Lajmet nga Superliga 2006/2007

[RaPSouL]

Elokan dhe Xhihani, spektakli kavajas

26 Gusht Mjafton të “riprodhosh” aksionin e golit të tretë dhe e kupton se Besa e djeshme është nga ato skuadra që “prodhon” lojë, madje, me nuanca spektakli. Ka një grup homogjen që, edhe pse përballë dje nuk ka patur “gjigandët” e futbollit shqiptar, por modestët e Kastriotit, ka marë një fitore të pëlqyer, për sedrën e karakterin sportiv. Kishte edhe defekte, që lidheshin me ngarkesën e madhe që kuadra ka patur gjatë kësaj vere. Miqtë krutanë kanë dashur të ruajnë sa më gjatë ekuilibrin, por mbrojtja e portieri i tyre u pa se kanë qenë gjithnjë e më shpesh të kërcënuar. Sigurisht, Rizvanolli e Bokatola, në mungesë të January Ziambos, u përpoqën, por Ramadani, si një “strateg” në prapavijën e verdhezinjëve, bashkë më të tjerët janë treguar të vëmendshëm. Fitorja ka ardhur natyrshëm për Besën. Vetëm pas autogolit të pakuptueshëm, “sikleti” u ndie disi. Por u kapërcye menjëherë, sapo nisi pjesa e dytë. Ndërsa limiti i fundndeshjes do të rikonfirmonte bukuri dhe emocione, me atë klas kombinimesh mes Elokanit e Xhihanit. Kjo dyshe dje ka qenë e papërmbajtshme dhe luajti një rol vendimtar në fitoren e tri pikëve të para, në një ndeshje që gjithsesi ka nevojë për “lente”, kur ka ende probleme me lojën pa top dhe hapësirat në mbrojtje, ndërsa ndonjë futbollist ende nuk është në maksimumin e vet. Kastrioti humbi, por la përshtypjen e një skuadre simpatike, që vepronte me koncepte të qarta. Pavarësisht forcës ekzekutuese, sidomos në finalizim.



Pas ndeshjes

Silviu Dumitresku (Trajner i Besës): Fituam me meritë. Na u vonua mjaft goli i dytë dhe autogoli që pësuam krijoi një “stres”, që për fat kaloi shpejt. Ekipi ynë ka pasur ngarkesë të madhe ndeshjesh në këtë periudhë. Gjithsesi, në 45 minutat e dyta kontrolluam e normalizuam gjithçka. Lojtarët treguan shpirt të lartë sacrifice. Në 15 minutat e fundit kompensuan edhe mungesën nga dalja me të kuqe të Lilës. Bëmë një hap të mirë me këtë trepikësh shumë të rëndësishëm. Dua ta veçoj Elokanin për performancën e jashtëzakonshme që ka treguar. Morali për vazhdimin erdhi siç dhe e dëshironim: me startimin trepikësh.

Ramadan Ndreu (Trajner i Kastriotit): Ishtë një lojë e mirë për skuadrën time, e cila ka qenë fare pak inferiore ndaj një Bese, që ka luajtur shumë bukur dhe e mori fitoren me meritë. Kjo, sepse kishte edhe një lojtar si nr.99, që bënte diferencën. Ne na mungoi Ziambo në sulm dhe Rizvanolli vetëm e pati më të vështirë manovrimin. Megjithatë, është një humbje përballë një skuadre tepër të fortë, ndaj dhe nuk ka pse të mërzitemi e të “qajmë atë që iku”

[RaPSouL]

