t’i marrë ato me koncesion, nisin edhe burokracitë, peripecitë dhe sorollatjet, duke bërë që këta biznesmenë të tërhiqen. Janë ndërtuar një numër jo i vogël minihidrocentralesh në Librazhd, që në kohën e ish-diktaturës, ku rekordin e mbajnë rrethi i Dibrës, me shtatë minihidrocentrale të vogla dhe mbas kësaj vjen Librazhdi, me gjashtë. Vitet e fundit, krahas minihidrocentraleve ekzistuese, ka filluar puna për ndërtimin e të paktën 10 të tjerave, ndërsa janë në proces dhe disa kërkesa të tjera nga biznesmenë të ndryshëm. Rrethi i Librazhdit trashëgon nga sistemi komunist gjashtë minihidrocentrale, përkatësisht atë të Lunikut, Orenjës, Xhyrës, Funarësit, Stravajt dhe atë të Qarrishtës. Këta dy të fundit janë jashtë funksionit, kurse të tjerët janë rehabilituar pjesërisht nga biznesmenë vendas edhe të huaj (italianë) siç është ai i Funarësit. Pra ato që janë riaktivizuar nuk punojnë me kapacitetin maksimal, për shkak të amortizimit të aparaturave, si dhe sasisë së ujit që vete në turbina. Këto hidrocentrale kërkojnë domosdoshmërisht ndërhyrje dhe rikonstruksion të tyre. Duke qenë se buxheti i shtetit nuk e përballon dot një investim të tillë, atëherë kanë dalë garant biznesmenët për t’i marrë me koncesion. Por edhe këta të fundit janë përballur me vështirësi me institucionet shtetërore. Megjithëse interesi i biznesmenëve nuk ka munguar, minihidrocentralet e Librazhdit po dalin jashtë funksionit, për shkak se askush nuk ka vënë dorë në to.
Prodhimi në total i këtyre minihidrocentraleve është rreth 150 mijë KW për orë. Sipas specialistëve, nëse do të shfrytëzohej kapaciteti maksimal i mundshëm, prodhimi i tyre mund të jetë dyfishi i atij aktual. Një nga më të rëndësishmit e këtyre minihidrocentraleve është ai i Xhyrës, që është dhënë në përdorim. Por edhe nga kjo vepër energjetike nuk merret maksimumi, sepse në të nuk është lejuar të investohet për dyfishimin e kapacitetit prodhues. Madje, këto minihidrocentrale punojnë vetëm kur është në punë rrjeti kryesor. Gjatë krizës së madhe të fundvitit të shkuar, kur Xhyra u shkëput nga sistemi, ajo siguroi energji pa ndërprerje për 800-1200 familje, ku vetëm në krizën e vitit të kaluar furnizoi disa fshatra si atë të Xhyrës, Dragostunjës, Hotlishtit e Dardhës. Gjithashtu edhe minihidrocentralet e tjera furnizojnë vetëm fshatrat përreth me nga shumë pak familje.
Sipas specialistëve të KESH-it, këto HEC-e nuk zgjidhin kërkesat e popullsisë dhe nuk mundet të punojnë fare në rastin e një shkëputjeje totale të energjisë elektrike. Sepse punojnë së bashku të lidhura me rrjetin. Në rrethin e Librazhdit, kryesisht në luginën e Shkumbinit, por edhe të Qarrishtës, Stëblevës, Polisit, Bushtricës e lumit të Gostimës, janë me dhjetëra kërkesa, ku një pjesë duhej të fillonte transmetimin e energjisë elektrike sorollaten pa asnjë kuptim, duke u thënë që do të dalë një ligj i ri.
Nëse nuk do të ekzistonin burokracitë dhe neglizhenca e strukturave përkatëse, mbase problemi i energjisë elektrike nuk do të kishte të paktën këto përmasa. Zona e Librazhdit trashëgon një sistem të mirë minihidrocentralesh. Nëse do të menaxhoheshin mirë dhe do të vihej dorë në to, atëherë një pjesë e mirë e zonës lindore do ta zgjidhte njëherë e mirë problemin e energjisë elektrike në sezonin e dimrit. Por, me gjithë krizën, shteti nuk u jep prioritet biznesmenëve të interesuar. Këta të fundit ankohen se sorollaten derë më derë të institucioneve, në tentativë për t’i marrë ato me koncesion, por sërish nuk ia kanë arritur. Pasuritë hidrike në zonën e Librazhdit janë të shumta, por ato nuk shfrytëzohen. Të gjithë këta biznesmenë kanë harxhuar kush më shumë e kush më pak me miliona euro dhe asnjë lloj zgjidhje.
Vetëm hidrocentrali “Egnatia”, i cili ka filluar që në muajin mars të vitit të kaluar e duhej të përfundonte në fund të muajit nëntor 2006, e ka fuqinë e energjisë për rrethet Librazhd dhe Elbasan 5 mega. Por Egnatia nuk mundet të transmetojë sepse qeveria e tanishme nuk i ka nënshkruar kontratën koncesionare. Ky, sipas Ismail Lekës, administrator i shoqërisë, është hidrocentrali më i madh mbas atij të Lanabregasit. Sot i gjithë qarku i Elbasanit është përballur me mbi shtatë orë ndërprerje të energjisë. Paradite 10:00-14:00 dhe mbasdite 17:30-20:30 dhe në fshat, akoma më tepër, deri në dhjetë orë ndërprerje.

