Lajmet nga Superliga 2006/2007

[RaPSouL]

Arben Laze stoik: Stojku nuk lëviz

“Stojku ka nënshkruar kontratën me Elbasanin dhe nuk ka se ku të shkojë. Kjo është e sigurt”. Këto ishin fjalët e para të prononcimit të presidentit të verdhebluve, Arben Laze, dhënë gazetës sonë, lidhur me “çështjen Stojku”, aq e përfolur ditët e fundit. Ka ardhur fare papritur në mjedisin verdheblu, të dielën e kaluar, lajmi se Gentjan Stojku është paraqitur te Shkumbini, madje, ka firmosuar edhe kontratën me këtë klub. Presidenti Laze e ka hedhur poshtë faktin e mësipërm, duke shpjeguar se Stojku ka firmosur një herë kontratë dhe këtë e ka bërë vetëm me të, pra ai i takon Elbasanit. Më shumë se ngulmim për të mbajtur me zor futbollistë, që nuk kanë dëshirë të luajnë me skuadrën që ai drejton, Laze kërkon të vërë rregull në lëvizjen e lojtarëve të tij, aq më tepër kur bëhet fjalë për ata që kanë firmosur kontratë.

Pse kërkoi të largohet Stojku?

Ajo që bën përshtypje në gjithë këtë histori, është arësyeja që Stojku ka tentuar papritur të ndërrojë ekip. Duket se gjithçka e ka zanafillën te një moment mosmarrëveshjeje të këtij futbollisti me kolegun e skuadrës, I.Nallbani, gjatë ndeshjes miqësore që Elbasani zhvilloi me Gramshin, të shtunën e kaluar. Stojku acarohet me Nallbanin gjatë lojës dhe reagon ndaj tij me gjeste. Ky veprim i tij nuk përkrahet nga një pjesë e sportdashësve, të cilët e kontestojnë sulmuesin e njohur. Madje, trajneri Alimehmeti e thirri futbollistin pranë vijës anësore për ta këshilluar, ndërsa pak çaste më vonë u largua nga fusha, duke u zëvendësuar. Nuk është e qartë, nëse Stojku u largua vetë, apo e larguan drejtuesit e skuadrës.



“Nuk kam vendosur përfundimisht”

Vetë Gentjan Stojku nuk e mohoi se ka bërë një përpjekje për t’u larguar nga Elbasani në drejtim të Shkumbinit, por, sipas tij, “nuk e kam vendosur përfundimisht, pasi janë disa probleme për t’u zgjidhur”. Këto fjalë ai i tha për gazetën tonë, duke mos e saktësuar se këto “probleme” kanë të bëjnë me kontratën që ai ka nënshkruar me Elbasanin, apo me diçka tjetër.



Precedenti

Edhe para disa javësh, Stojku ka bërë një tentativë tjetër për t’u larguar nga Elbasani, kur u fol për një bashkim të tij me Tiranën, në përgatitoren e kampionëve në Strugë. Por, në ditën që ai pritej në qytetin e vendit fqinj, Stojku rikthehet në Elbasan. Ndërsa tani është një tjetër tentativë e tij për t’u larguar, por këtë herë ndryshon problemi, pasi vështirësia e këtij veprimi qëndron te nënshkrimi prej tij i kontratës me verdheblutë.



“Shkumbini nuk duhet të përfitojë”

Ndonëse nuk dëshiron aspak të bëhet shkak për një “ngacmim” të marrëdhënieve mjaft të mira, që ekzistojnë akualisht midis klubeve fqinj, Elbasanit dhe Shkumbinit, presidenti Arben Laze, megjithatë, kërkon që klubi peqinas duhet të jetë më i kujdesshëm dhe të mos përfitojë nga ndonjë situatë delikate që kalon skuadra e tij. “Ne nuk do ta dëshironim kurrë që situata të tilla të ndodhnin në klubin e Shkumbinit, që të përfitonin të tjerët...”, u shpreh shkurt Laze. Si në të kaluarën, ashtu edhe aktualisht, Shkumbini, sigurisht në rrugë legale, në një farë mënyre ka përfituar nga Elbasani, pasi me ekipin peqinas luajnë, tani për tani, Kacollja, Kuçi, K.Dalipi e Qorri.

