Lajmet nga Superliga 2006/2007

[no name]

Delain, gjashtë muaj “burg”; Leandro është i Vllaznisë

15 Gusht Mbrojtësi kongolez Sasa Delain, për prishje të njëanshme të kontratës me KF “Flamurtari” në sezonin 2006?2007, pa shkaqe sportive dhe pa njoftim, duke qenë se ka shkelur parimet e Statusit të Lojtarit, për ruajtjen e stabilitetit kontraktual, në bazë të parashikimeve të Nenit 8, pika 1.c e 3.d të Statutit të Lojtarit dënohet me 6 (gjashtë) muaj pezullim nga të gjitha aktivitetet sportive. Dhe e drejta për të luajtur mund t’i jepet vetëm në përfundim të shlyerjes së këtij dënimi. Ka qenë kjo masa e marrë dje nga Komisioni i Disiplinës në Federatën Shqiptare të Futbollit, për ish?lojtarin e Partizanit dhe të Flamurtarit. Kështu, sipas dokumentacioneve që drejtuesit e klubit vlonjat kanë dërguar në FSHF, Delain, në sezonin e kaluar është larguar nga klubi i Flamurtarit, në mënyrë të papritur, duke prishur kontratën në mënyrë të njëanshme. “Nuk e kam bërë një gjë të tillë, madje unë i kam lajmëruar drejtuesit e klubit se, për arsye familjare, duhet të largohesha nga Shqipëria. Unë deri atëherë kisha marrë vetëm gjysmën e parave, për aq sa kisha luajtur. Pra, edhe ata e dinin”, ka thënë Delain, pas largimit nga Flamurtari. Megjithatë, gjërat tani duket sikur janë ndryshe. KD?ja e ka dënuar me gjashtë muaj pezullim futbollistin dhe tani i vetmi shpëtim për të, nëse do të ketë një të tillë, është Apeli, pas pesë ditësh. Ai nuk ka firmosur ende me Vllazninë dhe ndoshta një arsye për të mos ta bërë këtë ka qenë pikërisht se ai e di se çfarë e priste. Ose, duke njohur Delainin një vendim i tillë mund të jetë arsyeja më e mirë për t’u kthyer ne Gjermani, atje ku ai ka edhe familjen.

Përsa i përket lojtarit tjetër të Vllaznisë, brazilianit Leandro Da Silva, Komisioni i Disiplinës ka vendosur që ta mbajë ende pezull çështjen e tij. Kështu, sipas Komisionit të Disiplinës, do t’i lihet kohë të dy klubeve, Partizanit dhe Vllaznisë që të arrijnë një marrëveshje për Leandron. Një gjë e tillë ka ndodhur sa hap e mbyll sytë, teksa si presidenti Fushaj, ashtu edhe Xhani kanë rënë dakord që braziliani të qëndrojë në Shkodër. Pra, Leandro do të jetë i Vllaznisë.



Fushaj nuk “dorëzohet”

Presidenti I Vllaznisë, I sapokthyer nga një udhëtim I gjatë jashtë shtetit është njohur menjëherë me vendimin e Disiplinorit duke deklaruar mirëkuptim me Xhanin për problemin Leandro, ndërsa masën ekstreme të Delainit do ta apelojnë: “Vllaznia është e vendosur të mos I lëshojë dy utbollistët Leandro dhe Delain që I ka nën komandë prej shumë ditësh. Vendimi për t’I pasur në gjirin e tyre është bërë I ditur nga vetë numri “1” I klubit Vllaznia, presidenti Valter Fushaj, I cili, duke folur për “Sport Ekspres” ka paraqitur preferencën dhe gatishmërinë që Leandro dhe Delain të jenë veçse kuqeblu. Kreu I klubit, Fushaj, si rezultat I një udhëtimi të gjatë jashtë vendit ka qenë prej shumë ditësh larg kontaktit me skuadrën e tij, por siç bën të ditur ai situatën e ka ndjekur nga afër stafi I tij, dhe në veçanti I vëllai I tij, në cilësinë e zëvendëspresidentit Pjerin Fushaj. Vendimi I djeshëm I Komisionit të Disiplinës pranë Federatës Shqiptare të Futbollit ka folur me një gjuhë disi më të butë për brazilianin Leandro, duke I dhënë mundësi të dy klubeve ta zgjidhin njëri me tjetrin mosmarrëveshjen, ndërkohë që dënimi gjashtë muaj larg futbollit për kongolezin Delain ka qënë shumë I ashpër.



Leandro, arrihet mirëkuptimi

“Prisnim që ai të ishte një futbollist krejt I lirë për të vendosur në lidhje me kontratën e tij të ardhshme, e cila I është ofruar prej kohësh nga ana e jonë, megjithatë, edhe vendimi I Komisionit të Disiplinës e ka lënë pak të turbullt situatën ndaj tij duke na vënë në dispozicion dy javë kohë ta zgjidhim në mirëkuptim me klubin Partizani, ne do të bëjmë më të mirën e mundshme që ta kemi tonin Leandron”, thotë për “Sport Ekspres” presidenti shkodran Valter Fushaj. Më saktësisht, numri një I klubit shkodran, bën të ditur se në mes vëllait të tij Pjerin Fushaj, I cili është në cilësinë e zëvendësprsdentit, ka patur një bisedë kokë më kokë me presidentin e Partizanit, Albert Xhani, ku është gjetur “gjuha e përbashkët” në mënyrë që braziliani Leandro Da Silva të vazhdojë I qetë tek Vllaznia. Njëkohësisht, presidenti kuqeblu Fushaj, thekson se nesër do të udhëtojë drejt Nikshiqit të Malit të Zi për tu takuar dhe njohur nga afër me përgatitjet e skuadrës në këtë periudhë të fazës përgatitore.



