FC Real Madrid

[Davius]

Pasi është konfirmuar pjesëmarrja e Milanit në Champions, bëhet më e pamundur "pista" Kaka për "merengesit"

Reali dorëzohet: Kaka nuk vjen!

Drejtori teknik i Realit të Madridit, Predrag Mijatoviç, ka pranuar: "Pjesëmarrja e Milanit në Ligën e Kampioneve na ka komplikuar planet tona për Kakanë". Një brazilian që vendos të qëndrojë te Reali i Madridit, dy të tjerë që komunikojnë në distancë me anë të internetit dhe njëri prej tyre u jep mediave përmbajtjen e bisedimeve. Roberto Karlos ka zgjedhur Realin e Madridit edhe për një tjetër sezon, duke refuzuar ofertat e anglezëve të Çelsit dhe të turqve të Fenerbahçesë. "Në rolin e tij është më i miri në botë, tha Fabio Kapelo. Jam i lumtur që ka vendosur të qëndrojë këtu". "Opinioni i familjes sime pati shumë rëndësi", - deklaroi ish-interisti. Braziliani dëshironte edhe dy vite të tjera kontratë, por është në fuqi klauzola që thotë se për të rinovuar kontratën për sezonin 2007 08, Roberto Karlos duhet të luajë të gjithsej 34 ndeshje, në të gjitha kompeticionet që Reali do të luajë në këtë sezon.

Blerje të tjera. Drejtori teknik, Mijatoviç, dje ka komunikuar me shtypin duke folur vetëm pak: "Do të mbërrijnë lojtarë të tjerë, por duhet të jemi të qetë. Kaka? Nuk kemi biseduar akoma me Milanin. Fakti që ata do të luajnë në Ligën e Kampioneve, i ka komplikuar shumë planet tona për transferimin e tij. Të shikojmë se çfarë mund të bëjmë në ditët në vazhdim, por ne dëshirojmë lojtarë që mund të luajnë në çdo kompeticion". Përkthimi: Nëse Kaka do të luajë me Milanin në ndeshjen paraeliminatore të Ligës së Kampioneve, Reali i Madridit do të tërhiqet nga përpjekjet për të fituar shërbimin e brazilianit. Milanisti pardje ka komunikuar në "chat" me mikun e tij të përfaqësueses, Sisinjon: "I kërkova nëse lajmet e publikuara për të janë të vërteta, por preferoi të mos më thoshte gjë. Unë do të isha shumë i gëzuar nëse ai do të vinte këtu, pasi janë të paktë lojtarët me cilësitë e tij. Çdo lojtar ka dëshirë të luajë në një skuadër të madhe siç është Reali i Madridit dhe Kaka nuk bën përjashtim". "Dëshiron Madridin", kjo frazë hapte faqen e parë të së përditshmes spanjolle "AS", megjithëse Sisinjo ka konfirmuar se Kaka nuk i ka thënë asgjë. Dje Reali ka zhvilluar një ndeshje miqësore në prag të fillimit të sezonit të ri me italianët e Rexhinës. Duket se pas pranimit të Milanit në Champions, shpresat për të fituar shërbimin e Kakasë janë zbehur së tepërmi.

[Davius]

Real Madrid fillon turneun e tij ne SHBA!

Ne foto shihet Cannavaro pas arritjes ne token e 'premtuar' amerikane. lol

Ndersa imazhi tjeter eshte lista e lojtareve te cilet kane shkuar ne Amerike, ndersa: GRAVESEN, DIOGO, RUBÉN, BORJA dhe PORTILLO nuk jane ne kete liste, qe dmth-ne se keto do te jene ne transfe-liste per kete vit!

