Lajmet nga Superliga 2006/2007

[no name]

Vllaznia u “falet” penalltive

19 Gusht Turneu katërkëndor me emrin e legjendës Loro Boriçi, i zhvilluar dje në Shkodër, me pjesëmarrjen e Vllaznisë, Kastriotit, Besëlidhjes dhe Adës, të paktën përsa u takon emocioneve, është përcjellë me mjaft interes, pa folur për anën sportive, kur ndeshjet kanë qenë të ekuilibruara dhe luftarake. Ashtu si dhe ishte paralajmëruar, Ada e Velipojës ka bërë një paraqitje për të mos u harruar, duke konkurruar me mjaft dinjitet me skuadrat e kategorisë superiore. Pas ndeshjes finale Vllaznia?Ada, të cilët shkodranët e kanë fituar pas gjuajtjeve të penalltive, presidenti Valter Fushaj i ka dorëzuar trofeun kapitenit të kuqebluve, Armir Grima. Skuadra shkodrane i është gëzuar kupës, por dhe premios modeste prej një mijë dollarësh, të vënë nga organizatorët e turneut.



Ada, superiore ndaj superiorëve

Velipojasit dhe krutanët kanë qenë të parët që kanë hapur siparin e turneut, i cili, edhe pse ka filluar në orën 17:00 nën një diell të fortë, është ndjekur nga një publik i shumtë, kryesisht i ardhur nga komuna e Velipojës, por edhe nga Kruja. Kryekomunari i Velipojës, Nikoll Marku, i entuziazmuar nga loja e mirë e Adës, ka deklaruar se në rast të fitores së trofeut, do tëshpërblente skuadrën e tij me një premio prej 10 mijë dollarësh. Pjesa e parë ishte deri diku e barabartë, ndërsa në të dytë velipojakët janë shpërngulur para portës krutane, duke e mbajtur në tension Kastriotin. Përveç golit të shënuar me penallti nga Cani, Ada kishte dhe raste të tjera për të shënuar, ndërsa kaloiu me meritë në finale.



Vllaznia, finaliste me penallti

Shumë emocionuese ka qenë loja në mes dy rivalëve të kahershëm, Vllaznisë dhe Besëlidhjes, që në vite, edhe pse kanë mbajtur pozicione dhe nivele të ndryshme, gjithnjë janë përballur si të barabartë në fushë. Madje, ndeshjet mes tyre janë përcjellë nga një luftë e fortë sportive. Edhe kësaj radhe ashtu ka ndodhur, kur debutuesit lezhjanë, të drejtuar nga durrsaku Stavri Nica, kanë qenë tepër dinjitozë në të 60 minutat e lojës. Fazat interesante nuk kanë munguar në të dy portat respektive, por forma e mirë e portierëve Grima dhe Gjoka nuk ka lejuar prekjen e rrjetave. Kësisoj, skuadra finaliste është përcaktuar me gjuajtjen e penalltive. Lezhjanët kanë qënë krejt afër suksesit, kur shkodranët kanë gabuar dy herë radhazi me anë të Krajës dhe Sukajt, por Grima ka pritur dy herë radhazi penalltitë duke vendosur ekuilibrin. Në penalltinë e shtatë, Simo shënon për kuqeblutë, kurse Përlleshi e përpalas topin në traversë, duke shkuar dëm një lojë dinjitoze të skuadrës së tij, që edhe me lojë ishte shumë më pranë kualifikimit se Vllaznia, e cila e arriti këtë vetëm falë mjeshtrisë së portierit veteran Grima.



Grima, heroi i kuqebluve

Finalen e turneut, mes Vllaznisë dhe Adës, e ndezi goli i shënuar shpejt nga Nevian Cani, i cili, duke luajtur në përbërje të Adës, ka ndëshkuar ish?skuadrën e tij, që në ditën e nisjes për në përgatitoren e Nikshiqit e la jashtë listës. Ada është edhe dy herë të tjera pranë golit, përsëri me Canin. Në pjesën e dytë, kuqeblutë hidhen të tërë në sulm për të barazuar rezultatin, por ndërkohë ndihen të rrezikuar nga loja mjeshtrore e Adës, pa diskutim surpriza më e këndshme e kësaj kupe. Mbas shumë përpjekjesh, kuqeblutë kanë barazuar me anë të Simos pesë minutia përpara përfundimit. U vjen radha penalltive, ku Grima përsëri tregon mjeshtërinë dhe klasin e tij, kur ka pritur gjuajtjet e Seminës dhe Gokajt, ndërkohë që Shytani dhe Hasani janë treguar të saktë në interpretim. Kësisoj, penalltia e pestë, autor i së cilës për Vllazninë do të ishte Kaçi, nuk u gjuajt, ndërsa skuadra shkodrane u bë fituese e Kupës “Loro Boriçi”.