Apelim për kongolezin

Ndërsa situata për çështjen “Leandro” duket disi e qetë ? dhe në fakt ashtu është ? krejt e kundërta qëndron për futbollistin tjetër Delain, për të cilin s’ka asnjë rrugë të mesme. Në këtë sinkron duket se ka qënë edhe vendimi I Komisionit të Disiplinës, I cili I ka dhënë atij masën e dënimit për të mos luajtur futboll në një periudhë gjashtë mujore. Stafi shkodran, me në krye presidentin Fushaj kanë mbetur të zhgënjyer nga vendimi në fjalë, vendim të cilin e kanë quajtur tepër absurd për t’u marrë ndaj një futbollisti. “Me sa di unë, argumetet që shoqërojnë kërkesën për të dënuar Delain nuk janë shumë të sakta, sepse mungojnë ballafaqimet zyrtare me letra. Aty nuk ka asnjë provë për ta dënuar dhe kur një futbollist nuk paguhet natyrisht që ai do të largohet”. Kështu është shprehur presidenti shkodran në lidhje me çështjen “Delain”, ndërkohë që nuk ka nguruar të deklarojë se klubi Vllaznia, do ta apelojë në mënyrë urgjente vendimin e dhënë për kongolezin Delain.



Vendimi

Sasa Delainit, për prishje të njëanshme të kontratës me KF “Flamurtari” në sezonin 2006?2007 pa shkak sportiv dhe pa njofim, në bazë të parashikimeve të Nenit 8 pika 1.c e 3.d të Statutit të Lojtarit, i jepet një dënim prej 6 (gjashtë) muaj pezullim nga të gjitha aktivitetet sportive. E drejta për të luajtur mund t’i jepet vetëm në përfundim të shlyerjes se këtij dënimi



Vendimi i Leandros

Lojtari Gil Miranda Da Silva Leandro, shtyhet shqyrtimi I problemit të tij me kërkesë të palëve për t’u dhënë mundësi për zgjidhjen e mosmarrëveshjes me mirëkuptim. Shqyrtimi i kësaj çështje do të bëhet pas 2 (dy) javësh në mbledhjen e asaj date të Komisionit, në rast se palët nuk do të arrijnë të zgjidhin çështjen me mirëkuptim.

[no name]

Besa, katër ditë “karantinë” para UEFA-s

15 Gusht Dumitresku vë skuadrën në rregjim të rreptë: Vetëm të përqëndruar mund t’ia dalim





Nga Fatmir Efica

Njëzetedy futbollistë të grumbulluar për Liteksin. Të hënën pas stërvitjes së zakonshme, trajneri Dumitresku ka deklaruar emrat e skuadrës së tij për të kaluar menjëherë në një karantinë të vërtetë, ku stërvitjet dhe rregjimi i rreptë janë kryefjala e tij. Ekipi ka udhëtuar drejt “Hotel Rezidencë –Besa” në periferinë veriore të Kavajës, nga ku dje pasdite në orën 15.45 është nisur drejt Durrësit për seancën e parafundit stërvitore. Por nga “Niko Dovana” skuadra kavajase nuk është kthyer më në hotelin në fjalë, por ka qëndruar në një prej hoteleve më të mirë të lagjes “Vollga” në shëtitoren e “lluksit” të qytetit të Durrësit. “Hotel Pameba” me tre yje. Skuadra do të qëndrojë aty deri pak orë para takimit të nesërm, në kushte të mira akomodimi.

Mobilizimi

Kavajasit janë të vetëdijshëm se pasi kaluan me disa “peripeci” të vogla turin e parë, tani duhet një tjetër ritëm. Trajneri Dumitresku, nuk ka ngurruar që të flasë pasditen e djeshme për lojtarët nga “Niko Dovana”, duke e qartësuar edhe më objektivin për ndeshjen e nesërme. Nga fjalët disi më të kursyera të teknikut rumun të verdhezinjëve del se përqëndrimi e sakrifica sportive do të jenë “armët” që Besa do të ketë gjatë 90 minutave ndaj Liteksit të fortë bullgar. Trajneri i përsërit shpesh disa prioritete siç është përkujdesja, që duhet të kenë nesër futbollistët e tij, edhe për faktin se teksa e ka ndjekur “live” tre ditë më parë Liteksin ka formuar jo thjesht një opinion për fortësinë e këtij kundërshtari. Ai është i bindur për këtë. Kështu që edhe dje në “Niko Dovana”, Dumitresku nuk ka harruar të ngrejë angazhimin dhe përgjegjësinë sportive nëpërmjet një stërvitjeje të larmishme, duke u treguar edhe një herë më shumë krymetovimi i të gjithë stafit e lojtarëve verdhezi se ora e paraqitjeje dinjitoze, përse jo dhe më shumë se kaq kërkon një verifikim më të “imët” në raport me dëshminin e fatsive dhe mundësive reale që ashtu si dhe bullgarët i posedon po aq pa “deficite” dhe ekipi kavajas

