Lajmet nga Superliga 2006/2007

[no name]

Dhembi, thirrje te rinjve: Jo kaq shume agresive!

14 Gusht Agresiviteti, i treguar ne dy miqesoret e fundit, nga lojtaret e Partizanit, si ndaj Beses (Abilaliaj eshte ndeshkuar me te kuqe) edhe ndaj Dinamos (Bakaj me te kuqe, Karapici i kthen fjalen trajnerit dhe Abilaliaj del perseri) ka terhequr vemendjen e mesfushorit korcar te “demave”, Paulin Dhembit. Keshtu, per lojtarin e eksperiences tek te kuqte, ngjarje te tilla demtojne imazhin e skuadres dhe te nje brezi qe normalisht duhet te jete model per te gjithe, si ai i te rinjve te Partizanit. “Jane veprime qe nuk duhen bere. Jam dakord me agresivitetin atje ku duhet sepse kjo eshet dicka pozitive, por jo te ekzagjerohet vend e pa vend. Eshte detyra jone, pra e te “vjeterve” dhe e drejtuesve t’i bindin ata lojtare qe te mos veprojne me keshtu”, ka vijuar Dhembi ne intervisten e tij.

Nje nervozizem i tepruar i lojtareve te Partizanit ne dy miqesoret e fundit, teksa edhe trajneri Lika e ka evidentuar. Ju shqeteson kjo gje?

Sigurisht qe po. Ne jemi nje skuader dhe normalisht qe kur hyjme ne fushe luajme te gjithe bashke dhe kur dikush ben te tilla gjera na demton te tereve. Megjithate, une jam i mendimit se kjo cesthja e agresivitetit duhet pare ne disa aspekte. Kjo sepse ka anet pozitive dhe negative.

Cilet jane anet pozitive?

Qe nje agresivitet i tille mund te jete pasqyre e nje deshire per te luajtur dhe per te dhene maksimumin ne fushe. Dhe fakti qe ndoshta kane pak hapesira, krijon kete lloj nervozizmi.

Po negativi?

Ai lidhet ngushte me ate pozitivin. Duhet te dini qe nje fije e holle e ndan agresivitetin ne kufijte e normales dhe ekzagjerimin, qe me pas behet i demshem. Ai normali rrit nivelin e lojes se skuadres. Ndersa ai i demshmi ben qe te merren kartona dhe te demtohet skuadra.

Cili eshte mendimi juaj per parandalimin e ketij fenomeni, pare faktin se edhe kampionati i ri po fillon se shpejti?

Jemi ne, lojtaret e vjeter me me eksperience, si edhe drejtuesit, apo stafi teknik qe duhet t’i mbajme afer keta futbolliste, ne menyre qe ata te kuptojne se nuk eshte bota kunder tyre, por thjesht jane problemet edhe te moshes. Do t’u vije edhe atyre radha te luajne titullare madje edhe te bejne namin, mos kene merak.

Dhe ne fund, si duket ky Partizan?

Per fat te keq, kemi patur disa demtime, por une mendoj se me kthimin e tyre, skuadra do te permiresohet dhe do ta startoje ne menyren me te mire kampionatin.

Abilliaj

Sulmuesi vlonjat ka qene i pari qe ka shfaqur nervozizem te tepruar ne miqesoren me Besen, teksa eshte ndeshkuar me karton te kuq nga gjyqtari dhe me pas eshte nxjerre nga Lika.

Bakaj

Mesfushori tiranas, ndoshta jo per ceshtje nervozizmi, por teknike eshte nxjerre nga loja ne derbin me Dinamon. Kjo ka bere qe edhe ai te futet ne “listen e te pabindurve”.

Karapici

Lojtari, i rikthyer tek Partizani, ka treguar shenja nervozizmi ne derbin miqesor me Dinamon, teksa trajneri Lika e ka nxjerre ate nga fusha, pikerisht pasi i ktheu fjalen.

[RaPSouL]