[Davius]

Trajneri i "merengesve", Fabio Kapelo, është shprehur i kënaqur me progresin e skuadrës 07-08-2006

Kapelo, i kënaqur nga ecuria e skuadrës

Faza përgatitore e Realit po rezulton mëse e kënaqshme. Pas takimit miqësor, ku madrilenët mundën Rexhinën 1-0, dhe pas mbarimit të turit në Austri, Fabio Kapelo ka deklaruar se është shumë i kënaqur me sjelljen e lojtarëve: "Ata luftuan dhe e vunë në rrezik disa herë kundërshtarin. Terreni nuk ishte në gjendje të mirë për të luajtur ftuboll. Skuadra bëri atë që mundi. Përveç gjendjes së rënduar të terrenit të lojës, pjesa e parë ishte më e mirë, sepse lojtarët që luajtën, ishin stërvitur më shumë në këtë fazë parapërgatitore. Ata që janë bashkuar në momentet e fundit kanë disa probleme, por unë kam thënë gjithmonë që këto miqësore nuk janë teste, por seanca stërvitore dhe duhet të jemi më shumë të duruar.

Të presim pak më gjatë për të arritur deri aty, sa të japim konkluzione. Është normale që këmbët nuk do të përgjigjen siç duhet kur je i lodhur. Në debutimin e tij me fanellën e re, Van Nistëlroi ishte shumë i qetë, ashtu si lojtarët që u hodhën në fushë pjesën e dytë. Lajmi më i keq është se Guti u dëmtua në dorë. Ai do të ketë mudësinë për t'u stërvitur, por të luajë në një ndeshje çfarëdo, do të jetë e vështirë. Duhet të presim dhe të shikojmë se çfarë do t'i thonë të nesërmen në spital. Ne fituam, por dua të përsëris se pjesa e parë ishte më e mirë se e dyta. De la Red po luan në të njëjtin nivel me pjesën tjetër të lojtarëve.

Në këtë moment nuk kemi shumë lojtarë, kështu që ai po luan, sepse është një futbollist me shumë cilësi. Së shpejti do të marrim vendimin nëse ai do të vazhdojë të jetë në skuadrën e parë. Kasano, Raul dhe Guti... Pashë një skuadër gjatë pjesë së parë. Kam punuar me këto dy skuadra të ndryshme në stërvitje dhe insistoj se të dyja janë të mira nëse luajmë futboll të shpejtë dhe nëse do të mbajmë një gjendje të mirë fizike për të përballuar kampionatin dhe kompeticionet e tjera.

Tani duhet të rikthehemi përsëri në Madrid, por duhet të vazhdojmë të stërvitemi me të njëjtat nivele. Do të zhvillojmë dy seanca stërvitore në ditë. Në këtë mënyrë, lojtarët që luajtën në botëror, do të arrijnë në nivelin e të tjerëve dhe do të jenë të maksimum kur të fillojë kampionati. Nuk mund të nxjerrim konkluzione nga ndeshje të tilla, por dua të nënvizoj se jam i kënaqur nga puna që kanë zhvilluar lojtarët. Pashë një skuadër që luftoi fort dhe u mundua ta vendosë në vështirësi kundërshtarin. Mendoj se duhet të presim edhe dy muaj për të qenë të aftë për të gjykuar për gjendjen e lojtarëve". Kapelo e ka përcaktuar fazën parapërgatitore të kaluar në Austri, si të suksesshme.

[Davius]

Rejes, më afër Madrci se Londrës!

Venger nuk e ka aktivizuar Rejesin në ndeshjen e Ligës së Kampioneve ndaj kroatëve të Dinamos së Zagrebit dhe i ka dhënë dritën jeshile Realit të Madridit për të firmosur me spanjollin. Drejtori teknik i Arsenalit, Dejvid Dein, ka deklaruar se nuk mund ta obligonte trajnerin Arsen venger për mos ta aktivizuar Rejesin. Një fakt është i qartë, nëse Rejes do të luajë qoftë edhe një ndeshje të Ligës së Kampioneve me Arsenalin, atëherë Reali nuk do të ishte më i interesuar për lojtarin. Fabio Kapelo ka shfaqur interes për lojtarin e krahut të "topçinjve" për të forcuar krahun e majtë të sulmit të skuadrës. Rejes ose Rejes, nuk ka opsione të tjera. Biseda mes drejtorit teknik të Arsenalit dhe Predrag Mijatoviçit duket se ka qenë shumë frytdhënës dhe ka përshpejtuar disi zgjidhjen e çështjes Rejes.Nëse operacioni do të vazdhojë me shpëjtësinë që Reali i Madrdidit ka ëprcaktuar, atëherë Rejes shumë shpejt do të jetë pranë Realit. Arsenali vazhdon të insistojë se 15 milion euro janë pak për një lojtar si Rejes dhe ka kërkuar 22,5 milionë euro për kartonin e tij. Megjithatë "topçinjtë" janë të ndërgjegjshëm që lojtari ka dëshirë të largohet nga Londra drejt Madridit.