Blutë, “pokeri” i startit

26 Gusht Dinamovitët e kanë nisur me “poker” sezonin e ri futbollistik 2007?2008. Katër gola në portën lezhjane, tre prej të cilëve kanë firmën e futbollistëve të mbërritur gjatë merkatos së verës. Bekim Kuli, Igli Allmuça, Goran Vincetiç dhe Sabino Plaku ishin ata, të cilët e detyruan portierin Gjoka që ta nxirrte katër herë topin nga rrjeta. Ishin këta lojtarë, por dhe e gjitha pjesa tjetër e Dinamos, që e bën Besëlidhjen, e sapongjitur në kategorinë superiore, të largohej kokulur nga stadiumi “Selman Stërmasi”, aq sa trajneri Nica nuk ka patur ç’të thotë për mediat në mbarim të ndeshjes. Dinamo, ashtu siç dhe kishte punuar gjatë gjithë javës, ishte vendosur në fushën e lojës me 4?4?2. Në mbrojtje, Ishka në të djathtë, Pisha e Diob në qendër dhe Abraham në të majtë; në mesfushë, Vincetiç në të djathtë, Poçi e Allmuça në qendër dhe Kuli në të majtë, kurse në sulm dyshja Pema e Plaku. Lezhjanët, në pamje të parë, qoftë dhe nga vendosja taktike 4?5?1, dukeshin se kishin ardhur në Tiranë për t’u mbrojtur. Përpara portieri Gjoka ishin rreshtuar Hashani në të djathtë, Alcani e Lika në qendër, Prela nga e majta; në mesfushë, Kruja i majtë, Roshi, Grizha e S.Toma në qendër, kurse Smajli i djathtë; në sulm, i vetëm maqedonasi Petrevski. Dinamo e ka nisur ngadalë lojën, çka u jep mundësi lezhjanëve që të kundërsulmojnë, ndërsa në një dyluftim me Petrevskin, qoftë dhe për t’i ndalur hovin, Pisha ka marrë kartonin e verdhë. Lëvizjet e shpeshta të Grizhës, por dhe Petrevskit, e kanë detyruar mbrojtjen dinamovite që të mos i kontrollojë ndërhyrjet, siç ka qenë rasti i Diobit me shtatlartin e mesfushës lezhjane. Gradualisht, falë dhe individëve cilësorë që ka, Dinamo merr inisiativën dhe Kuli ka gjetur golin e parë të kampionatit për blutë. Ndërhyn Nica, që largon kapitenin Toma, për t’i lënë vendin sulmuesit Tasev. Dinamo kërcënon me Vincetiç e Plakun, derisa vjen momenti i golit të dytë me Allmuçën. Përsëri ndërhyn Nica, largohet Lika për Miçiç e Besëlidhja arrin të tjetërsohet. Serbi ka marrë rolin e organizatorit, kurse Grizha kapiten është kthyer në qendër të mbrojtjes. Në pjesën e dytë, Besëlidhja, me organizimin e Miçiçit ka qenë ndryshe në lojën e saj. Dinamo ka lëshuar terren dhe mund të ndëshkohej, por gjithçka është zgjidhur mirë nga portieri Kotorri. Megjithatë, fundi i ndeshjes ka rezervuar dhe dy gola të tjerë, me Vincetiç e Plakun, dhe 4?0 për Dinamon.



Opinioni i specialistit

Sulejman Demollari: Rezultati 4?0 për Dinamon ishte plotësisht i merituar për skuadrën e Canajt. Eshtë një fillim i mirë i këtij sezoni për blutë, kur ndoshta unë kam qenë me këmbë të mbarë, teksa gjuajta topin e parë të kampionatit. Dinamo mund të kishte siguruar dhe një fitore më të thellë, sepse kishte dhe raste të tjera për shënim. Nuk mund të them që në javën e parë të kampionatit se kjo Dinamo ka, apo jo, “stof” për të qenë kampione. Duhet ditur që nuk e njoh nivelin e skuadrave të tjera, kështu që më vonë mund ta jap përgjigjen e kësaj pyetjeje. Por pretendente për titull kamion mbetet. Pozitive ishte fakti që Dinamo kishte dëshirë për të fituar ndeshjen dhe arriti të shënonte katër gola. Për Besëlidhjen nuk kam se çfarë të them, sepse pak reagoi në fushën e lojës.



