Nisma e kryeministrit Berisha: Shqiperia, 1 €

[Albo]

Aseti më i vlefshëm i yni, qëndrueshmëria makroekonomike

Nga Ritvan Bode*

Së pari, do të doja të shprehja falënderimet dhe mirënjohjen për organizatorët e kësaj konference, e cila në mënyrë periodike do të sjellë në qendër të vëmendjes dhe interesit të investitorëve rajonalë e më gjerë, vendin tonë, mundësitë ekonomike që ofron Shqipëria për biznes. Kjo për ne është një gjë shumë e çmuar.

Qysh në fillim, do të doja të nënvizoja se, mbështetja dhe nxitja e nismave për investime direkte në ekonomi përbën një përparësi dhe angazhim të vazhdueshëm të qeverisë sonë. Kjo përbën instrumentin e privilegjuar të politikave të qeverisë për përmirësimin e produktivitetit, rritjes me ritme të larta të ekonomisë dhe zënies së plotë me punë të qytetarëve.

Për këtë arsye, rishikimi i kuadrit fiskal, i politikave dhe tërësisë së rregullave fiskale ishte njëri prej drejtimeve kryesore ku u përqendrua qeveria që në fillimet e mandatit të saj. Krijimi i një ambienti ligjor që garanton dhe nxit konkurrueshmërinë në tregun e brendshëm, që tenton avantazhe në konkurrencën rajonale e më gjerë dhe që stimulon tërheqjen e kapitaleve të huaja, nuk është gjithmonë i lehtë dhe në tërësi përbën një orientim për çdo qeveri në të gjitha vendet.

Në të vërtetë, privilegjimi i programeve nxitëse për investimet e huaja direkte në ekonomi, nuk niset thjesht nga preferenca programore politike të qeverisë sonë dhe as nga interesi i njëanshëm i saj për të zgjidhur një problem që persiston prej kohësh në ekonominë e vendit. Shpallja e njëpasnjëshme e disa nismave ekonomike e fiskale, që nga paketa fiskale e vitit të kaluar deri tek “Shqipëria, 1 Euro”, synon të shndërrojë në realitet të gjitha ato mundësi që ofron ekonomia shqiptare në interes të kapitaleve dhe investimit të tyre.

Njëri prej aseteve më të çmuara të avantazheve që ofron ekonomia shqiptare në këtë periudhë tranzicioni është arritja e një ekuilibri të qëndrueshëm makroekonomik. Përgjatë gjithë këtij tranzicioni të vështirë nga vendi më i centralizuar dhe më i kontrolluar në bllokun lindor, drejt një vendi me ekonomi tregu të bazuar mbi nismën private dhe konkurrencën e lirë, ekonomia shqiptare është karakterizuar nga një rritje e lartë ekonomike, më e larta në rajon dhe prej vitesh kjo rritje është fiksuar në 6% të PBB-së. Inflacioni tepër i lartë në fillimet e tranzicionit ka vite që nuk kalon intervalin 2-3%, kursi i këmbimit edhe pse përcaktohet në lojën e lirë të tregut, luhatet në të njëjtat vlera me 10 vite të shkuara. Niveli i borxhit publik për vitin në vijim është më pak se 3.5% dhe ai i brendshëm nën 2.5% të PBB dhe me tendencë ulje të përvitëshme sipas programit që kemi me FMN. Ruajtja e qëndrueshmërisë së treguesit makroekonomik dhe stabilitetit financiar mbetet një objektiv konstant i qeverisë sonë. Përkundrazi, përmirësimi i nivelit të ekulibrit ekzistues drejt një rritjeje më të madhe ekonomike, një niveli më të lartë të zënies me punë, si dhe përmirësimi i rendimentit të nxjerrjes së të ardhurave dhe i lidhur me të, përmirësimi thelbësor në shërbimet publike të ofruara, në radhë të parë infrastruktura, shkollimi dhe shëndeti publik, përbëjnë angazhimet kryesore të qeverisë.

Avantazhet dhe mundësitë e mëdha që ofron vendi ynë, të cilat kanë nevojë të shqyrtohen dhe rentabilizohen nga kapitali në fusha të ndryshme të ekonomisë dhe pasurive kombëtare, tashmë janë vendosur në një perspektivë të qartë evropiane dhe euroatlantike, ku vendi ynë është zyrtarisht kandidat serioz dhe i vendosur.

Nga ana tjeter, tranzicioni shqiptar në vitet e fundit është përballur me sfida të tjera që kanë të bëjnë me standardet dhe praktikat e qeverisjeve. Niveli i përhapur dhe në rritje i korrupsionit, shkalla e ulët e zbatimit të ligjit dhe një ekonomi informale e lartë që ka çuar në deformime të thella të lojës së konkurrencës në treg, u evidentuan nga opinioni publik dhe partnerët ndërkombëtarë si problematika kryesore që duhen zgjidhur për të sjellë në vëmendje të interesit të kapitaleve mundësitë që ofron ekonomia shqiptare.

Pikërisht, adresimi dhe zgjidhja e problematikës së mësipërme përcaktuan dukshëm axhendën tonë të punës në fushën ekonomike e financiare. Na duhet të zgjidhim njëherazi edhe pamjaftueshmërinë kronike të arkëtimit të të ardhurave në buxhet (vendi me nivelin më të ulët të të ardhurave fiskale në rajon për të njëjtin nivel taksash) krahas uljes së ngarkesës fiskale dhe përdorimit të nxitësave fiskalë; edhe të derregullojmë shtetin në morinë e licencave, patentave, centralizimeve, arbitrariteteve e burokracive të shumta e të tepruara, krahas me vendosjen e ligjit, rivendosjen e regullave të konkurrencës, eliminimin e monopoleve të ligjshme e të paligjshme, formalizimin e ekonomisë në tërësi.