[Davius]

Kalderon-Mijatoviç, "zënka" per talentin!

Drejtori i ri teknik i Realit, Predrag Mijatoviç, e ka vendosur veten në pozitë të vështirë përballë presidentit të Realit, pasi ka rënë dakort për të shitur lojtarin e shumë vlerësuar të të rinjve të Realit, Hurado, te rivalët e qytetit Atletiko Madrid. Presidenti i Realit, Ramon Kalderon, tha se është përpjekur të anullojë marrëveshjen që Mijatoviç kishte arritur me Atletikon. Mijatoviç kishte rënë dakkort për ta shitur 20 vjeçarin për 3 milionë euro. "Kur morra vesh që Hurado po shitej tek Atletiko i Madrdit menjëherë telefonova Mijatoviçin për të anulluar operacionin, - tha Kalderon për "Marca". -

Nëse do të paguanin një shumë prej 10 milionë eurosh për "diamantin" e skuadrës tonë të të rinjve, atëherë mund të pranonim, por për tre milionë nukarrin asgjë dhe për respekt të tifozëve tonë, nuk mund ta pranojmë diçka të tillë". Atletiko ka rënë dakord me kërkesën e Realit, për ta shtyrë disi prezantimin deri në javën e ardhshme, por thuhet që transferimi është përmbyllur. "Çështja është shumë e qartë, - tha presidenti i Atletikos, Miguel Angel Gil Marin. - Drejtorit teknik të Realit i ishte dhënë peshteti për të negociuar me ne dhe ne ramë dakordt pr çmimin, kushtet. Hurado tashmë është i yni".

[Davius]

Reali mbreme ka luajtur ndeshje kontrolluese me ekipin Dunde UTD dhe ka barazuar 1:1. Golin per madrilenet e shenoi Cassano!

1 - D.C. United: Perkins; Namoff, Boswell, Erpen, Cros; Gómez (Dyachenko, m.82), Olsen (Walker, m.76), Carroll, Adú; Eskandarian (Simms, m.76) dhe Moreno.

1 - Real Madrid: Iker Casillas (Diego López, m.46); Salgado, Woodgate (Cannavaro, m.46), Sergio Ramos (Helguera, m.80), Roberto Carlos (Raúl Bravo, m.65); Emerson, De la Red (Pablo García, m.46), Beckham (Cicinho, m.46); Raúl (Baptista, m.65), Cassano (Robinho, m.46) dhe Van Nistelrooy (Balboa, m.75).

Golat: 0-1, m.21: Cassano. 1-1, m. 25: Eskandarian.

Sekuencat dhe golat e takimit

[Davius]

Antonio Kasano ka folur me superlativa për trajnerin italian dhe tregon dëshirat për sezonin e ri 10-08-2006

Kasano, "thur elozhe" për Kapelon!