Stërvitja

Për tu ambientuar sa më mirë me kushtet e terrenit në stadiuin durrsak, madje fiks në orarin në të cilin do të zhvillohet ndeshja e nesërme (ora 17.00) kavajasit kanë preferuar të zhvillojnë stërvitjen e tyre të parafundit në këtë impiant. Kryesisht séanca ka patur në themel ruajtjen e formës nga futbollistët. Eshtë bërë punë” tekniko – taktike, me synim ruajtjen e të gjithë parametrave sportivë dhe përmirësimin cilësor të veprimeve tekniko–taktike me dhe pa top. Sigurisht rëndësi ka patur dje mundësimi i një përshtatje sa më të mirë me fushën. Ndërsa edhe sot do të ketë një seancë tjetër të fundit ku pas saj mendohet se do të “retushohet” përfundimisht edhe formacioni fillestar i ekipit kavajaës për takimin e së enjtjes përballë skuadrës së fortë bullgare të Liteksit



Xhihani prenoton sulmin: “Me Elokan shënuam 17 gola”

“Dy ndeshjet me Bezanijën, dy golat e shënuar në Serbi, kualifikimi edhe pse pa gola në Tiranë, mund të konsiderohen tani që jemi në turin e dytë përballë Liteksit, si fitore. Përderisa në transfertën me serbët shënuam dy herë, kjo tregon se sulmi i Besës funksion. Me Elokanin, ashtu si dhe në kampionatin e fundit kur të dy sëbashku shënuam 17 gola (unë 10 dhe Elokan 7, tregon se këto fakte të pakontestueshme kapiteni), jam i detyruar edhe nga përgjegjësia e shiritit të kujtoj për shokët e skuadrës se është një ndeshje për të luajtur “gjithcka për gjithcka”. Nuk duam as të mbivlerësojmë fortësinë reale të kundërshtarit, por as të biem edhe pre e ndonjë nënvlerësimi që përsëri është po aq i dëmshëm. Na duhet të dalim vërtetë në lojën tonë, të pasqyrojmë grintën e shpirtin e sakreficës dhe jam i sigurtë se si skuadër, staf pod he tifozeria jonë që do të jetë më e shumtë se kurrë në shkallët e “Niko Dovanës” do të dalë nga stadiumi i Durrësit e kënaqur jo vetëm me lojën, por shpresojmë pse jo dhe për rezultatin”, tha dje kapiteni Parid Xhihani.



Emiljano Veliaj do një gol nga larg: “E ndjej që tani”

“Na duhet të shënojmë. Sepse kemi shanse që loja të hyjë në atë rrjedhë që ne dëshirojmë. Në fund të fundit të tregojmë se jemi “zotër shtëpie”? thotë Veliaj. Në konstatimin virtual për pragun e ndeshjes me Bullgarët e Liteks, mesfushori i talentuar beratas i Besës nuk harron të tregojë dhe ambicien e tij personale. “E ndjej aromën e golit” u shpreh dje Veliaj. Dhe Emiljano sa e sa herë ka treguar se është nga ato futbollistë që i mban premtimet. Loja e skuadrës kavajase e ka gjithnjë stilin elokuent të manovrimeve të Veliajt një impuls më shumë. Sepse “sallakja” e tij është mjaft e hidhët për kundërshtarin. “Edhe në këtë ndeshje ?uron mesfushori?, ne duam që ta kemi fatin me vete e jo kundër. Ndërruan vërtetë “rolet” në ndryshim me turin e parë sepse me Liteksin jemi në pritës në takimin e parë që luhet nesër. Por duhet patjetër të synojmë edhe përballë skuadrës së fortë bullgare, se Besa ka ardhur në turin e dytë me meritë dhe do të synojmë pse jo të ja hedhim që nesër në Durrës, hapin për kualifikimin e skuadrës. Dua të vazhdojmë të përfaqësohemi denjësisht në një kompeticion të tillë europian si kupa Uefa”? tha Veliaj.



Konfirmohet tri mungesat, Xhati takim “special” me ekipin

Të shumta mungesat e Besës në turin e dytë të Kupës UEFA. Nga Alban Dragusha i pezulluar nga Uefa për pozitivitet në testin anti?dpoing, Erand Hoxha për kartonib e kuq të marrë ndaj Bezanijës, apo sulmuesit Haitian Herby Fortunat që çuditërisht edhe pse pritej dje, ka munguar në stërvitje. “Janë megjithatë pozitive sinjalet nga infermieria pasi nuk asnjë futbollist të dëmtuar”? shprehet mjeku i skuadrës Erind Thartori. Duket se “dhimbja e kokës” nuk do të jetë e tillë dhe për vetë presidentin Bizhdili e krypankinën Dumitresku, teksa vërehet që ”çunat (futbollistët) (kështu dëshiron tu drejtohet “Xhati” atyre), do të dinë ta nderojnë edhe turin e dytë veten, fanellën, qytetin, Shqipërinë”? thotë presidenti i Besës. “Në Serbi u thashë se duhet të jemi krenarë që kualifikimin e turit të parë ta arrijmë që këtu në Beograd. Ndërsa sot dhe nesër në dy takimet speciale që do të kem me skuadrën, thotë presidenti Bizhdili do ti kërkoj lojtarëve që të mos mendojë kush se ky takim me bulllgarët na gjen me ndonjë “siklet”.



