Lajmet nga Superliga 2006/2007

[RaPSouL]

Grima: Nuk ia lëmë tjetërkujt

18 Gusht Një javë përpara startit të kampionatit të futbollit, stadiumi “Loro Boriçi” i Shkodrës do të provojë emocionet e një miniturneu, në garën e të cilit janë përfshirë katër skuadra. Kupa i dedikohet të madhit të topkëmbës shqiptare, shkodranit Loro Boriçi, emrin e të cilit mban edhe stadiumi i qytetit verior, me rastin e 85?vjetorit të lindjes së tij. Kuqeblutë vijnë në këtë aktivitet pas një periudhe përgatitore trijavore në kampingun e Nikshiqit, periudhë e cila u shoqërua me dy miqësore, njëra me Sutjeskën e kategorisë së parë dhe tjetra me Zabjellon e kategorisë së dytë të Malit të Zi. Në fakt, sipas drejtuesve të klubit Vllaznia, projekti i shkodranëve ka qenë për të luajtur edhe një miqësore të tretë të enjten pasdite, kur përballë do të ishte ishte një ekip i përzgjedhur prej të dy skuadrave malazeze të qytetit të Nikshiqit, Celikut dhe Sutjeskës, por duket se shkak, për t’u shmangur kjo ndeshje, ka qenë pikërisht turneu i sotëm katërkëndor me emrin e të madhit Loro Boriçi.

“Loro Boriçi është i yni”

Duke folur për garën e sotme, e cila nga ana e organizatorëve shkodranë është stimuluar me një shumë modeste prej 1 mijë dollarësh amerikanë për fituesin e saj, portieri veteran i Vllaznisë, Armir Grima, nuk “lëshon pe”. “Loro Boriçi është i yni”, thotë për “Sport Ekspres” njëshi i formacionit kuqeblu, sapo Vllaznia ka mbërritur në Shkodër, aty rreth orës 17.00 të ditës së djeshme(e premte), pasi paradite kishte kryer një seancë stërvitore në terrenet e Nikshiqit . “E kemi vlerësuar shumë seriozisht këtë turne, ndaj dhe do të luftojmë për ta fituar, pasi nuk ka kuptim që t’ia lëmë tjetërkujt trofeun. Ne do të bëjmë gjithçka për ta fituar këtë kupë, për të nderuar veten, por jo pak edhe këtë emblemë të futbollit shqiptar, emrin e të cilit mban stadiumi ynë”, thotë Grima. Duke vijuar në respekt të emrit të madh që përfaqëson Loro Boriçi, Grima është i mendimit se është lënë disi në harresë kjo figurë, për të cilën do të ishte në nderin e Federatës të organizonte aktivitete të përmasave kombëtare, pse jo edhe më tej, kur futbollisti ka qenë pjesë edhe e Lacios.

Edhe Ada, pretendente

Eshtë interesant fakti se pretendentë, për fitimin e Kupës “Loro Boriçi” janë edhe velipojakët e Adës. Të mobilizuar më shumë se asnjëherë tjetër në përgatitjet e kampionatit, edhe pse kanë përballë tre ekipe të Superiores, ndër to edhe Vllazninë, ata kanë guximin të kërkojnë fitoren e kupës. Deklaratën e kanë bërë për “Sport Ekspres” dyshja drejtuese veleipojake, tekniku Zani dhe president Pjetri, të cilët, të paktën për takimin e parë, atë që do të luhet në orën 17:00, mes Adës dhe Kastriotit, premtojnë spektakël dhe fitore, për të pritur më pas finalen e orës 20.00, kundërshtari i së cilës do të dalë nga çifti Vllaznia?Besëlidhja, që do të luhet në orën 18:30. Kësisoj, emocionet e Kupës “Loro Boriçi” kanë nisur në “tavolinë”, pa filluar akoma ndeshjet.