Pas sezonit më të vështirë të karrierës së tij me lamtumirën që i dha Romës dhe me nënshkrimin me "gjigantët" e Realit të Madrdit, Antonio Kasano po projekton "rikthimin në skenë". Talenti nga Bari është i sigurt që në ndihmë të tij do të jetë edhe Fabio Kapelo: "Është një person që ka besim tek unë tha ai Nuk do të thotë që do të jem titullar, por së paku do të kem vëmendjen e duhur". Në fund vijnë këshillat e nevojshme: "Duhet të vrapoj dhe të bëj disa sakrfica". I zhdukur, i harruar, mbase pak padrejtësisht, për tu marrë në konsideratë, megjithatë, mbetet akoma talenti më i madh që futbolli italian ka prodhuar në vitet e fundit, Antonio Kasano është i gatshëm të riniset edhe një herë pasi ka lënë pas një vit pa asgjë për tu nënvizuar, nga "Zënkat" te Roma deri tek pjesa e dytë e sezonit të dështuar me Realin e Madrdit. E gjithë kjo i kushtoi shumë Antonios, duke mos u grumbulluar nga Lipi në botëror, por talenti i Barit është i gatshëm për tu rikhtyer edhe një herë duke patur edhe një krah të fortë pranë tij, ish trajnerin Fabio Kapelo.

Duke e ditur që nuk mund të gabjë përsëri, Antonio do të përpiqet të rikuperojë pseudonimin e tij "Fantantonio" për mos tu quajtur më "Gordito", i vënë nga shtypi spanjoll për shkak të kileve të tepërta të fituar gjatë sezonit të kaluar. Ish romanisti është i ndërgjegjsëhm për gjëndjen e tij dhe ka deklaruar: "Real ka një karakteristikë tepër të veçantë. Nëse luan mirë, nëse vrapon shumë dhe nëse punon shumë, tifozat e dinë se herët a vonë do të rikthehet cilësia. Santiago Berbabeu dëshiron të shikojë kur sakrfikohesh, dëshirojnë që lojtarët të dalin nga stadiumi të djersitur". Me entuziazmihn e rifituar, fantazisti hedh vështrimin në sezonin që pritet të fillojë: "Në këto momente ekziston një person që ka shumë besim tek unë, Fabio Kapello vazhdoi Kasano Kjo nuk ka nënkuptimin që unë nuk do të kem probleme për të qënë titullar, por vetëm sepse jam kënaqur që ka besim tek unë". Mbërritjen e Kapelos në stolin e madrilenëve Kasano e ka konsideruar si optimale për të shpehur të gjitha potencialet e tij:

"Kjo për mua është shumë e rëndësishme. Kur u transferova këtu, në janar, nuk ishte në gjëndje të mirë fizike. Pastaj një tjetër faktor ishin diferencat mes futbollit në Itali dhe futbollit që luhej këtu, madje edhe mbërritja në një klub ndryshe nga Roma". Mbi objektivat e të ardhmes me skuadrën: "Këtë vit Reali mudn të fitojë diçka, këtë e them sepse skuadra është shumë e bashkuar. Kemi shumë kualitete në skuadër dhe po përgatitetmi shumë mirë për sezonin e ri". Dhe në fund e mbyll me një elozh për trajnerin e tij: "Kapelo është trajneri më i mirë në botë, ka personalitet dhe është i duhuri për Realin e këtyre momenteve. Shpirti i skuadrës që na ka injektuar do të jetë deçiziv, sepse ekziston siguria e fitores". Sakrifica është fjala e vetme që i duhet Kasanos në këto momente.

[Davius]

Trajneri italian ka kërkuar që spanjolli të transferohet në "Santiago Bernabeu"

Kapelo kërkon me ngulm Rejesin

Trajneri i Realit të Madridit, Fabio Kapelo, ka thënë se do të jetë shumë i kënaqur nëse skuadra e tij do të arrijë një marrëveshje me Arsenalin, për të nënshkruar me sulmuesin e Spanjës, Hose Antonio Rejes. "Sipas mendimit tim, ai është një lojtar shumë i talentuar, - tha italiani për gazetën e përditshme "El Pais". - Ai është spanjoll dhe kjo ka një rëndësi të veçantë që duhet marrë në konsideratë. E njoh shumë mirë, sidomos kur luajti kundër Juventusit (në Champions) në sezonin e kaluar". Mediat spanjolle kanë deklaruar se drejtori teknik i Realit të Madridit, Predrag
Mijatoviç, ka qenë në Angli për të negociuar me londinezët, por që dy klubet akoma nuk kanë arritur në një marrëveshje për lojtarin spanjoll, sidomos për aspektin financiar.

