Nisma e kryeministrit Berisha: Shqiperia, 1 €

[Albo]

Kryeministri tha se taksa që do t’u vihet bizneseve në kuadër të kësaj nisme do të jetë më e ulëta në Evropë

Berisha: Nisma 1 euro, jo në tokë private, ka 100 ha tokë të refuzuar


N.Perndoj

TIRANË-Kryeministri Sali Berisha ka bërë me dije dje gjatë një takimi të zhvilluar me pedagogë të Fakultetit të Ekonomikut se, qeveria që ai drejton, krahas objektivave të tjerë, do të ketë si synim edhe vendosjen e një takse të sheshtë për bizneset, me vlerën më të ulët në Evropë. “Objektivi ynë është një; taksë e sheshtë me e ulëta në kontinent. Nuk mund ta realizojmë këtë brenda disa muajve apo një viti, sepse kjo është provë. Me FMN-në, vazhdon marrëveshja. Ky është një institucion i mrekullueshëm për shkak se bën gardianin në stabilitetin makroekonomik dhe kjo është një gjë shumë fondamentale. Të gjithë biem dakord me ketë. FMN ka një objektiv madhor, stabilitetin makroekonomik të një vendi. Pa këtë, të gjitha të tjerat shemben. Ndërtesa bie. Megjithatë, në këtë mënyrë siç kemi ecur këtë vit ne do të ecim deri sa të realizojmë këtë objektiv ambicioz tonin”,- tha Berisha. Kreu i ekzekutivit shtoi se, ky objektiv do të jetë një test për qeverinë. “Ky është vendim i pandryshueshëm dhe kjo është një prove e fortë, një test shumë i fortë për qeverinë”,- tha ai. Sa i përket nismës “Shqipëria 1 euro”, Berisha tha se do t’u ofrohen investitorëve troje publike dhe lehtësira të tjera me një euro. “Po hartohet një listë e tërë shërbimesh të cilat do t’u ofrohen investitorëve me një euro. Toka, jo vetëm për sipërmarrje, por edhe për shfrytëzim për qëllime të ndryshme, do të ofrohet me një euro. Unë ju informoj se sot në Shqipëri janë mbi 100 mijë hektar tokë të refuzuara. Nuk ka tokë më të mirë se toka shqiptare nga pikëpamja e cilësive”,- tha ai. Duke folur gjerësisht për këtë nisëm, Berisha premtoi se do të ngrihen parqe industriale. “Kur them kontrata një euro, para së gjithash është territori i parqeve industriale dhe pastaj kudo që të jetë e mundur. Parqet industriale do të jenë të garantuar në Shkodër, Tiranë, Durrës, Fier, Vlorë, Elbasan tani për tani. Këtu do të ngrihen parqe industriale, që do të thotë se ajo tokë publike apo e kompensuar me vlerë tregu privatit, do të jetë disponibël për investime. Në këto zona investitori do ta ketë të garantuar truallin me një euro. Së dyti, ndodh që investitori do të krijojë plantacione të ndryshme. Në rast se toka është e refuzuar - dhe e them edhe një herë janë 100 mijë hektarë tokë -, do t`i jepet me një euro”,- tha ai. Berisha saktësoi se nuk bëhet fjalë për toka që janë pronë private. Kryeministri theksoi konkretisht se ka një studim, që nuk është botuar ende nga MC. Kenzi. “Në këtë studim, kjo kompani ndër më seriozet, mendon se zona Tiranë-Durrës mund të shndërrohet në zonën e rritjes më të shpejtë ekonomike në Evropë dhe ajo rendit të gjithë faktorët, portin, aeroportin, rrugët, etj. Pra, do të operohet edhe në këtë mënyrë”,- shtoi ai. Në takimin e djeshëm, Berisha paralajmëroi edhe ndryshime të mëdha të procedurave burokratike për të ngritur një biznes. Kryeministri konfirmoi gjithashtu se është hartuar edhe një projekt i ri për koncesionet.

