Nisma e kryeministrit Berisha: Shqiperia, 1 €

[Albo]

Kryeministri Berisha takon presidentin e Aour Group

Kryeministri Berisha ka pritur sot, në zyrën e tij pranë këshillit të Ministrave, kryetarin i bordit dhe presidentin e kompanisë Aour Group.

Dr. Andre Aour i ka prezantuar kryeministrit Berisha një projekt për investime në sektorin e telekomunikacioneve në WiMAX. Ai gjithashtu ka shprehur interes për ecurinë e sektorin e agro-industrisë në Shqipëri, për të parë më pas mundësitë e ndonjë investimi në këtë sektor.

Kryeministri Berisha i ka shprehur presidentit të Aour Group, gadishmërinë për të mbështetur këto investime, duke theksuar më pas se së shpejti qeveria do të miratojë hapjen e mëtejeshme në tregun e telekomunikacionit dhe krijimin e mundësive të reja për investime në këtë lloj teknologjie. Njëkohësisht, kryeministri i inkurajoi investitorët për të shqyrtuar mundësitë në sektorin e agro- industisë, si një sektor me potenciale të konsiderueshme dhe ku Shqipëria ka një avantazh të rëndësishëm, krahasues në treg.

Kryeministria

[Albo]

Fjala e Kryeministrit Berisha në konferencën ekonomike shqiptaro - gjermane, me temë

“Shqipëria, me perspektivë për të ardhmen"

“Së pari, dua t’ju falënderoj me shumë mirënjohje për vendimin që keni marrë për të qenë të pranishëm në këtë konferencë.

Kjo konferencë përbën një ngjarje të madhe në jetën ekonomike të vendit, përbën një ngjarje të madhe në javët e 20 vjetorit të vendosjes së marrëdhënieve diplomatike midis dy vendeve tona mike. Ardhja juaj këtu është një mesazh i shkëlqyer për biznesin, por është një mesazh i shkëlqyer për gjithë shqiptarët. Javën e kaluar unë isha në Londër dhe në shtypin britanik lexoj, në gazetën “Observer”, se Shqipëria renditej një nga 20 vendet më të përshtatshme në botë për investime. U gëzova shumë dhe pavarësisht se është apo jo kjo shifër tepër e saktë, unë u zotova se Shqipëria do të jetë një vend i tillë, edhe nëse ende nuk është. Fakti që ka një prani kaq të madhe të biznesit gjerman sot në këtë sallë, pas lajmit në “Observer”, përbën një dëshmi tjetër të madhe të ardhjes së Shqipërisë në fokusin e biznesit gjerman dhe atij ndërkombëtar.

Unë dua t’ju siguroj se shndërrimi i këtij vendi në vendin më tërheqës për investimet e huaja është dhe mbetet objektivi ynë më madhor, por edhe më i vështirë. Dy vjet më parë kur ne e shpallëm këtë si objektiv, në të vërtetë ishte jo lehtësisht i besueshëm për ata që e dëgjonin dhe realisht i vështirë për t’u realizuar.

Më lejoni t’ju bëj një bilanc të arritjeve në këto dy vite, t’ju njoh me ndryshimet të cilat kanë ndodhur në këto dy vite në Shqipëri, ndryshime që ndoshta e kanë renditur atë në një ndër 20 vendet më tërheqëse, ose në një nga vendet që ecën me shpejtësi drejt tërheqjes së investimeve të huaja.

Dy vjet më parë Shqipëria ka pasur një nga shkallët më të larta të krimit të organizuar dhe të korrupsionit. Këta ishin dy faktorë që bënin që niveli i investimeve të huaja të ishte ndër më të ulëtit, dy pengesa këto ndër më seriozet. Qeveria që unë kryesoj u angazhua në një luftë me zero tolerancë ndaj krimit të organizuar. Në dy vite janë çmontuar dhe janë vendosur para ligjit mbi 204 grupe dhe organizata kriminale, janë ndaluar dhe vendosur para gjykatësit 850 anëtarë të këtyre grupeve dhe organizatave dhe drejtues të tyre. Ata janë ndjekur dhe gjetur kudo ku janë ndodhur, në hotelet me 5 yje të metropoleve evropiane apo në shpellat e Alpeve shqiptare. Nuk ka dhe nuk do të ketë paqe në Shqipëri për krimin e organizuar. Sot unë ju siguroj se Shqipëria është nga vendet më të sigurta në Evropë dhe do te mbetet e tillë.