15 Dhjetor 2006

[DYDRINAS]

Një biznesmen amerikan denoncon skemën “Shqipëria 1 euro”


Agim Blloshmi

ELBASAN

- Investitorët e huaj që kanë ardhur për të përfituar nga skema “Shqipëria 1 euro” kanë hasur në korrupsionin dhe burokracinë e shtetit shqiptar. Një shqiptaro-amerikan, Ruzhdi Gurra, ish-oficer i Forcave Amerikane në Kosovë gjatë luftës kosovare, deklaron: “Pasi dëgjova termin ‘Shqipëria 1 EURO’, vendosa të bëj diçka të mirë dhe problemi më emergjent në Shqipëri është energjia. Bëra projektet e një mini-HEC-i në Dragostunjë dhe mendova të investoj, por jam përballur me një milion procedura burokratike dhe nuk di se si të veproj. Na thonë se do të dalë një ligj tjetër. Atëherë këta le të thonë se nxjerrin ligje vetëm sipas interesave të tyre”.
Administratori Ismail Leka, i cili ka investuar të paktën 300 mijë euro për ndërtimin e një minihidrocentrali në fshatin Dardhë të Komunës së Hotolishtit në rrethin e Librazhdit, ku ka përfunduar të gjitha fazat përveç ndërtimit të nënstacionit, fajëson strukturat më të larta të shtetit shqiptar për bllokimin e investimeve private në fushën e industrisë energjetike. Edhe biznesmenë të tjerë pretendojnë se në vend të krijimit të lehtësirave që shteti duhet të krijojë në këtë aspekt, po ndodh krejt e kundërta. Ndërsa Imer Lila, një tjetër biznesmen, thotë për gazetën “Albania”: “Ne nuk e kuptojmë se përse vonohen procedurat dhe përse sorollatemi. Kujt i intereson kjo vonesë? Ne rriskojmë dhe në fund nuk marrim asgjë”. Sipas tyre, nëse shteti do t’ia linte privatit këto minihidrocentrale, atëherë do të ishte zgjidhur problemi i energjisë për një pjesë të mirë të kësaj zone. Por, në momentin që ata nisin procedurat dhe kërkesën për t’i marrë ato me koncesion, nisin edhe burokracitë, peripecitë dhe sorollatjet, duke bërë që këta biznesmenë të tërhiqen. Janë ndërtuar një numër jo i vogël minihidrocentralesh në Librazhd, që në kohën e ish-diktaturës, ku rekordin e mbajnë rrethi i Dibrës, me shtatë minihidrocentrale të vogla dhe mbas kësaj vjen Librazhdi, me gjashtë. Vitet e fundit, krahas minihidrocentraleve ekzistuese, ka filluar puna për ndërtimin e të paktën 10 të tjerave, ndërsa janë në proces dhe disa kërkesa të tjera nga biznesmenë të ndryshëm. Rrethi i Librazhdit trashëgon nga sistemi komunist gjashtë minihidrocentrale, përkatësisht atë të Lunikut, Orenjës, Xhyrës, Funarësit, Stravajt dhe atë të Qarrishtës. Këta dy të fundit janë jashtë funksionit, kurse të tjerët janë rehabilituar pjesërisht nga biznesmenë vendas edhe të huaj (italianë) siç është ai i Funarësit. Pra ato që janë riaktivizuar nuk punojnë me kapacitetin maksimal, për shkak të amortizimit të aparaturave, si dhe sasisë së ujit që vete në turbina. Këto hidrocentrale kërkojnë domosdoshmërisht ndërhyrje dhe rikonstruksion të tyre. Duke qenë se buxheti i shtetit nuk e përballon dot një investim të tillë, atëherë kanë dalë garant biznesmenët për t’i marrë me koncesion. Por edhe këta të fundit janë përballur me vështirësi me institucionet shtetërore. Megjithëse interesi i biznesmenëve nuk ka munguar, minihidrocentralet e Librazhdit po dalin jashtë funksionit, për shkak se askush nuk ka vënë dorë në to.
Prodhimi në total i këtyre minihidrocentraleve është rreth 150 mijë KW për orë. Sipas specialistëve, nëse do të shfrytëzohej kapaciteti maksimal i mundshëm, prodhimi i tyre mund të jetë dyfishi i atij aktual. Një nga më të rëndësishmit e këtyre minihidrocentraleve është ai i Xhyrës, që është dhënë në përdorim. Por edhe nga kjo vepër energjetike nuk merret maksimumi, sepse në të nuk është lejuar të investohet për dyfishimin e kapacitetit prodhues. Madje, këto minihidrocentrale punojnë vetëm kur është në punë rrjeti kryesor. Gjatë krizës së madhe të fundvitit të shkuar, kur Xhyra u shkëput nga sistemi, ajo siguroi energji pa ndërprerje për 800-1200 familje, ku vetëm në krizën e vitit të kaluar furnizoi disa fshatra si atë të Xhyrës, Dragostunjës, Hotlishtit e Dardhës. Gjithashtu edhe minihidrocentralet e tjera furnizojnë vetëm fshatrat përreth me nga shumë pak familje.
Sipas specialistëve të KESH-it, këto HEC-e nuk zgjidhin kërkesat e popullsisë dhe nuk mundet të punojnë fare në rastin e një shkëputjeje totale të energjisë elektrike. Sepse punojnë së bashku të lidhura me rrjetin. Në rrethin e Librazhdit, kryesisht në luginën e Shkumbinit, por edhe të Qarrishtës, Stëblevës, Polisit, Bushtricës e lumit të Gostimës, janë me dhjetëra kërkesa, ku një pjesë duhej të fillonte transmetimin e energjisë elektrike sorollaten pa asnjë kuptim, duke u thënë që do të dalë një ligj i ri.
Nëse nuk do të ekzistonin burokracitë dhe neglizhenca e strukturave përkatëse, mbase problemi i energjisë elektrike nuk do të kishte të paktën këto përmasa. Zona e Librazhdit trashëgon një sistem të mirë minihidrocentralesh. Nëse do të menaxhoheshin mirë dhe do të vihej dorë në to, atëherë një pjesë e mirë e zonës lindore do ta zgjidhte njëherë e mirë problemin e energjisë elektrike në sezonin e dimrit. Por, me gjithë krizën, shteti nuk u jep prioritet biznesmenëve të interesuar. Këta të fundit ankohen se sorollaten derë më derë të institucioneve, në tentativë për t’i marrë ato me koncesion, por sërish nuk ia kanë arritur. Pasuritë hidrike në zonën e Librazhdit janë të shumta, por ato nuk shfrytëzohen. Të gjithë këta biznesmenë kanë harxhuar kush më shumë e kush më pak me miliona euro dhe asnjë lloj zgjidhje.
Vetëm hidrocentrali “Egnatia”, i cili ka filluar që në muajin mars të vitit të kaluar e duhej të përfundonte në fund të muajit nëntor 2006, e ka fuqinë e energjisë për rrethet Librazhd dhe Elbasan 5 mega. Por Egnatia nuk mundet të transmetojë sepse qeveria e tanishme nuk i ka nënshkruar kontratën koncesionare. Ky, sipas Ismail Lekës, administrator i shoqërisë, është hidrocentrali më i madh mbas atij të Lanabregasit. Sot i gjithë qarku i Elbasanit është përballur me mbi shtatë orë ndërprerje të energjisë. Paradite 10:00-14:00 dhe mbasdite 17:30-20:30 dhe në fshat, akoma më tepër, deri në dhjetë orë ndërprerje.