Pas ndeshjes

A.Canaj (trajneri i Dinamos): Kam mendimin se ndeshja jonë ishte me dy tabllo. Kjo është në aspektin teknik dhe në atë çka pashë unë si trajner. Pjesën e parë ishim më mirë të vendosur në fushën e lojës, kurse në 45 minutat e dyta i lëshuam hapësira kundërshtarit, sidomos në mesfushë. Kërkuam ta kapnim kundërshtarin me kundërsulm, por nuk funksionoi. Megjithatë, duke ditur që ishte ndeshja e parë e kampionatit, unë jam i kënaqur nga përkushtimi i djemve, sepse fituan një ndeshje premierë. Për mua është e rëndësishme fitorja, sepse, si me Besëlidhjen, apo me Tiranën, suksesi ka vlerën e trepikëshit. Çaluam në qarkullimin e shpejtë të topit dhe në shumë raste u vumë në vështirësi. Në mesfushë ra në disa momente agresiviteti. Por jam i kënaqur dhe tani mendojmë për ndeshjen e Shkodrës, ndaj Vllaznisë. Nuk është kjo loja më e mirë e jona, por më kënaq rezultati. Duke ardhur e duke u përmirësuar në sulm. Dinamo mbështetet te kolektivi dhe nëse kjo bie nuk do të jemi në lartësinë e duhur. Lojtarët luftuan, dhanë maksimumin, duke sfiduar dhe të nxehtin.

S.Nica (trajneri i Besëlidhjes) ? Nuk u prononcua për mediat

[RaPSouL]

“Krrak” Tirana!

26 Gusht “Haberet” e javës

Donatorët e bardhebluve nuk “durojnë”: mbledhja pas humbjes bëhet në Vlorë!

Teuta fiton në Korçë: Kaçi nuk drejton, por as Bici nuk e pranon pankinën

Belisha, autogoli i çuditshëm, që desh rrezikoi premierën e kavajasve

Alimehmeti e Josa ndahen në paqe; Gentian Stojku, në fushë për verdheblutë!

4?0, Dinamo “merr përpara” lezhjanët; Nica largohet pa thënë asnjë fjalë

Sot

Partizani ? Shkumbini

ora 17:00, në stadiumin “Selman Stërmasi”

[RaPSouL]

Andi Lila, 24 orë verdheblu, rikthehet te Besa e Kavajes

Kapiteni i skuadrës Shpresa, Andi Lila, është rikthyer tek skuadra e Besës për sezonin 2007-2008. Pasi firmosi një kontratë me Elbasanin, ai bëri një hap prapa dhe u rikthye sërish te skuadra e qytetit të tij. Kompromisi midis dy presidentëve nuk i ka hapur probleme Lilës, pasi me nënshkrimin e kontratës me Elbasanin, Laze mund t'i hapte probleme, por dhe njëherë bosi verdheblu tregon zemërgjerësinë e tij ndaj lojtarëve. Në takimin e djeshëm futbollisti luajti në radhët e Besës, ku edhe u ndëshkua me karton të kuq për një ndërhyrje të ashpër në dëm të një futbollisti krutan. Nga minuta e 75-të Besa luajti me 10 lojtarë.

[RaPSouL]

Elokan, goli i parë i sezonit 2007-2008

François Herbert Endene Elokan është pagëzuesi i sezonit të ri 2007-2008. Sulmuesi i Besës ka shënuar golin e parë në pesë ndeshjet që janë zhvilluar dje në javën e parë të Superligës. Elokan shënoi në minutën e 14-të të pjesës së parë, duke zhbllokuar edhe takimin Besa-Kastrioti. Por afrikani nuk u mjaftua me kaq. Gjashtë minuta nga fillimi i pjesës së dytë, në minutën e 51-të, ai shënoi edhe golin e dytë për vendasit dhe dopietën e parë të kampionatit.

[Doc. Zhivago!]

Duken qarte shit-blerjet e ndeshjeve!

Nuk hamendesohet dot shuma e futur neper xhepa nga ana e donatoreve te Tiranes!