Shekulli

[vagabondo_nyc]

FMN: “Shqipëria, 1 euro”, nuk funksionon


Szekely: Skema që synojnë të mbrojnë vetëm një grup të caktuar investitorësh, nuk funksionojnë

Altin Xhikneli

Shefi i Misionit të Fondit Monetar Ndërkombëtar, Isvan Szekely, është shprehur skeptik për nismën e re të qeverisë “Shqipëria, 1 euro”. Ai është shprehur se FMN-ja do të mbështesë çdo lloj iniciative të qeverisë që ka si qëllim të nxisë investimet, qoftë dhe të huaja në vend. Por nëse kjo nismë është ajo e duhura, Szekely ka shprehur dyshimet e tij. “Ajo që është më e rëndësishme, është që kjo të jetë një skemë transparente, pasi i fton edhe investitorët që të përfitojnë nga ajo. Por kjo skemë nuk duhet të ketë përjashtime, por të gjithë të trajtohen në mënyrë të barabartë”. Gjithashtu, ai është shprehur se eksperienca e FMN-së në vende të tjera tregon se që ato skema të cilat synojnë të mbrojnë vetëm një grup të caktuar investitorësh, nuk funksionojnë. “Nëse dëshironi të ndryshoni diçka në sistemin tatimor për të nxitur investimet, atëherë ky ndryshim që po bëni duhet të jetë i vlefshëm për të gjithë. Është shërbimi më i mirë që mund t’ju bëhet investitorëve në këtë drejtim, është një sistem i thjeshtë taksash, i lehtë për t’u menaxhuar dhe nëse doni skema për të nxitur investimet, atëherë duhet të zbatoni skema të cilat kanë qenë të suksesshme në vendet e tjera, të cilat sigurojnë biznesin”. Në nismën e re të qeverisë “Shqipëria, 1 euro”, elementi kryesor i cili pritet të sjellë si me magji investitorët e huaj në vend, është toka. Por FMN-ja shprehet e shqetësuar për mënyrën se si kjo skemë do të zbatohet në Shqipëri, pasi mund të ketë vend për abuzime. “Ne mbështesim nismën qeveritare dhe për sa i përket posedimit të tokës, kjo është aplikuar në shumë vende të tjera, por duhet të keni parasysh që ajo duhet të jetë transparente ku kostoja e saj të shënohet në buxhet, pasi kjo është mënyra më e mirë për krijimin e një klime favorizuese ndaj biznesit. Shefi i misionit të FMN-së, me elokuencë, është shprehur se “kjo është një iniciativë që ne e mbështesim, që synon që ta bëjë Shqipërinë më tërheqëse për investitorët, sidomos për ata të huaj, pasi ata janë shumë të rëndësishëm për të rritur imazhin e një vendi dhe këtë e di nga eksperienca e vendit tim (Hungaria)”. Një nga problemet me të cilat vërehet në nismën “Shqipëria, 1 euro”, është dhe nguti i qeverisë për ta vënë në zbatim. Kjo nismë ka nevojë për kohën e saj të studiohet dhe të pasqyrohen të gjitha efektet e saj, gjë të cilën mund ta kuptosh dhe nga deklarata e shefit të Misionit të FMN-së, Szekely. Meraku i FMN-së për nismën duket se qëndron edhe në faktin se, duke qenë se kjo nismë i drejtohet një grupi të caktuar investitorësh, mund të ketë vend për abuzime. Po të vëresh deklaratën e Szekely, janë dy pika kyçe të cilat ai kërkon nga qeveria. E para transparencë e skemës dhe, e dyta, llogaritja e çdo kostoje në buxhetin e shtetit, pra evidentimi. Në fund, kreu i FMN-së ftoi qeverinë që të marrë pjesë në konferencën e “The Economist”, për të treguar potencialet e Shqipërisë për investime.

Shekulli

[Homza]

Kush eshte nje forumist qe din ta rrezoj nismen Shqiperia 1 Euro, me argumenta te plote ekonomik? Ka ndonje?

Sdi ca keni i her, Sala nuk po ju shet grate me ket nisem. Jeni shum te dobet.

[MegaByte]

Kush eshte nje forumist qe din ta rrezoj nismen Shqiperia 1 Euro, me argumenta te plote ekonomik? Ka ndonje?

Sdi ca keni i her, Sala nuk po ju shet grate me ket nisem. Jeni shum te dobet.