Sportekspres

[no name]

Shkurt legjionarët

19 Gusht Riedi, supersticioz me Salihin

Ka qenë sulmuesi shqiptar Hamdi Salihi, ai që ka kualifikuar skuadrën e Riedit në turin e dytë të Kupës UEFA, pas një goli të shënuar “in extremis”, ndaj azerbajxhanasve të Bakusë. Një gjë e tillë nuk ka pikë dyshimi, jo vetëm për tifozët, por edhe për trajnerin e Riedit. Skuadra austriake është ndalur në barazim, 1?1, në ndeshjen e parë të turit të dytë të Kupës UEFA, ndaj Sionit të Zvicrës. Një gjë e tillë ka bërë që në ndeshjen e dytë, trajneri i Riedit të thërrasë “nën armë” që nga minuta e parë pikërisht Salihin. Një “gol” i tij do të jetë shumë “i rëndë” dhe këtë tekniku austriak e di shumë mirë.



Bërnlei shtyn debutimin e Berishës

Situata e Besart Berishës te Bërnlei, u bë shqetësuese dje, pasi lojtari nuk ishte as në stol për të dytën ndeshje radhazi të Championship Coca Cola, Kategoria e Dytë angleze. Bërnlei humbi 2?0 jashtë fushe, nga një skuadër modeste, Skanthorp. Sulmuesi shqiptar, po vuan përshtatjen me një kampionat krejt të ndryshëm nga ai gjerman, ku ai u aktivizua vitin e kaluar te Hamburgu. Trajneri i skuadrës së Bërnleit, Koterill, e ka ftuar sulmuesin shqiptar të bëjë durim dhe të përshtatet sa më shpejt me futbollin e këtij vendi. Aktualisht futbollisti vetëm po stërvitet me ekipin dhe ai nuk figuron as në stol, një shenjë aspak e mirë, duke qenë se vetëm loja mund ta përshtasë me futbollin e këtij vendi.



Bushi rikthehet pas sherrit

Alban Bushi, rikthehet si titullar pas incidentit të fundit që pati në takimin miqësor ndaj Larisas, në fillimin e kësaj jave, ku u detyrua të zëvendësohet prej trajnerit të tij (pas 20 minutash aktivizim në pjesën e dytë) pas kërkesës që bëri gjyqtari kryesor, duke e konsideruar problematik qëndrimin e shqiptarit në fushë për shkak të ndërhyrjeve të parregullta ndaj kundërshtarit. Sulmuesi shqiptar, i cili pati polemika të forta me trajnerin Katsavakis, u rikthye përsëri në takimin miqësor ndaj Dhigenis Morfi, skuadër e Kategorisë së dytë në Qipro. Ndeshja përfundoi në barazim 0?0 dhe Alban Bushi zhvilloi një takim të kënaqshëm në nivelin personal.



Kievo gjen zëvendësuesin e Bogut

Bogdani është përherë e më shumë larg Kievos. Diçka të tillë mund ta kuptosh qoftë edhe duke lexuar merkaton e klubit të Serisë B. Ditët e fundit klubi nga Verona ka vlerë sulmuesin Greko. Kjo lëvizje duket qartë se i hap rrugë largimit të sulmuesit shqiptar. Ky i fundit ka shumë kërkesa nga klube të ndryshme të Serisë A, duke filluar nga Napoli, Kaljari, Lacio, Livorno, Rexhina dhe Siena. Për kalimin e lojtarit është thjesht një çështje kohe dhe gjithashtu një ]ështje oferte për Kievon. Deri më tani, të gjitha klubet që e kanë kërkuar shqiptarin, janë zmbrapsur thjesht për shkak të parave të shumta që kërkon klubi i Kievos. Sidoqoftë lojtari, pritet të largohet në fund dhe pista më e mundshme është Napoli.