15 Dhjetor 2006

Investimet ne fushen energjitike do te behen te mundura pas miratimit te ligjit per koncensionet, sepse nisma "Shqiperia 1€" nuk ka kete qellim.
Nisma ne fjale synon terheqjen e investitoreve qe vendosin ne eficence zona industriale apo toka bujqesore qe kane mbetur jashte tregut per aresye te teknologjive te vjeteruara ose per aresye te tjera.
HEC malore nuk ndertohen me kete nisme, keshtu qe ai shkrimi qe ke sjelle me lart, nuk eshte asgje pervec se lajm per te nxire nje gazete.

[Humdinger]

Investimet ne fushen energjitike do te behen te mundura pas miratimit te ligjit per koncensionet, sepse nisma "Shqiperia 1€" nuk ka kete qellim.
Nisma ne fjale synon terheqjen e investitoreve qe vendosin ne eficence zona industriale apo toka bujqesore qe kane mbetur jashte tregut per aresye te teknologjive te vjeteruara ose per aresye te tjera.
HEC malore nuk ndertohen me kete nisme, keshtu qe ai shkrimi qe ke sjelle me lart, nuk eshte asgje pervec se lajm per te nxire nje gazete.

Është nga gazeta juaj Albania more Qazim... edhe Ylli Rakipi po na del gënjeshtar së fundi??!!... kush ju mbeti "pa gënjyer" juve... vetëm krieministri??!!