Mici: Jam ende sekretar i FSHF

Roland Mici është ende sekretar i Përgjithshëm i Federatës Shqiptare të Futbollit. Lajmi konfirmohet nga vetë ai në një prononcim ditën e djeshme për gazetën “Tirana Observer”. “Kam qenë deri në orët e para të mëngjesit në një sebep familjar dhe sapo jam ngritur nga gjumi (ora 13:00) dhe sinqerisht tani po marr vesh që paskam dhënë dorëheqjen.
Ju siguroj që nuk është e vërtetë. Jam dhe vazhdoj të jem sekretari i Përgjithshëm i FSHF-së”, ka konfirmuar Roland Mici. Gjithsesi Nr 2 i FSHF-së nuk mohon faktin se ka menduar më shumë se një herë largimin e tij nga posti aktual. Por, natyrisht, sipas tij, kjo do të ishte shqyrtuar në radhë të parë si nga presidenti i federatës, por edhe nga Komiteti Ekzekutiv. “Nuk e di se si ka dalë një lajm i tillë, por, sa për të sqaruar që të gjithë të interesuarit, jam dhe do vazhdoj të jem sekretari i Përgjithshëm i FSHF-së. Kur të vijë momenti, një ditë të bukur për t’u larguar, natyrisht do ta bëj publik në mënyrën më normale para të gjitha mediave. Me këtë dua të them se e kam menduar dorëheqjen time nga ky post. Por ashtu sikundër u zgjodha nga Komiteti Ekzekutiv ashtu edhe kur të dëshiroj të largohem, do të jetë ai komitet që do të japë pëlqimin e vetë”, ka vazhduar të sqarojë Roland Mici. I pyetur për motivet që mund ta çonin atë në një dorëheqje në një të ardhme të afërt, Mici nuk ka pranuar të flasë. Ndërkohë që zërat në ambientet e federatës flasin për një përplasje, tashmë prej muajsh, midis tij dhe presidentit të federatës përsa i përket fitimeve që ky institucion ka nxjerrë gjatë këtij viti si dhe disa vendimeve që kanë dalë gjatë sezonit të kaluar në drejtim të individëve të veçantë dhe klubeve. Edhe te punonjësit e federatës një lajm i tillë nuk ka gjetur konfirmim. Sipas zëdhënësit për shtyp, Lysien Nurishmit, sekretari ka marrë leje për arsye familjare dhe në rast se do të ketë ndonjë dorëheqje të mundshme, kjo do të shqyrtohet në mbledhjen e radhës së Komitetit Ekzekutiv, e cila do të zhvillohet javën e ardhshme. “Sekretarin e federatës e zgjedh dhe e largon nga posti vetëm Komiteti Ekzekutiv, dhe në rast se një e tillë do të ndodhë do të sqarohet në mbledhjen e këtij të fundit”, ka sqaruar për gazetën “Tirana Observer”, Nurishmi.

Përplasjet e mundshme me Dukën

Zërat në ambientet e federatës flasin për një përplasje tashmë prej muajsh midis sekretarit Roland Mici dhe presidentit të federatës, Armand Duka, përsa i përket fitimeve që ky institucion ka nxjerrë gjatë sezonit të shkuar futbollisti. Shkak tjetër janë edhe disa vendime të dyshimta që kanë dalë nga ky institucion gjatë sezonit të kaluar në drejtim të individëve të
veçantë dhe klubeve.

[no name]

“I djeguri” Lika: Ekzekutivja me urdhër të Alibalit

15 Gusht Zgjedhja e sekretarës së re në Federatën Shqiptare të Notit krijon pështjellime



Tiranë ? Zgjedhja e sekretares së re në Federatën Shqiptare të Notit, kur bëhet fjalë për Suela Haxhinë, ka krijuar pështjellime. I pari që ka reaguar dhe që ka folur ashpër për gazetën “Sport Ekspres” është Kujtim Lika, i cili, deri në momentet e fundit, ka qenë kandidatura kryesore për t’u vënë në postin e sekretares së përgjithshme. Sipas Likës, Haxhia ka ardhur në krye të ekzekutivit të Federatës Shqiptare të Notit me ndërhyrjen e zëvendësministrit të Turizmit, Kulturës, Rinisë dhe Sporteve, Neritan Alibali. “Së pari, më duhet të them se në kryesi kandidatura e Haxhisë për sekretare të përgjithshme është propozuar nga Ridvan Gjeçaj, i cili shfaqet në notin shqiptar pas dhjetë vjetësh. Së dyti, në statutin tip të firmosur nga ministria është taksative që sekretari duhet të jetë njohës i sportit e më tej, ekonomist ose jurist. Debati në kryesi për kandidaturën e Haxhisë ka qenë i ashpër, ndërsa më duhet të them se gjithçka është bërë formale. Eshtë zgjedhur Haxhia, e cila nuk plotëson asnjë kriter, sepse jo vetëm që nuk njeh notin, por, në anën tjetër, ka mbaruar për italisht. Atëhere kush përgjigjet për këtë lloj përzgjedhje në krye të notit shqiptar?”. Duke vijuar më tej, Lika bën me dije se zgjedhja e sekretarit është vonuar për dy muaj e kështu janë shkelur të gjitha ligjet. “Eshtë manipuluar me vendimin e kryesisë, sepse Haxhia, si kandidature, është futur shumë vonë. U tërhoqën dhe mbyllën sot të gjithë anëtarët e kryesisë përpara këtij fakti dhe zgjedhja e Haxhisë është propaganduar si arritje. Përkundrazi, duke patur brenda nepotizmin e Ministrisë së Turizmit, Kulturës, Rinisë dhe Sporteve, por dhe ndoshta korrupsionin, më duhet të them se kjo është shkelje totale e ligjit që nuk i bën mirë notit shqiptar. Megjithatë unë nuk ndalem këtu”, ka mbyllur deklaratën e tij “i djeguri” Kujtim Lika, që ka bërë me dije se gjërat mund të shkojnë dhe në rrugë gjyqësore.

Zgjedhja e sekretares, shmanget presidenti Alliu

Pretendimeve të Kujtim Likës, si një nga kandidaturat për të qenë sekretar i përgjithshëm i Federatës Shqiptare të Notit, apo dhe zgjedhjes së sekretares së përgjithshme Suela Haxhia, presidenti Feim Alliu i është shmangur. Nuk ka pranuar të bëjë asnjë koment për gazetën “Sport Ekspres”, teksa ka pohuar: “Nuk kam asnjë prononcim për këtë fakt. Janë kërkuar dy kandidatura nga ana jonë dhe zgjedhjen e ka bërë Ministria e Turizmit, Kulturës, Rinisë dhe Sporteve, ndaj atje shkoni e kërkoni shpjegime, sepse ne punën tonë e kemi bërë”. Kësisoj presidenti Alliu ka shmangur çdo përgjegjësi nga vetja e “topin” e ka lënë në “fushën” e MTKRS?së...