Tre shqiptarë në fitoren e Krivbas

Tre lojtarët shqiptarë të Krivbasit në kampionatin Ukrainas, ishin protagonsitë të fitores së parë të skuadrës së tyre për këtë sezon. Takimi luhej në Donjeck kundër Metalurgut vendas së shqiptarit tjetër, Elvin Beqiri, i cili është ende i dëmtuar. Bylykbashi, që aktualisht po gëzon një formë shumë të mirë, ishte titullar në skuadër. Ai mori edhe një karton të verdhë në minutën e 43?të, përpara se futbollistët e tjerë shqiptarë të klubit, të hynin në lojë si zëvendësues. Ndreka, e bëri këtë në minutën e 46?të, ndërkohë që skuadra ishte në avantazh, ndërsa në minutën e 64?të, hyri në fushë edhe shqiptari i tretë i skuadrës, Ervin Bulku. Golin për skuadrën e shënoi Ivançev në minutën e 24?të.




Sportekspres

[RaPSouL]

Superkupa e Shqipërisë / Tirana – Besa 4-2


Tirana – Besa 4-2
Tirana: 12 Hidi, 2 Sina (14 Abazaj 57’), 4 Dede, 5 E..Xhafa, 24 Vrapi, 10 Muka, 23 Capja, 20 Sefa (19 Bakalli 61’), 5 Hyka, 21 K.Duro, 15.D.Xhafaj (11 Fortuzi 80’), - Trajner: Sulejman Starova
Në stol: 1 Nallbani, Hajdari, Deliallisi, Arapi, Merkoci,
Besa: 12 Zendeli, 15 Hoxha (22 Krasniqi 71’), 78 Ramadani, 3 Arapi, 26 A.Duro, 6 Lila, 20 Alikaj (7 Nana 61’), 11 Abdullah, 28 Veliaj, 99 Elokan (21 Mansaku 66’), 9 Xhihani – Trajner: Silvio Dumitrescu
Ne Stol : Duro, Mertiri, Nuhiji

Skuadra e Tiranës e nisi sezonin e ri futbollistik, aty ku e mbaroi edicionin e kaluar. Si fituesja e titullit kampion , ajo i shton fillimit te ketij sezoni edhe trofeun e Superkupes se Shqiperise, te cilin e fiton per te tretin vit rradhazi. Ndonese e perfundoi pjesen e pare ne disavantazh 1-2, ne pjesen e dyte skuadra kampione shpertheu duke shenuar tre here. Ndeshja u luajt ne nje nivel mesatar, ku padyshim ndikoi edhe nxehtesia e madhe dhe temperatura e larte atmosferike. Tirana pati epersi te lehte ne pjesen e dyte, ku padyshim ndikoi edhe largimi me karton te kuq i mbrojtesit Arapi. Per Besen, vlen te permendet aktivizimi i kapitenit te U-21 kombetar, Andi Lila, i cili vazhdon te jete ne biseda me ish klubin e tij grek Iraklis, prej te cilit akoma nuk e ka marre kartonin dhe leket qe i detyrohen. Kjo ishte Kupa e gjashte per Tiranen.

[RaPSouL]