Informaliteti i përhapur i ekonomisë është i lidhur para së gjithash me nivelin e ulët të zbatimit të ligjit dhe korrupsionit të përhapur në administratë, në radhë të parë niveleve të larta të qeverisjes e pushtetit për të favorizuar pozita dominuese në treg apo mospagim të njëjtë të taksave. Sigurisht që faktorë të tjerë, si niveli më i lartë i taksave, abuziviteti dhe arbitrariteti administrativ, mungesa në regjistrimin civil të popullatës apo titujve të pronësisë kanë favorizuar këtë fenomen. Një situatë e tillë nuk mund të inkurajojë investitorë të huaj apo vendas dhe dominimi mbi të përbën një domosdoshmëri për krijimin e një ambienti atraktiv për investimet.

Në harkun e një viti, ne mundësuam të regjistrojmë 15 mijë biznese të paregjistruar deri më sot, të arkëtojmë rreth 160 milionë USD taksa më shumë, krahas dhënies së më se 200 milionë USD favoreve fiskale si ulje taksash. Numri i krahëve të punës, të përfshirë në skemën e kontributeve shoqërore, është rritur me afro 100 mijë, ndërkohë që janë në procedurë regjistrimi edhe 13 mijë biznese dhe disa dhjetëra mijë të punësuar të paregjistruar. Një buxhet suplementar që u miratua në korrik të këtij viti ishte dëshmi e rritjes së performancës fiskale, bazuar pikërisht në uljen e informalitetit ekonomik dhe evazionit fiskal.

Megjithë rezultatet e arritura, dominimi mbi informalitetin dhe abuzivitetin korruptiv mbetet një sfidë e hapur. Ulja e ngarkesës fiskale, forcimi i konsistencës së kuadrit ligjor, ndërmarrja e një forme liberalizuese e derregulluese, heqja e barrierave administrative dhe përmirësime thelbësore në administrim etj., janë aspekte të programit të ndërmarrë nga qeveria, i cili do të njohë intensifikim të mëtejshëm në muajt që vijnë dhe që synon një treg të sigurt, njëlloj konkurrues dhe transparent për të gjithë.

Çështjet e debatuara përgjatë këtij takimi e bëjnë të qartë se pengesat e investimeve në ekonominë tonë nuk kanë të bëjnë dhe nuk mund të zgjidhen thjesht vetëm me nxitësat fiskalë, por janë më komplekse se kaq. Por pavarësisht këtij kompleksiteti të gjithë jemi dakord se përdorimi i instrumentave fiskalë që nxisin një raport më të favorshëm për interesin privat midis kostos dhe efikasitetit, në kushtet e një ambienti makroekonomik në një ekuilibër të favorshëm dhe të qëndrueshëm, favorizojnë dhe nxisin klimën investuese në ekonomi.

Në këtë kuadër, në harkun e një viti janë ndërmarrë tri paketa ndryshimesh ligjore, të cilat kanë patur për qëllim uljen e taksave. Tri uljet e njëpasnjëshme të ngarkesës fiskale i janë referuar taksave të drejtpërdrejta dhe kanë patur për objekt lehtësimin dhe favorizimin e nismave investuese në vend. Ato kanë patur një karakter të përgjithshëm, pra, prej tyre kanë përfituar të gjithë dhe nuk janë lidhur as me natyrën e biznesit dhe as me origjinën e kapitaleve. Uljet e nivelit të taksave dhe tatimeve janë bërë krahas dhe bilé të kushtëzuara nga rritja e performancës fiskale. Sipas programit që kemi me FMN, për të vijuar zbutjen e ngarkesës fiskale, duke ruajtur dhe konsoliduar stabilitetin makroekonomik dhe duke mbështetur prioritetet e qeverisë në fushën e investimeve publike, do të jetë e domosdoshme një rritje e mëtejshme e performancës fiskale përkundër evazionit dhe informalitetit ekonomik.

Në harkun e një viti qeverisës, veç përgjysmimit të taksave për biznesin e vogël, kemi ulur taksën korporative (tatimin mbi fitimin) me 15%, tatimin mbi të ardhurat personale dhe tatimin mbi dividentin. Tashmë, të trija taksat janë në nivelin 20% (tatimi mbi të ardhurat personale ka disa përshkallëzime poshtë këtij niveli).

Një taksë e konsideruar e lartë dhe burim informaliteti në tregun e punës ishte kontributi i sigurimeve shoqërore (taksa e punës). Nga 1 korriku i vitit në vijim, niveli i kontributit të bizneseve (kompanive) në këtë taksë u ul nga 29% në 20%. Krahas saj, po nga kjo datë hiqen të gjitha taskat doganore për makineritë dhe pajisjet investuese si dhe lëndën e parë për të gjitha linjat e reja të investimeve dhe shtyhet afati i pagimit të detyrimeve të TVSH-së për to kundrejt realizimit të prodhimeve. Nga 1 nëntori një sërë importesh të tjera pësojnë ulje ose bëhen zero, në kuadrin e marrëveshjes së Stabilizim-Asocimit. Vlera e përgjithshme e përfitimeve fiskale në favor të biznesit në harkun e një viti qeverisjeje i kalon 250 milionë eurot dhe është pothuaj në të njëjtin nivel me FDI të këtij viti.

Objektivi i afërt i qeverisë është që të mundësojë implementimin e një takse të sheshtë dhe të thjeshtësojë më tej sistemin tonë fiskal. Ideja e taksës së sheshtë (Flate Tax), veç nevojës për të thjeshtësuar administrimin e sistemit fiskal dhe eliminimin e arbitrazhit të mundshëm midis taksës korporative (tatim fitimi), tatimit mbi dividentin dhe tatimit mbi të ardhurat, synon që krahas me to të ulen gradualisht të gjitha taksat e tjera në interes të kompanive. Pra, taksa të sheshta dhe me një tendencë ulje të përvitshme me nga një pikë përqindje për të krijuar një ambient fiskal më atraktiv për FDI.

Përkushtimi i qeverisë për të tentuar zgjidhjen e gjithë problematikës së vendit (punësim, ulje varfërie) përmes zhvillimit të ekonomisë dhe nismës private është pasqyruar edhe në strukturën e shpenzimeve publike. Tri janë prioritetet kryesore sa i takon shpenzimeve publike: përmirësimi rrënjësor i infrastrukturës, zhvillimi i arsimit dhe rritja e kujdesit shëndetësor publik.

