Lajmet nga Superliga 2006/2007

[OO7]

Presidenti i Apolonisë, Koço Kokëdhima flet për situatën më të fundit në skuadrën e tij 27-11-2006

Apolonia "pret kokat" e bojkotuesve

Dita e shtunë ishte një rast i paprecedent në historinë e futbollit shqiptar, sepse të ashtuquajturit futbollistë profesionistë nuk kanë pranuar të bëjnë detyrën sipas kontratave të nënshkruara më parë. Pas këtij precedenti, presidenti i Apolonisë, Koço Kokëdhima, është shprehur se ndaj organizatorëve të bojkotit do të veprojë dora e ashpër e ndëshkimit, pra tolerancë zero me ata që tallen me fanellën e Apolonisë. Presidenti Kokëdhima, në deklaratat e tij është treguar konkret në emra dhe, kësaj radhe ka pohuar se nuk do të jetë zemërlëshuar si më parë. Kështu, është mësuar se klubi i Apolonisë ka vendosur të shtunën të japë të gjitha penalitetet për organizatorët e maskaradës së pragndeshjes me Flamurtarin. Më pas, vendimet për këta lojtarë do të përcillen në FSHF, për t'ua bërë të ditur organeve vendimore të gjitha masat disiplinore, që klubi Apolonia ka marrë ndaj futbollistëve të ndëshkuar. Kështu, duke filluar nga sot, futbollistët Demiri, Mërtiri, Kule, Miço si dhe i ndëshkuari përpara një jave, Kote, do të jenë të pezulluar deri në fund të sezonit. Presidenti Kokëdhima është shprehur dje për median se lojtarët bojkotues e vendosën vetë verdiktin që do të merret mbi ata dhe të gjithë të përjashtuarit nuk do të kenë mundësi të hyjnë përsëri nga dera e bardhëjeshilëve të Fierit. Gjithnjë sipas drejtuesve fierakë, duke filluar nga sot, ekipi i Apolonisë do të grumbullohet në Tiranë në mënyrë që t'u krijojë futbollistëve dhe stafit trajnues një klimë të qetë pune dhe të jenë momentalisht larg zhurmës dhe presioneve të të pezulluarve nga skuadra dhe të bashkëpunëtorëve të tyre jashtë klubit. Drejtuesit e klubit e marrin këtë vendim, pasi futbollistët që do të vazhdojnë të mbajnë fanellën e Apolonisë duhet të jenë të qetë dhe të stërviten sipas të gjitha standarteve sportive. Presidenti i fierakëve, Kokëdhima, ka dhënë të shtunën garanci që Apolonia do ta vazhdojë aktivitetin me seriozitet. Klubi fierak që në ditët e para ka synuar krijimin e një shkolle futbolli, nga ku mund të zbulohen dhe zhvillohen talente. Pra, filozofia e klubit të Apolonisë është t'u japë dorë dhe mbështetje futbollistëve të rinj. Këtë e konfirmon në intervistën e tij edhe presidenti Koço Kokëdhima, i cili flet për situatën më të fundit tek Apolonia.
- Zoti Kokëdhima, largimi i pesë futbollistëve tani nga Apolonia, a nuk krijon boshllëk për ecurinë skuadrës?
- Në historinë e futbollit të Apolonisë, Kulja është besoj shembulli i parë dhe i fundit i një kapiteni skuadre, që në bashkëpunim me Mërtirin, Demirin, Miçon dhe disa persona të tjerë jashtë klubit, u përpoqën ta skualifikojnë skuadrën tonë nga superliga. Ky është turpi i tyre. Vendin e tyre do ta zënë të rinj, që do të seleksionohen nga ai grup i shkëlqyer djemsh, që u ndeshën me plot dinjitet me skuadrën e Flamurtarit. Unë i përgëzoj ata djem të rinj dhe drejtuesit e tyre për nderimin që i bënë fanellës së skuadrës sonë, duke luajtur si të barabartë ndaj futbollistëve të Flamurtarit. Ne, gjithashtu i jemi drejtuar Komitetit Ekzekutiv të FSHF-së me një kërkesë për t'i dhënë mundësi Apolonisë të federojë futbollistë, pavarësisht se merkato nuk është hapur akoma. Unë besoj se FSHF-ja do ta miratojë kërkesën tonë, sepse ky gjest i këtyre futbollistëve nuk është vetëm kundër Apolonisë, por kundër gjithë sistemit të futbollit në Shqipëri.
- Në krye të personave jashtë klubit, që janë investuar shumë për të penguar pjesëmarrjen e Apolonisë në ndeshjen me Flamurtarin, ka qenë ish-futbollisti Tole. Cili është komenti juaj?
- E kam refuzuar kërkesën që më bëri ky person përmes Miço Papuçiut në muajin tetor për t'u përfshirë në stafin e trajnerëve të Apolonisë, sepse nuk kishte asnjë kualifikim si trajner. Ai nuk është i pranueshëm për stafin dhe klubin e Apolonisë, sepse nuk ka asnjë nivel. Me mendësitë që ka, nuk mund të drejtojë asnjë ekip të rinjsh të klubit tonë. Le të merret me skuadrën e veteranëve po deshi. Nëse është i zoti për diçka tjetër, le të na e thotë. Nëse do t'i japë ndonjë ndihmë tjetër Apolonisë, pra, t'u japë para futbollistëve tanë, t'u japë ndonjë premio, ose t'ua rrisë rrogat me paratë e veta, të na njoftojë. Sa për asetet e Apolonisë dhe të miat, as të mos i shkojë mendja se mund t'i fusë turinjtë.
- A mendoni se Apolonia do ta kalojë këtë gjendje dhe do të vazhdojë të paraqitet me dinjitet në superligë?
- Jam këtu për t'i çuar gjërat me vendosmëri përpara. I njoh mirë disa nga autorët e vërtetë të këtyre historive, sepse i kam mbajtur me bukë. Fatkeqësisht ata nuk më kanë njohur si duhet mua. Gënjejnë veten nëse mendojnë se mund të më lodhin apo të më thyejnë. Jam i vendosur ta çoj përpara me çdo çmim projektin tonë të Apolonisë, i cili gëzon mbështetjen e gjerë të popullit të qytetit të Fierit, të organeve të pushtetit vendor dhe të opinionit sportiv të Shqipërisë. Apolonia do të jetë shtëpia e djemve të talentuar dhe e specialistëve e teknikëve të ndershëm. Parazitët, të paaftët dhe injorantët, të ikin dhe të shtrojnë vezë. Apolonia është shkollë e djemve me ëndërra për karrierë dhe jo shtëpia e horrave. Gjithçka që ka ndodhur është një përvojë e mirë për ne, që të mos lejojmë më të depërtojnë në radhët e klubit tonë njerëz të pamerituar.

