Ku po shkon basketbolli shqiptar!?

[AlbaneZ]

Arben Fagu, zyrtarizohet në krye të kombëtares


Zgjidhet dhe enigma e trajnerit të ekipit kombëtar në basketboll për meshkuj. Tani e tutje në krye të stolit kuq e zi do të jetë Arben Fagu, aktualisht trajneri i skuadrës së Studentit, në kampionatin shqiptar në basketboll për meshkuj. Një zgjidhje e tillë është bërë pas mbledhjes së kryesisë të kësaj federate, të zhvilluar në orët e vona të ditës së hënë. Kandidatura e trajnerit të skuadrës së Studentit, Arben Fagu, u konsiderua e përshtatshme për të drejtuar skuadrën përfaqësuese të Shqipërisë në basketboll për meshkuj, pas rezultateve pozitive të tij në drejtimin e ekipit "Studenti". Me këtë ekip ai arriti në përfundim të kampionatit të kaluar, ku u rendit në vëndin e tretë, pas Valbonës dhe Vllaznisë. Për shumë vite me rradhë trajneri i ri i skuadrës kombëtare, Arben Fagu, ka qenë dhe basketbollist me skuadrën e Partizanit. Trajneri Fagu zëvendësoi Korab Llazanin, i cili dha dorëheqjen menjëherë pas përfundimit të turneut të promocionit, i cili u zhvillua në qytetin e Durrësit, ku skuadra jonë u pozicionua në vëndin e dytë, pas skuadrës përfaqësuese të Azerbajxhanit. Në mbledhjen e kryesisë janë diskutuar dhe disa çështje të tjera që kanë të bëjnë me karakterin e organizmit të skuadrës përfaqësuese, e cila është në prag të ndeshjeve për kampionatin Europian, ndeshje të cilat do të startojnë në muajin shtator kundër Bjellorusisë. Ndërkohë, brenda një afati prej 3-5 ditësh, do të bëhet dhe nënshkrimi i kontratës me trajnerin e ri. Kontrata që do t'i afrohet trajnerit të ri të stolit kuq e zi, do të jetë për një afat dyvjeçar (2006 -2008).

Sporti Shqiptar

[AlbaneZ]