Vetëm gjatë vitit në vijim investimet publike gjithsej u rritën me 55% në krahasim me një vit më parë dhe investimet në infrastrukturë u dyfishuan. Tërësisht shtesa e të ardhurave fiskale të 6-mujorit të parë prej 130 milionë USD u destinuan për investimet publike. Në vitin 2007-të ato arrijnë në 6.7% të PBB nga rreth 4% që kanë qenë dhe zenë 25% të buxhetit gjithsej nga 15-17 që kanë qenë. Përmirësimi cilësor i infrastrukturës rrugore dhe shërbimeve sigurisht që do të ulë koston e biznesit dhe përbën një stimul me spektër të përgjithshëm për ta. Këto ritme do të vazhdojnë të ruhen edhe në vitet e ardhshme.

Shpenzimet për arsimin dhe shëndetin publik po ashtu kanë pësuar rrritje më të madhe. Vendi ynë me një popullsi të re në moshë, me një kosto të ulët të punës së gjallë, ka nevojë të përmirësojë shkollimin, sidomos atë profesional dhe kujdesin shëndetësor, për të siguruar një treg konkurrues pune në të gjitha planet. Në këtë kuadër, së bashku edhe me donatorë ndërkombëtarë është ndërmarë një reformë e thellë arsimore, e cila në vijim do të përfshijë edhe shëndetësinë.

Vijimi i reformave në fushën e ekonomisë e financave do të krijojë mundësi të tjera edhe më të mëdha për rritjen e interesit të investitorëve të huaj dhe vendas. Privatizimi i ndërmarrjeve të mëdha strategjike do të jetë një mundësi tjetër për të shtuar këtë prezencë. Tregu finanaciar ende i pazhvilluar është një fushë tjetër me interes. Pas privatizimit tërësor të sektorit bankar, Ministria e Financave do të ofrojë në treg kompaninë e madhe shtetërore të sigurimeve INSIG, një kompani që operon në tregun e sigurimeve në Shqipëri, Maqedoni dhe Kosovë.

Të nderuar pjesëmarrës!

Duke qenë të vetëdijshëm për kompleksitetin e problematikës dhe sfidave që duhet të zgjidhim e përballojmë në kuadër të plotësimit të ambicies sonë, për ta bërë Shqipërinë vendin më tërheqës për investimet në rajon, e cila tashmë, thuajse është shndërruar në një aspiratë kombëtare, ne ju garantojmë se angazhimi dhe përpjekjet e qeverisë do të jenë të pandërprera. Prezenca juaj e nderuar në këtë konferencë është një inkurajim për ne, por edhe sinjal simbolik se ne kemi bërë zgjedhjen e duhur. Ju faleminderit!

*Fjala e mbajtur në tryezën e organizuar nga “The Economist”

[MegaByte]

Megabyte....ti thu qe bashkpunetoret e Sales jan vene ne siklet se nuk dine se si ta mbrojne nismen 1 Euro, me ne siklet je ti kur te pyt dikush si quhesh se ata bashkpunetoret e Sales per nismen e qeverise. Edhe nuk me pelqen thenja Shqiperia 1 euro, kjo me duket sikur po shitet mish ke kasapi.

Nejse, pse cfar efekti do kete kjo 1 euroshi ne buxhetine shtetit mer, ekonomine e Shqpierise? Kuadrin ligjor? mund te elaborosh dicka me shume apo ke gu kta te PSse qe rritja ekonomike eshte sikur pula ne vend qe te bej nje vez te bej dy nje paradite dhe nje mbasdite, dhe inflacioni eshte kur te therret dikush me ze te lart.

Po ti mor megabite, a nuk i gjove lajmet pas trazires ku theu ne parlament nje vazo me lule LSIja me shoqet e saj, gjith dildhin me ne krye Edi Ramen, dhe thoshin se Sali Berishes i mesuan nje mesim ne 97 tani do i mesojme te dytin, dmth ata dilshin haptasi autoret e ngjarjeve famkeqe ne shqiperi, PSja me shoqe jan aq budalle saqe mendojne qe 1000 te rinj qe vdiqen kan qene gjith djemt e Saliut. Budalll hesapi ske cti besh mo.

Meqe ti nuk merrke shum vesh nga ekonomia nuk kisha ndermend te pergjigjesha, por meqe po me pelqeka shum ky emri yt, po shkruaj nja dy rrjeshta.
Persa i perket Buxhetit te Shtetit: eshte deklaruar se do hiqen disa taksa dhe do ulen ndjeshem disa te tjera. Me cfare masash qeveria do te realizoje kompensimin e kesaj humbje ne buxhet, sepse sic e di edhe ti ulja e taksave sjell ulje te te ardhurave ne buxhet. Nuk po fus ketu shpenzimet operative financiare dhe humane qe duhen per te vene ne jete kete nisme.
Persa i perket Kuadrit Ligjor. Kjo nisme u be publike per here te pare nga nje deklarate e Berishes dhe pjesa me e madhe e njerezve mbeten te shastisur: ca po thote ky?! Pas pak ditesh del drejtori i Albinvest dhe thot se disa kompani kane kontaktuar per te shprehur interesimin e tyre rreth kesaj nisme. Besoj se ata kane pyetur drejtorin e "shkrete" se ne cfare konstaton kjo nisme (pervec
cmimit qe tashme ishte bere publik). Drejtori besoj eshte pergjigjur: "Vallaj as un sdi gjo. Edhe un prej Tv e kom mor vesh edhe vetem cmimin di. Me kismet me bo nej zile mas nja 2 mujsh ose po mora vesh gjo po te boj un nje zile". Cfare imazhi krijojme te investitori i huaj kur lancojme nje nisme dhe as e kemi haberin cfare ofrojme?!?!?! Pra edhe administrata eshte gjendur e papergatitur dhe se kishin fare idene se cfare nismash ligjore duheshin marre ne mbeshtetje te "Shqiperia 1 euro".
Persa i perket efekteve ne ekonomi. Kur fillohet nje biznes i ri zakonisht hartohet nje "Biznes Plan". A ka Bere Qeveria ndonje studim paraprak mbi efektet qe do kete kjo nisme? Kush jane rezultatet e studimit? Sipas ketij studimi kush jane faktoret qe kane penguar deri tani Investimet e Huaja Direkte (IHD), nuk mendoj se kane qene cmimet e larta te tokes dhe taksat e larta. Cfare efekti do kete ne punesim kjo nisme? Sa do ndikoje ne rritjen e pagave? Ku qendron ndryshimi midis kesaj nisme dhe "Zonave te Lira" te trumbetuara nga Berisha per 15 vjet? Pse duhet te funksionoje e para ne nje kohe qe dyta nuk funksionoi asnjehere?
Po sikur larg qofte nga llogarite e Ministrit te Bujqesise te dilte me pak toke ne dispozicion sesa nevojiten (mgjs asnje se di sa duhen se nuk ka asnje lloj studimi)? Cfare do u thoshim Investitoreve te huaj?!?! "Na falni po si kemi bo llogarite mire, hajdeni nje cik me vone"
Pra i dashur Homza cdo gje duhet te behet me nje plan te pergatitur mire ne detaje dhe jo sipas teorise "alla shqiptarce": futja kot e te dali ku te dali.
Pastaj cfare ofrojme realisht ne: 130000 ha toke qe nuk i ka pranuar as fshatari i varfer shqiptar gratis, do vije ti bleje ose marre me qera i huaji?!?!?! Lajmi i fundit: Sot ne shtyp thuhet se 1 euro do kushtoje kontrata, jo toka!!!!!(sic e sheh rritja e inflacionit eshte i permasave te jashtzakonshme) . Uje teknologjik do u ofrojme (qe nuk e di ca eshte) kur nuk kemi uje per tu lare vete.

