Nisma e kryeministrit Berisha: Shqiperia, 1 €

[DYDRINAS]

Është nga gazeta juaj Albania more Qazim... edhe Ylli Rakipi po na del gënjeshtar së fundi??!!... kush ju mbeti "pa gënjyer" juve... vetëm krieministri??!!

Me vjen mire qe gjen kohe te merresh me shkrimet e mia dhe per kete te falenderoj se me nxit.

Humdinger,

Mua nuk me intereson asnje gazete, qofte dhe ajo Albania apo kushdo qofte ajo.
Mua me intereson nje Shqiperi (ketu kam parasyh gjithe kombin) qe ecen, qe nderton, qe pergatit breza te zot per t'u perballuar me konkurencen, qe nderton nje sistem te bazuar ne vlera e jo nje sistem qe bazohet ne antivlera, qe perparon, qe nxjerr politikane te pergjegjshem e qe duan dhe respektojne kombin e tyre etj etj.

Ti diskuton mbi baza partiake, ndersa mua nuk me lidh asgje me politiken atje.
Ti diskuton si zedhenes i interesave te dikujt (ndoshta dhe tuat), ndersa une nuk kam as dhe nje interes personal apo te dikujt tjeter.

Mirepo ne shkrime te ndryshme te gazetave, verej nje mugese te theksuar profesionalizmi, nje njohje te percipte te rregullave gazetareske etj.
Ai qe ka shkruar kete shkrim me duket si ato tipat e gazetave te para '90, qe trumbetonin tufezat apo arezat, misrin ne kubike apo bazat prodhuese te shkollave bujqesore etj.

Nuk ecet me mentalitetin se ku ka nje perrua apo nje vije uji, doemos duhet te behet nje HEC malor pasi problemet e energjise zgjidhen ndryshe.
Sot mund te ndertohen vepra te tilla por pas pak viteve do te ndertohen TEC, linja kabllore nenujore, gazesjellesa etj dhe tere ai investim i bere ne to do te shkoje dem (sepse tregu eshte rregullator).

Dhenja me koncension per vepra te medha si HEC Skavices qe kerkohet nga italianet ja vlen apo per vepra te tjera ne Vjose.

[Brari]

po kjo nisma tjater e berishes ckuptim ka..
i jep kanibalit edvin edhe nje krokodil ne dispozicion..
mendonim se kryemafiozi edvin duhej c'armatosur.. po ky po e armatos..

hajde sali hajde..

ja cthot gazeta aneks i ZP-se qe fliska shqip..

gazeta shqip:


--

Berisha i jep policinë ndërtimore bashkisë

Kryeministri i plotëson kërkesën Edi Ramës, por e përdor për të sulmuar opozitën


Policia ndërtimore do të kalojë në varësi të Bashkisë së Tiranës. Ky është vendimi më i fundit në mbledhjen e Këshillit të Ministrave, ku Kryeministri Berisha u është përgjigjur në këtë mënyrë kërkesave të kryetarit të bashkisë së kryeqytetit, Edi Rama. Ky i fundit, disa muaj më parë, i ka kërkuar qeverisë që policia ndërtimore të kalojë në kompetencë të qeverisjes vendore. Me vendimin e djeshëm, policia ndërtimore do të shndërrohet në Inspektorat Ndërtimi dhe do të vendoset nën drejtimin dhe autoritetin e pushtetit vendor. Me këtë vendim do të marrë fund gjithashtu edhe "lufta" e krijuar midis policisë ndërtimore dhe asaj bashkiake, sidomos pas shkatërrimit të mbikalimit të Zogut të Zi, i cili për muaj të tërë ishte "kryefjala" e këtij konflikti.

