Lajmet nga Superliga 2006/2007

[no name]

Vincetic e Granic te Dinamo me 10 korrik

E Marte, 03 Korrik 2007


Vincetic e Granic, dy kroatet e Dinamos do t'i bashkengjiten skuadres me daten 10 korrik, date kur mund te filloje edhe faza pergatitore e skuadres blu. Kroatet do te vihen menjehere nen urdhrat e trajnerit Agim Canaj dhe me pas skuadra do te nise pergatitjet intensive per te qene gati me 25 gusht, date kur nis edhe edicioni 2007-2008 i superliges.

[no name]

Kaci: Sa me kishte marre malli

E Marte, 03 Korrik 2007

Nje vit me pare ishte shume prane rikthimit te shtepiza e tij, por dicka nuk shkoi sic duhet dhe Abert Kaci emigroi edhe nje sezon larg Shkodres. Kete vit duket se era fryu nga ana e mbare dhe e afroi Kacin me Vllaznine. Lojtari rrefen i emocionuar rikthimin e tij te "dashuria" e jetes dhe nuk e mohon faktin se e kishte marre malli vertet shume. "Te Vllaznia jam ne shtepine time, jam te skuadra qe me perfaqeson dhe qe perfaqesoj. Jam shume i lumtur qe u riktheva dhe dua te rri gjate ketu".

Kaci nuk ka deshire te komentoje situatat e merkatos se kaluar, por mjaftohet me te qenit pjese e grupit kuqeblu ne Kupen Intertoto. "Vllaznia eshte me shume se nje skuader futbolli per cdo shkodran dhe per mua fakti qe do te perfaqesoj kete sezon klubin e qytetit tim me lumturon. Sa me kishte marre malli!". Me pas sulmuesi komenton edhe kalimin e turit te pare te Intertotos dhe e vlereson shume kete arritje. "Eshte nje kualifikim logjik. Ne dolem ne turin e dyte sepse e merituam. Nk Zagrebi ishte nje skuader e forte dhe ne fillim u nis favorite, por ja qe favorite dolem ne. Trabzonspori eshte akoma me i forte, por Vllaznia nuk do te dorezohet. Ne do te luajme shanset tona deri ne fund dhe shpresojme te bejme nje paraqitje sa me dinjitoze dhe pse jo te kalojme edhe kete tur", deklaron sulmuesi shtatshkurter i Vllaznise.

[RaPSouL]

Dështon miqësorja me Anglinë, në skenë Turqia

Edhe pse ishte deklaruar se në datën e lënë të lirë nga UEFA, skuadra e Artan Bushatit do të zhvillonte një miqësore luksi ndaj "Luanëve" të vegjël, një gjë e tillë ka marrë fund tashmë, për shkak se britanikët do të kenë një impenjim zyrtar për eleminatoret e Euro 2009 në këtë datë.

Ekipi Shpresa i Shqipërisë nuk do të luajë me Anglinë në datën 22 gusht. Edhe pse ishte deklaruar se në datën e lënë të lirë nga UEFA, skuadra e Artan Bushatit do të zhvillonte një miqësore luksi ndaj "Luanëve" të vegjël, një gjë e tillë ka marrë fund tashmë, për shkak se britanikët do të kenë një impenjim zyrtar për eleminatoret e Euro 2009 në këtë datë. Një gjë e tillë ka prishur jo pak planet e drejtuesve të Federatës, teksa në skenë ka dalë sërish emri i Turqisë. "I kemi çuar një faks Federatës së këtij vendi, e cila ka një ndeshje borxh për të na kthyer", tha shefi i ekipeve kombëtare Erjon Lushi, referuar faktit se U21-shi shqiptar zhvilloi një takim miqësor në janar të këtij viti në Stamboll. Në rast se do të kthehet përgjigje pozitive, miqësorja me Turqinë pritet të zhvillohet në datën 21 gusht.

[RaPSouL]

UEFA në dhomat e Vllaznisë: Kujdes, jeni nën vëzhgim!