Qe te rrezosh nje teori me pare duhet ta njohesh kete teori, dhe besoj se deri ketu jemi dakort. Cfare dime ne deri tani per kete nisme, ose me sakte cfare di qeveria vete per kete nisme?!?!?!?!?! Kuadri ligjor?!?!?!?! Efektet ne Ekonomi?!?!?!?!?! Efektet ne Buxhetin e Shtetit?!?!?!?!? Nisma te ketij tipi kerkojne nje studim te gjere dhe rrahje mendimesh me grupet e interesit, dhe nuk duhen te lindin nga nje deklarate e nje Psikopati. Mendoj se bahkpunetoret e Berishes jane vene shum ne siklet per te gjetur argumentet ne mbrojtje te budallallekut te rradhes te shefit te tyre. Pa kaluar as 24 ore ajo qe ofroi Berisha (toka, uji teknologjik etj) u rrit me mbi 20%: nga 1 USD (97 lek) u be 1 Euro (123 lek). Goxha norme e larte inflacioni duke konsideruar periudhen e shkurter te kohes.

[Homza]

Megabyte....ti thu qe bashkpunetoret e Sales jan vene ne siklet se nuk dine se si ta mbrojne nismen 1 Euro, me ne siklet je ti kur te pyt dikush si quhesh se ata bashkpunetoret e Sales per nismen e qeverise. Edhe nuk me pelqen thenja Shqiperia 1 euro, kjo me duket sikur po shitet mish ke kasapi.

Nejse, pse cfar efekti do kete kjo 1 euroshi ne buxhetine shtetit mer, ekonomine e Shqpierise? Kuadrin ligjor? mund te elaborosh dicka me shume apo ke gu kta te PSse qe rritja ekonomike eshte sikur pula ne vend qe te bej nje vez te bej dy nje paradite dhe nje mbasdite, dhe inflacioni eshte kur te therret dikush me ze te lart.

Po ti mor megabite, a nuk i gjove lajmet pas trazires ku theu ne parlament nje vazo me lule LSIja me shoqet e saj, gjith dildhin me ne krye Edi Ramen, dhe thoshin se Sali Berishes i mesuan nje mesim ne 97 tani do i mesojme te dytin, dmth ata dilshin haptasi autoret e ngjarjeve famkeqe ne shqiperi, PSja me shoqe jan aq budalle saqe mendojne qe 1000 te rinj qe vdiqen kan qene gjith djemt e Saliut. Budalll hesapi ske cti besh mo.

[Albo]

“The Economist conference” organizon tryezën mes qeverisë shqiptare dhe investitorëve vendas dhe të huaj

Berisha prezanton detajet e “Shqipëria, 1 euro”

Ne do t’i ofrojmë investitorëve të huaj tokën për të ndërtuar fabrika, uzina, spitale, hotele, shkolla, mbi bazën e një procedure transparente dhe konkurrence të ndershme, me 1 euro; mundësi për të hapur banka me 1 euro; për të nisur ndërtimin e hidrocentraleve apo për të hapur minierat me 1 euro dhe një seri shërbimesh të tjera me 1 euro.

Kryeministri, Sali Berisha, ka prezantuar dje para grupit “The Economist” dhe përfaqësuesve të institucioneve financiare ndërkombëtare nismën për thithjen e investimeve të huaja në vendin tonë “Shqipëria, një euro”. Duke folur në konferencën e organizuar dje në “Sheraton”, kryetari i qeverisë shqiptare e vlerësoi këtë nismë si një apel ndaj biznesit të huaj për të investuar në vendin tonë. “Ne do t’i ofrojmë investitorëve të huaj tokën për të ndërtuar fabrika, uzina, spitale, hotele, shkolla, mbi bazën e një procedure transparente dhe konkurrence të ndershme, me 1 euro; mundësi për të hapur banka me 1 euro; për të nisur ndërtimin e hidrocentraleve apo për të hapur minierat me 1 euro dhe një seri shërbimesh të tjera me 1 euro. Duke patur parasysh se koha është më e çmuar, ne jemi të angazhuar që këtë nismë ta quajmë të kompletuar, kur ta shndërrojmë “1 euro-në 1ditë”, u shpreh kryeministri Berisha.