Bashkim Tufa
Sporti Shqiptar

[OO7]

......

Bashkim Tufa
Sporti Shqiptar

O shok po Bashkim Tufa e di ti se nga paguhet e?? Nga Koco Kokdhima !
E cfar pret ti te shkruj kjo gazete qe ka pronar Kokdhimen ?
Jan bo kta presidentet si me qen vet Zoti, aty esht ngrit i gjith Fieri me e heq ai thot qe Apolonia do vazhdoj te stervitet ne Tirane, kjo nuk esht par ndonjeher vallaj.

[Cimo]

Pankinat, një “treg” informal i futbollit shqiptar
Speciale Nga AGRON KAJA

Zv.kryeredaktor i “Panorama Sport”





Të gjykosh për lëvizjet e trajnerëve, kryesisht në Kategorinë Superiore të futbollit shqiptar, në radhë të parë duhet të gjykosh mendimet e konceptet që kanë strukturat në FSHF dhe në klube në detyrat që ata kanë për trajnerët. Por edhe të shkruash për këtë problem delikat, është një përgjegjësi nga e cila duhet që të mos lexohemi me xhelozi. Ndërkohë, duke marrë shkas nga largimi i fundit te Elbasani i Luan Deliut, është një detyrim për të shkruar e folur rreth këtij fenomeni. Kështu, duke parë ecurinë e trajnerëve në Kategorisë Superiore në 17 javët e para të këtij kampionati për sezonin në vazhdim, dukuria e braktisjes së bankinave nga trajnerët apo edhe largimet e tyre me dhe pa shkaqe serioze, është bërë tashmë një “modë”, dhe kur jemi në gjysmën e parë të kampionatit, në 11 skuadra kanë lëvizur trajnerët, diku me dorëheqie dhe diku me largim, një mesatare kjo që tregon se ky do të jetë një kampionat shumë i brishtë në funksionimin e pankinave, e për pasojë do të ketë një nivel shumë të ulët drejtimi. Shifrat janë negative: Në 17 javë drejtojnë në 12 skuadrat 26 trajnerë, dhe më shumë koment nuk mund të