Decentralizimi

"Ligji parashikon thjesht një supervizim të kësaj veprimtarie nga një njësi e Ministrisë së Punëve Publike, ndërsa i gjithë zbatimi i ligjit dhe përzotësia ndaj zbatimit të tij dhe territorit i kalon qeverisjes vendore", tha shefi i qeverisë. Duke sulmuar edhe qeverinë "Nano", Kryeministri Berishës u shpreh se për tetë vjet, qeveritarët e mëparshëm e mbajtën policinë ndërtimore si "kamxhikun" e qeverisë dhe nuk e bënë një veprim të tillë për ta decentralizuar atë. Kreu i ekzekutivit ka deklaruar dje në mbledhje, e cila është zhvilluar jashtë radhës së mbledhjeve të zakonshme, "se është e pamundur që jashtë angazhimit të plotë ligjor dhe konkret të qeverisjes vendore, qeveria qendrore të mund të përmbushë detyrimin që ka për kontrollin e territorit". Sipas tij, "këtë mision e përmbushin shumë më mirë qeveritarët vendorë, të cilët, me ligj, janë përgjegjës për administrimin e territorit", tha ai. Berisha ka premtuar se do të zhvillohet gjithashtu edhe një dialog qeveri-pushtet vendor për funksionalitetin e policisë bashkiake. Në lidhje me një dialog për funksionimin e policisë bashkiake, kreu i qeverisë theksoi se në rast se bashkitë dhe komunat kanë nevojë që t‘u jepen kompetenca të tjera ligjore, sidomos tani në prag të decentralizimit me shpejtësi të pronave dhe ujësjellësit dhe në rast se ekziston nevoja për rishqyrtim të ligjit, qeveria e ka konsideruar tryezën e bashkëpunimit të hapur. "Konsolidimi i decentralizimit e ndihmon shumë vendin. Konsolidimi i qeverisjes vendore është edhe konsolidim i vetë shtetit ligjor dhe funksionimit të tij. Ndaj dhe e konsideroj shumë të rëndësishme", tha ai. Batutat e Kryeministrit gjatë mbledhjes së qeverisë ishin të shpeshta, si për kabinetin e tij, si për gazetarët, por edhe për ish-Shqipërinë e bunkerizuar. "Nuk do të lejojmë që të ndërtojnë bunkerë. Natyrisht ka mekanizma ligjore që nuk lejojnë rikthimin te praktika e bunkerizimit në vendin ish-bunker", tha ai. "Ligji nuk ka qenë një ligj fare i thjeshtë, sepse nuk mund të nisesh vetëm nga funksionet e policisë ndërtimore për të krijuar inspektoratin. Inspektorati i Ndërtimit është një koncept më i gjerë. Ndaj, le të rindërtojmë me këtë institucion, sikundër i kërkoj policisë ndërtimore të zbatojë me përpikmëri ligjin deri në zëvendësimin e saj me institucionin e ri dhe të jenë të sigurt se çdo vlerësim do të bëhet mbi bazën e punës që është bërë, qëndrimit të tyre ndaj ligjit", tha ai.




-------

[drity]

po kjo nisma tjater e berishes ckuptim ka..
i jep kanibalit edvin edhe nje krokodil ne dispozicion..
mendonim se kryemafiozi edvin duhej c'armatosur.. po ky po e armatos..

hajde sali hajde..

ja cthot gazeta aneks i ZP-se qe fliska shqip..

gazeta shqip:
--
Berisha i jep policinë ndërtimore bashkisë

kur PD te marre bashkine e Tiranes, kjo nisme do te kete shume kuptim.
Kriteret e decentralizimit plotesohen, dhe ndertimorja eshte prap larg duarve te PS.

Po ta kishte bere kete pasi PDja te merrte bashkine e Tiranes do ta akuzonin per centralizim. Me qene se e ben tani, nuk e akuzojne dot.

Mua me duket levizje e shkelqyer.

[vagabondo_nyc]

Shqipëria 1 euro, dështon nisma e qeverisë


Julian Llupo
16-01-2007


Kryeministri Sali Berisha



Investitorët e huaj nuk kanë preferuar që të investojnë në Shqipëri edhe për 2006, duke sjellë vetëm 250 milionë dollarë investime. Shifra e investimeve të huaja është e njëjta me atë të vitit 2000, nëse bëjmë korrektimet përkatëse në kursin e këmbimit dollar/lek. Në vitin 2000, sipas statistikave, investimet e huaja kanë qenë rreth 200 milionë dollarë. Edhe në krahasim me vitin 2004 dhe 2005, vlera e investimeve të huaja në 2006 është më e ulët. Në këtë krahasim nuk përfshihet rritja ekonomike, që është nja faktor që ndryshon madhësinë e treguesve ekonomikë. Nëse e krahasojmë me vitin 2004, investimet e huaja gjatë vitit 2006, janë rreth 100 milion dollarë më pak. Një nga privatizimet strategjike që parashikohej të realizohej brenda 2006-ës, ka dështuar. Nisma "Shqipëria 1 euro", ulja e kohës së regjistrimit të biznesit apo ulja e taksave. duket se kanë mbetur vetëm në letër. E njëjta analizë është e vlefshme edhe për sipërmarrjen vendëse, duke e konsideruar politikën vetëm një pengesë. Krizat e përvitshme energjetike e politike, duket se kanë zbehur çdo reformë fiskale. Gjatë këtij viti kemi dëgjuar shumë për investimet që do vërshonin drejt Shqipërisë, por po ndodh e kundërta. Edhe për vitin 2006, me gjithë vullnetin e mirë, asgjë nuk ka dalë në dritë. Nëse do të bënim një krahasim me dy vendet e bllokut, që tashmë janë bërë pjesë e BE-së, do të konstatoheshin diferenca tepër të mëdha, që nxjerrin në pah edhe problemet kritike, që bëjnë që klima e biznesit në vend, të jetë e pafavorshme dhe diskriminuese për investitorët. Sipas një raporti për investimet në botë i Konferencës për Tregti dhe Zhvillim të Organizatës së Kombeve të Bashkuara, në vitin 2005, në Evropën Juglindore më shumë investime të drejtpërdrejta të huaja, janë bërë në Rumani dhe Bullgari, përkatësisht 6,3 miliardë dhe 2,2 miliardë dollarë.
Investimet e Huaja