Cilët janë 12 presidentët e Superligës shqiptare

President. Sipas fjalorit të gjuhës shqipe është ai që zgjidhet për një periudhë kohe për të drejtuar një organizatë ose një institucion politik. Ndërkohë që dekadën e fundit të shekullit XX kjo fjalë iu shtua edhe botës së futbollit me një ndryshim goxha thelbësor. Presidentët e klubeve sportive jo vetëm që drejtojnë këto organizma, por disa edhe investojnë në to.
Të suksesshëm në fushën e biznesit këta të fundit i kanë dhënë një hap tjetër, një marsh më shumë makinerisë së ndryshkur të futbollit shqiptar. Ata janë shpesh herë më “të fshehur” kundrejt mediave, por kjo nuk zvogëlon aspak rëndësinë e tyre. Madje, pa ata nuk do të kishte futbollistë cilësorë. Pa ata nuk do të kishte një luftë sportive më konkurruese. Pa ata nuk do të kishte ambiente sportive dhe tifozë, ndonëse të paktë, që ndjekin me fodullëk skuadrat e tyre. Ca kanë kohë që drejtojnë klube në kampionatin shqiptar. Ndër më të vjetrit janë presidenti i Teutës, Edmond Hasanbelliu dhe ai i Partizanit, Albert Xhani, të cilët drejtojnë respektivisht durrsakët dhe “demat e kuq” që prej 1999-ës. Ndërkohë që ca të tjerë e kanë sefte. Prej jo më shumë se dy muajsh, Xhavit Ismaili, Gjok Jaku dhe Tomi Balli kanë marrë frenat e Shkumbinit të Peqinit, Besëlidhjes së Lezhës dhe Skënderbeut të Korçës me synimin e vetëm, qëndrimin edhe për sezonin tjetër në elitë. Në proporcion me skuadrat që marrin pjesë në Superligë, sot gazeta “Tirana Observer” zbulon të dhëna për 12 presidentët e klubeve të kategorisë superiore.

SK Tirana

Shefikat Ngjela
Vitlindja:
Vendlindja: Tiranë
Vendbanimi: Tiranë
Profesioni: Biznesmene
Lloji i biznesit: Birra “Tirana”, aksionere tek “Sigma”
Detyra që mban: Donatore
Periudha në detyrë: 2003 e në vazhdim
Objektivi: Titulli kampion
Sezoni 2006-2007: Kampion i Shqipërisë

Refik Halili
Vitlindja: 1960
Vendlindja: Tiranë
Vendbanimi: Tiranë
Profesioni: Biznesmen/ndërtues
Lloji i biznesit: Ndërtim/Import-eksport i mallrave të ndryshëm me shumicë
Detyra që mban: Donator
Periudha në detyrë: 2003 e në vazhdim
Objektivi: Titulli kampion
Sezoni 2006-2007: Kampion i Shqipërisë

Agron Papuli
Vitlindja:
Vendlindja: Tiranë
Vendbanimi: Tiranë
Profesioni: Biznesmen
Lloji i biznesit: Pronar i kompanisë “Clasic Wolksvagen”
Detyra që mban: Donator
Periudha në detyrë: 2003 e në vazhdim
Objektivi: Titulli kampion
Sezoni 2006-2007: Kampion i Shqipërisë

Avni Nuri
Vitlindja:
Vendlindja: Tiranë
Vendbanimi: Tiranë
Profesioni: Biznesmen/ndërtues
Lloji i biznesit: Import-eksport i mallrave të ndryshëm me shumicë
Detyra që mban: Donator
Periudha në detyrë: 2003 e në vazhdim
Objektivi: Titulli kampion
Sezoni 2006-2007: Kampion i Shqipërisë


Partizani
Albert Xhani
Datëlindja: 16.06.1961
Vendlindja: Gjirokastër
Vendbanimi: Tiranë
Profesioni: Biznesmen
Lloji i biznesit: Import-eksport i mallrave të ndryshëm me shumicë
Detyra që mban: President
Periudha në detyrë: 1999 e në vazhdim
Objektivi: Titulli kampion
Sezoni 2006-2007: Vendi i 4-t në kampionat


KS Dinamo
Besnik Sulaj
Datëlindja: 26.01.1969
Vendlindja: Mallakastër
Vendbanimi: Tiranë
Profesioni: Biznesmen/ndërtues
Lloji i biznesit: Pronar i kompleksit “Taivan”
Detyra që mban: President
Periudha në detyrë: 2000 e në vazhdim
Objektivi: Titulli kampion
Sezoni 2006-2007: Vendi i 5-të në kampionat

Vllaznia
Valter Fushaj
Datëlindja: 16.03.1969
Vendlindja: Shkodër
Vendbanimi: Tiranë
Profesioni: Biznesmen/Ndërtues
Lloji i biznesit: Ndërtime/Pronar i hotel “Koloseu” dhe restorant “Piazza Park”, Shkodër
Detyra që mban: President
Periudha në detyrë: 2006 e në vazhdim
Objektivi: Titullin ose Kupën e Shqipërisë
Sezoni 2006-2007: Vendi i 3-të në kampionat