bësh. Sepse një skuadër po kaloi dorë më dorë sikundër ka vijuar në këto 17 javë, asnjëherë nuk mund të pretendojmë se niveli i futbollit rritet. Kështu ky kampionat duket se po ecën vetëm në funksion të interesave të drejtuesve të klubeve, që më shumë e kanë emrin presidentë. Por, kështu mund të thuhet se ky kampionat ecën edhe në interesa të ngushta të trajnerëve, të cilët me paqëndrueshmërinë e rezultateve që arrijnë në javët e para, gjejnë pretekstin e dorëheqies, dhe kur i sheh në skuadra të tjera në javët e ardhshme duket sikur nuk kanë parasysh se çfarë kanë lënë prapa. Nuk është ideja se një trajner do të qëndrojë i pa punë, por kur një trajner dështon në një skuadër X, nuk mund të mendohet që javën tjetër të jetë i suksesshëm në skuadrën Y. Ky treg kështu siç po zhvillohet është një treg shumë informal, sepse edhe strukturat e klubeve në tërësi funksionojnë si të tilla. Pa mohuar se trajnerët janë në treg, ose në xhiro, duket qartë se këtu nuk ndahet pjesa elitare e tyre me pjesën tjetër që nuk mund ta bëjë mirë këtë punë. Dhe këtu ka një shkak, sepse ata që bëjnë rolin e drejtuesve në klube ndjekin politika të dobëta me trajnerët. Pra ky është fenomeni që duhet të ndalet me rregulla e rregullore, sepse kështu po bëhet një “çorape e shthurrur” së cilës as fillimi dhe as fundi nuk po i dihet. Trajnerët shqiptarë janë të pasigurtë në vendet e tyre të punës, janë të pas siguruar për të ardhmen e tyre, por edhe të pasiguruar për jetën e tyre. Ata asnjëherë nuk e shohin veten si pjesë e klubeve edhe kur ikin apo kur rikthehen në një skuadër. Ndryshe do të kemi një javë po dhe një javë jo një bankinë të zbrazur. Por, brenda këtij argumenti ndoshta duhet përgatitur një ligj ku futbolli të jetë elitar dhe jo i njëjtë me sportet e tjera ku edhe trajnerët të kenë hapësirë ligjore të rëndësishme.





TË VEÇANTA

26

trajnerë janë ulur në bankinat e skuadrave në 17 javët e para të kampionatit në Superiore

2.3

është mestarja e trajnerëve në pankinat e Kategorisë Superiore në 17 javë kampionat

6

trajnerë janë larguar me kërkesën e tyre nga drejtimi i skuadrave në Superiore

9

trajnerë janë shkarkuar nga drejtimi prej presidentëve të skuadrave të tyre

1

trajner-lojtar u emërua për herë të parë në këtë sezon, Redi Jupi te Dinamo në javën e 10-të

1

trajner nuk ka lëvizur në këto 17 javë kampionat, Sulejman Starova i Teutës së Durrësit



1

trajner nuk lëvizi gjatë 36 javëve të kampionatit në sezonin e kaluar, Ilir Daja i Elbasanit

TRAJNERËT DERI NË JAVËN E 17-të

1.Elbasani-Luan Deliu, largohet në javën e 17-të, zëvendësohet nga Edmond Gëzdari

2.Teuta-Sulejman Starova

3.Tirana-Mirel Josa, largohet në javën e 11-të, zëvendësohet përkohësisht nga sekretari i klubit Shkëlqim Muça.

4.Partizani-Neptun Bajko, largohet në javën e 9-të, zëvendësohet nga Hasan Lika.

