Lajmet nga Superliga 2006/2007

[RaPSouL]

Ilir Meta, president i Besëlidhjes?

18 Gusht Disa ditë përpara, kur Ilir Meta ka bërë një vizitë në Lezhë, në qytetin verior kanë qarkulluar zërat se kryetari i LSI?së (Lëvizja Socialiste për Integrim), mund të jetë edhe presidenti i ardhshëm i Besëlidhjes. Kështu, në një takim që u organizua në Lezhë, por që nuk ka patur aspak lidhje me futbollin, në fund të tj, ish?kryeministri Meta i ka uruar sukses skuadrës lezhjane dhe përfaqësim dinjitoz në superiore. Ka mjaftuar kjo, që opinioni i gjërë lezhjan ta shikojë si një mundësi reale ardhjen e Ilir Metës në krye të klubit të Besëlidhjes.

Lojtarët në plazh, “xhindoset” Nica

Miqësorja e Besëlidhjes me Adën ka evidentuar mjaft probleme në kampin lezhjan. Pavarësisht kushteve të papërshtatshme të fushës, ku është zhvilluar kjo testuese, kurrsesi nuk mund të justifikohet gjendja e skuadrës lezhjane, e cila ka bërë një paraqitje shumë të dobët, edhe pse përballë velipojakëve të kategorisë inferiore, ku ka barazuar 2?2. Nëse do t’i marrësh me radhë, të gjitha repartet, duke filluar që nga porta e deri tek sulmi, kanë qenë hije në fushë. Të dy golat janë pësuar nga gabime foshnjërake të portierit Miço, teksa lezhjanët mund të ishin ndëshkuar edhe më thellë, për arsye të çarjes së prapavijës. Pothuajse asnjë element taktik, që ka ushtruar Nica në stërvitje, nuk janë shfaqur në miqësoren me Adën. Përjashto kosovarin Hashani, i cili është përpjekur, por ka bërë “rrugë boshe”, të gjithë të tjerët kanë qenë diletantë në lojën e tyre. Kur tekniku Nica ka kërkuar zbatimin e detyrave taktike, një gjë e tillë nuk është dëgjuar aspak nga futbollistët, të cilët vetëm tre orë përpara ndeshjes janë parë teksa relaksoheshin në plazhin e Shëngjinit. Pas ndeshjes, këtë e ka konstatuar edhe trajneri Nica, i cili ka kritikuar paraqitjen e futbollistëve. “Unë kam frikë se ne nuk do të arrijmë të shërojmë mentalitetin e sëmurë, që momentalisht ekziston. Asnjëherë nuk më ka shkuar ndërmend se ne kemi gjendje për të nënvlerësuar ndokënd”, ka thënë “i xhindosur” trajneri Nica.

Ka nevojë për përforcime

Dy mungesat e skuadrës së Nicës, në miqësoren me Adën, kanë qenë “organizatori” Roshi dhe sulmuesi maqedonas Petresku, të cilët ishin të dëmtuar dhe nuk i kanë shërbyer skuadrës në këtë ndeshje. Mungesa e tyre është ndjerë shumë, parë edhe faktin se zëvendësuesit nuk kanë arritur të justifikojnë. Me të drejtë do të lindte pyetja: Kur Besëlidhja nuk arrin dot të ingranojë në lojë “stolin” në miqësoren me Adën, si do të ndodhë me kundërshtarët e elitës, në superiore? Për të realizuar objektivin minimal, atë të qëndrimit në kategorinë superiore, janë emergjente përmirësimet në organizimin e lojës dhe në gjetjen e “njeriut gol”, që normalisht mungojnë. Pra, realisht, Besëlidhja ka nevojë për përforcime në të gjitha repartet.

[RaPSouL]

“Bumi” i Hasanbelliut, “prenoton” Labinot Halitin

18 Gusht Ndërkohë që nga Teuta u larguan disa titullarë, presidenti Hasanbelliu është duke bërë të gjitha përpjekjet për ta mbajtur skuadrën e tij në nivelet e sezonit të kaluar, kur konkurroi me sukses në kampionat dhe në kupë. Një nga “goditjet” më të forta të Hasanbelliut duket se do të jetë afrimi në skuadër i Labinot Halitit, i cili pritet të mbërrijë në Durrës këto ditë. Haliti, një mesfushor sulmues, është aktivizuar më parë në Australi, me Njukasëll Xhets, ndërsa në muajt e fundit është stërvitur me ekipin kroat Slaven Belupo, kundërshtari i “djemve të detit” në turin e parë paraeliminator të kupës UEFA. Kështu, humbja ndaj skuadrës kroate, ka bërë që ndoshta presidenti i klubit durrsak të “marrë hak” ndaj skuadrës që e eliminoi ata nga UEFA. Kjo ishte thjesht një “satirë”, por e vërteta sjell sinjale me të vërtetë shumë pozitive. Haliti, i cili deri përpara një sezoni ka luajtur për llogari të australianëve të Xhets, në ligën e parë, ku ka shënuar edhe tetë gola, ka tërhequr vëmendjen e Bariçit, i cili, në një bisedë private i ka kërkuar atij që të vijë në Europë, nëse do të bëjë pjesë në kombëtaren shqiptare. Një këshillë që Haliti e ndoqi, madje edhe në Kroaci, tek Slaven Belupo, skuadër të cilën “Oto Maksimale” ia ka rekomanduar. Por, duket se llogaritë e kosovarit do të dalin ndryshe. Kjo, pasi Teuta është klubi, i cili e kërkon ta ketë dhe sipas të gjitha gjasave, Haliti mund të shkojë në Durrës. Shenjë e mirë, apo jo, për Bariçin, kjo duket se nuk ka rëndësi për Hasanbelliun. Haliti është një lojtar “klasi” dhe fakti që është ende me parametra zero mund të intrigojë. “Goditje në shenjë”, me plot kuptimin e fjalës. Nga burimet e klubit mësohet se afrimin e Halitit në skuadrën durrsake po e bën të mundur menaxheri Rudi Vata. Kështu, sipas vetë njëshit të klubit durrsak ? nëse një transferim i tillë do të ndodhë ? Haliti do të jetë edhe përforcimi më cilësor që Teuta do të ketë bërë ndonjëherë.