Duke folur për reformat e ndërmarra nga qeveria, një vit pas ardhjes së Partisë Demokratike në pushtet, kryeministri Berisha renditi ndër kryesoret rivendosjen e ligjit në vend si dhe vënien para drejtësisë të shumë bandave kriminale. Sipas Berishës, një rëndësi e madhe i është kushtuar edhe ekzekutimit të vendimeve të gjykatave, të cilat, sipas tij, pavarësisht çmimit që kanë patur, janë ekzekutuar të gjitha. Lidhur me turizmin, Berisha u shpreh se gjatë këtyre tre muajve turizmi në vendin tonë është rritur me 1/3 e së njëjtës periudhë të një viti më parë dhe kjo, sipas Berishës, pa ndonjë promocion të madh ndërkombëtar. Lidhur me shpenzimet publike, Berisha tha se janë ulur me 25% prokurimet publike, ndërkohë që janë ulur deri në masën 40% shpenzimet operative.

“Ne jemi të vendsour të bëjmë çdo përpjekje që ju të gjeni këtu parajsën për investimet tuaja. Në këtë kontekst, kemi ndërmarrë revolucionin fiskal me një qëllim: instalimin e taksës së sheshtë në nivelin më të ulët të Evropës. Ky është zotimi ynë. Unë kam bindjen se ju jeni shumë më të shkëlqyer në investime se unë dhe qeveria ime. Ndaj dhe dëshiroj që ju të investoni në këtë vend, ndonëse ju siguroj se qeveria po bën përpjekje të mëdha për të investuar në infrastrukturë, në rrugë, në telekomunikacion, në teknologjinë e informacionit dhe në të gjitha fushat që janë të rëndësishme për biznset tuaja”, - u shpreh më tej Berisha. Kreu i qeverisë bëri të ditur se sot do të nënshkruajë me ambasadoren amerikane në Tiranë, Marcie Ries, marrëveshjen në kuadrin e pragut të mijëvjeçarit për ndërtimin e institucionit të “One Stop Shop” dhe ngritjen e “Ombutsman”-it të prokurorimeve publike, të përbërë nga shoqëria civile dhe një seri praktikash të tjera që do të përmirësojnë administrimin fiskal dhe doganor të vendit.

Berisha u shpreh se një vëmendje e madhe i është kushtuar edhe luftës ndaj ekstralegalitetit. “Kur erdhëm në pushtet, ne gjetëm një Shqipëri ekstralegale shumë më të madhe sesa ajo legale. Gjatë kësaj kohe kemi instaluar procesin e legalizimit me ndihmën dhe ekspertizën e Hernando de Soto-s, të Institutit për Liri dhe Demokraci, me ekspertizën më të çmuar në planet për luftën kundër ekstralegalitetit”, - u shpreh më tej Berisha.

Adi Shkëmbi
Tema

[Albo]

Bode: “Kemi rritjen më të madhe ekonomike në rajon”