5.Dinamo-Faruk Sejdini, largohet në javën e 9-të, zëvendësohet nga Redi Jupi.

6.Besa-Hasan Lika, dorëheqie në javën e 4-t, zëvendësohet nga kosovari Rafet Prekazi në javën e 5-të, po në javën e 5-të zëvendësohet nga Përparim Daiu i cili zëvendësohet nga Vasil Bici në javën e 12-të.

7.Vllaznia-Ulrih Shulse, largohet me pretekstin e pushimeve të gjata pranë familjes në Gjermani, por në javën e 12-të zëvendësohet nga Mirel Josa.

8.Shkumbini-Vasil Bici, dorëheqie në javën e 9-të, zëvendësohet nga Faruk Sejdini në javën e 10-të.

9.Flamurtari-Agim Canaj, dorëheqie në javën e pestë, zëvendësohet nga Eqerem Memushi në javën e 6-të, largohet në javën e 16-të dhe zëvendësohet nga Vasil Ruci.

10.Apolonia-Silviu Dumitresku, dorëheqie në javën e 5-të, zëvendësohet nga Dhimitër Papuçiu në javën e 7-të.

11.Kastrioti-Ramadan Ndreu, dorëheqie në javën e katërt, zëvendësohet nga Petrit Haxhia në javën e 5-të.

12.Luftëtari-Mustafa Hysi, largohet në javën e parë, zëvendësohet nga Ilir Spahiu në javën e dytë.

Në 12 skuadra drejtojnë 26 trajnerë!

LËVIZJET NË SEZONIN 2005-2006

1. Elbasani Ilir Daja (1 trajner)

2. Partizani Neptun Bajko, Sulejman Mema, Sulejman Starova (3 trajnerë)

3. Tirana Leonardo Menikini, Krenar Alimehmeti, Mirel Josa (3 trajnerë)

4. Besa Ilir Duro, Agim Canaj, Haki Arkaxhiu, Ilir Shulku, Perparim Daiu (5 trajnerë)

5. Dinamo Ramon Kabrero, Luka Bonaçiç, Vasil Bici, Ivan Kataliniç, Luka Bonaçiç, Vasil Bici, Sulejman Demollari, Vasil Bici (8 trajnerë)

6. Vllaznia Dervish Haxhiosmanoviç, Hysen Dedja (2 trajnerë)

7. Skënderbeu Mirel Josa, Renato Rapo, Gjergji Ballço, Agim Canaj (4 trajnerë)

8. Shkumbini Faruk Sejdini, Alfred Ferko, Sulejman Demollari, Faruk Sejdini (4 trajnerë)

9. Teuta Hasan Lika, Stavri Nica, Alfred Ferko (3 trajnerë)

10. Lushnja Perlat Sevo, Artan Bano, Sulejman Demollari, Artan Bano (4 trajnerë)

Në 10 skuadra drejtuan 36 trajnerë!



TRAJNERËT DERI NË JAVËN E 17-të

1.Elbasani-Luan Deliu, largohet në javën e 17-të, zëvendësohet nga Edmond Gëzdari

2.Teuta-Sulejman Starova

3.Tirana-Mirel Josa, largohet në javën e 11-të, zëvendësohet përkohësisht nga sekretari i klubit Shkëlqim Muça.

4.Partizani-Neptun Bajko, largohet në javën e 9-të, zëvendësohet nga Hasan Lika.

5.Dinamo-Faruk Sejdini, largohet në javën e 9-të, zëvendësohet nga Redi Jupi.

6.Besa-Hasan Lika, dorëheqie në javën e 4-t, zëvendësohet nga kosovari Rafet Prekazi në javën e 5-të, po në javën e 5-të zëvendësohet nga Përparim Daiu i cili zëvendësohet nga Vasil Bici në javën e 12-të.

7.Vllaznia-Ulrih Shulse, largohet me pretekstin e pushimeve të gjata pranë familjes në Gjermani, por në javën e 12-të zëvendësohet nga Mirel Josa.

8.Shkumbini-Vasil Bici, dorëheqie në javën e 9-të, zëvendësohet nga Faruk Sejdini në javën e 10-të.