Arben Fagu: Kjo është kombëtarja ime


Kur sapo ka marrë detyrën e trajnerit të skuadrës së përfaqësueses në basketboll për meshkuj, Arben Fagu, është i mendimit se basketbolli shqiptar është në momentet më të vështira. Dhe kjo deklaratë bëhet pikërisht përpara një evenimenti tepër të rëndësishëm ndërkombëtar, siç është kampionati europian i basketbollit, ndeshjet eliminatore të të cilit startojnë në fillim të muajit shtator.
Një gjë të tillë numri një i bankinës kuqezi e bazon edhe tek niveli aspak i mirë, ku ndodhet basketbolli sot.
Gjithsesi, trajneri i sapoemëruar në krye të kombëtares, tashmë ka një plan në kokë për kombëtaren e tij, që performancën e saj të parë me në krye Fagun do ta ketë pikërisht pas më pak se një muaji në ndeshjet eliminatore të europianit. Në këtë turne,ku merr pjesë edhe Shqipëria, e cila, ashtu si në edicionin e fundit, ndodhet në Divizionin B,kombëtarja shqiptare ra në grupin B, së bashku me Sllovakinë, Holandën, Bjellorusinë dhe Anglinë. Një short që e vendos kombëtaren kuqezi në një grup me 5 ekipe, ndeshjet e para eliminatore të të cilit do të luhen në muajin shtator të këtij viti dhe ato të kthimit në muajin shtator të vitit 2007. Me përjashtim të kombëtares bjelloruse, shtetet e tjera janë të panjohura për ekipin tonë kuqezi, ku Holanda, Sllovakia dhe Anglia mbeten për t'u parë dhe u ndjekur me kujdes nga trajneri Fagu. Shqipëria do të nisë aventurën europiane më datën 6 shtator në Tiranë,ku përballë saj do të jetë rivalja më e fortë në grup,Bjellorusia. Duke i bërë një prognozë grupit ku ndodhet Shqipëria, Fagu komenton se të gjitha ndeshjet do të jenë të vështira dhe që synimi kryesor është që të fitohen të gjitha ato që do të zhvillohen në fushën tonë. Por përfaqësimi i ekipit tonë në këto ndeshje argumentohet nga trajneri i lidhur dhe me situatën në të cilën ndodhet basketbolli. Sipas tij, një pjesë e mirë e basketbollistëve vijnë pas një periudhe të gjatë pushimesh dhe koha për t'u përgatitur për këtë eveniment është shumë e shkurtër. I pyetur se tek cilët lojtarë do të mbështetet ai, trajneri Fagu do të përgjigjej: "Loja e skuadrës në këtë europian do të mbështetet tek të njëjtët lojtarë, me të cilët u përfaqësuam në Kupën e Promocionit. Megjithatë, do të dëshiroja që në skuadrën kombëtare të ishin dhe lojtarë të tjerë, si: Ndoi që luan në Itali, Kotrri (Zvicër) apo Luca (Kosovë). Janë basketbollistë cilësorë, të cilët mund ngrenë dukshëm nivelin e skuadrës kombëtare". Por që të arrihet kjo, trajneri i sapoemëruar në krye të kombëtares kërkon dhe mbështetje të fuqishme nga federata e basketbollit. "Nga ana e Federatës kërkoj sigurimin e të gjitha kushteve të ekipit kombëtar gjatë procesit stërvitor që do të zhvillojmë në ditët e ardhshme. Ky do të ishte një hap i parë mjaft pozitiv"- përfundon trajneri i kombëtares shqiptare në basketboll për meshkuj, Arben Fagu.


Sporti Shqiptar

[AlbaneZ]

Me 13 gusht, kombëtarja në Pogradec

Skuadra kombëtare në basketboll për meshkuj do të niset me datë 13 gusht, në qytetin e Pogradecit, ku do të qëndrojë deri me datë 20 gusht për të kryer fazën e fundit përgatitore. Më pas, kuqezinjtë, të drejtuar nga trajneri i sapoemëruar, Arben Fagu, do të akomodohet në qytetin e Durrësit deri në ditën e ndeshjes kundër përfaqësueses të Bjellorusisë, e cila do të zhvillohet me datën 6 shtator, në pallatin e sportit "Ramazan Njala", të qytetit të Durrësit. Ditët e qëndrimit në qytetin e Pogradecit, skuadra kuqezi do të zhvillojë disa ditë përgatitje, që do të shoqërohen dhe me zhvillimin e një ndeshje miqësore me një ekip maqedonas në prag të ndeshjeve të vlefshme për Kampionatin Europian. Ndërkohë, këto ditë do të zyrtarizohet edhe stafi i zgjedhur nga trajneri i kombëtares, Arben Fagu.


Sporti Shqiptar

[AlbaneZ]