Dy vite me radhë ne kemi pasur një rritje shumë të madhe të turizmit. Numri i turistëve, nga viti 2005 në vitin 2007, është rritur në 70 për qind. Vëmendja jonë absolute ka qenë në jetën dhe sigurinë e tyre. Mund t’ju them se në regjistrat e policisë shqiptare nuk ka të regjistruar asnjë rast incidenti sado të vogël me ndonjë turist që vizitoi Shqipërinë.

Dy vite më parë, në Shqipëri zotëronte sistemi i korrupsionit. Beteja kundër korrupsionit është një betejë jetike për të ardhmen e demokracisë dhe të kombit. Asgjë nuk gllabëron dhe nuk rrënon liritë e qytetarëve më shumë se korrupsioni. Ndaj edhe ne u angazhuam në një betejë shumë të vendosur, shndërruam në prioritet të parë në çdo veprim tonin luftën kundër korrupsionit, shkurtuam administratën, 20 portofole më pak, 30 për qind punonjës më pak, vendosëm rregulla strikte me paratë tona, në mënyrë që paratë publike të mos përdoren për qëllime private dhe personale. Kjo lejoni që të shkurtohen me 40 për qind shpenzimet operative të administratës që vitin e parë dhe të bëhet vetëm rritje për inflacionin 2.6 për qind vitin e dytë.

Ne nxorëm administratën jashtë konfliktit të interesit, vendosëm një ligj me të cilin ne mbrojmë njësoj, si dëshmitarin e krimeve të rënda, ashtu edhe informatorët e korrupsionit, si dhe, ata shpërblehen me 6 për qind të vlerës që sjell denoncimi i tyre. Zhvlerësuam procedurat, nga shumë të kushtueshme i shndërruam ato në 1 euro. Po privatizojmë shërbimet, po dixhitalizojmë procedurat.

Cili është rezultati i kësaj beteje kundër këtij kanceri?:

Në dy vjet, duke realizuar uljen më drastike të taksave, ne kemi rritur të ardhurat në buxhetin tonë nga 22 në 27 për qind. Ne parashikojmë të investojmë këtë vit në buxhetin tonë, në investime publike aq sa janë investuar në 4 vite, para ardhjes së kësaj qeverie në pushtet.

Janë ndryshuar ligjet, ai i prokurimeve publike, i partneritetit publik privat, si dhe një seri procedurash të tjera.

Kemi ndërmarrë një betejë shumë të ashpër kundër informalitetit, të bindur se ekonomia informale e Shqipërisë nuk ka të ardhme. Mund t’ju them se fundi i këtij viti sjell informalitetin në nivele tërësisht të pranueshme. Nuk mund të them se do të ketë zero informalitet, por ai do të jetë në nivele shumë të ulëta.

Për ta shndërruar Shqipërinë në vendin më tërheqës për investimet e huaja, ne përcaktuam 2 objektiva, të ishim vendi me barrën fiskale më të ulët në Evropë dhe vendi me koston më të ulët të prodhimit në Evropë.

Ne i kemi përmbushur objektivat tona. Kemi ulur 31 për qind kontributin e sigurimeve shoqërore, kemi ulur 130 për qind taksën mbi të ardhurat personale, në 1 janar 150 për qind tatimi mbi fitimin dhe instalohet taksa e sheshtë. Ne kemi ulur me 33 për qind çmimin e energjisë elektrike për biznesin. Ne jemi kujdesur shumë të lehtësojmë barrën burokratike për biznesmenët .

Dy vjet më parë koha e regjistrimit të një biznesi ishte 42 ditë, ndërsa sot koha e regjistrimit është një orë në një sportel “one stop shop” Ne do të fillojmë menjëherë punën për krijimin “one stop shop” për licencat dhe lejet, të cilat edhe në statusin aktual janë të normave dhe standardeve evropiane.

Ne ndërmorëm iniciativën “një euro”. Janë jo të pakta kompanitë e mëdha të cilat kanë marrë, mbi bazën e kësaj iniciative, sipërfaqe të tëra toke për qëllime industriale me një euro, kanë marrë objekte me një euro, që regjistrojnë biznesin me një euro, si dhe shumë e shumë tarifa të tjera me një euro.