9.Flamurtari-Agim Canaj, dorëheqie në javën e pestë, zëvendësohet nga Eqerem Memushi në javën e 6-të, largohet në javën e 16-të dhe zëvendësohet nga Vasil Ruci.

10.Apolonia-Silviu Dumitresku, dorëheqie në javën e 5-të, zëvendësohet nga Dhimitër Papuçiu në javën e 7-të.

11.Kastrioti-Ramadan Ndreu, dorëheqie në javën e katërt, zëvendësohet nga Petrit Haxhia në javën e 5-të.

12.Luftëtari-Mustafa Hysi, largohet në javën e parë, zëvendësohet nga Ilir Spahiu në javën e dytë.

Në 12 skuadra drejtojnë 26 trajnerë!

www.albania-sport.com

[vampiri-femrave]

Doja te thoja qe Hamdi Salihi nenshkroi kontrat per nje skuader ne Austri ndersa trajneri i mirnjohur shqiptar Edmond Gezdari ka firomosur nje kontrat me ekipin Kampion te Elbasanit duke zevendesuar Luan Deliun...

[Noizy]

Një futbollist nga Kosova i është bashkuar grupit që stërvit trajneri Sejdini. Naim Berisha vjen nga qyteti i Prishtinës me dëshirën për t'u veshur bardhekaltër e për të qenë pjesë e kampionatit tonë, duke afirmuar njëherazi vlerat e tij sportive. Futbollisti që akoma nuk i ka mbushur 20 vjeç është aktivizuar rregullisht me ekipin Shpresa të Kosovës dhe vjen nga ekipi Flamurtari i kryeqytetit kosovar. Ndërkohë, seanca e djeshme e Shkumbinit ka qenë relativisht e lehtë, krahasuar me të tjerat. Por dje Sejdini ka planifikuar vrapime në pyllin me pisha pranë kompleksit të klubit, të shoqëruara me ushtrime çlodhëse. U zgjodh kjo formë stërvitjeje relaksuese për faktin se një ditë më parë ekipi zhvilloi miqësoren me Dinamon në Tiranë, që ishte e dyta për të brenda 5 ditësh. Në këtë miqësore ekipi i Sejdinit humbi thellë 5 1, por megjithatë për "Xhaxhin" rezultati nuk është edhe aq shqetësues nisur nga fakti se futbollistët për momentin janë në kulmin e ngarkesës fizike. Sejdini pohon se një ditë më parë futbollistët kanë qenë të detyruar të përballojnë një ngarkesë të lartë në stërvitje dhe kjo sigurisht që do të reflektohej në miqësore. "Miqësorja mbetet miqësore dhe na shërben si ne, ashtu edhe Dinamos. Nuk më intereson shumë rezultati në këtë takim, sepse ndryshe nuk zgjidhja Dinamon, por një ekip tjetër më të lehtë. Deri në njëfarë mase, në pjesën më të madhe të lojës jam pak a shumë i kënaqur me atë që treguan futbollistët në fushë. Duhet pranuar se Dinamo ka më tepër kontigjent, ashtu siç duhet pranuar se futbollistët vinin pas një dite kur zhvilluan një stërvitje me ngarkesë të madhe fizike dhe kjo patjetër do të reflektohej në fushë," shprehet Sejdini, duke dashur të bëjë konkluzionet e kësaj miqësoreje të bukur. Ndërkohë që vazhdon të stërvisë grupin e të zhvillojë takime miqësore, "Xhaxhit" i duhet të vëzhgojë nga afër edhe futbollistët që kanë ardhur për t'u provuar te Shkumbini, për të parë sesa janë të vlefshëm për ekipin. Edhe pse e lodhshme për Sejdinin, ai kërkon të veçojë më të përgatiturit, ata që merren se i duhen ekipit për të ardhmen.