Basketbollistët, bojkot kombëtare

Basketbollistët e grumbulluar të ekipit kombëtar kanë refuzuar të zhvillojnë seancat stërvitore të ditës së djeshme. Sipas vetë trajnerit të ekipit kombëtar në basketboll për meshkuj, Arben Fagu, në seancën e paradites së djeshme, kanë marrë pjesë vetëm gjashtë basketbollistë, ndërkohë që 14 prej tyre luajnë në kampionatin shqiptar; këta nuk janë paraqitur në stërvitje në shenjë proteste ndaj Federatës së Basketbollit, e cila ende nuk i ka shpërblyer për përfaqësimin e tyre në Kupën e Promocionit. Numri 1 i stolit kuqezi, Arben Fagu, duke folur për gazetën Sporti shqiptar, komenton vendimin e djeshëm të basketbollistëve të thirrur prej tij.
"Një pjesë e basketbollistëve kanë refuzuar të marrin pjesë në seancat e djeshme stërvitore. Një nga arsyet që i ka shtyrë drejt këtij vendimi është, që federata nuk i ka shpërblyer për pjesëmarrjen në ndeshjet e Kupës së Promocionit, e cila u zhvillua në muajin qershor në qytetin e Durrësit. Kjo protestë e tyre mund të përshkallëzohet edhe në ditët në vazhdim, deri sa federata të vendosë për shpërblimin e tyre."-thotë Fagu. Janë 14 basketbollistë që aktivizohen me ekipet e kampionatit shqiptar, të cilët së bashku kanë marrë vendimin për të bojkotuar ekipin kombëtar që po përgatitet për ndeshjet eliminatore të Kampionatit Europian të Basketbollit. Që në ditën e parë të grumbullimit të ekipit kombëtar, basketbollistët kanë kërcënuar me bojkot, nëse federata nuk do të merrte vendimin për shpërblimin e tyre. Por, duket se indiferenca e federatës, e justifikuar në këtë rast me faktin që drejtuesit kryesorë të saj janë më pushime, i ka revoltuar së tepërmi ata, deri në marrjen e këtij vendimi, që për vetë momentin e papërshtatshëm, në të cilin merret, mund të quhet "ekstrem".
Vetë basketbollistët shprehen se janë revoltuar për faktin se nga vetë federata kishin marrë premtimin që shpërblimet e tyre do të jepeshin që javën e shkuar, por me sa duket, ata nuk kanë mundur të suportojnë situatën e krijuar, ndaj dhe vendimi për të bojkotuar seancën stërvitore ka qenë i pashmangshëm një ditë pas përfundimit të afatit të fundit. Asnjë nga basketbollistët nuk ka pranuar të prononcohet publikisht për situatën e krijuar, duke lënë të kuptohet se një gjendje e tillë do të vazhdojë dhe në ditët në vijim. Aktualisht, kombëtarja e basketbollit nuk është në aktivitet, deri sa të kthehen nga pushimet drejtuesit e Federatës së Basketbollit për t'i dhënë zgjidhje këtij problemi.
Spiro Leka: Nuk kam nënshkruar për ekipin kombëtar"
Një nga bashkëpunëtorët më të afërt të trajnerit të ekipit kombëtar, Spiro Leka, konfirmoi dje paradite, se ende nuk ka firmosur kontratën me Federatën e Basketbollit për postin e zv.trajnerit të ekipit kombëtar. Ish-basketbollisti i skuadrës së Partizanit, rreth viteve '85, i është bashkuar ekipit kombëtar të dielën në mbrëmje. "Ende nuk kam vendosur, nëse do të jem në rolin e zv.trajnerit të ekipit kombëtar. Për një gjë të tillë do të vendos me datën 18 gusht, kur të zhvilloj dhe një takim me presidentin e federatës së basketbollit, Dritan Çela. Në këtë takim do të vendos nëse do të nënshkruaj apo jo kontratën. Problemi nuk shtrohet që të firmos vetëm për këto ndeshje, por kontrata, nëse do të nënshkruhet duhet të jetë afatgjatë." Ish-basketbollisti i njohur, që është në prag të nënshkrimit të kontratës, për të qenë asistent me një nga skuadrat italiane të kampionatit superior A1 Lotomatica, shprehet se skuadra kombëtare duhej të ishte grumbulluar më shpejt, në mënyrë që në ndeshjet eliminatore të arrinte formën optimale.