Shtrepi në emër të MTKRS?së: Haxhia kishte më tep`r vota në kryesi

Situatë e krijuar, apo pështjellimin në familjen e notit shqiptar për zgjedhjen e sekretarit të përgjithshëm në Federatën Shqiptare të Notit, e ka sqaruar specialistia e sportit në MTKRS, Fatbardha Shtrepi. Sipas saj nga Federata Shqiptare e Notit kanë ardhur tre kandidatura për postin e sekretarit; Suela Haxhia, Kujtim Lika dhe Andi Baze. “Më duhet të sqaroj se nuk është taksative që një sekretar i përgjithshëm duhet të jetë ekonomist, apo jurist. Së dyti, sekretari nuk duhet të jetë as trajner e as gjyqtar. Kujtim Lika ishte trajner dhe, si i tillë, kryesia i kishte kërkuar dorëheqjen, të cilën nuk e kishte deklaruar deri në momentin që erdhën kandidaturat në MTKRS. Midis Bazes dhe Haxhisë, ministri Pango, nisur dhe nga fakti që Haxhia kishte marrë shtatë vota në kryesi, zgjodhi këtë të fundit. Kjo është e gjithë historia”, ka sqaruar Shtrepi, në një kohë që ka hedhur poshtë faktin e ndonjë nepotizmi shkodranësh në MTKRS. Gjithsesi fakti mbetet fakt, Suela Haxhia është sekretare e përgjithshme e notit shqiptar, ndërsa situata dhe mënyra e të zgjedhurit të saj ka krijuar shqetësime të mëdha brenda familjes së notit. E, duke kërkuar të drejtën e tij, priten dhe të tjera reagime nga Kujtim Lika.

[no name]

Tekniku Shehu “shtrydh” të vetët

15 Gusht Pas takimit të së shtunës së kaluar në Vlorë kundër Flamurtarit, Luftëtari e filloi javën duke intensifikuar përgatitjet me nga dy seanca në ditë. Para dite, ekipi zhvendoset në kodrat e liqenit të Viroit, ndërsa pasdite në stadiumin “Gjirokastra”. “E gjithë kjo, ? thonë drejtuesit e klubit ? bëhet me qëllim që në prag të nisjes për në qytetin e Ersekës, të gjithë futbollistët të jenë të gatshëm dhe të mbajnë “ngarkesa” edhe më të larta”. Aktualisht grupi bluzi ka hyrë në një fazë përgatitore, e cila do të përcaktojë se cilët futbollistë do ta kalojnë “klasën”, pra pas përzgjedhjes do të dalë grupi bazë i Luftëtarit për konkurimin në kategorinë e parë. Nga “shtrydhja”, që stafi teknik me në krye trajnerin Shehu, i bën futbollistëve, këta të fundit ndihen të kënaqur dhe të preokupuar në maksimum për të zbatuar me fanatizëm procesin stërvitor. “Kështu, ? thotë mesfushori K. Brahimi, ? përfituesit do të jemi vetëm ne futbollistët. Gjithashtu, duke shtuar edhe faktin se pjesa më e madhe e grupit, janë futbollistë të rinj në moshë dhe pa eksperiencë konkurimi, vetëm stërvitja e fortë dhe profesionale që zhvillojmë, do të na nxjerrë në “selamet””.

Prej 20 gushtit, në Ersekë

Të hënën e ardhshme më 20 gusht, sipasinformacioneve që vijnë nga klubi i Luftëtarit, grupi do të niset drejt qytetit të Ersekës, ku ka për të qëndruar për afro dy javë. Qëllimi i “spostimit” është jo vetëm vazhdimi i fazës përgatitor në kushte klimaterike më të mira, por njëkohësisht edhe zhvillimi i disa takimeve miqësore me ekipe të kategorisë së parë. Përveç dy takimeve, të progrmuara që tani para nisjes, kundër ekipit vendas të Gramozit, që luan në kategorinë e dytë, bluzinjtë do të bisedojnë edhe me drejtuesit e ekipeve të Bilisht Sportit dhe Pogradecit për t’u përballur në stadiumin e Ersekës. Këtë javë bluzinjtë do të zhvillojnë edhe dy ndeshje përgatitore, ku do të kenë si kundërshtarë ekipet e Bylisit dhe Tepelenës. Sipas drejtuesve të klubit të futbollit të “qytetit të gurtë”, testimet kundër ballshiotëve dhe tepelenasve, bëhen me qëllim që të përcaktohet grupi që do të niset për në Ersekë. Aktualisht te Luftëtari stërviten rreth 32 futbollistë, ndërsa në drejtim të qytetit malor do të udhëtojnë 25

[no name]