Nikshiqi, “OK”

Duke iu rikthyer përgatitjeve, që skuadra shkodrane zhvilloi në kampingun e Nikshiqit, portieri veteran, që është dalluar për nivelin e lojës së tij, thotë se kuqeblutë i kanë shfrytëzuar maksimalisht ditët malazeze. Duke filluar që nga kushtet e akomodimit në hotel, trajtimi ushqimor, terrenet e stërvitjes si dhe përkujdesja tepër miqësore nga administratorët e kampingut, për të përfunduar tek ajo më e rëndësishmja, përgatitja e bërë gjastë kësaj periudhe, për Grimën kanë qenë në masën më të mirë të mundhshme. “Më mirë prishet!”, thotë me humor Grima. Me vlerësim flet portieri i Vllaznisë edhe për gjendjen sportive të skuadrës, por edhe të tijën. “Kemi punuar shumë nën drejtimin e stafit teknik, me në krye Josën, duke zhvilluar në të shumtën e rasteve nga dy seanca stërvitore në ditë dhe përgjithësisht futbollistët kanë marrë ngarkesën e duhur fizike, e cila do të shërbejë për të përballuar me sukses sezonin”, vijon Grima. Duke folur për vete, portieri thekson se vazhdon të ruajë atë formë shumë të mirë sportive, si gjatë kampionatit të kaluar, përfshirë edhe ndeshjet e Intertotos. Megjithatë, Grima ka edhe ndonjë merak, sikurse është numri i pamjaftueshëm i ndeshjeve miqësore. “Duke parë kundërshtarët tanë, që kanë zhvilluar shumë të tilla, mendoj se jemi pak prapa në këtë drejtim. Megjithatë, ndoshta pjesëmarrja në Kupën “Loro Boriçi” mund të kompensojë disi këtë defekt” thotë Grima, për të cilin kjo ka shumë rëndësi sidomos për teknikun Josa, i cili ka rastin të testojë lojtarët, lidhur me projektin e tij për ndërtimin e formacionit të parë.

[RaPSouL]

Skënderbeu, shumë të provuar e pak të mbetur

18 Gusht Me skuadrën e Kaçit, gjatë kësaj faze përgatitore kanë kaluar gati 80 futbollistë. Një gjë e tillë bëhet me dije nga drejtori ekzekutiv i klubit, Petrika Konomi, ashtu siç pranon se një pjesë e vogël e tyre kanë arritur ta bindin trajnerin e Skënderbeut. E gjithë kjo duket se ka ardhur edhe për atë, sepse gjatë kësaj periudhe në skuadrën korçare kanë ardhur lojtarë të njohur pak në kategorinë superiore. Pa thënë se edhe “benzat” e Kaçit, nga Botsvana, nuk kanë qenë as “marka” të tjera më modeste, aq sa edhe për kryepankinën korçare vetëm portjeri Moruna dhe sulmuesi Maloi mund t’i bënin punë Skënderbeut. Megjithatë, kaq shumë lojtarë janë provuar te Skënderbeu, sepse jo vetëm drejtori Konomi, por as dhe trajneri Kaçi uk ishin të përgatitur për lojtarët, që do të kishin në përbërje gjatë sezonit të ri në kategorinë superiore. Sepse çdo trajner, në fund të një sezoni normalisht bënë dy gjëra: së pari, paraqet në zyren e klubit listën e lojtarëve që nuk janë më në planet e tij dhe, së dyti, që është më kryesorja, parashtron kërkesën për ata që duhet të ketë në skuadër. Të vetmen gjë që ka bërë Kaçi, ka qenë ajo kur tha se “Skënderbeu ka nevojë për shtatë lojtarë të tjerë, nga këta që e ngjitën në kategorinë superiore”, të cilët ai i priste nga Botsvana. Madje, për këtë grup, Kaçi flitet se ka kthyer pas edhe lojtarë të njohur të kategorisë superiore, sikuse ka qenë kundër përfshirjes në grupin e skuadrës të një pjese të mirë të atyre, që luajtën me Skënderbeun në të parën, duke filluar me Tikon, Romanishin, Hashanin, pa thënë dhe të tjerë. Ndaj dhe Skënderbeu vazhdon “mbushjen”, në kushte kur Kaçi duhet të kishte paraqitur në zyrën e Konomit listën përfundimtare të skuadrës, me të cilen mendon të qëndrojë gjatë në superiore. Megjithatë, me kaq shumë të ardhur, Skënderbeu duhet të ishte bërë gati prej ditësh, gjithmonë nëse nuk do të ishin pritur kaq gjatë lojtarët nga Botsvana.