Sulmi, hallka më e dobët

Kur duhet një javë që të nisë kampionati, në kampin durrsak ende nuk është i qartë formacioni, me të cilin Teuta do të vihet përballë Skënderbeut, në ndeshjen e parë në Korçë Kontratat nuk janë nënshkruar ende me të gjithë lojtarët dhe nuk dihet se cilët do të përfaqësojnë Teutën në sezonin e ardhshëm. Me të vetmit futbollistë, të ardhur gjatë kësaj periudhe, me të cilët drejtuesit durrsakë kanë mbyllur gjithçka përsa u përket kontratave, janë dy kosovarët, Hashani dhe Dragusha, që sipas stafit teknik kanë treguar një nivel të mirë dhe do të jenë të rëndësishëm për ekipin gjatë sezonit. Pas ndeshjeve të kupës UEFA rrjedhjet kanë qenë jo të pakta tek Teuta, ndaj drejtuesit durrsakë janë në tratativa me disa futbollistë. Reparti që i ka më të nevojshme përforcimet është sulmi, pasi në ndeshjet miqësore Teuta ka treguar se e ka mjaft të vështirë për të gjetur golin. Në ndeshjet testuese të deritanishme Teuta ka shënuar vetëm dy gola dhe ato janë realizuar nga mesfushorë, si i riu 17?vjeçar Dosti, në miqësoren me Kastriotin, dhe Vila në ndeshjen ndaj Dajtit. Në këtë kuadër, fokusi është drejtuar te disa sulmues. Kështu, ka shumë mundësi që në ditët e ardhshme me durrsakët të bashkohet sulmuesi beratas Kristaq Mile, ndërsa sot do të vijë dhe lezhjani Ermal Gega. Shumë shpejt pritet të kthehet mesfushori afrikan Ismail, i cili mungoi në ekip për shkak të problemeve me dokumentacionin, që i mohuan lojtarit ndeshjet ndërkombëtare, kur dihet që ai u bashkua me Teutën që në Mavrovë. “Asnjë të mos shqetësohet, pasi Teuta do të jetë sërish një skuadër e fortë ? është shprehur presidenti Hasanbelliu dje për gazetën tonë. ? Brenda pak ditësh skuadra do të kompletohet me disa lojtarë me përvojë, pa harruar dhe të rinjtë mjaft të talentuar që kemi. Kështu që shpresojmë të alternojmë mirë energjinë e të rinjve me përvojën”.

Ikën Brahja, gati dhe portieri Osmani

Ndërkaq, duket se nga Teuta do të ketë përsëri largime. Një prej tyre mund të jetë dhe portieri i dytë, Alfred Osmani. Duket se për të është e vështirë të qëndrojë dhe këtë sezon në stol, si zëvendësues i Kapllanit, ndaj mund të largohet në një skuadër tjetër, ku mund të jetë numri 1 i portës. Por drejtuesit kanë larguar dhe mbrojtësin Brahja, që nuk u aktivizua sezonin e kaluar për shkak të një dëmtimi të rëndë. “Dua të qartësoj diçka lidhur me largimet ? shprehet Hasanbelliu, ? pasi gjatë kësaj periudhe është krijuar ideja sikur janë futbollistët që largohen prej nesh, kur në të vërtetë jemi ne, që e kemi bërë një gjë të tillë, duke mos pranuar tekat dhe kërkesat e njërit apo të tjetrit”.

Sot, miqësorja e fundit, ndaj Flamurtarit

Teuta sot do të zhvillojë ndeshjen e fundit miqësore, para nisjes së kampionatit. Bregdetarët do të udhëtojnë drejt Vlorës, për t’u ndeshur me Flamurtarin. Mendohet se formacioni, që Dedja do të hedhë në fushë në miqësoren e sotme, do të jetë pak a shumë ai që do të luajë të shtunën e ardhshme ndaj Skënderbeut. Megjithatë, me përforcimet që pritet të vijnë në ditët e ardhshme, formacioni bazë mund të ketë dhe ndryshime.