Vitet Vlerat

2006 250

2005260

2004 350

2002 200

Burime nga Agjencia Shqiptare për Investime dhe Biznes (Albinvest), bëjnë të ditur se niveli i investime edhe për këtë vit, pritet të jetë në rendin e 250 milionë dollarëve. Megjithëse, Ballkani po bëhet një nga rajonet më të preferuara për investitorët e huaj, gjatë viteve të fundit, në Shqipëri po vijnë vetëm një pjesë e vogël e investimeve. Specialistët thonë se kjo vjen për shkak të disa faktorëve, ku ndër më kryesorët përmenden niveli i lartë i korrupsionit, procedurat burokratike dhe paqëndrueshmëria e situatës politike në vend.

Investimet e huaja, të fundit edhe në rajon

Korrupsioni është faktori kryesor që mban larg Shqipërisë investitorët e huaja. Ky është thelbi i raportit të OECD, për vitin 2006. Në këtë raport, përfshihet një studim mbi indeksin e investimeve të huaja për Shqipërinë, Bosnjën dhe Hercegovinën, Bullgarinë, Kroacinë, Maqedoninë, Moldavinë, Malin e Zi, Rumaninë dhe Serbinë. Papunësia në vendet e rajonit, ku përfshihet edhe Shqipëria, nuk ka pësuar ulje dhe vërtitet në një mesatare që shkon në 20%. Prurjet më të mëdha të investimeve të huaja direkte në vendet e Ballkanit Perëndimor, vijnë si rezultat i privatizimeve, ndërsa vetëm një pjesë e vogël e tyre vjen në forma të tjera. Të dhënat e bëra publike nga ky raport, bien në kundërshtim me deklaratat publike të bërë herë pas here nga qeveria, ku theksohet se kemi një rritje të investimeve të huaja dhe reduktim të papunësisë. Madje në raport, theksohet se në drejtim të luftës ndaj korrupsionit, Shqipëria zë vendin e fundit, ndërsa në nivelin e investimeve të huaja, renditemi para Moldavisë dhe Maqedonisë. Shqipëria vazhdon të renditet si një nga vendet më nivelin më ta lartë të korrupsionit në rajon.

Rumania dhe Bullgaria, kampionë në IHD

Rumania dhe Bullgaria, janë shtetet me më shumë investime të huaja. Këtë e tregon raporti për investimet në botë i Konferencës për Tregti dhe Zhvillim të Organizatës së Kombeve të Bashkuara. Në vitin 2005, në Evropën Juglindore më shumë investime të drejtpërdrejta të huaja janë bërë në Rumani dhe Bullgari, përkatësisht 6,3 miliardë dhe 2,2 miliardë dollarë. Përgjithësisht në rajon janë investuar më se 12,4 miliardë dollarë. Pas Rumanisë dhe Bullgarisë, sipas investimeve të huaja, renditen Kroacia me 1,69 miliardë dollarë, Serbia dhe Mali i Zi, me 1,48 miliardë dollarë, Bosnja dhe Hercegovina me pothuaj 300 milionë dhe Shqipëria me 260 milionë dollarë. Në vendin e fundit është Maqedonia, në të cilën në vitin 2005, janë investuar vetëm 100 milionë dollarë.

[Pedro]

Nuk ka gje. Une i propozoj Sales qe te shpalle nismen "Shqiperia 50 Cent". Per publicitet, le ta hape fushaten me ndonje koncert te 50 Cent, te cilet do te shkruajne kastile per kete event edhe kengen "P.I.M.P the Albanian", kenge e cila do te terheqe vemendjen e botes dhe te gjithe investitoret e huaj do te derdhen ne Shqiperi. Investitoret e brendshem do te dergohen jashte shtetit, pasi ata nuk jane te huaj.

Dhe nqs edhe kjo nisme nuk funksionon. atehere i propozoj kryeministrit nismen tjeter "Merre Shqiperine, te te jap edhe Euro", ku atij qe do te pranoje te investoje ne Shqiperi do ti rimbursohet e gjithe shuma e investuar, biles do ti jepet edhe ndonje pare xhepi, si edhe nje karte njevjecare abonimi per ne kazinot e Shqiperise, dhe nje karte abonimi njevjecare per linjen e autobusit te "Tiranes se Re".