Sipas Ajnshtajnit perkufizimi i cmendurise eshte: te besh te njejten gje dy here dhe te presesh rezultate te ndryshme. Praktikisht ajo qe kemi bere ne me Salen

[Julius]

Kjo nisme bie kunder ligjit te perzgjedhjes se vendit per investime. Ne baze statistikore, nuk perzgjidhet alternativa me e lire se automatikisht eshte me mosbesuese. Sipas kembanes se Gaussit ne ekonomi, kjo zgjidhje e "lire" eshte ne pjese e ulta te grafikes. Nese e doni me "fshatce: Shqiperia i bie te jete mall gabi me kete iniciative.

[DYDRINAS]

Këshilltari i kryeministrit njofton ardhjen e investitorit të parë të madh në Shqipëri

Firma italiane e këpucëve "Adel" i përgjigjet nismës "Shqipëria 1 euro"

Prodhuesi më i madh i këpucëve në Itali, "Adel", planifikon të transferojë teknologjinë e tij drejt Shqipërisë, duke u bërë kështu përfituesi i parë i madh perëndimor i projektit "Shqipëria 1 euro". Transferimi i prodhimit në Shkodër, sipas këshilltarit të kryeministrit, Selami Xhepa, favorizohet edhe nga zhvillimet globale në këtë industri. Xhepa ka bërë të ditur se ka patur kërkesa në rialokimin e industrive italiane në fushën e tekstileve të këpucëve. "Kemi kërkesa kryesisht në rialokim të industrive italiane në fushën e tekstileve të këpucëve, të cilat, praktikisht, janë në një situatë globale të konkurrencës ndërkombëtare në këto dy industri", tha Xhepa. Këshilltari i kryeministrit, Xhepa, e quan një mundësi të favorshme që Shqipëria të bëhet një vend tërheqës në rajon. "Është goxha e favorshme që Shqipëria të bëhet një vend tërheqës për të adresuar ato probleme të konkurueshmërisë, me të cilat po ballafaqohen industritë europiane në këta sektorë. Shqipëria mund të përbëjë një alternativë të mirë në rastin konkret", tha këshilltari i kryeministrit, Xhepa. Këshilltari i kryeministrit, Selami Xhepa, ka sqaruar edhe konceptin e pagesës prej 1 euro, pagesë kjo që i korrespondon të gjithë kontratës së përcaktuar në paketën ligjore që po përgatitet për nismën "Shqipëria 1 euro". "Tarifa e pagesës prej 1 euro duhet të kuptohet jo si 1 euro për metër katror, por 1 euro për projektin integral në përgjithësi. Pra, koncepti i kontratës është projekti integral, që do të thotë që çdo investitor që do të ndërtojë një objekt të caktuar mbi një terren shtetëror, do t'i jepet toka, trualli, përkundrejt një kontrate qiraje, aq sa është sipërfaqja e kërkuar, e nevojshme për plotësimin e nevojave teknologjike", tha kryeministri Berisha. Projekti "Shqipëria 1 euro" do të vihet në zbatim brenda dy muajve, sipas porosisë më të fundit të kryeministrit Berisha, dhënë një ditë më parë në mbledhjen e qeverisë. Shqipëria nis kështu epokën që do të përcaktojë zhvillimin e saj në sajë të nismës ambicioze të qeverisë "Shqipëria 1 euro", e cila do t'i hapë rrugë plot lehtësira investimeve të huaja në vendin tonë. Kjo nismë, krahas revolucionit fiskal, me uljen e taksave për bizneset kudo në vend, pritet që sipas parashikimeve të qeverisë ta ngrejë vendin në nivele konkuruese ekonomike në rajon e më pas edhe në Europë.