Asnjë miqësore për ekipin kombëtar të basketbollit
Asnjë nga federatat homologe të Greqisë, Turqisë dhe Maqedonisë nuk ka konfirmuar zhvillimin e një miqësoreje me ekipin tonë kombëtar që po përgatitet për eliminatoret e Kampionatit Europian. Vetëm pak javë nga ndeshja e parë, e vlefshme për europianin e basketbollit, ekipi ynë kombëtar nuk do të ketë asnjë mundësi të testojë veten. Për këtë qëllim ka dështuar dhe udhëtimi i tyre drejt qytetit të Pogradecit, i cili siç pat deklaruar dhe vetë trajneri Fagu, do të bëhej vetëm në rast se federata siguron një ndeshje miqësore. Sipas trajnerit të skuadrës kombëtare, Arben Fagu, javën e ardhshme, ekipi kombëtar mund të niset në qytetin e Durrësit, aty ku do të zhvillohet dhe ndeshja e parë e vlefshme për eliminatoret e europianit

Sporti Shqiptar

[AlbaneZ]

Kombëtarja, nis java e të vërtetave

Pasi 2 javësh përgatitje, ekipi kombëtar i basketbollit do të përballet këto ditë me mjaft dilema rreth së ardhmes së tij. E para ka të bëjë me bojkotin e basketbollistëve, të cilët kanë caktuar 23 gushtin datën e fundit të përgjigjes nga ana e kryesisë së plotësimit të kërkesave të tyre. Fillimisht, disa nga anëtarët bënë 1 ditë bojkot, por më pas ata takuan presidentin e FSHB-së, Dritan Çelaj, i cili premtoi se do të bënte maksimumin që të plotësoheshin kërkesat e tyre. Kjo riktheu qetësinë te kombëtarja dhe vazhdimin normal të punës nga ana e stafit drejtues. Po këtë javë pritet dhe përgjigjja përfundimtare e mbërritjes apo jo në ekipin kombëtar e basketbollistëve kosovarë, të cilët priten dita-ditës e që ende nuk i janë bashkuar grupit ekzistues. Edmond Azemi mund të jetë i pari që të vijë në Tiranë (ndoshta që sot), ndërsa pjesa tjetër mund t'i bashkohet ekipit në Kosovë, në turneun që kombëtarja do të zhvillojë atje në fund të kësaj jave. Një tjetër dilemë do të jetë paraqitja e ekipit tonë kombëtar në ndeshjen miqësore që do të zhvillojë më 24 gusht në Strugë, ku do të luajë ndaj kombëtares maqedonase. Aty do të shihet nga afër puna e kryer gjatë këtyre dy javëve si dhe do të riparohen gabimet e vërejtura.
Pra, një javë e ngjeshur për ekipin tonë kombëtar, që përgatitet për të përfaqësim sa më të mirë në eliminatoret e Kampionatit Europian "Spanjë 2007". Siç dihet, Shqipëria ndodhet në grupin A të divizionit B, ku rivalë të kombëtares së drejtuar nga trajneri Arben Fagu janë Bjellorusia, Sllovakia, Anglia dhe Holanda. Aktualisht, nën drejtimit të stafit të kombëtares (Fagu-Leka-Shehu) janë 13 basketbollistë: Gerti Shima, Afrim Bilali, Sokol Kasmi, Dritan Mema, Vildan Mitku, Ardian Domi, Reinaldo Kacori, Erkand Karaj, Andrea Gjinaj, Erin Hasani, Orion Garo dhe Endrit Hysenagolli.

Sporti Shqiptar

[AlbaneZ]