Shqipëria ka rritjen më të madhe ekonomike në rajon, ndërkohë që Prodhimi i Brendshëm Bruto prej disa vitesh është fiksuar në nivelin 6%. Ministri i Financave, Ridvan Bode, tha dje gjatë fjalës së tij, të mbajtur në konferencën me grupin “The Economist”, se vendi ynë ka një rritje të qëndrueshme të ekonomisë. "Njëri prej aseteve më të çmuara të avantazheve që ofron ekonomia shqiptare në këtë periudhë tranzicioni është arritja e një ekilibri të qëndrueshëm makroekonomik. Përgjatë gjithë këtij tranzicioni të vështirë nga vendi më i centralizuar dhe më i kontrolluar në bllokun lindor, drejt një vendi me ekonomi tregu të bazuar mbi nismën private dhe konkurrencën e lirë, ekonomia shqiptare është karakterizuar nga një rritje e lartë ekonomike, më e larta në rajon dhe prej vitesh kjo rritje është fiksuar në 6% të PBB-së", - tha ministri Bode. "Inflacioni tepër i lartë në fillimet e tranzicionit, ka vite që nuk kalon intervali 2-3%, - tha Bode, - dhe kursi i këmbimit, edhe pse përcaktohet në lojën e lirë të tregut, luhatet në të njëjtat vlera me 10 vite të shkuara. Niveli i borxhit publik për vitin në vijim është më pak se 3.5% dhe ai i brendshëm nën 2.5% të PBB-së dhe me tendencë uljeje të përvitshme, sipas programit që kemi me FMN", - u shpreh më tej Bode. Sipas tij, avantazhet dhe mundësitë e mëdha që ofron vendi ynë, të cilat kanë nevojë të shqyrtohen dhe rentabilizohen nga kapitali në fusha të ndryshme të ekonomisë dhe pasurive kombëtare, tashmë janë vendosur në një perspektivë të qartë evropiane dhe euroatlantike, ku vendi ynë është zyrtarisht kandidat serioz dhe i vendosur. “Në harkun e një viti, - tha ministri Bode, - ne mundësuam të regjistrimin e 15 mijë bizneseve të paregjistruara deri më sot, të arkëtojmë rreth 160 milionë USD taksa më shumë, krahas dhënies së më se 200 milionë USD favoreve fiskale si ulje taksash. Numri i krahëve të punës të përfshirë në skemën e kontributeve shoqërore është rritur me afro 100 mijë, ndërkohë që janë në procedurë regjistrimi edhe 13 mijë biznese dhe disa dhjetëra mijë të punësuar të paregjistruar. Një buxhet suplementar që u miratua në korrik të këtij viti ishte dëshmi e rritjes së performancës fiskale, bazuar pikërisht në uljen e informalitetit ekonomik dhe evazionit fiskal”. “Nga 1 korriku, - tha Bode, - niveli i kontributit të bizneseve (kompanive) për taksën e punës u ul nga 29% në 20%. Krahas saj, po nga kjo datë hiqen të gjitha taskat doganore për makineritë dhe pajisjet investuese si dhe lëndën e parë për të gjitha linjat e reja të investimeve dhe shtyhet afati i pagimit të detyrimeve të TVSH-së për to kundrejt realizimit të prodhimeve. Nga 1 nëntori një sërë importesh të tjera pësojnë ulje ose bëhen zero, në kuadrin e marrëveshjes së Stabilizim-Asocimit. Vlera e përgjithshme e përfitimeve fiskale në favor të biznesit në harkun e një viti qeverisjeje, i kalon 250 milionë Euro dhe është pothuaj në të njëjtin nivel me FDI-në e këtij viti”. “Objektivi i afërt i qeverisë është që të mundësojë implementimin e një takse të sheshtë dhe të thjeshtësojë më tej sistemin tonë fiskal. Ideja e taksës së sheshtë (Flate Tax), veç nevojës për të thjeshtësuar administrimin e sistemit fiskal dhe eliminimin e arbitrazhit të mundshëm midis taksës korporative (tatim fitimi), tatimit mbi dividentin dhe tatimit mbi të ardhurat, synon që krahas me to të ulen gradualisht të gjitha taksat e tjera në interes të kompanive”, - tha Bode në konferencë.

Tema

[Albo]

“Shqipëria, 1 Euro”, në fund të shtatorit në Kuvend

Nisma “Shqipëria, 1 Euro” do të kalojë në fund të këtij muaji për t`u miratuar në parlament. Këtë e bëri të ditur dje kryeministri Berisha gjatë konferencës së organizuar me grupin “The Economist”. “Në fund të muajit shtator, paketa ligjore për nismën "Shqipëria, 1 Euro ", do të çohet në Kuvend për miratim”, - u shpreh Berisha. Sipas kreut të qeverisë, paketa është duke u përgatitur dhe parashikon "të gjithë kontratën 1 Euro". Në bazë të paketës, parashikohet që të jepen resurse me koncension për 50-99 vjet, duke përfshirë jo vetëm tokën, por edhe për industritë, minierat, HEC-et, që do të ndërtohen, për sektorin bankar, etj.

Nga ana tjetër, shefi i misionit të FMN-së për Shqipërinë, Istvan Szekely, tha dje se "Shqipëria po bëhet vend tërheqës për investime". "Po bëhet progres dhe jemi të kënaqur nga zbatimi i reformave të marra nga qeveria dhe kryeministri, që po punon fort", - tha përfaqësuesi i FMN-së. Szekely vlerësoi punën dhe bashkëpunimin me qeverinë shqiptare në drejtim të forcimit të sektorëve fiskalë, por shtroi nevojën e forcimit të standardeve dhe barazimit mes investitorëve.

