FC Real Madrid

[Davius]

Largohet me lot, një largim i dhimbshëm. Do t'i mungon botës së futbollit magjia e tij, driblimet e tij, vështirë se mund të zavendësohet, ky gjeni!

[Davius]

Baptista "shpëton" Realin në ndeshjen e fundit të "Zizusë" në Madrid. Lamtumira mes lotëve e një kampioni... 08-05-2006

"Bernabeu" në kor: "Mercy" Zidan!

Një gol në minutat e fundit nga Hulio Baptista i ka dhënë Real Madridit barazimin 3-3 në takimin dramatik të luajtur ndaj Vilarealit. Dy gola të brazilianit dhe një i shënuar me kokë nga Zidan i dhanë mundësinë "merengesve" të merrnin një pikë ndaj Vilarealit, që edhe mund të kishte fituar takimin, falë një Diego Forlani të papërmbajtshëm. Ndeshja e djeshme ishte e fundit për Zidanin në "Santiago Bernabeu". Një nga futbollistët më të mëdhenj në historinë e futbollit, mes lotëve, i dha lamtumirën Madridit.

"Zizu", tri herë "futbollisti i vitit", me fanellën e Realit fitoi gjithçka të mundshme, ashtu si me atë të kombëtares franceze. Pas barazimit 3-3, Reali ndodhet në kuotën e 70 pikëve në vendin e dytë, një më shumë se Valencia ndjekëse e cila barazoi 1-1 ndaj Atletikos.

[Vjosa]

TANI iKU zidani ke do marri Reali do zoti jo ndonje vari pocet por nje lojtar klasi te bej pune edhe jo lojtar me emer .Se me sa po shikoj kjo barca shume e ngriti hunden edhe s'me pelqe kjo vetem aman hiqini ata Brazilianet se jane cope cope

[niku-nyc]

Iku dhe Zidane megjithese ishte pak i vjeter ne moshe kur erdhi tek Reali por kontributi i tij ishte i madh!



Davius, ke lojtare ka Madridi ne liste per te blere ose planifikon ne vere per te zevendesuar largimin e Zidane?

[Davius]

Niku, ka disa zëra se në rradhët e Realit do të ketë një renovim në sulm dhe mesfushë, ku planifikohen disa blerje si:

Mesfushori brazilian, Senna, i Villarrealit, është një lojtar tepër punëtor dhe i duhur për një ekip. Mandej flitet për një blerje të mundëshme të mesfushorit francez Diarra, nga Lyon. Henry, është po ashtu një pikësynim i verës për kryesinë madrilene.

Flitet edhe për mbrojtësin rumun, Chivu që luan me Romën. Ka disa zëra se Abramovich i ka ofruar Realit portugezin Carvalhon dhe para, vetëm Reali të hiqet nga lufta për të marrë këtë lojtar, një ofertë shumë e lakmueshme kjo.

Cassano do të largohet me siguri, kjo është e sigurtë, Interi ka zgjuar interes, ku flitet për një shkëmbim Ronaldo + Cassano = Adriano.

Ka edhe shumë kombinacione tjera, por njëherë të gjithë mbeten vetëm thashetheme, asgjë konkrete...

[Davius]

....aman hiqini ata Brazilianet se jane cope cope

Nga një tip, Don't cry for me Argentina, është e logjikës të kërkohet të hiqen braziliant.

Po do të marrim argjentinas të tipit Riquelme me kopmani të na kënaqin krejt. hahaha hahaha

E din ti se unë kam pak gjak argjentinas, por kur i vëndojmë gjërat në peshore del se braziliant peshojnë më shumë, o Vjosë!

[Moltisanti]

Me ne fund legjenda Z/Z i dha lamtumire futbollit nje here e pergjithmone , te them te drejten eshte nje nga te paktet qe pa frike mund ta krahasoj me lojtar te kalibrit Krojf apo Maradona , pati nje karriere te mrekullueshme , mbetet nje profesionist i vertete si ne fushe ashtu dhe jashte fushe , vetem 33 vjeç vendosi ti jap fund futbollit kur kishte mundesi per me shume , nje shembull per Maldina e kostakurta e shume te tjere qe akoma besojne se jane 21 vjeç.

I urojme suksese ne boteror . Eshte kenaqesi te shohesh lojtar te tille ne fushat e blerta .

[webmasterpimi]

ReaL Ekip Qe E Dua Mas Shumti

Valla Lajm Shum i Keq Qe U Largua nga Futbolli Zidani

ReaL Madrid Forever

[niku-nyc]

Mandej flitet për një blerje të mundëshme të mesfushorit francez Diarra, nga Lyon.

Mendoj se blerja e Diarra do jet me e forta ne merkato per cdo ekip qe e kerkon ne qoftese Lyon e liron!