[RaPSouL]

Hitaj: “Asnjë klub nuk ka sjellë federimet”

Kur duhen edhe pak ditë nga fillimi i kampionatit të kategorisës superiore, në Federatën Shqiptare të Futbollit (FSHF) nuk ka filluar regjistrimi I lojtarëve. Shefi i Sektorit të Garave në FSHF, Hito Hitaj, tha se "asnjë nga 12 skuadrat e kategorisë superiore nuk ka federuar lojtare në FSHF. Klubet kanë kohë deri në datën 20 gusht, pra 5 ditë përpara fillimit të kampionatit, që të regjistrojnë futbollistët që do të kenë në përbërje për sezonin e ardhshëm". Sipas tij, vetëm për futbollistët qe vijnë nga jashtë do të tolerohen federime deri në 31 gusht. "Klubet duhet të shpejtojnë dhe të respektojnë afatet kohore ashtu siç u është bërë e ditur, pasi në të kundërt, nuk do të ketë asnjë lloj tolerimi", tha Hitaj. Federata Shqiptar e Futbollit ka organizaur sot seminare me perfaqsuesit me te larte te klubeve te futbollit Shqiptar. Ne kete seminar ka marre pjese Presidenti I FSHF-se, Z.Armand Duka I cili se bashku me Zv.Presidentin Bujar Kasmi dhe Sekretarin e Pergjithshem te FSHF-se, Roland Mici kane drejtuar keto seminare pune . Ne keto mbledhje jane pasqyruar qarte direktivat e UEFA-s per Licensimin e Klubeve dhe kriteret qe vete klubet duhet te permbushin . Presidenti Duka ka theksuar ne kete takim se ka ardhur koha qe klubet te arrijne standaret nderkombetare nga ana ligjore por edhe organizative pa harruar infrastrukturen . Sektori I Licenimit ne FSHF u ka derguar klubeve formularet dhe kriteret me qellim qe klubet ti plotesojne ato brenda afatave te percaktuara nga UEFA. Duhet theksuar fakti se ne kete seminarmerrnin pjese jo vetem donatoret e klubeve por edhe perfaqsuesit e pushtet lokal nga varen vete klubet e futbollit.

Presidenti I FSHF-se duke iu referuar kritereve te Licensimit te Klubeve sqaroi me hollesi per vemendjene vecante qe keta perfqsues te pushtetit local duhet ti kushtojne kritereve te Licensimit per permisimin infrastruktures Ligjore ,organzimin dhe permisimin e kushteve te stadiumeve. Sistemi I zhvillimit te seminarit me nga 4 klube per cdo seminar ka krijuar mundesine bashkebisedimit ne detaj per cdo problem dhe veshtiresi qe mund te hasen ne ecurine plotesimit te kritereve te kerkuara nga UEFA ne Sistemin e Licensimit te Klubeve. Vete perfaqsuesit e klubeve te futbollit jane shprehur te gatshem te bashkepunojne me pushtetin local dhe FSHF-ne , ne menyre qe kriteret e licensimit te plotesohen brenda afateve te percaktuar nga UEFA. Federata Shqiptare e Futbollit ne projektet e saj per vitin 2008 ka si qellim plotesimin e kritereve te Licensimit te Klubeve.Ne kete menyre FSHF po i vjen ne ndihme klubeve me asistence juridike,ekonmike etj. UEFA ne sistemin e ri te Licensimit te Klubeve parashikon qe cdo klub te kete percakruar qarte Statutin e tij, menyren e organizimit dhe kushte optimale te infrastruktures ne stadiumet ku zhvillojne ndeshjet e ekipet e klubit perkates. Ne dy seminaret e zhvilluara sot morren pjese , presidentet e klubeve te Partizanit, Vllaznise, Beses, Elbasanit, sekretaret e klubeve te Dinamos,Vllaznise Seminaret e punes do te vazhdojne edhe diten e neserme me klubet e tjera te futbollit ku do te parashtrohen kriteret e reja te Licensimit te Klubeve 2008-2009.

[RaPSouL]

Topi, tashmë mundësia e dorëheqjes nga presidenca e Tiranës

Kryesia e klubit të futbollit Tirana ka shpejtuar të bëjë urimet për presidentin e tyre, Bamir Topi, i cili tashmë është shpallur Presidenti i Republikës. Intensiteti i aktiviteteve politik dhe angazhimi në postin e kreut të shtetit mund ta bëjë të pamundur vijimësinë e zotit Topi në krye edhe të klubit Tirana. Ndërkohë, shefi i klubit, Shkëlqim Muca, ka bërë të ditur se për momentin nuk kanë biseduar për të ardhmen me numrin 1 të shtetit dhe klubit Tirana. “Menjëherë sapo e kemi mësuar këtë eveniment, i kemi dërguar mesazhet tona të urimit. Është vërtetë diçka shumë e rëndësishme që ai është shpallur president i vendit dhe për momentin jemi mjaftuar vetëm ti dërgojmë urimet tona”, tha Muca. I pyetur mbi mundësinë e vazhdimësisë apo jo të Bamir Topit, tashmë presidenti i republikës, në krye edhe të klubit të futbollit Tirana, shefi i klubit bardheblu është shprehur se nuk është kontaktuar në lidhje më këtë cështje ende me presidentin. “Jo nuk kemi folur ende për këtë çështje, për momentin kemi dërguar vetëm mesazhe urimi” - përfundoi Muça duke lënë të paqartë nëse Topi do të vazhdojë të jetë edhe president I klubit Tirana. Sigurisht që shpallja si president i vendit i Bamir Topit, është një lajm i rëndësishëm jo vetëm për klubin kryqytetas, por kjo me shumë mundësi mund ti krijojë bordit drejtues të bardhebluve edhe një problem të pamenduar më parë.