Matjanët në udhëkryq

15 Gusht Pushteti vendor i Burrelit është vënë në kërkim të donatorëve për skuadrën

Nesër, në kryeqytet, do të bëhet një mbledhje e të gjithë biznesmenëve matjanë



BURREL ? Kampionati kombëtar i kategorisë së parë po afron dhe Bashkia e Burrelit po e kupton se gjetja e donatorëve është detyra më e rëndësishme për momentin. Fakti që numri i lojtarëve të ardhur nga skuadra të tjera është mjaft i pakët tregon se matjanët nuk do ta kenë të lehtë përballimin e një kampionati kaq të gjatë dhe me një numër të madh skuadrash pretendente. Ndërkohë jo pak shqetësime ka sjellë tek vendorët akuza e bërë publike se donatorëve u kërkohen të holla në këmbim të postit të presidentit. Kjo akuzë erdhi prej futbollistëve të njohur të skuadrës së Burrelit. Madje jashtë mediave thuhen dhe detaje të “ofertës”, por tani pas tre ditësh vijnë dhe reagimet e para të personave të akuzuar, të cilët kërkojnë të mohojnë gjithçka, madje duke aluduar padrejtësisht se po njolloset figura e tyre apo dhe ajo e futbollit matjan, duke hamendësuar se “thjesht ishte një shaka”.

Burime të besueshme pranë Bashkisë së Burrelit pohojnë se ditën e hënë kryetari i bashkisë, Skënder Lleshi, është takuar me disa biznesmenë matjanë dhe ka bashkëbiseduar gjatë për gjendjen e skuadrës. Mësohet se Lleshi ka biseduar gjatë në zyrën e tij me presidentin tashmë të dorëhequr Murat Koliqi. Biseda midis tyre ka zgjatur mbi dy orë. As Lleshi dhe as Koliqi nuk kanë folur për mediat dhe nuk kanë dhënë detaje të takimit midis tyre. Në ditët që vijnë ndoshta mund të thuhen detaje të takimit.

Kryebashkiaku Lleshi, takime të shumta me biznesmenë

I pari i qytetit të Burrelit është takuar dhe me Agim Nelin, president i çiklizimit matjan, aktualisht emigrant në Itali. I kontaktuar me telefon ai pranoi se ka biseduar me drejtuesit e bashkisë dhe të klubit të sportit. “Nuk kemi vendosur asgjë”, tha ai. “Kërkova të njihem me gjithë problematikën e skuadrës dhe jam në pritje të projekteve që do të ketë bashkia dhe klubi. Të them të drejtën”, tha më pas Agim Neli, “nuk kam vendosur ende të jem donator i Burrelit, teksa biseda me drejtuesit e bashkisë është lënë e hapur dhe në të tjera takime do të vendosim nëse do të jem sponsor i skuadrës së Burrelit”. Në lidhje me akuzën e hedhur në media për “gjobvënie” Neli nuk preferoi të flasë, duke kërkuar që gjithçka t’i lihet vetëm takimeve zyrtare dhe jo informale.

Nëse biznesmenët matjanë kanë ndërmend ta ndihmojnë skuadrën e vendlindjes, dhe kjo do të jetë një gjë mjaft e mirë, duhet të operojnë me shpejtësi. Kampionati është në prag dhe federimet e reja, duhen kryer me shpejtësi, ndërkohë që Burrelipo ta nisë kampionatin me kontigjentin aktual do ta ketë mjaft të vështirë për të mbijetuar në kategorinë e parë. Për ngjitje në superiore as që bëhet fjalë. Donatorët duhet të bashkojnë një pjesë të aksioneve të tyre dhe të sigurojnë 6-7 blerje cilësore, çka mund ta bënte skuadrën solide dhe konkuruese. Për ndryshe gjithçka do të mbetet në mëshirë të fatit.



Të enjten, në Tiranë vendoset fati i Burrelit

Kryetari i bashkisë ka kontaktuar me shumë biznemenë të tjerë të rrethit Matit në Burrel, Tiranë e rrethe të tjera të vendit. Të enjten është menduar të zhvillohet një takim me një pjesë prej tyre dhe t’u kërkohet që të jenë donatorët e skuadrës. Cili do të jetë vendimi i biznemenëve matjanë mbetet të mësohet pas zhvillimit të takimit. Por është një gjë mjaft e mirë përpjekja për t’iu përgjigjur thirrjes së tifozerisë matjane për të ndihmuar skuadrën, që realisht në këtë fillimsezon ka probleme të mëdha.

[no name]