Konomi, kontratat gati

Me të gjithë futbollistët, që janë menduar për të luajtur me Skënderbeun, është rënë dakord në parim për kushtet e ofruara nga kryesia e klubit. Kjo, edhe për Konomin do të thotë se kanë mbetur për t’u hedhur vetëm firmat. Sipas drejtorit ekzekutiv, nëse nuk janë nënshkruar marrëveshjet, kjo ka ardhur pasi akoma në zyrën e klubit nuk është paraqitur kontrata e trajnerit të skuadrës, ndonëse edhe me të gjithçka është mbyllur. “Ajo që dua të them, ? shprehet Konomi, ? ka të bëjë me faktin se kushtet për Kaçin nuk janë ato të kërkuara prej tij, por të një kuote tjetër”.

Edhe katër lojtarë të tjerë

Në stërvitjen e së premtes, në stërvitje janë edhe katër lojtarë të tjerë. Bëhet fjalë për nigerianin Levente Onekaci, maqedonasin Dhimitri Kapitovski dhe Ituda Ndinga nga Togo, lojtarë që kanë luajtur më parë me Popiedën e Prilepit në kampionatin maqedonas. Me këtë grup lojtarësh ka qenë edhe kosovari Artan Tahiri. Të gjithë këta mbeten për t’u parë nga Kaçi në ndeshjen miqësore, që Skënderbeu do të luajë sot me Partizanin. Pas kësaj ndeshjeje, nuk përjashtohet mundësia që kryepankina korçare të tregojë dhe lojtarët, që do të luajnë më Skënderbeun në sezonin e ri.

Ametlli, portjeri i lënë mënjanë

Portjeri i Skënderbeut në kategorinë e parë, i rikthyer në skuadër, është parë të stërvitet veçmas grupit kryesor, edhe në kushte kur botsvanasi Moruno shtyt ditët e qëndrimit në Korçë, ndërsa kosovari Tahiri akoma nuk dihet se çfarë është në gjendje të bëjë në portë. E gjithë kjo tregon se Kaçi nuk e ka mirëpritur rikthimin e Ametlliut, për “mëkatin” e vetëm se kishte pretenduar që në këtë sezon të ishte në portë nga minuta e parë.

[RaPSouL]

Bullgarët akuzojnë: Baste astronomike për humbjen e Besës

18 Gusht Shtypi bullgar ka hedhur dyshime për vërtetësinë e rezultatit të ndeshjes Besa? Liteks, duke shkruar se në kompanitë e basteve, në të gjithë botën, janë vënë shuma të jashtëzakonshme, gjë që i ka detyruar këta të fundit t’i heqin me efekt të menjëhershëm kuotat e këtij takimi. Fitorja e Liteksit kuotohej deri në 1.9, por kjo shifër ra në mënyrë drastike gjatë ditës së enjte. Sipas mediave bullgare, të gjitha kompanitë e kanë hequr ndeshjen nga skedina, të paktën dy orë përpara vërshëllimës së parë të gjyqtarit Dondarini. Gazeta bullgare “Temasport” shkruante dje se klubet shqiptare nuk janë aspak serioze në Kupat e Evropës dhe ato alternojnë shpesh fitore të çuditshme me ekipe të rëndësishme, me humbje katastrofike. Sipas gazetës, deduksioni mund të bëhet lehtësisht...