Edhe pse nuk ka qenë i pranishëm në takim, shefi i arbitrave Sulejman Mema e ka mësuar më vonë atë që kanë thënë dy përfaqësuesit e UEFA-s përpara lojtarëve dhe stafit të Vllaznisë në dhomat e zhveshjes. "Mësova që u ka thënë shprehimisht të përkushtohen maksimalisht, të mos tolerojnë, sepse do të jenë nën monitorim. U ka kërkuar një lojë të ndershme, pasi do të ndëshkoheshin për çdo sjellje të dyshimtë që ata do të shikonin në fushë", shprehet Mema. Ndërkohë, prej këtij të fundit mësohet se delegati belg Zhan Fransua Kruske, u ka kërkuar kujdes edhe arbitrave, të cilët duhet të sinjalizonin për çdo situatë të dyshimtë. Megjithatë, në fund gjyqtari kryesor, maltezi Atardi, që pati drejtuar edhe Shqipëri-Slloveni, është shprehur se nuk ka parë asgjë të dyshimtë, duke e quajtur korrekte ndeshjen.

[RaPSouL]

Bastet, fitorja e Vllaznisë u përgjysmua për pak orë

UEFA ka patur dijeni se për fitoren e shkodranëve ishin vënë shifra tepër të larta, ndonëse Vllaznia konsiderohej një ekip jo favorit në këtë ndeshje.

Dyshimet e drejtuesve të UEFA-s për takimin mes Vllaznisë dhe NK Zagrebit, lindën për shkak të shumave të mëdha të parave vëna në kompanitë e basteve në Evropë. UEFA ka patur dijeni se për fitoren e shkodranëve ishin vënë shifra tepër të larta, ndonëse Vllaznia konsiderohej një ekip jo favorit në këtë ndeshje. Madje, koeficienti në kompanitë e basteve, jo vetëm në Evropë, por edhe në Shqipëri, pësoi luhatje të pabesueshme për shkak të parave të vëna për shenjën "1" në skedina. Në orët e mëngjesit, të gjitha kompanitë e kishin kuotuar fitoren e Vllaznisë me koeficientin 4.05, barazimin me 3.2 dhe fitoren e NK Zagreb me 1.75. Që do të thotë se për çdo euro të luajtur në favor të shkodranëve, fitoheshin 4.05 euro, ndërsa për çdo euro të luajtur për kroatët, fitimi shkonte vetëm në 1.75 euro. Por, në të vërtetë koeficientët nuk shkuan kështu gjatë gjithë ditës. Dy kanë qenë oraret e pikut, ora 14 dhe 17 e ditës së shtunë. Në orën 14, koeficienti për fitoren e Vllaznisë u ul deri në 2.7, nisur edhe nga shumat e parave që bastexhinjtë patën luajtur në favor të saj. Zakonisht ulja e koeficientit në mënyrë të tillë nga kompanitë ndodh kur shumat e vëna i kalojnë limitet e parashikuara. Por, në orën 17, një tjetër çudi ka ndodhur me këtë takim. Disa nga kompanitë kryesore në Evropë, e kanë hequr fare ndeshjen mes Vllaznisë dhe NK Zagreb nga skedinat e tyre. Dhe kjo për shkak të parave të mëdha të luajtura nga bastexhinjtë. Heqja e ndeshjes nuk ndodhi vetëm në Evropë, por edhe në disa prej kompanive kryesore shqiptare.

[RaPSouL]