Në dy muajt e fundit, për të lehtësuar veprimtarinë e biznesit, ne kemi realizuar 3 projekte të mëdha, “One stop Shop”, taksën on- line dhe prokurimet elektronike. Unë jam i vetëdijshëm se sërish duhet bërë punë e madhe për konsolidimin e të gjitha këtyre reformave . Por një gjë e sigurtë, Shqipëria është një histori suksesi dhe këtë e dëshmon prania e përditshme e kompanive më të mëdha të Europës në të gjitha fushat në Shqipëri. Gjatë këtij viti, vetëm në fushën e naftës kanë hyrë 3 kompani të reja dhe një tjetër kompani e katërt është një kompani gjermane që është në tratativa shumë të mira me Alpetrolin. Gjatë muajve të fundit, dy bankat më të mëdha të Europës, San Paolo IMI dhe “Societe Generale”, janë instaluar në Shqipëri, disa kompani sigurisht gjithashtu, ndërkohë që të tjera kompani të tjera të mëdha do të vijnë. Kompani të mëdha të çimentos në Mesdhe kanë bërë projekte dhe do të investojnë në Shqipëri. Shqipëria është vend malor me lartë mesatare më të madhe në Euroë. Alpet e Shqipërisë nuk janë dolomit, por janë minerale të çmuara, krom, hekur, nikel, bakër, polimetale, etj. Ndaj, nga të katër anët nga Kanadaja, Australia, Evropa, kompani të mëdha të minierave janë vendosur në Shqipëri, ose po studiojnë mundësinë për të investuar këtu.

Sektori i energjisë është një nga sektorët më të rëndësishëm. Është e vërtetë që ne përballemi me vështirësi në fushën e energjisë. Por më lejoni t’ju them se edhe këtë të vit të vështirësisë, konsumi i energjisë nga biznesi është rritur me 12.6 për qind, sepse ne kemi bërë çdo përpjekje që biznesit të mos i mungojë energjia .

Në të gjitha këto përpjekje për të realizuar këtë mjedis të përshtatshëm për biznesin, një ndihmë jashtëzakonisht të çmuar kanë dhënë qeveria dhe taksapaguesit gjermanë. Unë gjej rastin këtu t’u shpreh mirënjohjen më të thellë atyre. Qeveria e Republikës Federale Gjermane ka nxjerrë Shqipërinë në krye të të gjitha vendeve për ndihmën ekonomike për frymë. Gjatë këtyre viteve janë 700 milionë euro të dhëna këtij vendi, të cilat përfshijnë të gjitha fushat pa përjashtim të jetës së shqiptarëve, infrastruktura në radhë të parë, uji i pijshëm, energjia, arsimi, shëndetësia, policia, ushtria, pra të gjitha fushat. Kam kënaqësi se zhvillimet tregojnë se kjo ndihmë, që përbën edhe pjesën thelbësore të background-it të rezultateve me të cilat unë ju njoha këtu, ka qenë shumë e dobishme.

Unë ju siguroj se ne po ndërmarrim investime shumë të mëdha në infrastrukturë për të lehtësuar investimet tuaja në Shqipëri. Ekonomia shqiptare sot është një ekonomi e vogël, entuziaste dhe dinamike. Nuk ka një tregues të saj një shifror, përveç inflacionit dhe deficitit buxhetor. Eksportet janë rritur këtë vit me 28 për qind këtë vit, krahasuar me vitin e kaluar, krediti për ekonominë pothuajse po dyfishohet dhe ky kredit në 70 për qind i adresohet biznesit. Depozitat bankare janë rritur me 25 për qind, indeksi i shitjes ka një rritje me 20 për qind. Pra, në tërësi treguesit janë shumë optimistë.


Të nderuar miq,

Së fundi, mund t’ju them se në Shqipëri ka një kuadër ligjor të përshtatshëm, ka resurse ë mëdha natyrore, njerëzore, ka një pozicion të shkëlqyer gjeografik. Në çdo rast, në Shqipëri keni një mik, jo vetëm tek qytetari i thjeshtë, por tek qeveria shqiptare që është e vendosur të mbështesë ju në çdo hap të përpjekjeve dhe të projekteve tuaja, t’ju shërbejë ju për suksesin tuaj.