[RaPSouL]

Albert Duro: S’bëhet fjalë për trukim

18 Gusht E ka patur të vështirë, mbrojtësi elbasanas i Besës, Albert Duro, të prononcohej për gazetën, lidhur me ndeshjen e së enjtes për Kupën UEFA, qoftë edhe për faktin se ajo ishte zyrtarja e parë me fanellën verdhezi të skuadrës kavajase. Gjithsesi, në fund ai është “dorëzuar” dhe u është përgjigjur pyetjeve tona, që lidheshin kryesisht me humbjen e thellë të Besës përballë bullgarëve të Liteksit, edhe pse u luajt në “shtëpi”. Sipas Duros, ata e dinin se përballë do të kishin një “kockë të fortë”, por kurrsesi nuk e çonin nëpërmend se do të goditeshin deri në atë pikë, sa të pësonin tre gola në fushën e tyre. Megjithatë, elbasanasi nuk është aspak dakord me fjalët që qarkullojnë, lidhur me një trukim të rezultatit të ndeshjes, nisur edhe nga fakti se, sipas tij, Liteksi bënte diferencën me nivelin që paraqiti në fushën e lojës. “Në vendin tonë është bërë e modës që të flitet për trukime. Edhe nëse do të kishim fituar, atëherë do të thonin se e “shitën” bullgarët”, është shprehur Duro. Për elbasanasin, sado e hidhur që të ishte humbja, ajo duhet harruar dhe duhet shikuar vetëm përpara, kur që të dielën kanë një sprovë të vështirë, në finalen e Superkupës, kur përballë do të kenë Tiranën kampione. “Duhet të tregojmë fytyrën tonë të vërtetë”, është shprehur Albert Duro.



? Një humbje, që është konsideruar e papritur, të paktën për nga shifrat e rezultatit...

? Në të vërtetë, ne e dinim se do të kishim të bënim me një “kockë të fortë”, ashtusi dhe u paraqit Liteksi, por kurrsesi nuk ka na kishte shkuar ndërmend se ndeshja do të merrte atë rrjedhë krejt të padëshiruar. Për mendimin tim, përcaktues u bë fakti se u ndëshkuam shumë shpejt dhe nuk gjetëm forca që të reagonim.

? Përtej meritës së kundërshtarëve, në golat e pësuar mbrojtja është treguar thuajse inekzistente, duke bërë gabime foshnjërake...

? Në vijën e prapme, për shkak të mungesave, u bënë disa ndryshime, që prishën harmonizimin e veprimeve. Kështu, Krasniqi, i njohur is mesfushor, për herë të parë luajti në mbrojtje, ndërsa Ramadani u vendos në përforcim të mesfushës. Edhe unë luaja për herë të parë me Besën.

? Cilat ishin porositë e trajnerit Dumitresku para ndeshjes, por sidomos në pushimin pas pjesës së parë?

? Përveç detyrave tekniko?taktike, trajneri gjatë gjithë kohës është përpjekur të na injektojë optimizëm. Ai kishte besm se skuadra do të bënte një paraqitje të mirë. Ndërsa në pushim të ndeshjes, përveçse kreu ndryshime në vendosje, na porositi të mos e lëshonim lojën deri në fund, duke u treguar sa më dinjitozë.

? Le të kalojmë në një pikë delikate: është përfolur përsëri për një trukim të rezultatit, madje, u tha se ndeshja ka qenë e monitoruar edhe nga UEFA...

? Për hir të së vërtetës, më duhet të pranoj se Liteksi bënte diferencën me skuadrën tonë dhe nuk kishte nevojë për trukim të rezultatit. Por tek ne duket është bërë e modës që pas çdo ndeshjeje të flitet për “shitje” e “blerje”, sidomos pas humbjeve. Por, edhe sikur të kishim fituar ne, atëherë do të kishte nga ata, që do të thonin se e “shitën bullgarët”. Përsa i takon “frikës” së UEFA?s, kjo është diçka që nuk më përket mua ta shpjegoj...

? Të dielën përsëri një provë jo e lehtë, kur në finalen e Superkupës do të keni Tiranën kampione...

? Humbjet janë gjithnjë të rënda, por ato njëkohësisht janë bashkëudhëtare në një garë të gjatë futbollistike. Rezultati i së enjtes ka qenë tronditës, por ai duhet lënë prapa dhe këto ditë të mendojmë vetëm për finalen e Superkupës, për ta filluar sezonin, pse jo, me një trofe të fituar. Ne duhet të tregojmë fytyrën tonë të vërtetë dhe të gjithë shpresojmë se do ta bëjmë këtë.