Biletat shiten me ritme të shpejta

Nuk mund të thuash se ka patur dyndje, por sidoqoftë ka pasur ritme të shpejta të shitjes të të gjithë sasisë së biletave, process që ka filluar në Kavajë, në qendrën e llotarive sportive në qendër të qytetit, nga e hëna paradite. Për tu evidentuar është rritja e kërkesave për bileta të tifozerisë në dy tribunat “A” e “B” qëndrore me çmim 500 lekë të reja. Pavarësisht të një defekti të vogël të sasisë së ketyre biletave, paksa më të zgjedhura se të tjerat, (kjo sepse ato nuk kanë të stampuara as radhën dhe numrin e karrikes ku do të ulet tifozi), gjithsesi dëshira për ta ndjekur takimin nga një pozicion sa më i këndshëm ka qenë më sunduese se sa kërkesat për bileta në tribunën përkarshi me çmim 300 lekë. Asnjë tifozi a klienti futbolldashës nuk i është lejuar të blejë më tepër se 5 bileta, për te evituar kështu cdo mundësi “shtrejtësimi artificial” të shitjes në “treg të zi” të sasisë së biletave të ndeshjes që po shiten me ritme të shpejta në biletarinë e Kavajës. Mësuam se nga biletat e tribunës qendrore 100 vende janë rezervuar për KF.Teuta që e ka marë që dje këtë kontigjent biletash për tribunën qëndrore.



Bizhdili mban ende sekret premion

Në takime të tilla me kualifikim, premiot zakonisht përcaktohen për kapërcimin e turit. Por nisur nga vetë potenca e kundërshtarit shumë më të fortë që Besa do të ketë përballë nesër nuk përjashtohet mundësia që për një rezultat pozitiv të ketë një tjetër shpërblim për futbollistët. Përderisa Nexhat Bizhdili, presidenti tepër bujar i skuadrës në pesë vitet e tij në krye të ekipit ka treguar se është nga ata që e jep shpërblimin “pa tu tharë djersa” atëhere edhe në lidhje edhe me këtë element motivues për takimin e nesërm, veçanërisht për pas 90 minutëshin, duket se nuk do të ketë asnjë “shtrëngim xhepi” edhe këtë radhë Burime nga klub e konfirmojnë këtë version. Ndërkohë për turin e parë, skuadra verdheblu mori 40 mijë dollarë nga presidenti Bizhdili dhe një premio tjetër nga drejtuesit e pushtetit vendor, e cila megjithatë nuk është lëvruar ende.

[no name]

Liteks si Besa: 8 vjet më parë trukoi finalen e Kupës

15 Gusht U akuzua se i’a shiti CSKA?së për tri pikët në kampionat



Liteks dhe Besa. Bashkë nesër në turin e dytë të Kupës UEFA, bashkë edhe në akuzat që u bëhen nga opinioni, media por edhe klubet rivale, se kanë “fiksuar” rezultatet e tyre në kohë të ndryshme. Dyshimet se klubi kavajas kishte marrëveshje me Teutën, për të ndihmuar këtë të fundit që të zinte vendin e dytë në kampionat (që do të thotë pjesëmarrje në Kupën UEFA) dhe më pas, dhe të fitonte finalen e Kupës së Shqipërisë në “tavolinë” pikërisht kundër Teutës, ka një preçcedent thuajse identik në vitin 1999. Dhe protagonist është pikërisht klubi i Liteksit, në të cilën gjatë asaj kohe luanin edhe dy futbollistët e ekipit tonë kombëtar, Alban Bushi dhe Altin Haxhi. Gazeta bullgare “Temasport” e ka hequr ditët e fundit këtë paralelizëm duke shkruar: “Historia e Besës së Kavajës, që u duk se kishte një marrëveshje të fshehtë me klubin e Teutës për të siguruar pjesëmarrjen në Kupën UEFA, i ngjan marrëveshjes që Liteks arriti në vitin 1999 me CSKA Sofjen kundër rivalit të saj për titull, Levskit të Sofjes”. Gazetari i të përditshmes në fjalë, Metodi Shumanov, i kontaktuar nga “Sport Ekpsres”, shpjegoi ngjarjen: “Kishin mbetur vetëm dy javë nga kampionati dhe ishte bërë ndërkohë e qartë se finalistët e Kupës do të ishin Liteks dhe CSKA. Rastësisht përpara finales CSKA priste Liteksin në fushën e vet. Kjo e fundit fiton në mënyrë “dramatike” 3?2 duke u shpallur kampion. Një javë më pas finalja e Kupës: Liteks humbet 1?0 dhe të gjithë tifozët në stadiumin, qeshin me kinse gabimet e mbrojtësve të këtij klubi. Ishte e qartë se kishte pasur një marrëveshje, por Federata Bullgare tek e cila presidenti i Liteksit Grisha Gançev kishte shumë ndikim, nuk hapi asnjë hetim. Vetëm media e denoncoi ngjarjen”. Atë sezon Liteks ishte i papërmbajtshëm, me Alban Bushin dhe Altin Haxhin, liderët e ekipit. Ishte titulli i dytë radhazi, i një epoke që nuk u përsërit më, pamvarësisht se president i klubit vazhdon të jetë Grisha Gançev, një person ekscentrik, mjaft i ngjashëm me disa prej sponsorëve të futbollit shqiptar, gjatë dekadës së fundit.