[RaPSouL]

Skënderbeu, sa pak kanë mbetur

Në stërvitjen e parë të javës që sapo ka nisur, në skuadrën korçare kanë qenë vetëm 17 lojtarë. Shumë pak për një skuadër, për më tepër që për teknikun një pjesë e tyre nuk janë në gjendje të luajnë në kategorinë superiore. Në kushtet kur kampionati fillon në fundin e kësaj jave, kjo do të thotë se korçarët nuk kanë më kohë për të gjetur lojtarët, që i duhen trajnerit për sezonin e ri. Për këtë zbraztësi, pakkush të jep një përgjigje për të qenë. I vetmi, që ka thënë diçka, është drejtori ekzekutiv i klubit, kur është shprehur se “trajneri Kaçi gjatë kësaj faze përgatitore ka provuar 80 futbollistë, prej të cilëve vetëm Delioski, Gudjabi e Pinja kanë mbetur në skuadër. Një pjesë prej tyre nuk janë pelqyer nga Kaçi, edhe pse nuk janë parë më shumë se në një seancë stërvitore. Ashtu siç ka pasur dhe nga ata, që nuk kanë rënë dakord me kryesinë e klubit, edhe sepse kanë kërkuar shlyerjen e vlerës së biletës të udhëtimit si dhe pagesë për lejet e kalimit, çka nuk kishte ndodhur më parë me lojtarët e huaj. Ndaj, drejtuesit korçarë nuk e kanë pritur mirë këtë “lojë” ekonomike në kurriz të arkës së klubit.



Grupi i Kaçit

Nisur nga ndeshja miqësore e humbur me Partizanin, duket se grupi kryesor i Skënderbeut, për ndeshjen e parë të kampionatit, pritet të përbëhet nga Vieros, Drabaj, Larti e Pashaj në mbrojtje; në mesfushë një mundësi është të luhet me Ngjelën, Delioskin, Pinjen e Çajkun, ndërsa në sulm me Tikon e Gudjabin. Lëvizja e vetme mund të jetë në mesfushë, nëse Çipi mund të spostojë Delioskin ose Pinjen. Porta mbetet për t’u parë, pasi të hënën vetëm Ametlli ka qenë në stërvitje. Në fakt, portieri nuk i ka aspak të mira raportet me Kaçin, sepse ka thënë që “vetëm i parë mund të luaj këtë sezon për Skënderbeun”.



Sot mbyllen kontratat

Në ditën e dytë të kësaj jave, sipas drejtorit Konomi, mbyllen të gjitha kontratat me lojtarët, që kanë hyrë në planet e trajnerit Jani Kaçi. Firmosja e kontratave ka filluar që të hënën, pas stërvitjes, për t’u mbyllur sot paradite me të gjithë ata lojtarë, që është rënë dakord në parim edhe më parë. Po sot, ka shumë mundësi të hedhin firmë për një sezon edhe kosovari Sulejmani e maqedonasi Delioski, më të cilët, sipas Konomit, është mbyllur çdo gjë për kushtet financiare. “Përsa i përket Kaçit, ? sqaron më tej Konomi, ? duhet pritur kthimi i tij nga kombëtarja U?21 për të mbyllur kontratën e këtij sezoni”. Madje, kthimi i Kaçt pritet edhe për të marrë mendimin perfundimtar për vlonjatin Imeraj, pasi deri tani trajneri nuk ka thënë asgjë për lojtarin, që pëlqehet nga kryesia e klubit.



Thana, i vetmi te U?21

I vetmi lojtar nga kampi korçar, i thirrur nga Bushati për miqësoren me Turqinë, është tiranasi Jozef Thana, i cili ka lënë përshtypje të mira që në stërvitjet e para me Skënderbeun. Për Thanën ka qenë i interesuar edhe Bushati, ndaj trajneri i U?21 ka bërë të pamundurën që ai të luante në një skuadër të kategorisë superiore. Dhe, së bashku me Kaçin, ata kanë zgjedhur Skënderbeun.

