Nisma e kryeministrit Berisha: Shqiperia, 1 €

[SaS]

deshtoi kjo nisem !!! sa per ato takimet e dime qe jane vetem propagande !!!

[ClaY_MorE]

Mbërrin investimi i parë me 1 euro


Pas më shumë se 1 viti e gjysmë nga shpallja e nismës del dhe projekti i parë

Më shumë se 1 vit e gjysmë pas lançimit të nismës së Kryeministrit Berisha, "Shqipëria 1 euro", qeveria po bëhet gati të miratojë projektin e parë të kësaj nisme. Kreu i qeverisë ka pritur në zyrën e tij presidentin e kompanisë "Al-Celik Vega sh.a.", i cili ka prezantuar projektin për ndërtimin e një uzine të madhe për përpunimin e metalit në Shqipëri, një investim ky që kap shifrën 50 milionë euro. Kryeministri e garantoi presidentin e "Al-Celik Vega sh.a." se ky investim do të gjejë mbështetjen e plotë të qeverisë shqiptare, duke përfituar nga të gjitha lehtësirat e premtuara e të parashikuara në reformat e qeverisë, përfshirë edhe nismën "Shqipëria 1 euro". Nëse ky projekt do të miratohet, atëherë ai do të mbahet mend si i pari i nismës "Shqipëria 1 euro". Kryeministri siguroi gjithashtu lehtësirat fiskale që parashikon ligji në lidhje me importin e makinerive dhe rimbursimin e TVSH-së. Në fund të takimit, Kryeministri Berisha përgëzoi iniciativën e kësaj kompanie shqiptare, e cila po e kurorëzon punën e saj disavjeçare në eksportin e hekurit me këtë investim të përpunimit (petëzimit) të hekurit në vend, duke dhënë kështu një dëshmi më tepër se biznesi shqiptar po maturohet gjithnjë e më shumë. Në fakt, qeveria shqiptare pati njoftuar se investimi i parë që do të përfitonte nga nisma "Shqipëria 1 euro" do të ishte termocentrali ekzistues i Fierit. Madje qeveria zhvilloi para disa muajsh edhe tenderin për këtë objekt, në të cilin pati vetëm një ofertë nga shoqëria greke, "Kolizopulos", e cila ofroi të prodhonte energji dhe t‘ia shiste atë KESH-it me një çmim prej 93 eurosh për megavat, ose gati 20 për qind më të lartë nga çmimet aktuale stratosferike të importit. Rezultati i tenderit ende nuk është bërë publik.

"Shqipëria 1 euro"

Pak kohë pasi Kryeministri Berisha kishte shpallur plot pompozitet nismën në fjalë, kureshtarë gazetarët nxituan të merrnin për këtë projekt edhe mendimin e ndërkombëtarëve. Istvan Szekely, ish-shefi i misionit të Fondit Monetar për Shqipërinë, pyetjes se çfarë mendonte për nismën "Shqipëria 1 euro" i dha një përgjigje sarkastike, në atë kohë ndoshta dhe enigmatike. "Djalli fshihet në detaje", tha Szekely. Dhe më pas shtoi: "Është një fjalë e urtë gjermane", Sot, më shumë se 1 vit më vonë, djalli vazhdon të qëndrojë në detaje dhe kjo çështje nuk dihet mirë se si shkon. Vetë të ngarkuarit e Kryeministrit për të drejtuar hartimin e modaliteteve të "Shqipëria 1 euro", deklarojnë se projekti po shkon në drejtimin e duhur, por veç kësaj, asgjë konkrete. Burime pranë Ministrisë së Ekonomisë, Tregtisë dhe Energjetikës, bëjnë të ditur se paketa "e përfunduar" nga qeveria shqiptare nuk gëzon një mbështetje veçanërisht optimiste nga vetë ministri. Qeveria nuk ka llogaritur një faturë financiare për këtë paketë, pasi të vetmet kosto që figurojnë të jenë marrë parasysh, janë ato të detyrimeve financiare të disa subjekteve, kryesisht fason, të cilave, sipas gjasave, nuk do t‘u ripërtërihet qiraja, pasi ambientet ku operojnë do të jepen sipas formulës 1 euro.


Gazeta Shqip

[Albo]

Kompania kanadeze “TriGranit” i prezanton Kryeministrit një projekt të madh në fushën e turizmit në Shqipëri

Kryeministri Berisha priti sot përfaqësues të kompanisë së madhe ndërkombëtare, kanadeze “TriGranit”, e cila operon në vende të ndryshme të botës në fushën e turizmit dhe komplekseve tregtare.