“Bume” verdheblu? Alimehmetit i mungojnë edhe të tijtë

15 Gusht Skuadra elbasanase, të martën, ka zhvilluar dy seanca stërvitore në ditë. Paradite, verdheblutë e Alimehmetit janë stërvitur në palestrën e forcës, ndërsa pasdite në kompleksin sportiv “Shefqet Lamcja”. Para fillimit të kësaj seance stërvitore, trajneri tiranas i verdhebluve, ka zhvilluar për rreth 20 minuta një analizë të ndeshjes miqësore të luajtur të shtunën ndaj kampionëve bardhelblu në “Selman Stërmasi”. Duket se kjo ndeshje ka qenë e nivelit të tillë për t’u marrë në konsideratë, saqë ka patur edhe preokupimin e Alimehmetit për t’i bërë një analizë të hollësishme. Një ditë më parë, pra të hënën pasdite, fusha stërvitore u popullua si zakonisht me një numër të konsiderueshëm fansash verdheblu të nxitur edhe nga ndonjë lajm për “bum merkatoje” në faqet e shtypit sportiv. Te verdheblutë, jo vetëm mungonin ardhjet e reja, por kishte disa mungesa futbollistësh në stërvitje për arsye të ndryshme. Lidhur me problemin e ardhjes së ndonjë “VIP”?i në radhët e ekipit të Alimehmetit, gjë, që po e mban në tension të vazhdueshëm tifozerinë verdheblu, në zyrat e klubit elbasanas nuk mund të marrësh ndonjë informacion të saktë, pasi gjithçka është e lidhur me përfundimin e bisedimeve që ka bërë presidenti Arben Laze me futbollistë të vecantë. Madje, sekretari i klubit elbasanas, Artin Kovaçi, mohon të jenë dhënë afate, apo limite kohe për ardhjet e reja, ndërsa gjithçka mund të ndodhë(nëse vërtetë do të ndodhë dicka e tillë) nga një moment në tjetrin. Megjithatë, gjasat janë që trajneri Alimehmeti, ndonëse ka vërejtur se ka probleme në qendër të mbrojtjes, do t’i duhet ta flejë mendjen tani për tani dhe të manovrojë taktikisht me kontigentin e futbollistëve që ka aktualisht në dispozicion.

[no name]

Politika e re e Teutës: U japim hapësirë lojtarëve të rinj

15 Gusht Tashmë është zyrtare. Synimi i ri i Teutës në këtë sezon është të krijojë një ekip të së ardhmes, ku një prioritet i vecantë do t’i jepet talenteve të rinj. Në formacionin e Teutës vihen re jo pak lojtarë të tillë ku në mbrojtje është Lamaj që konsiderohet si një lojtar cilësor, me rradhë Likemta, Dushku, Dosti, ndrësa futbollistë si Fagu, Vila apo Blloku megjithëse dhe ata janë në një moshë shumë të re, kanë më tepër eksperiencë pasi në pjesën e dytë të sezonit të kaluar kanë qenë pjesë e formacionit të parë të bregdetarëve. Stafi I Teutës po punon shumë që strategjia e re te funksiojë, ndaj brenda pak ditëve “djemtë e detit” kanë realizuar tre ndeshjeve miqësore. Këto takime e kanë ndihmuar jo pak trajnerin Dedja për të krijuar një ide lidhur me formacionin që do të hedhë në fushë në takimin e parë të kampionatit ndaj Skëndërbeut, ndonëse ka ende kohë dhe shumë gjëra mund të ndryshojnë. Teknikun e bregdetarëve Hysen Dedja, ka nisur ta ngrohë skuadra e tij, ku në miqësoren e së hënës ndaj Dajtit ai ka mbetur I kënaqur nga ekipi teksa shprehet se: “Në miqësoren e fundit skuadra ka funksionuar më mirë, ndaj dhe jam I kënaqur me djemtë. Në pjesën e parë ku luajtën lojtarët titullarë grupi funksionoi sic duhet dhe nga dita në ditë ekipi po kompaktësohet”. Pavarëisht se në këtë takim Teuta është shfaqur më mirë, sërish tek durrsakët vazhdojnë problemet në sulm, këtë e pohon dhe vetë trajneri Dedja kur thekson se: “Nëse mbrojtja dhe mesfusha janë pothuajse të kompletuar, sërish kemi mangësi në vijën sulmuese. Duhet që këto të korrigjohen sa më shpejt si nga lojtarët aktualë por presim dhe përforcime në sulm që na janë premtuar nga drejtuesit e ekipit”. Sot skuadra do të zhvillojë një miqësore kundër Kastriotit

[no name]

Skenderbeu, gjerat shkojne mire

15 Gusht Portugezi Pinja bardhekuq

Portugezi, Pinja të martën edhe zyrtarisht është veshur bardhekuq. Një gjë e tillë është bërë e mundur pasi portugezi ka rënë dakort me kushtet e ofruara nga kryesia e klubit. Të hënën sipas drejtorit ekzekutiv të klubit, Petrika Konomi, lojtari ishte larguar nga Skendërbeu pikërisht për probleme financiare. Por duket se pas bisedave të bëra të hënën në darkë me njerin prej anëtarëve të presidencës, lojtari ka ndryshuar mendje. Edhe roli I Gudjabit nuk ka qenë I vogël në mbajtjen e lojtarit për këtë sezon te Skendërbeu. Të marten pas firmes së hedhur, Pinja mesohet se ka marrë edhe këstin e parë të kesaj kontrate.



Sulejmani e Delioski firmat gati

Kosovari Sulejmani e maqedonasi Delioski janë të gatshëm të firmosin për Skendërbeun. Lajmin e bën të ditur drejtori ekzekutiv I klubit, Petrika Konomi, i cili thotë se pas bisedave të bëra me të dy lojtarët, ka mbetur vetëm për t’u hedhur vetëm firma e tyre, gjë e cila pritet të bëhet sot. Një gjë të tillë, Konomi nuk e thotë për Billën e Imerajn, pasi edhe për të parin e klubit pritet mendimi perfundimtar I Kaçit, ashtu siç pritet ky mendim edhe për një pjesë të mirë të lojtarëve të tjerë që sterviten me Skendërbeun gjatë kesaj faze. Konomi, bënë me dije se diten e martë në zyrën e tij ka ardhur edhe një listë tjetër me emrat e të gjithë futbollistëve korçarë që luajten me këtë ekip në kategorinë e parë, perfshi dhe Tikon.