Fagu: Të pretendojmë për fitore në fushën tonë

Kanë kaluar disa ditë nga starti i fazës përgatitore të ekipit kombëtar në basketboll për meshkuj, që në shtator do të marrë pjesë në eliminatoret e kampionatit europian, Divizioni B. Së bashku me kuqezinjtë, në grupin A janë edhe Bjellorusia (do të luajmë në Durrës më 6 shtator), Sllovakia (do të luajmë jashtë fushe më 9 shtator). Anglia (do të luajmë në Durrës më 13 shtator) dhe Holanda (do të luajmë jashtë fushe më 16 shtator). Trajneri i ekipit kombëtar, Arben Fagu, tashmë ka përcaktuar edhe stafin e tij, ku pranë kombëtares ndodhen edhe Bujar Shehu në rolin e drejtorit teknik dhe Pirro Leka në rolin e ndihmëstrajnerit. Ndërsa në stërvitje aktualisht ndodhen 12 basketbollistë që aktivizohen në kampionatin tonë, por që pritet t'u shtohen edhe lojtarët që aktivizohen në Kosovë. Për "Sportin shqiptar", trajneri Arben Fagu jep detajet e punës së kryer dhe objektivat për europianin.
- Ka përfunduar java e parë e përgatitjes së ekipit kombëtar. Çfarë gjendjeje gjetët te skuadra dhe si duket ajo tashmë, pas punës së kryer gjatë kësaj periudhe?
- Pas një pushimi 2-mujor të lojtarëve të kombëtares gjendja e tyre linte për të dëshiruar, ku vetëm dy lojtarë morën notën mjaftueshëm. Kjo është një pikë e dobët e ekipit kombëtar e mosplanifikimit të një pune gjithëvjetore apo disavjeçare. Ne do të përpiqemi gjatë kësaj periudhe që gjërat t'i vëmë në vendin e duhur, në mënyrë që ekipi kombëtar të jetë një institucion i rëndësishëm i federatës, ku ne të vijmë dhe të përfaqësojmë ngjyrat e ekipit tonë dhe mbi të gjitha të rritim nivelin e basketbollit shqiptar. Problemi i gjendjes është shumë i rëndësishëm dhe ne jemi përpjekur të mirorganizojmë punën që të zhvillojmë një fazë përgatitore sa më efikase, pasi koha është e pamjaftueshme. Ndërkohë që duhet punuar edhe për problemet tekniko-taktike, që janë shumë të rëndësishme, të harmonizojmë veprimet në grup dhe të arrijmë nivelin më të mirë fizik të mundshëm. Për këtë periudhë që ne flasim jam i kënaqur nga impenjimi i djemve, ndonëse kushtet dhe organizimi nga ana e FSHB-së ka pasur probleme.
- Përbërja e kombëtares ende nuk është e plotë, ku mungojnë lojtarët kosovarë. Sa ka ndikuar kjo në përgatitjen e ekipit?
- Mungesa e tyre ka ndikuar shumë, pasi ata janë përfshirë edhe në planifikimin që ne si staf drejtues kemi bërë për kombëtaren. Ata janë lojtarë që luajnë rol të rëndësishëm në aktivitetin e ekipit kombëtar, ndaj ne jemi përpjekur të vonohemi pak në veprimtarinë sulmuese, ku gjërat duhet të konkretizohen dhe të kuptohen mirë nga të gjithë. Ne jemi përpjekur që të paktën këta lojtarë që ndodhen aktualisht të jenë në gjendje që të kuptojnë filizofinë e lojës që duam të ndërtojmë. Natyrisht, hap pas hapi edhe strategjinë e lojës që do të përdorim në eliminatoret e europianit.
- Pas një mungese 2-vjeçare rikthehet në kombëtare Dritan Mema. Një lojtar me përvojë dhe me grintë si dhe një lider. Mos ndoshta këto gjëra kanë munguar dhe ekipi ka nevojë për një lojtar të tillë?
- Duhet të vlerësojmë faktin që Mema është një nga lojtarët kryesorë të kampionatit shqiptar dhe gëzon personalitetin e tij. Unë mendoj se ai vazhdon të jetë i rëndësishëm për ekipin kombëtar dhe dëshira e këmbëngulja e tij është vërtet për t'u admiruar, ky është një shembull edhe për këta lojtarë të rinj. Gjithashtu, unë mendoj se ai është i rëndësishëm jo vetëm në planin tekniko-taktik, por edhe atë psikologjik, ndaj prania e tij është e rëndësishme.
- Ende asnjë ndeshje miqësore e zhvilluar. Sa e shqetëson ky fakt trajnerin e një kombëtareje?
- Në fakt, kishim planifikuar që më 16 gusht (dje) të bënim një miqësore të parë, për të parë nga afër dobësitë që kemi, çfarë mund të rregullojmë në periudhën e mbetur. Por grumbullimi nisi me të papritura, në përgatitjen e lojtarëve, organizimin e punës, caktimin e trajnerit, thirrjen e lojtarëve me vonesë etj. Janë disa probleme që po përpiqemi t'i anashkalojmë, jo sepse nuk janë të rëndësishme, përkundrazi. Por ne i kemi vënë objektiv vetes që të bëjmë më të mirën e mundshme në këto ndeshje e më pas të ulemi dhe të bisedojmë.
- Rivalja e parë është Bjellorusia, me të cilën kemi humbur 2 herë në edicionin e fundit. Çfarë masash do të merren ndaj këtij ekipi si dhe ndaj kundërshtarëve të tjerë?
- Kemi zhvilluar dy ndeshje me Bjellorusinë, në të parën humbëm me 7 pikë në minutat e fundit në Tiranë, ndërsa tjetra qe një humbje e thellë me 58 pikë jashtë fushës sonë, ku ka brenda dhe problematikat e udhëtimit. Mendoj se skuadra në ndeshjet në fushën tonë duhet të ketë pretendime, të përpiqemi që jo vetëm të japim maksimumin tonë, por edhe të pretendojmë. Sporti është i tillë që, nëse përpiqesh të bësh më të mirën tënde, edhe mund t'ia arrish qëllimit që të fitosh. Një humbje e thellë si ajo ndaj Bjellorusisë është demoralizuese, por unë kam besim te dëshira e skuadrës, gatishmëria e saj. Ne kemi lojtarë me karakter, që mund të arrijnë të krijojnë kushtet për të fituar.
- Stërvitja ka pasur edhe një ngërç gjatë kësaj jave, bojkotin e lojtarëve për probleme të mbartura. Si do ta vlerësonit këtë fakt?
- Është e vërtetë që këto ditë ekipi ka pasur disa shqetësime të mbartura që nga Kupa e Promocionit. Natyrisht, çdo lojtar i ekipit kombëtar duhet të fitojë statusin e tij, ku të ketë të drejtat dhe detyrimet që i takojnë. Kjo do të sillte një seriozitet edhe më të madh në ekip dhe në kërkesat që do të ketë edhe federata ndaj ekipit. Gjithashtu duhet parë edhe statusi i ekipit kombëtar, për detyrimet reciproke mes palëve pjesëmarrëse, të federatës, klubeve, shtetit, lojtarëve, pasi bëhet fjalë për ekipin kombëtar.