Interesin e saj për të investuar edhe në Shqipëri kjo kompani e ka shprehur një vit e gjysëm më parë, kohë gjatë së cilës kanë kryer studime konkrete në zonën turistike të Velipojës dhe Rrjollit.



Pas disa vizitash në Shqipëri, përfaqësuesit e kompanisë diskutuan sot me Kryeministrin Berisha variante të projektit që ata do t’i prezantojnë Kryeministrit gjatë vizitës së tij zyrtare në Budapest, ku “TriGranit” ka zyrën e saj të dytë qendrore (për Evropën), krahas zyrës që ka në Toronto.



Ky projekt madhor në fushën e turizmit, që do t’i prezantohet Kryeministrit në mars, mendohet të arrijë shifrën e disa qindra milionë euro.



Ky investim do të konsistojë në një kompleks gjigand brenda së cilit do të përfshihen jo vetëm vepra turistike- të tipit hotele, restorante, bare etj., por edhe vepra të zhvillimit urban, spitale, kënde sportive etj., konceptuar si një qytezë e vogël.



Kryeministri Berisha i falenderoi përfaqësuesit e “TriGranit” për këtë investim dhe i siguroi për mbështetjen e qeverisë qëndrore dhe asaj vendore, për fillimin sa më parë të implementimit të projektit dhe finalizimit të tij me sukses.

Kryeministria
13/02/2008

[Albo]

Kryeministri Berisha njihet me projektin e kompanisë zvicerane Stadler

Kryeministri Berisha priti në një takim përfaqësues të kompanisë zvicerane Stadler. Kryeministri u njoh me projektin pilot të kesaj kompanie për marrjen me konçension të segmentit hekurudhor Tiranë-Durrës, me zgjatim në aeroportin “Nënë Tereza”, portin e Durrësit dhe në Golem.

Projekti përfshin rikonstruksionin e segmentit hekurudhor, vendosjen e trenave modernë dhe të shpejtë për transportin e pasagjerëve dhe mallrave si dhe menaxhimin e këtij segmenti.

Kompania Stadler ka vendosur të shtrijë aktivitetin e saj edhe në Shqipëri, nisur nga ndryshimet rrënjësore, të kryera në drejtim të krjimit të një klime shumë tërheqëse për investime dhe me shkallë të lartë sigurie.

Kryeministri i falenderoi përfaqësuesit e Kompanisë Stadler për vendimin për të investuar në Shqipëri dhe u garantoi mbështetje pa rezerva për implementimin e këtij projekti konform ligjeve dhe rregullave në fuqi. Kryeministri Berisha premtoi transparencë dhe profesionalizëm në vlerësimin e ofertave konçensionare.

“Stadler” është një kompani lider në botë për prodhimin e trenave modernë , të të gjitha llojeve dhe për të gjitha sistemet e hekurudhave.


Kryeministria

[Albo]

Kryeministri Berisha njihet me të tjera projekte të huaja për investime në Shqipëri

Investimet e huaja, në fushën e energjetikës, industrisë dhe atë të turizmit në Shqipëri, kanë qenë kryefjala e disa takimeve që kryeministri Berisha ka pasur sot në zyrën e tij, me përfaqësues të kompanive të mëdha të huaja, të cilët kanë shprehur admirimin e tyre për sitatën politike e ekonomike në Shqipëri.

Azia Ambiente Italia S.p.a (i cili bashkëpunon dhe me partner shqiptar Azia Albania Sh.p.k), që si aktivitet të sajin ka zhvillimin, projektimin, ndërtimin e menaxhimin e impianteve të prodhimit të energjisë elektrike nga burime të rinovueshme, ka prezantuar tek Kryeministri Berisha projektin për ndërtimin e një impianti ere në zonën e Lezhës.

Interes për investime në fushën e energjisë i kanë shprehur sot Kryeministrit Berisha edhe përfaqësuesit e kompanisë CPL Concordia, një grup kooperativësh ky, multifunksional shërbimesh në fushën e energjisë ngrohëse, në atë të gazit e të shpërndarjes së ujit.

Po sot, Kryeministri Berisha është takuar dhe me përfaqësues të grupit financiar koreano- amerikan “Texew Enterprises Inc”. Ata prezantuan në këtë takim projekt idenë për investime në linjë ajrore, turizëm e në krijimin e një parku industrial në të cilin kompanitë koreane të vendosin aktivitetin e tyre në produktet elektronike, në tekstile, infrastrukturë etj.