"Adel", investitori i parë i madh për kontratat afatgjata

"Adel", industrialisti i madh i këpucëve që vjen nga shteti fqinj Italia, është kështu investitori i parë i madh që iu përgjigj nismës së qeverisë "Berisha", "Shqipëria 1 euro". Kryeministri Berisha tha para pak ditëve se po punohet për përcaktimin e afateve të kontratave që parashikohen nga 50-99 vjet. Në rëndësinë e kësaj çështjeje të rëndësishme, ai është përqëndruar edhe gjatë mbledhjes së fundit të qeverisë, ku i ka ftuar ministrat të bëjnë gati sa më parë listat e kritereve që duhen përmbushur nga investitorët, që puna të nisë sa më parë. "Ndaj të bëjmë përpjekjet maksimale për të përcaktuar kriteret më të qarta të aplikimit dhe rregullat e ndershme të saj, dhe t'i paraqesim ato në parlament si një detyrim i qeverisë, në mënyrë që nisma të bëhet e disponueshme për të gjithë investitorët vendas e të huaj, që ata të mund të ndërtojnë fabrikat e uzinat e tyre, duke marrë truallin me 1 euro, të ndërtojnë plantacionet e tyre duke marrë tokën bujqësore me 1 euro, të mund të marrin minierat për shfrytëzim, duke paguar vetëm 1 euro për të, të nisin ndërtimet e hidrocentraleve me 1 euro apo të mund të regjistrojnë bankën me 1 euro", tha kryeministri. Duke sqaruar më tej, kryeministri Sali Berisha tha se "natyrisht, këtu nuk është fjala për kapitalet, sepse për të hapur një bankë, një kompani sigurimesh apo një minierë, janë kapitalet disponibël ato që do ta përcaktojnë. Prandaj është e nevojshme të shprehim në ligj kriteret e ofrimit të kësaj nisme". Në këtë mënyrë pritet që së shpejti, paketa ligjore e nismës "Shqipëria 1 euro" të jetë e hapur për të gjithë investitorët.

Xhumelina Dervishi

[Albo]

Biznesi, regjistrimi nga 47 dite ne 1 dite

E Diele, 17 Shtator 2006

Platforma qe "Taske Force" ka bere gati per permiresimin e klimes se biznesit, synon qe te shkurtoje kohen per regjistrimin e nje biznesi ne 1 dite, nga 47 dite qe eshte aktualisht. Ja kostot aktuale te ketij procesi

Koha per t'u regjistruar si biznes i vogel ne tatime do te jete vetem 1 dite, nga 47 dite qe eshte aktualisht. Burimet ne Ministrine e Ekonomise dhe Tregtise pohuan, se grupi i "Taske Force" qe udhehiqet nga Kryeministria, ka shqyrtuar te gjitha mundesite per te lehtesuar procedurat e regjistrimit ne organet tatimore dhe tashme platforma eshte gati per te kaluar ne hapat e plote te miratimit te nje ligji. Per realizimin e ketij procesi do te sherbeje Qendra Kombetare e Biznesit, e cila do te funksionoje si nje zyre e vetme per regjistrimin e biznesit, duke i reduktuar te 47 ditet e regjistrimit, ne nje dite te vetme. Aktualisht, mundesite per te hapur nje biznes te ri ne vendin tone jane shume me te veshtira sesa ne cdo vend tjeter te rajonit. Kjo jo vetem per shkak te kohes qe duhet ne dispozicion, por edhe te kostove dhe sherbimeve te dobeta qe ofrojne administratat fiskale, ajo tatimore dhe doganore. Sipas raportit te fundit te Bankes Boterore, per klimen e biznesit Shqiperia nuk ka bere permiresime ne lehtesite e berit biznes. Sipas raportit te vleresimit ne ekonomite e 175 vendeve, Shqiperia zuri vendin e 120 ne renditje, nderkohe qe ne vitin 2005 renditej ne vendin e 115. Renia ne kete nivel nuk pasqyron perkeqesimin e reformave ne drejtim te permiresimit te klimes se biznesit ne vendin tone, por mosavancimin e tyre, ne nje kohe qe vendet e tjera me poshte ne renditje kane pasur rezultate, duke arritur nivele me te larta ne renditje se Shqiperia.

Perkeqesime gjate ketij viti ne veprimtarine e bizneseve ka pesuar kreditimi nga bankat dhe procesi i pageses se taksave, nderkohe qe hapa mbrapa jane shenuar edhe ne regjistrimin e pasurise. Shqiperia vazhdon te harxhoje kohe dhe para per hapjen e nje biznesi me shume se mesatarja e rajonit. Per te marre nje licence duket se eshte akoma me e veshtire. Koha qe duhet shpenzuar per perfitimin e saj eshte 344 dite, nderkohe qe duhen ndermarre 22 hapa. Kostoja per perfundimin e ketij procesi eshte 286 per qind e te ardhurave vjetore per fryme. Krahasuar me mesataren e kohes qe sipermarrjet ne vendet e rajonit harxhojne per marrjen e licences, Shqiperia rezulton me kosto mjaft te larte.

Por projekti i ri qe po pergatit qeveria, pritet te lehtesoje nga ana ligjore disa procedura burokratike, te cilat funksionojne aktualisht dhe e bejne mjaft te veshtire hapjen dhe mbijetesen e nje biznesi te ri. Ne fakt, krijimi i nje zyre te vetme per te regjistruar biznesin, eshte nje projekt qe ka filluar qe tre vjet me pare, kur ne drejtim te qeverise ishin socialistet.

Biznesi i vogel, ja dokumentet qe duhen per regjistrim

• Nje formular kerkese per regjistrim te plotesuar dhe te nenshkruar

• Vendimin e gjykates

• Deklarate per qarkullimin e parashikuar

• Dy cope fotografi

• Certifikate personale me fotografi leshuar nga zyra e gjendjes civile

• Licencen profesionale e specifikuar per aktivitete te vecanta

• Vertetim si banor lagjeje

- Vertetim nga bashkia per shlyerjen e taksave vendore.

• Aktin e pronesise ose kontraten e qirase se vendit te biznesit


Blerina Hoxha
Korrieri

[DYDRINAS]

Disa kompani të huaja si “Microsoft” dhe “Oracle” kanë paraqitur projektet e para



Nis zyrtarisht nisma “Shqipëria 1 euro”