[RaPSouL]

Superliga, starti pa duele të mëdha

Pas dy shtyrjeve të argumentuara (pushimet në Sarandë të shefit të Garave, Hito Hitaj, ishte arsyeja themelore) më në fund 12 skuadrat e elitës së futbollit modest shqiptar njohën kundërshtarët respektivë në gjashtë çiftet e ndeshjeve të javës së parë të Kategorisë Superiore për sezonin 2007-2008, që përkon me Kampionatin e 69-të Kombëtar të Futbollit. Shorti i hedhur dje në Federatën Shqiptare të Futbollit, në prani të shumë prej drejtuesve të lartë të klubeve, zbardhi kalendarin e plotë të dy prej tri fazave në të cilat do të ecë sezoni i ri, që do të nisë më 25 gusht.

Kampionët në Vlorë

Tirana, kampionia në fuqi, premierën e sezonit të ri do ta nisë në stadiumin “Flamurtari” ku do të përballet me skuadrën vlonjate, me të cilën humbi sezonin e kaluar (3-2) në të vetmen ndeshje të zhvilluar me Flamurtarin në Vlorë. Elbasani, kampioni i sezonit 2005-2006, do të presë në “Ruzhdi Bizhuta” 9-herë kampionët e Shqipërisë, Vllazninë, që zhvilloi një Kupë Intertoto me dy pamje: eliminoi bujshëm kroatët e NK Zagreb, por u turpërua nga turqit e Trabzonspor në turin e dytë. Sfida Elbasani-Vllaznia ka të veçantën e pranisë së gjirokastritit Arlin Nora, ish-kampion me Elbasanin dy sezone më parë, sot në forcë me Vllazninë. Elbasani-Vllaznia mund të konsiderohet edhe si kryendeshja e javës së parë. Çift tjetër interesant është Besa-Kastrioti, që edhe sezonin e kaluar u përballën po në javën e parë, por me ndryshimin që, nëse vjet luajtën në Krujë, këtë sezon do të luajnë në Kavajë. Partizani i Hasan Likës do të presë në “Qemal Stafa” Shkumbinin e trajnerit debutues Gugash Magani. Sezonin e kaluar, “demat e kuq” i fituan të tre takimet me Shkumbinin. Dinamo e Agim Canaj do të presë në “Selman Stërmasi” Besëlidhjen, të porsangjitur në Kategorinë Superiore, ndërsa “Ujqërit e dëborës”, Skënderbeu, do të luajë gjithë inat me Teutën, skuadrën që fitoi plejofin e dy sezoneve më parë, që solli edhe rrëzimin e Skënderbeut në Kategorinë e Parë.

Tre derbit kryeqytetas

Sfida e parë e madhe i përket Dinamos dhe Tiranës. 16-herë kampionët e Shqipërisë, të cilët titulli u mungon që nga sezoni 2001-2002, do të përballen në javën e 9-të (dhe të 20-të në fazën e dytë) me rekordmenët bardheblu (23 kampionate të fituara). Derbi i parë është programuar më 3 nëntor me Dinamon si skuadër pritëse, ndërsa ai i kthimit, më 16 shkurt, me Tiranën si organizatore të takimit. Blutë e Agim Canaj nuk do të kenë kohë të marrin frymë pasi katër ditë më pas, në javën e 10 (7 nëntor), do të përballen me Partizanin, që ka në arkivin e tij një titull më pak (15), por që nuk fiton një kampionat prej gati 15 vjetësh, qysh nga sezoni 1992-1993. Pas Dinamos, është Partizani që nuk do gjejë qetësi, pasi java e 11-të (si edhe e 22-të), njëherësh edhe javët e fundit të fazës së parë dhe të dytë, i ka vendosur të “Kuqtë” përballë Tiranës, kampione në fuqi dhe fituese e 9 trofeve që nga viti 1993, viti i fundit kur Partizani fitoi edhe kampionatin e fundit.



Pretendentët e tjerë

Besa me merkaton e zhvilluar dhe me rezultatet e deritanishme konsiderohet një favorite për titull, përkrah tri skuadrave të kryeqytetit dhe Teutës e Vllaznisë. Fituesja e Kupës së Shqipërisë do të përballet me të mëdhatë e futbollit shqiptar me një kalendar “lodhës”: kundër nënkampiones Teuta, në javën e 2-të (në transfertë), me kampionen Tiranën, në javën e 5-të (në shtëpi), me Elbasanin (java 6-të, në Kavajë) si dhe dy sfida rresht me Dinamon dhe Partizanin (që të dyja në shtëpi).