[Noizy]

Strikt dhe i pasionuar pas punës së tij, trajneri i ekipit të Luftëtarit, Ilir Spahiu, nuk është i kënaqur me vendin aktual që ka skuadra gjirokastrite, edhe pse misionin e saj e ka kryer më së miri deri tani, duke qëndruar në superligë. Spahiu shpjegon se përse ekipi gjirokastrit nuk është i kënaqur me këtë ecuri dhe punën që do të bëhet në përgatitoren e Ulqinit për t'i shërbyer sa më mirë ecurisë në kampionat, kompeticioni i vetëm ku luan Luftëtari. "Mbërritëm disi të lodhur në Ulqin, kjo edhe për shkak të ndeshjeve miqësore që zhvilluam rresht, atë me Bylisin në Ballsh dhe me Kastriotin në Kamëz. Edhe në ditët e para të stërvitjes djemtë dukeshin pak të lodhur dhe unë nuk i ngarkova me shumë ushtrime. Dalëngadalë do të hyjmë në fazën më interesante të stërvitjes, duke marrë ngarkesat e duhura," shprehet trajneri Spahiu. Në ndeshjen e fundit miqësore të zhvilluar në Kamëz trajneri Spahiu ka pasur mundësinë të vëzhgonte edhe një sulmues afrikan, por që nuk mund të jepte një vendim të shpejtë, pasi të paktën duheshin edhe dy ndeshje të tjera miqësore. "Donatori Delijorgji solli për të provuar një sulmues afrikan dhe, me thënë të drejtën, ai ishte mjaft i lëvizshëm dhe kishte të dhëna, por duke qenë se ai kushtonte, nuk mund të merrja një vendim të shpejtë, pasi në të kundërt më duhet të mbaj përgjegjësi, kështu që vendosa që kur të kthehemi ta shoh edhe një herë, pasi ai nuk mund të vinte me ne në Ulqin. Ndërkohë, Delijorgji më ka premtuar se do të vijë së shpejti edhe një brazilian me pasaportë franceze dhe një afrikan, të dy me tipare sulmuese, pasi në këtë repart ne kemi nevojë më shumë. Shpresoj që këto lëvizje të bëhen shpejt, sepse nuk ka shumë kohë në dispozicion," shton numri një i stolit gjirokastrit. Spahiu thotë se mënyra më e mirë për të matur forcat janë ndeshjet miqësore. "Sapo kemi ardhur dhe këto ditë do të takoj drejtuesit e ekipeve të tjera për të zhvilluar ndonjë miqësore. Në hotelin tonë është vetëm Besa, por me kavajasit nuk mund të ndeshemi, pasi kemi ndeshjen e parë në kampionat me ta. Luftëtari nuk është modest në pretendimet e tij. Ne vërtet mund të jemi të sigurt, por kjo nuk do të thotë se do të qëndrojmë në vend, pasi një nënvlerësim dhe mund ta pësosh. Përkundrazi, ekipi ynë do të kërkojë të ngjitet sa më shumë në renditje. Në ndeshjen e parë me Besën do të ishim të kënaqur edhe me një pikë, duke parë që ndeshja është në transfertë dhe kundërshtari është poshtë nesh në renditje," përfundon trajneri i Luftëtarit, Ilir Spahiu.

[Noizy]

Futbolli maqedonas, edhe pse përjeton probleme, mendon për miqësoren me kuqezinjtë.