Diarra eshte blerja me e mire qe i duet Realit sepse eshte lojtar i ri, fizikisht i fort, dhe mban ekuilibrin e mesfushes dicka qe Realit i mungon! Zidane ishte i mire por mosha nuk e ndimote shume vet ate dhe ekipin! Guti nuk eshte lojtar aq i mire per te mbajtur mesfushen...


Pervec Diarra (po nuk e liroi Lyon), ke mendon se Reali duhet ose ke deshiron te blej (per mesfushen)?

[Davius]

Braziliani ka deklaruar se dëshiron të qëndrojë në skuadër, edhe pse gjithçka varet nga presidenti i ri

Ronaldo: Jam...dhe mbetem madrilen!


Monako interesohet për L.Karon

Huan Roman Lopez Karo, trajneri aktual i Realit të Madridit, i cili me shumë mundësi nuk do të jetë në këtë detyrë për sezonin e ardhshëm, është kërkuar nga Monakoja. Klubi francez duket se nuk do ta mbajë akoma trajnerin aktual Françesko Guidolin, pasi ekipi u rendit shumë keq në këtë sezon në kampionat.


Sulmuesi brazilian i Realit të Madridit, Ronaldo, ka deklaruar se do të vazhdojë të jetë pjesë e kësaj skuadre edhe më vonë. Ai ka siguruar se ky nuk do të jetë sezoni i fundit me madrilenët, gjithsesi më e rëndësishme për të tani është të mendojë për Kupën e Botës. Sulmuesi brazilian do të mungojë në përballjen me Seviljen, për shkak të një dëmtimi.

Shpresoni të jeni golashënuesi më i mirë në historinë e Kupës së Botës?

Normale, gjithsesi nuk është ajo që ka më shumë rëndësi për mua. Eshtë një nder nëse e arrij një gjë të tillë, por do të isha shumë i lumtur nëse do të fitoja Kupën e Botës. Ky do të jetë synimi im kur të shkoj në Gjermani.

Do të jeni sërish një futbollist i Realit të Madridit pas botërorit?

Sigurisht që po. Skuadra nuk është në gjendje shumë të qetë momentalisht dhe duhet të zgjidhet presidenti i ri. Unë kam një kontratë me Realin dhe për të ardhmen time do t'ju kthej përgjigje zyrtare pasi të flas me të. Gjithsesi, nuk ka asnjë arsye pse të largohem.

Po nëse nuk e keni vendin të sigurt në formacion?

Nuk e di. E kam thënë shumë herë që jam i kënaqur në Madrid. Dua të fitoj me Realin, por nëse njerëzit nuk më duan, atëherë nuk kam zgjidhje tjetër.

Si është dëmtimi juaj?

Në fakt, në fillim m'u duk më i lehtë. Por pashë se kërkon më shumë kohë. Gjithsesi do të vazhdoj të stërvitem në Spanjë dhe do të jem në formë shumë të mirë për Brazilin.

Çfarë është një nga gjërat që ju ka mbetur në mendje, këtu te Reali?

Stadiumi dhe përkrahja e tifozëve. Eshtë diçka magjike, e cila nuk ndodh në skuadra të tjera. Kur është stadiumi i madh, si "Santiago Bernabeu", e ndien shumë mirë veten. Më pas, rëndësi ka edhe përkrahja e fansave.

Mendoni se skuadra ka nevojë për përforcime?

Mendoj se shumë gjëra duhen përmirësuar dhe unë dua të ndihmoj sa më shumë, por për momentin vetëm nuk duhet të ketë polemika. Nuk më takon mua të flas për blerje të reja, por duhet të them se talenti në skuadër nuk mungon. Këtu duhet që të gjithë të luajnë në mënyrë kompakte. Në fakt, Reali i Madridit është i ndjekur edhe nga fati i keq. Shpresoj që mos të jetë në sezonin e ardhshëm, pasi ne duam të fitojmë sa më shumë.

Doni që Barcelona të fitojë Ligën e Kampioneve?

Unë nuk kam asnjë preferencë, por do të ishte gjëja më e mirë për shokët të mi.

Keni thënë që Vinsente del Boske ka qenë trajneri më i mirë që keni pasur.

Ai është një trajner i jashtëzakonshëm dhe te Reali ka dhënë maksimumin e tij. Ai e njeh në çdo detaj ekipin dhe ndaj ka arritur suksese me këtë skuadër.

Çfarë mund të thoni për shanset e Brazilit në botëror?

Statistikat janë në favorin tonë. Gjithsesi nuk është ashtu siç thuhet. Ka për të qenë shumë e vështirë, pasi janë shumë skuadra që kanë formuar një ekip të jashtëzakonshëm. Përveç kësaj, synimi ynë është triumfi.

Dhe si përfundim, si ndiheni kur qëndroni në stol?

Në fakt, kam qenë shumë herë në kushte jo të mira fizike. Te Reali asnjë person nuk e ka vendin të sigurt. Kur në stol kanë qëndruar futbollistë si Maradona dhe Pele, pse duhet të bëhet kaq tregjike tek unë?!