Dyshimi, UEFA kërkoi me ngulm kasetat e Vllaznia-Zagreb


Të dielën në mëngjes, UEFA ka marrë me vete për në Nion kasetat e ndeshjes Vllaznia-NK Zagreb, për të cilën delegati dhe vëzhguesi dyshuan se ishte e trukuar. Sulejman Mema, përfaqësuesi i FSHF-së që shoqëroi atë ditë dy zyrtarët europianë, ka sqaruar dje gjithë prapaskenat e takimit të luajtur në "Loro Boriçi". Mema kujton faktin se delegati belg Zhan Fransua Kruske dhe vëshguesi Kristaqis Skapulis, ishin në çdo moment të shqetësuar, pasi kishin mësuar për shuma të mëdha që ishin vënë për ndeshjen. "Përpara ndeshjes, delegai belg më kërkoi që në orën 19.15, e gjithë skuadra e Vllaznisë dhe stafi i saj, të vinin në një takim me të. Më pas, bëri edhe një mbledhje me arbitrat", shprehet Mema. "I mbaj mend që ishin të shqetësuar, madje edhe në takimin në dhomat e zhveshjes kërkuan një përkthyes perfekt, që të komunikohej drejtë çdo fjalë që do të thoshte ai. Unë nuk isha brenda, por mësova se u ka thënë të gjithëve të përkushtohen se do të ishin nën monitorim. Pra, çdo ngjarje e dyshimtë do të shikohej nga ata dhe do të dërgohej në një raport në UEFA", sqaroi Sulejman Mema. Gjithsesi, shefi aktual i arbitrave shton se Vllaznia fitoi me meritë në këtë ndeshje, pavarësisht asaj që është shkruajtur në shtypin kroat. "Delegati dhe vëzhguesi kërkuan kujdes edhe nga arbitrat dhe iu thanë që t'i sinjalizonin për çdo gjë të dyshimtë", shprehet më tej Sulejman Mema.
Kasetat
Mbledhjet dhe shfaqja e dyshimeve, ka qenë vetëm njëra anë e dyshimeve të përfaqësuesve të UEFA-s në lidhje me takimin Vllaznia-NK Zagreb, që u fitua 1-0 nga shkodranët. Belgu Zhan Fransua Kruske u ka kërkuar drejtuesve të Vllaznisë kasetat e ndeshjes, të cilat më pas do të analizoheshin në selinë e UEFA-s në Zvicër. "Unë këtë e mora vesh pas përfundimit të takimit", rrëfen Mema. "Delegati i UEFA-s ishte i shqetësuar se nuk i kishin dhënë kasetat dhe unë sa e mora vesh, i thashë që të mos bëhej merak se do ta zgjidhja këtë punë. Fola në telefon me presidentin e Vllaznisë Fushaj dhe i thashë të sillte kasetat se ndryshe e kishin punën pisk. Ata u përgjigjën menjëherë dhe i solli Agim Medja. Të dielën në mëngjes ua çova të dy përfaqësuesve të UEFA-s, të cilët i morën me vete për në Zvicër. Thanë që do të shohin çdo gjë me kujdes, për të parë çdo moment të dyshimtë", shprehet shefi i arbitrave në Federatë. Nisur nga kjo, Nioni zyrtar duket shumë pranë hapjes së një hetimi për takimin e Kupës Intertoto luajtur të shtunën edhe pse barra kryesore në këtë rast bie me ekipin kroat. "Për mendimin tim gjithsesi, ndeshja ishte shumë në rregull", thotë më tej Mema.

[no name]

Dyshimet e UEFA-s, zyrtari i FSHF-se konfirmon

E Merkure, 04 Korrik 2007

Skandali i trukimit ne ndeshjen Vllaznia-Nk Zagreb ka prekur dje edhe zyrat e federates. Madje, nje nga zyrtaret e saj me te larte, ka pohuar ne nje rreth te ngushte se ishte i pranishem kur delegati i UEFA-s kishte thirrur stafet e te dyja skuadrave, duke i paralajmeruar per furtunen qe mund t'i godase, nese faktohet dicka rreth dyshimeve te qeverise se futbollit evropian. Zyrtari i FSHF-se (emri i te cilit nuk behet i ditur per motive objektive), ka deklaruar se gjithcka ka ndodhur ne syte e tij dhe se njeriu i UEFA-s, i pranishem ne "Loro Borici", u ka thene te dyja paleve, 1 ore e gjysme perpara fillimit te sfides: "UEFA ka informacion per trukim te ndeshjes, keshtu qe duhet te beni kujdes dhe te mos toleroni asnje fenomen te ketij lloji, sepse jeni ne shenjester". Ky pohim flak tej cdo dyshim rreth vertetesise se ngjarjes ne fjale. Zyrtari i pranishem, qe mbulon nje pozicion kyc ne federate, nuk ka dhene me detaje te tjera, por gjithcka sa ka thene e ka mesazhin e qarte: UEFA po heton realisht ne cdo takim ku luajne skuadrat shqiptare, ndonese ne realitet, hijet me te forta te dyshimit ne kete rast rrotullohen rreth Nk Zagrebit.