Elbasani
Arben Laze
Datëlindja: 13.06.1968
Vendlindja: Elbasan
Vendbanimi: Elbasan
Profesioni: Biznesmen/Ndërtues
Lloji i biznesit: Ndërtime/Pronar i firmës “Xhanini”
Detyra që mban: President
Periudha në detyrë: 2003 e në vazhdim
Objektivi: Titullin ose Kupën e Shqipërisë
Sezoni 2006-2007: Vendi i 3-të në kampionat

Flamurtari
Shpëtim Gjika
Datëlindja: 23.08.1962
Vendlindja: Vlorë
Vendbanimi: Vlorë
Profesioni: Kryetar i Bashkisë “Vlorë”
Detyra që mban: President
Periudha në detyrë: 2003 e në vazhdim
Objektivi: Mes 6 skuadrave të para
Sezoni 2006-2007: Vendi i 9-të në kampionat


Teuta
Edmond Hasanbelliu
Datëlindja: 25.10.1962
Vendlindja: Durrës
Profesioni: Biznesmen
Vendbanimi: Durrës
Lloji i biznesit: Pronar i kompanisë “Eurotek”
Detyra që mban: President
Periudha në detyrë: 1999 e në vazhdim
Objektivi: Kupat e Evropës
Sezoni 2006-2007: Vendi i 2-të në kampionat


Besa
Nexhat Bizhdili
Datëlindja: 26.10.1963
Vendlindja: Kavajë
Vendbanimi: Kavajë
Profesioni: Biznesmen
Lloji i biznesit: Import-eksport i mallrave të ndryshëm me shumicë
Detyra që mban: President
Periudha në detyrë: 2000 e në vazhdim
Objektivi: Mes katër skuadrave të para
Sezoni 2006-2007: Fituese e Kupës së Shqipërisë


Kastrioti
Shkëlzen Zhilli
Datëlindja: 27.07.1962
Vendlindja: Krujë
Vendbanimi: Krujë
Profesioni: Biznesmen
Lloji i biznesit: Import-eksport i mallrave të ndryshëm me shumicë
Detyra që mban: President
Periudha në detyrë: 2006 e në vazhdim
Objektivi: Qëndrimi në Superligë
Sezoni 2006-2007: Vendi i 8-të në kampionat


Besëlidhja
Gjok Jaku
Datëlindja: 24.09.1964
Vendlindja: Lezhë
Vendbanimi: Lezhë
Profesioni: Biznesmen/Ish-Kryetar i Bashkisë Lezhë
Lloji i biznesit: Biznese të ndryshëm në bare restorante
Detyra që mban: President
Periudha në detyrë: 2007 e në vazhdim
Objektivi: Qëndrim në Superligë
Sezoni 2006-2007: Vendi i 2-të në Kategorinë e Parë


Shkumbini
Xhavit Ismaili
Datëlindja: 29.03.1959
Vendlindja: Tiranë
Vendbanimi: Tiranë
Profesioni: Biznesmen/Ndërtues
Lloji i biznesit: Ndërtime/Pronar i firmës “Alba Construction”
Detyra që mban: President
Periudha në detyrë: 2007 e në vazhdim
Objektivi: Qëndrim në Superligë
Sezoni 2006-2007: Vendi i 8-të në Kategorinë e Parë

........