Tema

[Albo]

Fullani: “Inflacioni nuk do ti kalojë 3%”

Shtimi i shpejtë i kredisë për ekonominë, rritja e shpejtë e çmimeve të naftës, rritja administrative e çmimeve të energjisë, si dhe rreziqe të tjera kanë potencial për të krijuar presione inflacioniste dhe paraqesin rrezik për të ngritur pritjet inflacioniste. Kështu u shpreh dje guvernatori i Bankës së Shqipërisë, Ardian Fullani, gjatë fjalës së mbajur në konferencën e organizuar me grupin “The Economist”. Ai tha se në vitet e fundit vendi ynë ka kaluar një periudhë me çmime të qëndrueshme dhe inflacioni është vlerësuar deri në 2.4%. “Banka e Shqipërisë do të ndërmarrë të gjitha masat e nevojshme për të siguruar mbajtjen e inflacionit në të ardhmen e afërt dhe të largët në nivelin 3 për qind, me një zonë tolerance plus/minus 1 për qind”, - u shpreh Fullani gjatë fjalës së tij. Lidhur me sistemin bankar në vendin tonë, Fullani u shpreh se ai është në një periudhë zgjerimi dhe konsolidimi. “Ai është solid, i konsoliduar dhe i mirëkapitalizuar. Sistemi përbëhet prej 17 bankash, tri prej të cilave janë tërësisht me kapital vendas. Rrjeti bankar është zgjeruar vazhdimisht, duke mbuluar edhe zona të largëta. Është rritur numri i produkteve bankare të ofruara si dhe është përmirësuar cilësia. Hyrja në treg e grupeve të rëndësishme financiare evropiane, ka krijuar një mjedis konkurrues më të mirë si dhe ka rritur më tej eficiencën”, - tha Fullani.

Tema

[Albo]

Pyetje-Pergjigje te Kryeministrit Berisha

Pyetje : A ka vendosur qeveria trupa qendrore për “E-government”?

Kryeministri Berisha: Qeveria do të krijojë së shpejti një trupë qendrore për këtë çështje. Kemi filluar punën dhe po nxjerrim fryte të vërtetë në këtë drejtim, por duhet duhet të zgjerohemi në çdo fushë aktiviteti.

Përfaqësuesi i Microsoft-it: “E-Government” është projekti i Microsoft-it, i cili ofron shërbime on line për popullin, institucionet, për vetë qeverinë, për luftën kundër korrupsionit, etj. Ky projekt ofron mundësi për software lokalë. Po kështu Microsoft ofron edhe një projekt për arsimin, për nxënësit dhe mësuesit, në të cilin përfshihen projektet e-texts, e-education dhe e-learning, i cili përfshin kurse aftësimi profesional on line. Do të përpiqemi të zhvillojmë në Shqipëri industrinë Hi-Ti, pasi është krijuar mundësia e bashkëpunimit me qeverinë shqiptare, duke ofruar akses në teknologjinë tonë.

Pyetje: Ka një ndjeshmëri të madhe ndërmjet klimës politike dhe klimës së biznesit. Acarimi i klimës politike sjell shpesh mungesë sigurie te biznesi. Në këtë mënyrë, stabilizimi i klimës politike do të thotë më tepër stabilitet për klimën e biznesit. Shqipëria ka mjaft nevojë për biznesin e huaj, por, duhet patur kujdes që kjo të mos çojë në diskriminimin e biznesit vendas dhe qeveria shqiptare duhet të shohë më me vëmendje hapësirat për biznesin vendas.

Kryeministri Berisha: Qeveria është e interesuar për dialog dhe bashkëpunim me opozitën. E kam ftuar dhe do ta ftoj opozitën për bashkëpunim. Natyrisht që opozita nuk është dakord me reformat e qeverisë dhe ajo i ka kundërshtuar ato. Opozita mendon se reforma që ajo mendon është më e mirë, por gjithsesi, ne jemi të hapur të bashkëpunojmë, megjithë kundërshtimet e tyre.

Qeveria nuk është për diskriminimin e biznesit vendas. Në një vit kemi ndërmarrë së bashku mjaft vendime konkrete në punë publike etj. Ka shumë njerëz që shprehin pikëpamjet e tyre të ndryshme për biznesin vendas. Unë nuk kam qenë kurrë për diskriminimin e biznesit, por kemi pasur dialog konstant me biznesmentët shqiptarë. I kemi dëgjuar me kujdes idetë e tyre dhe kemi qenë të hapur me ta.