[RaPSouL]

Smajli: Të jemi dinjitozë

Lojtari universal i skuadrës lezhjane, Dritan Smajli, ka pohuar se tashmë Besëlidhja ka avancuar. Sipas tij, ajo ka treguar vlera në kupën “Loro Boriçi”, teksa mendon se do të jetë “kockë e fortë” ndaj çdo skuadre të superiores.



? Skuadra duket se është çliruar dhe në kupën “Loro Boriçi” u paraqit mjaft mire. Mendoni se kjo do të jetë Besëlidhja në vazhdim?

? Para kësaj ndeshjeje kemi zhvilluar një miqësore të dobët me Adën, ku u prezantuam mjaft keq para tifozerisë sonë. U kritikuam me të drejtë për nënvlerësim, mungesë regjimi dhe disipline në lojë, ndaj e prisnim me padurim ndeshjen me Vllazninë. Në atë ndeshje rivalizuam denjësisht dhe përmirësuam mjaft gjëra. Fusha e mirë na dha mundësinë të shfaqim vlerat tona, të cilat janë ato që u panë atje.

? Cilat janë këto vlera?

? Jemi një grup homogjen futbollistësh, që gjithnjë e më mirë po kuptohemi me njëri?tjetrin. Fizikisht të gjithë lojtarët kanë arritur parametrat e duhur, ndërsa taktikisht trajneri Nica po eksperimenton me sukses. Displina taktike do të jetë një nga armët tona kryesore dhe këtë do ta kthejmë në vlerën më të madhe të skuadrës.

? Jeni parë të luani në disa role...

? Roli im është ai i mesfushorit të djathtë, por kam luajtur dhe në disa pozicione të tjera, duke zbatuar kërkesat e trajnerit.

? Nga kampionati i kaluar keni mbartur dënimin me dy ndeshje...

? Do të më vinte keq të mos startoja me Dinamon në ndeshjen e parë. Besojse FSHF do të marrë parasysh kërkesën time për të ma falur dënimin.

? Edhe pak ditë, përballja me Dinamon...

? Kemi bërë një përgatitje shumë të mirë dhe deri ditën e shtunë kemi kohë të riparojmë disa gjëra. Edhe pse jemi skuadër debutuese, paraqitja jonë do të jetë dinjitoze. Në këtë ndeshje do të mbrohemi mirë dhe do të luajmë shumë të disiplinuar taktikisht, me synimin për të marrë diçka.

[RaPSouL]

Partizani: Do luajmë në “Selman Stërmasi”

Mund të duket e habitshme, por është e vërtetë. Ndeshja e fillimit të kampionatit, ndërmjet Partizanit dhe Shkumbinit do të luhet në stadiumin “Selman Stërmasi”. Një lajm i tillë është dhënë dje nga vetë presidenti i Partizanit, Albert Xhani, sipas të cilit ? pas prishjes së mardhënieve me drejtorin e stadiumit kombëtar “Qemal Stafa” ? Partizani tashmë ka rënë dakord me drejtorin e stadiumit të impiantit të dytë kryeqytetas, Hamdi Zhegun, për të zhviluar atje, të paktën ndeshjen e parë të kampionatit, me peqinasit. “Ndeshjen me Shkumbinin do ta luajmë në stadiumin “Selman Stërmasi” dhe nuk devijojmë nga ky vendim”, ka thënë dje, “njëshi” i klubit të kuq. Kështu, pas debateve dhe mosmarëveshjeve me “SH.A. Qemal Stafa”, për firmosjen e një kontrate, do të jetë “Selman Stërmasi”, ai që në këtë fundjavë do të përballojë dy ndeshje brenda dy ditësh. Të shtunën Dinamo do të presë Besëlidhjen dhe kjo ka bërë që Partizani ta shtyjë për të dielën ndeshjen e tij me peqinasit. Por një gjë e tillë mund të krijojë probleme në Federatën Shqiptare të Futbollit, pasi sipas shefit të Garave, Hitaj, të gjitha ndeshjet duhet të zhvillohen të shtunën, të paktën javën e parë. Nuk dihet ende, nëse drejtuesit e kuq kanë lajmëruar, apo jo FSHF-në.