Drejtuesit e futbollit maqedonas kanë pohuar se asgjë nuk do të prishë planet e tyre për miqësoren e 7 shkurtit me komëtaren shqiptare. Madje ata janë shprehur se kombëtarja e vendit të tyre është duke i përfunduar përgatitjet për këtë ndeshje.
Federata Maqedonase e Futbollit (FMF) këto ditë është goditur nga një krizë, pas një lajmi mbi një skandal financiar, i cili nuk i ka shpëtuar medias së shkruar. Fjala është se policia e Shkupit ka marrë të martën në pyetje për 10 orë sekretarin e përgjithshëm të FMF së, Llazar Mitrevski, i cili akuzohet se ka falsifikuar diplomën e tij nga Universiteti i Sarajevës. "Rreth ndeshjes me Shqipërinë gjithçka do të jetë në rregull. Trajneri Sreçko Katanec do t'i bëjë përgatitjet e nevojshme për këtë miqësore dhe së shpejti pritet që të caktohet zyrtarisht edhe udhëtimi i kombëtares sonë dhe i gazetarëve drejt Shqipërisë",- thotë sekretari i FMF-së, Mitrevski. Trajneri i Maqedonisë, slloveni Katanec nuk do të udhëtojë për në Shkup për t'u konsultuar rreth miqësores me Shqipërinë. Ai pritet të vendoset në një nga hotelet më të njohura të Tiranës, ku do të presë t'i bashkohet stafi dhe lojtarëve maqedonas. Në Tiranë, më 3-4 shkurt, do të grumbullohen të gjithë futbollistët maqedonas që luajnë në skuadra të huaja.
"Katanec do të shkojë direkt në Tiranë, ku do të bëjë përgatitjet e nevojshme për ndeshjen me Shqipërinë. Jemi në bisedime edhe për
vendosjen e futbollistëve në ndonjë nga hotelet e Tiranës, pasi kemi informata se në hotelin "Adriatik" në Durrës do të vendosen
futbollistët e Shqipërisë",- të thotë sekretari i FFM së, Llazar Mitrevski. Trajneri Sreçko Katanec ka thënë se turbullira në futbollin maqedonas mund të ndikojnë në psikikën e lojtarëve, por deri në takimin me Shqipërinë, gjithçka do të jetë në rregull.
Lista e lojtarëve të ftuar në kombëtaren e Maqedonisë për miqësoren e 7 shkurtit ndaj Shqipërisë do të mësohet të martën, një ditë pasi të mbahet Këshilli Drejtues i FFM së. Jo zyrtarisht mësohet se nga futbollistët me etni shqiptare në kombëtaren e vendit fqinj mund të ftohen pesë lojtarë, bëhet fjalë për Artim Shaqirin, Artim Pollozhanin, Ismail Ismailin, Nderim Nexhipin dhe Vullnet Eminin.

[Noizy]

Pritej ardhja në Tiranë e trajnerit të kombëtares Oto Bariç, që të shpallesh lista e lojtarëve që do të grumbullohen në Antalia. "Zbori" i rradhës i kombëtares do të zhvillohet nga data 20 deri më 29 janar. Në listë që shpalli trajneri Bariç bie në sy disa emra të rinj, të cilët kanë spikatur kohët e fundit në kampionatin shqiptar. Nga lojtarët që luajnë jashtë do të marrin pjesë vetëm Dallku, Curri, Aliaj, Dedej, Neziraj dhe Hasani. Në këtë listë është edhe sulmuesi i Bran Bregen, Migen Memelli. Gjithashtu, prurjet më të rej janë Elis Bakaj dhe Xhevahir Sukaj, të cilët ishin autor të golave në takimin miqësor të kombëtares Shpresa përballë Turqisë. Nga ekipet e kampionatit shqiptar, më shumë lojtarë të thirur, ka nga skuadra e Tiranës, shtatë të tillë. Ndërkohë, akomodimi i kombëtares në Antalia, do të bëhet në Hotel Limak Limar, ku është edhe ekipi i Tiranës. Sipas informacioneve nga FSHF-ja, nuk përjashtohet mundësia që të grumbulluarit e Bariçit, të zhvillojnë një takim miqësor me Tiranën. Nisja për në Antalia të Turqisë, do të bëhet nesër.
Lista e lojtarëve të grumbulluar
Isli Hidi, Ilion Lika, Arion Mustafa, Armir Teli, Nevil Dede, Endri Vrapi, Armend Dallku, Anton Dedej, Adrian Aliaj, Shpëtim Hasani, Leutrim Neziraj, Debatik Curri, Erion Xhafa, Julian Ahmataj, Ervin Bulku, Jahmir Hyka, Gjergji Muzaka, Migen Memelli, Elis Bakaj, Sabino Plaku, Xhevahir Sukaj, Devi Muka, Klodian Duro, Vioresin Sinani, Oriand Abazaj.

[Noizy]

Menaxheri dhe babai i sulmuesit 22-vjeçar, Maksi Abazaj, zbulon detaje nga bisedat me presidentin Zhilli.