Altin Shordi



Bushi e konfirmon: E vërtetë, toleruam

Futbollisti i ekipit tonë kombëtar Alban Bushi, pranoi se ish?skuadra e tij, toleroi në finalen e Kupës së Bullgarisë në vitin 1999, me të dhe Altin Haxhin në fushë. Sulmuesi i Apollon Kallamarjes në kampionatin grek, pas pyetjes nëse i kujtohej kjo ngjarje, kundërshtoi: “Kam përshtypjen se e ngatërroni me një histori tjetër kundër CSKA?së kur pati një karton të kuq dhe sherr...”. Por pak sekonda më pas, vetë Bushi u kujtua: “Oh po: është e vërtetë që toleruam kundër CSKA?së. Nuk e di nëse ka pasur ndonjë marrëveshje, por e mbaj mend që ne toleruam dhe në Bullgari u bë zhurmë e madhe në atë kohë”? përfundoi Bushi, një protagonist absolut në sezonet bullgare







Dhjetë gjëra që duhet të dini për Liteksin



Alban Bushi dhe Altin Haxhi janë mes lojtarëve më të mirë të historisë së klubit të Liteksit gjë që pasqyrohet edhe në faqen e enciklopedisë online Wikipedia.



Klubi është pronë e Grisha Gançev një ish?mundës sot biznesmen, i cili është i njohur më shumë për bëmat e tij prej “të forti”, brenda ose jashtë futbollit.



Litex është emri i një kompanie nafte të pronarit të saj Gançev. Klubi mban rekordin e ndryshimit të emrave të tij, që prej themelimit në vitin 1921.



Stadiumi i qytetit të vogël të Loveçit ka 7 mijë vende, por në kontekstin ballkanas ai mund të zgjerohet në 12.500, siç ka ndodhur në një ndeshje të skuadrës kundër Levski Sofjes në 1998.



Krenaria e klubit është fitorja 8?0 kundër CSKA?së së Sofjes në vitin 1998, në të cilën morën pjesë dhe ishin golashënuesë edhe Alban Bushi dhe Altin Haxhi.



Fitorja më e madhe e klubit në Evropë, është ajo e tri viteve më parë kundër Zheleznjiçarit në Kupën UEFA. Takimi përfundoi 7:0 dhe u luajt në Loveç.



Presidenti i klubit, Grisha Gançev, u gjobit pas një ndeshjeje 1300 leva (rreth 100 mijë lekë), pasi kishte ofenduar në mënyrë të përsëritur seksualitetin e gjyqtarit.



Liteksi ka rekordin e klubeve bullgare, duke qenë se është e vetmja që ka arritur të fitojë kundër një klubi gjerman jashtë fushës: 2:0 ndaj Union Berlinit në Kupën UEFA të 2001.



Klubi ka në përbërje tre futbollistë francezë. Të gjithë kanë ardhur si lojtarë të lirë nga klubet e tyre. Liteks po përpiqet t’i ripërtërijë dhe ti shesë sërish në Francë.



Ylli i ekipit është Velington, një sulmues cilësor brazilian që pritet të shitet në një klub të madh të huaj. Klubi ka edhe dy lojtarë të tjerë brazilianë të spikatur.

[no name]

Nica: Besëlidhja, me lojtarë mesatarë

16 Gusht Tekniku lezhjan nëpërmjet “Sport Ekspres” ka treguar për çfarë është bërë me skuadrën. Merkato spontane, grupi aktual përbëhet nga një nivel mesatar lojtarësh. Po sipas tij, disiplina taktike do të japë forcën për të mbijetur. Ka kërkuar mbështetjen e tifozëve

? A keni formuar skuadrën që keni dëshiruar?

? Ne “shtrimë këmbët sa patëm jorganin”, sepse kaq janë mundësitë reale të kësaj skuadre. Përsa i përket merkatos, ajo ka qenë spontane, sepse siç e thashë, edhe mundësitë nuk kanë qenë të mëdha, për të marrë lojtarë cilësorë të superiores. Megjithatë, jam i kënaqur sepse, më në fund arritëm të zgjedhim më të mirët, edhe pse në të vërtetë jo ata që kishim nevojë. Merkato ka filluar vonë dhe, siç e thashë kemi arritur të sigurojmë lojtarë mesatarë

? A mos është kjo një paraprirje për rezultatet në kampionat, nëse ato do të jenë negative?

? Jo. Kemi filluar të punojmë për të marrë maksimumin e grupit. Skuadra e ka provuar këtë dhe skuadra sa vjen e forcohet. Me Grizhën skuadra do të luajë më në bllok. Unë mendoj se ky grup ka besim në vetvete. Nuk kemi nevojë për të justifikuar asgjë, as rezultatet që thoni ju.

? Cila është gjendja e skuadrë?

? Kam besim që pas dy jav?_do të jetë në gjendjen më të mirë. Nuk kemi arritur ende pikën maksimale. Nuk kemi probleme për gjendjen fizike. Në Pogradec punuam mirë. Do të kërkoja në mënyrë fanatike regjimin ditor, ushqimin, fjetjen, por edhe pushimin, të cilat janë individuale për çdo futbollist. Do të kërkoja që ajo që është fituar të ruhet. Megjithatë, fronti jonë i punës do të jetë kompaktësimi i veprimeve taktike.

? “Arma”?

? Disilpina.

? Grizha dhe Lika në qendër të mbrojtjes japin garanci. Roshi Miçiç dhe Smajli prioritet ofensivës. Kam besim te sulmuesit, taktik dhe të rrezikshëm.