Formula e Kampionatit

Kampionati i ri realisht parashikon një luftë të fortë sportive. Komiteti Ekzekutiv i FSHF-së me vendimin e tij të fundit synoi të minimizojë problemin e madh të trafikimit të rezultatit të ndeshjeve. Në përfundim të 33-javëve kampionat për në Kategorinë e Parë do të rrëzohen dy ekipet e renditura të fundit (vendet 11 e 12 të Kategorisë Superiore), ndërkohë që skuadrat e pozicionuara në renditje në vendet 9-10 do të zhvillojnë ndeshje plejout me dy skuadrat e renditura në vendet 3-4 të Kategorisë së Parë.



Kalendari

i

Kategorisë

Superiore

Sezoni

2007-2008



Java 1, 25.08.2007

Java 14, 22.01.2008

Flamurtari-Tirana

Skënderbeu-Teuta

Besa-Kastrioti

Elbasani-Vllaznia

Dinamo-Besëlidhja

Partizani-Shkumbini



Java 2, 01.09.2007

Java 13, 01.12.2007

Flamurtari-Skënderbeu

Teuta-Besa

Kastrioti-Elbasani

Vllaznia-Dinamo

Besëlidhja-Partizani

Tirana-Shkumbini



Java 3, 15.09.2007

Java 14, 08.12.2007



Skënderbeu-Tirana

Besa-Flamurtari

Elbasani-Teuta

Dinamo-Kastrioti

Partizani-Vllaznia

Shkumbini-Besëlidhja



Java 4, 22.09.2007

Java 15, 15.12.2007



Flamurtari-Elbasani

Skënderbeu-Besa

Teuta-Dinamo

Vllaznia-Shkumbini

Kastrioti-Partizani

Tirana-Besëlidhja



Java 5, 29.09.2007

Java 16, 22.12.2007



Besa-Tirana

Elbasani-Skënderbeu

Dinamo-Flamurtari

Partizani-Teuta

Shkumbini-Kastrioti

Besëlidhja-Vllaznia



Java 6, 06.10.2007

Java 17, 29.12.2007



Besa-Elbasani

Skënderbeu-Dinamo

Flamurtari-Partizani

Teuta-Shkumbini

Kastrioti-Besëlidhja

Tirana-Vllaznia



Java 7, 20.10.2007

Java 18, 02.02.2007



Elbasani-Tirana

Dinamo-Besa

Partizani-Skënderbeu

Shkumbini-Flamurtari

Besëlidhja-Teuta

Vllaznia-Kastrioti



Java 8, 31.10.2007

Java 19, 09.02.2007



Teuta-Vllaznia

Elbasani-Dinamo

Besa-Partizani

Skënderbeu-Shkumbini

Flamurtari-Besëlidhja

Tirana-Kastrioti



Java 9, 03.11.2007

Java 20, 16.02.2007



Dinamo-Tirana

Partizani-Elbasani

Shkumbini-Besa

Besëlidhja-Skënderbeu

Vllaznia-Flamurtari

Kastrioti-Teuta



Java 10, 07.11.2007

Java 21, 23.02.2007



Dinamo-Partizani

Elbasani-Shkumbini

Besa-Besëlidhja

Skënderbeu-Vllaznia

Flamurtari-Kastrioti

Tirana-Teuta



Java 11, 10.11.2007

Java 22, 01.03.2007



Partizani-Tirana

Shkumbini-Dinamo

Besëlidhja-Elbasani

Vllaznia-Besa

Kastrioti-Skënderbeu

Teuta-Flamurtari

[no name]

Gudjabi-Pinja, presion Skënderbeut

19 Gusht Deri tani, vetëm Gudjabi dhe Pinja kanë përfunduar me Skënderbeun gjithçka që lidhet me kontratën, madje, kanë marrë edhe këstin e parë të parave. Kryesia, sipas presidentit të skuadrës korçare, Tomi Balli, ka rënë dakord edhe me kosovarin Sulejmani e maqedonasin Delioski. Por drejtori ekzekutiv i klubit, Petrika Konomi, bën të ditur se edhe me lojtarët e tjerë, që mendohen si pjesë e Skënderbeut për sezonin e ri, është rënë dakord në parim. Të gjitha kontratat, përfshi dhe me trajnerin Kaçi, sipas Konomit do të mbyllen në ditët e para të javës që vjen. Duke u rikthyer te kontratat e Gudjabit e Pinjes, duhet thënë se firmosja e tyre në kohën e duhur ka ardhur edhe për atë, sepse të dy lojtarët, pasi kanë marrë miratimin e Kaçit për të qenë pjesë e Skënderbeut, kanë kërkuar marrëveshjen dypalëshe mbi tavolinë. Madje, kanë shkuar deri atje, sa nuk kanë pranuar të dalin në stërvitje pa marrë dhe këstin e parë fill pas hedhjes së firmës mbi kontratë. Kryesia nuk ka qenë kundër...

Tonin Frroku



Korçarët, të “shtypur”

Para dy javësh, korçarët Ametlli, Drabaj, Larti, Ngjela e Çajku kishin bërë të ditur se mund të largohen nga skuadra, nëse nuk firmosin kontratat për sezonin e ri. Largimin e tyre e kishte parashikuar edhe Kaçi, kur, pas ndeshjes miqësore të fituar me Besëlidhjen, pati thënë se “nuk duhet të çuditemi në qoftë se ikin lojtarët që nuk kanë firmosur akoma”. Konomi thotë se është rënë dakord në parim dhe se ka qenë trajneri Kaçi, ai që nuk ka paraqitur listën e lojtarëve që dëshiron të mbajë në klub, në mënyrë që gjithçka të sqarohej. T.F.