Nderkohe, nga kampi shkodran, asnje akuze e ketij lloji nuk gelltitet poshte, madje duke i cilesuar deklaratat e delegatit te UEFA-s, si fyese dhe aspak te bazuara. Ata nuk e pranojne perfshirjen ne ceshtje te ketij lloji dhe nuk mund te pranojne t'u fshihet ne kete menyre bukuria e kualifikimit te arritur.

Gjithsesi, ceshtja eshte ende e nxehte dhe ne ditet ne vazhdim priten zhvillime te tjera.

[no name]

Verdheblutë, “oreksi” shtohet

4 Korrik Rreth 38 futbollistë elbasanas kanë “pushtuar” fushën e “Ruzhdi Bizhutës” dje pasdite në seancën stërvitore të radhës. Trajneri Alimehmeti dhe ndihmësat e tij, File e Gogunja, janë detyruar ta ndajnë grupin e madh të futbollistëve në dy pjesë, me të cilët janë ushtruar vrapime aerobike. Pas rikthimit të Stojkut dhe ardhjes së dy futbollistëve të tjerë nga kampionati kosovar, dje janë parë edhe tre futbollistë të rinj, të cilët pretendojnë të bëjnë pjesë në ekipin verdheblu.



Poker portierësh

Largimi i portierit Elvis Kotorri “u ka hapur derën” portierëve të tjerë, të cilët pretendojnë të zenë vendin e tij te verdheblutë. Kështu, përveç zëvendësuesit “natyral” të Kotorrit, sezonin e kaluar, Parid Bërdufi, me verdheblutë po stërviten edhe Irakli Toçi, Kushtrim Mushica, si dhe Bledar Vashaku, i cili dje pati seancën e parë stërvitore me Elbasanin. Kuçovari Vashaku ka luajtur sezonin e kaluar me ekipin e Laçit, në kategorinë e parë. Kështu katërshja e portjerëve që ka aktualisht Elbasani i ka hapur më shumë punë përgatitësit Gogunja, ndonëse është akoma herët për të mësuar se cili prej këtyre pretendentëve për ruajtjen e portës do të jetë pjesë e Elbasanit.



Edhe Roshi e Sekseri...

Elbasanasi Klevis Roshi, si dhe futbollisti tiranas, Ardi Sekseri, po stërviten me ekipin, duke shtuar akoma më shumë numrin e futbollistëve që pretendojnë të vishen verdheblu. Roshi është rikthyer në Elbasan pas një odiseje disavjeçare ecejakesh në disa ekipe të ndryshme të kategorisë së parë, ku “stacioni” i fundit i tij ka qenë Besëlidhja. Ai ka qenë një nga futbollistët e rinj elbasanas që premtonin shumë me aftësitë, ndërsa pritet që ta fitojë vendin e tij në grupin verdheblu. Ndërsa mbrojtësi i qendrës Sekseri, i cili ka luajtur sezonin e kaluar me Turbinën e Cërrikut, luan në një rol ku ka nevojë tani për tani ekipi elbasanas.



Priten tre afrikanë

Presidenti Arben Laze duket se nuk është shumë i kënaqur me kontigjentin që ka tani për tani trajneri Alimehmeti dhe po tenton të “luajë” edhe me treguan e huaj. Kështu, burime nga klubi elbasanas bëjnë të ditur se, brenda dy?tri ditëve priten të vijnë tre futbollistë afrikanë, natyrisht për provë.

[no name]

Besëlidhja, rregull e kaos

4 Korrik Nën drejtimin e Vasil Bicit skuadra lezhjane dje ka filluar përgatitjet e organizuar për ligën superiore. Fillimit të stërvitjes i ka paraprirë një takim ceremonial në të cilin ka marrë pjesë edhe kryebashkiaku Tusha.