[RaPSouL]

Tafaj: Më të mirë nga sezoni i kaluar

18 Gusht Nga ato që na tha dje mbasdite në bisedë e sipër, pas përfundimit të stërvitjes së djemve bardheblu, drejtori teknik i FK Tirana, Alban Tafaj kuptohej ende qartë keqardhja e tij, që skuadra E Tiranës, kampionia në fuqi këtë sezon u mjaftua vetëm me pjesmarrjen në një tur në Ligën e Kampioneve. “Nuk jam aspak euforik, ? tha Tafaj, ? kur them se, këtë sezon ekipi ynë është më i mirë se, ai i sezonit të kaluar. Madje, kam mendimin që për të ju bindur në këtë drejtim nuk do të ishte aspak e nevojshme, t’u rreshtoja një e nga një të gjitha pikat e forta të skuadrës, por do të mjaftohesha vetëm me faktin, që Tirana e këtij sezoni ka në vijën e parë të sulmit, si rrallë herë në këto sezonet e fundit, një futbollist shtatlartë, si vlonjati Daniel Xhafaj, pa thënë se është një “bomber” lojtar tipik golashënues më i miri në kampionatin shqiptar. Kishte shumë vite që skuadrës tonë i mungonte një futbollist i tillë “kala”, një pikë referimi për gjithë grupin në repartin e sulmit, i fuqishëm, zotërues i lojës në ajër, goditës i saktë me kokë....”. Dhe pas gjithë këtyre që na thotë drejtori Tafaj, krejt natyrshëm në një farë mënyre edhe pse nuk na e thotë lë për të kuptuar, që me këtë lojtar dhe jo vetëm me atë, gjasat do të ishin të atilla që Tirana ndoshta do të ishte ende në Champions. Kur i themi këtë, Tafaj, pasi vë buzën na gaz shton: “Nuk qe e thënë. Gjithsesi, këto ditë kemi qenë të përqendruar tek finalja për Superkupën, që do të luajmë nesër me Besën e Kavajës”. Gjithnjë sipas Tafaj grupi i skuadrës kampione ka punuar mirë dhe me intensitet të plotë. “Tirana e sezonit 2007?2008, ? tha ai, ? tashmë i ka “ndezur motor`t” për t’u përballur në “betejat” e ardhëshme sportive. Madje, finalja e Superkupës do të jetë si të thuash një “provë gjenerale” përpara ngritjes së siparit të kampionatit të 69?të kombëtar të futbollit”. Pyetjes tonë, që ka patur të bëj me faktin, sesa do t’ia lehtësoi Tiranës barrën në finalen e nesërme, disfata e rëndë që Besa rivale pësoi të enjten nga bullgarët e Liteksit, Tafaj i dha këtë përgjigje: “Aspak. Madje, as e kemi menduar këtë gjë, që thoni ju. Ekipi kavajas historikisht në “shtëpinë” tonë gjithnjë na ka hapur punë shumë herë më tepër se në Kavajë, pa thënë se sezonin e kaluar të vetmen humbje në “shtëpi” ekipi ynë e pësoi nga Besa. Dhe kur? Në minutat e fundit të takimit, teksa kryesonte në avantazh gjatë gjithë kohës. Nuk e kemi harruar ende atë humbje spektakolare, që na shkaktoi, në një çast aq të papritshëm”.

[OO7]

Qeke bo Gazetar RaPSouL? Perse se citon burimin e informacionit?