Kaçi kërkon kontratën

Vetëm një ditë pas largimit nga skuadra të pesë titullarëve korçarë, trajneri Jani Kaçi i ka bërë të ditur drejtorit ekzekutiv të klubit kërkesën për firmosjen e kontratës. “Në të kundërt, ? pati thënë kryepankina korçare, ? nuk përjashtohet mundësia të mos jem më trajner i Skënderbeut”. Nisur dhe nga kjo, presidenti Balli dhe një pjesë e mirë e kryesisë së klubit kanë pasur një takim me trajnerin. Por, sipas Konomit, më shumë se për kontratën e Kaçit në atë takim është diskutuar për lojtarët e shumtë, që po largoheshin nga Skënderbeu edhe pa u parë mirë.


Sportekspres

[no name]

Xhani: Do ta braktisim “Qemal Stafën”!

19 Gusht “Federata duhet të ndërhyjë e po kështu edhe ministria e linjës për të parë veprimet e drejtorit Dhales që “ha fjalën ditën për diell”



Partizani rrezikon të mos e fillojë kampionatin në “Qemal Stafa”. Marrëveshja mes klubit të kuq me impiantin e futbollit, pikërisht në hapat përfundimtarë të saj “është hedhur në erë”, duke pozicionuar skajshëm palët, që nuk kanë munguar që, përveç argumentave respektivë, të atakojnë publikisht njëra tjetrën. Ka nisur këtu e dy muaj më parë tratativa e drejtuesve të Partizanit me drejtorin e stadiumit, Perikli Dhales (në fakt, drejtor i shoqërisë anonime që përfshin edhe pallatin e sportit “Asllan Rusi”). Por, gjërat kanë ngecur në parametrat financiarë të kontratës, pa të cilën Partizani nuk mund të hyjë në kampionatin e ri. Kësaj i duhet shtuar edhe ngarkesa që do të ketë impianti, nisur nga ajo që Tirana, pjesën më të mirë të ndeshjeve brenda do t’i zhvillojë po në “Qemal Stafa”. Ndërsa Dinamo është kënaqur të luajë në “Selman Stërmasi”, Partizanit i mbetet detyrueshëm “Qemal Stafa” si zgjedhje e parë. Dhelësi, ashtu siç ka vepruar edhe me klubet e tjerë, ka ofruar dy alternativa: ose të paguhet nga Partizani një kuotë dhe të kuqtë të menaxhojnë biletat, ose të mos paguajnë, por në këtë rast tërë të ardhurat do të shkojnë në arkën e impiantit. Tirana ka zgjedhur variantin e dytë, çka ka çuar që të ardhurat nga biletat në sezonin e kaluar (Tirana luajti një pjesë të konsiderueshme të ndeshjeve në “Qemal Stafa), të ishin vetëm 1,1 milionë lekë. Ndërsa Partizani, duke shpresuar që ecuria në këtë kampionat do të jetë në një nivel shumë më të lartë se sa paraardhësit, ka kërkuar variantin e parë. Por këtu ka ngecur prej kohësh tratativa, ndërsa dje palët duket se janë “çarë” keqaz, aq presidenti i Partizanit, Albert Xhani ka thënë: Si kanë shkuar punët, do të jemi të detyruar që ta braktisim fare “Qemal Stafën”!



Partizani

“Me këtë drejtor ne nuk merremi vesh”, ka thënë dje, presidenti i Partizanit, Albert Xhani. Më tej, i dërguari i të kuqve, Genc Tomori ka rrëfyer se, pas shumë përpjekjesh kishte marrë një Ok?ej nga Dhales dhe dje ka shkuar me propozimin e Partizanit. “Ramë dakord që të paguajmë 2 milionë të vjetra për çdo ndeshje dhe Dhales më tha që ta bëjë kërkesën me shkrim e më pas të hartonim kontratën. Vepruam siç kërkoi, ndërsa dje ai kishte ndryshuar mendje e kërkonte 3 milionë. Këtë e justifikonte me faktin se ne mund të zhvillojmë ndeshje në mbrëmje dhe se diferenca do të rikuperonte harxhimin e energjisë elektrike. Por, duke ditur edhe situatën energjitke që po kalon vendi, por edhe për shumë arsye të tjera, ne nuk kemi ndërmend që t’i zhvillojmë ndeshjet sistematikisht natën”, tha Tomori.

Ajo që e ka prekur më fort Xhanin është “të luajturit nga fjala”: “Ne shkuam me idenë se do të nënshkruanim, pasi i ishim mbyllur bisedat. Unë s’di si ta spjegoj këtë dredhë të Dhalesit. Na dha fjalën e më pas del me shifra të tjera. Ndoshta nuk mban mend se ç’thotë...”. Përtej kësaj, deklarimi: “Nuk do të luajmë ndeshjen e parë në “Qemal Stafa”. Ndoshta edhe të tjerat. Kërkoj që Federata të ndërhyjë për të na mundësuar të luajmë ashtu si dy skuadrat e tjera të kryeqytetit. Po kështu, i kërkojmë ministrisë së linjës të ndërhyjë në veprimet e pabesa të drejtorit të stadiumit”.