Kombëtarja, miqësore me Maqedoninë më 24 gusht
Pas shumë përpjekjesh është arritur që më datën 24 gusht kombëtarja e basketbollit të zhvillojë një ndeshje miqësore me përfaqësuesen e Maqedonisë. Ky takim do të zhvillohet në Strugë më 24 gusht, por pritet që kjo përballje të pasohet edhe me ndonjë ndeshje tjetër me ndonjë ekip maqedonas. Gjithashtu, në projektet e kombëtares mund të hyjë edhe një turne 3-4 ditor në Kosovë dhe ndonjë ndeshje e mundshme me ekipet kryesore të këtij kampionati. Këto janë ende në kuadrin e planifikimeve dhe e vetmja gjë e sigurt për momentin është miqësorja e 24 gushtit ndaj kombëtares maqedonase. Ky është testi i parë i kuqezinjve në prag të eliminatoreve të europianit 2007.

Sporti Shqiptar

[AlbaneZ]

Java II Kalendari dhe rezultatet

7 Tetor DJE

Meshkuj

Studenti Elbasani 78 72

Femra

Studenti Elbasani 92 57

SOT

Meshkuj

Valbona Teuta ora 11:00

Gjyqtare: Hasnjoku, Shqevi

Dinamo Skenderbeu ora 15:00

Gjyqtare: Bardhi, Gokaj

Pogradeci Tirana ora 13:00

Gjyqtare: Greva, Alimehmeti

Shkodra B Vllaznia ora 17:00

Gjyqtare: Shundi, Dumba

Apolonia Flamurtari ora 11:00

Gjyqtare: Cici, Shaqiri

Femra

Tirana Apolonia ora 17:00

Gjyqtare: Koci, Hoxhaj

Permeti Flamurtari ora 12:00

Gjyqtare: O.Kasmi, Shaqiri

Mati Luftetari ora 11:00

Gjyqtare: A.Kasmi,Lazimi

Skenderbeu DHL ora 12:00

Gjyqtare: Bekteshi,Hallaraj

[AlbaneZ]