[RaPSouL]

Ilir Qorri te Shkumbini

18 Gusht Ilir Qorri do të jetë pjesë e Shkumbinit në sezonin e ardhshëm. Dhe nuk ka patur nevojë që lajmi të konfirmohet: mesfushori sulmues, dje ka qenë nën komandën e teknikut Magani, duke filluar kështu stërvitjen me bardhekaltërtit peqinas. Në fakt, presidenti Xhavit Ismaili, prej ditësh pat deklaruar se ai dhe bashkëpunëtorët e tij po punonin për ndërtimin e një skuadre sa më konkurruese. Ideja e drejtuesit peqinas ishte që në grupin e Shkumbinit të kishte sa më shumë futbollistë cilësorë, që të jenë profesionistë të vërtetë. Vëmendja kryesore ishte përqendruar pikërisht tek sulmi, që për ekipin peqinas konsiderohej si Thembra e Akilit. Dhe pikërisht këtu është zhvilluar “gjuetia” e peqinasve, që tashmë mund të konsiderohet si e suksesshme. “Ishte një ardhje e mirëpritur”, ka nxituar të thotë tekniku i Shkumbinit, Gugash Magani, “pasi të gjithë i njohim vlerat e Qorrit. Ishte dëshira e tij për t’u afruar tek ne, por sigurisht edhe e jona për ta patur në skuadër”. Ardhja e Qorrit është paraprirë nga ajo e Klevis Dalipit nga fqinjët elbasanas (pavarësisht se Dalipi ka luajtur së fundmi në Shkodër) dhe ajo, që është më e rëndësishmja, ka të bëjë me rritjen e forcës goditëse të skuadrës. Mbetet që Magani të gjejë një zgjidhje sa më optimale, sidomos për Qorrin, duke qenë se ky i fundit parapëlqen të luajë paksa i tërhequr, nga e majta e sulmit. Nga ana tjetër, përkundër “lakimit” të emrit të tij nëpër skuadra të ndryshme që kërkojnë ta afrojnë, Bizhyti konsiderohet gjithnjë e më afër Shkumbinit. Madje, drejtuesit bardhekaltër nuk mungojnë të shpallin se, të hënën, lushnjari do të jetë në stërvitje te peqinasit.

[RaPSouL]

Partizani, Lika s’fal më gabime

18 Gusht Ngjarjet e ndodhura në miqësoret e kaluara të Partizanit, ku “demat” kanë shfaqur shenja nervozizmi, duket se janë harruar tashmë nga të kuqtë. Sigurisht, sjellje të tilla nuk mund të përfundojnë dot me një të rënë të “lapsit”, edhe pse drejtuesit e klubit e besojnë me të vërtetë një gjë të tillë. I pari është trajneri, Hasan Lika. Kështu, “njëshi” i pankinës së klubit kryeqytetas, edhe pse ka pohuar përpara dy ditësh se i është sosur durimi me këto sjellje, përsëri ai beson se skuadra e tij nuk do të tregojë më ato shenja, shumë të dëmshme për imazhin e skuadrës. Fjalët e tij, “do të ketë gjoba sepse unë nuk mund t’ia dal më kështu” duket se kanë shkuar në veshin e të gjithë lojtarëve, të cilët normalisht që nuk duan të rëndohen nga ana ekonomike. Jo më kot dje, në një analizë përpara stërvitjes, nga ajo që mësohet, tekniku i ka grumbulluar futbollistët “problematikë”, duke u thënë atyre se ajo që ka ndodhur ka ndodhur dhe nuk mund të kthehet më prapa. E rëndësishme, sipas Likës, është që skuadra të ecë përpara. Po nga burime të brendëshme është mësuar se lojtarët kanë kërkuar falje përpara trajnerit dhe kanë marrë përsipër përgjegjësitë për ato që kanë ndodhur.

Sot, ndaj Skënderbeut

Sot Partizani do të zhvillojë ndeshjen e tij të fundit miqësore përpara fillimit të kampionatit. Kështu, të kuqtë do të përballen me Skënderbeun e Korçës, në miqësoren e tyre të gjashtë. Ndeshja do të luhet sot, në orën 17:00 në stadiumin “Roza Haxhiu” të Lushnjës.

Këtu trajneri Lika do të provojë të gjithë “arsenalin” e tij përpara ndeshjes të 25 gushtit me Shkumbinin për premierën e kampionatit. Gj.C.