[no name]

Pesë “yjet”s e Bylisit ndjehen në formë

21 Gusht Në futbollin tonë janë emra të rëidnësishëm, vjet kanë luajtur me ekipe të njohura të Superiores dhe Kategorisë së Parë, tani ndodhen te Bylisi. Gjatë periudhës përgatitore të skuadrës, ata konsiderohen si pesë yje. Edhe pse janë në një moshë jo fort të re, me atë ç’ka po paraqesin pothuajse po përjetojmë një rini të dytë . Bëhet fjalë për futbollistët e kalibrit të Klodian Asllanit, ish kapitent të Dinamos, mesfushorit Neritan Novi te Luftëtari, Johan Driza te Flamurtari , ulmuesi Bardhyl Elezi te Lushnja, mesfushori Mariglen Kule te Apolonia, duke mos lënë jashtë kësaj valle edhe qëndërmbrojtjen e njohur të Bylisit, Luan Asllani. Cdonjëri prej tyre edhe pse po përballet me konkurrencën e futbollistëvë të tjerë cilësorë, është i impenjuar në çdo hap me programin stërvitor. Gjithsesi falë përvojës dhe rritjes cilësore si futbollistë, të mbërriturit rishtas te Bylisi, synojnë në besimin e dhënë nga presidenti dhe stafi drejtues rikthimin në Kategorinë Superiore. Portieri fierak Elton Hazizi dhe mesfushori kamerunas Abdu Muhamadou, i janë bashkuar ditët e fundit Bylisit, duke i dhënë fund merkatos së skuadrës ballshiote. Me ardhjen e tyre, presidenti Besnik Kapllanaj, ka parë një domosdoshmëri për arsye se lojtarët ishin mjaft të suksesshëm vitin e kaluar. Tashmë Muhamadau dhe Hazizi të cilësuar të fundmit e Mohikanëve, i janë bashkuar shokëve të skuadrës që ndodhet në kampingun e Përmetit. Duke mësuar për objektivin final, atë të kalimit në Kategorinë Superiore, i kënaqur dhe me stërvitjet e zhvilluara në vendin e tij, kamerunasi shtatlartë Muhamadou, pranon se për të dhe shokët e tjerë të skuadrës duhet sakrifikuar më tepër në stërvitje. Megjithatë, ai është i bindur se Bylis, tashmë është rritur.


Sportekspres

[no name]

Lojtarët sëmuren në Korçë, Lushnja kthehet në shtëpi

21 Gusht Ditën e dielë skuadra verdhëjeshile ka lënë hotel “Kristal” në qytetin e Korçës dhe është nisur për në shtëpi. Ishte parashikuar për 10 ditë qëndrimi i lushnjarëve në qytetin juglindor por që në fakt ka zgjatur vetëm një javë. Arsyeja: për disa burime të besueshme brenda skuadrës, sepse disa lojtarë janë sëmurur dhe ndjerë keq për arsye të pashpjegueshme gjatë ditëve të fundit të fazës përgatitore. Për burimet zyrtare të klubit, skuadra është rikthyer sepse, trajneri ka vendosur kështu. Për të nuk kishte më nevojë të qëndronte në Korçë, pasi ekipi i kishte marrë të gjithë parametrat fizikë të nevojshëm. “Ishte një vendim i marrë nga stafi. Nuk kishte më arsye të qëndronim”? thotë sekretari i klubit, Ardian Prifit. Por disa burime brenda skuadrës, e mohojnë këtë version. Sipas tyre, disa lojtarë kanë pasur probleme shëndetësore që mendohet të kenë ardhur nëpërmjet ushqimit. Ata kanë pësuar dhimbje të forta barku dhe diarre. Për t’I paraprirë ndonjë ngjarjeje të pakëndshme, klubi ka vendosur të largohet me efekt të menjëhershëm nga Korça, për t’u rikthyer në Lushnjë. Aty ku mungojnë prej pesë javësh, pasi më parë ekipi kishte qëndruar i grumbulluar për katër javë rradhazi në Divjakë. Pas rikthimit nga Korça, që dje lushnjarët kanë dalë në terrenin stërvitor pranë stadiumit “Roza Haxhiu”. “Skuadra ka mbyllur me sukses një minifazë në qytetin e Korçës, ku trainerët zhvilluan me skuadrën një përgatitje të karakterit fizik. Gjithçka ka shkuar shumë mirë, përfshi dhe dy takime miqësore që kemi luajtur në Korçë me Skënderbeun dhe në Ersekë me Gramozin. Kemi treguar gjëndjen e pritur dhe jemi të kënaqur me investimet që kemi bërë. Besoj se skuadra është e denjë për të fituar kampionatin e kategorisë së parë” u shpreh sekretari i klubit lushnjar Ardian Prifti. Ekzekutivi i verdhëjeshilëve tha se skuadra do të vijojë përgatitjet në shtëpi. “Në shtëpinë tonë, do të vijojmë të stërvitmei rregullisht deri në ndeshjen e parë me Laçin. Klubi do të marrë masat e duhura organizative për t’i krijuar kushte trainerëve dhe futbollistëve, që gjithçka të shkojë sa më mirë” tha Prifti.