[RaPSouL]

Elbasani kërkon Sasha Delain, disiplina e “burgos” 6 muaj

Sasha Delain nuk do të luaj 6 muaj në kampionatin shqiptar të futbollit. Ky ka qenë vendimi që mori dje Komisioni i Disiplinës për ish-futbollitin e Flamurtarit. Kongolezi pati prishur në mënyrë të njëanshme kontratën e tij me klubin vlonjat gjatë sezonit të kaluar, çka u bë motiv shqyrtimi nga ana e disiplinarëve. Këta të fundit vendosën që për gjashtë muajt e ardhshëm futbollisti të mos marrë pjesë në asnjë aktivitet futbollistik. Një vendim i tillë ndikon jo vetëm në të ardhmen e futbollistit, por edhe në merkaton e disa prej klubeve të Superligës Shqiptare. Kështu, Vllaznia dhe Elbasani duhet të heqin dorë nga futbollisti, i cili deri në ditën e djeshme ishte sa në Shkodër, në Elbasan. Madje të hënën presidenti i Elbasanit Arben Laze në një deklaratë në sajtin e klubit të tij pati thënë se ardhja e Delain te verdheblutë ishte vetëm një formalitet, pasi të gjitha bisedimet kishin mbaruar me sukses. “Tifozët duhet të rrinë të qetë, pasi ne tani e kemi formuar skuadrën tonë. Dy blerjet e fundit për Elbasanin do të jenë Delain dhe Teli”, pati deklaruar Laze. Gjithsesi në këto kushte, objektiv kryesor për verdheblutë tashmë mbetet vetëm Admir Teli. Ndërkohë përsa i përket lojtarit tjetër, Leandro, Komisioni i Disiplinës njoftoi se vendimi do të merrej pas dy javësh në pritje të ndonjë marrëveshjeje mirëkuptimi mes futbollistit dhe klubit.

[RaPSouL]

Merkato e superliges

SK Tirana
Të ardhur: Fortuzi (Iraklis, Greqi), Sina (Elbasani), Xhafa (Dinamo), Deliallisi (Dinamo), Vrapi (Teuta), Merkoçi (Elbasani), D.Xhafa (Teuta)
Të larguar: Pisha (Dinamo), Abraham (Dinamo), Allmuça (Dinamo), Pema (Dinamo), Sinani (Vllaznia), Bulku (Krivbas, Ukrainë), Fish (Flamurtari), A.Muça (Kastrioti), Turdiu (Kastrioti), A.Duro (Besa)
Trajner: Sulejman Starova (i ri)

Elbasani
Të ardhur: Lika (Dinamo), K.Dalipi (Vllaznia), Dabulla (Vllaznia ?), Ahi (Vllaznia), Ahmataj (Dinamo), Babaj (Teuta), Tetova (Teuta), F.Xhafa (Flamurtari), Mushica (Kosovë), S.Bulku (Partizani), Vilaci (Kosovë), Basriu (Besëlidhja), I.Qorri (Dinamo), G.Lika (Vllaznia)
Të larguar: Kotorri (Dinamo), T.Osmani (Partizani), Leci (Flamurtari), Kaçi (Vllaznia), Merkoçi (Tirana), Kacollja (Shkumbini), E.Dalipi (Shkumbini), Akamba (Skënderbeu), Abdullah (Besa)
Trajner: Krenar Alimehmeti (i ri)

Skënderbeu
Të ardhur: Lako (Teuta), Mustafa (Besa), C.Deliovski (Apolonia), M.Kule (Dinamo), Akamba (Elbasani), E.Billa (Flamurtari), E.Kico (Kamerun), R.Shehu (Greqi), Gudiabi (Vllaznia)
Të larguar: L.Tiko (?), Ngjela (Besëlidhja), Larti (Besëlidhja)
Trajner: Jani Kaçi (i konfirmuar)

Partizani
Të ardhur: Shkëmbi (Teuta), Devolli (Teuta), Bejzade (Vllaznia), T.Osmani (Elbasani), G.Hasmetaj (Skrapari)
Të larguar: S.Bulku (Elbasani), Alikaj (Besa), A.Karapici (?)
Trajner: Hasan Lika (i konfirmuar)

KS Teuta
Të ardhur: Ismail (Zambia), D.Hashami (Kosovë), Dragusha (Kosovë), Trajçev (Maqedoni), Mitrovski (Maqedoni)
Të larguar: B.Kuli (Dinamo), D.Xhafaj (Tirana), Devolli (Partizani), Shkëmbi (Partizani), Vrapi (Tirana), Lako (Skënderbeu), Tetova (Elbasani), Mancaku (Besa), Kapaj (Vllaznia)
Trajner: Hysen Dedja (i ri)

KS Dinamo
Të ardhur: B.Kuli (Teuta), Kotorri (Elbasani), Pisha (Tirana), Abraham (Tirana), Allmuça (Tirana), Pema (Tirana), Plaku (Apolonia), Kovaçeviç (NK Nafta Levandia, Slloveni), Bizhyti (Shkumbini)
Të larguar: Deliallisi (Tirana), Xhafa (Tirana), Ad.Nuhiu (?), Ahmataj (Elbasani), M.Kule (Skënderbeu), Lika (Elbasani)
Trajner: Agim Canaj (i ri)

KS Besa
Të ardhur: Alikaj (Partizani), S. Zendeli (Apolonia), Ramadani (?), Demiri (?), Abdullah (Elbasani), Fortunat (Francë 3), Guma (Lushnjë), A.Bruka (Besëlidhja), D.Roshi (Besëlidhja), Mancaku (Teuta), A.Duro (Tirana)
Të larguar: Mustafa (Skënderbeu), Babaj (Elbasani), Xhihani (Iraklis ?)
Trajner: Silvu Dimitresku (i ri)