Objektivat, 5 duan titullin; 7, qëndrimin në Superligë

Koshientë në armatën etyre. Gjithkush nga Njëshat e klubeve kanë firmosur të bardhë mbi të zezë objektivin e sezonit. Atëherë kur ka mbetur vetëm një javë nga starti i kampionatit të ri, pesë nga presidentët e klubeve të Superligës kanë deklaruar haptazi se kërkojnë titullin kampion. Ndërsa shtatë të tjerët mjaftohen me qëndrimin edhe për sezonin tjetër në elitën e futbollit shqiptar. Presidentët e Tiranës (donatorët) Dinamos, Partizanit, Vllaznisë dhe Elbasanit pas një merkatoje me baticat dhe zbaticat e saj kanë lëshuar kushtrimin. “Luftojmë për titull”, ky është refreni i tyre, i cili ndonëse në vende të ndryshme, këndohet njëlloj. Natyrisht, në fund vetëm njëri do t’i gëzohet, teksa të tjerët do të marrin lapsin në dorë për të bërë llogaritë e sezonit. Pak hapa pas tyre me gjysmë zëri, por jo pa synime, janë edhe simotrat bregdetare, Besa e Kavajës dhe Teuta e Durrësit. Si Xhat Bizhdili dhe Edmond Hasanbelliu kërkojnë trofeun e Kupës së Shqipërisë ose të paktën pjesëmarrjen në Kupat e Evropës. Gjatë sezonit të fundit që të dyja ia janë gëzuar daljes në Kupën UEFA dhe shpresojnë që të përsërisin vetveten. Ndërsa me synimin për të stabilizuar skuadrën, kthimin e disa futbollistëve cilësorë dhe mbylljen mes 6 ekipeve të para është Flamurtari i presidentit Shpëtim Gjika. Kreu i bashkisë së Vlorës prej vitit 2003 ka marrë në dorë timonin e klubit vlonjat, duke e kthyer atë në elitën e futbollit shqiptar. “Nuk jam një president që shikon të nxjerrë përfitime nga klubi. Është një pasion dhe një detyrim që ndjej kundrejt qytetit tim, për të kthyer sa më parë atë skuadër të lavdishme që ka qenë dikur Flamurtari”, thotë Gjika për “Tirana Observer”. Ndërkohë që objektiv qëndrimin në Superligë e kanë edhe debutuesit, Besëlidhja e Skënderbeu ashtu sikundër Shkumbini i Peqinit dhe Kastrioti i Krujës.

[Qerim]

Mendoj se Besa eshte fituesja morale e kesaj SuperKupe, pasi ne pjesen e pare fitoi ,ndersa ne te dyten nderhyri gjygjtari dhe lodhja fizike.

Shpresojme ne nje barazim ne ndeshjen ne Bullgari dhe ne nje loje me te mire te Beses.

[miki_al2001]

Mendoj se Besa eshte fituesja morale e kesaj SuperKupe, pasi ne pjesen e pare fitoi ,ndersa ne te dyten nderhyri gjygjtari dhe lodhja fizike.

Shpresojme ne nje barazim ne ndeshjen ne Bullgari dhe ne nje loje me te mire te Beses.

Haha!na cmendet me keto fitoret morale.
Tirana fitoi superkupen.Hyka,Muka,Duro,Dede thane qe kane bere spektakel.

[Qerim]

Haha!na cmendet me keto fitoret morale.
Tirana fitoi superkupen.Hyka,Muka,Duro,Dede thane qe kane bere spektakel.

Miko po te te tregoj nje histori, qe ta njohesh me mire sk (shkerdh...) Tironen.
Ishte viti 1938.Ne kupen e Shqiperise dolen Tirona dhe Skenderbeu.Fitoi Skenderbeu.Kur menjehere nderhyri Nalt-madhnia e tij dhe anulloi neshjen.Ndeshja u riluajt dhe gjeje cili fitoi ...kush tjeter vec tiran-sit.

[RaPSouL]