Sportekspres

[no name]

Presidenti Ismaili, një projekt “pilot” për Shkumbinin

21 Gusht Duket kaotik në mendimet e tij, por kjo është thjesht përshtypje. Vjen më shumë ngaqë, ashtu siç e pranon edhe vetë, e ka nisur me shumë vrull. Nuk ka kohë Xhavit Ismaili. Presidenti i firmës ndërtuese “Alba Konstruksion” ka ambicien e madhe: edhe Shkumbini të jetë një “ndërtesë gjigante”. Kur? “Koha do ta tregojë”, thotë njeriu që, mes projekteve të pallateve e sipërmarrjeve të tjera, ka dhe një “pilot” për Shkumbinin.

? Me shumë vrull e keni nisur...

? (qesh) Që kur vendosëm të hyjmë te skuadra peqinase, kishim një vrull përbrenda. Duke i vënë vetes objektiva të lartë, duke menduar e projektuar me pasion, si dhe duke patur parasysh kohën e paktë që kishim në dispozicion, vetëm me “avashllëk” s’mund të punohej. Kemi hyrë me idenë për të ndryshuar jo pak.

? Po flisni në shumës.

? Sepse, pavarësisht se jam president i Shkumbinit, nuk jam vetëm. Krah meje është edhe “Euroteorema”, firma e fuqishme e ndërtimit që edhe më parë ka qenë pranë Shkumbinit. Në shumës, sepse duhet përmendur edhe ndihma e mbështetja e Bashkisë së Peqinit, që ka qenë ajo që na ka “thithur” te futbolli.

? Po “i bini shumë në qafë Elbasanit”. Doni të bëni “Lalën e Madh”?

? Jo, në mënyrë kategorike, jo! Të jeni të sigurt ju dhe opinioni sportdashës, aq më tepër ai elbasanas, se asnjë futbollisti nuk i kemi kërkuar të braktisë verdheblutë. Kanë ardhur vetë; ne kemi negociuar, pa i kërkuar arsyet e largimit. Ato i dinë vetë futbollistët.

? Si e shihni skuadrën tashmë?

? Të jem i sinqertë, fillimisht kisha një ndjenjë frike. Pavarësisht se kam një eksperiencë jo të vogël drejtimi, një skuadër futbolli më dukej një ndërmarrje e vështirë. Por, nisa të mësoj se si funksionon dhe bashkë me të më doli dhe frika. Duke u kthyer te pyetja juaj, më duhet të them se edhe vetë jam i ndërgjegjshëm se ka ende mjaft gjëra për të riparuar. Nuk kam patur kohë, por i siguroj dashamirësit peqinas se mungesat që kemi në kontigjent do t’i riparojmë në merkaton e dimrit. Qoftë edhe nga jashtë vendit, ndonëse personalisht jam i prirur t’u jap shans e mbështetje futbollistëve shqiptarë.

? Ç’lidhje keni me futbollin, me Peqinin e Shkumbinin?

? Po mjaftohem të them se kam njohje të hershme me futbollin, si një ndjekës i apasionuar i tij dhe se prerjardhja ime është nga Shqipëria e Mesme.