Nuk ka dyshim se kalimi i Oriand Abazajt nga Kastriotit te Tirana, është kthyer tashmë në telenovelën më të fundit për kampionatin shqiptar. Edhe pse drejtuesit krutanë e kanë humbur çështjen në komisionin e disiplinës, vazhdojnë të pretendojnë se sulmuesi 22-vjeçar është pjesë e skuadrës. Madje, presidenti Shkëlzen Zhilli vazhdon të kërcënojë se çështjen e ka çuar si në komisionin e apelit, ashtu dhe në gjykatën civile. Pavarësisht gjithë këtyre problemeve, lojtari në fjalë prej dy ditësh është bashkuar në stërvitje me Tiranën, ndërkohë që me problematikën në fjalë, po merret menaxheri dhe gjithashtu babai i tij, Maksi Abazaj. Për "Sportin shqiptar", ai pranon të zbulojë detaje nga çështja e shumëpërfolur e djalit të tij. "Nuk e kisha menduar që largimi i Oriandit nga Kastrioti do të bënte gjithë këtë zhurmë sa në federatë, por edhe në media. Duke pasur parasysh se në duar kisha një kontratë të rregullt, që në pikat e saj sqaron shumë mirë çdo detaj për sa u takon detyrimeve të të dyja palëve, mendoja se gjithçka do të zgjidhej në konsensus të plotë. Por ja që nuk ishte e thënë të ndodhte kështu dhe tashmë unë, si menaxher dhe babai i futbollistit, ua kam lënë në duar komisioneve juridike zgjidhjen e këtij problemi. Komisioni i apelit, i mbledhur ditën e shtunë, na dha ne plotësisht të drejtë, duke e nxjerrë futbollist të lirë Oriand Abazajn, në bazë të pikës 4, ku thuhet qartë se ai është i lirë të largohet gjatë muajit janar 2007, në qoftë se largohet trajneri i ekipit Ramadan Ndreu. Përveç kësaj, Oriandi nuk është paguar për rrogën e dhjetorit, kështu që automatikisht ai ka dalë i lirë,"- shprehet Maksi Abazaj. Në deklarimin e tij për gazetën, menaxheri Maksi Abazaj nuk ngurron të bëjë të ditur edhe disa detaje bisedash të konsumuara me presidentin Shkëlzen Zhilli. Sipas tij, nuk bëhet fjalë që Oriand Abazaj të konsiderohej lojtar i rëndësishëm për skuadrën, por çdo gjë lidhej me çështje pazaresh. "Meqenëse po më jepet mundësia të flas nëpërmjet gazetës suaj, dua të them se në takimin e parë që pata me presidentin Zhilli, ai nuk pranoi absolutisht ta lejonte Abazajn të largohej. I shkova sërish për herë të dytë në Krujë dhe këtë herë, pasi ishte i informuar që po e kërkonte ekipi i Tiranës, më tha shprehimisht: "Dua 40 mijë euro nga donatorët". Edhe këtë herë nuk ramë dakord, ndërkohë që në takimin e tretë, pasi kishte biseduar me presidentin e Vllaznisë, Valter Fushaj, më tha që ishte i gatshëm ta lëshonte drejt Shkodrës, duke i ndarë lekët përgjysmë. I ndodhur në këtë situatë aspak normale, ku djali im shihej si një mall tregu nga ky president, vendosa që ai të mos stërvitej më në Krujë dhe me këtë problem të merrej vetë komisioni i disiplinës. Siç dihet tashmë, ky komision na ka dhënë të drejtë, kështu që ne vazhdojmë ta presim me qetësi edhe komisionin e apelit. Ajo që doja të bëja të ditur për sportdashësit krutanë, ka të bëjë me atë që ne vazhdojmë të ruajmë konsideratat më të mira, sepse në këto muaj që Abazaj u aktivizua, pati mbështetjen e të gjithëve. Ne nuk u larguam nga Kastrioti për çështje lekësh, por sepse na kërkoi bashkëpunimin një klub i madh si Tirana, ku çdo lojtar do të kishte dëshirë të ishte pjesë përbërëse. Një skuadër si Tirana të jep mundësinë të formohesh si futbollist, të luash në arenën europiane dhe më pas të pretendosh ekipin kombëtar,"- përfundon Maksi Abazaj.

[Noizy]

Superliga Shqipetare Sa Vjen Edhe Ul Nivelin E Saj Pasi Shume Nga Ndeshej Qe Luhen Manipulohen Dmth Sot Nuk Lozin Ekipet Por Loz (Leku & Euro) Football.!