Valbona “mbyt” dinamovitet
15 Tetor Valbona Dinamo 82 67

(25 13, 26 18, 17 19, 14 17)

Valbona: Bilali, Stevovic, Berisha, Pejic, Mitku/ Skonja, Gjonaj, E.Ismeti, Llazani, Ivezaj, Tr. A.Muhametaj

Dinamo: Serbo, Domi, Adhamidhi, Profka, Ndoja/Saliaga, Cane, Jakova, Ceni, Gjini, Tr. E. Carcani

Gjyqtare: A.Greva, D.Bardhi

Kur ka perfunduar takimi mes dy rivaleve te basketit shqiptar te ketij sezoni, Valbona e Dinamo, nga kampionet listen e pikeshenueve me te mire e kryesonte Afrim Bilali me 29 pike, i ndjekur nga Stevovic e Pejic, perkatesisht me 14 dhe 13 pike secili. Nderkohe nga ekipi dinamovit kryesonte Cane me 18 pike dhe pas tij vinin Ndoja me 14 pike e Domi me 11 pike. Megjithate, edhe pse pritej qe te kishte shume rivalitet ne kete takim dhe parashikohej te ishte ndeshja me e forte e javes se trete te kampionatit kombetar, nuk ka ndodhur keshtu. Valbona e ka arritur fitoren pa u ngjitur deri ne shkallen maksimale te harxhimit te energjive. Ne peseshen e pare me te cilen kampionet e nisen lojen, kishin tre lojtare te huaj, dy malazezet Stevovic e Berisha dhe boshnjaku organizator Pejic, nderkohe qe shqiptare ishin kapiteni Afrim Bilali e Vildan Mitku, i cili, per arsye demtimi gjate periodes se dyte, u detyrua te ulej ne stol. E ne dhjete minutat e para, pas “perurimit” te bere nga Bilali me nje gjuajtje per dy pike, kampionet shenuan 25 pike, duke u dhene mundesi dinamoviteve te arrinin deri te pika 13. Me te njejtin ritem u zhvilluan edhe dhjete minutat e dyta, kur serish blute, edhe pse kerkonin te rivalizonin, nuk e arrinin dot atje ku duhej. Keshtu ne fund te pjeses se pare ne tabele ishin shifrat 51 31 ne favor te kampioneve. Gjithsesi, edhe pse ne minutat e pjeses se dyte pati “luhatje”, fati i lojes nuk ndryshoi dhe fitorja perfundimisht i takoi Valbones, 82 67.

[AlbaneZ]

Teuta Partizani 96 104

15 Tetor (17 25, 27 25, 29 30, 23 24)

Teuta: Abrazhda, Aliaj, Imaj, Berberi, Dauti/ Fortuzi, Goxhi, Gjika, Cubaj, Luca, Tr. A.Terihati

Partizani: Hysenagolli, Mema, Sota, Kuqo, Topi/ Daci, Isaku,Taleli, Xheka, Hysa, Tr. A.Fagu