Kryeministria
14/02/2008

[vagabondo_nyc]

Kryeministri Berisha në takimin me përfaqësues të IBM: Shqipëria është vend shumë i vogël por që ofron mundësi shumë të mëdha

Kryeministri Berisha ka takuar sot në zyrën e tij pranë Këshillit të Ministrave përfaqësues të Kompanisë IBM. Z. T.Bryan Barton dhe Norbert Konwenhover i kanë prezantuar Kryeministrit interesin e kompanisë në lidhje me I –government, si një kompani që merret jo vetëm me prodhimin e kompjuterëve, por edhe me një sërë shërbimesh me sistem të integruar.

Projekti i tyre shumë i suksesshëm në Austri, konsiderohet prej tyre, si një shembull i mirë edhe për Shqipërinë.

Propozimi i tyre lidhet me regjistrin zgjedhor, me kartat e identitetit, pasaportat, kartën e shëndetit, shërbimet elektronike për taksat, marrjen e informacioneve të ndryshme, për lidhjet e qeverisë me bizneset apo dhe me individë të ndryshëm, etj.

Kryeministri, pasi shprehu vlerësimin e tij për projektet e prezantuata nga IBM, i ftoi përfaqësuesit të marrin pjesë në konkurimet që po hap qeveria në lidhje me shërbimet e përfshira në këtë projekt.

Kryeministri prezantoi gjithashtu hapat e bërë deri më tani në digjitalizimin e një sërë shërbimesh në Shqipëri. Ai theksoi gjithashtu se për nga rëndësia që i është dhënë këtij procesi, nga Agjencia Kombëtare e Shoqërisë së Informacionit, e cila sapo është ngritur, synohet koordinimi dhe drejtimi me eficencë i këtij procesi. Kontributi i një kompanie të tillë, siç është IBM, në ndërtimin dhe aplikimin e një sistemi të integruar shërbimesh digitale, ka theksuar më tej Kryeministri, është i mirëpritur dhe i vlerësuar.

Në fund të takimit, Kryeministri Berisha, duke u shprehur se Shqipëria është vërtet një vend i vogël, por që ofron mundësi shumë të mëdha, i ka garantuar përfaqësuesit e kësaj kompanie se ligjet e reja të prokurimit të Partneritetit Publik e Privat dhe ligjet e tjera që po përgatiten, do të bëjnë vlerësimin e projekteve mbi bazën e vlerave që ato ofrojnë në këtë drejtim.

Keshilli i Ministrave

Tenderi 2.2 miliarde. Amerikanet u zhgenjyem. Ministria: Shpifje e mafies

( 04/03/08) Gerti Xhaja



Kriteret, si u përjashtua kompania amerikane ‘IBM’

Në nëntor të vitit të kaluar, Kryeministri Berisha zhvilloi një takim me përfaqësues të Kompanisë IBM, Z. T.Bryan Barton dhe Norbert Konëenhoverm, të cilët kanë prezantuar interesin e kësaj kompanie të madhe për shumë projekte dhe ndër të tjera, atë të realizimit të kartave të identitetit, pasaportat dixhitale etj. Berisha në këtë takim, i ka ftuar përfaqësuesit e IBM-së që të marrin pjesë në konkurrimet që po hap qeveria në lidhje me shërbimet e përfshira në këtë projekt. Por përfaqësuesi polak i IBM-së, Rafal Czubik, në një deklaratë është shprehur se qeveria shqiptare e ka përjashtuar këtë kompani nga konkurrimi. “Dokumentacioni për tenderin në Shqipëri nuk ishte i lehtë dhe një analizë e plotë e kërkesave, kërkoi shumë kohë. Qeveria shqiptare kishte punuar për muaj të tërë për këtë gjë. Kështu që kur u shpërndanë ndryshimet e fundit të kërkesave, gjë që ndodhi në fund të janarit, ku mungonte zgjatja e afatit, bëri që IBM-ja të mos ishte gati për të përgatitur një propozim të mirë.