Stadiumi

Perikli Dhales, drejtor i stadiumit kombëtar “Qemal Stafa”, ka arritur të mbyllë gjithçka me Tiranën e po kështu edhe me FSHF?në për ndeshjet ndërkombëtare, ndërsa te Partizani gjërat i sheh ndryshe. Pyetjes se përse ka ndryshuar qëndrim në momentin e fundit, Dhales i është përgjigjur: “Nuk është e vërtetë se kam ndryshuar “pazar”. Ne kemi biseduar e kemi rënë dakord në parim që Partizani të paguajë stadiumin dhe të menaxhojë vetë biletat. Por për shifrën, jo”. Drejtori ka treguar se nuk e ka bërë një gjë të tillë ? mbylljen e “pazarit” ? sepse nuk është ai që merr vendimet. “Kam një këshill mbikqyrës dhe unë zbatoj vendimet e tij. Pikërisht për këtë, i thashë drejtuesve të Partizanit që të më sillnin me shkrim propozimin e tyre. Ne bëmë llogaritjet tona dhe me 2 milionë të vjetra që ofronte Partizani nuk ishim kërrkund. Kemi goxha shpenzime dhe nga ana tjetër, si shoqëri anonime që jemi, nuk mund të punojmë me humbje. Ju duhet ta dini se ka jo pak ndeshje të kampionatit tonë ku nuk arkëtojmë as 200 mijë të vjetra”. Madje Dhales duket sikur i ka bërë nder Partizanit, kur përmend punën e ndeshjeve në mbrëmje. “Pasi u konsultova me këshillin mbikqyrës, propozuam shifrën e tre milionëve të vjetra, duke përfshirë këtu edhe energjinë elektrike, pa përcaktuar se sa ndeshje mund të zhvillohen në mbrëmje”.



Sportekspres

[no name]

Qorri: U lodha me Elbasanin

19 Gusht Futbollisti elbasanas, Ilir Qorri, ka bërë një lëvizje që shumëkush e ka quajtur befasuese, kur është bashkuar me skuadrën e Shkumbinit. Sulmuesi i njohur ka qenë për më se katër javë në ambientin elbasanas ku ka zhvilluar rregullisht seancat stërvitore nën drejtimin e teknikut Alimehmeti, por ai ka rrëfyer se, vonesa e mbylljes së kontratës e ka bërë të dyshojë, derisa ka vendosur të largohet. “Kërkesës së klubit elbasans për bisedime, unë iu përgjigja pozitivisht”, tregon Qorri. “Parimisht ramë dakord për gjithçka dhe në bazë të kësaj marrëveshjeje fillova stërvitjen. Gjithashtu përcaktuam një datë për mbylljen e kontratës dhe kushtet e saj. Por, afati i paracaktuar është shtyrë disa herë nga drejtuesit e klubit elbasanas. Një gjë e tillë, jo vetëm ma preu hovin, por më lëkundi besueshmërinë në ecurinë normale të punës. Unë jam futbollist profesionist dhe jam i detyruar t’i përmbahem rregullave, ashtu siç duhet t’i përmbahen edhe të tjerët. Vendosa të largohesha dhe të shikoja ndonjë mundësi tjetër”. Dhe nuk është se ka pritur shumë. Të premten pasdite ka mbyllur gjithçka, duke nënshkruar një kontratë njëvjeçare me Shkumbinin. Qorri ka theksuar se i ka munguar përkujdesja nga klubi verdheblu, veç korrektësisë në hedhjen e firmës. “Përderisa ramë dakord për gjithçka dhe dëshira e mirë ishte dypalëshe, nuk kisha asnjë arsye që të shtyja afatet për hedhjen e firmës e të ridiskutoheshin kushtet e kontratës”, nënvizon Qorri. Duke e konsideruar të mbyllur “kapitullin Elbasani”, ai tashmë është përqendruar tërësisht tek përgatitja për një prezantim sa më dinjitoz në radhët e Shkumbinit. Megjithëse kanë kaluar vetëm dy senaca stërvitore, Qorrit nuk i mungon njohja me bardhekaltërit. Kjo, jo vetëm se baza e skuadrës peqinase është ajo e sezonit të kaluar, por edhe se shumica e futbollistëve të ardhur janë nga Elbasani, ekip në të cilin Qorri është aktivizuar për shumë vite, madje është shpallur dhe kampion. Duke parashikuar ecurinë e Shkumbinit, mesfushori sulmues vijon: “Me atmosferën e punës këtu, me përkujdesjen e gjithanshme të presidentit Ismaili dhe përbërjen që ka, ekipi peqinas nuk do të vuajë më nga ankthi i qëndrimit në Superiore. Madje, do të pretendojë për të qenë në gjashtë më të mirat. Unë mendoj se Shkumbini ka të ardhme”, ka përfunduar Qorri.


Sportekspres

[no name]

Starova: Ky trofe na duhet shumë!