Dy miqesore, këtë javë.

Skënderbeu nga e merkura deri të shtunën, do të zhvillojë dy ndeshje miqesore. Në mesjavë me Lushnjën në shtepi e të shtunen në fushën e lushnjarëve me Partizanin. Pas këtyre dy ndeshjeve, Kaçi ka shumë mundesi të tregojë dhe futbollistët më të cilët do të luajë në sezonin e ri, megjithse drejtori ekzekutib Konomi thotë se pak a shumë grupi dihet edhe në kushtet kur Kaçi pret edhe katër nigerinë, vetëm pak ditë pa filluar kampionati. “Nëse lojtarët që priten,? thotë Konomi,? arrijnë ta bindin Kaçin për t’i pasur në ekip, do të thotë se disa lojtarë të tjerë do të largohen nga skuadra korçare”.



Thana promovohet në Shpresa

Futbollisti Jozef Thana, I ardhur gjatë fazës përgatitore te Skendërbeu, jo vetëm që ka arritur të bindë trajnerin Jani Kaçi, por edhe ka fituar me fazën përgatitore të zhvilluar, ekipin U?21, ku Kaçi stërvit portierët. Lojtari është I vetmi I grupit të Skëndërbeut, që është thirrur për të luajtur në takimin miqesor me Turqinë më 22 gusht. Kjo do të thotë se Kaçi në vazhdim do të ketë tjetër vemendje për lojtarin tiranas, për të cilin edhe Bushati është I interesuar që ai të luajë me korçarët në sezonin e ri.

[no name]

Te Dinamo s’ka më jetë nate

15 Gusht Më së fundit dinamovitët, dje pasdite, e kanë publikuar rregulloren e brëndshme të skuadrës. Një rregullore e detyruar, që, sipas burimeve zyrtare në skuadër, është vendosur me një vendim kolegjial të stafit dinamovit. Burimet të thonë se Dinamo ka patur rregullore në vitet e kaluar dhe duke i bashkuar ato ka dalë më e mira. Gjith[ka ka ardhur nga fakti i shfaqjes së fenomeve negative të goditjes së kundërshtarit, apo gjyqtarit në ndeshjet miqësore. Prototipi i këtyre fenomeneve ka qenë kroati Goran Vinceti[, që ka dalë me të kuqe në ndeshjet me Flamurtarin në Mavrovë, kur goditi gjyqtarin, e më pas dhe me Shkumbinin, për gjuajtje me shqelm të kundërshtarit. Jo vetëm kaq, por dinamovitët janë shquar sezonin e kaluar për shumë skualifikime me kartona, apo për dënime e gjoba nga Komisioni i Disiplinës në FSHF. Dhe për t’i vënë frerin këtyre problemeve, dinamovitët kanë shpallur rregulloren e tyre, që është firmosur dhe nga futbollistët, të cilët, përve[ gjobave të parashikuara, mundet të kenë dhe “hollim” të kësteve të kontratës po për disiplinë. Lojtari i kërkohet përkushtim në stërvitje e në ndeshje, ashtu si[ i kërkohet të mos ketë diskutime të fjalës së trajnerit, apo dhe konflikte me shokun gjatë punës. Lojtari i kërkohet një qëndrim në klub për 7.5 orë në ditë, ashtu si[ i kërkohet të jetë në shtëpi në ora 22:00. Burimet zyrtare në klubin dinamovit të thonë që kështu e kanë dhe klubet e botës e blutë po kërkojnë të shkojnë drejt këtij standarti, duke sanksionuar gjith[ka të keqe. Kjo ëshhtë e reja më e fundit në klubin blu, ndërsa tashmë pritet të vijë dhe kroati i sulmit Pero Peji[, të cilin blutë e kanë futur dhe në listën e federimit, ndërsa ka deklaruar që të premten do të jetë në klub. Gjithnjë në kërkim të një kundërshtari jo të fortë, pasi kanë dështuar me Bylisin, që vazhdon të jetë në periudhë përgatitore në Përmet, tashmë po kërkojnë La[in. Gjithsesi ajo që mbetet e rëndësishme është fakti i rregullores së brëndëshme, ndërsa [ër blutë, të paktën në pesë ditë të javës, duket se nuk do të ketë më jetë nate.