Faleminderit!”


23/10/2007
Kryeministria

[Albo]

Kryeministri Berisha në takimin me përfaqësues të IBM: Shqipëria është vend shumë i vogël por që ofron mundësi shumë të mëdha

Kryeministri Berisha ka takuar sot në zyrën e tij pranë Këshillit të Ministrave përfaqësues të Kompanisë IBM. Z. T.Bryan Barton dhe Norbert Konwenhover i kanë prezantuar Kryeministrit interesin e kompanisë në lidhje me I –government, si një kompani që merret jo vetëm me prodhimin e kompjuterëve, por edhe me një sërë shërbimesh me sistem të integruar.

Projekti i tyre shumë i suksesshëm në Austri, konsiderohet prej tyre, si një shembull i mirë edhe për Shqipërinë.

Propozimi i tyre lidhet me regjistrin zgjedhor, me kartat e identitetit, pasaportat, kartën e shëndetit, shërbimet elektronike për taksat, marrjen e informacioneve të ndryshme, për lidhjet e qeverisë me bizneset apo dhe me individë të ndryshëm, etj.

Kryeministri, pasi shprehu vlerësimin e tij për projektet e prezantuata nga IBM, i ftoi përfaqësuesit të marrin pjesë në konkurimet që po hap qeveria në lidhje me shërbimet e përfshira në këtë projekt.

Kryeministri prezantoi gjithashtu hapat e bërë deri më tani në digjitalizimin e një sërë shërbimesh në Shqipëri. Ai theksoi gjithashtu se për nga rëndësia që i është dhënë këtij procesi, nga Agjencia Kombëtare e Shoqërisë së Informacionit, e cila sapo është ngritur, synohet koordinimi dhe drejtimi me eficencë i këtij procesi. Kontributi i një kompanie të tillë, siç është IBM, në ndërtimin dhe aplikimin e një sistemi të integruar shërbimesh digitale, ka theksuar më tej Kryeministri, është i mirëpritur dhe i vlerësuar.

Në fund të takimit, Kryeministri Berisha, duke u shprehur se Shqipëria është vërtet një vend i vogël, por që ofron mundësi shumë të mëdha, i ka garantuar përfaqësuesit e kësaj kompanie se ligjet e reja të prokurimit të Partneritetit Publik e Privat dhe ligjet e tjera që po përgatiten, do të bëjnë vlerësimin e projekteve mbi bazën e vlerave që ato ofrojnë në këtë drejtim.

Keshilli i Ministrave

[Albo]

Kryeministri Berisha njihet me projektin e një grupi biznesmenësh dhe ambjetalistësh vlonjatë për Parkun Industrial në Vlorë

Kryeministri Berisha priti në zyrën e tij një grup biznesmenësh dhe ambietalistësh nga Vlora, të cilët, në emër të Konsorciumit për Parkun Industrial në Vlorë, paraqitën projektin e tyre për këtë zhvillim.

Ata falënderuan Kryeministrin për iniciativën e qeverisë për shndërrimin e Parkut energjetik të Vlorës në zonë industriale të saj. Kjo i dha shkas zhvillimit prej tyre të këtij projekti të paraqitur. Ky projekt konsiston në zhvillimin e sipërfaqes në fjalë në një zonë zhvillimi, Park Industrial, që do t’i përkasë komunitetit lokal dhe do të zhvillohet prej tij. Kjo zonë industriale do të bashkojë frymën sipërmarrëse të biznesit privat me dëshirën e qytetarëve të Vlorës për të pasur një ambient natyror sa më miqësor. Kjo zonë industriale do të ketë në bazë të saj punësimin e sa më shumë qytetarëve vlonjate nga bizneset vendase dhe të huaja, përqasjen vetëm të bizneseve miqësor me mjedisin, promovimin e teknologjive të reja dhe sigurimin e energjisë me burime alternative. Ky Park Industrial do të jetë një tjetër shembull i zbatimit të iniciativës së qeverisë “Shqipëria një euro”.