Labinot Haliti, përforcimi i ri i Teutës së Durrësit

Labinot Haliti është talenti i ri që i shtohet Superligës Shqiptare. Futbollisti ka lënë dje Australinë, duke nënshkruar për skuadrën e presidentit Edmond Hasanbelliu, Teutën e Durrësit. Lajmi është konfirmuar nga mediat kosovare si dhe nga trajneri i kësaj skuadre, Hysen Dedja. “Arritëm një marrëveshje me Labinot Halitin dhe, përsa më përket mua, angazhimi i tij është një përforcim shumë i madh për skuadrën tonë”, ka thënë trajneri i Teutës, Hysen Dedja.
Nuk janë bërë të ditura shuma e derdhur nga bregdetarët për talentin kosovar në drejtim të skuadrës së Sidnej Junajtid me të cilën luante Haliti. Nuk janë bërë të ditura as shuma e parave që do të përfitojë talenti kosovar te Teuta, përveç faktit se ai ka firmosur një kontratë 2-vjeçare. Labinot Haliti ka qenë një prej futbollistëve më të spikatur në zborin e fillim-dhjetorit me talentet kuqezinj të organizuar nga trajneri i kombëtares Oto Bariç dhe tekniku i Shpresave, Artan Bushati. Pikërisht për këtë gjë kroati i kuqezinjve ka kërkuar që futbollisti të pajisej me pasaportë shqiptare dhe të shikonte mundësinë e kalimit tek një skuadër evropiane. Pas disa provave tek Dinamo e Zagrebit dhe tek Sllaven Belupo në Kroaci, Haliti mori një ofertë nga Teuta e Durrësit. Në një farë mënyre shkak për mbërritjen e lojtarit në Evropë ishte Bariç, i cili i kishte vënë si detyrim për ta grumbulluar në kombëtare transferimin në një kampionat evropian. “Labinot Haliti është një futbollist i shpejtë dhe një lider në fushën e lojës. Por ai duhet të gjejë një klub në Evropë. Vetëm për të ardhur nga Australia deri në Shqipëri ai duhet të udhëtojë për dy ditë. Kështu që nuk besoj se drejtuesit e klubit të tij do ta lejojnë vazhdimisht që ai të luajë për kombëtaren”, deklaronte para disa muajsh për gazetën “Tirana Observer” trajneri i Oto Bariç për talentin kosovar. Tashmë dilema e vetme për një grumbullim me kuqezinjtë mbetet forma fizike e futbollistit dhe ajo çka ai do të tregojë në kampionatin shqiptar të futbollit. Haliti është talenti i dytë pas Jahmir Hykës që do të luajë në Superligë me shpresën se së shpejti do të jetë një futbollist titullar i kombëtares shqiptare.

Bariç për Halitin

“Është një futbollist i shpejtë dhe një lider në fushën e lojës. Por ai duhet të gjejë një klub në Evropë. Vetëm për të ardhur nga Australia deri në Shqipëri ai duhet të udhëtojë për dy ditë. Kështu që nuk besoj se drejtuesit e klubit të tij do ta lejojnë vazhdimisht që ai të luajë për kombëtaren”

[RaPSouL]

Ulje?ngritjet e një kampioneje: Tirana, gjithçka në 90'

Kishte një “krisje” te bardheblutë aty nga mesi i pjesës së parë të Tirana ? Besa të Superkupës së të dielës. Avantazhi fillestar i Mukës ishte përmbysur tërësisht dhe Starova shihte se në fushë gjërat nuk shkonin si duhet. Mbrojtja dukej e hallakatur: qendrat Dede e Vrapi sikur ishin kilometra larg e Sina vështirësisht i orientueshëm dhe për më tepër mungonte “diga” para katërshes së prapavijës. Sefa e Çapja vinin me vonesë për të mbyllur zonën e të krijohej përshtypja se po kalohej deri në panik. Në mesfushë, nga e majta kishte një dublim të Duros me Hykën, ndërsa djathas Muka që nuk koordinohej me lëvizjet e Xhafajt, i vetëm në sulm. Shkurt, ingranazhi kërciste. Megjithatë, ka mjaftuar vetëm një “turfullim” dhe gjithçka është barazpeshuar me fillimin e fraksionit të dytë të lojës. Më pas, dalja me të kuqe e kavajasit Arapi e thjeshtoi tërësisht detyrën e kampionëve për të fituar. Duket kështu një Tiranë që ka përparësi në startin e sezonit. Mund të ndikojë fakti se skuadra është mbajtur e “karikuar” ? pushimet e bardhebluve kanë qenë të pakta për shkak të pjesëmarrjes në Champions ? dhe, nëse nuk do vihen re shenja të konsumimit e lodhjes, mund të ecë pa shumë “pengesa” përpara. Me dyshimin te harmonia e grupit. Edhe në mos qofshin grupime ? drejtuesit e Tiranës e kanë mohuar sistematikisht e kategorikisht këtë ? ekzistojnë “korrente”, ndaj të cilëve tregohet pafuqi e përgjithshme për t’i komanduar e futur në “rrjedhën” e duhur. Një pjesë e mirë e finales së të dielës ishte dëshmitare për këtë.