Shkëmbi tek Bulinger

Mesfushori korçar i Partizanit, Bledi Shkëmbi, të hënën do të vizitohet nga mjeku fizioterapist i kombëtares shqiptare, Akim Bulinger. Kështu, sipas mjekut fizioterapist të Partizanit, Perli Rusi, Shkëmbi do të shihet nga një profesionist siç është Bulinger, në mënyrë që të shihet edhe se si ka përparuar ai dhe si do të jetë regjimi tani e tutje.

[RaPSouL]

Elbasani “shpall në kërkim” Tetovëm

18 Gusht Në mjedisin e klubit verdheblu një situatë e paqartë është krijuar lidhur me futbollistin Edlir Tetova, i cili prej disa ditësh nuk është parë në skuadër. Mesfushori durrsak ishte i vetmi nga futbollistët joelbasanas, që iu përgjigj thirrjes së presidentit Arben Laze për të patur në skuadrën e tij edhe një herë tjetër kampionët e vitit 2006. Ardhja e tij për herë të dytë në Elbasan, pas një sezoni të suksesshëm, kur u bë dhe fitues i titullit kampion me verdheblutë e trajnerit Ilir Daja, u mirëprit nga tifozeria vendase, e cila i ka akoma idhuj “heronjtë” e sezonit 2005? 2006. Madje, Tetova ka firmosur edhe kontratën me presidentin Laze dhe nuk ishte shkëputur prej stërvitjes gjatë gjithë periudhës së verës. Por, ka disa ditë që ai nuk ka dalë në stërvitje me skuadrën elbasanase, ndërsa thuhet se ka shkuar në Durrës, pranë familjes së tij. Në klubin elbasanas bëjnë të paditurin për problemin e Tetovës, ndërsa fjalët që qarkullojnë thonë se ai vuan nga një dëmtim muskulor dhe duhet një periudhë kohe për t’u rikuperuar. I pyetur për këtë çështje, mjeku i klubit, Mehmet Buzmerxhani, tregon se nuk ka dijeni për dëmtimin e Tetovës, ndërsa shton se në skuadrën elbasanase ka ndonjë futbollist, që vuan nga dëmtime të lehta, por për të cilat nuk kanë asnjë arsye të mos stërviten, pasi ato nuk janë të asaj shkalle sa të bëhen pengesë. Por, edhe në të tilla raste, sipas mjekut Buzmerxhani, në axhendën e tij nuk figuron emri i futbollistit durrsak. Madje, kjo e shton edhe më shumë enigmën e mungesës disaditore të tij në grupin e futbollistëve verdheblu, ndërsa ndeshja e parë e kampionatit po afron. Në radhët e tifozerisë po qarkullojnë edhe zërat për një largim të tij nga Elbasani.

“Jam i Elbasanit”

I kontaktuar nga “Sport Ekspres” nëpërmjet telefonit, vetë futbollisti Tetova mohon të ketë arsye për t’u larguar nga Elbasani. “Unë kam nënshkruar kontratën me Elbasanin dhe nuk kam ku shkoj. Kam ndierë dhembje gjatë një seance stërvitore, e cila ka rezultuar tërheqje në kofshë, pikërisht në të njëjtin vend ku kam qenë i dëmtuar edhe më parë. Ndaj, po kaloj disa ditë pushim për të mos e përkeqësuar gjendjen time dhe për t’u përmirësuar. Kjo është e gjitha dhe nesër (sot) unë do të jem në Elbasan, për të ndjekur ndeshjen miqësore me Gramshin”, ishte prononcimi i Tetovës për gazetën tonë, ndërsa gjithçka do të qartësohet akoma më mirë, kur ai të paraqitet në klubin, me të cilin ka firmosur kontratën njëvjeçare.