Nis zyrtarisht interesimi i kompanive të huaja, për të investuar në Shqipëri, në kuadër të periudhës “Shqipëria 1 euro”. Disa kompani, të cilat kanë marrë pjesë pak ditë më parë në konferencën e organizuar nga grupi “The Economist”, kanë paraqitur kërkesat e para për të investuar në vendin tonë. Për këtë qëllim, në Ministrinë e Ekonomisë është ngritur një grup pune, i cili do të shqyrtojë të gjitha projektet që do të paraqiten në kuadrin e ofertës “Shqipëria një euro” dhe më pas do t’i paraqesë për miratim Këshillit të Ministrave planet përkatëse. Burime nga kryeministria bënë të ditur dje se grupi i punës së ngritur në Ministrinë e Ekonomisë ka zhvilluar dje në orën 19.00, mbledhjen e tij të parë, ku ka shqyrtuar edhe projektet e para të disa kompanive të huaja. Këto burime bëjnë të ditur se ndër kompanitë e para, të cilat kanë kërkuar të përfitojnë nga oferta “Shqipëria një euro” janë ato të “Microsoft”-it dhe disa kompani “Fast Food”-ësh. Rreth një muaj e gjysmë më parë, kryeministri Sali Berisha lançoi nismën e tij personale për thithjen e investimeve të huaja në vendin tonë, përmes ofertës “Shqipëria një euro”. Sipas tij, kjo ofertë do të thotë që të gjitha tokat publike do të jepen me një qira simbolike një euro për metër2. Për këtë, kryetari i qeverisë u vuri kusht ministrave që deri në 10 shtator të sillnin të gjithë inventarin e tokave që do të përdoren për paketën “Shqipëria një euro” si dhe projektet përkatëse. Ndërkohë, gjatë konferencës së organizuar nga grupi “The Economist”, kryeministri Berisha bëri të ditur se deri në fund të shtatorit, kjo nismë do të plotësohet me kuadrin përkatës ligjor si dhe do të kalojë për t’u miratuar në parlament.

Por ende pa u plotësuar kjo nismë, shumë kompani të huaja, të cilat kanë qenë të pranishme, pak ditë më parë, në konferencën e organizuar nga grupi “The Economist”, kanë nxituar të paraqesin projektet e tyre, për t’u shqyrtuar dhe për t’u miratuar më pas në mbledhjen e Këshillit të Ministrave.









Kompanitë e interesuara

“Oracle”-(kompania udhëheqëse në botë e softuereve mbi informacione menaxhimi për biznesin si database, aplikime, mjete vendimmarrjeje. Kjo kompani interesohet të investojë në telekomunikacion);

“Microsoft”- (kompania e famshme amerikane për teknologjinë informatike ka një interesim të veçantë për në Shqipërinë. “Microsoft” do të ngrejë një degë të saj në Tiranë);

“Pfizer GmbH”- (është një kompani farmaceutike gjermane e specializuar në shërbimin për farmacitë. Kjo kompani dëshiron të përfshihet në tregun e barnave në Shqipëri, në mënyrë të drejtpërdrejtë);

“Societe Generale”- (kompani franceze, e cila interesohet për tregun bankar në Shqipëri. Kjo kompani dëshiron të hapë një bankë në vend);

“Corporate and Investment Banking”- (kompani franceze, e cila interesohet për tregun bankar në Shqipëri. Kjo kompani dëshiron të hapë një bankë në vend);

“Vatechhzdro-Andritz”- (kompani austriake, e cila dëshiron të investojë në fusha të ndryshme);

“Balkan Resources INC”- (kompani kanadeze në kërkim e shfrytëzim minieralesh. Ka shfaqur interes, për të marrë në shfytëzim miniera në Shqipëri);

“Husamettin Danis Group of Companies”-Është një grup i madh kompanish turke, të cilat kërkojnë të përfshihen në tregun e shërbimeve);

“Trigranite”- (Kompani Kanadeze në ndërtim qendrash tregtare dhe hotelesh. Kjo kompani kërkon të ndërtojë në vend);

“Burger King”- Kompani e cila do të investojë në sektorin e Fast Food-it (ushqimit të shpejtë);

Gazeta Tema
19-09-2006

[lonely_lion]

Disa kompani të huaja si “Microsoft” dhe “Oracle” kanë paraqitur projektet e para



Nis zyrtarisht nisma “Shqipëria 1 euro”



Nis zyrtarisht interesimi i kompanive të huaja, për të investuar në Shqipëri, në kuadër të periudhës “Shqipëria 1 euro”. Disa kompani, të cilat kanë marrë pjesë pak ditë më parë në konferencën e organizuar nga grupi “The Economist”, kanë paraqitur kërkesat e para për të investuar në vendin tonë. Për këtë qëllim, në Ministrinë e Ekonomisë është ngritur një grup pune, i cili do të shqyrtojë të gjitha projektet që do të paraqiten në kuadrin e ofertës “Shqipëria një euro” dhe më pas do t’i paraqesë për miratim Këshillit të Ministrave planet përkatëse. Burime nga kryeministria bënë të ditur dje se grupi i punës së ngritur në Ministrinë e Ekonomisë ka zhvilluar dje në orën 19.00, mbledhjen e tij të parë, ku ka shqyrtuar edhe projektet e para të disa kompanive të huaja. Këto burime bëjnë të ditur se ndër kompanitë e para, të cilat kanë kërkuar të përfitojnë nga oferta “Shqipëria një euro” janë ato të “Microsoft”-it dhe disa kompani “Fast Food”-ësh. Rreth një muaj e gjysmë më parë, kryeministri Sali Berisha lançoi nismën e tij personale për thithjen e investimeve të huaja në vendin tonë, përmes ofertës “Shqipëria një euro”. Sipas tij, kjo ofertë do të thotë që të gjitha tokat publike do të jepen me një qira simbolike një euro për metër2. Për këtë, kryetari i qeverisë u vuri kusht ministrave që deri në 10 shtator të sillnin të gjithë inventarin e tokave që do të përdoren për paketën “Shqipëria një euro” si dhe projektet përkatëse. Ndërkohë, gjatë konferencës së organizuar nga grupi “The Economist”, kryeministri Berisha bëri të ditur se deri në fund të shtatorit, kjo nismë do të plotësohet me kuadrin përkatës ligjor si dhe do të kalojë për t’u miratuar në parlament.

Por ende pa u plotësuar kjo nismë, shumë kompani të huaja, të cilat kanë qenë të pranishme, pak ditë më parë, në konferencën e organizuar nga grupi “The Economist”, kanë nxituar të paraqesin projektet e tyre, për t’u shqyrtuar dhe për t’u miratuar më pas në mbledhjen e Këshillit të Ministrave.