? Një firmë e fuqishme si juaja mund të ishte afruar në ndonjë klub më me emër...

? Por, ekipet me emër, edhe problemet i kanë të mëdha. Vë re se ka interesa, lobingje... Zgjodha Shkumbinin sepse këtu mund të realizoj idetë e mia.

? Keni vërtet një plan afatgjatë?

? Pa dyshim. Unë ndërtoj dhe e di fort mirë se, pa një projekt nuk mund të hapësh themele e të ngresh pallate. Për Shkumbinin kam një projekt që më pëlqen ta quaj “pilot”. Koha do të tregojë nëse kam patur arsye ta quaj kështu.

? Sa e njihni terrenin e Superiores?

? Jo sa duhet. Në fakt, kontaktet me futbollin i kam mbajtur më shumë duke ndjekur kampionatet e huaja. Megjithatë, ditë pas dite po orientohem e marr informacionet e duhura.

? Ku mund të arrijë kjo skuadër?

? Me sa kam arritur të ndjek këtë periudhë, nuk më duket ndonjë aventurë të them se Shkumbini do të jetë në gjashtëshen e parë të këtij kampionati.

? Edhe diçka tjetër teknike: zakonisht, presidentët e nisin me trajnerët...

? E kuptoj se ku doni të dilni, por nuk jam i një mendjeje me ju. Magani e Branica janë dy djem të përkushtuar dhe unë u besoj atyre. Mund të thoni se për një skuadër të madhe kërkohen edhe “pankina të mëdha”, por kjo ka ende kohë. Paraprakisht po ju them se, edhe nëse do të vijë një ditë që Shkumbini do të kërkojë një drejtim më profesional, kjo do të më bëhet e ditur nga kjo dyshe. Do të jenë ata që do të zgjedhin “tjetrin”, sepse do të jenë ata që do të vijojnë të punojnë te Shkumbini.

? Shkumbini, veç komplimenteve që duhet të marrë për sezonit e kaluar kur arriti të mbijetonte, ka qenë dhe jo pak problematik. Si do të sillet në këtë kampiunat?

? Eshtë shqetësim, nga më kryesorët për mua. Po ju them se që në ditët e para, krahas punës për ngritjen e mbështetjen e skuadrës, i kam drejtuar një thirrje tifozerisë peqinase. Gjylkoj se ndonjë sjellje e tyre ka ardhur nga mungesa e rezultateve e dëshpërimi. Unë i kam prenmtuar për një skuadër që nuk do t’i zhgënjejë dhe ata do të më përgjigjen me një mbështjetje të kulturuar që nuk ka të bëjë aspak me dhunën e shfaqje të tjera. Kam sinjalet e para se më kanë mirëkuptuar. Shkurt, inazhi i Shkumnbit do të jetë krejt tjetër.



Sportekspres

[no name]

Dumitresku: S’është për të vënë “kujën”

21 Gusht Dy zhgënjimet më të fundit, në Uefa dhe në finalen e Superkupës, rumuni i pankinës së Besës i “mbulon” me rëndësinë e startit të mbarë të kampionatit në fundjavë



Me “qetësi olimpike”, trajneri rumun i Besës, Silviu Dumitresku, nuk e ka parë humbjen e finales së Superkupës si ndonjë “hata” të madhe, ndërsa shkaqet i përcjell në intervistën e dhënë para seancës së djeshme stërvitore...

? Dumitresku, nga e mërkura në të dielë, dy humbje të Besës, në Uefa dhe finalen e Superkupës...

? Nuk ka ndodhur asgjëaq e madhe, sa për të dhënë “kujën”.Fitoren e Liteksit kërrkush s’mund ta vinte në diskutim. Ndonëse skuadra ime luajti dobët, ia kam faturuar vetes fajin e humbjes. Por në Superkupë mund të them se shkaqet ishin të tjera.

? Konkretisht?

? Skuadra ishte e lodhur dhe e parikuperuar plotësisht nga ana fizike, për të përballuar një skuadër tepër të fortë si Tirana, ndaj ajo u paraqit denjësisht vetëm në pjesën e parë.