Reali është i gatshëm të ofrojë ndërmjet 15 deri 18 milionë eurove, ndërsa Arsenali kërkon mbi 20 milionë euro për lojtarin e tij. Rejesi u bashkua me Arsenalin për një shumë prej 32 milionë dollarësh në janar të 2004-s. 22-vjeçari, i cili nuk ka hezituar të thotë se dëshiron të luajë me Realin e Madridit, është lënë në stol në ndeshjen e fituar 3-0 ndaj Dinamos së Zagrebit, sepse trajneri Arsen Venger ka menduar se ai mund të jetë i shpërqendruar nga fakti që dëshiron të firmosë me "merengesit". Vengeri ka thënë se ka shumë besim që Rejesi do të mbesë tek Arsenali, por lojtari është shprehur qartë dhe e ka shprehur dëshirën e tij për t'u larguar nga "Topçinjtë".

"I kam thënë klubit mendimin tim dhe shpresoj që çdo gjë të zgjidhet sa më shpejt nga të dyja palët, - tha ai për "Marca" ditën e martë. - Familja ime dëshiron që unë të rikthehem në Spanjë". Reali ka kryer tri blerje të reja në këtë prag të sezonit të ri, duke nënshkruar me fituesin e Kupës së Botës, Fabio Kanavaro, dhe mesfushorin e Brazilit, Emerson, nga Juventusi, gjithashtu edhe sulmuesin holandez Rud Van Nistëlroi nga Mançester Junajtid. Kapelo po e kërkon me ngul shërbimin e lojtarit spanjoll dhe mendohet që brenda disa ditësh, drejtori teknik i madrilenëve, Predrag Mijatoviç, të arrijë një marërveshje me trajnerin e Arsenalit, Arsen Venger. Megjithatë, deri në këto momente, aspekti i vetëm që ka penguar dy skuadrat për të arritur një akord, ka qenë vetëm shuma e parave që do t'i duhet Realit të derdhë në depozitën e londinezëve.

[Davius]

Atletico Madridi ka bërë një ofertë sensacionale duke ofruar Realit të Madridit, një shumë prej 3.5 milion eurosh, për shërbimet e José María Gutiérrez Guti-t! Por kjo ofertë u hodh poshtë shumë lehtë nga Presidenti i sapo zgjedhur madrilen Ramón Calderón, duke thënë se Guti për momentin nuk është në shitje!

[Davius]

Real Madrid mbreme ka vazhduar me ndeshjet miqesore ne kuader te turneut qe zhvillon ne SHBA. Mbreme madrilenet u ndeshen me ekipin e Salt Lake City-t dhe fituan me rezultat 0:2, ku golashenues ishin Van Nistelrooy dhe Robinho!


0 – REAL SALT LAKE: Garlick (Nolly 46´); Forko, Novak, Pope (Besagno 72´), Stewart; Talley (Cutler 88´), Balloouchy (Brown 83´), Klein (Knowles 72´), Sequeira; Cunningham (Watson 80´) dhe Kreis (Harris 46´).

2 – REAL MADRID: Casillas (Diego López 46´); Salgado (Raúl Bravo 61´), Sergio Ramos, Cannavaro (Woodgate 70´), Roberto Carlos (Pavón 81´); Emerson (Juanfran 85´), Pablo García (Javi García 46´), Cicinho (Beckham 46´); Raúl (Robinho 46´), Cassano (Robinho 46´) adhe Van Nistelrooy (Balboa 73´).

GOLAT:
0-1, min. 45: Van Nistelrooy
0-2, min. 64: Robinho

Golat mund t'i shikoni ketu:

http://www.youtube.com/watch?v=qKFoKArPSQ8
.