Kastrioti
Të ardhur: Bokatola (Flamurtari), Rizvanolli (Shkumbini), A.Muça (Tirana), Turdiu (Tirana), Braho (Luftëtari)
Të larguar: Grami (Shkumbini), Pashaj (Shkumbini), Ziambo (Flamurtari)
Trajner: Ramazan Ndreu (i konfirmuar)

Vllaznia
Të ardhur: Sinani (Tirana), Nora (Luftëtari), Kaçi (Elbasani), Simo (Luftëtari), Beqiri (Shkumbini), Delain (Flamurtari), Lendro (Brazil), Kraja (Iraklis), Belisha (Besa), Kapaj (Teuta)
Të larguar: Bejzade (Partizani), Vukseviç (Mal i Zi), Radusinoviç (Mal i Zi), Miroçi (Kosovë), Gudiabi (Skënderbeu), K.Dalipi (Elbasani), Dabulla (Elbasani ?), Ahi (Elbasani), Sukaj (?), G.Lika (Elbasani)
Trajner: Mirel Josa (i konfirmuar)

Shkumbini
Të ardhur: E.Hazizi, E.Sulejmani, Jakimoski (Apolonia), S.Xhagalliu (Lushnja), Pashaj (Kastrioti), F.Shenaj (Luftëtari), R.Shala (?), Kacollja (Elbasani), A.Hasani (Besëlidhja), E.Dalipi (Elbasani), Grami (Kastrioti)
Të larguar: Bizhyti (Vllaznia), Beqiri (Vllaznia), Xhafa (?), Rizvanolli (Kastrioti)
Trajner: Gugash Magani (i ri)

Besëlidhja
Të ardhur: Alcani (Sopoti), Petresku (Maqedoni), Dençovski (Maqedoni), Paçev (Maqedoni), Hashani (Besa ?), Ngjela (Skënderbeu), Larti (Skënderbeu)
Të larguar: Basriu (Elbasani), A.Hasani (Shkumbini), A.Bruka (Besa), D.Roshi (Besa)
Trajner: Stavri Nica (i ri)

Flamurtari
Të ardhur: Fish (Tirana), Mema (Apolonia), Leci (Elbasani), Ardian Kola (Greqi), Ziambo ? (Kastrioti)
Të larguar: Sasha Delain (Vllaznia), Bokatola (Kastrioti), Driza (?), E.Billa (Skënderbeu)
Trajner: Eqerem Memushi (i konfirmuar)

[RaPSouL]

Kupa UEFA, Ferario Sospov: Vijmë për fitore ndaj Besës

Bullgarët kanë mbërritur me pretendime në Shqipëri. Sipas trajnerit të Litex, Ferario Sospov, skuadra e tij do të fitojë më rezultat të thellë ndaj Besës në Kupën UEFA. “Unë i di pikat e forta e të dobëta të Besës. Ata luajnë mirë, bashkë e merren vesh mirë me njeri-tjetrin. Pikat e dobëta? Mos prisni t’i them, do i shihni në fushën e lojës”, ka deklaruar Sospov për mediat shqiptare me të mbërritur në Tiranë. Ndeshja do të luhet në stadiumin “Niko Dovana” të Durrësit në orën 17.00 ditën e sotme.

[RaPSouL]

Kotorri: Patjetër një sulmues i gjatë

16 Gusht Elbasanasi i portës dinamovite, Elvis Kotorri, ka sqaruar për gazetën “Sport Ekspres” se një sulmues shtatlartë i nevojitet skuadrës blu. “Më tepër se sa për ndeshjet brenda – ka thënë Kotorri – sulmuesi i gjatë do të na nevojitet në rrethe. Sepse në rivënien fundore që do të bëj unë, kur bëhet fjalë për një top të gjatë, do të jetë ai që në zonën kundërshtare do ta ulë për të tjerët. Gjithsesi, kam mendimin se ne e përballojmë mirë të gjithë sezonin, sepse e kemi skuadrën”. Kotorri, edhe duke bërë diferencat me Partizanin, nisur nga miqësorja e javës së kaluar, thotë se Dinamo është ekip me bosht. “Edhe ne kemi skuadër të kompletuar – tregon ruajtësi i katërkëndorit blu – kemi lojtarë të përvojës dhe me emër në kampionatin shqiptar. Ne jemi në gjendje që ndeshjet në Tiranë, jo vetëm t’i realizojmë mirë, por dhe t’i nxjerrim me sukses, ashtu siç i ka hije kësaj Dinamoje. Kam bindje që, ashtu si Tirana, Partizani e ndonjë skuadër tjetër, edhe ne jemi pretendentë për kampion. Kjo është e gjitha, ndërsa gjithçka shkon mirë në skuadrën tonë. Stërvitjet janë normale, me intensitetin e plotë dhe, unë të paktën, jam në formën time më të mirë. E kam thënë dhe herë të tjera, që do të jap më të mirën time këtë sezon për blutë”. Ndërkaq, stërvitja e Dinamos dje është zhvilluar vetëm me një seancë, ndërsa sot, ashtu siç dhe ka parashikuar trajneri Canaj, do të jetë me dy seanca. Në stërvitjen e djeshme, me çfarë është parë në fushën e lojës, tekniku Canaj është përqëndruar në veprimet teknike e taktike, ndërsa data e fillimit të kampionatit të ri, që është më 25 gusht, është gjithnjë e më pranë. “Dukemi sikur jemi skuadër që nuk kemi shumë yje, por ama kemi lojtarë punëtorë e të shpejtë. Të gjitha problemet tona i mbulojmë me shpejtësi, ndaj jam i sigurtë që në Tiranë do të japim më të mirën dhe do të jemi të suksesshëm. Të kesh futbollistë në sulm si Plaku, Pema, Mile apo Kuli është gjithçka e sigurtë të paktën brenda në fushën tonë. Ndaj jemi të fortë dhe kemi besim në vetvete”, ka përfunduar Kotorri