? Edhe pse ishte në avantazh, shkujdesja në administrim të rezultatit çoi në humbje?

? Humbja në një ndeshje vjen nga një mijë e një arsye. Sapo nisi pjesa e dytë pësuam shumë shpejt gol, më vonë mbetëm edhe me një lojtar më pak. Nuk ishte aq e lehtë të ballanconim epërsinë numerike të një kundërshtari cilësor si Tirana. Mendoj se në të tre ndërrimet kam ndërhyrë me vend.

? Të shtunën, starti i kampionatit...

? Natyrisht, kampionati është impenjimi ynë më i rëndësishëm. Do ta nisim atë mbarë e pa diskutim me fitore. Jam i sigurt që skuadra do të paraqesë një tjetër profil.



Bizhdili, dakord me trajnerin

“E pranoj që Besa është një skuadër, e cila nuk mund të mbajë “dy kunguj në një sqetull”. Sigurisht, nuk më vjen mirë që ndodhi kështu. Praktikisht i thamë “lamtumirë” kupës Uefa, ndërsa nuk përballuam dot Tiranën në finalen e Superkupës”, ka thënë Bizhdili, presidenti i Besës. “Jam dakord me arësyetimet e trajnerit për dy humbjet e fundit e fundit radhazi të ekipit dhe e mbështes atë në lidhje me argumentat që përcjell”, nënvizon “Xhati”, që vendoset përkrah trajnerit, përkundër ndonjë fjale që ka qarkulluar. Sipas Bizhdilit, i tillë është futbolli, ndaj nuk ka pse të tronditen. Nga humbjet do të nxirren mësime dhe skuadra do të tregojë fytyrën e saj të vërtetë, që është ajo e pjesës së parë me Tiranën.



Sportekspres

[no name]

Alarm te Vllaznia: 9 lojtarë në dyshim

21 Gusht Atmosferë e zymtë dhe aspak entuziaste ka përcjellë seancën e djeshme stërvitore të kuqebluve. Trajneri Josa ishte i dëshpëruar, pasi në prag të ndeshjes së parë të kampionatit ai nuk mund të thotë se me cilët futbollistë do të luajë në përuruesen Elbasani?Vllaznia. Edhe pse të shtunën e kaluar, në katërkëndorin “Loro Boriçi” ai e ndërtoi formacionin me këta lojtarë si titullarë, në fakt ai akoma nuk i ka në dispozicion për ndeshjen ndaj verdhebluve.



Belisha, “karton i kuq” nga Bizhdili

Një nga temat më të lakuara gjatë ditës së djeshme ka qenë ajo e mesfushsorit Amarildo Belisha, i cili rrezikohet të mos lejohet nga FSHF që të luajë për Vllazninë. Edhe pse thuhet se ka nënshkruar një kontratë me presidentin Fushaj, në adresë të Belishës është shfaqur një “karton i kuq”, të cilin ia ka dërguar numri një i Besës, Nexhat Bizhdili. Nga klubi kavajas është deklaruar se Belisha ka një kontratë dyvjeçare me Besën. Vetë lojtari ka reaguar ashpër, duke thënë se nuk ka më asnjë detyrim me klubin kavajas, ngaqë kontrata zyrtare me të pati përfunduar, ndërsa pretendimet e Bizhdilit i ka vlerësuar si emocionale. Dje, zyrtarët e Vllaznisë, drejtori ekzekutiv Zaganjori dhe sekretari Medja, në zyrat e federatës janë njohur me këtë fakt, pasi presidenti Bizhdili e kishte depozituar në FSHF kontratën ka depozituar në FSHF kontratën dy vjeôare që ka të lidhur me shkodranin Belisha. Sapo kanë mbërritur në Shkodër, zyrtarët shkodranë ia kanë bërë të qartë Belishës, por ai nuk ka pranuar të jetë e vërtetë. Në këto kushte, zyrtarët e klubit do të udhëtojnë sërish në Tiranë, por këtë radhë duke patur me vete edhe Belishën.