Sot, miqësorja e pestë

Skuadra e Alimehmetit do të zhvillojë sot një ndeshje tjetër miqësore, e pesta për të në këtë periudhë, ku do të ketë si kundërshtar ekipin e Gramshit. Kështu, Elbasani, pasi e filloi “fushatën” e ndeshjeve miqësore me një skuadër të kategorisë së parë (Sopotin), kërkon ta mbyllë atë përsëri me një po të të njëjtit rang, pasi në interval është ndeshur me superiorët e Skënderbeut, Tiranës e Shkumbinit. Në katër ndeshjet e deritanishme, Elbasani ka arritur dy fitore (me Sopotin e Skënderbeun), një barazim (me Shkumbinin) dhe një humbje (me Tiranën). Ndeshja me Gramshin, që drejtohet nga trajneri elbasanas, Florenc Kushi, do të luhet në “Ruzhdi Bizhuta”, edhe pse pati një farë ngurrimi nga drejtuesit e klubit elbasanas, sepse të martën aty do do të zhvillohet miqësorja ndërkombëtare mes përfaqësueseve U?21 Shqipëri?Turqi. P.K

[RaPSouL]

Pema: Dinamo s’ka nevojë për sulmues shtatlartë

18 Gusht Po bëhet thuajse një javë që në klubin dinamovit po kërkohet në mënyrë të dëshpëruar një sulmues shtatlartë. E do trajneri Canaj, po ashtu edhe portieri Kotorri (pasi, sipas të cilit një “pykë” me tipare të tilla do të ndihmonte skuadrën në “luftën” në ajër nëpër rrethe). Dinamovitët kanë më shumë se dy javë që po presin “mrekullinë” Pejiç, e cila, jo vetëm që s’po i vjen, por duket se s’ka shanse për ta bërë një gjë të tillë. Gjithsesi, duke pyetur pikërisht ata, të cilët goditen në mënyrë direkte nga kjo ardhje, pra sulmuesët, një ide e tillë, duket paksa si absurde, edhe pse është trajneri, ai që e vendos se çfarë sulmuesësh do të marrë. “Nëse doni të dini këndvështrimin tim, unë mendoj se nuk ka arsye se përse të pretendohet për sulmues shtatlartë. Por, nëse kjo është një dëshirë e trajnerit, atëherë ai ka të drejtën të vendosë”, ka thënë sulmuesi tiranas, Eleandro Pema. Ai ka folur edhe për gjendjen e skuadrës, ashtu si edhe për të tijën, apo për rregulloren që së fundmi ka nxjerrë klubi, duke e quajtur atë, “të shenjtë”.

? Një Dinamo që ka bërë blerjet më të goditura dhe që në “letër” duket skuadra me më shumë përforcime, sipas jush, si do të jetë në fushë?

? Unë mendoj se na duhet të presim për ta treguar me të vërtetë në fushë një gjë të tillë. Edhe unë jam i mendimit se skuadra ka bërë një merkato të mirë, por duhet të përballemi me një kundërshtar në një ndeshje zyrtare që të them me të vërtetë sesi është skuadra. Nuk kemi yje, por kemi lojtarë që do të japin maksimumin për skuadrën.

? Kohët e fundit është folur shumë, qoftë nga trajneri Canaj, ashtu edhe nga drejtuesit e tjerë, se vija e parë, pra sulmi është shumë i shkurtër. Ju ç’mund të thoni?

? Po ky nuk mendoj se është një problem. Në botë ka shumë sulmues të shkurtër, të cilët gjithsesi po japin më shumë fryte se sa lojtarët e tjerë shtatlartë. Edhe kjo nuk është për t’u marrë në konsideratë, por historikisht, sulmuesët më të mirë në botë nuk kanë qenë “gjigandë”.

? Megjithatë, Canaj kërkon një sulmues shtatlartë për vijën e parë...

? Ky është këndvështrimi i trajnerit dhe nëse ai do të marrë një sulmues shtatlartë, atëherë kjo është e drejta e tij. Por, unë po them se nuk është se një sulmues i tillë do të na i rregullojë punët në vijën e parë. Megjithatë, kjo do të shikohet në kampionat.

? Përpara pak ditësh në klub ka dalë rregullorja e re e klubit. E keni lexuar? Si ju duket?

? E kam lexuar, normale. Mua më duket shumë korrekte, si në çdo klub profesionist. Paguhemi për punën që bëjmë dhe kjo punë ka disa rregulla, të cilët duhet t’i zbatosh.