[no name]

Partizani, një kupë pas 2 vitesh

15 Gusht Në një atmosferë të bukur sportive dhe në interesimin e sportëdashësve të shumtë vlonjatë, por dhe atyre të ardhur nga qyteti fqinj I Fierit, ku s’kanë munguar dhe kryetari I Bashkisë së Vlorës, Shpëtim Gjika, dhe presidenti I Partizanit, Albert Xhani, është zhvilluar triangolarja e turneut “Birra Norga”. Tre skuadra, këtë herë të ndryshme nga sezoni i kaluar, ku Partizani merrte pjesë për herë të parë së bashku me Apoloninë. I përhershmi Flamurtari, që nuk kishte sesi mungonte, i kanë dhënë një gjallëri të madhe qytetit bregdetar të Vlorës, e sidomos stadiumit “Flamurtari”. Të treja ekipet pjesëmarrëse e kishin vlerësuar më së miri këtë aktivitet dhe kishin ardhur të përgatitura për ta fituar këtë trofe, e aq më tepër 10 dollarët, si çmimin e parë të kësaj triangolareje. Një gjë të tillë ata e treguan në fushë. Të ndjekur nga një numër jo i vogël shikuesish, skuadra kanë dhënë maksimumin e tyre, madje në ndonjë rast edhe e kanë tepruar (rasti i Muzakës), megjithatë e rëndësishme është që gjithçka përfundoi në mënyrën më të mirë. Partizani bëhet fituesi i tretë i këtij turneu, pas Flamurtarit dhe Dinamos.



Apolonia 1

Partizani 1

(4?3 me penallti)

Shënues: Liçaj 15’ / Bakaj 27’

Apolonia: Dine, Spaho, Shoshi, Çarls, Gega (42’Bega), Gërxho, Bratja, Rushani, Metaj, Varfi, Liçaj Tr. G.Haxhiu

Partizani: Shehi, Gjyla, Osmani, Pinari (22’Tafaj), Hallaçi, Devolli, Babamusta (25’ Progri), Dhëmbi, Abilaliaj (40’Bejzade), Muzaka, Bakaj Tr. H.Lika.

GJyqtarë: A.Lulaj (Vlorë), S.Velçani (Patos), I.Ferhati (Vlorë)

Karton I kuq: Muzaka



Takimi filloi I shpejtë, I bukur për të dy ekipet që kishin vlerësuar këtë aktivitet. Me kalimin e 10 minutave të para fierakët të drejtuar nga traineri Haxhiu duke qënë të vendosur mirë në fushë dhe më të qartë taktikisht “luftuan” mirë për topin e parë, morën frenat e lojës në dorë dhe krijuan një epërsi të dukshme ndaj kundërshtarit. Apolonia do të shënonte në të 15’, kur, pas një kombinimi të bukur midis Varfit dhe Liçajt, ky I fundit gjuan me qetësi dhe saktësi nga 16 metra duke tundur rrjetën e Shehit. Ndërkohë që, Partizani, I mbyllur në mbrojtje nuk harron të dalë dhe në kundërsulme të shpejta, siç ishte ai I minutës së 27?të kur ka arritur të shënojë dhe golin e barazimit me anë të Bakajt. Ndeshja ka përfunduar 1?1 dhe më pas janë gjuajtur penalltitë, ku Partizani ka humbur 3?4 ndaj Apolonisë.



Flamurtari 0

Partizani 1

Shënues: Bakaj 8’

Flamurtari: Kyçyku, Orapeza, Bedini, Pamiç, Veliu, Fish, Sakaj(27’Kuqi), Serjani, Xhulio, Xhunior (35’Rustemi), Mema, Tr. E.Memushi

Partizani: Shehi, Tafaj, Osmani, Gjyla, AllaçI, Dhëmbi(21’Karabici), Devolli, Progri, Bakaj, Abilaliaj, Bejzade(32’Pinari), Tr. H.Lika

Gjyqtarë: S.Velçani(Patos), A.Lulaj (Vlorë), I.Ferhati (Vlorë).



Ndryshe ka ndodhur në ndeshjen e dytë me Partizanin, ku trajneri Lika I ka qetësuar lojtarët e tij, të cilët e kanë filluar lojën më të mobilizuar dhe, duke qenë më shumë agresiv se vendasit. Ata u hodhën që në fillim në sulm dhe arritën që të kalojnë në avantazh që në minutën e 8?të, me anë të Bakajt, pas një gjuajtje nga brenda zonës. Pas pësimit të golit, futbollistët e Flamurtarit reagojnë fuqishëm, loja shpërngulet në gjysmëfushën e Partizanit. Rastet për shënim janë të shumta, por, sulmuesit vlonjat nuk kishin qetësinë dhe saktësinë e duhur. Ndërkohë Partizani luajti me një mbrojtje të ngjeshur dhe diti ta menaxhojë fitoren deri në fund.



Flamurtari 0

Apolonia 0

Flamurtari: Halili, Bega, Paniç(10’Guga), Bedini, Fish(25’Liçaj), Kuqi, Strati, Rustemi, Mema(28’Hyso), Sakaj, Veliu, Tr. E.Memushi

Apolonia: Dine, Spaho, Shoshi, Çarls, Gega, Gërxho, Bratja, Rushani, Metaj, Varfi, Liçaj, Tr. G.Haxhiu

Gjyqtarë: S.Velçani(Pato), A.Lulaj (Vlorë), I.Ferhati (Vlorë).

Ishte ndeshja më e bukur e këtij turneu, ku të dyja ekipet shpalosën vlerat e tyre më të mira, duke kërkuar ti rrëmbenin fitoren njëra?tjetrës. Sulmet e kundërsulmet nuk kishin të rreshtur në portat respektive, por, megjithatë kjo ndeshje e fortë, e bukur dhe me ritëm ka përfunduar me rezultatin e bardhë 0?0. Nga ana tjetër ishte Partizani që shihte dhe priste. Një barazim i kësaj ndeshjeje do ta nxirrte automatikisht kampion të kësaj triangolareje. Dhe në fakt ashtu ka ndodhur. Pavarësisht spektaklit të bukur dhe gjithçkaje që u pa në atë ndeshje, Partizani morri i qetë trofeun e tij.