Kryeministri Berisha, pasi përshëndeti këtë iniciativë interesante të biznesit dhe ambientalistëve vlonjate, i siguroi ata se qeveria do të mbështesë dhe nxisë zhvillimin dhe zbatimin e këtij projekti në mënyrë sa më të favorshme për të gjithë komunitetin e Vlorës. Ai premtoi mbështetje për zhvillimin e infrastrukturës së këtij parku, si dhe përshpejtim dhe asistencë për të gjitha procedurat e domosdoshme. Ai tha gjithashtu se qeveria do ta mbështesë me përparësi këtë projekt propozim të parë që aq më tepër promovohet dhe zhvillohet në zonën e Vlorës nga vet qytetarë vlonjate.

Kryeministri nxiti iniciatorët e Konsorciumit që të fillojnë menjëherë procedurat për zbatimin e projektit, duke premtuar përshtatjen e ligjeve dhe rregulloreve aty ku të jetë e nevojshme. Gjithashtu, Kryeministri premtoi trajtim me avantazh të problemeve që do të lindin gjatë zbatimit të projektit. Për këtë qëllim, vijoi Kryeministri, qeveria ka parashikuar edhe fond në buxhetin e shtetit.

Gjithashtu, Kryeministri i siguroi ata se, për të lehtësuar dhe mbështetur punën e këtij projekti të madh, qeveria do t’i ndihmojë ata dhe me konsulencë të huaj. Ai u sugjeroi bashkëpunim të ngushtë edhe me pushtetin vendor dhe gjithë grupet e interesit dhe strukturat mbështetëse.

07/11/2007

Kryeministria

[Albo]

Kryeministri Berisha njihet me projektet e Holiday Inn për të investuar në Shqipëri

Kryeministri Berisha priti në zyrën e tij përfaqësuesit e kompanisë së njohur hoteliere Holiday Inn. Investitorët paraqitën projektin për ndërtimin e një hoteli përgjatë rrugës së Aeroportit “Nënë Tereza” në Rinas.

Përfaqësuesit e Holiday Inn informuan Kryeministrin se kanë nisur procedurën për depozitimin e projektit në KRRTRSH.

Kryeministri Berisha siguroi investitorët se projekti i tyre do të shqyrtohet në mbledhjen më të afërt të KRRTRSH-së.

Kompania Holiday Inn po projekton të zgjerojë aktivitetin në Shqipëri me një rrjet hotelesh InterContinentale

Kryeministria

[Albo]

Kryeministri Berisha njihet me planin e investimeve që banka gjermane “Deutch Bank” kërkon të realizojë në Shqipëri


Kryeministri Berisha priti sot përfaqësuesit e bankës gjermane “Deutch Bank” dhe grupit financiar të saj. Drejtori i tregjeve globale, Francesko Caputo Nassetti, prezantoi tek Kryeministri projektin për blerjen e bonove të thesarit me afat maturimi 10 –vjeçar.

Ndërkohë, “Deutch Bank” nisur nga eksperienca e investimit në hidrocentralin e Kalivaçit, ka bërë një plan të gjërë investimesh në Shqipëri.

Krahas projektit për të investuar në kaskadën e Vjosës, “Deutch Bank” i paraqiti Kryeministrit edhe planin e investimeve në portin e Durrësit. Në projektin e “Deutch Bank” përfshihet zgjerimi dhe përmirësimi i kapaciteteve të këtij porti.

Ndërkaq një tjetër sektor me interes për “Deutch Bank” është dhe sektori i minierave të shfrytëzimit të kromit, bakrit dhe hekur nikelit.

Planet e “Deutch Bank” në energjetikë zgjerohen me prezantimin e një projekti për përdorimin e erës si burim energjie.

“Deutch Bank” u interesua edhe për projekte të përpunimit të mbetjeve të ngurta për përftimin më pas të energjisë.

“Deutch Bank” së bashku me kompaninë italiane “Valtour” ka paraqitur edhe një projekt për ndërtimin e një fshati turistik në bregdetin jugor të vendit.

Kryeministri Berisha, pasi u njoh me planin e investimeve të “Deutch Bank”, siguroi përfaqësuesit e saj se administrata e tij është e gatshme dhe e përgatitur për të mbështetur projektet e propozuara prej tyre. Zoti Berisha iu shpjegoi ecurinë e reformave ekonomike të ndërmarra dhe atyre në proces, duke i garantuar se qeveria e tij është partner në suksesin e zbatimit të projekteve të tyre.