Edhe po nuk funksionoi as kjo, atehere qeveria nuk ka se cfare t´ju beje, se Shqiperine nuk e do as dreqi. Ose si i thone asaj fjales: "edhe me ta fal, te duket sikur ta kan fut".

[vloonjat]

O vlla nuk behen nismat si e jema e zeqos ne maje te thanes; pse u ngrite ne mengjes se pe nje enderr edhe o burra gri sallate. Pse u be deti kos e ne na humbi luga?!. Me duket se e kemi nje konkurrent per karshi me te pregatitur.
Po lexoja revisten Businessweek dhe pash kete reklame te bere nga qeveria e Maqedonise. Une se kam idene shume se sa te vereteta mund te jene gjithe keto qe reklamon Maqedonia, por cfare me ben pershtypje eshte qe ata e kane strategjine dhe e kane bere dicka gati per investitoret. Jane te ORGANIZUAR dhe kane stabilitet.
Qeveria jone eshte lemsh qe se merr vesh i pari te dytin dhe tani skemi as energji elekrike. Me ca do prodhohet, apo me qiri?
Jemi shume larg nga keto nisma se skemi as breke dhe ca eshte mekat qeveritaret tane hahen si qente per kocka, qe nga i pari e deri tek i fundit. Pedro je figure e papare, me ke bere te qesh me te madhe kur pash ate 50 cent offer. hahaha

[drity]

Pa dashur ta kthej kete teme ne nje teme per kushtet e zhvillimit te biznesit ne Shqiperi, ja ku eshte nje raport i cili perpiqet te vlersoje lirine ekonomike ne Shqiperi.

Shpresoj qe ky raport te lexohet dhe comentohet pa gjyslyke politike

http://www.heritage.org/index/countr...fs/Albania.pdf

[vloonjat]

Drity,

Sipas politikaneve tane te dashur ne leter(apo teori me sakte) ai vend eshte bere fushe me lule. Po ne praktike, sic e thote dhe ai raporti qe ke bashkengjitur, asnje se sbaton ligjin. Investimet e huaja jane si puna e miqve, mund te besh(sjellesh) shume po e rendesishme eshte se sa mban(qendrojne).
Kot po te them nje shembull e jo per te shitur po*dhe: shkova dhe i bleva babait nje pallto Ralph Lauren dhe ku ishte prodhuar thua ti?! Made in FYROM thoshte stampa. Me iku truri te te them te drejten.

[drity]

Sipas politikaneve tane te dashur ne leter(apo teori me sakte) ai vend eshte bere fushe me lule.

Raporti perpiqet te vlersoje lirine reale ekonomike dhe jo ate legjislative.

Po ne praktike, sic e thote dhe ai raporti qe ke bashkengjitur, asnje se sbaton ligjin.

Raporti i mesiperm merr ne konsiderate dhe faktorin e korrupsionit, dhe megjithate Shqiperia eshte e 30 nga 41 vende ne Europe.

Ajo qe me beri pershtypje ishte dhe vleresimi i ekonomise informale ne 50%, qe fatkeqesisht nuk merret kurre parasysh ne vleresimet ekonomike te vendit.
Personalish mendoj qe GDP per capita i Shqiperise eshte me i madh se ai Bullgar ose Rrumun, lere pastaj vendet e tjera te Ballkanit perendimor.

Per shembull, 29% e popullsise Maqedonase jetojne nen minimumin e jeteses, ne Shqiperi vetem 25%.

Ne fak, gjerat nuk jane aq keq sa duken.

ciao

[vloonjat]

Ajo qe me beri pershtypje ishte dhe vleresimi i ekonomise informale ne 50%, qe fatkeqesisht nuk merret kurre parasysh ne vleresimet ekonomike te vendit.
Personalish mendoj qe GDP per capita i Shqiperise eshte me i madh se ai Bullgar ose Rrumun, lere pastaj vendet e tjera te Ballkanit perendimor.

Drity,

Gjerat me keq s'kane ku te venë vlla. D.m.th. jemi gjysem per gjysem komb hajdutesh dhe trafikantesh. Sot eshte 50% dhe neser , larg qofte nga Perendia, mund te behet 80%. Atehere na mori lumi. Per kete arsye po te them qe s'jemi gjekundi si shtet apo si komb po vazhdoi kjo pune keshtu. Ajo ekonomia informale/e zezë po ja merr shpirtin shqiperise edhe shqiptareve. Sa do jetojme me ate lloj ekonomie? Njerezit jane sot per neser, po kombi dhe shteti nuk duhen ndertuar sot per neser. Kjo eshte dritshkurtesi.
Te jete per ate pune, GDP reale e Kolumbise apo Afganistanit rrezik ja kalojne Australise apo Spanjes, bie llafi.