19 Gusht Superkupës së Shqipërisë, trofeu i parë i sezonit të ri. Këtë e ka shprehur edhe trajneri i Tiranës, Sulejman Starova, që në fjalët e para të prononcimit të tij për gazetën tonë, dje në mesditë. Ka qenë një deklarim, që, për të qenë realistë, duhet thënë se na ka vënë disi në vështirësi për vazhdimin e mëtejshëm të bisedës. Por, ka qenë pikërisht “Bobi”, i cili, si gjithnjë, me humorin dhe ngrohtësinë e komunuikimit ka bërë që “ngërçi” i krijuar të kapërcehet shpejt. “Kemi tri javë me radhë, ? tha Starova, ? që kemi kryer një stërvitje shëmbullore në të gjitha drejtimet. Them kështu, sepse veçmas ndërgjegjësimit të djemve, në radhë të parë këtë gjë na e ka mundësuar edhe infrastruktura sportive, që është vënë tashmë e plotë në dispozicion të skuadrës. Në një fushë si e “Skënder Halilit” është e pamundur të mos kesh dëshirë për t’u stërvitur”. Më pas, “Bobi” na bëri me dije për formën e mirë sportive, që gëzojnë të gjithë futbollitët e tij. “Këtë gjë ? shtoi ai ? e kemi konstatuar në të tri ndeshjet stërvitore të njëpasnjëshme që kemi zhvilluar. Sidomos në miqësoren e fundit, me Elbasanin, skuadra funksionojë në ato nivele, sikurse e kishim parashikuar”. Më pas duke folur për Besën, Starova u shpreh: “E kemi vëzhguar me kujdes në të trija ndeshjet, pa thënë që njohja e Tiranës me këtë skuadër është historike. Madje, edhe sezonin e kaluar, kur drejtoja Teutën, ndeshjet me Besën kanë qenë nga më interesantet. Ndaj, do t’u bëja thirrje tifozëve të Tiranës që të jenë të pranishëm sot në “Qemal Stafa”. I siguroj se do t’i kënaqim në gjithçka, sepse jo më kot e thash që në fillim: kjo Kupë na duhet shumë”.



Sportekspres

[no name]

Shpërthen Bizhdili: Dua superkupën!

19 Gusht Pas një lloj justifikimi, që ka nxjerrë për humbjen në turin e dytë të kupës UEFA, ndaj Liteksit, të enjten e kaluar në “Niko Dovana”, presidentit të Besës, Nexhat Bizhdili, dje i ka ardhur përsëri “zëri”. Gjithmonë para impenjimeve të rëndësisë së veçantë, si ky i sotmi për finalen e Superkupës, ku kavajasit marrin pjesë për herë të parë, “Xhati” dallohet për “bëmat” e tij. Veçse në këtë rast, thirrja me gjithë forcën e shpirtit, për një fitore të Superkupës, nga numri 1 I skuadrës verdhezi është shoqëruar edhe me disa masa, që ai i ka bërë publike për shtypin dje në mesditë. Shuma e premios për futbollistët, në rast fitoreje, do të jetë 10 mijë dollarë prej xhepit të tij. Dhe kjo shumë do të jetë më e lartë edhe nga “premioja” që vë FSHF?ja, “ndonëse këtë ende s’e kemi mësuar sa është konkretisht” ka thënë dje Bizhdili. Gjithashtu, për të mos e lënë të “shurdhët” mbështetjen e skuadrës kavajase, presidenti Bizhdili ka vendosur 10 autobusë falas për fansat, që do të nisen nga sheshi i qytetit në orën 14:00. Ndërsa skuadra, menjëherë pas seancës së djeshme stërvitore, për të qenë e qetë, madje, duke dashur edhe ta “relaksojë” sado pak, është akomoduar që mbrëmë në “Hotel Eklips”, në periferi të Tiranës. “Një mjedis tepër i përshtatshëm, ? pohoi Xhati, ? njohjen me të cilin e bëmë para dy javësh, pasi aty u sistemua për tri ditë skuadra serbe Bezania, që Besa e eliminoi në turin e parë të Kupës UEFA”. Presidenti i Besës ka folur ndërkohe me tone optimiste për “distancimin” e skuadrës nga humbja me Liteksin. “Ne patëm përballë një kundërshtar shumë të vështirë, që na mundte në çdo situatë. E kishim ndjekur në Bullgari dhe ia treguam ekipit tonë se do të kishim të bënim me një kundërshtar të frikshëm, ? tregon Xhati. ? Megjithatë, skuadra duhet të distancohet nga ajo humbje njëherë e përgjithmonë. Ekipin e kam “karikuar” gjatë këtyre ditëve, duke i kërkuar “copë” se e dua Superkupën. Ky është objektivi i parë, ndërsa javën e ardhshme fillon kampionati, ku synimi ynë është të luftojmë më të gjitha forcat për të qenë në grupin e skuadrave pretendente, duke “mësyrë” me guxim drejt fitimit për herë të parë edhe të titullit kampion, sikurse bëmë me kupën e Shqipërisë”. Duke përfunduar, presidenti Bizhdili ka nënvizuar: “Ne do t’i marrim me shumë përgjegjësi impenjimet kombëtare, që na presin nga sot me finalen e Superkupës ndaj Tiranës, për të vazhduar me kampionatin dhe kupën. Nuk do të kursejmë asgjë, për të qenë në rreshtin e skuadrave protagoniste në të gjitha frontet për sezonin e ri, duke filuar nga Superkupa”.



Sportekspres