Ambasada e SHBA: Zhgënjim për eliminimin e kompanive tona

Ambasada Amerikane shpreh zhgënjimin e saj për ndryshimet e vona teknike në tenderin e përzgjedhjes së firmës fituese që do të merrte ekskluzivitetin e prodhimit të kartave të identitetit të shqiptarëve. “Nuk është e qartë që amerikanët u eliminuan. Kuptojmë që disa oferta janë nga konsortiume që mund ose mund të mos përfshijnë kompani amerikane”, - thuhet në një reagim të Ambasadës Amerikane. Megjithatë, thuhet në këtë reagim, jemi të zhgënjyer nga ndryshimet e vona teknike në tender dhe nga dështimi për të trajtuar pyetjet ligjore dhe financiare të ngritura nga kompanitë e interesuara. “Besojmë që kjo mund të ketë shkurajuar pjesëmarrjen e mbi 50 kompanive amerikane dhe ndërkombëtare që kanë qenë fillimisht të interesuara në këtë tender”, - shprehet Ambasada Amerikane. Çështja e kartave të identitetit është kthyer në një çështje të shumëdebatuar mes palëve politike në Shqipëri, qeverisë dhe opozitës. Ndërkohë, në një njoftim zyrtar për mediat, ministria Brendshme hodhi poshtë pretendimet e ambasadës. “Ministria e Brendshme përgënjeshtron shpifjet që shpërndajnë zëdhënësit e mafias për gjoja mospjesëmarrje të kompanive të njohura amerikane në tenderin për kartat e identitetit dhe pasaportat biometrike. Midis 18 kompanive pjesëmarrëse në tender, janë edhe disa nga kompanitë më të njohura amerikane, përfshirë edhe Fondin Shqiptaro-Amerikan për Ndërmarrjet. Ministria e Brendshme siguron opinionin publik se nuk do të lejojë njollosjen e këtij procesi nga interesa të errëta ekonomiko-mediatike”, thuhet në njoftimin e MB-së.


Gazeta Shqiptare

[Brari]

IBM eshte nje Legjende.. eshte vet simboli i Amerikanizmit.. dhe mire eshte te fuse kembet ne Shqiperi..

Nuk e di si eshte puna me qeverine eme IBM-ne.. por.. pa IBM ska zhvillim teknologjik asnje deg e industrise boterore e cdo vendi..

eshte i biri i plakut watson ala ne krye te kesaj gjigandeje apo..
??

[Albo]

Kryeministri Berisha pret përfaqësuesit e grupit austriak “Strabag”

Kryeministri Berisha priti në një takim Grupin austriak “Strabag”, i kryesuar nga anëtari i bordit drejtues, zoti Herbert Krutina. Strabag ka blerë 51 % të aksioneve të kompanisë shqiptare “Trema Engineering”.
Në bisedë me Kryeministrin,përfaqësuesit e Grupit “Strabag” thanë se eksperienca dy vjeçare në Shqipëri në fushën e infrasturukturës ka qenë nxitëse për të marrë vendimin e vendosjes përfundimtare në Shqipëri.
Ata deklaruan se Shqipëria është e sigurtë dhe përben tashmë një vend me mundësi shumë të medha për investimet e tyre.
Kryeministri Berisha e përgëzoi Grupin austriak “Strabag” për vendimin e marrë për t’u bërë partnere me një kompani shqiptare dhe theksoi edhe njëherë faktin se Shqipëria është shëndërruar tashmë në një treg shumë të madh në fushën e infrastrukturës.
Grupi austriak “Strabag” është prezent në Shqipëri në një sërë projektesh për ndërtimin e rrugëve, hidrocentraleve dhe porteve.


Kryeministria
23/04/2008

[flory80]

Përse i pret kryeministri këto kompani ai nuk mer vesh nga biznesi. Me sa di unë ai është doktor nga profesioni!
Përse nuk lë seksionet e biznesit në ministrinë e ekonomisë të meren me këtë punë?
Apo shkojnë paraqiten ata tek zoti kryeministër i japin një Euro edhe ikin, se deri më sot nuk di të jetë hapur ndonjë biznes konkret.
Shumë u trumpetua kjo lëvizja Shqipëria 1 Euro, por shpejt u venit dhe spo e përmend më zoti Kryeministër. Çfar projekti ka tani se kështu e ka ai me hënë

[DYDRINAS]

Rama nuk ka asnje ide me te mire se sa ajo e Berishes dhe PD.

Rama me sipërmarrësit italianë: Kapanone ose baza ushtarake me qera 1 euro.

http://www.gazetatema.net/web/2014/01/31/rama-me-sipermarresit-italiane-kapanone-ose-baza-ushtarake-me-qera-1-euro/

Personalisht i uroj shume suksese nese do te arrije qe ta jetesoje kete nisme shume te vlefshme qe per fat te keq u la ne mes.