3 Titullarët e paprekshëm

Zhurma e merkatos, nga njëra anë, si dhe tendenca për t’i mbatur me çdo kusht titullarët, u ka krijuar këtyre të fundit “rehatinë” e mosprekjes edhe kur e bëjnë “baltë” në fushë. Starova duket i pafuqishëm përballë tyre



Abazaj kërkon premiot

Ka pasur një reagim “kërcënues” nga ana e Abazajt, në përfundim të ndeshjes së të dielës. U tha se sulmuesi ka kërkuar deri dhe të largohet. Një nga arsyet e besueshme ? të paktën nga ato që përfliten ? ka të bëjë me premiot, ende të padhëna për disa futbollistë, përfishi dhe atë. Në ndryshim nga lojtarët bazë që kanë gjithçka të përfshirë në kontratë, mjaft të tjerë kanë për të marrë 7 premio nga sezoni i kaluar. Veç sulmuesit, janë edhe disa lojtarë si Pisha, Pema e Allmuça, tashmë të larguar nga Tirana. Abazaj ka mbetur dhe i kërkon.



Dede heq “pikëpyetjet”

Shënoi gol, por reagoi sikur të kishte bërë ndonjë faj. Në fund të takimit nuk ishte i pranishëm në festën e zakonshme të marrjes së trofeut. Menjëherë nxituan të thonë: Nevil Dede është i mërzitur me Tiranën. Madje u shkua edhe më tej dje në mëngjes: këtë javë nuk e mbyll te kampionët. Por vetë mbrojtësi ka hequr çdo pikëpyetje: Jam nën kontratë dhe as mos t’i shkojë ndërmend njeriu se do të lëviz! Megjithatë ,në zërin e tij kishte më tepër zemëratë se sa siguri.

[RaPSouL]

Sheta: Tek Elbasani nuk gjeta ngrohtësi

Dje me skuadrën durrsake është bashkuar mbrojtësi kryeqytetas Arjan Sheta, I cili do të kontribuojë për Teutën në sezonin që pritet të fillojë. Një dëmtim I lehtë në shpatull e ka bërë të pamundur për të qenë në stërvitjen e djeshme. Megjithëse nuk është stërvitur, Sheta ka qenë I pranishëm në seancën e pasdites, ku është takuar dhe me stafin drejtues dhe lojtarët e tjerë të Teutës. “Tek Elbasani nuk ishte një atmosferë e ngrohtë dhe nuk më trajtuan si “lider ? kështu e ka komentuar mbrojtësi Sheta largimin e tij nga Elbasani ku ai është stërvitur gjatë këtyre dy muajve. Sheta ka luajtur më parë në shumë skuadra, si tek Tirana, Partizani, apo së fundmi edhe tek skuadra greke Kalithea, apo tek ajo qipriote Agia Napa.

? Përse u larguat nga Elbasani, ku jeni stërvitur gjatë këtyre dy muajve?

? U largova se nuk gjeta ambjentin dhe ngrohtësinë e duhur. Kjo, jo përsa I përket lojtarëve, por drejtuesve. Nuk më trajtonin si lider, ndonëse unë po jepja maksimumin tim.

? Mendoni se këtë ngrohtësi dhe rolin e liderit do ta gjeni tek Teuta?

? Shpresoj. Këtu kam një favor, pasi Teutën dhe drejtuesit e saj I njoh. Përpara disa vitesh kam qenë lojtar I kësaj skuadre. Pastaj këtu jam dhe më afër familjes, kur dihet sa afër është Durrësi me Tiranën.

? Cila është forma aktuale?

? Jam shumë mirë, spresoj që ta tregoj sa më shpejt në fushën e lojës.

? Ende nuk e keni zhvilluar stërvitjen e parë për shkak të një shqetësimi fizik. Kur do të bashkoheni me grupin?

? Kam një shqetësim të lehtë në shpatull, ndaj shumë shpejt do të jem në stërvitje. Madje, do të bëj të pamundurën për të qenë në ndeshjen e parë ndaj Skënderbeut.

? Si e shikoni Teutën këtë sezon?

? Sezonin e kaluar e ka mbyllur kampionatin në vend të dytë. Edhe këtë vit mendoj se bregdetarët do të bëjnë maksimumin, për t’ia arritur një suksesi të tillë.