Gjyqtare: A.Kasmi, T.Hasnjoku

Teuta kerkonte te sfidonte Partizanin ne fushen e saj, ndersa Partizani kerkonte te riparonte humbjen ndaj Tiranes. Perioda e pare nisi e shpejte dhe vendasit kryesuan deri ne 7 2. Me pas dy barazime 7 7, 11 11 dhe pas 5' Partizani mori kryesimin, duke mbyllur perioden e pare ne favor te tij 25 17. Ne te dyten rezistenca e durrsakeve rritet dhe ata e fitojne ate 27 25, duke e cuar rezultatin e pergjithshem te pjeses se pare, 50 44 per Partizanin. Ne fillim te periodes se trete Teuta shenon 6 pike, duke vene ne balance te plote lojen. Shtatlarti Hyesenagolli udhehoqi sulmin partizanas duke i dhene ekipit te tij nje avantazh prej 8 pikesh. Por Aliaj, Berberi, Goxhi, Dauti dhe Cubaj ishin ne nje dite te mire. Partizani kerkoi te mbaje inisiativen, nderkohe qe Teuta reagon duke shpresuar per kthimin e lojes ne favor te saj. Megjithate, te dy ekipet u dalluan per saktesi te larte ne gjuajtjet per tri pike. Ekipi udhetues kishte epersi ne shtatlartesi, element qe e shfrytezoi me sukses. Edhe perioda e katert ngjasoi me te tjerat. Partizani, duke e fituar ate 24 23, mbylli krejt takimin me shifrat 104 96. Duhet thene se takimi ishte i bukur dhe e ruajti interesin e te pranishmeve deri ne fund, por te dyja skuadrat dje bene nje paraqitje me te mire se ne sezonin e kaluar. Bujar Qesja

[AlbaneZ]

Djemte e Avramit “dorepaprishur”
14 Tetor Tirana Apolonia 107 67

(31 15, 27 11, 29 20, 20 21)

Tirana: Kasmi, Karaj, Begaj, Hasani, Fl.Ismeti/ Shehu, Vogli, Pashaj, Jani, Disha, Tr. R.Avrami

Apolonia: Profka, Naci, Prifti, Qorraj, Gjylameti/ Furxhiu, Robaj, Stoja, Sauli, Kola, Tr. A.Kasa

Gjyqtare: T.Hasnjoku, J.Gokaj

Takimi i meshkujve Tirana Apolonia dje ne oren 17:00 ne sallen e lojrave “F.Hoti” ne kryeqytet ka hapur serine e ndeshjeve te javes se trete te kampionatit kombetar te basketbollit. Bardheblute ne kete ndeshje vinin pas dy fitoreve, ndersa fieraket pas nje humbjeje dhe nje fitoreje. Skuadra e Apolonise nuk mund te pretendonte te dyfishonte suksesin ndaj nje ekipi si Tirana, qe kete sezon duket se do te jete nder pretendentet kryesore per fitimin e trofeve, se bashku me kampionet dhe dinamovitet. Por takimi qe ka celur javen e trete eshte fituar lehtesisht nga lojtaret e trajnerit Roland Avrami. Qe ne minutat e para tekniku bardheblu ka aktivizuar me te miret e tij per te krijuar diferencen e nevojshme ne shenimin e pikeve dhe per te aktivizuar me tej edhe lojtaret e rinj. Keshtu titullaret: Kasmi, Erkand Karaj, Begaj, Hasani e Florian Ismeti kane ndjekur me perpikmeri udhezimet e teknikut duke justifikuar plotesisht besimin e tij. Nga ana tjeter tekniku i ri fierak, pasionanti Artur Kasa ka kerkuar te debutoje me dinjitet perballe nje skuadre me pervoje dhe elitare ne basketbollin shqiptar si Tirana. Peseshja ne perberje te se ciles fillimisht ishin: Profka, Naci, Prifti, Qorraj e Gjylameti dhane maksimumin, me deshiren per te arritur te paraqiteshin ne fushe si te barabarte. Loja e tyre pati nje ngritje niveli ne minutat e pjeses se dyte, sidomos ne dhjete minutat e periodes se katert, kur nga ana e bardhebluve u aktivizuan edhe lojtaret e stolit. Perfundimisht, kur gjyqtaret e takimit, Hasnjoku e Gokaj sinjalizuan fundin e ndeshjes, lojtaret e Tiranes kishin fiksuar ne tabele numrin e pikeve me tri shifra 107, tri pike me shume se ne ndeshjen e javes se dyte ne Pogradec, nderkohe qe fieraket kishin mbetur te distancuar me 40 pike.