Kompanitë e interesuara

“Oracle”-(kompania udhëheqëse në botë e softuereve mbi informacione menaxhimi për biznesin si database, aplikime, mjete vendimmarrjeje. Kjo kompani interesohet të investojë në telekomunikacion);

“Microsoft”- (kompania e famshme amerikane për teknologjinë informatike ka një interesim të veçantë për në Shqipërinë. “Microsoft” do të ngrejë një degë të saj në Tiranë);

“Pfizer GmbH”- (është një kompani farmaceutike gjermane e specializuar në shërbimin për farmacitë. Kjo kompani dëshiron të përfshihet në tregun e barnave në Shqipëri, në mënyrë të drejtpërdrejtë);

“Societe Generale”- (kompani franceze, e cila interesohet për tregun bankar në Shqipëri. Kjo kompani dëshiron të hapë një bankë në vend);

“Corporate and Investment Banking”- (kompani franceze, e cila interesohet për tregun bankar në Shqipëri. Kjo kompani dëshiron të hapë një bankë në vend);

“Vatechhzdro-Andritz”- (kompani austriake, e cila dëshiron të investojë në fusha të ndryshme);

“Balkan Resources INC”- (kompani kanadeze në kërkim e shfrytëzim minieralesh. Ka shfaqur interes, për të marrë në shfytëzim miniera në Shqipëri);

“Husamettin Danis Group of Companies”-Është një grup i madh kompanish turke, të cilat kërkojnë të përfshihen në tregun e shërbimeve);

“Trigranite”- (Kompani Kanadeze në ndërtim qendrash tregtare dhe hotelesh. Kjo kompani kërkon të ndërtojë në vend);

“Burger King”- Kompani e cila do të investojë në sektorin e Fast Food-it (ushqimit të shpejtë);

Gazeta Tema
19-09-2006

qazimo degjo nje cik o burre ...
ke prona ti ? jo ?????


atehere or mik me jep dot nje shpjegim ????


une ne lushnje kam ca prona ! shteti gjtae ketyre 15 vjeteve me gjithe luften time
e te fisit tim mezi na ka dhene ne perdorim nga 2 dynym te tokes qe gjyshi im e ka blere me flori dhe e ka punuar per vite e vite me rradhe ( ne hipoteke gjen te gjithe dokumentacionin perkates )!!!!!!

ne per kete toke paguajme dhe tatim 3000 lek te vjetra ne vit per dynym

me e cuditeshmja eshte se punetoret e ish fermes qe kane punuar ne kto toka para viteve 90 , kane marre nga kjo toke e gjyshit me shume se ne dhe ...??????????? e kane ne pronesi !!!!!

o qazim ... dhe ky eshte halli jo vetem i imi por dhe i shume shokeve e shoqeve te mija qe gjysherit e tyre kane blere ne kohe te zogut toke me flori ne dore e i kane punuar per vite me rradhe !!!

mire 1 euro or ti mik !!!!


po token e kujt do ti japin ???? token tone ???

ti vete do ta lije qe token tende tja jepnin nje tjetri ???

thua do vine keto kompanite e te bejne biznes ne nje toke sdihet se e kujt eshte ?

[DYDRINAS]

qazimo degjo nje cik o burre ...
ke prona ti ? jo ?????


atehere or mik me jep dot nje shpjegim ????


une ne lushnje kam ca prona ! shteti gjtae ketyre 15 vjeteve me gjithe luften time
e te fisit tim mezi na ka dhene ne perdorim nga 2 dynym te tokes qe gjyshi im e ka blere me flori dhe e ka punuar per vite e vite me rradhe ( ne hipoteke gjen te gjithe dokumentacionin perkates )!!!!!!

ne per kete toke paguajme dhe tatim 3000 lek te vjetra ne vit per dynym

me e cuditeshmja eshte se punetoret e ish fermes qe kane punuar ne kto toka para viteve 90 , kane marre nga kjo toke e gjyshit me shume se ne dhe ...??????????? e kane ne pronesi !!!!!

o qazim ... dhe ky eshte halli jo vetem i imi por dhe i shume shokeve e shoqeve te mija qe gjysherit e tyre kane blere ne kohe te zogut toke me flori ne dore e i kane punuar per vite me rradhe !!!

mire 1 euro or ti mik !!!!


po token e kujt do ti japin ???? token tone ???

ti vete do ta lije qe token tende tja jepnin nje tjetri ???

thua do vine keto kompanite e te bejne biznes ne nje toke sdihet se e kujt eshte ?

Bombe tymuese me porosi!
Eshte fatkeqesi te perdoresh nje fjalor te tille ne forum, kur qeveria e ka bere te ditur me kohe se ajo nuk mundet te nderhyje ne marredheniet e pronesise private, sepse jetohet ne kapitalizem.
Eshte viti 2006 e jo viti 1976 kur u shpall se Shqiperia eshte i vetmi vend ne bote me pronesi teresisht shteterore.
Nese nuk e di, atehere lexoje Kushtetuten e atij viti dhe do te bindesh per kete qe te them.
Mos hyni neper forume vetem per te shmangur qellimin e temes dhe per t'i dhene asaj nje drejtim tjeter.
Edi Rama ka mjaft forume qe lehin per te dhe qe ja bejne qejfin!

[lonely_lion]

Bombe tymuese me porosi!
Eshte fatkeqesi te perdoresh nje fjalor te tille ne forum, kur qeveria e ka bere te ditur me kohe se ajo nuk mundet te nderhyje ne marredheniet e pronesise private, sepse jetohet ne kapitalizem.
Eshte viti 2006 e jo viti 1976 kur u shpall se Shqiperia eshte i vetmi vend ne bote me pronesi teresisht shteterore.
Nese nuk e di, atehere lexoje Kushtetuten e atij viti dhe do te bindesh per kete qe te them.
Mos hyni neper forume vetem per te shmangur qellimin e temes dhe per t'i dhene asaj nje drejtim tjeter.
Edi Rama ka mjaft forume qe lehin per te dhe qe ja bejne qejfin!

o qazim.....une se njoh edi ramen ore burre !

kjo qeveria qe thua ti a ndonje qeveri tjeter me pare per te ndertuar ate kapitalizmin e botekuptimit tend ... token e gjyshit tim mua ma merrka per tja dhene nje tjetri ne pronesi dhe gjyshit tim qe e ka te veten ja merrka e ja jepka ne perdorim !!!!!