Partizani

Lika: Fituam më në fund diçka

“Ishte një aktivitet në kohën e duhur për të parë gjëndjen reale të skuadrës. E filluam dobët ndeshjet, por, erdhëm duke e rritur lojën tonë në ndeshjen e dytë, megjithëse nuk arritëm të shfaqnim vlerat tona më të mira. Padyshim surpriza e këtij aktiviteti ishte ekipi I Apolonisë me djem të rinj të talentuar që nuk luajtën si inferior, por si të barabartë si me ekipin tonë, ashtu dhe me Flamurtarin. Gjithsesi, kemi ende shumë punë për të bërë për tu futur në sezonin e ri sa më të përgatitur. Pra, e thnë shkurt, edhe pse me shaka këtë herë, arritëm ta fitojmë edhe ne diçka, sepse gjithmonë thuhet se Partizani nuk merr asgjë”.



Flamurtari

Memushi: S’më pëlqeu skuadra

“Ishte një aktivitet I organizuar mjaft mirë. Megjithatë, duke u futur në anën teknike, mund të them se nuk mundëm të dilnim në lojën tonë. Lojtarët nuk I zbatuansiç duhet detyrat taktike të dhëna dhe kjo tregon se kemi ende shumë punë për të bërë, deri në fillimin e kampionatit. Partizani e meritoi kupën. Megjithatë, kam përshtypjen se në fund të fundit, gjendja e skuadrës reale, nuk mund të pasqyrohet në një miqësore, qoftë edhe një triangolare. Kjo nuk do të thotë se unë jam i kënaqur gjithsesi. Mendoj se duhet të rregullojmë disa gjëra, sepse kampionati që po fillon do të jetë shumë “i egër” dhe asnjë skuadër nuk të fal më. Këtë e pamë edhe sot, madje me Apoloninë, e cila, pavarësisht se luan në një kampionat inferior, ishte gati e barabartë me ne. Pra, deri në fillim të kampionatit, më 25 gusht duhet të kemi rregulluar mjaft gjëra.



Apolonia

Haxhiu: Ne, fituesit moralë

“Ishte një aktivitet që na shërbeu shumë në të gjitha drejtimet. Dua ti falenderoj djemt për shpirtin e lartë të garës dhe për disiplinën taktike që treguan. U pa që Apolonia ka ndryshuar dhe duke pasur ende dhe një muaj kohë deri në fillimin e kampionatit do të ndryshojmë akoma më shumë për mirë. Ne s’luajtëm në aktivitet si inferior, por si të barabartë me dy ekipet e superiores. Megjithëse nuk arritëm ta merrnim kupën, mendoj se ne

jemi fituesit moral të saj”.





“Të gjithë për birrë”

Në përfundim të aktivitetit, në një ambient të bukur festiv, të gërshetuar dhe me këngëtarë vlonjatë, por edhe me konsumimin e birrave të njohura “Norga”, presidenti I Kompanisë “Norga”, Agron Haxhiraj, I ka dorëzuar kupën e aktivitetit kapitenit të ekipit të Partizanit, Luan Pinarit, parë faktin se.





Xhani i pakënaqur

“Skuadra ka probleme”



I vetmi person që ka mbetur i pakëanqur nga skuadra e tij ka qenë pikërisht presidenti i Partizanit, Albert Xhani. Kështu, për kreun e “demave”, pavarësisht fitores, skuadra e tij nuk ka arritur të dalë në lojën e saj. “Unë mendoj se kjo kupë na ngeci ne në dorë”, ka thënë Xhani. “Sigurisht, jam shumë i kënaqur nga organizimi dhe puna që ka bërë Haxhiraj dhe dua ta falenderoj atë, por skuadra ime ka ende probleme. Kam parë probleme në mbrojtje dhe mendoj se në kampionat do të vuajmë nëse do të vazhdojmë në këtë mënyrë”, ka vijuar Xhani. Një deklaratë shumë e pakuptimtë, aq më tepër kur presidenti duhet të falenderojë skuadrën, që përveç prestigjit të trofeut i ka sjellë në “shtëpi” edhe 10 mijë dollarë që në fund të fundit nuk janë pak. Megjithatë, më pas Xhani ka vijuar. “Kupa është kupë dhe unë jam i kënaqur që arritëm ta fitonim. Por, siç e thashë duhet parë problemi i mbrojtjes. Sulmuesët? Jam i kënaqur si gjithmonë nga Bakaj, pasi ai na e dha këtë trofe”, ka përfunduar fjalën e tij presidenti i Partizanit. Albert Xhani.



Rasti Muzaka

Pas Abilaliat, Karapicit dhe Bakajt, dje, ka qenë Gjergji Muzaka, ai që ka marrë kartonin e kuq për nervozizëm. Një gjë e tillë ndoshta ka ndikuar edhe që presidenti Xhani të flasë në atë mënyrë për skuadrën.