Kryeministria
18/12/2007

[BlackEagle]

Me duket se kjo nisma e Njëshit, ka ngelur vetem ne leter, apo, do te hyj në përrallë, se, nuk kam degjuar qe ndonje shoqeri e huaj, te kete levizur nga vendi si pasoj i joshjes se sajë.
Dhe pse tek-tuk, ndonje interesim per Info mund te ketë patur.
Mese e kuptueshme do te thosha, te jesh i mire informuar, nuk te demton, perveç se te ndihmon.

Per mendimin tim, Shqiperia ka nevoje per te tjera gjera, dhe jo per nisma Njëshash.

Dhe falas po te jete, ç'farëdolloj gjëje, nese nuk eshte e sigurte, askush, perveç shqiptareve qe mendojne: " qelepir - falas- është " nuk do te rrezikonte ta mirrte.

[Albo]

Kryeministri Berisha pret një grup financuesish, anëtarë të EZRA Network

Kryeministri Berisha pati një takim sot me një grup financuesish, të përbërë nga disa kompani, anëtare të EZRA NETWORK,. Ky është një grup i madh financiar izraelit që ka financuar vepra disa miliardësh në mbarë botën. Qëllimi i këtij grupi, i kryesuar nga zoti Dr. Dieter Eichhorn, Drejtor Ekzekutiv i një prej kompanive të grupit, është financimi i një sërë veprash madhore të fushave të ndryshme. Ata i paraqitën Kryeministrit planet dhe garancitë për të financuar projekte në fushën e energjisë, infrastrukturës, pastrimit të ujit, mbështetje dhe zhvillim të bizneseve të vogla.

Gjithashtu, ata shprehën gatishmërinë për të hyrë si financues dhe në projekte të tjera të sugjeruara dhe që janë me prioritet për vendin.

Kryeministri Berisha, pasi i falënderoi për vendimin e marrë për të financuar projekte madhore në Shqipëri, bëri një ekspoze të përmbledhur të arritjeve dhe reformave në fushën ekonomike dhe të reformave në tërësi. Ai i informoi për projekte madhore në fushën e energjisë, projektet për hidrocentrale që po vlerësohen dhe po fillojnë të tenderohen, TEC-et, impiantet e erës, etj. Gjithashtu, Kryeministri theksoi se në planet e qeverisë përfshihen reforma për të mbështetur prodhimin e energjisë bërthamore dhe atë diellore. Krahas projekteve në fushën e energjisë që synojnë të diversifikojnë burimet e prodhimit të saj, një tjetër fushë prioritare me shumë interes për investitorët e huaj, është edhe turizmi. Po ashtu, prodhimi i çimentos, fusha minerare, si dhe projekte të shumta të rrugëve që po ndërtohen dhe që presin të financohen.

Presidenti i Grupit, Dr. Dieter Eichhorn, falënderoi Kryeministrin Berisha për sugjerimet e bëra në zgjerimin e gamës së projekteve që ata mund të financojnë dhe e siguroi se do të fillojnë punën për t’u koordinuar me investitorët në realizimin e investimeve në këto fusha.

Kryeministria
19/12/2007

[Albo]

Kryeministri Berisha pret përfaqësues të Grupit ETC International

Kryeministri Berisha priti sot përfaqësues të Grupit ETC International, grup hollandezo- belg i specializuar në ndërtim dhe menaxhim qendrash tregtare e financiare.

Interesi i këtij grupi për investime në Shqipëri ka nisur prej më se një viti dhe është shoqëruar me vizita të shpeshta në vendin tonë, prej të cilave ata kanë realizuar fizibilitete dhe kanë konkluduar tashmë për ndërtimin e një Qendre Tregtare e Financiare, përgjatë autostradës Tiranë – Durrës. Investimi i tyre përfshin edhe aktivizimin e një treni të shpejtë privat, nga Tirana në Durrës i cili do të ketë edhe një stacion në këtë qendër tregtare. Në një periudhë të dytë, ky grup ka projektuar ngritjen në Tiranë të një qendre të madhe financiare tregtare dhe një stadium.

Kryeministri Berisha i garantoi ata se projekti i tyre gjen mbështetjen totale të qeverisë së tij dhe do të asistohet nga instancat përkatëse, në përputhje me ligjet në fuqi.

Kryeministria
19/12/2007

[Fittox]

shqipria perpara me Berishen