mos nuk te ngjan kjo ty dhe te tjereve me te njejten gje qe ndodhi ne 1946 por me e kamufluar !!!!?????????

o qazim une se kam as me ty e as me qeverine qe ti e paske per zemer !!!!

qazim ! nuk ndertohet kapitalizmi me teori populiste ! as me teorite e PD e as me teorite e PS .... ! nejse morre burre ! ti sic duket dhe ata qe permenda me siper kane teorine merr e vidh se e jona s'eshte ! dhe keshtu e bejme kapitalizmin qe me permend ti mua ! kapitalizmi o burr ka ne themel pronen private e jo mos ma jep mua por nxirre ne ankand per 1 euro !

ckapitalizem kerkojme te bejme ne o burr, qe akoma sdime se kujt eshte prona dhe si i kane bere keto prona !

nejse ti e di ! sepse ti keshtu e mendon dhe sipas mendjes tende se ke keq.... sepse gjeja me e lehte ne kete bote eshte te vjedhesh e jo te punosh !!!

p.s.

te te bej nje pyetje o mik ???? ke prona ti ? ose te paret e tu a te kane lene gje ?
jo ???

atehere do te pelqente ty o mik vellai te vija une ne shtepine tende e te te fusja me familjen tende ne nje dhome te shtepise tende dhe te te kerkoja te paguaje qera 200 euro ne muaj ... ????

nje pjese te shtepise tja jepja ne pronesi ndonje zeneli a hasani dhe nje pjese tja jepja microsoftit per 1 euro/m2 ???

mundesh te ma japesh kete pergjigje dhe une nuk do te relatoj me as me ty e as me ata qe ti i quan edi ramsa .... !!!!

nise njehere nga vetja per te pare sa te dhemb ... atehere ti dhe gjithe shqiptaret qe hidhen e pirdhen ... do te kuptonin se sa bukur mund te behen teorite per ne kapitalizem ... i ka bere bota me kohe qazim djali ... ne sna ngelet te shtrojme ****** e te punojme !

dhe e fundit... ore ku mi gjejen keto shoqerite .. sikur ka qene njeher ne shqiperi kjo "adel " e kepuceve apo e kam gabim...! dhe sikur e perzune (mbase e kam gabim ) !
ore keto shoqerite e kepuceve njesoj me ato qe jane sot jane...? qe i japin grave dhe motrave tona nga 150.000 lek te vjetra dhe i perdorin si kafshe pune pa sigurime mjkesore dhe shoqerore ?
nejse kompanite mire na i bejne ... kur shohin se ne shtetin tim e tendin o qazim ikin e vijne kuadrot me sezone si puna e stineve >>> stina PS>>Stina PD dhe rotacion !

[DYDRINAS]

Austriakët: Investojmë në turizëm nëse na hiqni pengesat burokratike

Koncerni austriak “Strabag SE” e njohur për investimet në fushën e turizmit mbërriti dje në Shqipëri me ftesë të ministrit të Turizmit dhe Kulturës Bujar Leskaj. Përfaqëues të kompanisë austriake vizituan dje qytetin bregdetar të Vlorës dhe pasi u njëhën disi nga afër me mundësitë që ofron ky rajon për investime theksuan se për t’a e rëndësishme është fakti i lehtësimeve proceduriale në fushën e turizmit.
Konkretisht Drejtori i Përgjithshëm i koncernit austraik, Dr. Hans Peter Haselsteiner tha se “Shpresoj në evitimin e pengesave burokratike për fillimin e investimeve, pasi kompania jonë ka interesa afatgjate biznesi në Shqipëri dhe në tërësi në Ballkan”.Gjithashtu Haselsteiner shtoi se Austria është ndër aleatët më të fortë të Shqipërisë në rrugën e saj për integrim dhe asocim në BE.
Delegacioni austriak do të zhvillojë sot bisedime zyrtare me kryeministrin Sali Berisha dhe ministrin e Turizmit Leskaj, ndërkohë që ka zhvilluar takime dhe me ministrat Basha e Ruli. “Qeveria nën patronazhin e vete kryeministrit Berisha ka ndërmarrë një nisëm shumë të rëndësishme për zhvillimin ekonomik të vendit e quajtur ”Shqipëria – një euro”, tha ministri Leskaj. Sipas tij në Shqipëri tashmë ka një klimë të garantuar ligjore dhe të sigurisë për biznesin e huaj. Gjatë takimit me autoritetet lokale u fol për mundësitë reale të investimeve në rivierë, dhe në sektorë të tjerë të ekonomisë si infrastruktura rrugore etj.
Shoqëria Ndërtuese Anonime Austriake Bauholding STRABAG është krijuar në vitin 1895, fillimisht në Gjermani dhe më pas në Austri. Ky koncern ka një xhiro vjetore prej rreth 10 miliardë euro duke numëruar sot rreth 500 filiale në të gjithë botën. Pronari saj, i lindur në vitin 1944, konsiderohet sot një nga multimilionerët më të fuqishëm të Austrisë. Një pjesë të rëndësishme të aksioneve të koncernit i përkasin Bankës Austriake “Reifeissenbank”, me dëgë në Shqipëri. Të dy pjesët më të fuqishme të koncernit në Austri dhe Gjermani kanë projektuar dhe zbatuar veprat kryesore të infrastrukturës në këto vende. Ky koncern, si një nga sipërmarrjet më të njohura në fushën e ndërtimeve në Europë si dhe duke përdorur njohuritë moderne teknike dhe ekologjike, përfshin një gamë të gjerë veprimtarish ndërtuese si rrugë me të gjitha veprat e artit, komplekse ndërtimesh: banesa objekte social kulturore, komplekse moderne sportive dhe turistike, pishina, stadiume, palate sporti si dhe infratsrukture të banjove termale etj. Koncerni e ka shtrirë veprimtarinë e tij gjerësisht në vendet e Europës Qendrore dhe Lindore. Për fillimin e investimeve në Shqipëri në fushën e turizmit, në Ministrinë e Turizmit dhe Kulturës është ngritur një grup pune që do të punojë me eskperte të të dy palëve.

gazeta Sot
20-09-2006