Delain?Gjika, s’ka “armëpushim”

Një tjetër pengesë “e pakapërcyeshme” është ngritur edhe për kongolezin me pasaportë gjermane, Sasa Delain. Ndërsa u fol për një mirëkuptim për çështjen Leandro, me presidentin e Partizanit, Albert Xhani (të paktën kështu u tha, por drejtori ekzekutiv Zaganjori nuk e konfirmon zyrtarisht një gjë të tillë), drejtuesit shkodranë prisnin të njëjtën gjë edhe me klubin Flamurtari në lidhje me Delainin. Por këtu duke se ka ngecur “sharra në gozhdë”, sespe kryebashkiaku vlonjat, Shpëtim Gjika, nuk ka ndërmend të tolerojë. Burime pranë klubit Vllaznia bëjnë të ditur se dyshja Zaganjori?Martini, ky i dyti drejtor teknik, kanë bërë një vizitë në Vlorë, ku janë takuar personalisht me Gjikën, në përpjekje të një “zbutje të klimës” lidhur me çështjen “Delain”. Nga sa mësohet, kryebashkiaku është paraqitur tejet i revoltuar për qëndrimin e lojtarit, duke nxjerrë një “dosje” me thyerjet e dispilinës në kurriz të Flaamurtarit, dhe nuk ka lënëasnjë shteg zgjidhjeje për këtë problem.



Treshja Osja, Lici, Kotrri, të pezulluar

Pjesë e shqetësimit të kampit kuqeblu është edhe mungesa e tre futbollistëve titullarë, Osja, Lici e Kotrri, që vazhdojnë të jenë të pezulluar nga Komisioni i Disiplinës me nga tri ndeshje secili, për braktisjen e fushës në përballjen e fundit të kampionatit të kaluar, Tirana?Vllaznia. Drejtuesit shkodranë kanë mbetur me shpresë se, deri përpara fillimit të kampionatit, masa e marrë ndaj tyre do të zbutej, ashtu sikurse ndodhi edhe me teknikun Josa, por deri tani nuk ka asnjë përgjigje pozitive. Zyrtarët e klubit kanë depozituar në FSHF një tjetër kërkesë për falje, por përgjigja ka vonuar, duke mbajtur jo pak në tension stafin teknik, që duhet të vendoës për formacionin e ndeshjes “Ruzhdi Bizhuta”.



Në pikëpyetje edhe Sinani, Nora e Kraja

“Kur të vjen e keqja, hapi derën”, thotë një fjalë e urtë popullore, çka vlen për situatat që po kalon klubi shkodran, sepse mund të ketë edhe lojtarë të tjerë, që mund të mos vihen në dispozicion të Josës për transfertën elbasanase. Duke vijuar me problemet e dokumentacionit, edhe shtatlarti Elvis Kraja nuk i ka qartësuar akoma problemet me ish?skuadrën e tij greke, Iraklis. Zyrtarët e Vllaznisë thanë edhe për të se sot do të interesohen në zyrat e FSHF?së. Edhe dy lojtarë me peshë në skuadër, si Sinani e Nora, nuk janë në qindpërqindëshine tyre për të kontribuar për skuadrën. Gjirokastriti, i dëmtuar që në miqësoren përballë Sutjeskës, dhe Sinani, me një problem muskular, kanë bërë stërvitje të diferencuar dhe nuk luajtën në ndeshjet e Kupës “Loro Boriçi”, çka nuk garanton aktivizimin e tyre të shtunën.



Sportekspres

[no name]

Pezull!

21 Gusht Merkato ka çoroditur klube e futbollistë

Duket një rrëmujë e vërtetë, ose ndoshta ende nuk jemi mësuar me merkaton. Por sidoqoftë, edhe duke pranuar “injorancën” e rastit, kjo që po ngjet në futbollin e kategorisë superiore nuk mundet asesi t’i ngjajë një “supermarketi”. Shumë shumë është një “Gabi” ku “plaçkat” lëvizin pa asnjë lloj kontrolli. Stojkun e presin në Peqin, pasi ka firmosur, ndërsa Elbasani thotë se është i tij; Abazaj mund të marrë rrugën për në Shkodër, ndërsa Belisha “kërcënohet” me 500 euro gjobë në ditë nga Besa. Se ç’do të bëhet deri të shtunën, një Zot e di...



Sportekspres