Pyetje: Një problem shqetësues vazhdon të ngelet energjia, sidomos për bizneset që sapo nisin nga puna.

Kryeministri Berisha: Qeveria po lëviz me shpejtësi drejt zhvillimit të burimeve të reja energjitike edhe me investime private. Po përpiqemi të përdorim sa më shumë burime të reja energjitike, ku do të jetë i përfshirë mjaft sektori privat. Së shpejti do të nisë ndërtimi i TEC-it të ri në Vlorë dhe në fund të vjeshtës, një seri HEC-esh do të jepen për ndërtime me koncesion. Po, kemi një projekt shumë të madh për ndërtimin e një TEC-i me gaz likuid, i cili parashikohet të ketë një fuqi prej 1200 MW.

Së shpejti pritet të miratojmë ligjin e ri për koncesionet, i cili do të mundësojë ndërtimin e burimeve të reja energjitike. Sapo kam patur një vizitë shumë të suksesshme në Greqi, në të cilën, më kryesorja ishte energjia. Ministri i Ekonomisë, Ruli, arriti në një marrëveshje mjaft të vlefshme për energjinë, optimizimin e burimeve dhe futjen e gazit, si dhe futjen e kompanive greke për stacionet hidro-energjitike. Jemi duke vendosur një linjë tensioni të lartë mes Elbasanit dhe Podgoricës që është shumë e rëndësishme. Gjithashtu, në këtë drejtim po planifikojmë të lidhemi me Shkupin si dhe me Prishtinën.

Tashmë, administrata ka përmirësuar problemin e energjisë për bizneset. Kemi ulur çmimet për ta, në një kohë kur çmimi i përgjithshëm i energjisë është rritur, dhe një ulje e tillë e çmimit të energjisë për bizneset ka ndodhur vetëm në Shqipëri.

Pyetje: Cilat janë projektet dhe infrastruktura konkrete e nismës “Shqipëria, 1 euro”

Kryeministri Berisha: Ligji për nismën “Shqipëria, një euro” është në përgatitje e sipër. Toka është me kontratat e vjetra. Duhet vendosur afati i kontratave për 50 apo 99 vjet. Kjo është duke u shqyrtuar. Për këtë nismë, do të ofrojmë tokë jo vetëm për industrinë, por edhe për ujin teknologjik, minierat, hidrocentralet, etj. Lista e objekteve, të cilat do të ofrojmë është e gjatë. Hyn në fuqi në nëntor, por duhet rregulluar situata e kaluar për shkak të efekteve mbi buxhetin. Për këtë duhet të diskutohet me FMN-në.

Pyetje: Kur do të jepen detaje lidhur me këtë nismë?

Kryeministri Berisha: Në fund të tetorit, sepse duhet që nisma të marrë edhe aprovimin e parlamentit. Në fund të shtatorit, ligji do të dërgohet në parlament dhe pas kësaj duhet një muaj për t’u miratuar.

Si po ecën Ekonomia?

Kryeministri Berisha: Deri tani kemi një rritje prej 34 për qind në ndërtim, megjithëse ka një dyfishim të çmimit të lëndës së parë. Ka një rritje të ndjeshme të eksporteve.

Kemi një rritje prej 1/3 në turizëm. Kemi një rritje prej 1/3 në shërbimet. Kemi rritje në indeksin e kërkesës, gjë që përbën një gjë të rëndësishme, e cila, megjithë efektet e saj, është vënë nën kontroll pas ndërhyrjes së Bankës Qendrore dhe AFM-së. Kjo ekonomi është entuziazmuese dhe ajo nuk mund të rrijë në vend.

Një nga pikat kryesore hyrëse për në Shqipëri, porti i Durrësit, vazhdon të ngelet problematik?

Kryeministri Berisha: Porti i Durrësit është një problem serioz për qeverinë shqiptare. Kostoja e transportit për në Bari është e barabartë me koston e transportit për në Hong Kong. Në takimin që kam patur me Prodin, ai më premtoi zgjerimin e portit të Durrësit dhe të porteve të tjera. Futja e Bullgarisë dhe Rumanisë në BE ka sjellë shtimin e interesit për përmirësimin e porteve. Është e nevojshme të bëjmë ridimensionimin e porteve në vend.

Tema