[RaPSouL]

Salillari: Të forcojmë vijën e parë

16 Gusht Dje durrsakët kanë zhvilluar një seancë të zakonshme stërvitore, ndonëse ishte lajmëruar që do të realizohej një ndeshje miqësore me Kastriotin. Ndeshja e planifikuar nuk është realizuar, ndaj dhe Dedja ka përfituar të zhvillojë një ndeshje kontrolli brenda skuadrës. Të vetmit që kanë munguar në stërvitje kanë qenë Fagu dhe Buna, të cilët janë stërvitur individualisht, për shkak të disa problemeve fizike, por ata kanë përfituar për të parë stërvitjen e ekipit bullgar dhe vetëm pas saj kanë realizuar vrapime në pistën e atletikës së stadiumit. Për trajnerin e Teutës, zhvillimi i ndeshjeve është i domosdoshëm në këto momente, për të njohur më mirë lojtarët e shumtë të rinj që kanë zbarkuar në skuadër. Gjatë këtyre ditëve durrsakët kanë marrë në provë shumë elementë të rinj nga e gjithë Shqipëria dhe, sipas stafit më pas do të bëhet seleksionimi i tyre dhe në ekip do të mbahen vetëm ato që premtojnë për të ardhmen. Madje lojtarë të rinj kanë ardhur dhe nga jashtë Shqipërisë, një prej tyre është i riu Arapi, që ëshrë aktivizuar në Greqi. Shefi I klubit durrsak, Eduart Salillari, ashtu si drejtues të tjerë të Teutës beson që strategjia për të hedhur sytë dhe nga brezi I ri do t’I vlejë ekipit. Por sipas tij veç të rinjve nuk do të mungojnë dhe përforcimet me lojtarë me eksperiencë. “Ne si klub I kemi dhënë gjithnjë hapësira të rinjve? shprehet Salillari? por këtë vit kjo do të jetë më e theksuar duke synuar të investojmë për të ardhmen. Por përforcimet nuk do të mungojnë, dhe shumë shpejt disa lojtarë me eksperiencë mund të vijnë në ekip. Jemi të përqëndruar në vijën sulmuese, pasi aty kemi më tepër mangësi”.

[RaPSouL]

Merkoçi do formacionin: Jam i bindur se e meritoj

16 Gusht Është një nga sulmuesët më “veteranë” të Tiranës, së bashku me Indrit Fortuzin, edhe pse kohët e fundit, lëvizjet e shumta, apo dëmtimet kanë bërë që Eldorado Merkoçi të mos tregojë maksimumin e tij. Megjithatë, tani duket se ai është rikthyer. Një prezantim shumë dinjitoz, edhe pse për pak kohë, në miqësoret që bardheblutë kanë zhvilluar. Por, siç sqaron vetë Eldo, një futbollist do më shumë hapësirë, për të treguar forcën e tij reale. Dhe, këtë sezon, nëse do të aktivizohej si titullar, gjë që normalisht ai e dëshiron dhe e meriton, atëherë gjërat do të jenë komplet tjetër.

? Një Tiranë e “zhurmshme” kohët e fundit. Si duket ky grup dhe a ka realisht probleme brenda tij?

? Jo, unë mendoj kështu. Tirana është po ajo, sido që ta hedhësh e ta presësh. Sigurisht unë nuk po them se çdo gjë shkon vaj, sepse edhe kjo nuk ndodh asjëherë në asnjë skuadër të botës. Por, e rëndësishme është që ne jemi një grup lojtarësh që duam të fitojmë dhe të japim maksimumin për t’ia arritur kësaj.

? Kampionati po afron, por më parë është finalja e Superkupës e së dielës ndaj Besës. Ç’do të thotë fitimi i këtij trofeu për ju?

? Do të thotë që ta nisim kampionatin në mënyrën më të mirë të mundshme. Kemi humbur në turin e parë të Champions, ndaj Domzales dhe unë mendoj se kemi me të vërtetë nevojë për fitore në një kompeticion zyr tar si ai i Superkupës.

? Kjo do të thotë se Tirana të dielën do të jetë...

? Një skuadër tjetër nga ajo që është parë në këto miqësore. Më e motivuar, më agresive dhe sigurisht më pretendente.

? Të dalim në aspektin personal; a mendoni se konkurrenca me Xhafajn dhe Fortuzin e ul probabilitetin për të luajtur si titullar?

? Unë po them vetëm diçka. Edhe pse është në kompetencë të trajnerit dhe të stafit drejtues, unë do të thoja se këtu nuk është çështja konkurrencë, apo jo. Duhet të luajë ai që e meriton dhe që ka gjendjen e duhur për ta bërë këtë. Në fund të fundit, të gjithë po luajmë për të njëjtën fanellë dhe të rëndësishme janë rezultatet e skuadrës, apo jo?

? Dhe ju e keni gjendjen e duhur për të qenë titullar?

? Sigurisht që e kam. E thashë, unë dua të luaj, ashtu si çdo lojtar tjetër, por kjo është në dorën e trajnerit dhe stafit teknik.