Prezantohen stafet

Kreu i bashkisë së qytetit Lezhë, provizorisht dhe presidenti i skuadrës, ka prezantuar stafin drejtues të klubit të Besëlidhjes. Ish?kryetari i bashkisë, Gjok Jaku, është emëruar sekretar klubi, teksa mjeshtri Nikolin Lorenci do të jetë inspektor klubi për futbollin e Pjetër Lesi për shumësportet. Një ndryshim është bërë në stafin teknik të skuadrës. Vasil Bici ka marrë ndihmës të parë ish?futbollistin e Besëidhjes, Valentin Gjetja që së bashku me shkodranin Paulin Ndoja kanë plotësuar treshen drejtuese të skuadrës.



Dyfishohet buxheti

Tusha ka publikuar dje para futbollistëve e gazetarëve se do të garantojë gjatë gjithë kohës një mbështetje të vazhdueshme të institucionit të tij. Ai ka kërkuar angazhim maksimal duke bërë të ditur se kohët e fundit është dyfishuar edhe fondi për klubin. “Për të rritur cilësinë e futbollit dhe për të garantuar ecurinë e skuadrës në superiore, ne u kemi dyfishuar fondet: nga 13 milion, kemi akorduar 26 milion lekë vetëm nga bashkia për këtë vit”, ka thënë Tusha. Më pas, ai ka nënvizuar se krijimi i shoqërisë aksionere do të realizohet shumë shpejt.



Priten përforcime

Teksa thuajse të gjithë ish?futbollistët e Besëlidhjes kanë qenë prezentë në stërvitjen e parë, kanë munguar Smajli, Basriu e Ceno. Ka rënë në sy të Bicit mungesa e Smajlit, i cili prej askujt nuk është justifikuar. Shprehja, “mbase ka patur ndonjë problem”, ka ngushëlluar Bicin që siç duket ka simpati dhe e konsideron atë si lojtar bazë. Gjithsesi, ideja e tij është për përforcime. Tusha, kryetar?president, ka pohuar se përforcimet janë të nevojshme dhe do të bëhen shumë shpejt, para zhvendosjes së skuadrës për përgatitjet e verës.

Largohen jabanxhinjtë

Janë rebeluar jabanxhinjtë. Miço, Sala, Roshi e Arbëri menjëherë pas takimit kanë debatuar me sekretarin e klubit, Gjok Jaku. Ata kanë kërkuar Ok?ej për gjithçka, që siç duket nuk iu është dhënë menjëherë. Që të katër janë larguar nga stërvitja. Kur janë nisur nga Lezha janë takuar sërish me autoritetet e futbollit lezhjan. Mësohet se gjendja është zbutur, por pa rezultate konkrete.

[no name]

Canaj e Saliaj, inspektim në Mavrovë

4 Korrik Trajneri Canaj dhe administratori i bluve, Saliaj, dje kanë inspektuar Mavrovën e Maqedonisë. Eshtë vendi ku Dinamo ka menduar të bëjë pjesën tjetër të periudhës përgatitore, që do të nisë më 17 korrik. “Ne pamë disa hotele e kampingje. Disa i kishin kushtet e mira, disa kishin gjëra për të rregulluar, qoftë dhe ushqimin. Do të na japin përgjigje brenda 2?3 ditëve, ndërsa ne, duke u nisur dhe nga ofertat që na dhanë, do të bisedojmë me presidencën”, ka thënë mbrëmë Canaj. Sipas trajnerit të bluve, të gjithë kampingjet i kishin fushat e stërvitjes, aq më tepër dhe hoteli ku aktualisht gjenden Teuta e Besa, të cilët përgatiten për pjesëmarrjen në Kupën UEFA. “Si Teuta, ashtu dhe Besa, ishin të kënaqur me kushtet. Na është thënë që nuk do të ketë ekip tjetër në atë periudhë, kështu që do të jemi edhe më të qetë për të punuar. Por gjithçka vendoset brenda 2?3 ditëve, ndërsa presim dhe plotësimin e kushteve që kërkojmë ne”, ka përfunduar Canaj.